2652
ومن طين العراق جسدي، ومن ماء العراق. - السيّاب. سايات : @PlusEvebot
قبل حوالي 300 ألف سنة، بالزمن اللي البشر چانوا بي يسكنون الكهوف، ما يعرفون الزراعة ولا الاستيطان، يحصلون غذائهم من الصيد وجمع الثمار، جداتنا الاناث چانن يختارن شريكهن بعناية لان ما عدهن القدرة على تحمل صعوبة الحمل والعناية بالطفل الى ان يكبر بمفردهن، فببساطة يختارن الذكر القوي، المسيطر، الضخم جسمانيا، عطوف وكريم ما يبخل باعطاء الموارد، طويل وعنده كتلة عضلية وقدرة بدنية تسمحله يصيد فرائس ويجمع موارد ويحمي الانثى وطفلها من المفترسات وهجمات باقي الذكور، يعني ببساطة تفضل الذكور ذوي التستستيرون (هرمون الذكورة) العالي.
بمرور الوقت صارت النساء بدون وعي تنجذب لهاي الصفات ويعتبروها جذابة جنسيا.. يعني مثلا، هسه البنات يحبن/يفضلن صفات مثل: الجولاين (فك الذكر) البارز والذكر الرشيق اللي اكتافه عريضه وعنده كتلة عضلية لان هاي دلائل على هرمون ذكورة عالي.
وبنفس هاي الآلية الذكور چانوا يفضلون الانثى صاحبة الصفات الانثوية مثل الخصر النحيف والارداف والصدر والخ من هاي الصفات كونها دليل على هرمون انوثة عالي وصحة جيدة وخصوبة عالية حتى تلد اله اطفال سليمين يحملون جيناته.
نگدر نلاحظ ببساطة ان هالغرائز موجودة لليوم،
مع اختلافات بالتعبير عنها حصلت كنتيجة لاختلاف طريقة عيش البشر، فمثلا جزء من نساء اليوم يشيلون اضلاع حتى خصرهم يصغر أو يلبسون كورسيت مع انه مؤذي وكذلك يستخدمون السليكون وغيرها حتى يبينون نفسهن مرغوبات جنسيا.. فإذا انتِ تتصرفين على هذا الأساس باختيار الشريك وتفضلين الذكر ذو العضلات او اللي عنده قدرة مالية اعلى لا تعترضين او تسمي نسونچي من يفضل انثى ذات صفات جنسية افضل منچ، ببساطة هاي غريزته، ولازم تتقبلين من يتصرف حسب غريزته وغيرها من الصفات اللي چانت عند اجداده حتى يحفظون جيناتهم مثل الغيرة.. وانتَ كذكر ما يحتاج تضوج منها أو تسميها *حبه من ترفضك وترتبط بذكر غيرك عنده صفات تضمنلها حياة احسن هي وجهالها المستقبليين. هذا السلوك اللي عند الجنسين بمسألة انتقاء الشريك هو اللي خلانا عايشين لهذا اليوم..
واخيرا، صحيح ان اختيار الشركاء بطبيعته عملية عنصرية وتفضيلية وغير عادلة، بس ضمنت نقل الصفات الحسنة والقوية وتمريرها عبر الاجيال اكثر من الصفات الضعيفة.
كل انسان عنده جينات تتحكم بسلوكه وتحدد ذكاءه، مواهبه، مقدرته على التعاون، إيثاره، أنانيته، سعادته، حزنه، أمراضه الجسديه والعقليه، قدرته على تمالك اعصابه، الخ..
هاي الاشياء ما تجي بكامل طاقتها وانما تحتاج تطوير وتدريب وهنا يجي دور البيئة والأسرة والمجتمع والتجارب الشخصية الخ، وللأسف، ماكو انسان يگدر يتخطى حدوده الجينيه، فقط يرفعها حتى توصل لكامل طاقتها.
