28644
اللهُم اجعِل هَذة القناة شفيعة لي و لأبي و لأهلي جميعاً و لمَن زارهاُ وتابعهُا وساهِم في نشرهِا اللهُم اجعلهُا حجة لِي لا عِلي يُوم ألقاكَ . - خُذ مَاشِئتْ وأترُك لِي دَعوة 🤍.
باقي من الزمن 21 يوم.. جرب تقرب!
جرب تقتطع من يومك وقت ولو بسيط، بدون موبايل، بدون تلفزيون.. بس اذكر ربنا وتفكر في نعمه عليك.
الخلوة دي هي اللي بتبني الخشوع اللي بندور عليه في رمضان..
الخشوع محتاج تدريب.. مش هييجي صدفة.🎯
#افصل_الفيشة
#استعد_لرمضان
#باقي_من_الزمن⏳Читать полностью…
••اࢪح سـمــ؏ـ𓂆ــڪ وقَـلبَـ𓂆ـک ᡴꪫ˚
🎙 #قرآن_الصباح☀️🌤Читать полностью…
اشتغل على كفة الحسنات ⚖️
عاوزك تعمل لنفسك تارجت حسنات كل يوم متقلش عنه💪
كفة الحسنات هنسيبها فاضية كده؟
ميصحش ❌
ركعتين الضحى عالصبح كده بـ ٣٦٠ حسنة ✔️
١٢ ركعة سنة بـ بيت في الجنة ✔️
قراءة في المصحف الحرف بعشر حسنات ✔️
٣ ركعات قيام ووتر قبل النوم
صدقة وربنا بيضاعفها ليك أضعاف ✔️
ذكر ودعاء واستغفار وصلاة على النبي ﷺ ✔️
ده كله غير الفروض طبعاً..
👈هتلاقي في آخر اليوم جمعت حسنات كتير والله ومع المداومة الكم هيزيد..
#رمضانك_المصغر🌙Читать полностью…
باقي من الزمن 22 يوم ..
المصحف.. الصديق المهجور 📖
اسأل نفسك: آخر مرة مسكت المصحف إمتى؟
رمضان شهر القرآن… واللي هجره قبل رمضان، صعب يعمره في رمضان.
﴿شَهْرُ رَمَضَانَ الَّذِي أُنزِلَ فِيهِ الْقُرْآنُ﴾
ابدأ من الآن ولو بالقليل وما تسوفش
#ورد_القرآن
#استعد_لرمضان
#باقي_من_الزمن⏳Читать полностью…
باقي من الزمن 23 يوم.. بروفة الصيام 🌙
الجسم بيحتاج وقت يتأقلم.
أكثر من الصيام ،صوم (اثنين وخميس) و (الأيام البيض). ده هيخليك تدخل أول يوم رمضان وأنت نشيط ومش مجهد من غير صداع ولا تعب.
وعارف ليه شعبان بالذات؟
السيدة عائشة قالت إن النبي ﷺ كان أكتر شهر بيصوم فيه بعد رمضان هو "شعبان"، ولما اتسأل ليه؟ قال إنه شهر ترفع فيه الأعمال لرب العالمين، وأحب أن يرفع عملي وأنا صائم.
فـ يلا بينا نقتدي بالنبى ﷺ ونجهز نفسنا من الآن. 🏃♂️
#صيام_التطوع
#استعد_لرمضان
#باقي_من_الزمن⏳Читать полностью…
خير الشهور يدنو فهنيئا لمن استعدّ
تخيل معي.. ⤵️
🍂أن تمر هذه الايام والنفحات المباركة..
ثم تغادر وأنتَ كما أنت!
🍂أن تمر عليك مواسم التجارة...
ثم تُعرض عنها!
🍂أن تسير مواكب الصادقين...
وأنت لازلتَ في مكانك!
📣 فـ يا عباد الله..اعملوا وشدّوا عزيمتكم
واستعينوا بالله ولا تعجزوا!
شعبان، شهر ارتفاعٌ لعملك ..
واطلاعٌ من ربك ..
فأرِ الله من نفسك خيرًا ..
واجعل عملك كله طيّب يرضاه ربك ..
#رمضانك_المصغر🌙Читать полностью…
(4)
📢باقي من الزمن ٣ أسابيع ..
أخبار تجهيزاتك ايه ؟؟!..
أنا هنا جاي اقولك على حاجة في تجهيزاتك هتفرق معاك بجد ..
