Ixtisoslashtirilgan ta'lim muassasalari agentligi

14 Aug 2024 13:49

#tabiiy_fanlar_taʼlimi_festivali
#OAV_biz_haqimizda

Hudud | "Tabiiy fanlar ta'limi" festivali haqida
#mening_yurtim

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

14 Aug 2024 06:01

#qabul_2024
#sport_maktablari

🤩 Agentlik tizimidagi Bahodir Jalolov va Oksana Chusovitina nomidagi ixtisoslashtirilgan sport maktablariga 2024/2025-oʻquv yili uchun hujjatlar qabuli davom etmoqda.

📍Bahodir Jalolov nomidagi boksga ixtisoslashtirilgan sport maktabiga 5–6 hamda 9–10-sinflar uchun hujjatlar qabuli amalga oshiriladi;

📍Oksana Chusovitina nomidagi gimnastikaga ixtisoslashtirilgan sport maktabiga 2-,3-,4-,5-,6-,7-,8-sinflar uchun hujjatlar qabuli amalga oshiriladi.

🪪 Oʻquvchilarning hujjatlari Agentlikning ariza.piima.uz sayti orqali faqat onlayn shaklda qabul qilinadi.

📝 Talab etiladigan hujjatlar:

➖oʻquvchining oxirgi 2 oy davomida tushgan fotosurati;
➖oʻquvchining tugʻilganlik haqida guvohnomasi (mavjud boʻlsa fuqarolik pasporti) va ularning ota-onasi (qonuniy vakili) fuqarolik pasporti maʼlumotlari, bogʻlanish uchun telefon raqamlari;
➖086-U shakldagi tibbiy maʼlumotnoma.

📆 Hujjatlar qabuli joriy yilning 7-avgustidan 25-avgustigacha davom etadi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

13 Aug 2024 12:45

#xalqaro_hamkorlik
#tabiiy_fanlar_taʼlimi_festivali

🤩 "TABIIY FANLAR TAʼLIMI" FESTIVALI BOSHLANDI

Ixtisoslashtirilgan ta’lim muassasalari agentligi va Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda “Tabiiy fanlar ta’limi” festivali oʻtkazilmoqda.

Mazkur festival tabiiy va aniq fanlarga asoslangan amaliy mashg‘ulotlar tashkil etish orqali yoshlarni zamonaviy kasblarga yo‘naltirgan holda ularning ixtisoslashgan xalqaro dasturlar, loyihalar va tanlovlarda ishtirok etishini taʼminlash, yaratuvchanlik qobiliyatini shakllantirishni har tomonlama qo‘llab-quvvatlash hamda tizimda faoliyat yuritayotgan o‘qituvchilar orasida yaratuvchanlik g‘oyalarini shakllantirish va ularni amaliyot bilan bog‘lagan holda o‘quvchilarga yoritib berish ko‘nikmalarini rivojlantirish maqsadlarini oʻz ichiga olgan.

Agentlik tizimidagi Muhammad al-Xorazmiy nomidagi ixtisoslashtirilgan maktabi mezbonlik qilayotgan ushbu festivalning ochilish marosimida Agentlik rahbariyati, mas’ul xodimlari, Koreya Respublikasidan tashrif buyurgan mehmonlar, Koreya Respublikasining O‘zbekistondagi elchixonasi huzuridagi Koreya ta’lim markazi vakillari hamda o‘qituvchi va o‘quvchilar ishtirok etdi.

Ochilish marosimda ta’kidlanganidek, keyingi yillarda mamlakatlarimiz o‘rtasida ta’lim sohasida aloqalar kuchayib, hamkorlikda turli loyihalar, dasturlar amalga oshirilmoqda.

Xususan, joriy yilning may-iyun oylarida Agentlik va Koreya ta’lim markazi tomonidan “Incheon ta’lim festivali” o‘tkazilgan edi. Hamkorlikdagi navbatdagi loyiha – “Tabiiy fanlar ta’limi” festivali ham yuqoridagi vazifalarning mantiqiy davomidir.

Festivalda Prezident, ijod va ixtisoslashtirilgan maktablar hamda umumta’lim maktablarining jami 1600 nafar 6-9-sinf o‘quvchilari qatnashmoqda. Amaliy mashg‘ulotlar va topshiriqlar o‘zbek tiliga tarjima qilingan holda  2 smenada olib boriladi. Har bir smenada 400 nafar o‘quvchi 21 ta guruhga bo‘lingan holda ishtirok etadi. Bundan tashqari, Agentlik tizimida faoliyat yuritayotgan 30 nafar aniq va tabiiy fan o‘qituvchilari uchun seminar-trening tashkil etiladi.

“Tabiiy fanlar ta’limi” festivali ertaga, 14-avgust kuni oʻz ishini yakunlaydi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

12 Aug 2024 19:55

#olimpiada_2024
#kutib_olish

⚡️TOSHKENTDA PARIJ-2024 SOVRINDORLARI VA ISHTIROKCHILARINI TANTANALI KUTIB OLISH MAROSIMI BOʻLIB OʻTDI

Ixtisoslashtirilgan taʼlim muassasalari agentligi rahbariyati va xodimlari, Agentlik tizimidagi poytaxtda joylashgan maktablar o’qituvchilari, jumladan, Bahodir Jalolov nomidagi boksga ixtisoslashtirilgan sport maktabining murabbiy va oʻquvchilari qahramonlarimizni kutib olish maqsadida Toshkent xalqaro aeroportida boʻlishdi.

