Onlíner па-беларуску

27 Aug 2023 10:01

📺 Якім Мінск адлюстроўвалі ў кіно?

Пачынаем згадваць савецкія і больш сучасныя фільмы, звязаныя з горадам.

Сёння — гісторыя вундэркінда, дзе сталіцу так і не называюць, але актыўна дэманструюць.

Onlíner па-беларуску

24 Aug 2023 15:39

🚤 У Мінску з'явіліся рачныя трамвайчыкі.

• Месца: вадасховішча Дразды, каля скрыжавання пр. Пераможцаў і вул. Ратамскай.
• Гадзіны працы: з 10 да 22 штодзённа.
• Кошт: 10—15 рублёў за 25 хвілін.

Onlíner па-беларуску

23 Aug 2023 19:55

Гэта нервюры — рэбры скляпення, якія фарміруюць яго каркас і дапамагаюць размеркаваць нагрузку. Такі прыём шырока выкарыстоўваўся ў гатычнай архітэктуры.

А прыгажосць на фота — вытанчанае скляпенне ў Маламажэйкаўскай царкве (Мураванцы). Густымі пучкамі рэбры нервюр сыходзяцца да калон і ўтвараюць шматлікія ромбы і трыкутнікі. Гатычнае павуцінне! Царква была пабудавана ў 1524 годзе. Хутка ёй будзе 500 год!

Onlíner па-беларуску

22 Aug 2023 17:24

👗 Mark Formelle выпусціў калекцыю адзення для лялек Барбі.

У аўтфітах — адсылкі на мінулыя дызайны брэнда. Калі жадаеце набыць такі, можна пакінуць заяву на сайце. У свабодным продажы калекцыі яшчэ няма.

Onlíner па-беларуску

19 Aug 2023 10:53

🌶 У Кобрыне пачалі вырабляць марозіва з незвычайным смакам — вішня, перац чылі і молаты перац.

У каментарах пішуць, што ягада адчуваецца добра, а вось вастрыні не хапае.

Цікавыя спалучэнні смакаў часта з'яўляюцца на паліцах крамаў, але, на жаль, не заўсёды затрымліваюцца надоўга. Памятаеце марозіва з валошкамі? Вытворца распавёў нам, што лінейка больш не выпускаецца.

Onlíner па-беларуску

17 Aug 2023 09:54

🌱 Нарэшце знойдзена альтэрнатыва плантацыям сланечнікаў і лаванды.

Па дарозе ў Мсціслаўль каля аграгарадка Капачы раскінулася сапраўднае поле канюшыны. Дзелімся здымкамі адтуль.

Onlíner па-беларуску

16 Aug 2023 12:33

Як там справы на найлепшым пляжы краіны?

Летась ім быў названы пляж г. п. Зэльва, што ў Гродзенскай вобласці. Глядзім, як тут адпачываюць беларусы.

Былі ў Зэльве? ( 🐳 — так, 🗿 — не).

Onlíner па-беларуску

13 Aug 2023 14:00

💫 Гэтай ноччу беларусы назіралі зарапад. Вось як ён выглядаў.

Кадры зробленыя ў вёсках Вязынка і Беніца. Аўтар здымкаў — наш фатограф Максім Маліноўскі.

Onlíner па-беларуску

12 Aug 2023 09:01

Калі тралейбусы былі яркімі. Падборка настальгічнай рэкламы на мінскім транспарце.

Памятаеце такое? (👍 — так, 👎 — не).

Onlíner па-беларуску

10 Aug 2023 09:01

Такім вы Нясвіж, магчыма, яшчэ не бачылі.

Фларысты з усёй краіны сабраліся ў комплексе, каб стварыць тут сапраўдную казку.

Свята «Кветкі палаца» ўпершыню прайшло ў 2022-м. У гэтым годзе івент паўтаралі, плануюць зрабіць яго штогадовым.

Onlíner па-беларуску

08 Aug 2023 09:01

🐱 Сёння адзначаюць сусветны дзень катоў.

