Onlíner па-беларуску

16 Oct 2024 17:42

Сярод гербаў беларускіх гарадоў гэты — адзін з самых незвычайных. Ён належыць Браславу і існуе з 1792 года, быў прысвоены гораду ў адпаведнасці з прывілеем караля Станіслава Аўгуста Панятоўскага.

Пагаворваюць, не абышлося без уплыву на Панятоўскага ідэй масонства. Аднак, афіцыйная трактоўка трыкутніка з выявай вока гучыць інакш і звязана з хрысціянствам. Вока сімвалізуе назіранне Бога за жыццём і ўчынкамі людзей, а трыкутнік — старажытны сімвал Святой Тройцы.

Такім чынам, герб Браслава абазначае, што горад знаходзіцца пад апекай Божай.

Браслаўчане любяць і паважаюць свой герб. Яго можна ўбачыць на дарожных указальніках пры ўездзе ў горад, а таксама на розных турыстычных аб’ектах і сувенірах.

Onlíner па-беларуску

09 Oct 2024 14:00

«За сто гадоў усяго чатыры сустрэчы». У Мінскай вобласці ўбачылі рэдкую для Беларусі птушку.

Размова ідзе пра сярэдняга паморніка, знайшлі яго на Любанскім вадасховішчы, піша тэлеграм-канал «Дзікая прырода побач».

Дагэтуль у Беларусі сярэдняга паморніка адзначалі ўсяго 3 разы: у 1926 годзе ў Віцебскай вобласці, у 1931 і ў 1998 гадах — у Гомельскай.

Сярэдні паморнік — буйная драпежная птушка. Яна гняздуецца ў арктычнай тундры, сілкуецца грызунамі-лемінгамі, астатні час праводзіць у тропіках, палюючы на дробную рыбу. Птушка, верагодна, ляцела на поўдзень на зімоўку і праклала свой шлях праз Беларусь.

Onlíner па-беларуску

29 Sep 2024 10:00

*партнёрскi пост

☕️📚«Культурныя Людзі»: новая калабарацыя ГЦ «Тытан» і кавярні «Кава Саўнд» («Кофе Саунд»)

Гандлёвы цэнтр «Тытан» і кавярня «Кава Саўнд» прапануюць усім жыхарам і турыстам горада М атрымліваць асалоду не толькі ад шопінгу, але і ад якаснага часу з кнігай і кавай.

«Культурныя Людзі» — інавацыйны праект для адпачынку і натхнення. Ён накіраваны на стварэнне прыязнай атмасферы для ўсіх. Гэта прастора стане месцам, дзе фарміруюцца новыя сувязі, узнікаюць ідэі і рэалізуюцца творчыя задумы.

У рамках праекта таксама плануюцца дабрачынныя акцыі, дзе чытачы змогуць пакідаць свае кнігі і абменьвацца імі з іншымі.

ТАА "Паспяховая кіруючая кампанія"
УНП 192333238

Onlíner па-беларуску

25 Sep 2024 17:02

Гэта Мазыр. Але чаму арол? Усё проста. Арол — сімвал Радзівілаў. Гэты княскі род валодаў Мазыром, калі горад набыў магдэбургскае права. Здарылася гэта ў 1577 годзе.

Першапачаткова на грудзях арла быў яшчэ адзін геральдычны элемент Радзівілаў — шчыт з гербам «Трубы» (тры паляўнічыя ражкі). Пазней «Трубы» змяніліся на шчыт з літарай «S» у гонар Стэфана Баторыя, які дараваў гораду магдэбургскае права.

Герб змяніўся, калі Мазыр стаў часткай Расійскай імперыі. І выглядаў ён крыху дзіўна. На ім было ўжо два арлы! У верхняй частцы — царскі двухгаловы, а ў ніжняй — радзівілаўскі аднагаловы.

На сучасным гербе горада намаляваны ўсё той жа чорны арол. Амаль як і ў XVI стагоддзі, але ўжо без шчыта на грудзях.

