𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

16 Sep 2024 06:00

#КУН_ҲИКОЯСИ

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Ғийбат нима эканлигини биласизларми?» деб сўрадилар. Саҳобалар: «Аллоҳ ва Унинг Расули билгувчироқдир», деб жавоб бердилар. Расулуллоҳ соллаллоҳу алайҳи васаллам: «Ғийбат бир биродарингнинг орқасидан ўзи эшитса, ёмон кўрадиган сифат билан гапиришингдир», дедилар. Шунда улардан бири: «Агар биродаримда мен айтган ўша сифат бор бўлса ҳам ғийбат бўладими?» деб сўради. Расулуллоҳ соллаллоҳу алайҳи васаллам: «Унда бор айбни айтган бўлсанг, ғийбат қилган бўласан. Агар сен айтган сифат унда бўлмаса, бўхтон қилган бўласан», деб жавоб бердилар.

Демак, бировнинг айбини ошкор қилувчи сўзни, агар тўғри бўлса ҳам, айтиш жоиз эмас экан. Чунки бу билан ғийбат қилинган бўлади. Агар ёлғон бўлса, туҳмат ва бўҳтон бўлгани учун гуноҳи ҳам икки ҳисса бўлади.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 13:16

Агар қулоқларингиз умуман эшитмаганда дунёни қандай кўрган бўлар эдингиз!

Эшитиш ҳам Аллоҳ томонидан бандасига берилган улуғ неъмат!

Видеони кўринг ва буни ҳис қилинг...😢

Видео овозини баланд қилиб олинг!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 08:11

Радиодаги амаки

– Мана шундай ёқимли таронадан кейин аъло кайфиятни сақлаб қолган ҳолда дастурларимизни давом эттирамиз…

Радиобошловчи шундай деб орага бир неча сониялик мусиқа қўшди ва бу орада боя тутатган сигаретасидан яна бир тортиб олди.

– Демак, бизда яқинларига салом йўллашни ният қилган яна бир тингловчимиз бор, – давом этди унга қўнғироқ борлигини ишора қилган операторга бош чайқаб. – Улар билан танишамиз. Ассалому алайкум!

– Ассалому алайкум, радиодаги амаки…

Саломига қўнғироқдек ёқимли, чамаси тўрт-беш ёшлардаги қиз боланинг овози шундай алик олди. Бошловчи шу заҳоти унга илжайиб турган операторга қаради-ю, қўлларини икки ёнга чўзиб: “Бу нимаси?” дегандек ишора қилди. Оператор иккала қўлини “тўппонча” қилди-да, бир кўзини қисиб гўё бошловчига бир неча марта ўқ узгандек қилиб: “Бопладимми?” дегандек таассурот уйғотди.

– Алло, амаки?

Қизчанинг овози бошловчини сергаклантирди.

– Алло, алло, қизалоқ, ён-атрофда каттароқ кишилар борми? Ака-опанг, ота-онанг?

– Йўқ, уйда ҳеч ким йўқ. Қўшнимиз менга қараб тургандилар уйларига чиқиб кетдилар. Мен уларнинг телефонларидан қўнғироқ қиляпман…

– Ҳа, майли, – энсаси қотган бўлди бошловчининг. – Кимга салом йўлламоқчисан?

– Ойимга.

– Яхши, ойинг қаердалар?

– Менга ука олиб келгани кетгандилар. Ҳалиям қайтмадилар.

Бошловчининг юзига табассум югурди.

– Ҳали ука тополмагандир-да.

– Йўқ! – қатъий оҳангда гапирди қизалоқ. – Укам кеча келди. Аммо ойим келмадилар…

Бошловчининг юзидаги табассум аста йўқолиб, қошлари ҳам чимирила бошлади. Қизалоқ эса сўзида давом этди:

– Укамни дадам олиб келдилар. Улар қайдан топганларини сўрай олмадим. Мени дадамнинг олдига киритишмаяпти. “Безовта қилма, ўзи аҳволи оғир!” дейишади. Ойимни сўрасам ҳам ҳеч ким жавоб бермайди, мени қучоқлаб олишади. Йиғлаб ҳам беришади.

Бошловчи креслога суяниб олди, у кўзларини бир нуқтага тикканча, қошлари чимирилган ҳолда қизчанинг гапларини диққат билан тингларди.

– Сиз доим ҳамманинг саломини бошқаларга етказасиз. Менинг ҳам ойимга саломимни етказинг! Укам келганини айтинг! Улар ҳали ҳам қидириб юрибдилар, шекилли.

