-
Yig'lama qarshimda tiz chókib, Qandayin kuldiray, kulmasang? Tushungin, ketmasam bôlmaydi, Ne qilay, sevishni bilmasang?
"Yur, qochib ketamiz..."
[Jo‘rabek Ramazon]
@oshiqi_ishq
***
Баҳор тўла гуллар эди…
Бир гулни суйдим.
Гул “уз, деди, мени”, ошкор –
Узмадим-қўйдим.
Қовжиратди гул жисмини
Ҳижроннинг ёзи.
Шундан буён шеър ёзаман –
Ақлдан озиб…
Шундан буён у йилларга
Қайтгим келади.
“Эй, гул! Сени севаман” деб
Айтгим келади.
Нима учун бу дунёдан
Кетганим йўқдир?
Ҳали гулни аниқ тасвир
Этганим йўқдир.
Усмон Азим
@otashyashin
***
Иш. Чой. Суҳбат. Овқат. Яна иш.
Ҳамма нарса ўйланган. Пухта.
Сўнг сен келдинг. Бошланди ёниш.
Мувозанат йўқолди. Нуқта.
Мен қуладим ям-яшил ёзга,
Майсаларда қолдим беармон.
Мен қуладим гулдаги нозга —
Ариларнинг куйига. Тамом.
Мен қуладим кўз ёшларингга,
Тушларингга, ундан ҳам нари...
Мен қуладим қарошларингга —
Борса келмас муҳаббат сари.
Мен қуладим юксак фалакка —
Тубсиз зулмат билан бетма-бет.
Тамом. Нуқта. Самоват чекар —
Лабларида бесон сигарет.
Ҳамма нарса ўйланган. Пухта.
Тонг отади. Қуёш кулади.
Мувозанат йўқолди. Нуқта.
Тамом. Соғинч қадар қуладим.
Усмон Азим
@otashyashin
📜 Dardli hikoya.
✍ Muallif: Ilhom Rahmatov
🎙 Matnni Otash Yashin o‘qidi.
@otashyashin
So‘nggi so‘z, so‘nggi o‘y, so‘nggi vidolar,
Biz uchun qimmatga tushdi xatolar.
Sening sevging dildan asta yo‘qolar,
Men istagan baxtdan baxtiyor edim,
Bir paytlar beishq-u beozor edim.
Sabolar esgani bejizga emas,
Dilga olib kelar injiq bir nafas,
Buni sevgi emas, deydilar havas,
Seni sevib, jonim, gunohkor bo‘ldim,
Gunohkorlar ichra nobakor bo‘ldim.
Qani aytchi endi, dilingda ne dard?
Istaganing endi visolmi faqat?
Mendan kutmaganing qoldi bir shafqat,
Undan o‘zgalari ham bekor bo‘ldi,
Seni sevgan yurak ko‘p abgor bo‘ldi.
Qara, shaffaqga boq, bag‘ri qizillik,
Ko‘ksimiz qonidan unga chizildik,
Xazondek ko‘klardan asta uzildik,
Men seni istadim, dilim zor bo‘ldi,
Sen meni istading, o‘zga yor bo‘ldi.
Otash Yashin
@otashyashin
МЕН СЕНДАН ХАТ ЭМАС, ХАВОТИР ОЛДИМ
Мен сендан хат эмас, хавотир олдим
Бу чексиз оқшомнинг бир чеккасида.
Мен сени жуда оз қувонтиролдим,
Мен сенга жуда кўп битдим қасида.
Ким қўйиб берар бу туйғу исмини
Ким ўйлаб топади янги ибора –
Бора-бора тордир дунё мазмуни,
Фақат шу кўзларинг кенгдир тобора…
Муҳаммад СОЛИҲ
1976
@oshiqi_ishq
https://telegra.ph/Mikroavtobus-haydovchining-qizi-01-29-2
Читать полностью…
Буюк шоир Расул Хамзатовнинг аёлини исми Фотима бўлган.
Адиб бир даврада:
-Бир умр математикани ўрганган одамларни математик деймиз, мен Фотиматикман, деган экан.
@otashyashin
***
Tayini yo‘q taqdir ham.
Adashdi o‘z yo‘lidan.
Qanday olaman seni,
Nomard dunyo qo‘lidan.
Yutiladi hamma dard,
Oshkora bir nolish yo‘q.
Menga qarab kelish-u,
Senga qarab borish yo‘q.
Ko‘z qoladi sen tomon,
G‘arib jussa qayrilib.
Yashab bo‘larmi, sendan,
Tiriklayin ayrilib.
Na muhabbat qadrli,
Na sadoqat, na qasam.
Qani edi, bag‘ringda,
Uxlasam... uyg‘onmasam.
Jo‘rabek Ramazonov
@otashyashin
Сенда менинг кўнглим қолди,
Мендан сенинг кўнглинг қолди.
Раҳмдиллик севгидан чуқурроқ, софроқ ва покизароқ туйғудир. Раҳмдиллик юксак ва мураккаб инсоний ҳисдир. Унда муҳаббат бор, фидокорлик бор. Унда кечиримлилик бор.
Ҳаммамиз башарий хилқатимиз ҳукмига кўра севгига қодирмиз. Аммо раҳмдиллик эса фақат озчилигимиз қўлидан келади.
© Мубашшир Аҳмад
@otashyashin
Shu yerlarda odam yashaydi,
Shu yerlarda cho‘pon boqar qo‘y.
Nasibasin terib erta-kech
Tunga borib surar shirin o‘y.
Unga yotdir azim binolar,
Unga vazmin xarsanglar tanish.
Bugun bilan yashaydi odam,
Erta uchun yo‘qdir o‘rtanish .
Xayol bilan kezar adirlar,
Shamollarda uchib kelar goh.
Uzoqdagi tog‘ning ko‘ksiga
Teran tashlab qo‘yadi nigoh.
Uning do‘sti bitta-yu bitta
Uni sevgan sodiq "olapar".
O‘zi tili bo‘lmasa ham lek
Har xatardan beradi xabar.
Bu yerlarda tikan o‘sar past,
Bu yerlarning tuprog‘i ham sho‘r.
Qachon kelsam cho‘ponning qizi
Meni bir zum qiladi oshxo‘r.
Tayini yo‘q bu daydi yo‘llar,
Chorlayverar cheksizlikkacha.
Cho‘pon qizning ertagi bilan
Men o‘zimni tanidim kecha.
Oh, bu qadar qadrdon cho‘llar,
Sizsizlikda yashadim - qoyil!
Men qaytsam ham arazingiz yo‘q,
Taskin topar axiyri ko‘ngil...
Otash Yashin
@otashyashin
Танамдан чиқдим-да мен ерга эндим,
Менга бари аён, тириклар кўрмас.
Эй сиз кўр оломон, мен руҳман, дедим,
Улар кўрмас мени, ҳолимни сўрмас.
Бани одам овчи, одамни овлар,
Тишлаб тўймас, ғажиб тўймас, бедаво.
Ночор майитларнинг чўнтагин ковлар,
Пинжида хиёнат, қабоҳат, ғавғо.
Сўзимга тўлди соғинч, сўзим-да ёлғиз.
Кўзимга тўлди ёлғиз Аллоҳ жамоли.
Белги берди фалак. Номаьлум бир из.
Жисмимни синдирди ажал шамоли...
Тобутимни қучиб йиғладинггиз, Сиз,
Нечун, Дунёнинг Энг гўзал Аёли?!
1995
Rauf Parfi
@otashyashin