Onlíner па-беларуску

24 Sep 2024 15:00

*партнёрскi пост

📱Адкрыты папярэдні заказ iPhone 16 Series у 5еlеmеnt.bу ў Каталозе Onlíner.

Apple прэзентавала навінку ў сярэдзіне верасня — хутка новы «айфон» можна будзе купіць і ў Беларусі.

ЗАТ "ПАЦIO"
УНП 100183195

Onlíner па-беларуску

20 Sep 2024 15:02

«Ільвіную грыву» знайшлі ў Белавежскай пушчы. Рэдкі грыб могуць унесці ў новую рэдакцыю Чырвонай кнігі.

Размова ідзе пра герыцый грабеністы. Яшчэ грыб вядомы як ежавік, «дзедава барада» і «ільвіная грыва».

Кажуць, што знаходкі гэтага грыба ў краіне можна літаральна пералічыць па пальцах і ўсе яны здарыліся менавіта ў Белавежскай пушчы.

Упершыню міколаг Павел Міхалевіч сутыкнуўся з герыцыям у 1967 годзе. Наступнай знаходкі грыба давялося чакаць цэлых 50 гадоў: супрацоўнікі лабараторыі мікалогіі Інстытута эксперыментальнай батанікі заўважылі яго ў 2016-м. У гэтым годзе грыб знайшлі адразу ў трох месцах.

Пушча палюбілася герыцыю з-за субстрату — мёртвай драўніны. Хутчэй за ўсё, грыб унясуць у новую рэдакцыю Чырвонай кнігі — прынамсі, пушчанскія эксперты намякаюць, што пара б ужо.

Onlíner па-беларуску

18 Sep 2024 15:47

Mark Formelle выпусціў калекцыю па матывах народнага мастацтва, якім вы дакладна займаліся ў дзяцінстве

Так, мы пра выцінанку. Ажурныя фігуркі ў нас пачалі выразаць у XIX стагоддзі, пераважна выкарыстоўваючы іх як ўпрыгожванне жытла. Тыя самыя сняжынкі, якія вы напэўна ляпілі на вокны ў дзяцінстве, таксама, па сутнасці, выцінанка, а сапраўдныя майстры гэтай справы могуць вырабіць з паперы цэлыя палотны па матывах народных узораў.

Брэнд пераасэнсаваў выцінанку ў якасці прынтаў на худзі, світшотах, футболках і іншых рэчах. Колеры капсулы: светла-малочны, чорны, соха, вінны і таўп.

Цэны на мадэлі такія: жаночы джэмпер — 34,99 рубля, штаны — 69,99, а футболка з вышыўкай у выглядзе птушкі — 39,99. Мужчынскі світшот з арнаментам пацягне на 74,99 рубля, футболка — на 39,99.

Onlíner па-беларуску

11 Sep 2024 17:23

Гэта Мсціслаў. У 1634 годзе горад атрымаў магдэбургскае права і гарадскую пячатку з выявай рукі, якая трымае меч. Пасля першага падзелу Рэчы Паспалітай Мсціслаў адышоў да Расійскай імперыі і ў 1781 годзе набыў новы герб — у верхняй частцы шчыта двухгаловы арол, у ніжняй — чырвоная лісіца.

Аўтары сучаснага герба, зацверджанага ў 2001 годзе, вырашылі аддаць даніну павагі абодвум геральдычным сімвалам і аб'ядналі іх, пры гэтым чырвоная ліса абярнулася чырвоным ваўком.

Onlíner па-беларуску

10 Sep 2024 15:03

*партнёрскi пост

📓 Якой вы бачыце сучасную беларускую літаратуру? Серыя кніг выдавецтва «Аверсэў» дапаможа знайсці адказ.

