35953
Arraata Biyyoolessa Oromiyaa, miidiyaa Agartuu Oromoo!
Godina Walloo Aanaa Baatee keessatti loltoota sirnichaan hidhaa fi reebichi maatii qabsaa'otaa irratti geggeeffamu jabaatee itti fufe
ONM-ABO Muddee 2,2024 Maatii qabsaa'otaa fi sabboontoota ilmaan Oromoo hidhuu, ajjeesuu, saamuu, qe'ee irraa buqqisuu fi reebanii doorsisuun akka waan qabsoo Bilisummaa Oromoo duubatti deebisuutti warreen amanan hidhattootni sirnichaa Koloneel Abiy Ahimediin durfaman, hawaasa nagaa maqaa maatii qabsaa'otaati jedhuun reebanii manneen hidhaatti darbachuu hammeessaniiru.
Godina Walloo aanaa Baatee ganda Eelaa fi Mootummaa jedhamu keessaa Sadaasa 30,2024 hidhattootni Bilxiginnaa maqaa sakattaa WBO jedhuun gandichatti bobbaafaman jiraattota gandichaa kan ta'an namoota 4 kan maqaan isaanii Ahimed Ussee,
Usmaan Mahammad,
Abduu Ammee Qorii fi shamarree maqaan ishee Xoyibaa Abduu Mahaammad jedhamtu dabalatee reebicha ulfaataa qaama laalessu irratti raawwachuun hidhanii jiraachuu maddeen keenya onichaa ONM'tti himan.
Akka jiraattotni aanaa Baatee Arraatni Biyyoolessa Oromiyaa dubbise jedhanitti, namoonni hidhattoota murna bilxiginnaan reebichi rifaasisaan irratti geggeeffamuun hidhaman kun qonnaan bultoota paartii siyaasaa dhaaba kamiiyyuu hin deggerre ta'uu yoo himan, garuu gareen faashistii PP kun maqaa maatii qabsaa'otaati jedhuun manaa fi bakkoota hojii idilee isaanii irraa qabuun gidiraa agarsiisaa akka jiran jiraattotni kunneen dabaluun dubbataniiru.
Giddu-Galeessa Oromiyaa Kaabaa fi Lixa Shaggar Keessatti waraanni faashistii PP ZU-23 dhukaasuun lubbuu namaa fi qabeenyaa irraan midhaa geessisuun beekame
ONM-ABO Muddee 2,2024 Murni faashistii PP kunneen Kaaba Shaggar aanaalee akka Warra Jaarsoo, Kuyyuu, Hidhabuu Abootee, Dharraa, Dagam, Giraar Jaarsoo, Fiichee fi akkasumas aanaalee Lixa Shaggar keessaa kanneen akka Ada'aa Bargaa fi Meettaa Wal-qixxeetti meeshaalee akka ZU-23, Taankii, Madfii, fi Rokkeettii fageenya irraa dhukaasuun lubbuu namaa fi qabeenyaa irraan miidhaa geessisaa jira.
Dhukaasa meeshaalee gurguddaa qe'ee hawaasaa irratti dhukaafamaa jiru kanaanis guyyaa kaleessaa Muddee 1,2024 lubbuun namootaa darbaa jiraachuu fi hanga gabaasni kun qindaa'etti dhiirri lamaa fi shammarran lama du'uun beekamee jira.
Yeroo ammaa kanas akka Aanota kanneeniitti namuu midhaan isaa ooyiruu irraa haammachuu kan hin dandeenyee fi lafa itti baqatu dhabee rakkoo hamtuu keessa akka jiru akkasumas, ergereen isaanii yaaddeessaa ta'uun ni beekama.
Bilxiginnaan nagaa buusna jechuun Finfinnee keessaa daldala siyaasaa gantoota waliin geggeessus qe'een Oromoo garuu ibiddaan gubachaa jira.
Hundeeffama Bilxiginnaa waggaa 5'ffaa jechuun Shimallis Abdiisaa uummatni Oromoo baga paartii kana qabaate yeroo ittiin jedhuun namootni baay'een paartiin Oromoo ajjeesaa oolu uummata Oromoon akkas jechuun lubbuu uummata Oromootti qoosaa jiraachuudha jechuun dubbachaa turan.