Maʼlumot uchun, Vatanimiz sharafini himoya qilgan qahramonlarimiz yakunda 8 ta oltin, 2 ta kumush va 3 ta bronza, jami 13 ta medalni qo‘lga kiritib, tarixiy rekord natija qayd etishdi hamda umumjamoa hisobida ham 13-o‘rinni egallashdi.

Bahodir Jalolov nomidagi boksga ixtisoslashtirilgan sport maktabimizdan Vatanimiz nomini yanada yuksaklarga ko’taradigan mohir sportchilarimiz, jahon va Olimpiada chempionlari yetishib chiqishiga ishonamiz.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

12 Aug 2024 07:27

#xalqaro_olimpiada
#ISO

🤩 Oʻquvchilarimiz 19-Xalqaro standartlar olimpiadasi (ISO - International Standards Olympiad)da ishtirok etish uchun Koreya Respublikasiga yetib bordi.

⚡️Xalqaro standartlar olimpiadasida oʻzbekistonlik yoshlar ilk marotaba ishtirok etmoqda.

📝 Yurtimiz sharafini himoya qiladigan oʻquvchilar bilan tanishing:

✅Umar Azimov, Toshkent shahridagi Prezident maktabining 10-sinf oʻquvchisi;

✅Javlon Hasanov, Toshkent shahridagi Prezident maktabining 11-sinf oʻquvchisi;

✅Islom Boyqobilov, Toshkent shahridagi Prezident maktabining 11-sinf oʻquvchisi;

✅Diyoraxon Mahmudova, Muhammad al-Xorazmiy nomidagi ixtisoslashtirilgan maktabining 10-sinf oʻquvchisi;

✅Ibrohim Ismoilov, Muhammad al-Xorazmiy nomidagi ixtisoslashtirilgan maktabining 10-sinf oʻquvchisi;

✅Asliddin Olimjonov, Muhammad al-Xorazmiy nomidagi ixtisoslashtirilgan maktabining 11-sinf oʻquvchisi.

🗣Ma’lumot uchun, Xalqaro standartlar olimpiadasi butun dunyo boʻylab oʻrta maktab oʻquvchilari oʻrtasida oʻtkaziladi. Turnir 2014-yilda sinov tariqasida xalqaro miqyosda oʻtkazilgan boʻlib, 2015-yildan boshlab rasman xalqaro olimpiada sifatida tan olingan.

💫 Barcha ishtirokchilarimizga omad tilaymiz.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

11 Aug 2024 00:19

#Parij_2024

🥊 Bahodir Jalolov havaskordan professional boksga o‘tganini e’lon qildi

📍Parij-2024 boks bahslarining so‘nggi final uchrashuvi Bahodir Jalolov va ispaniyalik Ayub Gadfa o‘rtasida bo‘lib o‘tgach, o‘zbekistonlik bokschi muhim qarorini rasman e’lon qildi.

🪪 Eslatib o‘tamiz, Agentlik tizimidagi Bahodir Jalolov nomidagi boksga ixtisoslashtirilgan sport maktabiga hujjatlar qabuli davom etmoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

10 Aug 2024 23:18

Bahodir Jalolovdan navbatdagi oltin medal!

Boks boʻyicha Tokio-2020 yozgi Olimpiya oʻyinlari chempioni Bahodir Jalolov ikkinchi bor Olimpiada chempioniga aylandi. Eng ogʻir vazn toifasida ishtirok etayotgan yurtdoshimiz hozirgina yakunlangan jangda ispaniyalik raqibi Ayub G’adfani magʻlub etdi.

Jangni oilaviy tomosha qildik, hayajonlarga boy, shiddatli bahsda Bahodir raqibiga hech qanday imkoniyat qoldirmadi.

Xabaringiz bor, Toshkent shahrida Boks bo‘yicha Bahodir Jalolov sport mahorati maktabi faoliyat yuritmoqda. Maktabga tashrif buyurgan davlatimiz rahbari “Endi Bahodir Jalolov maktabi o‘z yo‘nalishida xuddi Prezident maktabidek namunaviy tizim bo‘ladi”, degan edilar.

Bugungi bellashuvni ayni vaqtda seminar-treninglarda qatnashayotgan tizim xodimlari, maktab direktorlari, vazirligimiz jamoasi ham qizg’in kuzatib bordi.

Bahodirning tinimsiz mehnati va prezidentimiz tomonidan bildirilgan ishonch bugun o’z mevasini berdi. Bahodir Jalolov maktabi bu yurtga hali yuzlab, minglab bahodirlarni yetishtirib berishiga ishonamiz.

Olimpiadada munosib ishtirok etib, Vatanimiz bayrog’ini baland ko’targan, rekord natijalar bilan yurtdoshlarimizni faxrlantirgan barcha sportchilarimizdan minnatdorlik bildiraman.

Ixtisoslashtirilgan ta'lim muassasalari agentligi

09 Aug 2024 17:13

#qabul_2024
#7_avgust_25_avgust

❓Bahodir Jalolov nomidagi boksga ixtisoslashtirilgan sport maktabiga oʻquvchilar hujjati qanday tartibda topshiriladi?

✅ Oʻquvchilarning hujjatlari Ixtisoslashtirilgan taʼlim muassasalari agentligining ariza.piima.uz sayti orqali faqat onlayn shaklda qabul qilinadi.