«Сучасная беларуская літаратура» — калекцыя выданняў, у якой сабрана найлепшае з беларускай мастацкай літаратуры нашага часу. Кожны том прысвечаны пэўнай тэме і раскрывае разнастайнасць сучаснай прозы.

На старонках кніг — гістарычныя апавяданні, фантастычныя аповесці, лірычныя навэлы, дзіцячыя казкі і інш.

Падрабязней аб серыі вы можаце даведацца ў Instagram праекта.

Onlíner па-беларуску

04 Sep 2024 09:55

Мы запускаем новую рубрыку, прысвечаную гербам беларускіх гарадоў i мястэчак. Як яны з'явіліся, што абазначаюць, якія сэнсы нам нясуць? Фармат ужо знаёмы нашым падпісчыкам: спачатку даём віктарыну, крыху пазней публікуем правiльны адказ з тлумачэннем. Спадзяемся, будзе цікава i пазнавальна!

Onlíner па-беларуску

03 Sep 2024 12:01

У цэнтры Мінска кожны можа вывесіць свае любімыя фота. Але ёсць адна ўмова — яны павінны быць звязаныя з горадам.

Праект — ідэя арт-прасторы «Берлин-Двор» да Дня горада. У гэтым годзе свята выпадае на 14 верасня.

Каманда прапануе ўсім жадаючым выбраць свае фота, на якіх «спатканне з горадам атрымалася», і прымацаваць іх проста на сцяну па адрасе Зыбіцкая, 6. Сам фармат не новы, у яго нават ёсць уласная назва — «фотасушка». У гэтым выпадку на тэму «Мінск, любоў і фоткі».

Кругласутачная выстава пад адкрытым небам пачне працаваць напярэдадні Дня горада — 13 верасня — і працягнецца да канца цёплага сезона. Арганізатары абяцаюць дапоўніць падзею незвычайным «спіддэйтынгам» з горадам і іншымі актыўнасцямі.

Акрамя таго, усіх удзельнікаў чакаюць прызы. А аўтар найлепшага фота атрымае 25-літровую бутлю традыцыйнага беларускага напою.

Onlíner па-беларуску

28 Aug 2024 11:42

Штучны інтэлект напісаў і праспяваў калыханку па-беларуску. Што думаеце?

Нашыя журналісты з раздзелу «Тэхналогій» тэсціравалі Suno AI. Гэта генератыўная мадэль ШІ, якая дазваляе ў пару клікаў ствараць музычныя трэкі. Напісалі некалькі прапаноў з пажаданнямі — і гатова.

А як Suno працуе з беларускай? Можа, наогул бязглуздзіцу якую-небудзь выдае? Журналісты прапанавалі мадэлі скласці калыханку: «Беларускамоўная калыханка пра вечар, сонейка і немаўля».

Нууу... не, калі не ўслухоўвацца, то штосьці накшталт калыханкі сапраўды атрымалася. Да пачатку практычна няма пытанняў.

Потым з'яўляецца ўсё больш момантаў накшталт «У сновах песня гучыць вечна» ці «Лістота ціханка шэпча». Карацей, «Доўгі дзень, цёплы дзень» не пераплюнуў.

А вы як ставіцеся да калыханкі ад ШІ? (👍 — ёсць патэнцыял, 👎— чалавечыя заўжды будуць лепшыя).

Onlíner па-беларуску

16 Aug 2024 13:07

Дзённікі вучня незвычайнай акадэміі. Кніга для тых, хто стаміўся ад Гары Потэра, але сумуе па «Шкодных парадах» Остэра.

Акадэмія доктара Клякса — гэта школа для хлопчыкаў, але толькі для тых, чые імёны пачынаюцца на літару «А».

Замест звычайных прадметаў там вывучаюць літарапрадзенне, лячэнне хворых рэчаў і шмат чаго яшчэ, бо кожны дзень доктар Клякс выдумляе новыя тэмы. Выкладаць знакамітаму чараўніку дапамагае шпак Мацей (а можа, гэта зусім і не шпак?). А вучняў чакае шмат прыгод і дзіўных здарэнняў.