مثال بسيط حتى تفهم الموضوع: تخيل ان انت وميسي تتدربون وي نفس المدرب، نفس التدريب، تاخذون نفس الغذاء، نفس الراتب، نفس الدعم النفسي والاجتماعي، النتيجة بلا شك ان انت ممكن راح تصير لاعب كرة جيد بس ميسي راح يظل ميسي، ببساطة لان جينات ميسي ومخه وجهازه العصبي اعلى كفاءة منك بمجال الرياضة. لكن مثلا لو ميسي مالاعب كرة قدم بحياته وانت تدربت عليها فترة طويلة واجتهاد فراح تكون احسن منه بلعب كرة القدم.
نفس الشي ينطبق على كثير امور اخرى، انت مثلا ما بإمكانك تصير أحسن رسام بالعالم لان انت تريد هالشي، لازم عندك موهبة وانت تجي تطورها. وما بإمكانك تصير اينشتاين لأن تدرس 12 ساعة باليوم.
هذا الكلام صعب عالانسان تقبله، الانسان كائن نرجسي ودائما ما يشوف وجود حدود لقدراته، لكن اذا اكو عزاء بكلامي فهو ان انت يا صديقي أكيد بعدك ما مستثمر كل امكانياتك ويحتاج تشتغل على نفسك أكثر حتى تعرف امكانياتك ومواهبك وتطورها.
“I’ve never loved anyone the way I loved you.”
- Her (2013)
99% من عصبيتك و العرايك والمشاكل اللي راح تدخل بيها بالفترة الجاية سببها الحر
Читать полностью…
"الشّعر يأتي دائما مع المطر، ووجهك الجميل يأتي دائماً مع المطر، والحب لا يبدأ إلا عندما تبدأ موسيقى المطر."
- نزار قباني، الفديو مأخوذ من فيلم
"In The Mood For Love"
تدرون ان عدد احتمالات النقلات بالشطرنج اكبر من عدد الذرات الموجودة بالكون؟
بعام 1950 نشر الامريكي "كلاود شانون" بحث مشهور باسم" Programming a Computer for Playing Chess" وقدر عدد نقلات الشطرنج الممكنة بالمباراة الوحدة حوالي 10 مرفوعة للأس 120!
حتى تعرف شگد هذا الرقم ضخم تعال تخيل وياي ان لو استخدمنا حاسبة وحسبنا كل احتمال وكان الاحتمال الواحد يكلفنا واحد مايكرو ثانية فقط، فراح نحتاج 10 مرفوعة للأس 90 سنة حتى نحسب كل الاحتمالات.
طبعا عدد الذرات الموجودة بالكون كله تقريبا عشرة مرفوعة للأس 81، وعمر الكون مالتنا كله هو تقريبا 14 مضروب بعشرة مرفوعة للأس 9.
باعلانات المكياج أو الازياء أو عمليات التجميل يخلون نساء جميلات وهالشي يثير التنافس بالمرأة لا شعوريا.
المرأة لما تشوف نساء أخريات جميلات فهي تسعى لتطوير نفسها وزيادة جمالها وبالتالي تستهلك أكثر من مواد التجميل والتنحيف وعمليات التجميل والملابس الخ.. حتى تصعد قيمتها بسوق التنافس.
علماء الاجتماع يقسمون العصور إلى أربعة أقسام:
عصر الصيد والالتقاط
عصر الزراعة
عصر الصناعة
عصر التكنولوجيا
الحضارة التكنولوجية ثقلت كفة النساء أكثر من بقية العصور ومكنت المرأة اكثر وقللت من هيمنة الرجال، لان قوى وقدرات الرجال تظهر بالشدائد بينما بعصر مرفه مثل هذا العصر حيث كل شي تكنولوجي فالعنصر المؤثر بميزان صناعة الأموال صار المرأة.
الشركات العالمية (اللي تريد تتربح) أدركت هالشي فحولت جهودها تجاه النساء باعتبارهن مهيمنات على حركة الاقتصاد والاستهلاك بنسبة 80% فدعمت نشوء حركات تأنيث المجتمع.