📝 Talab etiladigan hujjatlar:

➖oʻquvchining oxirgi 2 oy davomida tushgan fotosurati;
➖oʻquvchining tugʻilganlik haqida guvohnomasi (mavjud boʻlsa fuqarolik pasporti) va ularning ota-onasi (qonuniy vakili) fuqarolik pasporti maʼlumotlari, bogʻlanish uchun telefon raqamlari;
➖086-U shakldagi tibbiy maʼlumotnoma.

📆 Hujjatlar qabuli joriy yilning 7-avgustidan 25-avgustigacha davom etadi.

☎️ Call-markaz: 1206

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

09 Aug 2024 14:30

Markaziy Osiyo birinchi ta'lim forumi o'tkaziladi

Oʻzbekiston Prezidenti Markaziy Osiyo davlatlari rahbarlari Maslahat uchrashuvida taʼlim sohasidagi hamkorlikni rivojlantirish boʻyicha qator tashabbuslarni ilgari surdi. Jumladan, oktyabr oyida Toshkent shahrida Markaziy Osiyo birinchi taʼlim forumi oʻtkazilishi rejalashtirilgan.

Davlatimiz rahbari tashabbusi bilan oʻtkaziladigan mazkur yirik forumga anchadan beri tayyorgarlik koʻryapmiz. Forum tadbirlari 2024-yil 10-oktabrdan boshlanib, dunyo tan olgan olimlar, shu jumladan Nobel mukofoti sovrindorlarining yoshlarimiz uchun qiziqarli maʼruzalari, soha mutaxassislari uchun turli muhokama sessiyalarini oʻz ichiga oladi.

Hurmatli taʼlim fidoyilari, nafaqat Markaziy Osiyo, balki butun dunyodan 500 ga yaqin taʼlim va ilm-fan hamjamiyati vakillari tashrif buyuradigan ushbu yirik forumda yana qanday muhim masalalarga eʼtibor berilishi kerak deb hisoblaysiz? Taklif va fikrlaringiz jamoamiz uchun qiziq.

Fikrlaringizni Telegramdagi ushbu murojaat botimizga yuborishingiz mumkin: @uzedu_vazirbot

Ixtisoslashtirilgan ta'lim muassasalari agentligi

07 Aug 2024 16:41

#qabul_2024
#sport_maktablari

📣📣📣📣📣

🔔 HURMATLI, OTA-ONALAR VA OʻQUVCHILAR!

⚡️Agentlik tizimidagi Bahodir Jalolov va Oksana Chusovitina nomidagi ixtisoslashtirilgan sport maktablariga 2024/2025-oʻquv yili uchun hujjatlar qabuli boshlandi:

📍Bahodir Jalolov nomidagi boksga ixtisoslashtirilgan sport maktabiga 5–6 hamda 9–10-sinflar uchun hujjatlar qabuli amalga oshiriladi;

📍Oksana Chusovitina nomidagi gimnastikaga ixtisoslashtirilgan sport maktabiga 2-,3-,4-,5-,6-,7-,8-sinflar uchun hujjatlar qabuli amalga oshiriladi.

🪪 Oʻquvchilarning hujjatlari Agentlikning ariza.piima.uz sayti orqali faqat onlayn shaklda qabul qilinadi.

📝 Talab etiladigan hujjatlar:

➖oʻquvchining oxirgi 2 oy davomida tushgan fotosurati;
➖oʻquvchining tugʻilganlik haqida guvohnomasi (mavjud boʻlsa fuqarolik pasporti) va ularning ota-onasi (qonuniy vakili) fuqarolik pasporti maʼlumotlari, bogʻlanish uchun telefon raqamlari;
➖086-U shakldagi tibbiy maʼlumotnoma.

🗣Maʼlumot oʻrnida, sport maktablariga oʻquvchilar ikki bosqich (kasbiy (ijodiy) imtihonlari va test sinovlari) asosida har bir sinfda oʻquvchilar soni 12 nafardan kam boʻlmagan hamda 24 nafardan oshmagan holda qabul qilinadi.

📆 Hujjatlar qabuli joriy yilning 7-avgustidan 25-avgustigacha davom etadi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

06 Aug 2024 17:18

#Renessans_oromgohi
#yoz_oʻtmoqda_soz

RENESSANS OROMGOHI: TABIAT, DOʻSTONA MULOQOT, MASHG'ULOTLAR, SPORT

“Renessans” sog‘lomlashtirish oromgohida iqtidorli o‘quvchilarning navbatdagi guruhi – Agentlik tomonidan o‘tkazilgan olimpiadalar va tanlovlarda g‘olib bo‘lgan 130 nafar o‘g‘il-qiz uchun STEM fanlari bo‘yicha oʻquv mashgʻulotlari oʻtkazilayotgani haqida xabar bergan edik.

Dam olish maskanida oʻquvchilarning kun tartibi ertalabki badantarbiya bilan boshlanadi. Nonushtadan soʻng "Zakovat" intellektual oʻyini, turli tanlovlar, kiber sport, futbol, voleybol, basketbol kabi musobaqalarda ishtirok etishadi.

Ikkinchi nonushtadan keyin suzish mashgʻulotlari boshlanib, ularda bolajonlar suzish havzasida turli mashqlar orqali suzish mahoratlarini oshiradilar. Tushlikdan soʻng oʻquvchilar kunduzgi orom olishadi.

