1225
وشتمك وزهد ابطرواك وتخون المشاعر للرخص تنحاز چا شنهي وگول اعزاز كاظم العطشان💜
. ياكُلّ يقيني
_____________________________
هلُمّي نجمعُ شِتاتَ الحُلم
وهاتي ماتَبعثرَ من غَيمكِ
هاتي... كلَّ ماتناثرَ من دمعكِ
وصقيع ضِلعكِ... ونزيف القلم
ألَمْ يُخبركِ طائرُ الأحلامِ عني
ألَمْ تغرِّدُ البلابلُ على الاغصانِ قِصتي
ألَمْ يُخبركِ النسيمُ
عن حَجمِ الباكياتِ في غُربتي
وعقاربُ الصمتِ تَلْسَعُني في وحدتي
وسُكونَ ليلي كالصَنم ...؟!
لاعُصفورٌ يُزقزقُ في حديقتي
ولاسكّرٌ ذاب في حنظلِ قهوتي
ولاوردُ الصباحِ قد ابتسمْ
تعالي حبيبتي
نَغسِلُ الأوراقَ بالدّمع ...
ونُعيد العجائبَ السبع ...
ونَبني الجنائنَ الثَكلى
ونُعيد سورَ الصينِ اذ انهَدمْ
تعالي حبيبتي
نُغنّي غِناءَ الغَجَرْ...
نُغني.... نُغني ...
من اللّيلِ حتى الَسحَر
ونَرقِصُ رقصاً بدوياً..
كُلّما إنهمَرَ المطرْ...
أنتِ.... يا أنتِ
يا أحلى البَشرْ......
سأجلُبُ لكِ
لبنَ العُصفورِ..
وعَرشَ بلقيس
قبل أن يرتدَّ إليكِ النَظَرْ
ياسندبادَ خيالي
و مواويلَ الليالي
لاتجعلينَ الهمّ... يَجثِمُ على صدري
لاتجعلينَ الليلَ... حُفرةً كَقبري
هلُمّي....
فكم من شمس ٍ للصباحِ قد أشرَقتْ
وكم من الأيامِ قد ضاعَتْ سُدى
يا أرقاً .... يمتَدُّ في شِرياني
الى بعيدِ المَدى
من آشورٍ....وبابلَ...وسُومرٍ
حتى زَمنِ الرَدى
حبيبتي.... قَدْ جفّ قلمي
فأكملْتُ قصيدتي بقطراتِ الندى
أما تعلمينَ أن أعلامي مُنكسةً
وإنّ كلّ شيءٍ فيكِ يُبكيني ...؟
أما تِعلمينَ....
أنّكِ قَدَري
ومَذْهَبي
ويقيني
أما تَعلمينَ...
إن عِظاميَ رَميمٌ بِقبرِ هَجْرُك.. ؟
فمتى تزفّينَ قيامَتكِ لِتُحييني.....؟؟
متى... متى .. ياكُلَّ يقيني
كاظم العطشان💜
. لحلم مازال قمرا في الروح.. رد الرسالة الأولى
"""""""""""""""""""""""""""""""""""""""""""""""
نَقَشتُها بريشتي.. فوقَ سحابُ الذاكِره
حتى إذا جفَّ المطر .. تأتي رعيداً ماطِره
معجونةٌ بالغَنَجِ
سارِحَةٌ بالمُهَجِ
غَضٌّ نَحيفٌ خِصرُها.. ياليتَ قَبري الخاصِره
_____________________________
و أجزِمُ أنَّ اللُّمى ..... يندي رضاباً من خَمرْ
كاشان طبع حسنها ترجع رويداً في العمرْ
إنْ ضَحَكَتْ ليل المُنى
إنْ غَضِبَت حتفٌ دَنا
حتى بَدَتْ في ليلها... نِدّاً خصيماً للقمَرْ
__________________________
الشَعرُ قد غاظَ الدُجى بل غاظ لجَّ الغَيْهبِ
ياسبباً في بهجتي.... وانعِم به من سببِ
مَخبوءةٌ كالدُرَرِ
مورِقةٌ كالشجرِ
ماخابَ من طولِ الرَجا...ذاك المُعَنّى الأشيب
كاظم العطشان 💜
. (( گال اروحن ...... ))~~~~~~~~~~~~~~~~
گال اروحن...