💸 39,06 р.

https://catalog.onliner.by/books/popurri/9789851554276?utm_source=tg

Onlíner па-беларуску

02 Aug 2024 15:21

Знакамітая панэлька на Макаёнка пазбавілася вялізнага вінаградніка на фасадзе. Усё праз ураган.

Расліна не патрабавала догляду і самастойна распаўзалася па сценах панэлькі. Жыхарам заставалася хіба што падразаць лазу, якая назойліва лезла ў вокны.

На жаль, цяпер эфектны «сімбіёз» шэрага бетону з жывой прыродай можна ўбачыць хіба што на фота: вінаграднік зрэзалі. Пра гэта нам распавёў адзін з чытачоў.

Мы звязаліся з ЖЭУ №3 Першамайскага раёна, якое абслугоўвае шматпавярховік на вул. Макаёнка, 13а, каб даведацца, куды дзеўся вінаграднік.

— Так, сапраўды, расліну давялося зрэзаць. 13 ліпеня ў Мінску бушаваў ураган, які вырваў частку расліны з 3-га па 9-ы паверх, і яна пачала прадстаўляць пагрозу. З-за ветру сцяблы раслін стукалі ў вокны і маглі разбіць шкло. Жыхары сталі актыўна тэлефанаваць у дыспетчарскую і МНС з просьбамі хутчэй зрэзаць вінаграднік.

Onlíner па-беларуску

31 Jul 2024 15:39

У Беларусі выпусцілі экасумкі з адходаў вытворчасці. Што па коштах?

Сумесную калекцыю экасумак з дэніму і скуры выпусцілі беларускія брэнды Conte і Makey.

Такім чынам кампаніі імкнуцца паменшыць негатыўны ўплыў вытворчасці на экалогію. Як сказана ў прэс-рэлізе, новае жыццё атрымалі 200 квадратных метраў скуры і 50 дэніму.

Усяго выпушчана 420 экасумак. Незалежна ад мадэлі, кожная абыйдзецца ў 179 рублёў. Аксесуары ўжо можна купіць у фірмовых крамах Conte і Makey.

Onlíner па-беларуску

09 Oct 2024 17:22

Гэта герб Слоніма, і ў такім выглядзе ён існуе з 1591 года! Тады кароль Жыгімонт III Ваза пацвердзіў права горада на самакіраванне і надзяліў яго ўласным геральдычным сімвалам.

Звяртае на сябе ўвагу дэталь — у правай лапе залаты леў трымае срэбную стралу з дзвюма перакладзінамі на дрэўку. Гэта родавы герб «Ліс», які паказвае на прыналежнасць горада Сапегам. Такі ж сімвал, дарэчы, можна разгледзець на гербах Бешанковічаў і Беразіно, якія таксама знаходзіліся ва ўладанні Сапегаў.

Калі вы былі ў Слоніме ў апошнія гады, то маглі заўважыць усталяваны ў цэнтры горада помнік знакамітаму Льву Сапегу. Ён быў слонімскім старастам, канцлерам Вялікага Княства Літоўскага, з яго імем звязана з'яўленне Статута 1588 года — старажытнага помніка прававой культуры.

Дзякуючы намаганням Сапегі, Слонім са звычайнага правінцыйнага мястэчка ператварыўся ў важны палітычны цэнтр княства.

Onlíner па-беларуску

02 Oct 2024 17:06

Так склалася, што Лагойск, заснаваны яшчэ ў 1078 годзе, свайго гістарычнага герба не меў. Сучасны ж геральдычны сімвал з'явіўся ў горада толькі ў 1998 годзе.

У яго верхняй частцы мы бачым зорку і паўмесяц пад ёй — элементы старажытнага герба «Ляліва», які належаў Тышкевічам. Гэты шляхецкі род доўгі час валодаў Лагойскам і меў тут сваю галоўную рэзідэнцыю, ад якой сёння засталіся толькі руіны.