Oromgohda STEM oʻquv mashgʻulotlari yuqori malakaga ega oʻqituvchilar tomonidan olib borilmoqda. Mashgʻulot xonalari zamonaviy taʼlim vositalari bilan jihozlangan.

Bolajonlarning kun tartibida oʻquv mashgʻulotlari bilan bir qatorda maʼnaviy-maʼrifiy tadbirlar, ijodiy tanlovlar, sport musobaqalari, tabiat qoʻyniga sayohatga ham ustuvor oʻrin berilgan.

Bugun oromgohda tashkil etilgan xayrlashuv marosimi ham taassurotlarga boy oʻtdi. Bolajonlar ijrosida kuy-qoʻshiqlar yangradi, sahna koʻrinishlari namoyish etildi. Shuningdek, bu yerda oʻquv mashgʻulotlari, turli tanlov va musobaqalarda yuqori natija koʻrsatgan oʻquvchilar esdalik sovgʻalari bilan taqdirlandi.

Oromgohda soʻlim tabiat, doʻstona muloqot, mashgʻulotlar, sport, qiziqarli tadbirlar bilan oʻtgan mazmunli taʼtil oʻquvchilarni yangi oʻquv yilida yanada yuqori natijalarga erishishga undashi shubhasiz.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

05 Aug 2024 16:01

#tanlov
#ishga_taklif_etamiz

📣📣📣📣📣

❗️O‘Z SOHASIDA YANGI MARRALARNI ZABT ETMOQCHI BO‘LGAN PEDAGOG KADRLAR DIQQATIGA!

🔔 IXTISOSLASHTIRILGAN TA'LIM MUASSASALARI AGENTLIGI
Ixtisoslashtirilgan maktab va maktab-internatlardagi bo‘sh ish (vakant) o‘rinlarga pedagog kadrlarni ISHGA TAKLIF ETADI.

📆 Tanlovning 1-bosqichi (saralash) joriy yilning 5–15-avgust kunlari bo‘lib o‘tadi.

⏰ Hurmatli rahbar va pedagog kadrlar, bizni tanlashingiz uchun 3 sabab:
➖ o‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar mavjud;
➖mahalliy va xorijiy mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
➖ xalqaro tan olingan dasturlar asosida dars o‘tishingiz ta'minlanadi.

🗂Talab etiladigan hujjatlar:
• nomzodning shaxsiy varaqasi (maʼlumotnoma-obyektivka);
• shaxsni tasdiqlovchi hujjat nusxasi;
• bakalavr/magistraturani tamomlaganligi toʻgʻrisidagi hujjat nusxasi;
• malaka toifa sertifikati;
• til bilish va mutaxassislik fani boʻyicha sertifikati.

✅ Nomzodlardan quyidagilar talab etiladi:
➖ halollik, ishchanlik va jamoada ishlay olish qobiliyati;
➖ liderlik qobiliyatlar va axloqiy fazilatlarga ega bo'lishi;
➖ xorijiy tillarni bilgan nomzodlarga ustunlik beriladi.

👨‍🏫 Talabgor o‘qituvchilar eng kamida 2-malaka toifasiga ega bo‘lishlari shart, til bilish va mutaxassislik fani bo‘yicha sertifikat tanlovda ustuvorlik beradi.

📆Hujjatlarni 5–15-avgust (shu kuni ham) kunlari job.piima.uz sayti orqali topshirishingiz mumkin.

☎️ Call-markaz: (71) 207 20 17 (ichki raqam 180)

Telegram | Facebook | Instagram | YouTube | Job

Ixtisoslashtirilgan ta'lim muassasalari agentligi

05 Aug 2024 11:34

📣 Maktabgacha va maktab taʼlimi vazirligi faoliyati davlat idoralari ochiqligini taʼminlash borasida oʻtkazilgan reytingda yuqori baholandi

✅ Korrupsiyaga qarshi kurashish agentligi tomonidan 2024-yilning 6 oyi davomida davlat organlari va tashkilotlari faoliyati ochiqligini taʼminlash sohasida amalga oshirilgan ishlar holati tahlil qilindi.

👉 Unga binoan, Oʻzbekiston Respublikasi Prezidentining 2021-yil 16-iyundagi 6247-son Farmoni bilan tasdiqlangan ochiq eʼlon qilinishi lozim boʻlgan maʼlumotlarning oʻz vaqtida rasmiy veb-sayt va Ochiq maʼlumotlar portaliga joylashtirilishi holati davlat organlari va tashkilotlari doirasida monitoring qilindi.

❗️Tahlil natijalariga koʻra, Maktabgacha va maktab taʼlimi vazirligi 106 ta davlat organlari va tashkilotlari ichida 80 foizlik natija bilan ikkinchi oʻrinni qayd etdi. Shuningdek, vazirlik huzuridagi Ixtisoslashtirilgan taʼlim muassasalari agentligi ham eng yuqori oʻrinlardan biri (80 foiz)ni egalladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Ixtisoslashtirilgan ta'lim muassasalari agentligi

05 Aug 2024 08:17

#onlayn_muloqot
#qonun_hujjatlari_targʻiboti

QONUN HUJJATLARI TARG‘IBOTI

Ixtisoslashtirilgan ta’lim muassasalari agentligida manfaatlar to‘qnashuvi va korrupsiyaga qarshi kurash targ‘ibotiga bag‘ishlangan onlayn muloqot tashkil etildi. Unda Maktabgacha va maktab ta’lim vazirligi, Agentlik mas’ul xodimlari, xususan tizimdagi maktab direktorlari ZOOM platformasi orqali ishtirok etdi.