Бошловчи жавоб бермади. У ҳамон ўша ҳолатда ўтирарди.

– Алло, амаки. Саломимни етказасизми?

– Қизалоқ, – овози кутилмаганда титраб кетди бошловчининг. – Мен сенинг гапларингни ойингга етказа олмайман. Кечир!

– Нега? – йиғламсираб сўради қизча. – Нега энди етказа олмайсиз?

– Чунки бизнинг радиотўлқинлар ойинг кетган жойларгача етиб бормайди. Аммо… – бошловчи йигит бўғзига тиқилган йиғи сабабми, гапиришга қийнала бошлади. – Аммо сен ўзинг етказишинг мумкин. Ўргатайми?

– Ўргатинг! Ўргатинг! – қувнаб кетди қизча.

Бошловчи худди сирдошига гапираётгандек тараддудланиб, паст овозда гапира кетди:

– Ҳар куни ухлашга ётганингда, хонада сендан бошқа ҳеч ким қолмаганида, яхшилаб ўрнашиб олгин-да: “Эй Худо, ҳозир ойим сен билан, илтимос, бу гапларимни ойижонимга етказ!” деб ҳамма гапларингни айт! Ишонавер, ойинг сени албатта эшитади.

– Ростданми? Жавоб ҳам қайтарадиларми?

– Йўқ, аммо астойдил гаплашсанг, тушингга киришлари мумкин.

Қизалоқнинг шодон ҳайқириғи эшитилди. Бошловчи товуш чиқармай йиғлай бошлади.

– Қойил, раҳмат сизга амаки, раҳмат. Бугуноқ ойимга шундай қилиб хабар жўнатаман. Раҳмат сизга…

– Қизалоқ… – бўғиқ овозда яна гап бошлади бошловчи. – Энди мен ҳам сендан бир нарса илтимос қилмоқчиман.

– Майли, илтимос қилинг! – қувноқ овозда жавоб берди қизча.

– Ойинг билан гаплашиб бўлгач… Ойинг билан гаплашиб бўлгач, радиодаги амакингнинг ўғлига ҳам икки оғиз гапни етказиб қўясанми? У ҳам ойинг кетган ёқда ҳозир.

– Ҳа, албатта етказаман. У ҳам ўзига ука олгани кетганмиди?

– Йўқ… У шунчаки музқаймоққа кетганди…

Бошловчини яна йиғи тута бошлади.

– Музқаймоққа? Ҳа майли, унга нима деб қўяй?

– Унга… – борган сари гапиришга қийнала бошлади бошловчи. – Унга “даданг билан ойинг сени жудаям яхши кўришади” де. Жуда соғинганимизни ҳам. Кейин… Тушимизга ҳам тез-тез кириб турсин. “Даданг ўша куни уйга музқаймоқ олиб келишни унутгани учун ҳалиям афсус чекяпти”, деб айт…

(муаллифини билолмадим)

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 06:50

Умр шундай тез ўтади, сезмай ҳам қоласиз...

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

14 Sep 2024 08:40

Тақво нима?

Аслида «тақво» сўзи «сақланмоқ», «эҳтиёт бўлмоқ» маъноларини билдиради. У «виқоя» сўзидан олинган бўлиб, бир нарсани озор ва зарар берадиган нарсадан сақлашни англатади. Бинобарин, тақво ўзини қўрқинчли нарсадан сақлашдан иборатдир. Гоҳида тақво хавф маъносида ёки аксинча ҳам ишлатилади. Ҳазрати Умар розияллоҳу анҳудан «Тақво нима?» деб сўрашганда: «Араблар сертикан майдондан яланг оёқ бўлиб, тикандан сақланиб ўтиб кетишни «тақво» дейишади», деганлар. Ҳаётда гуноҳ ишлар ҳам худди тиканларга ўхшайди, ким улардан эҳтиёт бўлмаса, озор чекади, улардан сақланиб юрган киши эса тақво қилган бўлади. Оқибатда тақво инсон қалбидаги ҳолатга айланади. Бу ҳолат қалбни ҳассос қилиб, доимо Аллоҳ таолонинг сезгиси билан яшайдиган қилиб қўяди.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

13 Sep 2024 15:10

Аллоҳ иродаси билан қиз бола дунёга келганида ҳар битта қиз бола учун иккита фаришта тайёрлаб қўяр экан. Битта фаришта унинг табассумини санаса, иккинчи фаришта кўз ёшини санар экан. Охират куни табассумига сабаб бўлганларга савоб, кўз ёшига сабаб бўлганларга азоб бўлар экан.