حتى تدرك و تدرين ان تمكين المرأة مو لخاطر عيونها وانما لان هي ببساطة عاطفية وما عندها نفس منطقية الرجل بصرف الأموال وهالشي استغلوه أصحاب البراندات الچبيرة حتى يحلبون الأموال لا اكثر، وحتى يستغلون النساء بالعمل بأجر أقل بعد دخول النساء لسوق العمل.
هذا هو نفس السبب اللي يخلي اوربا تستقبل لاجئين حتى لو كان هالشي يضر مجتمعها، لأن الشركات تريد موظفين بأجور أقل من الأجور اللي يطلبها ابن البلد.
اللعبة كلها عبارة عن لعبة أموال لا اكثر.
بدولة قيرغيزستان، يستطيع الشاب الراغب بالزواج خطف أي فتاة تعجبه فيحملها من الشارع أو اي مكان ليضعها في سيارته وإذا قاومت يضربها ويأخذها بالقوة ليعقد عليها ويتزوجها.
زواجين من كل عشر زواجات هناك تتم بهالطريقة.
رمضان كريم عليكم وينعاد عالجميع بخير وصحة وسلامة، نصائح رمضانية:
- حاول تبتعد عن المقليات والأكل المالح والسكريات
- اشرب احتياجك اليومي، شلون تعرف احتياجك اليومي؟
وزنك بالكيلو تضربه ×33 حيطلعلك احتياجك اليومي من المي بالملي، لا تشرب اقل ابدا.
بالنسبة للاكل، حاول تدخل اكلات تحتوي سوائل، نشويات، الاكلات اللي تحتوي الياف عالية مثل خبز الشعير، حاول تدخل الشوفان بالسحور لان ينطيك شعور بالشبع خلال فترة الصيام اكثر من غير اطعمة، وطبعا خضروات وفواكه وحليب بحال ماعندك مشاكل وي اللاكتوز.
الدراسة بجامعات مثل هارفارد و اوكسفورد صعبة؟
أحد الاصدقاء يسولفلي، بوقت الفاينل بجامعة اوكسفورد توقع الاسئلة عبارة عن اسئلة مطولة، عدد، اذكر، اشرح الخ..
المفاجئة، الامتحان چان سؤال واحد ووقت الإجابة كان 3 ساعات! وكل الكتب والأبحاث والمراجع و محركات البحث مثل گوگل متاحة وماكو مراقبين بس بشرط، الشرط الوحيد هو تعهد شرفي أن اجابة السؤال هي إجابتك دون نسخ ولصق.
التجربة نفسها تكررت بكل الامتحان بجامعة هارفارد. الامتحانات بهيچ جامعات بالمطلق أكثر سهولة، موضوعية ووضوحا وأقل تعقيدا من امتحانات جامعاتنا، اسئلة واضحة ما بيها الغاز ولا لعب سخيف بصياغة الكلام حتى يدوخ الطالب.
الامتحانات هناك ما تعتمد على الحفظ أو التذكر ابدا، تعتمد بشكل كامل على التفكير النقدي التحليلي وقدرتك على تحليل المعلومات ودمجها لتكوين رأي علمي. ماراح تنجبر تحفظ المواد الدراسية.
طلابنا بالكليات العراقية يخضعون لظروف تعليمية سيئة وسامة، ضغط نفسي ما يتحمله الغالبية من البشر، دراسة اقسام مثل الطب أصبحت مرتبطة بالاكتئاب والهوس والقلق. لدرجة 55-60% من الطلاب الطب يعانون من الاكتئاب، ومشاكل الصلع بسبب الضغط النفسي وغيرها من المشاكل.
"To live is to suffer, to survive is to find some meaning in the suffering."
- Friedrich Nietzsche.
مأساة طيبة تختزل محنة النساء العراقيات اللواتي يواجهن القتل بدم بارد ولأسباب تافهة بسبب القانون المتساهل لجرائم الشرف، كذلك يتعرض بعضهن -مثل طيبة- لتحرش المحارم اللي هو أسوأ أنواع التحرش، اعرف ان الموضوع صادم، تحرش محارم؟ اي نعم ومنتشر للأسف وتگدر تتأكد من الأطباء والمعالجين النفسيين مثل د.يوسف الحسني، لانهم اكثر فئة يتعاملون وي هالحالات.