Targ‘ibot tadbirida ta’lim tizimida korrupsiyaga qarshi kurashish sohasida olib borilayotgan islohotlar, manfaatlar to‘qnashuvi va korrupsiya holatlari bo‘yicha tashkil etilgan aloqa kanallari orqali kelib tushayotgan xabarlarni o‘rganish tartibi borasida so‘z bordi.

Shuningdek, O‘zbekiston Respublikasining “Manfaatlar to‘qnashuvi to‘g‘risida”gi Qonuni qabul qilinganligi, mazkur Qonunda “manfaatlar to‘qnashuvi” tushunchasiga aniq ta’rif berilganligi, manfaatlar to‘qnashuvi kimlar o‘rtasida va qachon vujudga kelishi mumkinligi to‘g‘risida ko‘rsatib o‘tilganligi, davlat tashkiloti xodimlari, ularning yaqin qarindoshlari va ularga aloqador shaxslarning manfaatlar to‘qnashuvining oldini olish sohasidagi huquq va majburiyatlari, cheklovlar, jumladan Qonun talablarini buzganlik uchun javobgarlik belgilanganligini hamda Qonunning mazmun-mohiyati ishtirokchilarga batafsil tushuntirildi.

Onlayn muloqotda davlat xizmatchisi korrupsiyaning har qanday ko‘rinishlariga qarshi keskin kurashishi, yuklatilgan funksional xizmat vazifalarni qonun talablari asosida sidqidildan bajarishi, tanish-bilishchilik, mas’uliyatsizlik, tamagirlik va manfaatlar to‘qnashuvi hamda korrupsiyaga oid huquqbuzarliklarga yo‘l qo‘ymasligi lozimligi ta’kidlandi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

03 Aug 2024 17:29

"Raqamli avlod qizlari"

✅ Emirates National School (BAA) o‘quvchilari bilan o‘tkazilgan "Raqamli avlod qizlari" tadbirining taqdirlash marosimi bo‘lib o‘tdi.

➖ Ishtirokchilarga STEAM fanlaridan xalqaro va mahalliy mentorlar mahorat darslarini o'tishdi.

Faol ishtirokchilarga sovg‘a va sertifikatlar topshirildi.

Ma'lumot o‘rnida: "Raqamli avlod qizlari" loyihasi 2021-yildan buyon doimiy ravishda o‘tkazib kelinmoqda.

Ixtisoslashtirilgan ta'lim muassasalari agentligi

14 Aug 2024 10:23

#xushxabar
#xalqaro_olimpiada
#ISO

🤩 Oʻquvchilarimiz 19-Xalqaro standartlar olimpiadasida oltin va kumush medallariga sazovor boʻldi.

Joriy yilning 12-13-avgust kunlari Koreya Respublikasida boʻlib oʻtgan 19-Xalqaro standartlar olimpiadasi (ISO- International Standards Olympiad)da oʻzbekistonlik yoshlar ilk marotaba ishtirok etayotgani haqida xabar bergan edik.

Mazkur xalqaro olimpiadada oʻquvchilarimiz yurtimiz sharafini munosib himoya qilib, oltin va kumush medallarini qoʻlga kiritdi:

🥇Oltin medal – Asliddin Olimjonov, Muhammad al-Xorazmiy nomidagi ixtisoslashtirilgan maktabining 11-sinf o‘quvchisi;

🥇Oltin medal – Javlon Hasanov, Toshkent shahridagi Prezident maktabining 11-sinf oʻquvchisi;

🥇Oltin medal – Islom Boyqobilov, Toshkent shahridagi Prezident maktabining 11-sinf oʻquvchisi;

🥈Kumush medal –Umar Azimov, Toshkent shahridagi Prezident maktabining 10-sinf oʻquvchisi;

🥈Kumush medal – Diyoraxon Mahmudova, Muhammad al-Xorazmiy nomidagi ixtisoslashtirilgan maktabining 10-sinf oʻquvchisi;

🥈Kumush medal – Ibrohim Ismoilov, Muhammad al-Xorazmiy nomidagi ixtisoslashtirilgan maktabining 10-sinf oʻquvchisi.

🗣Ma’lumot uchun, Xalqaro standartlar olimpiadasi butun dunyo boʻylab oʻrta maktab oʻquvchilari oʻrtasida oʻtkaziladi. Turnir 2014-yilda sinov tariqasida xalqaro miqyosda oʻtkazilgan boʻlib, 2015-yildan boshlab rasman xalqaro olimpiada sifatida tan olingan.

💫 Ushbu yutuqlar bilan oʻquvchilarimizni va ularning ota-onalarini hamda ustozlarini samimiy muborakbod etamiz.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

13 Aug 2024 15:55

#xalqaro_hamkorlik
#tabiiy_fanlar_taʼlimi_festivali

🤩 Ixtisoslashtirilgan ta’lim muassasalari agentligi va Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda oʻtkazilayotgan “Tabiiy fanlar ta’limi” festivali jarayonlaridan fotolavhalar.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 Aug 2024 08:10

#qabul_2024
#OAV_biz_haqimizda

Poytaxt | Sport maktablariga hujjatlar qabuli
#toshkent

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

12 Aug 2024 14:03

#qabul_2024
#7_avgust_25_avgust

❓Bahodir Jalolov nomidagi boksga ixtisoslashtirilgan sport maktabi va Oksana Chusovitina nomidagi gimnastikaga ixtisoslashtirilgan sport maktabiga oʻquvchilar qabul qilishda jins chegarasi bormi?

