Onlíner па-беларуску

02 Dec 2023 08:01

🌷Дадаць крыху колераў у сваю штодзённасць хочацца, а набываць квіткі ў Батанічны кожны вечар — занадта?

Тады наша падборка для вас. Абірайце расліну на гэтую халодную зіму і не забывайцеся арганізоўваць для яе патрэбны догляд — тады кветкі будуць радаваць вас доўга.

Onlíner па-беларуску

29 Nov 2023 17:23

Гэта фрыз, дэкаратыўны гарызантальны пояс на фасадзе будынка, упрыгожаны барэльефамі, арнаментам ці роспісамі.

А які самы вядомы фрыз на Беларусі? Выкажам здагадку, што гэта фрыз на фасадзе Дабравешчанскага касцёла ў Гродне (на фота вышэй). Дэкаратыўная чорна-белая лента апаясвае ўвесь храм. На ёй можна разгледзець анёлаў, цмокаў і раслінны арнамент.

Фрыз выкананы ў тэхніцы зграфіта. Па-над чорным пластом тынкоўкі быў нанесены белы. Малюнак, які мы можам бачыць, атрымаўся шляхам саскрабання верхняга пласта.

Касцёл — помнік эпохі барока, пабудаваны ў 1642 годзе. Прыкладна тады ж з’явiўся i фрыз. Аднак на старых фотаздымках пачатку XX стагоддзя мы яго не бачым. Гэты гістарычны элемент быў адноўлены беларускімі рэстаўратарамі-манументалістамі ў 1980-х.

Onlíner па-беларуску

26 Nov 2023 09:17

⌛️ Якім быў Мінск у 70—80-х?

Працягваем даследаваць кранальныя архівы чытачоў: ад здымка з помнікам Купалу да рэстаранаў таго часу.

Onlíner па-беларуску

23 Nov 2023 10:31

Мінск накрыла снегам. Прыбіраць яго прапануюць з дапамогай нейрасеткі.

Удзельнікі Space Hackathon хочуць запусціць нейрасетку для фарміравання графікаў працы дворнікаў.

А GPS-трэкінг дапаможа пешаходам вызначаць найлепшы маршрут, дзе дарогі і тратуары ўжо пачысцілі ад снегу.

Як вам ідэя? (👍— супер, ужо чакаю, 👎— і так усё задавальняе).

Onlíner па-беларуску

22 Nov 2023 16:49

Гэта апсіда, выступ у задняй частцы храма, унутры якога знаходзіцца алтар. Сустракаюцца апсіды паўкруглай, прамавугольнай і шматграннай формы. Па вышыні яны звычайна ніжэйшыя за асноўную частку будынка.

Алтары і апсіды ў праваслаўных цэрквах накіраваныя, як правіла, на ўсход, а ў каталіцкіх касцёлах — на захад.

Звычайна турысты фатаграфуюць толькі фасады храмаў, аднак, калі абысці будынак, часам адкрываецца не менш уражальны вiд. На фота вышэй — апсіды некалькіх беларускіх храмаў (Сынкавічы, Лынтупы, Мураванка і Солы).

Onlíner па-беларуску

18 Nov 2023 15:41

☀️ Гайд па Гродне ўжо зрабілі, цяпер на чарзе Брэст.

Як адпачыць у самым сонечным горадзе краіны (прынамсі, па словах ягоных жыхароў)? Гартайце галерэю.

Onlíner па-беларуску

15 Nov 2023 15:50

Гэта вімперг — трохкутны элемент над уваходам у храм або над акном. У гатычнай архітэктуры вімперг выкарыстоўваецца для візуальнага павелічэння вышыні будынка, падкрэслівае вертыкальную накіраванасць кампазіцыі.

На фота — гродзенская кірха, пабудаваная на мяжы XIX—XX стагоддзя. Помнік неаготыкі, адзіны дзеючы лютэранскі храм у Беларусі.

Адкуль у Гродне лютэране? Яны з'явіліся тут яшчэ ў другой палове XVIII стагоддзя: па запрашэнні гарадскога старасты Антонія Тызенгаўза нямецкія рамеснікі прыехалі ў горад для працы на каралеўскіх мануфактурах. I заснавалі сваю абшчыну.

У савецкія часы тут месціўся абласны архіў, і толькі ў 1995-м будынак аддалі абшчыне. Цяпер у кірсе ладзяцца не толькi набажэнствы, але і канцэрты арганнай музыкі.

Onlíner па-беларуску

11 Nov 2023 13:29

🥹 Дрэнныя навіны: субота працоўная.
Добрыя навіны: у нас усё яшчэ ёсць нядзеля.

Як правесці выходны, не хаваючыся пад коўдрай? Сабралі некалькі варыянтаў.

Onlíner па-беларуску

09 Nov 2023 13:29

Не хочаце сабе закінуты манастыр за 37 рублёў?

Будынак 1735 года (заспеў яшчэ прамысловую рэвалюцыю) прапануюць у Глыбокім.

