Onlíner па-беларуску

16 Nov 2023 15:52

У Беларусі заўважылі рэдкую качку-мандарынку.

Фота зроблена ў Магілёве на невялікай рэчцы Дубровенцы. Пішуць, качар спрабаваў заляцацца да мясцовых птушак, але выходзіла так сабе.

Раней мандарынкі гнездаваліся на рацэ Амур і тэрыторыі Усходняга Кітая, пазней іх сталі разводзіць як дэкаратыўную птушку. І вось некаторыя вырваліся на волю і актыўна пазіруюць у розных раёнах нашай краіны.

Onlíner па-беларуску

15 Nov 2023 13:20

Стывен Кінг прызямліўся ў Бабруйску.

Чыталі ягоныя «Могілкі хатняй жывёлы»? Такія знайшлі ў Магілёўскай вобласці.

Тут усё як мае быць: самаробныя ўпрыгожанні, подпісы ад рукі і самі пахаванні ці тое па коле, ці тое па спіралі. Галоўнае, каб да могілак не дабраліся індзейцы.

Onlíner па-беларуску

10 Nov 2023 14:43

🍔 «Гастрафэст» вяртаецца.

Кошт сэта — 47 рублёў.
Даты — з 16 лістапада па 3 снежня.

Канкрэтнай тэмы гэтым разам няма. Удзельнікі абяцаюць прыгатаваць свае лепшыя ці проста казырныя стравы.

Onlíner па-беларуску

08 Nov 2023 16:44

Гэта мезанін — невялікая прамавугольная надбудова, якая выступае над дахам і ўяўляе сабой дадатковы жылы паўпаверх. Як правіла, мезаніны размяшчаліся строга па цэнтры фасада, над парадным ганкам.

Асабняк на фота вышэй — радавое гняздо князёў Мяшчэрскіх у Клімавічах. Дом пабудаваны ў папулярным у той час псеўдарускім стылі і мае сваю асаблівасць — масіўны мезанін. Будынак 1867 года выдатна захаваўся — такіх драўляных дамоў з пазамінулага стагоддзя ў Беларусі засталося зусім няшмат.

Вядома, што дом быў пабудаваны для князёўны Марыі Мяшчэрскай, якая ператварыла асабняк у цэнтр культурнага жыцця. Сюды з'язджаліся музыканты, паэты і мастакі.

Вернісажы, канцэрты, творчыя вечары — усё гэта скончылася ў 1917-м, калі князёўну выселілі кудысьці на ўскраіну горада, а дом прыстасавалі пад рэвалюцыйны камітэт. Затым у гэтых сценах было казіно (у перыяд акупацыі), збожжасклад, школа, аддзел статыстыкі. Апошнія 40 гадоў тут працуе краязнаўчы музей.

Onlíner па-беларуску

04 Nov 2023 11:30

Бачылі раней такі грыб? Белавежская пушча раіць яго абмінаць.

Спарасіс курчавы, ці «грыбную капусту», можна ўжываць у ежу, смак у яго арэхавы.

Але за збор грыба можна атрымаць штраф да 1100 рублёў. Калі вы юрыдычная асоба — да 18 500 рублёў. Спарасіс знаходзіцца ў Чырвонай кнізе сярод знікаючых відаў.

Onlíner па-беларуску

02 Nov 2023 08:52

Гатавалі стол, а некаторыя нават варажылі на ўраджай.

Як у народзе ладзілі Дзяды — шанавалі памерлых.

https://people.onliner.by/2023/11/02/dziady

Onlíner па-беларуску

01 Nov 2023 11:26

🪴 Сёння — Сусветны дзень вегана.

З гэтай нагоды падрыхтавалі падборку веганскіх кафэ ў Мінску. І нават калі вы не шукаеце замены мясу ці малочке, гэтыя месцы дапамогуць разнастаіць рацыён і адкрыць для сябе новыя стравы.

Onlíner па-беларуску

29 Oct 2023 17:00

📆 На носе што? Вялікія выходныя.

І прагнозы надвор'я падказваюць тэндэнцыю: цяпло яшчэ можна заспець на захадзе краіны. Сёння — пра тое, дзе адпачыць у Гродне.

Onlíner па-беларуску

28 Oct 2023 10:01

Хорар на восень.

Абмяркуем Дзюндзі Іто — аўтара мангі для дарослых, які десяцігоддзямі займаецца адраджэннем жахаў у японскіх коміксах (і ахвотна аддае іх на экранізацыі).

Onlíner па-беларуску

26 Oct 2023 13:35

Vokladki пачалі выпускаць адзенне.

Калі дакладней — світшоты. Усе мадэлі — унісекс, кошт пытання — 119 рублёў.

Onlíner па-беларуску

24 Oct 2023 17:15

MF на мінулым тыдні выпусціў стылёвае. 