➖Mazkur ixtisoslashtirilgan sport maktablariga oʻquvchilar qabul qilishda jins chegarasi yoʻq. Yaʼni, boks yoki gimnastika bilan professional shugʻullanish istagida boʻlgan oʻgʻil-qizlar ushbu sport maktablarining tegishli sinflariga qabul uchun hujjat topshirishlari mumkin.

➖Ushbu ixtisoslashtirilgan sport maktablarida hududlardan kelgan oʻquvchilar uchun yotoqxona mavjud.

➖Mazkur ixtisoslashtirilgan sport maktablarida O‘zbekiston tarixi va ingliz tili fanlarining chuqurlashtirilgan holda o‘qitilishiga hamda umumlashgan tabiiy fan va sport psixologiyasining zamonaviy usullarda o‘rgatilishiga alohida e’tibor qaratiladi.

Shuningdek, ixtisoslashtirilgan sport maktablarida ikkinchi xorijiy til oʻrgatiladi.

Ixtisoslashtirilgan ta'lim muassasalari agentligi

11 Aug 2024 17:32

#Parij_2024

🇺🇿 O‘zbekiston sport delegatsiyasi Parij Olimpiadasidagi ishtirokini yakunlab, tarixiy natijaga erishdi.

🥊 O‘yinlarning oxirgi kunida bokschilarimiz Bahodir Jalolov va Abdumalik Halokov, erkin kurashchi Razambek Jamalov oltin, taekvondochimiz Svetlana Osipova va og‘ir atletikachimiz Akbar Jo‘rayev kumush medallarni qo‘lga kiritdi.

⚡️Bugun Prezident Shavkat Mirziyoyev ular bilan hamda 9 avgust kuni bronza medaliga sazovor bo‘lgan erkin kurashchimiz Gʻulomjon Abdullayev bilan telefon orqali muloqot qildi.

Tarixiy g‘alabang bilan chin qalbimdan tabriklayman. Eng og‘ir vaznda tengsiz ekaningni yana bir bor butun dunyoga ko‘rsatding. Bu bizlarga juda katta faxr, g‘urur-iftixor bag‘ishladi. Parijda ham oltin olib kelishga va’da bergan eding, bugungi tarixiy zafaring shu va’daga mos bo‘ldi. Katta-katta g‘alabalar hali oldimizda. Poytaxtimizda nomingga ochilgan boks bo‘yicha sport mahorati maktabida yana yuzlab, minglab o‘zbek bahodirlari katta ringlarga tayyorlanishiga ishonaman,
- dedi Prezident ikki karra olimpiya chempioni Bahodir Jalolov bilan suhbatda.

Ixtisoslashtirilgan ta'lim muassasalari agentligi

10 Aug 2024 23:31

#Parij_2024

🥊 Bahodir Jalolov – ikki karra Olimpiada chempioni!!!

🥇O‘zbekiston hisobidagi oltin medallar soni 8 taga yetdi!

🪪 Eslatib o‘tamiz, Agentlik tizimidagi Bahodir Jalolov nomidagi boksga ixtisoslashtirilgan sport maktabiga hujjatlar qabuli davom etmoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

10 Aug 2024 12:29

#New_Uzbekistan_university
#soʻragan_edingiz

❓KUTISH RO‘YXATI (PENDING LIST)DA TURGAN TALABGORLAR O‘QISHGA QABUL QILINADIMI?

✅ Agentlik tizimidagi "Yangi O‘zbekiston" universitetiga o‘qishga imtihon topshirgan va shaxsiy kabinetida kutish ro‘yxati (pending list)da turgan talabgorlar imtihondan o‘tganini, ammo tanlagan yo‘nalishiga ajratilgan kvota cheklanganligi bois kutish statusida ekanini bildiradi.

💫 Kvota doirasida bo‘sh joylar mavjud bo‘lganda kutish ro‘yxatidagi talabgorlar ballar ketma-ketligi asosida yuqoridan pastga tartibida o‘qishga taklif etiladi.

📆Ushbu talabgorlar statusi 15-avgustga qadar o‘zgarishi mumkin. Ko‘rsatilgan muddatga qadar shaxsiy kabinetingizni tekshirib borishni tavsiya etamiz.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

09 Aug 2024 14:58

#qabul_2024
#7_avgust_25_avgust

❓Oksana Chusovitina nomidagi gimnastikaga ixtisoslashtirilgan sport maktabiga oʻquvchilar hujjati qanday tartibda topshiriladi?

✅ Oʻquvchilarning hujjatlari Ixtisoslashtirilgan taʼlim muassasalari agentligining ariza.piima.uz sayti orqali faqat onlayn shaklda qabul qilinadi.

📝 Talab etiladigan hujjatlar:

➖oʻquvchining oxirgi 2 oy davomida tushgan fotosurati;
➖oʻquvchining tugʻilganlik haqida guvohnomasi (mavjud boʻlsa fuqarolik pasporti) va ularning ota-onasi (qonuniy vakili) fuqarolik pasporti maʼlumotlari, bogʻlanish uchun telefon raqamlari;
➖086-U shakldagi tibbiy maʼlumotnoma.