جربت تقرأ أو تسمع عن أسماء الله الحسنى وصفاته ؟!
تعرف أكتر عنه .. مش اللي بيحب حد من البشر بيحاول يجمع عنه أي معلومات ؟ صح ولا ايه ..؟!
طيب اللي بيحب ربنا .. المفروض يعمل إيه ؟!
- يعرف معاني أسماء الله وصفاته عشان يحبه أكتر ويحرص على طاعته ويبعد عن معصيته..
- يعرف إن ربنا الغفور فمايزهقش من التوبة أبداً ..
وفي نفس الوقت يعرف إنه شديد العقاب فيسيب المعاصي فورًا ..
- يعرف إن ربنا الكريم وإن عطائه مالوش حدود ..
فيطلب منه كل اللي عاوزه ..
- يعرف إن ربنا الرزاق وإن مايصحش أبدًا يطلب رزقه بمعصيته ..
- يعرف إن ربنا الوكيل..فيوكل له كل أموره
وهو واثق ومطمن
يعرف كتير كتير وكل مايعرف أكتر هيحبه أكتر 💙
لأنه ساعتها هيصوم صح .. لإنه معاه الرقيب
ويقف يصلي قيام كتير بحب .. لإنه عارف إن تعبه مش هيضيع مع الشكور 💚
ويتصدق كتير .. لإنه عارف إن الكريم اللي بيده خزائن السموات والأرض هيخلف عليه ..
ويدعى كتير .. لإنه عارف إن القريب المجيب وعده بالإجابة
ويبعد عن الأغانى والمسلسلات بحب .. لإن الرقيب يراه
^^^^
شوفت ازاي الأسماء الحسنى هتنقلك نقلة تانية في رمضان .. !
يلا .. مفيش وقت يضيع ،.
اسمع واقرا عن أسماء الله الحسنى ..
وعيش بقى جنة الدنيا 💙
#تجهيزات_رمضان🌙Читать полностью…
"جبر الخواطر."!🌸🤍
💥 شير وذكّر غيرك 💥🧡
📹 #مقاطع_دعوية_مؤثرة 🎥
باقي من الزمن 24 يوم.. الدعاء هو العبادة 🤲
ما تستناش لما رمضان يبدأ عشان تدعي.. ابدأ من الآن ألحّ على ربنا إنه يبلغك الشهر الكريم وأنت في أحسن حال (جسمانيًا ونفسيًا وإيمانيًا).
أهم دعوة تكررها من النهاردة:
"اللهم أعني على ذكرك وشكرك وحسن عبادتك".. اطلب منه يوفقك لكل عمل يحبه ويرضاه، لأن التوفيق كله بإيده هو سبحانه وتعالى.
#الدعاء
#استعد_لرمضان
#باقي_من_الزمن⏳Читать полностью…
(3)
تجهيزات رمضااااان ...ماتنفعش أبداااا
من غير......⁉️
👈 ((القرآن ))
أكيد طبعا...هو شهر رمضان بقى افضل الشهور ليه؟؟!!..مش بسبب نزول القرآن فيه
هي ليلة القدر بقت أحسن من ألف شهر ليه ؟؟!..مش بسبب نزول القرآن فيها
القرآن ....الكتاب اللي كله بركات حفظه وسماعه وقراءته الكتاب الوحيد اللي الحرف فيه بعشر حسنات .الكتاب الوحيد اللي هيستناك وإنت خارج من قبرك ويقولك ...أنا صاحبك ..ماتخافش
إنت بقى بتتعامل معاه ازااااي ؟؟؟
حاطه أولوية في حياتك ؟؟..بتبدأ بيه يومك وهو ده أهم حاجه في حياتك ولا بتسيبها حسب الظروف لو لقيت وقت ابقى افتحه؟؟
محافظ على وردك فيه...ولا مضحوك عليه بإن مافيش وقت؟؟
👈آن الأوان ...نبدأ صفحة جديدة بقى مع كلام ربنا ونخليه أول اهتمامتنا
آن الأوان تظبط الميزان⚖ وتروح للكفة اللي دايما كسبانة
_ابدأ يلا حالا أوعى تنتظر رمضان
_ابدأ حافظ على ورد قراءة واثبت عليه وخليه أهم حاجه في يومك
_ابدأ كمان ورد تدبر تفهم معاني الكتاب العظيم ده وتنزل معانيه على قلبك وتعيش في عالم تاني يعيد عن كل هموم الحياة
يلا بقى ...كفاية اللي ضاع
يلا نرفع شعار
((خذ الكتاب بقوة))👌
هنجهز ايه تاني لرمضان ؟!