Waraanni sirna nama nyaataan PP godina Wallagga Bahaa Aanaa Gudayyaa Biilaa keessatti hawaasa nagaa hidhaatti guuruu cimsanii itti fufan
ONM-ABO Muddee 2,2024 Uummanni Oromoo bara Bilxiginnaa keessa sanuu, murna maqaa Oromoon aangoo irra jiruun biyya isaa irratti mirgi abbaa biyyummaa isaa jalaa mulqamee qe'ee isaa irra bilisaan jiraachuu dadhabuun guyyuu hidhaa fi ajjeechaan dararamaa jira.
Haaluma kanaan torban darbe keessa waraanni goolessituu impaayerattii aanaa Gudayyaa Biilaa ganda Agaloo Gidaamii jedhamu keessatti namootni maqaan isaanii:
• Mangistuu Yaaddessaa,
• Rattaa Dhaabaa,
• Taayyee Kifilee fi
• Addisuu Yaadataa jedhaman badii tokko malee sababa Oromummaa isaanii qofaaf hidhamanii dararamaa jiraachuu jiraattonni gandichaa Arraata Biyyoolessa Oromiyaaf eeranii jiru.
Akka jiraattonni himanitti, namoonni kunneen siyaasa kam irraa walaba ta'uu himuun, akkuma aanichaatti ergamatoonni nagaa hawaasaa sarban waraanni Bilxiginnaa yakka tokko malee uummata nagaa irraa mirga lubbuun jiraachuu mulquun gochoota suukkanneessoo adda addaas raawwachaa jiraachuu dubbatu.
WBOn Warra Jaarsootti Keessatti Diina Du'aa fi Madoon Adabe
ONM-ABO Muddee 2,2024 WBOn zoonii giddu gala Oromiyaa Kaaba Shaggar aanaa Warraa Jaarsoo ganda Dhahee Sillaasee keessatti tarkaanfii kaleessa Muddee 1 fudhateen waraana impayeera Itoophiyaa irraa 28 ajjeesuun 25 ol madeessee injifaannoo boonsaa diina irratti argateera.
Injifannoon Uummata Oromoof ❗️
https://www.facebook.com/Arraatabiyyolessa/videos/959533546003049/?app=fbl
Читать полностью…
Three Ethiopian National Defense Force members defected to the Oromo Liberation Army in Eastern Wallaga.
ONM-ABO December 2, 2024. Most members of the Ethiopian National Defense Forces, who were forced into joining the army through widespread involuntary conscription, are demoralized and unwilling to carry out the orders of their superiors. They are often instructed to commit atrocities against innocent civilians, which some of them refuse to carry out and instead opt to defect to the OLA. The core structure of Abiy Ahmed’s forces is ravaged by mistrust, discontent, and ethnic-based prejudice directed against Oromos and other minority groups within the national defense force.
It has been a trend that members of the Ethiopian National Defense Forces have been defecting to the Oromo Liberation Army from time to time in small increments, answering the call that the Oromo Liberation Army had made to all members of the Ethiopian National Defense Force. On November 2, 2024, one of the empire’s national defense force members defected to the Oromo Liberation Army in Sasiga District with his full military gear, which included one automatic rifle and ammunition.
Additionally, two more of the empire’s soldiers defected to the Oromo Liberation Army in Diga District from a military base called Kirechari with their full military gear, which included two automatic rifles, ammunition, and a few military uniforms. After reaching the Oromo Liberation Army bases, these defectors expressed their appreciation for the warm welcome they received from the Oromo Liberation Army.
The defectors stated that everything they had heard about the Oromo Liberation Army (OLA) was false and unfounded propaganda disseminated by the Prosperity Party regime with the intent to smear the Oromo liberation movement. They described the OLA as genuine, well-intentioned, and highly disciplined freedom fighters struggling to liberate their nation from the current barbaric Ethiopian regime. The OLA strictly adheres to the Geneva Conventions and does not commit any atrocities against opponents or prisoners of war once they have surrendered or defected to the OLA. In contrast, the current Ethiopian regime shows no respect for human lives and is actively engaged in the massacre of innocent civilians, while the OLA makes all necessary sacrifices to defend innocent civilians from the tyranny of Abiy’s regime.
Finally, the three defectors called on their fellow soldiers who are still serving the bloody Ethiopian regime to abandon the barbaric camp that orders them to commit crimes against humanity and join the Oromo Liberation Army, which is struggling to defend the rights of all people residing in Oromia and beyond. They advised these fellow soldiers to stop taking harmful and dangerous orders against civilians and find the courage to leave the enemy camp at every opportunity they get.
Godina Lixa Wallaggaatti saamichi fi gochoonni namusa seeraa hin calaqqisisnee uummata irratti geggeeffamuun beekame.