Праўда, герб «Ляліва» мае шасціканцовую зорку, а на гербе Лагойска зорка пяціканцовая. Такая iнтэрпрэтацыя можа быць адсылкай да савецкага мінулага.

Дарэчы, «Ляліва» аб'ядноўвала мноства родаў на землях Беларусі, Польшчы, Літвы і Украіны. Таму не дзiўна, што зорку з паўмесяцам можна ўбачыць на гербах розных гарадоў i мястэчак. Напрыклад, Ганцавічаў і Крэва.

А ў ніжняй частцы герба намаляваны ўзгоркі — сімвал мясцовасці, на якой ляжыць Лагойск.

Onlíner па-беларуску

26 Sep 2024 14:44

Да снежня месцаў няма. У музеі Петруся Броўкі праводзяць вечаровыя спатканні — на іх сапраўдны ажыятаж.

Літаратурны музей Петруся Броўкі знаходзіцца ў доме Свянціцкага на вуліцы Карла Маркса, 30. Яго пабудавалі больш за стагоддзе таму.

Як адбываецца спатканне? Музей працуе да 19:00. Пасля, калі на вечар ёсць адпаведны запіс, прыходзіць пара. Для наведнікаў праводзяць невялічкую рамантычную экскурсію, а пасля праводзяць у дальні пакой — з французскімі вокнамі і відам на праспект — і частуюць гарбатай.

Праводзіць час у фармаце спаткання ў музеі можна да 23:00. Увесь гэты час у музеі знаходзіцца супрацоўнік, да якога ў любы момант можна звярнуцца па дапамогу: папрасіць плед ці задаць пытанне.

Каштуе такі вечар 60 рублёў.

Падрабязнасці — па спасылцы.

people.onliner.by/2024/09/26/spatkanne-muzei

Onlíner па-беларуску

25 Sep 2024 15:01

*партнёрскi пост

🧑‍💻 Праграмна-інжынерная лабараторыя «СЕНЛА» шукае ў каманду Java Developer і QA Automation Engineer (Java).

Разглядаюцца кандыдаты ўсіх узроўняў: джуны, мідлы і сеньёры. Як гэта працуе:

• дасылаеце заяўку на ўдзел;
• праходзіце 15-хвіліннае інтэрв’ю з рэкрутарам;
• удзельнічаеце ў 60-хвілінным тэхнічным сумоўі;
• пры паспяховым праходжанні ўсіх этапаў атрымліваеце прапанову працаўладкавання ў той жа дзень.

Усе этапы праходзяць анлайн. Тэхнічныя сумоўі адбудуцца ў суботу, 28 верасня. Падрабязнасці — на сайце «СЕНЛА».

Onlíner па-беларуску

22 Sep 2024 12:19

Як беларусы адпачывалі ў 80-х?

Лета тады было значна халаднейшае. Жыхары сталіцы шукалі ў газеце «Вечерний Минск» кампаніі для паходаў, адпачывалі на Нарачы з сем'ямі, выбіраліся і на Камсамольскае возера. Дзяцей, вядома, адпраўлялі ў піянерскі лагер.

Зазірнуць у мінулае гэтым разам мы можам дзякуючы архіву Вадзіма Качана.

Onlíner па-беларуску

18 Sep 2024 16:55

Перад намі герб Оршы — адзін з найстарэйшых геральдычных сімвалаў беларускіх гарадоў. Орша атрымала яго разам з магдэбургскім правам у 1620 годзе. На гербе намаляваны рыцарскі крыж і паўмесяц, звернуты вострымі канцамі ўверх (лічыцца сімвалам Багародзіцы). Гэтыя знакі даволі распаўсюджаныя ў еўрапейскай геральдыцы.