#تجهيزات_رمضان🌙Читать полностью…
⚠️مر كام يوم من شعبان ...
(( شهر رفع الأعمال إلى الله))
إيه رأيك في صحيفتك اللي هتترفع راضي عنها ؟؟!
كم صلاة صليتها؟؟!..كم يوم صُمته؟؟!
كم ليلة قُمتها ؟؟ ...
كم كلمة اتكلمتها في الحرام ؟؟!...
كم نظرة في الحرام؟؟! ...كل حاجة الملائكة كتبتها خلاص
هيصعد إلى الله حساب دقيق👌
قال تعالى: {وَكُلُّ صَغِيرٍ وَكَبِيرٍ مُّسْتَطَرٌ}
⛔صحيفة السنة كلها هتترفع لربنا
ياترى الصحيفة اللي هتترفع عنك لربنا السنة دي فيها كم مثقال ذرة من خير و كم مثقال ذرة من شر .... ياترى هتزود ميزانك عند ربنا وهترفعك ولا هتنزلك؟؟
في شعبان...
أخطر حدث في السنة كلها اللي هو رفع أعمالك إلى الله ..
وبالرغم من كده هتلاقي ناس كتير مشغولة عن شعبان
زي مالنبي ﷺ قالنا عن شعبان ((ذاك شهر يغفل الناس عنه ، بين رجب ورمضان، وهو شهر ترفع فيه الأعمال إلى رب العالمين، فأحب أن يرفع عملي وأنا صائم))
...يعني هتلاقي ناس مشغولة عنه مش هتلاقي ناس كتير صايمة
مش هتلاقي ناس كتير ظبطت صلاتها في مواعيدها وبدأت تصلي قيام كمان
عشان كدة ...
عاوزين نتعامل مع شعبان صح ✅
عاوزين نقفل صحيفة السنة اللي فاتت كويس
عاوزين ترفع أعمالنا واحنا في أفضل أحوالنا مع العبادة.....
واحنا صايمين محافظين على صلاتنا في وقتها
واحنا فاتحين المصاحف وبنقرأ ومحافظين على النوافل
..يلا نحسبها صح✅
#رمضانك_المصغر🌙Читать полностью…
(1)
بدأت تجهيزات رمضان ولا لسه⁉️
طبعا ...أول مانقول تجهيزات لرمضان دماغنا تروح لتجهيزات الاكل للسحور والفطاار...
بس أنا مش بسأل على ده ...
أنا بسأل على تجهيزات من نوع تاني!!!
تجهيزات من غيرها رمضان كله يضيع علينا ..
تجهيزات العبادة !! ...
أيوه ...لازم تجهز قلبك وعباداتك من دلوقتي ..
واول حاجه لازم كلنا نجهزها هي...
((التوبة))
يلا حالا....أمسك ورقة وقلم واكتب ذنوبك ..
وأوعى تقول مش بعمل ذنوووب لان ده معناه إنك غرقان في الذنوب لدرجة إنك ماعدتش بتشوفها
بس خد بالك !!!
وإنت بتكتب ماتجاملش نفسك 😊
لانك هتلاقي كل الحاجات دي مكتوبة في كتاب لايغادر صغيرة ولا كبيرة إلا أحصاها..فنتوب دلوقتي منها أسهل ولا إيه ؟؟!
كتبت ذنوبك خلاص وعرفتها ؟؟...
_استغفر منها بقى وعاهد ربنا إنك مش هترجعلها تاني
_ولو حد ليه حق عندك ..رجعه دلوقتي أسهل كتيير ...
_حافظ كمان على الاستغفار كتير
_وادعي ربنا يعينك عشان ماترجعش تاني للذنب🤲
...واستعد للخطوة التانيه في
#تجهيزات_رمضان🌙Читать полностью…
باقي من الزمن 25 يوم .. خليك واقعي 📝
العبرة مش بكثرة الأهداف… العبرة إنك تكمّل.
بلاش 100 هدف وماتعملش منهم حاجة.
اختار أهداف واقعية وواضحة:
(هدف في القرآن، هدف في الأخلاق، هدف في الصلاة) وهكذا.