ONM-ABO Sadaasa 2,2024 Gareen abbaa irree Bilxiginnaa kufaatii siyaas-dinagdee gama hundaan isa mudate irraa of bararuuf jecha goleewwan Oromiyaa cufa keessatti loltoota isaa gara jabeeyyii bobbaasuun saamicha seeraan alaa maqaa kaffaltii gosa garaa garaa itti tarreessuun hawaasa qaala'iinsa jireenyaan waxalamaa jiru dararuu akkuma itti fufanitti jiru.
Godina Lixa Wallaggaa aanaa Gimbii bulchiinsa magaalaa Gimbiitti Sadaasa 24,2024 irraa eegalee loltoonni fi kaadiroonni murna maafiyaa PP maqaa waajjira paartii Badhaadhinaa ijaarra jedhuun daldaltootaa fi abbootii qabeenyaa hedduu walitti qabuun qarshii 2000-5000 irraa saamaa jiraachuu maddeen Arraata Biyyoolessa Oromiyaatti himaniiru.
Kaabinoonni Bilxiginnaa jiraattota walitti qabuun saamaa jiran kunneen:
- Gammachuu Dabalaa Itti Gaafatamaa Paartii Badhaadhinaa magaalaa Gimbii,
- Kantiibaa magaalaa Gimbii fi
- Itti Gaafatamaa dhimma nageenyaa magaalaa Gimbii ta'uun itti dabaluun ibsameera.
Mootummaan abbaa irree Bilxiginnaa kufaatii siyaas-dinagdee gama hundaan isa mudate irraa of bararuuf jecha goleewwan Oromiyaa cufa keessatti loltoota isaa gara jabeeyyii bobbaasuun saamicha seeraan alaa maqaa kaffaltii gosa garaa garaa itti tarreessuun hawaasa qaala'iinsa jireenyaan waxalamaa jiru dararuu akkuma itti fufanitti jiru.
Aanaa Baabboo Gambeel ganda Daamotaa jedhamu irraa Sadaasa 27,2024 loltoonni mootummaa garboomfataa PP kanneen faayidaa dhuunfaa isaanii qofa guuttachuuf bobbaafaman nama maqaan isaa Obbo Jamaal Xahaa jedhamu jalaa madaala midhaanii tokko jalaa saamuun, namoota maqaan isaanii:
- Sabrii Caalii,
- Obbo Galaanaa fi
- Mujaayid Geetaanaa jedhaman badii tokko malee sababa Oromummaa isaanii qofaaf yakkuun reebicha ulfaataa ta'e irraan gahuu jiraattonni gandichaa Arraata Biyyoolessa Oromiyaaf ibsan.
-
Godina Lixa Shaggar Aanaa Abuunaa Gindabaratitti waraanni Abiy Ahimed hawaasa nagaa ukkaamsuun achi buutee dhabamsiisuu fi saamuu cimsanii itti fufan.
ONM-ABO Sadaasa 2,2024 Hawaasuma irraa dhalataniif illee ilaalchaa fi yaada gaarii kan hin qabne loltoonni Bilxiginnaa, hawaasa nagaa sobaan yakkuun miidhuu itti fufanii jiru.
Aanaa Abuunaa Gindabarat ganda Buuqqatoo jedhamu keessaa ergamtoonni sirnichaa Sadaasa 29,2024 jiraattota maqaan isaanii:
- Doorii Gaddafaa,
- Iddoosaa Badhasaa,
- Yaadasaa Kursaa,
- Dabaloo Hordofaa,
- Raggaasaa Tolasaa,
- Eebbisaa Fayyee,
- Fufaa Galaahee fi
- Girmaa Fufaa kanneen jedhaman badii tokko malee qe'ee fi qabeenyaa isaanii irraa ukkaamsuun achi buutee dhabamsiisuu jiraattonni gandichaa Arraata Biyyoolessa Oromiyaatti himaniiru.
Kana malees ganduma kana irraa guyyuma kana namoota maqaan isaanii:
- Baqqalaa Tolasaa jalaa loon 7,
- Taaddee Tolasaa jalaa loon 4,
- Magarsaa Badhaasaa jalaa loon 5 akkasumas namoota kan biroo maqaan isaanii hin caqafamne jalaa ree'ota saamanii deemuu maddeen itti dabaluun ibsaniiru.
