Onlíner па-беларуску

19 May 2023 14:10

На «Ноч музеяў — 2023» праграму заявілі больш за 50 беларускіх музеяў.

Яшчэ не выбралі той самы? Тады мы ідзём да вас.

Onlíner па-беларуску

18 May 2023 09:05

Калі вы зараз на ажыўленай вуліцы ці ў грамадскім транспарце, уважліва азірніцеся па баках. Упэўненыя, прынамсі аднаго чалавека з заплечнікам ці торбай ад Vokladki вы дакладна ўбачыце.

Іх гісторыя пачыналася як студэнцкі бізнэс і нечакана вырасла ў сур'ёзны праект. Па спасылцы — інтэрв'ю з стваральнікам брэнда: распрацоўка прынтоў, папулярнасць Чыжоўкі і пераадольванне крызісаў.

https://money.onliner.by/2023/05/18/zaplechniki

Onlíner па-беларуску

14 May 2023 09:31

А гэта Тарзан у смокінгу рэкламуе безадсоткавыя пазыкі ад Ашчаднага банка СССР — нічога больш дзіўнага вы як мінімум сёння дакладна не ўбачыце.

Onlíner па-беларуску

14 May 2023 09:01

🤩 Рэмэйк «Зорных войнаў», калабок-ніндзя з Гродна і рэклама лядоўняў.

Цяпер ужо не кожны олд узгадае, што 30 гадоў таму Беларусь перажывала кароткі, але яркі коміксавы бум. Асобныя з іх  выйшлі амаль «марвэлаўскімі» накладамі і паспелі зрабіцца хітамі. Ужо змахнулі слязу настальгіі? Калі не — бярыцеся гартаць ілюстрацыі.

Onlíner па-беларуску

13 May 2023 08:25

🫒 Алей, масла, аліва

Алей — тлушч расліннага паходжання. Слова можа ўжывацца з прыметнікам, які паказвае на гатунак (какосавы, сланечнікавы, канапляны алей і г. д.). Таксама можна сустрэць араматычны алей, карціны пішуць алеем, алейнымі фарбамі.

Масла — гэта харчовы тлушч, які атрымліваюць збіваннем вяршкоў або смятаны. Мовазнаўцы сцвярджаюць, што з гэтым назоўнікам не варта выкарыстоўваць прыметнікі накшталт «вяршковы» — гэта лічыцца калькай з рускай мовы, дзе маслам называюцца розныя па паходжанні рэчывы (таму па-руску дарэчы будзе сказаць «сливочное масло», а па-беларуску — дастаткова слова «масла»).

Аліва, вядома, гэта вечназялёнае дрэва або яго плод, масліна. Дарэчы, так можна назваць і аліўкавы алей, таму, калі вы выбралі ў апытанні гэты варыянт, то, лічыце, не памыліліся. Але ў беларускай мове гэтае слова выкарыстоўваецца і для абазначэння тэхнічнага тлушчавага рэчыва — машыннага, змазачнага.

Такім чынам, салату запраўляем алеем, у кашу кладзём масла, а ланцуг на веласіпедзе змазваем алівай. Галоўнае, не пераблытаць.

Onlíner па-беларуску

10 May 2023 17:39

Старажытны Лагойск вядомы не толькі руінамі палаца, але і сваім паркам у англійскім стылі, які быў закладзены яшчэ пры Тышкевічах. Паміж замкавымі валамі быў створаны маляўнічы ручай з запрудамі, масткамі і каскадам невялікіх вадаспадаў. Гідралагічная сістэма функцыянуе да гэтага часу, хоць і выглядае крыху запушчанай. Выдатны варыянт для прагулкі — рэкамендуем!

Onlíner па-беларуску

09 May 2023 09:01

Наступная серыя фатаграфій — з Брэсцкай крэпасці, куды з'язджаліся на цягніках турысты з усяго Савецкага Саюза.

Некаторыя беларусы традыцыйна 9 траўня ездзілі да магіл невядомага салдата і ўскладалі кветкі. Так рабілі тыя, у каго родныя зніклі без вестак.

Onlíner па-беларуску

08 May 2023 17:54

🗓 Як змяніўся Мінск за 45 гадоў?