التركيز هو سرّ النجاح.💯
#تخطيط
#أهدافي_في_رمضان
#استعد_لرمضان
#باقي_من_الزمن⏳Читать полностью…
••اࢪح سـمــ؏ـ𓂆ــڪ وقَـلبَـ𓂆ـک ᡴꪫ˚
🎙 #قرآن_الصباح☀️🌤Читать полностью…
باقي من الزمن 28 يوم.. نضف كراكيب قلبك 🤍
زي ما بنهتم بنضافة بيوتنا وتجهيزها، قلوبنا أولى بالتنظيف..
أي حد زعلان منه، أي موقف لسه شايل منه، أي خصومة واخدة مساحة من تفكيرك.. سامح لوجه الله. مش عشانهم، عشان قلبك يخف من الأحمال، ويدخل رمضان خاشع ومركز في العبادة بس.
صفي قلبك.. عشان تستقبل النور.
#قلب_سليم
#استعد_لرمضان
#باقي_من_الزمن⏳Читать полностью…
(6)
التجهيز اللي معانا النهاردة فيه ....
المفتاح السحري لإجابة دعائك وحل كل مشاكلك ⁉️..
بعد ماظبطنا الأساس.. الفروض الخمسة
وهي دي أكتر حاجة ربنا يحب إننا نتقرب إليه بيها ونعملها صح
جه الوقت بقى إننا نقرب أكتر وأكتر ونوصل لمرحلة أعلى
بإننا نبدأ نصلي نوافل كمان يعنى نصلى صلوات تانية غير الفرض .. نصلي السنن 💙
هي طبعًا مش فرض علينا ولا حاجة ..بس بنصليها عشان.....
- تعوض أي نقص حصل في الفرض
- وكماااان بقى ..عشان ربنا يحبك لإن النبي قال في الحديث القدسي ..يقول الله تبارك وتعالى (وما تَقَرَّبَ إلَيَّ عَبْدِي بشَيءٍ أحَبَّ إلَيَّ ممَّا افْتَرَضْتُ عليه، وما يَزالُ عَبْدِي يَتَقَرَّبُ إلَيَّ بالنَّوافِلِ حتَّى أُحِبَّهُ، فإذا أحْبَبْتُهُ، كُنْتُ سَمْعَهُ الَّذي يَسْمَعُ به، وبَصَرَهُ الَّذي يُبْصِرُ به، ويَدَهُ الَّتي يَبْطِشُ بها، ورِجْلَهُ الَّتي يَمْشِي بها، وإنْ سَأَلَنِي لَأُعْطِيَنَّهُ، ولَئِنِ اسْتَعاذَنِي لَأُعِيذَنَّهُ)
تخيل ..إن الملك يحبك ويوعدك بإجابة دعاءك ويوعدك بحمايتك من أي أذى ...كل ده ليه ؟؟
عشان عملت فروضك صح وكمان قربت أكتر بالنوافل
ومش كده وبس ....
- انت لو حافظت على ١٢ ركعة اللي هم السنن الرواتب ليك كل يوم بيت في الجنه
البيت في الدنيا بتشقى عمرك كله عشان تجيبه وبيت في الجنة تاخده ب١٢ ركعة طول اليوم وتفرط فيه 😥
- عندك كمان ركعتين ماياخدوش معاك دقيقتين ركعتين الضحى وتبقى تصدقت عن 360 مفصل في جسمك
- غير طبعًا...قيام الليل ولو بركعتين وياسلام لو في التلت الأخير من الليل ..وادعى بقى واطلب كل اللي في نفسك لإنك مع الملك الكريم 💙💙
يلا ...إنت لسه قاعد!!!
الأجور كتير....قوم صلي ركعتين والحق أي عرض من العرووووض
#تجهيزات_رمضان🌙Читать полностью…
عن أنس بنِ مالك رضى الله عنه قال :
كان المسلمون إذا دخل شعبان ..
أكبوا على المصاحف فقرؤوها ..
وأخرجوا زكاة أموالهم 💰
تقويةً للضعيف و المسكينِ على صيام رمضان 🌓
وكان يُقال : طوبى لمن أصلح نفسه قبل رمضان !