Успамінаем «вусата-паласаты» выпуск беларускіх шпаргалак.

Onlíner па-беларуску

05 Aug 2023 08:24

Беларусы некалькі гадоў перакладаюць Ubuntu на беларускую мову і просяць дапамогі.

«Усё абарвалася вельмі нечакана, калі адмін з Crowdin выпадкова выдаліў наш праект».

Тэлеграм-канал праекта.

Onlíner па-беларуску

04 Aug 2023 09:47

Маша рыхтавалася ў касманаўты, а стала кавалём.

Сёння пачынаем фотапраект «Апантаныя». У ім не мае быць нічога лішняга: героі ды іх простыя словы.

https://people.onliner.by/2023/08/04/kaval-masha

Onlíner па-беларуску

02 Aug 2023 17:59

Вузкія вокны, выцягнутыя канструкцыі, вітражы, ажурныя дэталі — так, гэта выдатны прыклад беларускай неаготыкі. Стыль узнік у XVIII стагоддзі, калі еўрапейцы пераасэнсоўвалі спадчыну сярэднявечнай гатычнай архітэктуры.

Косаўскаму палацу сёлета 180 гадоў. Ён быў пабудаваны ў 1843-м багатым прамыслоўцам Вандалінам Пуслоўскім па праекце архітэктара Францішка Яшчолда. У палацы было больш за сотню пакояў і раскошныя залы, а яго 12 веж сімвалізавалі каляндарныя месяцы.

Лёс гэтага месца склаўся трагічна. Маёнтак быў прайграны ў карты і на мяжы XIX—XX стагоддзяў пачаў пераходзіць з рук у рукі. У гады Першай сусветнай вайны ўсе каштоўнасці з замка былі вывезены за мяжу.

У часы Другой сусветнай тут знаходзілася нямецкая камендатура. Будынак моцна пацярпеў падчас пажару ў 1944-м.

У канцы мінулага года працяглая рэстаўрацыя скончылася. Сёння раскошны Косаўскі палац — тое месца, дзе адназначна варта пабываць.

Onlíner па-беларуску

01 Aug 2023 16:53

🦣 На Гомельшчыне знайшлі вялікія рэшткі маманта.

Хутчэй за ўсё, знаходка стане экспанатам мясцовага музея.

Гэты год увогуле багаты на «лісты» ад гэтай дагістарычнай жывёлы. У ліпені гомельскі школьнік знайшоў бівень проста ў пяску недалёка ад Сожа. А ў лютым мужчына таксама на тэрыторыі горада натрапіў на зуб маманта.

Onlíner па-беларуску

25 Aug 2023 09:24

📚 Дзе знайсці рэдкія выданні? Куды здаць ужо прачытаную літаратуру?

Сабралі любімыя «Букіністы» горада М.

Onlíner па-беларуску

24 Aug 2023 11:42

🌊 Бачылі беларускія вадаспады?

Нашы журналісты выправіліся на тэрыторыю прадпрыемства «Граніт» (гэта ў Мікашэвічах, Брэсцкая вобласць).

Глыбіня кар'ера — 150 метраў. Пасля работ тут вадзе дадуць волю, і яна, хутчэй за ўсё, сфарміруе возера. Кошт экскурсіі па кар'ерах — ад 15 да 20 рублёў.

Onlíner па-беларуску

23 Aug 2023 12:02

Беларусь, якую вы не ведалі.

Дзікі, парашкі з перацёртых валуноў і чэрці, што аднаўляюць абутак. Разам з А1 выправіліся ў вандроўку да Сіняй гары і сабралі гісторыі мясцовых жыхароў.

https://people.onliner.by/2023/08/21/valuny-i-gory

Onlíner па-беларуску

22 Aug 2023 08:45

🕰 «Луч» дзеліцца стылёвымі здымкамі новай калекцыі.

Набыць гадзіннікі ўжо можна, падрабязней мы пісалі тут. Кошт — 449 рублёў.

Onlíner па-беларуску

17 Aug 2023 15:12

🥩Gastrofest.Craft вяртаецца

Кошт сэтаў: 35 рублёў.
Даты: 24 жніўня — 10 верасня.