گتله الله اوياك روح
حته اسد بيبان صبري
وحته اعزّل بعد دكان الجروح
انته مو عنبر وشمّك
بس عذابك چان يطفح من يفوح
ونته مو ماي الحياة
انته مزنة عوز بكتار السفوح
ماني شذكر ... لو بچيتك !
حلم متوذّر لگيتك
چنت المّ البيّه وصعد
ودعي من فوگ السطوح
ربي رِدلي العافيه الضاعت سوالف
ربي يمته .. الياوكت بكتاره طايف..؟
كافي زحمه اظنوني تفتر ع الطوايف
كافي خوف ... الليل مايرحم الخايف
ونته عمرك ضحكه ابشفاف الربيع
وعمري صم اتراب بحلوگ الصحاري
وبين داري .... وموش داري ..!
ولنّي سالوفة خرس بين الشفايف
روح يربات القصور
القصر عندي ابكسرت افياي الصرايف
كاظم العطشان 💜
امراية العشره ضمير
ومشتهاة الدلّه ضيف
كاظم العطشان 💜
وحگ القدس و الصخره وحطين
اطيور السعد ماوچن وحطن
اشمغمگ ودفن اهمومي وحطين
تجي وحده ويطگ زلزال بيه
كاظم العطشان 💜
. ندهتك يانده المغتاض
تفرش شامتك ع الخد
واجيك امشرعب البيبان
بس باب العتب ينسد
كاظم العطشان 💜
عيد الغدير
----------
ذوله احنه
العشگنه ابظهر الاصلاب
ويظل حبنه ايتوارث
جيل من جيل
كاظم العطشان 💜
آنه ويّه العيد شنهو..؟
العيد بيني وبينه دم
كاظم العطشان 💜
. عاشرتك ملح
مابيك حوبة شوگ
بس چلمة تعال
وچنهه نيّة غاد
يارجفة دليلي المايعوز اغطاك
يانزف الضمير المايفيده اشداد
كاظم العطشان 💜
احنه فقره ...
وراية الله اشراعنه
لانذم بلماشرانه
ولانشگ زيج البخت ع الباعنه
كاظم العطشان 💜
أنا شاعر...
لا يهوى وِسادةَ الملوكِ
ولايغفو إلاّ
على صَليلِ الوجع
كاظم العطشان 💜
وانطفأ شمع الوفاء برحيله..../ مقطع
____________________________
ماشيت وگطعت ادروب
يابويه اشكثر ماشيت
كلهه اذيابه نفس الناب
بس طبعك حمامة بيت
وشكيلك وشوفنّك
سراديب النجف
لاضاگ خلگك يوم لامليت
تلمّ الزعل بكتارك
يهرش الگاع
غير الصبر مالمّيت !!
عازه..... ومستحاك اكنوز
خِلَّه ابخوتك يهديب ماخلّيت
كاظم العطشان💜
. أينَ أنتِ
ياِ مُلْهِمَتي... أينَ أنتِ ؟!
عَقيمٌ نسلُ قصائدي
ومراسمُ العزاءِ في قافيتي
ياعيوناً يُستجدى الغيمَ
مِن بَريقِها
وتمطرُ الاوجاعُ في خاصرتي
قد عَزِفتُ لكِ...والدمعُ قيثارتي
بأيّ أوتار الجراحات عَزِفتي...!
فأُمزِّقُ ثوبَ السكونِ...
واكفر ُ ثلاثاً بالظنونِ ...
فأرحلُ اليك خيالا...
وأعود كما انا...لا كما انتِ ..!!
يامُلهمتي...... أين أنتِ !!
