Onlíner па-беларуску

27 Dec 2023 07:47

Тарпанавідныя коні цяпер ёсць і ў заказніку «Спораўскі».

21 снежня сюды запусцілі 15 асобін. Нагадаем, тарпаны — гэта помесь старажытных дзікіх і хатніх коней. Раней у нас іх нашчадкі жылі толькі на тэрыторыі Налібоцкай пушчы.

Відэа: Бярозаўская інспекцыя аховы навакольнага асяроддзя.

Onlíner па-беларуску

25 Dec 2023 08:47

Каталікі святкуюць Каляды. Наш рэпартаж з атмасфернага касцёла на ўскрайку Беларусі.

Гэтым заснежаным вечарам адправіліся на святочнае набажэнства ў Астравецкі раён — і ўбачылі, як адзначаюць Божае Нараджэнне ў невялічкім аграгарадку Кемялішкі.

people.onliner.by/go/1088035

Onlíner па-беларуску

23 Dec 2023 08:01

🎄Яшчэ не вырашылі, што падарыць блізкім на Новы год?

Трымайце некалькі ідэй ад беларускіх вытворцаў.

Onlíner па-беларуску

21 Dec 2023 15:37

Дзень зімовага сонцастаяння. Сёння ў нас самы кароткі дзень і самая доўгая ноч у годзе.

Віншуем, мы амаль перажылі гэтую цемру!

Сёння на святло ў Мінску было адведзена 7 гадзін 23 хвіліны 45 секунд. Астранамічная ноч працягнецца 16 гадзін 36 хвілін 15 секунд.

Заўтра дзень адыграе велізарную секунду, ужо думайце, як яе патраціце.

Onlíner па-беларуску

21 Dec 2023 08:54

Напісаць дыктоўку і выйграць прыз. У суботу можна далучыцца да праекта «Агульная паштоўка».

Узяць удзел максімальна проста: неабходна зарэгістравацца і 23 снежня ў 12:00 запісаць тэкст пад дыктоўку з анлайн-трансляцыю.

Тыя, хто напіша тэкст без адзінай памылкі, атрымаюць у падарунак набор з 5 паштовак ад беларускай мастачкі Таццяны Кісляковай.

Onlíner па-беларуску

20 Dec 2023 16:27

Гэта франтон — трохкутная частка фасада ад карніза да канька даху.

А на фота — помнік беларускага каменнага дойлідства эпохі Адраджэння — Троіцкі касцёл у вёсцы Чарнаўчыцы, што недалёка ад Брэста. Ён быў узведзены ў 1595 годзе на сродкі Радзівіла Сіроткі, які адначасова будаваў замак і езуіцкі касцёл у Нясвіжы.

Выглядае касцёл досыць аскетычна. У далёкім мінулым ён мог служыць сховішчам для людзей і крэпасцю падчас войнаў. Будынак адносіцца да катэгорыі храмаў абарончага тыпу, якіх у Беларусі не так шмат. У 2010 годзе пры абследаванні франтона з боку гарышча былі знойдзены дзве замураваныя круглыя байніцы для дальняга бою і дзве вертыкальныя шчылінападобныя.

Onlíner па-беларуску

20 Dec 2023 14:03

Напісаць дыктоўку і выйграць прыз. У суботу можна далучыцца да праекта «Агульная паштоўка».

Узяць удзел максімальна проста: неабходна зарэгістравацца і 23 снежня ў 12:00 напісаць тэкст пад дыктоўку падчас анлайн-трансляцыі.

Тыя, хто напіша тэкст без адзінай памылкі, атрымаюць у падарунак набор з 5 паштовак ад беларускай мастачкі Таццяны Кісляковай.

Onlíner па-беларуску

18 Dec 2023 10:49

Учора адзначалі Дзень беларускага кіно. Некалькі фактаў.

У 2024 годзе 100 гадоў споўніцца «Беларусьфільму», у 2026-м — першаму беларускаму кіно («Лесная быль»).

А першым беларускім фільмам з гукам стаў «Первый взвод». У пракат яго выпусцілі ў 1932-м.

На здымку вы можаце бачыць акцёраў і здымачную групу «Лесной были». Людзі стаяць каля сядзібы Гутэн-Чапскіх у Прылуках. Наведаць яе можна і зараз.

Onlíner па-беларуску

14 Dec 2023 14:37

🦆 Чым карміць птушак зімой?

Склалі памятку разам з прытулкам для дзікіх птушак Birdhelp.

Памятайце, што няправільна падабраны корм можа прывесці да дэфармацыі крылаў і смерці птушак. У сваю чаргу, правільны — зробіць больш разнастайнымі шэрагі наведвальнікаў вашых кармушак.

