Telegram-канал ortodoxtewahedoo - ኦርቶዶክስ ተዋህዶን እንወቅ የመወያያ ግሩፕ: Unsorted

ኦርቶዶክስ ተዋህዶን እንወቅ የመወያያ ግሩፕ

26 Nov 2024 14:00

Hello Mesi, welcome to ኦርቶዶክስ ተዋህዶን እንወቅ የመወያያ ግሩፕ!

ኦርቶዶክስ ተዋህዶን እንወቅ የመወያያ ግሩፕ

26 Nov 2024 09:32

#ምክር_ከአፈወርቅ

✍ አንድ ሙዚቃ ተጫዋች ወይም ዳንሰኛ ወይም እነዚኽን የመሰለ ሰው ወደቤቱ ቢጠራን ፈጥነን እንሔዳለን። ስለጠራንም እናመሰግነዋለን። በዚያም ግማሽ ያኽል ቀን እናሳልፋቸዋለን። እርሱን ብቻም እናደምጣለን። እግዚአብሔር በቅዱሳን ነቢያቱና በሐዋርያቱ ላይ አድሮ ሲያናግረን ግን እናፏሽጋለን። እንቁነጠነጣለን። ወዲያ ወዲኽ እንላለን። ይኽስ በእውነት እንደምን ያለ ስንፍናና ልበ-ቢስነት ነው?

🪔 ከዝናብ የሚከላከል ጣሪያ በሌለው የሰርከስ ትርኢት በሚታይበት ቦታ ላይም ዶፍ ዝናብ በላያቸው ላይም ቢወርድም፥ ነፋሱ (ወጨፎው) ፊታቸውን ቢመታቸውም ሰዎች እዚያ እንደ እብድ ኾነው ይቆማሉ። ስለቅዝቃዜው ወይም ስለዝናቡ ወይም ስለርቀቱ ምንም ምን አይገዳቸውም። ወደዚያ ከመሔድ ምንም አያግዳቸውም። በቤታቸው እንዲቀመጡ የሚያደርጋቸው ኃይል የለም። ወደቤተክርስቲያን ለመምጣት ግን ጥቂት የዝናብ ጠብታ ወይም በመንገዱ ላይ ያለ ጭቃ እጅግ ከባድ መሰናክል ይኾንባቸዋል።

📜 “እነአሞፅ ወይም እነአብድዩ እነማን ነበሩ? የነቢያት ወይም የሐዋርያት ቁጥራቸው ስንት ነበሩ?” ተብለው ሲጠየቁ ድዳ ይመስል አፋቸው ይዘጋል። ስለፈረስና ስለፈረስ ተሽቀዳዳሚዎች [በኛ ኹኔታ ስለእግር ኳስና ተጫዋቾቹ] ቢኾን ኖሮ ግን፥ አንደበታቸው ከባለቅኔዎችና የንግግር ችሎታ ካላቸው ሰዎች በላይ ስል ነው። ታዲያ ይኽን ልንታገሠው የምንችለው እንዴት ነው? ወደተውኔት ቤት [ስታዲየም ወይም እግር ኳስን የምናይበት ማንኛውም የDsTv ቤት] እንዳትሔዱ ብዬ ደጋግሜ አስጠንቅቄያችኹ ነበር። እናንተም ሰምታችኹኝ ነበር፤ ግን አልታዘዛችኹኝም። የነገርኳችኹን ቃል ቸል ብላችኹ ወደተውኔት ቤት ኼዳችዃል። እንግዲኽ እስኪ ንገሩኝ! አኹን እንደ ገና መጥታችኹ ይኽን ቃል ደግሜ ስነግራችኹ አያሳፍራችኹምን?

✍ የክርስቲያን መከራ [በቅዱስ ዮሐንስ አፈወርቅ] በገብረ-እግዚአብሔር ኪደ የተተረጐመ ከገጽ 119-121

#ኢንኅድግ_ማኅበረነ — መሰብሰባችንን አንተው!