Пабудова з'яўляецца гісторыка-культурнай каштоўнасцю. Выкарыстоўваць яе можна пад прадпрыемніцкую дзейнасць, у тым ліку паслугі ў сферы агратурызму ці рамесніцтвы. Дата аўкцыёну — 30 лістапада.

Onlíner па-беларуску

07 Nov 2023 16:32

📸 Працягваем ўзгадваць, якімі былі Мінск і яго жыхары некалькі дзесяцігоддзяў назад.

Сёння — гараджане на дэманстрацыях. Упрыгожванні плошчаў, адвечныя шашлыкі, бацькі з кветкамі, дзеці з шарамі і, вядома, студэнты.

Onlíner па-беларуску

03 Nov 2023 13:31

У цэнтры Мінска знайшлі роспісы пад тынкоўкай. Зараз ва ўнікальным інтэр'еры адкрылася кавярня Varka. 

Адрас — Ракаўская, 17. Уласнік кажа, спачатку ён планаваў нешта ў новым раёне, а гэты будынак трапіўся выпадкова — і нездарма.

Паглядзіце, што можа атрымацца, калі ўсе ўдзельнікі працэсу ставяцца да мінулага з павагай.

Onlíner па-беларуску

01 Nov 2023 16:15

Гэта закамара — паўкруглае завяршэнне фасада, якое паўтарае ўнутраную форму скляпення храма. Такія сцены вельмі характэрны для старажытных праваслаўных цэркваў.

А вось какошнікі (іх яшчэ называюць несапраўднымі закамарамі) уяўляюць сабою зусім невялікія паўкруглыя або кілепадобныя элементы, якія выконваюць выключна дэкаратыўную функцыю.

На фота вышэй — Дабравешчанская царква, адна з найстарэйшых у Віцебску (яе адносяць да часоў Полацкага княства — XII стагоддзе). На працягу сваёй гісторыі храм неаднаразова перабудоўваўся, быў часткова разбураны ў гады Другой сусветнай вайны, а ў 1961-м быў узарваны па загадзе гарадскіх улад. Пазней уцалелыя фрагменты царквы закансервавалі, а аднавiлi яе ўжо ў 1990-х.

Onlíner па-беларуску

31 Oct 2023 09:45

У Віцебскай вобласці свіння знайшла скарб?

Разам з А1 пабывалі ў таямнічых месцах, сустрэліся з чалавекам, што асабіста знайшоў скарб, а яшчэ пагутарылі з экспертам пра тое, ці ёсць у гэтых легендах праўда або тут адна выдумка.

https://people.onliner.by/2023/10/31/svinnya-znajshla-skarb-raskazvaem-gistoryi-belaruskih-skarbau

Onlíner па-беларуску

29 Oct 2023 08:36

Хто такія стараверы і дзе яны жывуць у Беларусі?

Як і ў прадстаўнікоў іншых хрысціянскіх кірункаў, у беларускіх старавераў таксама ёсць свае храмы, малельні, могілкі, свая рэлігійная абраднасць. Паразмаўлялі з даследчыкам іх гісторыі і прадстаўнікамі плыні.

https://www.youtube.com/watch?v=rSCHg6rjwYE

Onlíner па-беларуску

27 Oct 2023 10:25

Сёння мы падрыхтавалі для вас чарговы тэст па беларускай літаратуры.

Гэтым разам прапануем адгадаць аўтараў па радках, з якіх пачынаюцца іхнія творы. Час пачынаць!

https://people.onliner.by/2023/10/27/kolas-ci-karatkevich-praverce-yak-dobra-vy-vedaece-belaruskuyu-litaraturu

Onlíner па-беларуску

01 Dec 2023 09:47

🎄 Дзе ў Мінску злавіць навагодні настрой?

5 атмасферных лакацый.

Onlíner па-беларуску

28 Nov 2023 15:23

Як на каляды ўпрыгожылі Камароўку?

Рынак дзеліцца здымкамі дэкору. Тут невялічкія домікі, калядоўшчыкі і пастаральныя сюжэты з дзецьмі.

Onlíner па-беларуску

24 Nov 2023 08:54

У «Офистона» — новая калекцыя, прысвечаная беларускім мастакам.

Гэта калабарацыя з Валерыем і Вольгай Шкаруба, а таксама Вадзімам Багданам.

Кошты на розныя яе элементы — ад 6,85 да 130 рублёў.

Onlíner па-беларуску

23 Nov 2023 09:41

Мужчына знайшоў стары сшытак па беларускай мове і здзівіўся почырку.

Аўтар TikTok пад нікам Garik знайшоў сшытак падчас рамонту ў старым доме.

Належала работа трэцякласніку. Можна зазірнуць у мінулае і прыгледзецца да тэкстаў, якія пісаліся ў школе 70-х: тут калгасы, камсамольцы, піянеры і адвечныя тэксты пра беларускую прыроду.

На сярэдзіне сшытка чарнільная асадка змяняецца звычайнай шарыкавай.

Onlíner па-беларуску

21 Nov 2023 08:01

Хочаце бесплатную татуіроўку? «А-100» дорыць яе за кубак кавы на АЗС.