На працягу сваёй гісторыі Орша некалькі разоў мяняла герб. Так, у 1781 годзе сімвалам горада стаў шчыт, у верхняй частцы якога быў размешчаны двухгаловы арол (адсылка да герба Расійскай імперыі), а знізу — кальцо са стрэл.

У часы СССР з'явіўся яшчэ адзін герб Оршы — у ім знайшлося месца і стрэлам, і шасцярэньцы, і нацыянальнаму арнаменту.

Аднак урэшце аршанцы вырашылі вярнуцца да сваёй гістарычнай спадчыны 1620 года.

Onlíner па-беларуску

15 Sep 2024 15:30

«Мы называлі яго „Буран“, як касмічны карабель». Знакаміты 15-ы корпус БНТУ на старых фота

У Мінск вярнуліся студэнты, ажылі ўніверсітэцкія мястэчкі.

Трымайце з гэтай нагоды старыя фота 15-га корпуса БНТУ, што ля станцыі метро «Барысаўскі тракт».

Чорна-белыя здымкі даслаў былы студэнт згаданай ВНУ Віктар Пеліх. У 1988-1994 гадах ён насіў з сабой «Зеніт», каб вы ў 2024-м змаглі зазірнуць у мінулае.

Onlíner па-беларуску

11 Sep 2024 15:26

Кацяня праехала ў маторным адсеку аўто больш за 10 кіламетраў і самастойна выбралася на СТА.

Дзіўная гісторыя адбылася ў Гродне. Citroen прыехаў на СТА на праспект Касманаўтаў з мікрараёна Альшанка. Раптам з ніадкуль з'явілася кацяня. Яно, відаць, знаходзілася ў маторным адсеку машыны і праехала больш за 10 кіламетраў.

«Да нас у бокс заехаў Citroen, і, пакуль майстар размаўляў з уладальнікам, каля аўтамабіля з'явілася пухнатае кацяня, — распавялі супрацоўнікі ААТ „Гроднааўтасэрвіс“ карэспандэнтам AutoGrodno. — Работнік станцыі паспрабаваў да яго наблізіцца, а тое заскочыла пад аўто, прабраўшыся праз маторны адсек да капота. Яно гэта зрабіла так спрытна, як быццам ужо не ўпершыню. У нас няма сумневаў, што яно прыехала да нас у машыне кліента. Сам жа мужчына кажа, што гэта не яго кацяня».

Аўтамабіль адрамантавалі, а кацяня засталося. Яго адвезлі да ветэрынара і агледзелі. «Высветлілася, што гэта дзяўчынка, з ёй зрэшты ўсё ў парадку, — растлумачылі ў аўтасэрвісе. — Толькі трэба апрацоўваць правае вочка. Неабходна яшчэ зрабіць тры ўколы, яны ў нас ужо ёсць».

«Калі хтосьці шукае сабе кацяня, то хай возьме гэтую малую ў нас, —просяць супрацоўнікі СТА. — Яна вельмі жвавая і кантактная. Тэлефануйце нам, калі ласка, на нумар 8 029 202-93-58».

Onlíner па-беларуску

04 Sep 2024 17:04

Перад намі — герб Смаргоні. Гістарычны факт: у XVII стагоддзі Радзівілы заснавалі тут незвычайную навучальную ўстанову — «мядзведжую акадэмію».

На заднія лапы жывёл надзявалі лапці і саджалі іх у спецыяльныя клеткі з металічным дном, пад якім разводзілася вогнішча. Ад моцнай спёкi мядзведзі станавіліся на заднія лапы, а затым, калі ўжо i лапцi не ратавалі, пачыналі пераступаць з лапы на лапу, як быццам танцуючы. Гэты працэс суправаджаўся ігрой дрэсіроўшчыка на бубне.

З цягам часу ў звяроў з'яўляўся рэфлекс — толькі пачуўшы гукі бубна, яны станавіліся на заднія лапы. А за сваю стараннасць атрымлівалі пачастунак.