📝كان أحد السلف يقول :
رجب كالريح 🌪️
وشعبان كالغيم☁️
ورمضان كالمطر🌦️
📌فمن لم يزرع في رجب ، ولم يسق في شعبان ، فكيف🤔 يريد أن يحصد في رمضان ؟
📝كان ابن القيم رحمه الله يقول :
💫وعلى قدر نية العبد وهمته ومراده ورغبته يكون
👈 توفيق الله له وإعانته
قم واستعد🔥
شد واجتهد💪
سابق وانطلق🚀
شعارك لن يسبقني إلي الله أحد 👌
🌜🌟🌜🌟🌜🌟🌜🌟
#رمضانك_المصغر🌙Читать полностью…
(5)
أكيد ماينفعش نجهز لرمضان من غير عرووووض 😇
..ودلوقتي جايب لك عرض مايتفوتش
عرض حصري جدااا...مش هتلاقيه في أي هايبر👀.....
العرض هو......
اعمل العبادة مرة واحدة بس
وخد عليها أجر ١٠ أو٢٠ أو ٣٠...إنت وشطارتك
ازاااااي بقى⁉️
الخطه كلها....إنك تدعو الناس لعمل الخير وهيتكتب لك أجرك كامل إنت واللي عمل الخير ده ..
ممكن مثلاً...
- تشجع أصحابك على الصيام وبدل ماتبقى صُمت يوم واحد تبقى صومت أيااااااام كتيييييير
- تساعدي صاحبتك على الحجاب الصح وتاخدى إنتي وهي حسنات مالهاش عد
- تساعد صاحبك على المحافظة على صلاة الفجر وخلي عداد حسناتك مايقفش
- تشجع الناس على الصدقات وشنط رمضان وتحط في ميزانك أجووووور كتيييير
- تنشر بوست دعوي وتأخد أجر أي واحد استفاد بيه
حاجات كتير كتير تقدري تدخل بيها في العرض ده
شوفت الموضوع بسيط ازااااي ...
مش محتاج شيخ ولا داعية عشان يدعو الناس لربنا....
كل واحد فينا يقدر يعملها بس ....
يستعين بالله ويبدأ ويتشجع
وماتستصغرش أي حاجى لإن الميزان عند ربنا بيحسب بمثقال ذرة
ماتقلقش أجرك مش هيضيع عند الكريم💙
#تجهيزات_رمضان🌙Читать полностью…
••اࢪح سـمــ؏ـ𓂆ــڪ وقَـلبَـ𓂆ـک ᡴꪫ˚
🎙 #قرآن_الصباح☀️🌤Читать полностью…
••اࢪح سـمــ؏ـ𓂆ــڪ وقَـلبَـ𓂆ـک ᡴꪫ˚
🎙 #قرآن_الصباح☀️🌤Читать полностью…
شباب كتير بيبقى حابب يتغير في رمضان ..
وفعلا بيكون عنده النية لكدة ..
لكنه بيفاجأ إن رمضان خلص ومحققش التغيير اللي كان بيحلم بيه 😞
• طيب فين المشكلة ؟!
المشكلة ببساطة هي :
" عدم الاستعداد الجيد لرمضان "
هاتقولي : نستعد لرمضان ؟! من دلوقتي ؟!
ده المفروض يبدأ من أول شعبان🤨
1/ لأن التغيير وتكوين عادات جديدة والتخلص من عادات قديمة بياخد وقت
2/ لأن الاستعداد لرمضان بيخلينا أكثر شوقا ليه
وبالتالي قابلية التغيير بتزيد عندنا فنقدر نحقق التغيير المطلوب 😍
ومايكونش تغيير مؤقت وسطحي ..
ينتهي بنهاية الشهر ..
• طيب اعمل ايه وخلاص عدى تقريبًا أسبوع من شعبان ؟!
هنا بقه نستمد روح زنقة الامتحانات 😁
لو حد جه قبل امتحان الفاينل بيوم واحد وقالك ماذاكرتش حاجة ..
هاتقوله ايه ؟
ذاكر .. لم أي حاجة واضغط نفسك في اليوم ده
- فانت محتاج في الفترة ده تعمل بروفة مصغرة لشهر رمضان ..
وتحول تكون عادات فيه عشان تسهل عليك في رمضان نفسه ..
عادة المحافظة على الصلاة في جماعة ✅
تثبيت ورد يومي من القرآن ✅
قيام ولو ركعتين من الليل يوميا ✅
ولو متاح تصوم الإثنين والخميس الجايين ✅
الصدقة ولو بأقل القليل ✅
والمحافظة على الأذكار ✅
وخاصة أذكار الصباح والمساء
ذاكر الفترة دي كويس ..