Namoonni kunneen siyaasa kam irraa walaba kan ta'anii fi sababa Oromumummaa isaanii qofaaf yakkamuun dararaa ulfaataa keessummeessanii jiraachuu itti dabaluun ibsaniiru.
Oduu Ganama ONM-ABO Muddee 2-2024 itti dhiyaadhaa!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
Gabaasa Tarkaanfii ONM-ABO Muddee 1-2024 itti dhiyaadhaa!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
Oduu Galgala ONM-ABO Muddee 1-2024 itti dhiyaadhaa!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
Tarkaanfii WBO
Har'a Muddee 1,2024 WBOn Zoonii Giddu Galaa Oromiyaa Kaaba Shaggar aanaa Dagam ganda Yaayyaa Haroo keessatti tarkaanfii fudhateen guutuu isaa walitti deebina.
Injifannoon Uummata Oromoof ❗
Bilxiginnaan guyyaa akka irraa Muddee 1,2021 jila abbootii gadaa Karrayyuu fixxe. Har'a Muddee 1,2024 ammoo meeshaalee gurguddaan uummata Oromoo Kaabaa fi Lixa Shaggaritti fixaa jirti.
#StopKillingOromoo
#JusticeForOromoo
#OromoLivesMatter
Giddu Galeessaa Oromiyaa Kaabaa fi Lixa Shaggar Keessatti Waraanni Faashistii PP ZU-23 Dhukaasuun Namootaa Fixaa jira
ONM-ABO Muddee 1,2024 Murni faashistii Itiyoophiyaa Kaabaa Shaggaar aanaalee akka Warra Jaarsoo, Kuyyuu, Hidhabuu Abootee, Darraa, Dagam, Girar Jaarsoo, Fiichee, Yaayya Gullallee akkasumas Lixa Shaggar aanaalee akka Ada'aa Bargaa fi Meettaa Walqixxeetti meeshaalee akka mortoraa, Zu 23, taankii, madfii fi rookkeettii dhukaasa jiru.
Dhukaasa guyyaa har'aa kanaanis hanga yoonaatti uummanni nagaan dhiirri 2 fi dubartoonni 2 du'aniiru.
Miidhaan qabeenya uummataa fi lubbuu namootaa irratti ga'aa jiru kana caalaa waan ta'ee waan jiruu adda baafannee walitti deebina.
Bilxiginnaan maqaa araaraan namoota isaa Finfinneetti galchee lafa irraa hawaasa meeshaalee gurguddaan fixaa jira.
Uummanni Oromoo Biyya UK fi Nezerlaand keessa jiraatan hiriira bahuun Uummata Oromoof sagalee ta’an
ONMABO Muddee 1,2024 Uummanni Oromoo biyya UK fi Nezerlaand jiraatu guyyaa kaleessaa hiriira ba’uun ajjeechaa, buqqaatii fi dhiittaa mirga namoomaa uummata Oromoo irratti raawwatamaa jiru mormuun sagalee isaanii dhageessisan.
Hiriira isaanii kanaanis dhaadannoowwan addaa addaa kan dhageessisan yoo ta’u, dhaadannoo isaaniitiinis; uummanni Oromoo walqixxummaa fi bilisummaan isaa haa kabajamu, Oromiyaan ni bilisoomti kan jedhuu fi dhaadannoo biraalleen dhageessisaniiru.
Itiyoophiyaa keessatti waraanni yeroo ammaa taasifamaa jiru ajjeechaan uummata nagaa irratti waraana garboomfataa PP fi Finxaaleeyyii Faannootiin geggeeffamaa jiru akka dhaabbatus sagalee isaanii dhageessisuun gaafatanii jiru.
Akkasumas mootummaan UK fi Nezerlaand mootummaa Itiyoophiyaa dinagdeen tumsuun waraanaaf akka oolfamu taasisuu akka dhaaban gaafatanii jiru.
Itti dabaluunis namootni nagaa seeraan ala ajjeefaman, Saamaman, Qe’eef Qabeenya isaanii irraa buqqa’an haqni isaanii akka mirkanaa’uu qabu gaafataniiru.
Humnoonni finxaaleeyyii faannoo ajjeechaa namoota nagaa irratti kan xiyyeeffatan shororkeessitoota; haadha Oromoo, qonnaan bulaa Oromoo, daa’immanii fi maanguddoota ajjeesuun dhaabbachuu qaba jechuun sagalee isaanii dhageessisaa oolaniiru.
