Onlíner па-беларуску

21 Feb 2024 11:03

«Луч» ізноў паказвае прыгожае.

Гэтым разам брэнд выпусціў лiмiтаваную серыю гадзіннікаў у рамках калекцыі «Мова».

Першапачатковыя мадэлі 2019 года былі прысвечаны гукам [дз’] і [дж]. Зараз на цыферблатах можна пабачыць склады «жы» і «шы».

Перадзаказ лімітаванай серыі гадзіннікаў у рознічных магазінах стартуе сёння, а з 23 лютага заказаць навінкі можна будзе ў інтэрнэт-магазіне.

Onlíner па-беларуску

21 Feb 2024 07:15

«Засвоіла беларускую, каб разумець сяброў». Гісторыі замежнікаў, якія вывучылі нашу мову.

Сёння па ўсім свеце адзначаюць Дзень роднай мовы. З гэтай нагоды паразмаўлялі з людзьмі з Кітая, Расіі і Германіі і даведаліся, навошта яны вывучылі беларускую, як часта ёй карыстаюцца і якія словы прывялі іх у захапленне.

people.onliner.by/go/1100424

Onlíner па-беларуску

16 Feb 2024 13:54

Увага! Шукаем замежнікаў, якія вывучылі альбо вывучаюць беларускую мову.

Калі вы асабіста ведаеце гэтых людзей, напішыце нашаму журналісту @taras_zhdz, і мы раскажам іх гісторыю.

Onlíner па-беларуску

14 Feb 2024 16:35

Гэта Бабруйская крэпасць — адзін з самых грандыёзных фартыфікацыйных аб'ектаў у Беларусі.

Форты, бастыёны, капаніры, рвы з вадой — непрыступныя збудаванні цытадэлі займалі 120 гектараў. Усё гэта было пабудавана напярэдадні вайны з Напалеонам у 1812 годзе.

Нягледзячы на тое, што тут не вяліся актыўныя баі, гісторыкі вельмі задаволены роляй крэпасці ў вайне з французамі. Падчас чатырохмесячнай аблогі ў Бабруйску былі скаваныя значныя сілы супраціўніка.

Адразу пасля заканчэння вайны будаўніцтва Бабруйскай крэпасці працягвалася, але з цягам часу яна састарэла і страціла ваеннае значэнне, ператварыўшыся ў склад.

Ну а ў нашы дні фартэцыя, на жаль, закінутая і засмечаная. Калі захочацца пагуляць па яе казематах і галерэях, не забудзьцеся захапіць добры ліхтарык.

Onlíner па-беларуску

14 Feb 2024 09:40

🥳 Onlíner — 23 гады!

Дзякуй, што былі з намі ўвесь гэты час, спазнавалі сусвет (ад новых тэлефонаў у 2001-м да тонкасцей беларускай мовы ў 2024-м), дзяліліся сваімі перажываннямі і радасцямі.

Далей — болей!

Onlíner па-беларуску

07 Feb 2024 18:17

Правiльны адказ — майстэрня мінскага ГУМа. Тут робяць знакамітыя дэкарацыі для вітрын, якія абнаўляюцца раз на сезон. На фота можна пазнаць фігуры, якія стаялі ў вокнах універмага зімой 2019 года. Гэты праект мясцовыя дызайнеры зрабілі ў сааўтарстве з мастачкай Ганнай Сілівончык.

Onlíner па-беларуску

06 Feb 2024 12:09

Парыж, Весялуха і Панкі.

Карыстальнік TikTok пад нікам parushkevich падзяліўся здымкамі са свайго падарожжа па Беларусі.

Глядзіце, якія назвы сустракаюцца сярод нашых тапонімаў.

Onlíner па-беларуску

03 Feb 2024 15:02

«Аліварыя» сёння будзе паказваць прыгожае. І гэта не новы квас.

3 нагоды 160-годдзя кампанії гістарычны комплекс піваварні зменіць сваё аблічча з дапамогай тэхналогії 3D-мэппінгу.

Фасад ператворыцца ў экран, на якім адбудзецца трансляцыя светлавой праекцыі даўжынёю 160 секунд.