📆 Hujjatlar qabuli joriy yilning 7-avgustidan 25-avgustigacha davom etadi.

☎️ Call-markaz: 1206

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

08 Aug 2024 15:58

Xalqaro olimpiadalarda gʻoliblikni qoʻlga kiritib, Oʻzbekiston bayrogʻini yuksaklarga koʻtarayotgan yoshlarimiz soni yildan yilga ortib borayotgani juda quvonarli holat.

Birgina 2023-2024-oʻquv yilining oʻzida oʻquvchilarimiz nufuzli va mintaqaviy xalqaro olimpiadalarda jami 91 ta medalga sazovor boʻldi. Yuqoridagi infografikada natijalar avvalgi yillar bilan solishtirilgan va koʻrsatkichlar oʻsib borayotganini koʻrish mumkin.

Shu oʻrinda oʻgʻil-qizlarimizga joriy yilning sentabr oyida boʻlib oʻtadigan Xalqaro informatika olimpiadasida ham muvaffaqiyatlar tilayman. Maqsadlarni baland, qadamlarni dadil tashlang.

Ixtisoslashtirilgan ta'lim muassasalari agentligi

07 Aug 2024 13:16

#COP29
#Ozarbayjon

⚡️Oʻqituvchilarimiz iqlim oʻzgarishi boʻyicha xalqaro oromgohda ishtirok etmoqda

Ozarbayjon davlatida COP29 doirasida tashkil etilgan iqlim o‘zgarishi bo‘yicha yozgi oromgohda dunyoning turli mamlakatlaridan 75 nafar yosh o‘qituvchi yig‘ildi.

Ozarbayjon Respublikasi ekologiya va tabiiy resurslar, yoshlar va sport vazirliklari, BMT Taraqqiyot dasturi ofisi, UNICEF vakolatxonasi, ADA universiteti, UNESCO, IRENA, FEE, Teach for All global tarmog‘ining Iqlim ta’limi ofisi hamkorligi va ko‘magida oʻtkazilayotgan mazkur oromgohda ishtirokchilar iqlim o‘zgarishi va umuman COP jarayoni haqida xabardorligini oshiradi, ekologik madaniyat va bilimlarni ta’limga integratsiya qilish imkoniyatlarini amalga oshirish uchun yangi bilim va ko‘nikmalarga ega bo‘ladi.

Ayni vaqtda Namangan, Toshkent shahridagi Prezident maktablari o‘qituvchilari Abrorjon Sadriddinov hamda Maxfuza Chulliyeva O‘zbekistondan vakil sifatida mazkur oromgohda ishtirok etmoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

06 Aug 2024 16:46

#Vazir_soati

Respublikadagi barcha maktabgacha ta’lim tashkilotlari xodimlari malakasi kaskad usulida oshiriladi

✅ Bugun Maktabgacha va maktab ta’limi vaziri Hilola Umarova boshchiligida “Vazir soati” bo‘lib o‘tdi.

Yig'ilishda xususan yangi o‘quv yilida 1-sinfga qabul jarayonlari, maktabgacha ta’lim tashkilotlari rahbar va pedagoglarini uzluksiz kasbiy rivojlantirish, “Ustozlar milliy forumi”ni o‘tkazish masalalari haqida so'z bordi.

Videokonferensiya shaklida tashkil etilgan tadbirda vazir o‘rinbosarlari, vazirlik mas’ullari hamda hududiy boshqarmalar boshliqlari ishtirok etdi.

Yig‘ilishda qayd etilganidek, 2024-2025-o‘quv yilida 1-sinfga 719 ming nafardan ortiq o‘quvchi qabul qilinishi rejalashtirilgan bo‘lsa, shu kunga qadar 603 ming nafardan ortiq ariza qabul qilindi va bu jarayon davom etmoqda.

Ixtisoslashtirilgan ta'lim muassasalari agentligi

05 Aug 2024 13:38

#tanlov
#ishga_taklif_etamiz

📣DIQQAT E'LON!

❗️YANGI MARRALARNI ZABT ETMOQCHI BO‘LGAN RAHBAR KADRLAR DIQQATIGA!

🔔IXTISOSLASHTIRILGAN TA'LIM MUASSASALARI AGENTLIGI Ixtisoslashtirilgan maktab va maktab-internatlaridagi rahbar lavozimlariga kadrlarni ISHGA TAKLIF ETADI.

📆 Tanlovning 1-bosqichi (saralash) joriy yilning 3-12-avgust kunlari boʻlib oʻtadi.

⏰ Hurmatli rahbar kadrlar, bizni tanlashingiz uchun 3 sabab:
➖o‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar mavjud;
➖mahalliy va xorijiy mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
➖xalqaro tan olingan dasturlar asosida dars o‘tishingiz ta'minlanadi.

🗂 Talab etiladigan hujjatlar:
➖shaxsni tasdiqlovchi hujjat;
➖oliy ma’lumotga ega bakalavr/magistraturani tamomlaganligi to‘g‘risidagi hujjat;
➖nomzodning shaxsiy varaqasi (maʼlumotnoma-obyektivka);
➖IELTS/TOEFL/DTM sertifikatingizni yuklang (malaka talablariga mos ravishda).