P.S.: Аёлларнинг ноҳақ йиғисига сабабчи бўлмайлик!!!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

13 Sep 2024 09:49

#тафаккур

Ростгўйлик
Доим рост гапиринг, шунда кўп нарсани эслаб юришингизга ҳожат қолмайди.

Қиймат
Ҳаётда математика ечолмайдиган нарсалар бор. Масалан, ҳалол бир сўм ҳаром беш сўмдан кўп бўлади.

Кечирим
Кечириш бу – аввалгидек қадрдон бўлиш эмас, шунчаки интиқомдан воз кечиш дегани гоҳида.

Келажак
Одамнинг келажагини билиш учун у пул ва вақтини нималарга сарф қилаётганини билиш кифоя.

Ночорлик
Ночор аҳволда яшаш ҳар доим ҳам камбағаллик белгиси эмас, баъзиларда дангасалик белгиси ҳамдир.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 10:13

• Маҳзунмисан? Ахир намоз бор-ку?!
• Сабабсиз юрагинг сиқилмоқдами? Ахир Қуръон бор-ку?!
• Келажакдан умид қилмоқчимисан? Ахир дуо бор-ку?!
• Абадий ноз-неъмат истайсанми? Ахир Жаннат бор-ку?!
• Аллоҳим, Бизларга Жанннатни насиб қил. Омийн!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 07:10

🌺Сизларга дунёдаги энг гўзал тилакларни тилагим келди:


Тилайман мўминлик ибодатини,
Жаннати инсонлар хуш одатини.
Қуръондек ҳаловат, иймондек ҳузур,
Ҳам икки дунёнинг саодатини.

Тилайман Умардек мард феъли одил,
Ҳам Абу Бакрдек бир дўсти оқил.
Муҳаммад кўнглидек покиза кўнгил,
Ҳам икки дунёнинг саодатини.

Тилайман бахт қасрин учқур отларин
Бухорий тафаккур, хаёлотларин.
Ҳам солиҳ фарзандлар камолотларин
Ҳам икки дунёнинг саодатини.

Тилайман юрт узра тинчлик зиёсин,
Салмоннинг тақвосин, Усмон ҳаёсин
Аталган сенга деб она дуосин,
Ҳам икки дунёнинг саодатини.

Тилайман тоғларнинг маҳобатини,
Зулфиқор тутган мард салобатини.
Дилдаги пок ният ижобатини,
Ҳам икки дунёнинг саодатини.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 02:05

ХАЙРЛИ ТОНГ!

☀️ Ассалому алайкум! Чоршанба тонги муборак бўлсин

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!

Соғ–саломат уйғотган Роббимизга ҳамдлар бўлсин 🤲

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

10 Sep 2024 11:19

Хотиннинг эрига бўлган одоби...
(ҳар бир муслима билиши шарт)

Хотин эр кириб келганида уни ўрнидан туриб, очиқ юз ва табассум билан «Марҳабо, бегим» чиройли  сўзлар билан қарши олади.

Эрининг уст кийимини ечиб олади, қўлидаги нарсасини ёки юкини дарров кабул қилиб олади.

Эрининг ҳар бир амрига итоатда туради, гуноҳ бўлмаган ишини ва топшириғини сўзсиз бажаради.

Эр ётоғига таклиф этса, турли баҳоналарни рўкач қилиб, бўйин товламайди, эрининг истакларига нафсини таслим этади.

Эрининг изнисиз бирор ёққа бормайди, ҳатто ота-онасини кўргани ҳам кетолмайди.

Эрининг кийимларини ювиб, тозалайди, йиртиғини тикади, буюм ва ашёларини асраш чораларини кўради.

Эрининг ош-нонини пишириб беради, дастурхонини тузайди.

Эрининг чироғи ва ўчоғини ёқади, тўшагина ёяди. Эрининг ғусл ва таҳоратига сув ҳозирлайди, эр истаса унинг ғусл ва таҳорат олишида хизматини қилади, ёрдамлашади.

Эрига моли, насаби ва гўзаллиги билан мақтанмайди.
Эрига кийим айтишда ва емак ейишда бирон ғамташвиш келтирмайди, эҳтиёжидан ортиқ нарсаларни буюриб, қийин аҳволга солмайди.

Овозини эриникидан баландлатиб, бадахлоқлилик кўрсатмайди, унга сўзидан ё хулқидан азият етказиб, жонидан тўйдирмайди.

Эри олдида ҳам, йўқлигида ҳам уни дуо қилади, Аллоҳдан тавфиқ, тақво, икковига тотувлик тилайди.