Час: 3 лютага з 18.00 па 21.30 (з кароткімі перапынкамі).
Адрас: вуліца Кісялёва, 30.

Onlíner па-беларуску

01 Feb 2024 15:36

І яшчэ трохі тэатра.

РТБД (тэатру беларускай драматургіі) сёння споўнілася 32 гады.

Чым ён адметны? Аснову рэпертуару – больш за 70% пастановак – складаюць творы беларускіх аўтараў. Усе спектаклі тэатра ідуць на беларускай мове.

Onlíner па-беларуску

31 Jan 2024 18:05

Гэта касцёл у Будславе. Фота былi зроблены ў лютым 2022-га, праз 9 месяцаў пасля вялiкага пажару.

Калi вы бывалi ў Будслаўскiм касцёле, то напэўна звярнулi ўвагу на дзiўную рэч. Сцены храма ўпрыгожаны калонамi, скульптурамi i алтарамi, але, калi трохi прыглядзецца, становiцца зразумела, што значная частка ўбрання — гэта ўсяго толькi насценныя роспiсы. Але як жа рэалiстычна яны перадаюць аб’ём!

Роспісам сцен касцёла, пабудаванага ў 1767—1783 гадах, займаўся майстар Казімір Анташэўскi. Ён выкарыстоўваў прыём аптычнай перспектывы, якi называецца trompe l'oeil, что ў перакладзе з французскай азначае «падман зроку». Радзімай такога насценнага жывапісу лічыцца Італія.

Onlíner па-беларуску

24 Jan 2024 16:26

Чорны манах і Белая панна — ну вядома, гэта Гальшанскі замак. У 2021 годзе для турыстаў адчынілі адноўленую Паўночную вежу. Частка музейнай экспазіцыі прысвечана легендам гэтага месца.

Легенда аб Чорным манаху апавядае, як просты хлопец пакахаў прыгажуню-князёўну, а тая адказала яму ўзаемнасцю. Каб пранікаць у замак, ён пераапранаўся ў чорную вопратку манаха. Калі бацька князёўны даведаўся пра таемны саюз, то загадаў замураваць няшчаснага юнака ў адной са сцен. З таго часу яго неспакойная душа і блукае па развалінах замка.

А вось легенда пра Белую панну звязана не з замкам, а з кляштарам францысканцаў, які пабудаваны ў Гальшанах. Пры ўзвядзенні будынка адна са сцен нібыта ўвесь час разбуралася. Падазраючы чартаўшчыну, будаўнікі вырашылі прынесці ахвяру — жонку, якая раней за іншых прыйдзе з абедам. Так бедную дзяўчыну і замуравалі.

Дарэчы, жаночы шкілет сапраўды быў знойдзены пад адной са сцен манастыра ў 1997 годзе.

Onlíner па-беларуску

23 Jan 2024 14:23

У MarkFormelle выйшла новая частка калекцыі, сумеснай з Мастацкім музеем.

У лінейцы #ArtUWear дызайнеры натхняліся работамі мастакоў.

Кошты — ад 39,99 рубля за цішотку да 84,99 за мужчынскае худзі.

Onlíner па-беларуску

17 Jan 2024 16:54

Калі вам давялося пабываць у сядзібе Чацвярцінскіх, вы напэўна запомнілі гэтую раскошную лесвiцу. Колькі фота тут было зроблена аматарамі заброшак!

Двухпавярховы каменны дом у стылі неабарока быў пабудаваны ў Жалудку ў 1908 годзе па праекце вядомага польскага архітэктара Уладзіслава Марконі. Арыстакратыя жыла тут да 1939 года, пасля чаго ў сядзібе доўгі час гаспадарылі вайскоўцы. У савецкі час размешчаная паблізу армейская частка прыстасавала будынак пад свой клуб.

Пасля таго як частка была расфармавана, сядзібу аддалі Акадэміі навук. Пачынаючы з 1990-х яна пустуе. За апошнія 30 гадоў асабняк здрахлеў, патрэскаўся і стаў падобны да дома з прывiдамі.

Спробы адрамантаваць будынак з дапамогай прыватных інвестараў пакуль былі няўдалымі. Але спадзяемся, што таямнічая сядзіба ў Жалудку ўсё ж дачакаецца свайго адраджэння.