كاظم العطشان 💜
العيد فات
والنطرته
يخيط اجروح الخواطر
مات
كاظم العطشان 💜
إلچم
جرحك إشما طاب
تدري اشما تزيد الآخ
تكبر هيبة العطّاب
كاظم العطشان 💜
قصيدة.... ( توت افياي )
_____________________________
روحي توت افياي ترفه وسلسبيل
وروحي قات وليل شاطي وزعفران
وروحي مثل الماي سلسه وماتعيل
وعال بيهه.. الچان مكسور اللسان
صحره وذيابه وشرد مني الدليل
او وين يهل الله بعد الگه الامان
ناحرت تيّارهه... ودربي طويل
وكل نزيه بهل وكت... ماله مچان
ابعيني شفت الحگ عله الباطل دخيل
وسامو العنبر... مثل سوم الدنان
ابعيني شفت الراس يتوسّل الذيل
وذلّت اصگور السمه الچانت اعيان
مو عجيبه الوكت من يگصي ويميل
ولاعجيبه... ايگصّر ابعوزه الردان
بس عجيبه العين من تنكر الميل
ويا عجيبه الناس من تهوه الجبان
من تمدّ ارگابهه ..وتصهل الخيل
ومن يدگ دمّامهه وحان الرهان
اتبيّن احمول الرفاگه اشگد تشيل
ومعدن المذخور يجليه الطعان
لملم اجروده الصبر ونوه الرحيل
ولنّي صفصافه انگطع منهه الحنان
ولنّي بحلوگ الرحه اوشالت شليل
شما تلمني الآه يطحنّي الزمان
عفيه حيل اشما برد يدفع الحيل
وعفيه روحي الماهوت ذلّ الجنان
ولوله عز البيه ماخفّ الثجيل
ولوله هرش الگاع ماطگت اغصان
كاظم العطشان 💜
. أتَرَنَّحُ
بينَ صَقيعِ الَأَملِ
وخاصِرةِ الأَلَمْ
واضِحٌ ذاكَ ... مِن رَجفَةِ أَصابِعي
مِن رَقَصاتِ رَعشَةِ القَلَمْ
من بَراعمٍ .... لَمْ ينضجْ نَهدها
من فَطيمِ حلمٍ ... لَمْ يَكْتمِلْ
مِن وردٍ... أغاظَهُ هَجرَ النَدى
دَلَعَ الفجرُ بِصدرهِ
ومازالَ الندى غضّاً ثَمِلْ
أسرِجْ قراركَ
على صَهوةِ الغدِ
فالعشق.....
إمّا قهقهةَ طِفلٍ
أو سكرات مَوْتٍ كهِلْ
كاظم العطشان💜
. آنه مو طبعي الترجّي
وتيبس الچلمه اعله شفتي
ولا رخيصه اشموعي تطفه
ابهوه المارايد شمعتي
آنه بير ابگيظ صحره
وشيضر لوما شربتي ... ابكيفچ انتي
وهذا طبعي السالي اسلّه
والعشگني ايحوزني املاچت اقطاعي
واليمل مني أملّه
آنه برحي اعثوگ عيطه
وماكو برحي ابغير سِلَّه
كاظم العطشان 💜
.. ( عرس عانس )
""""""""""""""""""""""""""""""""""""""""""""""""""""
أزِتّ ابزاجل اظنوني
وطش صبر الهله ابگمرة مراسيلك
وازف شوگي عرس عانس
عثر بيها الحلم وتريد تشكيلك
وسافرلك.... نجم غبشه
زعل بوّل محطه وماوكف ريلك...!!
تره الليل الغفه اعله افراگ.. مايصحه
تعال وفكني من ليلك
ي آخر شيبه شمتاني....؟؟
قسم بآخر وتر مگطوع اغنيلك
بعد ياطور اغنيلك
ولِم ياليل وبچيلك
حرت بمناحط اللچمات ...
أحير بهمي لو شيلك
ونه امسومر عشگ جيلين
مدري ابچي اعله جيلي الراح
مدري اتمرجح ابجيلك !!
يلمفرّط عثگ عمري...
اعله گاع الطوش
ونته عيون غبشه المافطم هيلك
كتلني العوز لسنيني
دگلّي ابيا زبيل المامش احويلك
يگصبه وعزّباهه الناي
مدري اشعلماه الغيض يتسلّه بمواويلك
ونه ابعز العطش صفصاف
ألِم ظيمي اعله سِد مكسر وفييلك
بعد شتريد اسوّيلك
ولم ياليل....وبچيلك
كاظم العطشان💜
. هسه وين انته صفيت
ابيا كتر مرتاح تضحك
ياغصن مثلك رخيص الحضن جنحك
وللله مگرود الهواك
يبيع نهران بسراب
ويحرز البيدر اتراب
ابلاجنح غنه ابسماك
ماني غنيت الحريمه وصار يطربني جفاك
وكون تدري
اشصار بالحفله وراك
اشبيك...
تتوقع بچيت ؟!