✅ Nomzodlardan nimalar talab etiladi:
➖halollik, ishchanlik va jamoani boshqara olish qobiliyati;
➖liderlik qobiliyatlar va axloqiy fazilatlarga ega bo'lishi;
➖zamonaviy AKT savodxonligiga ega bo'lishi.

🟢 Hujjatlarni job2.piima.uz sayti orqali 3-avgust sanasidan boshlab topshirishingiz mumkin.

☎️ Call-markaz: (71) 207 20 17 (ichki raqam 180)

Telegram | Facebook | Instagram | YouTube | Job2

Ixtisoslashtirilgan ta'lim muassasalari agentligi

05 Aug 2024 09:59

#OAV_biz_haqimizda
#Bizning_shunday_oʻquvchilarimiz_bor

“KIMYO HAYOTIMIZDAGI JARAYONLARNI CHUQURROQ O‘RGATADI” – XALQARO OLIMPIADA SOVRINDORLARI BILAN SUHBAT

Daler Rahimov va Saida Abdullayeva Xalqaro kimyo olimpiadasida O‘zbekiston hisobiga oltin va kumush medallarni yozib qo‘yishning uddasidan chiqishdi.

Ular Kun.uzga bergan intervyusida qanday qilib bu natijaga erishgani va Saudiyada o‘tkazilgan olimpiada taassurotlari bilan bo‘lishdi.

Daler Rahimov – Agentligimiz tizimidagi Abu Ali ibn Sino nomidagi ixtisoslashtirilgan maktabning 10-sinf o‘quvchisi, oltin medal sohibi.

Saida Abdullayeva – Navoiy shahrida joylashgan 11-sonli ixtisoslashtirilgan maktabning 11-sinf o‘quvchisi. Kumush medal sohibasi.

📹 VIDEONI TOMOSHA QILING

Telegram | Facebook | Instagram | YouTube

Ixtisoslashtirilgan ta'lim muassasalari agentligi

05 Aug 2024 06:32

#New_Uzbekistan_university

🏛 TALABALAR YOTOQXONASI UCHUN RO‘YXATDAN O‘TISH BOSHLANDI

✅ Agentlik tizimidagi “Yangi Oʻzbekiston” universitetida 2024/2025-oʻquv yilidan respublikamizning turli hududlaridan kelib, oʻqiydigan talabalar uchun yotoqxonaga roʻyxatdan oʻtish boshlandi.

💫 Yotoqxonada yashashga ehtiyoji bor talabalar quyidagi havolaga kirib, soʻrovnomani toʻldirishlari talab etiladi.

👉 Ariza topshirish

📌 Ma’lumot uchun, yotoqxonaga qabul qilishda eng avvalo talabalarning ijtimoiy kelib chiqishi inobatga olinadi.

✅ Shuningdek, telegram orqali @ym_prorektori_bot ga bogʻlanib, ijarada turish boʻyicha yordam olishingiz mumkin.

❗️“Yangi Oʻzbekiston” universitetida 2024/2025-oʻquv yili 1-bosqichga qabul qilingan talabalar uchun 19-avgust sanasidan boshlanadi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

03 Aug 2024 16:32

#ishga_taklif

⚡️Ixtisoslashtirilgan ta’lim muassasalari agentligi tizimidagi Is'hoqxon Ibrat nomidagi ijod maktabi quyidagi yoʻnalishlar boʻyicha mutaxassislarni tanlov asosida ishga taklif qiladi:

➖Koreys tili bo‘yicha mutaxassis;
➖Geografiya fani o‘qituvchisi;
➖San’at fani o‘qituvchisi;
➖Musiqa fani oo‘qituvchisi;
➖Biologiya fani o‘qituvchisi;
➖Texnologiya (robototexnika) fani o‘qituvchisi;
➖Ijodiy to‘garak rahbari;
➖Musiqa to‘garagi rahbari;
➖Tasviriy va raqamli san’at to‘garagi rahbari;
➖Aktyorlik mahorati to‘garagi rahbari;
➖Koreys tili to‘garagi rahbari;
➖Kompyuter grafikasi to‘garagi rahbari;
➖Yosh tarjimon to‘garagi rahbari;
➖Umumiy amaliyot shifokori.

📁Kerakli hujjatlar:
• nomzodning shaxsiy varaqasi (maʼlumotnoma-obyektivka);
• shaxsni tasdiqlovchi hujjat nusxasi;
• bakalavr/magistraturani tamomlaganligi toʻgʻrisidagi hujjat nusxasi;
• malaka toifa sertifikati;
• til bilish va mutaxassislik fani boʻyicha sertifikati.

👨‍🏫Talabgor o‘qituvchilar eng kamida 2-malaka toifasiga ega bo‘lishlari shart, til bilish va mutaxassislik fani bo‘yicha sertifikat tanlovda ustuvorlik beradi.

📥Hujjatlarni joriy yilning 10-avgust kuniga qadar quyidagi manzilga yoki telefon raqamlariga yuborishingiz mumkin:  

📞 +998945901683
📞 +998934884171

📍 Manzil: Namangan viloyati, To‘raqo‘rg‘on tuman, To‘raqo‘rg‘on koʻchasi, 21-uy.
📌Mo‘ljal: Isʼhoqxon To‘ra Ibrat memorial majmuasi yonida.

Telegram | Facebook | Instagram | YouTube