التعاطف الحالي وي قضية طيبة ما هو الا ركوب للترند، يومين وتنسي مثل القبلها، بل من الممكن بعد كم يوم تشوفوها مادة لبيجات الميمز.
احنا بحاجة لأكثر من مجرد قانون يحاسب جرائم العنف الاسري، حتى لو القانون تشرع وصار القانون يمنع جرائم الشرف، هل من الممكن تطبيق قانون يخالف قيم المجتمع ورغما عن المجتمع؟ القوانين تشرع لما المجتمع يريد يحمي فئة بي من فئة اخرى قليلة، يحمي الاطفال من البيدوفيليين مثلا، النساء من التحرش الخ.. والفكرة ان هنا الفئة اللي ترتكب جرائم الشرف وتشجع عليها هم الأغلبية مو فئة قليلة، لذلك، عدم تشريع قانون يحمي الطرف الأضعف من العنف الاسري هو ترجمة لواقع حال هذا المجتمع البائس.
لحظة ينتظرها العراقيون منذ تتويج اسيا 2007، مبارك لكم اصدقائي، عساها تدوم ما تخلص❤️
Читать полностью…
بعام 1895 الالماني فيلهلم رونتجن بدأ ثورة علمية غيرت الطب لما اكتشف الاشعة السينية X-ray، وهاي اول صورة بتقنية X-ray اخذها ليد زوجته بيرثا.
بعد سلسلة من التجارب اكتشف رونتجن ان الاشعة السينية يمكنها ان تمر عبر مواد مثل الورق المقوى والخشب والملابس والالمنيوم والجلد واللحم بدون عائق، بس العظام كثافتها عالية فمستحيل تخترقها.
صورة يد بيرثا بالأشعة سوت ضجة بكل العالم وطلعت بهواي صحف ومجلات علمية، الاكتشاف خدم الاطباء لان هالتقنيه ساعدتهم بالنظر داخل جسم الانسان بدون جراحة، وبدوا يستخدموها بتشخيص كسور العظام واماكن الرصاص بجسم الانسان المصاب ولحد هذا اليوم الأشعة السينية شي أساسي بالتشخيص الطبي.
فيلهلم رونتجن رفض يسجل براءة اختراع عن اكتشافه حتى يتسنى لجميع الباحثين والأطباء بالعالم استخدام اكتشافه واعتبرها ملك للجميع رغم ان اكتشافه كان ممكن يجيبله اموال طائلة، لاحقا وبعد 6 سنوات اختراعه فاز بجائزة نوبل بالفيزياء.
"إن المنحطّون بحاجة ماسة إلى الكذب، إنه إحدى شروط بقائهم."
- فريدريك نيتشه.
"كنت لأخبرك أن الزمن يهون الأمر، لكنه لا يفعل.. إن كان هناك ما سيريحك قليلاً هو الاعتياد على الألم."
- من فيلم (Wind River)
"لا قيمة لمعروفٍ، قال فاعله: أنا فعلته."
- نجيب محفوظ
أبل صنعت عظمة بالموسم الأول من مسلسل "Trying" وبعدين سوت موسم ثاني أعظم، الموسم الثالث رغم انه أقل من الموسمين القبله بس ظل جيد جدا ومحافظ على جو المسلسل.
بطلين المسلسل "جايسون" و "نيكي" بينهم كيميا كانما متزوجين بالحقيقة ولايگين على بعض كلش. مسلسل حلو خفيف كله مواقف حلوة ويوصلك كمية مشاعر بدون تمطيط او ملل، رغم بساطة فكرته بس راح تكتشف بعدين عمق الفكرة اللي بالمسلسل.
هبة (٣٦ سنة) فشلت بأخذ نصف ثروة زوجها اشرف حكيمي (٢٤ سنة) بعد الطلاق لان الاخير قام بتحويل جميع ممتلكاته باسم والدته.