Пасля заканчэння навучання «танцуючыя» мядзведзі са сваімі павадырамі гастралявалі па розных гарадах і мястэчках, дабіраліся нават да Германіі і Венгрыі. Вось так далёка праславілася смаргонская «акадэмія».

Герб Смаргоні быў прыняты ў 2004 годзе. На ім намаляваны чорны мядзведзь, які стаіць на чырвонай рашотцы і трымае ў лапах герб Радзівілаў.

Onlíner па-беларуску

03 Sep 2024 15:56

Каву з бульбай увяла ў меню сетка беларускіх кавярняў. Як вам ідэя?

Сетка кавярняў Varka, чые філіялы можна адшукаць ужо літаральна ў кожным мінскім закутку, прадставіла сваё новае восеньскае меню з «беларускім вайбам».

Акрамя цікавых, але цалкам зразумелых пазіцый накшталт маркоўнага бамбла і кавы з рагачоўскай згушчонкай, там прысутнічае нешта пад назвай «бульбяны раф».

Каштуе напой 8,5 рубля. Густ нам апісалі як «шчыльны, з мяккай тэкстурай пюрэ на вяршках, злёгку саланаваты і з лёгкай гарчынкай ад кавы».

— У працэсе распрацоўкі мы рыхтуем 10—15 варыянтаў напояў і толькі потым выбіраем 5 фінальных. Так што ў нас былі варыянты бульбянога рафа з грыбамі, грыбнога латэ, бурачнага латэ, але найлепшым па выніках дэгустацыі з партнёрамі, барыста і гасцямі вызначылі бульбяны раф, — распавядае шэф-барыста сеткі.

Ну што, будзеце каштаваць? (👍 — вядома, 👎 — не гэтым разам)

Onlíner па-беларуску

29 Aug 2024 11:11

Ізноў пра беларускія трэкі. Хлопец ператварыў тую самую застаўку з прагнозу надвор'я ў хард-тэхна.

Калі вы нарадзіліся ў Беларусі, то слова «надво'е» ў вас на сэнсарным узроўні суправаджаецца ў галаве той самай фартэпіяннай мелодыяй.

Аднак мы амаль упэўненыя, што яшчэ нікому не прыходзіла ў галаву зладзіць пад яе рэйв.

Музыканта завуць Данііл, але для мінскай электроннай сцэны ён больш вядомы пад імем NPD. Хлопцу 20 гадоў, і ён займаецца электроннай музыкай і арганізацыяй мерапрыемстваў крыху больш за год:

— Мяне даўно прасілі ўзяць у якасці сэмпла нейкую знаёмую для ўсіх мелодыю і ператварыць яе ў хард-тэхна. Спачатку я хацеў узяць «Калыханку», але атрымалася, што мелодыя з прагнозу надвор'я ператварылася ў трэк хутчэй і гэтак усім зайшла.

З «Калыханкі», дарэчы, трэк таксама ў выніку атрымаўся — я яго прэзентую якраз 31 жніўня. Наогул, гэта крута, што беларусы так рэагуюць на сваё. Мяне ўжо запрашаюць выступаць на вялікіх электронных варушняках у Маскве, але я адмаўляюся. Хачу пакуль напісаць яшчэ трохі беларускага і прыцягнуць увагу нашых людзей да электроннай музыкі.

Onlíner па-беларуску

22 Aug 2024 13:41

На аўкцыён зноў трапіў помнік архітэктуры. Стартавы кошт — 40 рублёў.

У Віцебскай вобласці прадаюць кузню з гісторыяй. Будынак уваходзіць у склад комплексу былой сядзібы «Нізгалова» і знаходзіцца ў аднайменным аграгарадку Бешанковіцкага раёна, за дзве гадзіны язды ад сталіцы. Рэдкі лот плануюць рэалізаваць праз пляцоўку «БУТБ-маёмасць». Пачатковы кошт кузні — усяго адна базавая, або 40 рублёў.