Gootichi Waraana Bilisummaa Oromoo Kaaba Oromiyaa godina Walloo aanaa Dawwee Harawaa keessatti diina du'aa fi madoon adabe
ONM-ABO Muddee 2,2024 Irree fi gaachanni uummata Oromoo WBO'n hacuuccaa fi saamicha bifa kamuu saba Oromoo irraa kaasee Oromiyaa walaboomte ijaaruuf tarkaanfii guggubduu diinaa fi lukkeelee diinaa irratti fudhatu Oromiyaa bakkoota garaagaraatti jabeessee itti fufeera.
Bifuma kanaanis Kaaba Oromiyaa godina Walloo aanaa Dawwee Harawaa iddoo addaa Adaaloo jedhamutti ganama har'aa Muddee 2,2024 barii barraaqa sa'aatii 12:00 irraa eegaluun lola Cibraan Hasan Gulee ergamtoota maafiyaa PP waliin taasiseen loltoota sirnichaa 6 ol ajjeesuun madoo hedduun adabee hospitaala magaalaa Kamisee seensisuun barameera.
Tarkaanfii laalessaa warqiileen Zoonii Kaabaa Cibraan Hasan Gulee loltoota murna Bilxiginnaa irratti fudhateenis humni faashistii PP kun baaragdee bittinaa'uun humna dabalataa birmannaa fi magaalaa Kamisee irraa yaammatanii qe'ee hawaasaa keessatti ol deebi'uun bifa haaloo ba'annaatiin qe'ee maatii qabsaa'otaa gubaa turuun himameera.
Dararaan bilxiginnaan uummata Oromoo irratti raawwatamu kamuu afaan qawwee WBO qofaan kan furamu❗️
Injifannoon Uummata Oromoof ‼️
Baha Shaggar Aanaa Dugdaatti loltoonni Abiy Ahimed hawaasa nagaa ajjeesuu, madeessuu fi saamuu cimsanii itti fufan
ONM-ABO Muddee 2,2024 Ergamtoota Bilxiginnaan duulli duguuggaa sanyii uummata Oromoo irratti raawwatu hammaachuun har'as dunkaanni gaddaa balbala isaa dura dhaabbachuu fi imimmaan isaa lola'uun akkuma itti fufetti jira.
Aanaa Dugdaa ganda Bayimoo Guusaa keessaa Sadaasa 28,2024 waraanni sirna dhab-leessi impaayera Itiyoophiyaa hawaasa nagaa irratti dhukaasa banuun maanguddoo maqaan isaanii Warquu Sabbuu jedhamuu fi dargaggoo tokko kan maqaan isaa hin eeramne ammoo madeessanii jiraachuu maddeen ONM'tti himan.
Maanguddoon ajjeefaman kun abbaa ijoollee 12 yoo ta'an, badii tokko malee bakka ooyiruu isaaniitti irbaata rasaasa murna nama nyaataa PP ta'uun ibsameera.
Sadaasa 27,2024 ammoo aanichuma ganda Hafaa Qamalee jedhamu keessaa nama Sooressaa Baldaa jedhamu maatii isaa ijoollee lamaa fi haadha warraa isaa badii tokko malee qe'ee isaaniitti rasaasa itti roobsuun madoo ulfaataa taasisanii yeroo ammaa kana hospitaala ciisuun yaalamaa jiraachuu maddeen itti dabaluun eeraniiru.
Kana malees jiraataa ganda Birbirsa Guddaa Saabolee kan ta'e dargaggoon maqaan isaa Darajjee jedhamus Sadaasa 30,2024 badii tokko malee loltoota sirnichaan ajjeefamee jiraachuu maddeen himan.
Oduu saamichaan wal qabatuun ammoo ganda Bayimoo Guusaa irraa Sadaasa 30,2024 nama maqaan isaa Badhaasoo Guddataa jedhamu jalaa loon 6 saamanii deemuu maddeen itti dabaluun ONM'f ifoomsanii jiru.
Baha Shaggar Magaalaa Duukam irraa loltoonni faashistii PP lammiilee nagaa hidhaatti darbachuun maallaqa guddaa gaafachuu cimsanii itti fufan
ONM-ABO Muddee 2,2024 Loltoonni sirnichaa yeroo adda addaatti ilmaan Oromoo yakkuun ukkaamsanii mana hidhaatti darbatanii qarshii hedduu gaafachuu fi dararaa hamaa irraan ga'aa kan jiran ta'uun ni beekama.