خلال قضية الطلاق، طالبت هبة بأخذ نصف ثروة زوجها، لكن المحكمة اخبرتها بأن حكيمي لا يملك شيء باسمه وان جميع الممتلكات مسجل مسبقاً باسم أمه حتى راتبه.
حكيمي مؤخراً طلب من المحكمة أن يحصل على نصف ثروة طليقته وعلى ما يبدو أنه سيربح القضية بسهولة.
"هناك أوقات أنظر فيها للبشر ولا أرى شيئا يستحق الإعجاب، لذلك أريد أن أكسب الكثير من الاموال لأبتعد عنهم جميعا."
- من فيلم There Will Be Blood
Society is endangered not by the great profligacy of a few, but by the laxity of morals amongst all.
- Alexis de Tocqueville
شبكة Adult Swim تلغي عقدها مع Justin Roiland احد كتاب مسلسل Rick and morty والمؤدي الصوتي للشخصيتين الرئيسيتين ريك ومورتي، ماراح نشوفه مرة ثانية بالملسلسل وراح يتم استبداله.
سبب الغاء العقد هو اتهام زوجته له بالتعنيف، وبدون انتظار حكم القاضي بالقضية والتأكد من إدانته، حياته راح تتدمر ويتم عزله عن المجتمع حتى لو ممكن يطلع بريء بالأخير، هذا هو النظام الغربي النسوي.
الموضوع تكرر سابقا مع جوني ديب وكل الشركات الغت عقودها وياه بس كسب القضية ضد امبر لاحقا وتمت تبرئته.. وتكرر مع بنجامين مندي لاعب الستي اللي صارله سنتين بالسجن بسبب تهم اغتصاب تمت تبرئته منهن.
الغرب بحجة "تصديق الناجيات" نسى ان المتهم بريء حتى تثبت إدانته، هذا هو النظام اللي الاعلام يصورلك ان هو مثالي واذا تعيش عكسه انت متخلف.
العراق يبيع النفط بالدولار واموال البيع تروح للفدرالي الأمريكي اللي بدوره يرسل الأموال للبنك المركزي العراقي بشكل دفعات مستمرة، البنك المركزي العراقي بدوره يبيع الدولارات هاي للمواطنين مقابل ما يساويها من دينار عراقي ويسلمه لوزارة المالية اللي توزعه رواتب وسلف ومشاريع ومصاريف الدولة.
قبل صعود الدولار، البنك المركزي چان يبيع شهريا 7 مليار و500 مليون دولار للمواطنين ويستلم مقابلهن 10 ترليون و900 مليار دينار عراقي وهالرقم چان كافي للرواتب وانفاقات الدولة.
حاليا البنك المركزي يبيع مليارين و700 مليون دولار ويحصل مقابلهن تقريبا 4 ترليون دينار فقط وهذا المبلغ ما يكفي لتغطية الرواتب وانفاقات الدولة.
ليش الفيدرالي الأمريكي صار يسلم العراق مبالغ أقل؟ ببساطة التقليل هذا عقوبة للحكومة العراقية، الأموال اللي نستلمها من أمريكا بعد بيع النفط يكون عليهن أرقام تسلسلية (سيريال نمبر) خاص بالعراق، جزء من هاي الأموال (بين 100 إلى 250 مليون دولار اسبوعيا) أمريكا جاي تلگيهن بعد 3 او 4 ايام بإيران، لذلك الأموال تقللت بحيث صارت بالكاد تكفي حتى تتوزع رواتب للناس.
الخلاصة، حكومة الإطار هدرت أموال العراقيين وجوعتهم مقابل رضى إيران، ولائيي العراق تعدوا مرحلة كونهم ذيول، صاروا إيرانيين اكثر من الإيرانيين نفسهم، هذا المنشور اذا چان اله هدف فهدفه التذكير ان سبب كل هذا هو نظام ولاية الفقيه اللي ما يعترف بالحدود السياسية للدول، اذا الحكومة ما غيرت توجهها الحالي(بحال ايران سمحت) المشكلة راح تكبر وأول انعكاسات المشكلة راح يكون تأخير تسليم الرواتب للموظفين وركود السوق العراقي وزيادة نسب الفقر.