Сама сядзіба Нядзвецкіх, на тэрыторыі якой размешчана кузня, датуецца другой паловай XIX стагоддзя. Яна знаходзіцца ў цэнтральнай частцы аграгарадка Двор Нізгалова, на маляўнічым і высокім правым беразе ручая, які ўпадае ў раку Улу. Тут захаваўся сядзібны дом — цагляны аднапавярховы будынак у стылі класіцызму. Паблізу яго можна ўбачыць фрагменты старадаўняга парку і некаторыя гаспадарчыя пабудовы.

Кузня, якая засталася без гаспадара, пабудавана з чырвонай цэглы ў 1916 годзе. Падаць заяўку на ўдзел у таргах можна да 18 верасня. Аўкцыён пройдзе 23 верасня ў анлайн-фармаце.

Onlíner па-беларуску

14 Aug 2024 15:03

*партнерскі пост

🥩🍯Фермерскія мясныя далікатэсы,малочныя вырабы і мёд — гонар рынка «Валер'янава»

На самым знакамітым рынку Беларусі вы знойдзеце разнастайныя мясныя вырабы: бараніну, аленіну, індычку, свініну, труса з хатняга падворка і многае іншае. Мясныя хатнія далікатэсы фермеры робяць сваімі рукамі.

А сёння Мядовы Спас — рынак поўны свежага мёду ўраджаю 2024 года: грэчка, ліпа, разнатраўе і інш.

Рынак працуе без выхадных да 20:00. Гандлёвы комплекс «Валер'янава», в. Лагойская, 5А. 1,5 км ад МКАД у бок Бараўлянаў, каля Новай Баравой.

Onlíner па-беларуску

01 Aug 2024 09:41

«Рэдкі выпадак». У гняздзе ў Мазыры налічылі 6 буслоў.

Журналісты Onlíner нядаўна ездзілі ў камандзіроўку ў Мазыр і на адной з гарадскіх вуліц убачылі незвычайную карціну. У вялікім гняздзе на падпілаваным дрэве стаялі пяць буслоў, яшчэ адзін прызямліўся на найбліжэйшы ліхтар.

Улетку мы звыклі бачыць у гнёздах буслоў па тры-чатыры птушкі, а тут адразу шэсць. Паказалі фатаграфіі арнітолагу Сямёну Леваму і спыталі, ці не цягне такое нашчадства на рэкорд.

Па словах эксперта, у гэтым гняздзе знаходзяцца пяць буслянят. Той, што стаіць на ліхтары, — дарослы. Маладых птушак выдаюць цёмна-бурыя дзюбы.

— Звычайна ў гняздзе буслоў можна ўбачыць па два-тры птушаняты, пяць — рэдка, шэсць — выключная з'ява.

Пладавітасць птушкі залежыць ад колькасці ежы ў канкрэтным рэгіёне. Зараз буслоў больш за ўсё ў раёне заказніка «Сярэдняя Прыпяць», — дадае спецыяліст.

Onlíner па-беларуску

24 Jul 2024 15:03

*партнёрскі пост

🧱 Вялізная будаўнічая крама ў Гомелі!

Будмаркет KSK — рознічны і аптовы продаж тавараў для будаўніцтва, рамонту, добраўпарадкавання дома і саду, спорту і вашага аўтамабіля.

🔹 Больш за 130 000 будаўнічых і аддзелачных матэрыялаў, інструментаў і іншых тавараў.
🔹 Плошча крамы больш за 15 000 кв.м.
🔹 Кампанія 25 гадоў на рынку.
🔹 Дастаўка па ўсёй Гомельскай вобласці. У Бабруйск і Магілёў – усяго 20 рублёў.
🔹Адпраўка пасылак па Беларусі бясплатна.

Адрас: г. Гомель, вул. Міжгародняя, ​​7
Інтэрнэт-крама ksk.by