Onlíner па-беларуску

13 Jan 2024 08:01

🥶 Як вы там, яшчэ не злавілі зімовую дэпрэсію? Трымайце мемы ў якасці прафілактыкі.

Onlíner па-беларуску

11 Jan 2024 10:56

У Веткаўскім музеі пройдзе майстар-клас па вырабе саламянага павука. Засталося адно вольнае месца!

Саламяны павук — старажытны абярэг, які забяспечваў дабрабыт сям’і і ахоўваў хату ад нячыстай сілы. Меркавалі, што ў тым доме, дзе пад столлю кружыцца залацісты саламяны павук, заўжды будуць панаваць згода, лад і дабрабыт.

Кошт удзелу — 12 рублёў. Нумар для запісу — (8 0232) 50-96-98.

Onlíner па-беларуску

21 Feb 2024 09:41

Даўно правяралі свае веды? Інстытут мовазнаўства ладзіць рэспубліканскую дыктоўку па беларускай мове.

Адбудзецца яна сёння, 21 лютага, з 13:00 да 14:00 у рэжыме анлайн-трансляцыі на YouTube-канале Інстытута мовазнаўства імя Якуба Коласа.

Плануецца таксама прамая трансляцыя дыктоўкі на канале «Культура» Беларускага радыё.

Усім поспехаў!

Onlíner па-беларуску

19 Feb 2024 10:43

🦉 Сёння, 19 лютага, у Беларусі адзначаецца Дзень арнітолага.

З гэтай нагоды ўзгадалі чатырох рэкардсменаў з птушак, што сустракаюцца на тэрыторыі нашай краіны.

Ад самага вялікага аматара вандровак да самая маленькай і самая ціхай птушкі Беларусі.

Onlíner па-беларуску

15 Feb 2024 13:24

Можна абвяшчаць вясну. У нацпарк «Прыпяцкі» прыляцелі з зімоўкі дзікія гусі.

Звычайна вяртаюцца яны ў сакавіку-красавіку.

Нагэтулькі ранні прылёт усяляе надзею на хуткае ўстанаўленне цёплага надвор'я. Птушкі — стварэнні вельмі метэазалежныя, ім лепш відаць.

Onlíner па-беларуску

14 Feb 2024 15:11

Калаба, якую мы не чакалі. У музеі «Лідскага бровара» з’явілася цішотка з аўтографам Месі.

Пішуць, футбаліст падпісаў яе падчас здымкаў рэкламнай кампаніі Pepsi (аднаго з напояў, што вырабляюць на заводзе). І ўсё дзеля фанатаў з Ліды.

З гэтай нагоды музей арганізаваў матч паміж камандамі «Лідскага піва» і мясцовай спартыўнай школы. Удзельнікі змогуць дакрануцца да цішоткі, а за кожны забіты гол школе падораць па футбольным мячы.

Onlíner па-беларуску

12 Feb 2024 14:00

*партнёрскі пост

🤎🌆 14 лютага Музей «Аліварыя» прапануе завітаць на гульню «Дзесьці ў Мінску».

Настолка створана для таго, каб вы «прайшлiся» па родным сэрцу месцам. А яшчэ для ўсiх гасцей адбудзецца дэгустацыя некалькіх лакальных і міжнародных гатункаў.

Прыходзьце з 17:00 да 19:00, калі хочаце згуляць камандамі. А з 19:00 да 21:00 астаўляйце заяўкі на гульню, якая пройдзе ў фармаце speed dating — міні-спатканняў з гасцямі імпрэзы.

Для рэгістрацыі напішыце ў асабiстыя паведмаленнi акаўнта музея. Кошт — 35 BYN.

Onlíner па-беларуску

07 Feb 2024 15:30

Амаль сенсацыя. Навукоўцы пералічылі ўзрост Мінска.

У Instagram музея «Стары Менск» падзяліліся першымі вынікамі радыевугляроднага аналізу дрэва з валоў на раскопках Мінскага замчышча на Менцы. Аказваецца, сталіца можа быць старэйшай, чым мы думалі.