عشان تنجح في رمضان 💚
#رمضانك_المصغر🌙Читать полностью…
📢 #تذڪير_صيام_الاثنين 📢
شهر شعبان يُستحب الإكثار فيه من الصيام 🩶
نهار قصير وأجر عظيم بإذن الله💙
طوبى لمن أصلح نفسه قبل رمضان
وبدأ مبكراً بالنوافل والإحسان.
ورطّب لسانه بالذكر والقرآن.
وهيئ قلبه بالصيام والقيام.
فَوجد قوة وبركة غير عادية في رمضان.. واستقبل نفحات الرحمات والغفران.. وأنطلق منه إلى أعالي الجنان....
هنيئًا لمن سيُرفع عمله وهو صائم...
إن لم تكن صائمًا.. فـكُن لغيرك مُذكرًا👏🏻🍀
#الغنيمة_الباردة
#صيام_الأثنين 💚🥛🫘
"الخِيَرَة فِيمَا يَخْتَارَهُ الله."!🌸🤍
💥 شير وذكّر غيرك 💥🧡
📹 #مقاطع_دعوية_مؤثرة 🎥
💫 أهل العزائم يشرعون في الاستعداد لرمضان قبل حلولهِ لتزكية نفوسهم واصلاح قلوبهم حتى تلين للطاعة -بإذن الله- 🍃
فيقوموا بالعبادة طوال الشهر بيُسر وانشراح صدر بفضل من الله عز وجل...⭐⭐
أدرِك واستعد 💪
وأرِ الله من نفسك خيرا ..💕
واسأله أن يوفقك لما يحب ويرضي .. 🌸
شـعـبان شـهـر الـقُـرَّاء 👌
✍️ قال ابن رجب رحمه الله :
🪻 لمَّا كان شعبان كالمقدمة لرمضان شُرع فيه ما يُشرع في رمضان من الصيام وقراءة القرآن ؛ للتأهب لرمضان، وترتاض النفوس بذلك على طاعة الرحمٰن .
✍️ قال سلمة بن كهيل :
🪻 كان يُقال شهر شعبان شهر القُرَّاء .
💌 وكان عمرو بن قيس إذا دخل شعبان أغلق حانوته وتفرَّغ لقراءة القرآن 💜
#رمضانك_المصغر🌙Читать полностью…
يالا نتوكل ع الله 💟
ونحاول.......نحرك💪
اللهم بلغنا رمضان🤲
💥 شير وذكّر غيرك 💥🧡
📹 #مقاطع_دعوية_مؤثرة 🎥Читать полностью…
(2)
🤚وانت بتستعد لرمضان ...
فيه حاجة مهمة جدًا ماينفعش تنساها !!
حاجه أهم بكتير من تجهيزات فطار رمضان 👀
تجهيز الغذاء الحقيقي اللي ماتقدرش تستغنى عنه
الحبل اللي بيوصلك بالسماء عشان روحك ماتموتش
((الصلاة ))
إيه أخبار صلاتك بتحافظ عليها في أول وقتها ولا بتأخرها أو بتضيعها؟؟!
ولا... بتحافظ عليها فعلاً بس بسرعة بتخطفها من غير تركيز ولا خشوع؟؟!!
آن الأوان🤝 نظبط صلاتنا وتاخد حجمها الحقيقي في اليوم
ماينفعش أبدًا يدخل عليك رمضان وده حالك مع الصلاة ..مع صلتك بربك
النبيﷺ كان بيقول عن الصلاة ..أرحنا بها يابلال
إمتى بقى هنوصل لكده؟؟إمتى هنقول تعبنا من الحياة وعاوزين نرتاح بالصلاة ؟؟!
امتى هنرتب أولويات حياتنا صح ..ونعرف إن وقت الصلاة هو الأول دايما ..لإن ده الوقت اللي ملك الملوك سبحانه سمحلنا فيه إننا نكلمه..
تخيل معايا كدة..
إن الصلاة دي في معاد واحد بس في اليوم وباقي اليوم ممنوع تصلي ...تخيل زهقان ومكروب ونفسك تشكي لربنا ومش مسمحولك😥
كان هيبقى إيه حالنا؟؟!..
الصلاة دي الهدية اللي ربنا أكرمنا بيها... اعرف قيمتها وحافظ عليها واشكر ربنا عليها
وعشان كده لازم ....