اي بچيت
بس بچيت اعله المثل حالي شراك
لا يخاين
بيّه گمره اشتعل جرحي
وطگت اعثوگي اعله برحي
وماي ذبيت ابگفاك
كاظم العطشان 💜
. أمس تطري باسمنه.... اليوم مطرات
وأمس جدبه وعليك... اليوم مطرات
أمس مطره التصوغ....اليوم مطرات
أمس شنهو؟ وتگود اليوم بيه
________________________
١_ مطرات / اي لم تذكر
٢_ مطرات / من المطر
٣_ مطرات / انطينه البيت المطره ومطره اتصاوغ بيه
كاظم العطشان 💜
اصبر ياوطن... ضحكاتك اتعود
خله اشما يشب النار نمرود
خله اشما ذبح بالخوه قابيل
عشگ عباس بينه يخضّر ازنود
يظل برد وسلام الوطن محروس
مادام البخت وبراهيم موجود
ماهمنه... اليصير وصار ويصير
تره ايموت العطش وتخضّر اورود
الظلام اشما يطول وطوَّل الليل
إهي اعيون الشمس ع الليل صايود
وترد لعشوشهه امأمنه الحمامات
وترد بيض الليالي وماتظل سود
ولو جرح العراق الينزف اطفوف
بس زينب بعد ماتنسبي اردود
................................................
كاظم العطشان💜
. بهيده
""""""""""""""""""""""""""""""""""""""""""""""""""""
ابهيده ياجوري ابمشيتك
خاف تفحط.....
والعطر يطفح ابريتك
خافن اتفزّ الحدايق ..!!
من يمر طولك ربيع
خايب ابهيده تعال
وكون مثل النده تسيّر
چن حمامه اورادّ اغروب اعله بيتك
چم فجر خايب تنيتك
چم نجم طاح ابثنيتك
چانه غيم الله اشتريته
حتى أمطر لو بچيتك
خايب ابهيده تعال...
انكاسر النيّه اعله نيّه
نيتي ورده ابلون گلبي
وماكو ورده ابلون نيتك
يلشتلتك ندم باچر....
خايف اتخضّر ادنان ...
وبس بيادر تعب صيتك
واعترفلك هاذه عيبي...
چان كاروكك اگليبي
ومن فطمتك..... دللّيتك
وانه مدري... ولادريتك
مدري نادم.........چي هويتك
مدري أكرهك چي بعتني
مدري أحبك چي شريتك
مدري ولله....
وبس تعال...
كاظم العطشان 💜
. ليل.....ومشيبه گذلتك
والدمع.... بلّل صفنتك
وانه اگولن.... وين شفتك ؟
ماعرفتك
ثاري ذاك انته العزيز الفارگتني
وظلّت الروح اعله ذمتك
ماعرفتك.........!!
يللي فر بيك الزمان
امحيبس ابچف الليالي وماحزرتك
عشت ورده ابگيظ هجرك
تدري من ظيم العطش غصبن شربتك
چنت اظنك ....
ماي زمزم لو عطشتك
بس لگيتك وشله ومكاسر خمر
وانه ولله امنهد خمرك
دب دبيب السكر بيّه...
ولسه ماهدني السكر
يلصغت دمعي گلايد..
هاك اخذ صبري شذر
هاك اخذ غربة ارسومك
صوغهن للذم عذر
يابعد شيبي اشتريد...؟؟
موجرف ليلك عبرته وبس ندم ظل الاثر
گنطره وعبّرت كل شي
وبس عذابك ماعبر
كاظم العطشان 💜
. أحبك....
ونلچم.....
وجْفِل
ورد اهواك
( جثّة شوگ ) تهوى الباز
ولِمّ ابكرهك المامه
وشتمك.... وزهِد ابطرواك
وتخون المشاعر للرخص تنحاز
چا شنهي.... وگول اعزاز ؟!
كاظم العطشان 💜
ليش ياتالي الدلال
ليش دمك
عندي كعبه
ودمي عندك
دم غزال
كاظم العطشان 💜
رَخّصوك ...
وصرت مزة ليل بحلوگ السكارى
وهزّو ابكل كيف دفَك
كاظم العطشان 💜
. مو حلوه من انام الليل مرتاح
شحلاته الليل كون ابنومك تحير
ونه العاگول مايشره عله الماي
ولاردَّ الحطب.. حلگ التنانير
باگو كل ثمرنه وزرع الايام
صفت مسطاحه شتفيد النواطير
كاظم العطشان 💜