Калі верыць крыніцы, пры вызначэнні ўзросту горада бярэцца ўсярэдненае значэнне: мінімум — 1033 і максімум — 1274 года. Нагадаем, сёлета Мінск афіцыйна адсвяткуе 957-годдзе.

Onlíner па-беларуску

03 Feb 2024 19:45

🏭 А вось як усё выглядала.

Відэа: чытач.

Onlíner па-беларуску

02 Feb 2024 08:01

Хлопец з Брэста перакладае песні на беларускую мову і перапявае іх.

Улад займаецца вакалам з 6 гадоў. У хлопца ёсць генетычнае захворванне — недахоп росту костнай тканіны. З гэтай прычыны вы можаце заўважыць апараты Ілізарава на яго руках.

У vladik_yakimovich?_t=8jRB3cs0Ej8&_r=1">сацсетках Улад рэгулярна дзеліцца каверамі, а таксама поспехамі ў рэабілітацыі.

Onlíner па-беларуску

01 Feb 2024 11:31

Раптоўна. Беларусы так хацелі трапіць на новы спектакль Яўгена Карняга, што «паламалі» сайт тэатра.

А квіткі на іншай пляцоўцы раскупілі за некалькі хвілін.

Прэм'ера «На черной-черной улице», дарэчы, толькі праз два месяцы. У Тэатры лялек абяцаюць сумясціць дзіцячыя страшылкі і казкі Ганса Крысціяна Андэрсана.

Onlíner па-беларуску

30 Jan 2024 08:38

Хлопчык вядзе папулярны TikTok на беларускай мове пра жыццё ў вёсцы. Вучыць карміць коз, распальваць печ і гатаваць дранікі.

Ну а дзясяткі тысяч задаволеных гледачоў, у сваю чаргу, вельмі любяць Арсенія. Прапануем усцешыцца з яго і вам.

people.onliner.by/2024/01/29/1095852

Onlíner па-беларуску

24 Jan 2024 07:01

На дарогах сёння стубла, роствань і гразота. За вакном — халіпа і роскалле.

Не разумееце, аб чым мы? Узгадаем разам, як беларусы называюць непагоду ў розных рэгіёнах нашай краіны.

Onlíner па-беларуску

23 Jan 2024 09:55

Самы маштабны беларускі карнавал.

Лакальны абрад пад назвай «Конікі» праходзіць у Давыд-Гарадку. У гэтым відэарэпартажы — гісторыі месцічаў пра арыгінальныя касцюмы і любоў да сваёй традыцыі.

www.youtube.com/watch?v=6g0kUOhxmys

Onlíner па-беларуску

14 Jan 2024 08:00

👀 Што там па мемах?

Onlíner па-беларуску

12 Jan 2024 09:16

Выдавецтва «Рыфтур» выпусціла календары для падарожнікаў па Беларусі (і тых, хто жадае імі стаць).

У наяўнасці варыянты з 12 гістарычнымі і 12 прыроднымі мясцінамі на беларускай і рускай мовах.

Набыць календары можна як у кнігарнях (напрыклад, «Светачы» ці «Цэнтральнай кнігарні»), так і анлайн. Калі вы ўважліва сачылі за нашымі тэстамі, дакладана пазнаеце большасць мясцін.

Onlíner па-беларуску

10 Jan 2024 16:00

Слонімская яўрэйская абшчына была адной з самых буйных у Беларусі. Напрыканцы XIX стагоддзя з 15 863 жыхароў горада 11 515 чалавек былі яўрэямі (72,5%). І як жа прыгожа і раскошна сінагога выглядала раней!

Аднак, як казаў класiк, «час той схаваўся за дальняй гарою». Пасля вайны яўрэяў у Слоніме не засталося і будынак за непатрэбнасцю быў перададзены пад склад, а потым і ўвогуле зачынены.

Сёння яўрэі складаюць толькі 0,04% насельніцтва Слоніма. Спробы адрамантаваць былую сінагогу пакуль не мелі поспеху. Але пошукі мецэната або інвестара не прыпыняюцца. На апошніх таргах у снежнi мiнулага года за помнік архітэктуры прасілі ўсяго 25 800 рублёў.