Onlíner па-беларуску

13 Dec 2023 15:14

🎅 Новы філіял Маёнтка Дзеда Мароза. У Мінску адкрыецца кірмаш у нязвыклай лакацыі.

Пачне працаваць ён 22 снежня каля Вялікага тэатра Беларусі. Усталююць елку, будзе маркет для рамеснікаў, фуд-корт і зімовы бар.

З філіяла Дзеда Мароза можна будзе бясплатна адправіць паштоўку блізкім па ўсёй Беларусі. А ў выхадныя і святы — сустрэцца з Дзядулем асабіста.

Onlíner па-беларуску

08 Dec 2023 11:01

🖌 Сёння — Міжнародны дзень мастака.

А хто з беларускіх творцаў намаляваў бы вас? Абірайце карцінку і даведвайцеся.

Onlíner па-беларуску

07 Dec 2023 12:01

🎄 Што беларусы хочуць на Новы год?

Аналітыкі «Picodi Беларусь» паглядзелі, як змяніўся попыт на пэўныя тавары ў мінулым снежні ў параўнанні з іншымі месяцамі.

Onlíner па-беларуску

06 Dec 2023 16:56

Гэта балюстрада — агароджа лесвіцы, балкона або тэрасы, якая складаецца з фігурных слупкоў. Самі слупкі называюцца балясiнамі.

У якасці прыкладу на фота — палац Друцкіх-Любецкіх у Шчучыне. Пабудаваны ў канцы ХІХ стагоддзя, ён спалучае ў сабе рысы класіцызму і барока.

Будынак часам называюць «шчучынскім Версалем». Кажуць, архітэктар натхніўся вобразам Малога Трыянона — рэзідэнцыі французскіх каралёў. Так гэта ці не, але палацы сапраўды падобныя — і кампазіцыяй, і дэкорам.

Пасля рэканструкцыі, якая скончылася ў 2015 годзе, у будынку працуе палац творчасці дзяцей і моладзі, а таксама музей.

Onlíner па-беларуску

06 Dec 2023 07:26

Гэтыя беларусы аб’ехалі ўсе 118 раёнаў краіны.

Саша і Аня дзеляцца байкамі з падарожжаў, ідэямі вандровак у незаезджаныя месцы і некалькімі парадамі для пачаткоўцаў. Пакуйце чамаданы, прыгоды пачынаюцца.

people.onliner.by/2023/12/05/vypic-kavy-y-nyasvizhy

Onlíner па-беларуску

04 Dec 2023 15:02

🥶 Як яшчэ можна назваць лядзяк?

Трымайце мапу з «Лексічнага атласа беларускіх народных гаворак».

Onlíner па-беларуску

26 Dec 2023 11:06

Толькі адзін дзень: «Гастрафэст» з сэтамі за 24 рублі пройдзе першага студзеня.

Здаецца, у мінералкі і маянэзнай салаты з'явіўся годны супраціўнік.

Onlíner па-беларуску

24 Dec 2023 12:02

Мінск пачатку 2000-х: Камароўка, «Мак» на «Пушкінскай», выстава аўто і першы мабільнік.

Чытачы дзеляцца здымкамі горада, зробленымі на мыльніцу.

Onlíner па-беларуску

22 Dec 2023 11:24

Каля Гальшан прадаюць сядзібу Скіндэраў.

Пабудавана яна на мяжы 19-га і 20-га стагоддзя. Стартавая цана — 14 800, або $4630 па курсе.

Першы ўладальнік пабудаваў бровар у 1907 годзе і наладзіў тут выпуск спірту.
У гады Першай сусветнай вайны ў панскіх дамах размяшчаўся шпіталь. Пазней тут адкрылі льноперапрацоўчую вытворчасць. У гады Вялікай Айчыннай вайны немцы трымалі ў будынках ваеннапалонных.

Onlíner па-беларуску

21 Dec 2023 12:13

Музей гісторыі беларускай літаратуры запрашае вас стварыць сваю калядную зорку.

У беларускай традыцыі зоркі для калядоўшчыкаў стваралі з самых розных матэрыялаў і самага разнастайнага выгляду. Адпаведныя майстар-класы пройдуць з 22 па 29 снежня 2023 года.

Працягласць — каля 60 хвілін.
Кошт: 5 рублёў / 1 наведвальнік.
Адрас: г. Мінск, вул. М. Багдановіча, 13.

Просяць запісвацца загадзя па тэлефоне (8 017) 363-56-21.

Onlíner па-беларуску

21 Dec 2023 07:00

У Магілёве адкрылася інклюзіўная кавярня. Усе барыста — людзі з інваліднасцю. 

Наведаць яе можна ў ГЦ «Е-Сити» па адрасе вул. Гагарына, 79. Час працы: пн—пт з 12:00 да 21:00, сб—ндз з 10:00 да 19:00. 