Знайшлі паштоўкі з 1978—1979 гг. і паглядзелі на тыя ж вуліцы і плошчы з падобных ракурсаў. Карацей, запускаем машыну часу!

Onlíner па-беларуску

04 May 2023 15:54

🐸 «Луч» прысвяціў лімітаваную калекцыю Пацу-Вацу.

Культавы персанаж з'явіўся на беларускім тэлебачанні ў 1993-м, а пасля на працягу 14 гадоў быў сувядоўцам праграмы «Мульціклуб». Гадзіннікі з ім абыдуцца ў 399 рублёў кожны.

Onlíner па-беларуску

03 May 2023 17:38

Маляўнічая ў сваім завяданні вежа ўсё часцей мільгае ў інстаграмах беларусаў. На яе фоне праводзяць атмасферныя фотасесіі. А вось фота 1910 года. Дзяўчына на прыступках быццам бы таксама робіць сэлфі.

Onlíner па-беларуску

02 May 2023 09:17

Што паглядзець у траўні?

Шмат абяцаюць і стрымінгавыя сэрвісы, і кінатэатры. У апошнія завязуць адзін з самых незвычайных фільмаў года — «Усе страхі Бо» з Хаакінам Феніксам. З яго і пачнём.

https://people.onliner.by/2023/05/02/kosmas-xorar-xaakin-feniks-yakiya-filmy-paglyadzec-u-tra%d1%9eni

Onlíner па-беларуску

01 May 2023 11:01

Першага мая ці першае мая?

У беларускай мове працуюць дзве формулы для абазначэння даты, аднак найбольш характэрная канструкцыя з родным склонам (першага мая), якая з даўніх часоў функцыянуе ў нас і пераважае ў моўным ужытку. Другі варыянт (першае мая) таксама выкарыстоўваецца, аднак ён маладзейшы, узнік, як сцвярджаецца, у ХХ стагоддзі.

Таму, калі вагаецеся, аддавайце перавагу больш традыцыйнай для нашай мовы канструкцыі (першага мая) — тым больш і ў даведніках па культуры мовы можна сустрэць такія парады.

Onlíner па-беларуску

26 Apr 2023 18:26

Мы знайшлі адну з нямногіх старых фатаграфій царквы ў Саматэвічах. Такой яна была летам 1980-га. Вёска яшчэ жывая, ля сцен старога будынка раскінуўся кірмаш.

Onlíner па-беларуску

25 Apr 2023 08:29

Позняй восенню мы згадваем іх на Дзяды, а вясной — у другі аўторак пасля Вялікадня — выбіраемся на могілкі на Радаўніцу.

Адкуль пайшоў звычай асаблівым чынам вясной памінаць нашых спачылых, як гэта адбывалася раней — аб гэтым і не толькі пагутарылі з этнографам, доктарам філалагічных навук Таццянай Валодзінай.

https://people.onliner.by/2023/04/25/radaunica

Onlíner па-беларуску

19 Apr 2023 17:44

Пабудавалі мост немцы ў час Першай сусветнай вайны. Побач стаяла лінія фронту, і беларускія лясы былі апаясаныя сеткай фартыфікацыйных збудаванняў і вузкакалейных дарог, якія выкарыстоўваліся для ваенных патрэб.

Маштаб, з якім ваенныя інжынеры падышлі да справы, уражвае. Бетонныя апоры выглядаюць занадта масіўна для вузкакалейкі. І ў той жа час маляўніча: скрозь пакрыты мохам маналіт прабіваюцца дрэўцы.

Пасля вайны патрэба ў чыгуначнай ветцы адпала, і мост не сталі аднаўляць. Так гэтыя апоры і тырчаць з вады ўжо больш за стагоддзе, прыцягваючы ўвагу байдарачнікаў.

Onlíner па-беларуску

18 May 2023 11:01

Беларусам прапаноўваюць бясплатныя экскурсіі.

З 5 па 11 чэрвеня пройдзе акцыя «Вандруй. Адчуй. Натхняйся». Аб'екты па ўсёй краіне абяцаюць дні адчыненых дзвярэй, бясплатныя экскурсіі, квэсты і нават дэгустацыі.