Цішоткі, лангслівы і байкі з цытатамі беларускіх класікаў. І што самае прыемнае — тэксты не заезджаныя. Падаецца, надышоў час абнавіць гардэроб.

Onlíner па-беларуску

21 Oct 2023 11:01

Сеанс тэрапіі: 70+ рублёў.
Паглядзець калыханку: бясплатна.

Onlíner па-беларуску

19 Oct 2023 10:21

🍁 Не MF адзіным. Сабралі адзенне і аксесуары беларускіх дызайнераў для ўпрыгожвання вашай восені.

Onlíner па-беларуску

18 Oct 2023 17:10

Гэта пілястра — адзін з самых распаўсюджаных элементаў, які можна ўбачыць на фасадзе будынкаў. Аддалена пілястры нагадваюць калоны, але гэта ўсяго толькі невялікі выступ на паверхні сцяны, завершаны капітэллю.

Калі ж выступ паўкруглы і вылучаецца з плоскасці сцяны напалову свайго дыяметра, то гэта ўжо паўкалона.

Пілястры ў архітэктуры сталі выкарыстоўвацца яшчэ ў антычнасці. Тады яны служылі для ўмацавання працяглых па гарызанталі будынкаў. Аднак пазней ператварыліся ў чыста дэкаратыўны элемент.

На фота вышэй у якасці прыкладу — члянёны пілястрамі фасад Траецкага касцёла ў вёсцы Індура Гродзенскага раёна. У абліччы гэтага храма гарманічна перапляліся рысы барока і класіцызму.

Onlíner па-беларуску

17 Oct 2023 12:30

💓 Кастрычнік — месяц барацьбы з ракам малочнай залозы.

Mark Formelle прапанаваў беларускам, што змагаюцца з гэтым захворваннем, бясплатнае абнаўленне іміджу.

Праект прысвечаны стварэнню першага бюстгалтара MF з падтрымкай і кішэнямі для ўкладышаў ці пратэзаў. Глядзіце, што з гэтага атрымалася.

Onlíner па-беларуску

15 Nov 2023 15:50

Гэта вімперг — трохкутны элемент над уваходам у храм або над акном. У гатычнай архітэктуры вімперг выкарыстоўваецца для візуальнага павелічэння вышыні будынка, падкрэслівае вертыкальную накіраванасць кампазіцыі.

На фота — гродзенская кірха, пабудаваная на мяжы XIX—XX стагоддзя. Помнік неаготыкі, адзіны дзеючы лютэранскі храм у Беларусі.

Адкуль у Гродне лютэране? Яны з'явіліся тут яшчэ ў другой палове XVIII стагоддзя: па запрашэнні гарадскога старасты Антонія Тызенгаўза нямецкія рамеснікі прыехалі ў горад для працы на каралеўскіх мануфактурах. I заснавалі сваю абшчыну.

У савецкія часы тут месціўся абласны архіў, і толькі ў 1995-м будынак аддалі абшчыне. Цяпер у кірсе ладзяцца не толькi набажэнствы, але і канцэрты арганнай музыкі.

Onlíner па-беларуску

11 Nov 2023 13:29

🥹 Дрэнныя навіны: субота працоўная.
Добрыя навіны: у нас усё яшчэ ёсць нядзеля.

Як правесці выходны, не хаваючыся пад коўдрай? Сабралі некалькі варыянтаў.

Onlíner па-беларуску

09 Nov 2023 13:29

Не хочаце сабе закінуты манастыр за 37 рублёў?

Будынак 1735 года (заспеў яшчэ прамысловую рэвалюцыю) прапануюць у Глыбокім.

Пабудова з'яўляецца гісторыка-культурнай каштоўнасцю. Выкарыстоўваць яе можна пад прадпрыемніцкую дзейнасць, у тым ліку паслугі ў сферы агратурызму ці рамесніцтвы. Дата аўкцыёну — 30 лістапада.

Onlíner па-беларуску

07 Nov 2023 16:32

📸 Працягваем ўзгадваць, якімі былі Мінск і яго жыхары некалькі дзесяцігоддзяў назад.

Сёння — гараджане на дэманстрацыях. Упрыгожванні плошчаў, адвечныя шашлыкі, бацькі з кветкамі, дзеці з шарамі і, вядома, студэнты.

Onlíner па-беларуску

03 Nov 2023 13:31

У цэнтры Мінска знайшлі роспісы пад тынкоўкай. Зараз ва ўнікальным інтэр'еры адкрылася кавярня Varka. 

Адрас — Ракаўская, 17. Уласнік кажа, спачатку ён планаваў нешта ў новым раёне, а гэты будынак трапіўся выпадкова — і нездарма.

Паглядзіце, што можа атрымацца, калі ўсе ўдзельнікі працэсу ставяцца да мінулага з павагай.

Onlíner па-беларуску

01 Nov 2023 16:15

Гэта закамара — паўкруглае завяршэнне фасада, якое паўтарае ўнутраную форму скляпення храма. Такія сцены вельмі характэрны для старажытных праваслаўных цэркваў.