Праект існуе з 2020 года, яго падтрымлівае кампанія А1. Гэта не толькі безбар'ернае асяроддзе, але і месца працы для людзей з інваліднасцю.

Onlíner па-беларуску

20 Dec 2023 15:37

На спектаклі гэтага беларуса квіткі раскупляюць за некалькі месяцаў да паказу.

Паглядзелі «Забалоцце» — новую пастаноўку Яўгена Карняга. Прайшла яна ў РТБД, і найбліжэйшыя квіткі даступныя толькі на сакавік. Пра тое, як можа выглядаць беларускі фальклор у сучаснай апрацоўцы, чытайце па спасылцы.

people.onliner.by/go/1086704

Onlíner па-беларуску

19 Dec 2023 12:12

😇 Знаёмцеся, гэта 5 моцных хвосцікаў, якія шукаюць дом.

Вядома, жывёлін у пошуку сям'і значна больш, але сёння мы прысвячаем пост менавіта гэтай пяцёрцы і выказваем падзяку за працу валанцёрам:

1. @egidaby
2. @old_cat_belarus
3. @ostrovok_rechitsa
4. @zooshans_by
5. @superkot_by

Onlíner па-беларуску

16 Dec 2023 09:24

⚡️Ельне — амаль 13 000 гадоў!

Калі дакладней, 12 968. Да гэтага было прынята лічыць, што балоту каля 9000 гадоў.

Вызначэнне ўзросту правялі метадам радыёвуглероднага аналізу. Задача была ў тым, каб знайсці на мясцовасці найбольшую глыбіню тарфянога пласта і дабрацца да таго самага першароднага торфу. Дакладнасць вымярэнняў склала амаль 98%, піша yelnyatrip.

Onlíner па-беларуску

13 Dec 2023 15:47

Гэта барабан — адзін з асноўных атрыбутаў архітэктуры праваслаўных цэркваў. Ён уяўляе сабой вежку ў форме цыліндра або шматгранніка, якая служыць асновай купала.

Як правіла, барабан прарэзаны выцягнутымі вокнамі і можа быць упрыгожаны архітэктурным дэкорам.

На фота — малавядомы, але даволі цікавы беларускі храм. На першы погляд і не зразумееш, касцёл гэта ці царква. Перад намі дзіўная сумесь каменнага барока і драўлянага рэтраспектыўна-рускага стыляў. Як так атрымалася?

А справа вось у чым. Храм быў пабудаваны ў 1740 годзе як езуіцкі касцёл. У другой палове XIX стагоддзя ён быў пераасвячоны ў праваслаўную царкву і рэканструяваны. Тады і з'явіліся новая званіца і купалы на барабанах.

Знаходзіцца царква ў вёсцы Крывошын Ляхавiцкага раёна.

Onlíner па-беларуску

12 Dec 2023 13:40

🦉 У прытулак для дзікіх птушак патрапіла чырванакніжная кугакаўка.

Знайшлі яе ў Наваполацку, у птушкі чэрапна-мазгавая траўма. Каб паспець у прытулак, давялося выязджаць з горада ўначы.

Цяпер у савы пакрысе з'яўляецца апетыт, але яна дагэтуль не можа стаяць на лапах. Калі вы хочаце дапамагчы прытулку — спосабы можна пабачыць тут.

Onlíner па-беларуску

07 Dec 2023 13:59

🎞 Што перагледзець у зімовыя святы?

Сабралі калядныя выпускі любімых серыялаў. Абірайце кіно на гэты вечар!

Onlíner па-беларуску

07 Dec 2023 10:09

Ужо бачылі зімовую тэрасу Pinky Bandinsky?

Падаецца, гэта адна з самых атмасферных лакацый Мінска цяпер.

«Устаноў шмат, добрай кухні і таленавітых бармэнаў таксама хапае, прыйшоў час даваць нешта большае», — кажуць у рэстаране.

Onlíner па-беларуску

06 Dec 2023 09:40

🐇 Прырода настолькі ачысцілася, што каля «дома Чыжа» заўважылі зайца.

Прабегшыся перад камерай, вушасты схаваўся ў Траецкім прадмесці, кажа наш чытач Вячаслаў — аўтар відэа.

Onlíner па-беларуску

05 Dec 2023 09:28

Пабывалі на незвычайным абрадзе 18+, пра які вы маглі нават не чуць.

«Ката пячы» — выключна рэгіянальная з'ява, якая яшчэ ў мінулым стагоддзі ў розных варыяцыях была распаўсюджана на Міншчыне. Глядзіце атмасферны рэпартаж па спасылцы.

https://people.onliner.by/go/1082247

Onlíner па-беларуску

03 Dec 2023 08:02

🧐 Падаецца, гэтаму пабліку не хапае мемаў...