Поўны спіс удзельнікаў і актыўнасцяў ёсць на сайце Нац. агенцтва па турызму — выбар вялікі, каля 800 арганізацый.

Onlíner па-беларуску

17 May 2023 17:41

У Мосары цудоўны дэндрапарк, але ж на фота вышэй — касцёл у Друі. Гэта старадаўняе мястэчка ля самай мяжы з Латвіяй.

Калі будзеце адпачываць на Браслаўскіх азёрах, не губляйце магчымасць завітаць у Друю. Тутэйшы барочны касцёл пабудаваны ў сярэдзіне XVII стагоддзя на сродкі падканцлера Вялікага Княства Літоўскага Казіміра Льва Сапегі, які заснаваў у Друі кляштар манахаў-бернардынцаў.

Звонку касцёл даволі аскетычны, чаго не скажаш пра яго інтэр'ер, упрыгожаны ляпнінай, роспісамі і калонамі. Убранства храма моцна пацярпела ў XX стагоддзі, доўгі час касцёл стаяў занядбаны. Але рэстаўратары ўзяліся за справу, і цяпер у Друі прыгажосць.

Прыемна і пагуляць вакол касцёла — на яго тэрыторыі ёсць маленькі парк з кветнікамі і сажалкай.

Onlíner па-беларуску

14 May 2023 09:15

Мабыць, самы незвычайны факт пра беларускія коміксы дзевяностых: у іх былі рэкламныя ўстаўкі.

Прытым не абы якія, а сапраўдныя «натыўныя» інтэграцыі, убудаваныя ў тканіну аповеда!

Onlíner па-беларуску

13 May 2023 14:00

«Працоўныя рэзервы», старая Няміга і Зыбіцкая.

Сабралі здымкі цэнтра Мінска, якім вы яго не памятаеце.

https://realt.onliner.by/2023/05/13/centr-minska-yakim-vy-yaho-ne-pamyataece

Onlíner па-беларуску

11 May 2023 16:55

🧐 У вас было такое — шукаеце тлумачэнне нейкага беларускага выразу, а гугл яго не пазнае? Або патрэбна пераправерыць правільнасць націску, а кожны знаёмы вымаўляе слова па-свойму?

Якраз для такіх выпадкаў Інстытут мовазнаўства імя Якуба Коласа стварыў «Моўную даведку». На адпаведны мэйл можна даслаць пытанне — і атрымаць адказ ад навукоўцаў.

Карыстайцеся!

https://daviedka.bnkorpus.info/

Onlíner па-беларуску

09 May 2023 09:27

Вадзім Качан кажа, што больш за ўсё з адзначэнняў 9 траўня, вядома, запаміналіся ветэраны.

— Іх было шмат, яны ўсміхаліся і цешыліся святам, вы гэта можаце назіраць на фатаграфіях.

Па апошніх дадзеных, у Беларусі засталося ў жывых каля 1500 ветэранаў Вялікай Айчыннай вайны. Наймалодшаму з іх 96 гадоў. Яшчэ 10 гадоў таму ветэранаў было 25,3 тысячы.

Onlíner па-беларуску

09 May 2023 08:40

Сёння краіна адзначае Дзень Перамогі. Адно з такіх святаў у Мінску ў 1985 годзе захаваў на камеру Вадзім Качан.

У асобных раёнах гараджане ладзілі святы двара, на якіх ушаноўвалі ветэранаў. Такая традыцыя захоўвалася аж да 90-х гадоў па адрасе Мяснікова, 35, дзе жыў фатограф.

Onlíner па-беларуску

06 May 2023 09:38

☀️ Напэўна шмат хто з вас не збіраецца сядзець дома ў гэтыя доўгія выхадныя. Давайце ўспомнім некаторыя беларускія слоўцы для хэштэгаў у вашых сацсетках пад прыгожымі здымкамі прыроды і розных забаў за горадам.

(Не забывайцеся заглядваць пад лямпачку справа ад заданняў — там хаваюцца кароткія тлумачэнні, каб вы не засталіся без адказаў на магчымыя пытанні.)

Onlíner па-беларуску

04 May 2023 10:15

Што глядзець з серыялаў у траўні?