Умовы простыя: набываеце любімы напой у кубачку, адзначаеце «А-100» на сваёй старонцы ў Instagram і атрымліваеце сертыфікат у Good Sign Tattoo.

На тату можа быць адно з прапанаваных слоў: шансуе, шэнціць, шчасціць; гаварыць, гукаць, балакаць; тутэйшы, наські, месны.

Памер — да 7×2 см, колер — любы, шрыфт — адзін з трох прапанаваных.

Onlíner па-беларуску

16 Nov 2023 15:52

У Беларусі заўважылі рэдкую качку-мандарынку.

Фота зроблена ў Магілёве на невялікай рэчцы Дубровенцы. Пішуць, качар спрабаваў заляцацца да мясцовых птушак, але выходзіла так сабе.

Раней мандарынкі гнездаваліся на рацэ Амур і тэрыторыі Усходняга Кітая, пазней іх сталі разводзіць як дэкаратыўную птушку. І вось некаторыя вырваліся на волю і актыўна пазіруюць у розных раёнах нашай краіны.

Onlíner па-беларуску

15 Nov 2023 13:20

Стывен Кінг прызямліўся ў Бабруйску.

Чыталі ягоныя «Могілкі хатняй жывёлы»? Такія знайшлі ў Магілёўскай вобласці.

Тут усё як мае быць: самаробныя ўпрыгожанні, подпісы ад рукі і самі пахаванні ці тое па коле, ці тое па спіралі. Галоўнае, каб да могілак не дабраліся індзейцы.

Onlíner па-беларуску

10 Nov 2023 14:43

🍔 «Гастрафэст» вяртаецца.

Кошт сэта — 47 рублёў.
Даты — з 16 лістапада па 3 снежня.

Канкрэтнай тэмы гэтым разам няма. Удзельнікі абяцаюць прыгатаваць свае лепшыя ці проста казырныя стравы.

Onlíner па-беларуску

08 Nov 2023 16:44

Гэта мезанін — невялікая прамавугольная надбудова, якая выступае над дахам і ўяўляе сабой дадатковы жылы паўпаверх. Як правіла, мезаніны размяшчаліся строга па цэнтры фасада, над парадным ганкам.

Асабняк на фота вышэй — радавое гняздо князёў Мяшчэрскіх у Клімавічах. Дом пабудаваны ў папулярным у той час псеўдарускім стылі і мае сваю асаблівасць — масіўны мезанін. Будынак 1867 года выдатна захаваўся — такіх драўляных дамоў з пазамінулага стагоддзя ў Беларусі засталося зусім няшмат.

Вядома, што дом быў пабудаваны для князёўны Марыі Мяшчэрскай, якая ператварыла асабняк у цэнтр культурнага жыцця. Сюды з'язджаліся музыканты, паэты і мастакі.

Вернісажы, канцэрты, творчыя вечары — усё гэта скончылася ў 1917-м, калі князёўну выселілі кудысьці на ўскраіну горада, а дом прыстасавалі пад рэвалюцыйны камітэт. Затым у гэтых сценах было казіно (у перыяд акупацыі), збожжасклад, школа, аддзел статыстыкі. Апошнія 40 гадоў тут працуе краязнаўчы музей.

Onlíner па-беларуску

04 Nov 2023 11:30

Бачылі раней такі грыб? Белавежская пушча раіць яго абмінаць.

Спарасіс курчавы, ці «грыбную капусту», можна ўжываць у ежу, смак у яго арэхавы.

Але за збор грыба можна атрымаць штраф да 1100 рублёў. Калі вы юрыдычная асоба — да 18 500 рублёў. Спарасіс знаходзіцца ў Чырвонай кнізе сярод знікаючых відаў.

Onlíner па-беларуску

02 Nov 2023 08:52

Гатавалі стол, а некаторыя нават варажылі на ўраджай.

Як у народзе ладзілі Дзяды — шанавалі памерлых.

https://people.onliner.by/2023/11/02/dziady

Onlíner па-беларуску

01 Nov 2023 11:26

🪴 Сёння — Сусветны дзень вегана.

З гэтай нагоды падрыхтавалі падборку веганскіх кафэ ў Мінску. І нават калі вы не шукаеце замены мясу ці малочке, гэтыя месцы дапамогуць разнастаіць рацыён і адкрыць для сябе новыя стравы.

Onlíner па-беларуску

29 Oct 2023 17:00

📆 На носе што? Вялікія выходныя.

І прагнозы надвор'я падказваюць тэндэнцыю: цяпло яшчэ можна заспець на захадзе краіны. Сёння — пра тое, дзе адпачыць у Гродне.

Onlíner па-беларуску

28 Oct 2023 10:01

Хорар на восень.

Абмяркуем Дзюндзі Іто — аўтара мангі для дарослых, які десяцігоддзямі займаецца адраджэннем жахаў у японскіх коміксах (і ахвотна аддае іх на экранізацыі).

Onlíner па-беларуску

26 Oct 2023 13:35

Vokladki пачалі выпускаць адзенне.

Калі дакладней — світшоты. Усе мадэлі — унісекс, кошт пытання — 119 рублёў.