_تحافظ على صلاتك في وقتها بالظبط👌
_وإنت قايم تصلي تقوم بحب وشكر على نعمة الصلاة مش تقوم بكسل
_وتصلي بتركيز وخشوع وطمأنينة ..
👈ماتخافش على رزقك وقت الصلاة ده إنت واقف بين يدي الرزاق اللي عنده خزائن السموات والأرض....
👈ماتخافيش على درسك اللي هتتأخري عليه وإنت واقفه تصلي لإنك واقفه بين يدي الفتاح القادر إنه يفتح لك أي حاجه مش فاهماها ببركة صلاتك
بس المهم لازم نصلي صح ✅
طيب اللي عاوز يرتقي أكتر يعمل إيه ؟؟!
يصلي أكتر ...نوافل وقيام وتطوع
ويفتكر دايما حديث النبي ﷺ : (عليكَ بِكَثْرةِ السُّجُودِ، فإِنَّك لَنْ تَسْجُد للَّهِ سجْدةً إلاَّ رفَعكَ اللَّهُ بِهَا دَرجَةً، وحطَّ عنْكَ بِهَا خَطِيئَةً)
...ياترى محتاجين نجهز إيه تاني لرمضان؟؟
#تجهيزات_رمضان🌙Читать полностью…
💟 شعبانُ شهْرُ التجهيز، ورمضانُ شهر التنفيذ، فكيفَ ينفّذ مَن لم يُجهّز ؟!
👌لا تقُل عندما يأتي رمضانُ سأنطلِق، فليسَ الذي أعدّ العُدّة مبكّرًا، كمن أقعدتهُ نفسه عنها!
💌{ وَلَوْ أَرَادُوا الْخُرُوجَ لأَعَدُّوا لَهُ عُدَّةً }💌
فأعدّ العدَّة من الآن، وغير من نفسك للأفضل قبل رمضان وتب إلي الله عز وجل توبة نصوح 🤍
🤲 يا ربّ بلِّغنا رمضَانَ وأعِنَّا فيهِ عَلَى الصِّيامِ والقِيام، وَعَلَى كل شيءٍ تُحِبُّه وترضَاه 🤲
✋ احذر من غفلة يفاجئك فيها هلال رمضان!
فتجد نفسك تتكلف الصيام وتمتنع من المكث في المسجد، وقلبك يمل تلاوة القرآن وطول القيام 😔
💔 فتقضي أيام رمضان وأنت تجاهد نفسك في الإقبال على الله، حتى إذا ما بدأ يَلين قلبُك وتُقبل روحك وتَذوق حلاوة الإيمان؛ تجد أن هلال شوال دخل ولم ترتوِ روحك بعد! 💔
💥 فلا تنتظر أن يأتي رمضان حتي تتحول من حال الخمول الي حال النشاط ومن قسوة القلب إلي لين القلب فجأةً وبدون أي مقدمات!
#رمضانك_المصغر🌙Читать полностью…
باقي من الزمن 26 يوم .. الصاحب ساحب 👥
شوف مين في دايرة صحابك بيشجعك على الخير وقرب منه ومين بيسحبك للضياع وابعد عنه.
في رمضان، أنت محتاج رفيق يبعتلك آية، يشجعك على التراويح، ويذكرك بالله.
يلا بسرعة: منشن لـ رفيق رمضان وقوله: هنشجع بعض السنة دي بإذن الله.
#صحبة_صالحة
#استعد_لرمضان
#باقي_من_الزمن⏳Читать полностью…
باقي من الزمن 27 يوم ..توب وابدأ من جديد.
مفيش حد فينا معصوم، بس الفرق في اللي بيقرر يبدأ صفحة بيضاء.
رمضان هو الفرصة الكبيرة، ابدأ من الآن بـ "الاستغفار" بيقين إن ربنا هيقبلك مهما كان الماضي.
#بداية_جديدة
#استعد_لرمضان
#باقي_من_الزمن⏳Читать полностью…
باقي من الزمن 29 يوم.. ناوي على إيه؟🎯
رمضان ممكن يكون "عادة" وممكن يكون "عبادة".
الفرق هو نيتك!
انوِ من الآن إن صيامك السنة دي يكون "إيمانًا واحتسابًا" عشان تغفر ذنوبك كلها وتطلع منه إنسان جديد .
اجعلها بداية الانطلاق مش مجرد شهر ويعدي. 👌
#نيتك_تفرق
#استعد_لرمضان
#باقي_من_الزمن⏳Читать полностью…