Адабралі дзесяць самых перспектыўных навінак: ад постапакаліптычнай будучыні да сумных камедый.

https://people.onliner.by/2023/05/04/shvarceneger-bunker-i-rycar-u-chornym-top-novyx-seryyala%d1%9e-tra%d1%9enya

Onlíner па-беларуску

03 May 2023 17:36

Гаворка ідзе пра сядзібу Свяцкіх у вёсцы Полымя Сенненскага раёна (да рэвалюцыі — Беліца). Пры Свяцкіх Беліца ператварылася ў цэнтр мясцовай прамысловасці: тут ачышчалі спірт, малолі муку, рабілі масла і сыр.

Сядзібны дом, пабудаваны ў стылі позняга класіцызму, складаўся з 18 пакояў, бальнай залы, карціннай галерэі і бібліятэкі. Да нашых дзён захавалася толькі васьмігранная вежа з шырокай лесвіцай, якая была прыбудавана ў 1907—1911 гадах. На першым паверсе вежы размяшчаліся пральня, ванная, а на другім — майстэрня для разьбы па дрэве.

На базе маёнтка ў савецкі час быў створаны саўгас «Полымя», сядзібны дом прыстасавалі пад сельскагаспадарчы тэхнікум. Комплекс перажыў вайну, але фатальнай для яго аказалася «рэстаўрацыя»: у канцы 1980-х будаўнікі знялі дах і з'ехалі…

Onlíner па-беларуску

01 May 2023 12:13

Дарэчы, выцягнулі з нашых шпаргалак актуальную картку — каб вы не заблыталіся ў днях і датах у пару шматлікіх вясновых выхадных.

Onlíner па-беларуску

29 Apr 2023 14:49

А вы сёння бачылі ў Мінску сонечнае гало?

Лічыцца, што яно можа назірацца толькі ў халодны перыяд. Але, як кажа вядомы беларускі астрафатограф Віктар Малышчыц, гэта не так. Таксама ён растлумачыў прыроду з'явы.

https://tech.onliner.by/2023/04/29/sonechnae-galo

Onlíner па-беларуску

26 Apr 2023 18:25

Масіўны цагляны будынак з сярэдзіны XIX стагоддзя ўражвае сваёй веліччу. Храмы такіх памераў будуюць у вялікіх гарадах, а тут вакол толькі лес і цішыня. Як так здарылася?

Раней тут была вёска Саматэвічы Касцюковіцкага раёна. Вялікая — 1500 двароў. У красавіку 1986-га яе накрыла радыяцыяй. Людзей адсялілі, хаты разбурылі бульдозерамі, з цягам часу дарогі зараслі лесам. Вёскі больш не існуе, засталася толькі гэтая царква.

Будынак узводзіўся з чырвонай цэглы, якую абпальвалі на мясцовай цагельні, і быў увянчаны пяццю купаламі. Асаблівасцю фасада сталі надпісы на стараславянскай мове, складзеныя з вялікіх чыгунных літар.

Ніякага ўнутранага ўбрання, на жаль, не захавалася. У XX стагоддзі царкву выкарыстоўвалі як склад збожжа, затым тут захоўвалі тушы забітых калгасных жывёл. А ўжо пасля адсялення вёскі сюды завітвалі чорныя капальнікі і зборшчыкі металу.

Onlíner па-беларуску

24 Apr 2023 18:27

Публікуем новую падборку міжмоўных амонімаў — фальшывых сяброў перакладчыкаў (і не толькі іх).

З гэтым выпускам рубрыка ставіцца на паўзу. Добрая нагода ўзгадаць мінулыя пасты і падзяліцца з сябрамі!

(Бо мы ведаем, перастаць блытаць дыван і канапу можа быць цяжэй, чым падаецца на першы погляд)😉

Onlíner па-беларуску

19 Apr 2023 17:42

Гэтыя бетонныя глыбы вы маглі бачыць у беларускім трылеры «Забароненая зона». Фільм пачынаецца з таго, што група сяброў падчас падарожжа на плыце трапляе ў Чарнобыльскую зону адчужэння. Аднак гэта мастацкая выдумка. Насамрэч мост знаходзiцца ў Смаргонскім раёне на рацэ Віліі.