Baha Shaggar magaalaa Duukamitti loltoonni Bilxiginnaa ji'oota hedduuf ilmaan Oromoo baay'inaan waajjira poolisii magaalichaatti hidhanii dararaa kan jiran yoo ta'u, nama tokko qarshii 300,000 ol gaafachaa jiru. Yoo isaan hin qabaanne immoo garmalee dararaa itti hammeessuun gochoota gara jabinaa tilmaama hin qabne irratti raawwachaa jiraachuu isaanii namoonni magaalicha keessaa itti dhiheenyaan beekan Arraata Biyyoolessa Oromiyaatti himaniiru.
Akka maddeen jedhanitti, "dargaggoonni fi namoonni hedduun ukkaamfamuun magaalichatti dararaa hamaa argaa kan jiranii fi gadaanaan qarshii 20,000 gaafatamaa jiraachuu himuun, hidhamtoota hedduu irraas qarshii kana fudhatanii nyaachuun gadi dhiisuu didanii garmalee rakkisaa jiraachuu dubbatan.
Tarkaanfii WBO
ONM-ABO Muddee 2,2024 WBOn zoonii Giddu Gala Oromiyaa Kaaba Shaggar aanaa Dagam ganda Yaayyaa Haroo keessatti kaleessa Muddee 1 tarkaanfii waraana impayeera Itoophiyaa irratti fudhateen 23 ajjeesuun 18 madoon gaggeessee jira.
Injifannoon Uummata Oromoof ❗️
Oduu Waaree ONM-ABO Muddee 2-2024 itti dhiyaadhaa!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
Iraan haleellaa mormitootaa booda mootummaa Siiriyaa ‘cimseen deeggara’ jette
ONM-ABO Sadaasa 2,2024 Dippilomaatiin olaanaa Iraan Abbaas Aragachi Dilbata kaleessa mootummaa Siiriyaa fi humnoota hidhattootaaf ergaa deggarsa dabarsuudhaaf Teyiran gadhiisanii gara Damaasqootti akka deeman miidiyaaleen mootummaa ibsaniiru. Kunis erga loltoonni mormitootaa ifa ta’een tarkaanfii fudhataniiru.
Teyiraan yeroo waraana biyya keessaa bara 2011 ka’etti michuu cimaa pirezidaantii Siiriyaa Bashar al-Asad taatee loltoota kumaatamaan lakkaa’aman gara Siiriyaatti ergiteetti.
Hizboollaan kan Iraaniin deeggaramu, kan Libaanos, waggootaaf mootummaa Sooriyaa cinaa lola tureedha.
Bara 2020 irraa eegalee naannoon mormitootaa naannoo kaaba dhiha Siiriyaa Idlib keessatti argamu, waliigaltee waraanaa Turkii fi Raashiyaan gidduu galeessa godhate kan irra deddeebiin sarbamiinsa raawwatamus baay’inaan qabamee ture.
Garuu mormitoonni Roobii darbe magaalaa Aleppoo irratti haleellaa tasaa yeroo bananitti, guyyaadhuma sanatti dhukaasa dhaabuun dadhabaan ollaa Libaanos Israa’elii fi Hizbullaah gidduutti hojiirra oole.
Mootummaan Siiriyaa bara 2015 deeggarsa michoota isaa Raashiyaa fi Iraaniin, bara 2016 magaalaa Aleeppoo guutuun kutaa biyyattii bal’aa deebisee to’atee ture jechuun AFP'n gabaaseera.
Godina Iluu Abbaa Booraa Aanaa Daarimuutti waraanni faashistii Abiy Ahimed jiraattota hidhaatti guuruu cimsee itti fufee jira.
ONM-ABO Sadaasa 2,2024 Gara jabeeyyiin loltoota faashistii Abiy Ahimed lolaan Waraana Bilisummaa Oromoo injifachuu hoggaa dadhaban hawaasa nagaatti ol deebi'uun dararaa suukkaneessaa ta'e raawwachaa kan jiran ammallee haala duraan barameen olitti ilmaan Oromoo kutaalee Oromiyaa cufa irraa dararuu cimsanii itti fufanii jiru.
Aanaa Daarimuu ganda Waabeekoo jedhamu irraa loltoonni faashistii Abiy Ahimediin bobbaafaman nama maqaan isaa Abdulamiid Haajii Mahaammadnuur jedhamu Sadaasa 26,2024 ukkaamsuun hidhaatti darbatanii garmalee dararaa jiraachuu maddeen Arraata Biyyoolessa Oromiyaatti himan.