Onlíner па-беларуску

16 Aug 2023 17:22

Гэта класіка віленскага барока. Тут няма строгасці готыкі, няма лаканізму класічных антычных канструкцый. Барочны храм — гэта вытанчаныя вертыкалі, плаўныя пераходы, узнёслыя формы. Ён нібы пышнае белае воблака, якое навісае над мястэчкам.

Такі архітэктурны стыль склаўся на нашых землях у другой палове XVIII стагоддзя, і касцёл у Івянцы — яго яркі прыклад. Нягледзячы на выпрабаванні, якія выпалі на яго долю (а як толькі яго не выкарыстоўвалі ў XX стагоддзі), храм захаваўся да нашых дзён практычна ў арыгінальным выглядзе.

Onlíner па-беларуску

15 Aug 2023 10:57

🐱 Як вашыя жывёлы ратуюцца ад спякоты.

Папрасілі чытачоў падзяліцца здымкамі — публікуем вынікі: ад коўдры да асабістага басейна.

Onlíner па-беларуску

13 Aug 2023 10:26

Капусны расол, грыбы, крупы — і такі бывае квас. Як у цэнтральнай Беларусі са смакам адзначаюць свята народнай стравы.

https://people.onliner.by/2023/08/13/u-plastok-na-kvasok

Onlíner па-беларуску

11 Aug 2023 14:05

🏛 Сёння стартуе перадзаказ новай калекцыі гадзіннікаў «Луч» — «Аблічча Мінска».

Тут тры мадэлі: «Панэлька», «Сталінка» і «Траецкае». Дызайнеркай стала Ліза Хіхлушка, што перамагла ў конкурсе MustART-2023.

Кошт — 449 рублёў.

Onlíner па-беларуску

09 Aug 2023 17:35

Гэта ружа — адна з самых вядомых дэталяў гатычнага стылю ў архітэктуры. Вытанчаныя вітражы такіх вокнаў не толькі ўпрыгожваюць храмы звонку, але і ствараюць унутры гульню святла і ценю.

У Мінску вялікія вокны-ружы можна ўбачыць на фасадзе Чырвонага касцёла, а прыклад на фота вышэй — неагатычны касцёл з жоўтай цэглы ў Ракаве, пабудаваны ў 1906 годзе.

Onlíner па-беларуску

06 Aug 2023 16:52

💻 Мемы па-беларуску. Другая частка.

Onlíner па-беларуску

04 Aug 2023 10:17

💌 Калі вы Апантаны — адгукніцеся: ar@onliner.by.

Onlíner па-беларуску

03 Aug 2023 13:32

🧐 Нашыя карэктары рэагуюць на паведамленні махляроў.

За апошнія тыдні, падаецца, толькі самы лянівы ашуканец не запусціў рэкламу ад імя Onlíner. Мы вырашылі скарыстаць гэта ў адукацыйных мэтах.

Карэктары вычыталі тэксты і разабралі памылкі, а мы нагадваем, што нічога агульнага з падобнымі аб'явамі не маем. Звяртайце ўвагу на правапіс, лагатып і від спасылкі.

Onlíner па-беларуску

02 Aug 2023 16:51

🧐Помніце, як беларуска зрабіла тату дзеля пажыццёвага ўваходу ў аквапарк, а той у нейкі момант «скасаваў акцыю»?

Канфлікт прыйшоў да свайго завяршэння. Суд Цэнтральнага раёна вырашыў спагнаць з прадпрыемства «Аква-Мінск» адну капейку. Што цікава, менавіта гэтага жанчына і патрабавала.

Onlíner па-беларуску

01 Aug 2023 12:00

🕍 У Віцебску адбудавалі старажытную сінагогу, якую, магчыма, наведвала і сям'я Марка Шагала.

Нягледзячы на цяжкасці, аднавіць будынак атрымалася ўсяго за год. А складанага было нямала: адсутнічаў дах, у сценах прарасталі дрэвы.