Фақат эри учун безаниб, кийинади, иффат ва номусини ўзгалардан ҳимоя қилади, номаҳрамларга рўпара бўлмаслик чораларини кўради, эри ва хонадони шаънини пок тутади.

Эрининг уй-жойи, мол-мулкини авайлаб-асрайди, унинг изнисиз бирор нарсасини ўзгаларга бермайди.

Эрининг ночор, фақир, мухтож бўлиб қолган кунларида буни юзига солмай, тасалли кўрсатади. Булар бир имтиҳон эканини айтиб, далда беради.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

10 Sep 2024 02:05

Дуои саломлари ила тонгларга  файз  бахш  этган,  Азизларим,

 🍃 АССАЛОМУ  АЛАЙКУМ! 

Сешанба тонги муборак бўлсин. Хафта давомида Сизларга омад ва файз-барака ҳамроҳ бўлсин!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

09 Sep 2024 17:21

- Taloqsan. Javobingni berdim. Ertaga ajrimga ariza topshiraman, bira to'lasi uyni nomingga o'tqazib beraman. Bu uy sen bilan bollarimni haqqi Rayhon.
Bobur shaxt bilan uydan otilib chiqib ketdi. Rayhon hayratdan ko'zlarini katta-katta ochganicha bir nuqtaga tikilib qoldi. Quloqlari ostidan "Taloqsan. Javobingni berdim" degan gap tinmay takrorlanar, Rayhonning yuragini ezib muttasil azob berar edi...
* * *
O'sha kunlar hozirgidek yodida. Bobur bilan tanishganiga mana bu yil roppa rosa 10 yil bo'ladi. Kursdoshlik paytlarida doim birga yurishar, bir birlarini chin ma'noda sevishar edi. Ehee qancha suvlar oqib ketdi, orada qancha gap so'zlar o'tdi. Rayhonning uyidagilar "Yigitni dadasi yoshlik paytida qamalgan ekan. Ota tarbiyasini ko'rmagan bolaga qizimizni bermaymiz" deb oyoq tirab turib olishganida Rayhon va Bobur qancha harakat qilishgan edi bir biriga yetishish uchun. Mana endi esa hammasi go'yo bir tushdek, ro'yodek ko'rinyapti... Rayhon bor kuchi bilan oilasini saqlab qolish uchun harakat qildi. Eriga yaxshi gapirib ham ko'rdi, yig'lab siqtadi ham, o'tgan kunlarini, o'rtalaridagi muhabbatni eslatishga urundi, bolalarini taqdirini o'ylab yalinib yolvordi. Yo'q! Foydasi bo'adi. Mana ish oxiri ajrimgacha yetib keldi...
* * *
Oradan 1 yil o'tdi. Hayot o'sha o'sha. Bobur ishga borar hayollari tarqoq. Asablari ancha charchagan. O'pkasi muttasil sanchib og'rir, halovati yo'q... Ishi ham oldingidek emas. Topganida baraka yo'q. Pul ro'zg'ordan ortmaydi.
Bobur uyiga kelib eshik qo'ng'irog'ini chalganicha ancha turib qoldi. Yana bir ikki asabiy qo'ng'iroqni chaldi. Ichkaridan "Hozir!" Degan zardali ovoz eshitildi.
- Namuncha ochishing qiyin!
Nozima ensasini qotirganicha ortiga o'girdi.
- Salom qani? Ishdan yaxshi kevoldizmi? Charchamadizmi degan gaplar gapirilmaydimi erga?
- Ozgina mazam yo'q! Men kirib yotaman.
- Shoshma. Ovqat qilmadingmi? Ishdan och kelyapman men.
- Yo'q qilmadim. Uyda go'sht qolmabdi. Yana u bu narsalar yo'q. O'zimni pishirib bermayman-ku sizga!
Nozima ichkari xona eshini qattiq berkitib kirib ketdi. Bobur ostona oldida serrayib turib qoldi. "Ko'zlarim ko'r bo'lgan ekan. Nozimani sevaman, u ham meni sevadi deb o'ylardim. Ahmoqman. Guldek oilamni barbod qildim. Rayhon... U qanday ham yaxshi ayol edi. Qadrlamadim! Kim nimani xor qilsa, o'shanga zor bo'ladi deb eshitgan edim. Mana ham xor bo'ldim, ham zor bo'ldim..."