Kana malees, Aanaadhuma kana ganda Gumgummii jedhamu irraa immoo, namoota maqaan isaanii Mahaammad Habiibii fi Mulunaa Saambii jedhaman halkan bakka isaan rafaa jiranitti itti dhaquun Sadaasa 26,2024 maqaa "hidhata Waraana Bilisummaa Oromoo qabdu" jedhuun yakkanii hidhaatti darbachuun waajjira poolisii aanichaatti garmalee dararaa jiraachuu fi akkuma aanichatti maqaa adda addaa itti maxxansuun sobaan yakkanii hiraarfama ulfaataa qaqqabsiisaa jiraachuu itti dabaluun ibsaniiru.
Godina Horroo Guduruu Wallaggaa Aanaa Kombolchaa fi Coomman Guduruutti dararaan loltoota PP'n Hawaasa irratti geggeeffamu jabaatee itti fufe.
ONM-ABO Sadaasa 2,2024 Ergamtoonni hooggana hin qabne loltoonni Bilxiginnaa akkuma argan bobbaafamuun hawaasa nagaa gidirsaa kan oolan yoo ta'u, namoonni danuunis gochaa isaanii malee maqaa isaan hin qabneen yakkamuun gidiraa hamtuu keessummeessaa jiru.
Aanaa Kombolchaa ganda Hulaa Guutoo jedhamu keessaa ergamtoonni sirnichaa Sadaasa 26,2024 badii tokko malee nama maqaan isaa Jaallataa Barii jedhamu mana inni jiraatu dhaquun bilbila yoo saaman, Biqilaa Margaa kan jedhamu ammoo waajjira poolisii aanichaatti hidhamee dararamaa kan jiru ammoo mana isaa deemanii maatii isaa irratti reebicha raawwatanii deemuu maddeen Arraata Biyyoolessa Oromiyaatti himaniiru.
Akka maddeen himanitti, namoonni kunneen siyaasa kam keessa kan hin jirre ta'uu himuun, ergamtoonni safuu fi safeeffannaa hin beekne loltoonni Bilxiginnaa halkan toora sa'a 6:00'tti itti dhaquun miidhaa hangana hin jedhamne irratti raawwachuu dubbataniiru.
Dabalataan aanaa Coomman Guduruu ganda 02 keessaa Sadaasa 29,2024 ergamtoonni qabeenya uummata Oromoo saamuun of jireessan loltoonni Koloneel Abiy Ahimed nama maqaan isaa Nagaraa Waggaarii jedhamu jalaa loon 7 saamanii qalachuu maddeen Arraata Biyyoolessa Oromiyaatti himaniiru.
Qophii Dilbii Dilbataa ONM-ABO Muddee 1-2024 itti dhiyaadhaa!
Yaadannoo Ajjeechaa Abbootii Gadaa Karrayyuu, Eebba WBO, Tarkaanfii WBO, Ibsa ABO-WBO, Haala Impaayerattii fi Gaanfa Afrikaa Ilaalchisuum Maree Jaal Niimoonaa Sabaa Waliin Taasisne!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
ታእሳሲ 1-2024 ONM-ABO እለታዊ የኦሮሞ ነፃነት ሰራዊትና የኦሮሚያ ውሎ!
Arraata Biyyoolessa Oromiyaa:-
Twitter:-
https://twitter.com/ArraataO
Telegram:-
/channel/onm_AbO11
YouTube:-
https://www.youtube.com/channel/UCFaKSG_I_GRhpw-VNhBEKbw
Rumble:-
https://rumble.com/c/ONM
Arraatni Biyyoolessa Oromiyaa Afaan Saba Oromoo fi Qabsoo Bilisummaa Oromooti.
Yaadaa fi qalbii guutuun hordofaa❗️
Abiy Ahmed Continues to Fall into a Chasm
(OLF-OLA press release) 👇
Waggaa 3 guute Ajjeechaan Abbootii Gadaa Karrayyuu irratti raawwatame. Hanga ammaa haqni hin jiru.
#JusticeForOromoo
Tarkaanfii WBO
Kaaba Shaggar aanaa Warraa Jaarsoo ganda Dhahee Sillaasee keessatti guyyaa Muddee 1,2024 tarkaanfii fudhatee jira.
Haleellaan xiyyaaraa Siiriyaa giddugala magaalaa Aleppoo irratti xiyyeeffateen namoonni hedduun ajjeefaman
ONMABO Muddee 1,2024 Haleellaa xiyyaaraa eenyummaan isaa hin beekamne Siiriyaa giddugala magaalaa Aleppoo irratti erga gareewwan hidhattoota farra sirnichaatiin qabamtee booda raawwateen namoonni nagaa hedduun ajjeefamaniiru.