А вось какошнікі (іх яшчэ называюць несапраўднымі закамарамі) уяўляюць сабою зусім невялікія паўкруглыя або кілепадобныя элементы, якія выконваюць выключна дэкаратыўную функцыю.

На фота вышэй — Дабравешчанская царква, адна з найстарэйшых у Віцебску (яе адносяць да часоў Полацкага княства — XII стагоддзе). На працягу сваёй гісторыі храм неаднаразова перабудоўваўся, быў часткова разбураны ў гады Другой сусветнай вайны, а ў 1961-м быў узарваны па загадзе гарадскіх улад. Пазней уцалелыя фрагменты царквы закансервавалі, а аднавiлi яе ўжо ў 1990-х.

Onlíner па-беларуску

31 Oct 2023 09:45

У Віцебскай вобласці свіння знайшла скарб?

Разам з А1 пабывалі ў таямнічых месцах, сустрэліся з чалавекам, што асабіста знайшоў скарб, а яшчэ пагутарылі з экспертам пра тое, ці ёсць у гэтых легендах праўда або тут адна выдумка.

https://people.onliner.by/2023/10/31/svinnya-znajshla-skarb-raskazvaem-gistoryi-belaruskih-skarbau

Onlíner па-беларуску

29 Oct 2023 08:36

Хто такія стараверы і дзе яны жывуць у Беларусі?

Як і ў прадстаўнікоў іншых хрысціянскіх кірункаў, у беларускіх старавераў таксама ёсць свае храмы, малельні, могілкі, свая рэлігійная абраднасць. Паразмаўлялі з даследчыкам іх гісторыі і прадстаўнікамі плыні.

https://www.youtube.com/watch?v=rSCHg6rjwYE

Onlíner па-беларуску

27 Oct 2023 10:25

Сёння мы падрыхтавалі для вас чарговы тэст па беларускай літаратуры.

Гэтым разам прапануем адгадаць аўтараў па радках, з якіх пачынаюцца іхнія творы. Час пачынаць!

https://people.onliner.by/2023/10/27/kolas-ci-karatkevich-praverce-yak-dobra-vy-vedaece-belaruskuyu-litaraturu

Onlíner па-беларуску

25 Oct 2023 16:53

Гэта эркер — частка памяшкання, часткова ці цалкам зашклёная, якая вылучаецца з плоскасці фасада. З дапамогай гэтага архітэктурнага элемента можна трошкі пашырыць унутраную прастору пакоя, а таксама палепшыць яго асвятленне.

На фота ў якасці прыкладу — узор стылю мадэрн — былы прыбытковы дом Ядзвігі Кастравіцкай на вуліцы Кірава ў Мінску. Будынак узводзіўся яшчэ да рэвалюцыі, усе кватэры ў ім здаваліся ў арэнду, а на цокальным паверсе знаходзілася ўпраўленне Лібава-Роменскай чыгункі.

Onlíner па-беларуску

22 Oct 2023 09:02

🧋Што пра сябе распавялі б напоі з нашых кавярняў?

Абірайце, хто вы сёння.

Onlíner па-беларуску

20 Oct 2023 12:53

☕️ У гэтыя выходныя з прыемнага — цёплыя батарэі, з непрыемнага — усё іншае: дажджы, галалёд і водар надыходзячай зімы ў паветры.

Зрабілі падборку кавярняў, дзе можна адагрэцца і перачакаць непагадзь (шукайце свой раён).

Onlíner па-беларуску

18 Oct 2023 17:13

Дарэчы, унутры касцёл уражвае не менш, чым звонку. Набажэнствы ў Індуры не спыняліся нават у савецкія часы. У гэтых сценах ніколі не ладзілі збожжасклад ці дом культуры, што дазволіла захаваць старадаўнія фрэскі і арган сярэдзіны XIX стагоддзя.

Onlíner па-беларуску

17 Oct 2023 16:01

Памятаеце, мы пісалі пра тое, як запраўкі А-100 адмовіліся ад дызайну кубачкаў, каб дапамагчы ПВА «Анёл»?

Акцыя падышла да канца, кампанія дзеліцца яе вынікамі. 9047,55 беларускага рубля было сабрана і пералічана пошукава-выратавальнаму атраду.

Часам нават такая дробязь, як кубак кавы, дапамагае выратаваць жыццё пенсіянеру, які заблукаў у лесе, дзіцяці, што не дабралася дадому са школы, і кожнаму іншаму знікламу чалавеку, пошукамі якога займаецца атрад.

Onlíner па-беларуску

15 Oct 2023 09:02

🎭 Што паглядзець у мінскіх тэатрах?

Абралі некалькі спектакляў на другую палову кастрычніка. На момант публікацыі квіткі на іх ёсць ў наяўнасці.