Xiyyaaronni waraanaa eenyummaan isaanii hin beekamne giddugala magaalaa Aleppoo keessatti addabaabayii irratti haleellaa kan raawwatan yoo ta’u, irra caalaan isaa to’annoo gareewwan hidhatee farra sirnichaa jala jira.
Tilmaamni jalqabaa haleellaa xiyyaaraa booda godhame akka agarsiisutti lubbuun namoota nagaa hedduun darbeera, hanga ammaatti lakkoofsi sirrii ta'e hin jiru.
Roobii irraa eegalee gareewwan hidhatan kaaba Siiriyaa keessatti humnoota sirnichaa waliin walitti bu’aa turan baadiyyaa Idlib fi bulchiinsa Aleppoo lamaan keessatti saffisaan tarkaanfachaa jiru.
Sanbata ganama irraa eegalee gareewwan hidhatan kun gandoota bahaa fi kibba baha Idlib, kanneen kanaan dura to’annoo mootummaa Asaad jala turan, harka caalu Aleppoo waliin qabatanii jiru.
Jimaata darbe gareewwan kunneen giddugala magaalaa Aleppoo seenuun hanga galgalaatti aanaalee giddu galeessaa ga’aniiru.
Dararaan daangaa darbe lammiilee nagaa irratti loltoota sirnichaan raawwatu Godina Wallaggaa Bahaa Aanaalee hunda keessatti jabaatee itti fufe
ONMABO Muddee 1,2024 Murni afaan qawweetiin uummata Oromoo garbummaa jalatti cafaqee bulchuu barbaaduu fi Oromummaa hadheeffachuun Itiyoophiyaanummaa faarsu Bilxiginnaan, goleewwan Oromiyaa mara keessatti loltoota isaa bobbaasuun hawaasa nagaa hidhuu, ajjeesuu fi saamuu cimsanii itti fufanii jiru.
Aanaa Billoo Boshee ganda Gala-Gurree iddoo addaa magaalaa Jiituu jedhamtu keessaa loltoonni Bilxiginnaa Sadaasa 25,2024 namoota maqaan isaanii:
- Ijjigaayyoo Biiroos,
- Alamaayyoo Addaamuu,
- Mulgeetaa Hambisaa fi
- Aangessaa Haroo jedhaman jalaa qabeenya dukkaana isaanii keessa jiru tokko osoo hin hambisin guutummaan jalaa saamuun konkolaataa fe'umsaa lamaan fe'achuun, namoota kanneenis fuudhanii deemuun hidhanii dararaa jiraachuu maddeen ONM'tti himan.
Akka maddeen himanitti, ergamtoonni Bilxiginnaa kunneen yakkoota kanneen osoo hin raawwatin dura gandicha keessatti tarkaanfii gootichi WBO irratti fudhate rifachuun erga of duuba deebi'anii booda, gaafa WBO'n bakkichaa deemu ammoo gara uummata nagaatti deebi'uun yakkoota kanneen raawwachuu himan. Namoota kanneen keessaa Mulgeetaa Hambisaa kan jedhamu nama qaama miidhamaa miilli tokko irra hin jirre maallaqa callaa illee qarshii 300,000 ol jalaa saamanii deemuu fi namoota hedduu ammoo reebicha ulfaataa irraan gahanii deemuu itti dabaluun dubbatu.
Kana malees godinuma kana aanaa Nuunnuu Qumbaa ganda Waamaa Kuraa jedhamu keessaa Sadaasa 28,2024 Habtaamuu Birraatuu kan jedhamu jalaa qarshii 30,000 yoo saaman, Funee Tasfaa jalaa ammoo qabeenya mana keessa jiru hunda saamanii jiraachuun ibsameera.
Ergamtoonni kunneen dararaa amaleeffatan sana ittuma fufuun, aanaa Saasiggaa ganda Odaa Guddinaa jedhamu keessaa maqaa ijaarsa gandaa jedhuun adda durummaan bulchaa gandichaa Mahaammed Adamiin baargamoo hawaasaa humnaan muraa fi nama tokko irraas qarshii 200 dirqamaan guuraa jiru. Nama waan kaffalu hin qabne ammoo "isin WBO dha" jechuun doorsisaa jiraachuu maddeen itti dabaluun eeraniiru.