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

09 Sep 2024 13:09

Nozima kissasidan 200 ko'kat chiqarib Klara xolaga berdi.
- Buning kam.
- Xolajonim "kuf-suf"iz tasir qilsin. Bunaqa pullardan hali kop olasiz. Yoki menga ishonmaysizmi?
- Xo'p mayli. Unda boshladik...
Klara folbin qo'liga allambalo tasbehini olib, ichida qanaqadur so'zlarni aytib pichirladi... Ko'zlarini u yoq, bu yoqqa olaytirib xunuk tovushlar chiqardi. Ancha vaqt shunday harakatlar bilan oldida turgan soatga tinmay dam soldi.
- Mana tayyor. U yigit buni taqqanida yelkasida, ko'kraklarida kuchli og'riq turadi. Senga talpinadi. Seni oldingga kelgan zahoti barcha og'riqlari qolib, ko'ngli orom oladi. Senga ipsiz bog'lanib qoladi ishonaver.
Klara folbin kulib qo'liga soatni olib Nozimaga uzatdi...
* * *
- Uni juda sog'inyapman...
Jahongir stol ustidagi hujjatlardan boshini ko'targanicha o'rindiqda o'ylanib o'tirgan o'rtog'i - Boburga hayron qaradi.
- Kimni?
- Nozimani...
Jahongir qovog'ini solib oldi. Uni chinakamiga jahli chiqqandi.
- Nimalar deyapsan o'rtoq? Axir xotining bor, bolalaring bor-ku?! Hushingni yig'ib ol!
- Hayolimdan ketmay qoldi. O'tirsam ham tursam ham hayolimda faqat u...
- Esingni yig'! Axir ayoling - Rayhon bilan 5 yil sevishib yurib turmush qurgansizlar-ku! Unga yetishguncha qancha sarson bo'lgansan esingdan chiqdimi? Yoki xotiningdan biron ayb o'tdimi?
- Yo'q. Rayhon juda yaxshi ayol. Meni sevadi, hurmat qiladi. Bolalarimga yaxshi ona, ota-onamni erkatoy kelini. Shu paytgacha biron marta ko'zimga tik qaramadi, gap qaytarmadi...
- Unda nega boshqasini o'ylayapsan?! Sen ahmoqmisan?
- Bilmadim... Bobur qo'rqinch to'la ko'zlarini olazarak qilganicha Jahongirga qaradi.
- Bilmay qoldim! Tushunmayapman! Xotinimni borgan sari o'zimdan o'zim yomon ko'rib, nafratlarib ketyapman. Uyga borsam yuragim siqiladi. Xotinimni yuziniyam ko'rgim kelmaydi. Ko'nglim qandaydir sovigan...
Jahongir o'ylanib qoldi "Qanday qilib axir. Bu ikkovi institutda o'qib yurishgan paytlari ham Layli Majnundek yurishardi. Bobur Rayhonni yer-u ko'kka ishonmasdi. Rayhonni ota-onasi rossa qarshilik qilishdi. Lekin... Baribiram qizini ko'ngli uchun rozi bo'ldilar. Baxtli yashayorgan edilar-ku! Tavbaaa! Endi esa ko'nglim yo'q deydi". Jahongiz biroz tin oldida o'rtog'iga asta gapira boshladi.
- O'troq, jon o'rtoq. Sen eng yaqinimsan. Ayol kishini makri 40 tuyaga yuk bo'ladi deyishadi. O'tkinchi hoy havasga berilib xotiningni, farzandlaringni uvoliga qolma deyman. Oila muqaddas narsa. Uni buzish Allohgayam xush kelmaydi ishon.
- Bilmadim... Nozimani yonida o'zimni juda yaxshi his qilaman. Osoyishta, qandaydir sokin bo'lib qolaman. Rayhonni oldiga borganimda esa asabiylashaman, nimadandur jahlim chiqadi, o'zimni behuzur sezaman... Yoqmayapti sira. Boshim qotti.
Jahongir o'rnidan turdi. Boburga uzoq termuldi. Shu termulishida ham g'azab, ham achinish, ham afsus bor edi...
- Oxirgi marta aytyapman o'rtoq. Guldek bolalaring, bir oqila ayoling bor. Shularni qadrla. Keyin topolmay qolishing mumkin.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

31 Aug 2024 05:48

Бировнинг бир танга ҳақини олган бўлсангиз, вафотингизга қадар уйни калитини бериб бўлса ҳам, рози қилиб олинг. Чунки қиёматда Жаннатнинг калитини уни рози қилмай ололмайсиз.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 17:20

ЎЛСАМ

🎙Дилбар Охунова
✍Бибисора Туробова

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 11:14

СЎРАДИЛАР...

Сўрадилар:
– Роббинг ким?
Айтдимки:
– Якка бир Аллоҳ.

Сўрадилар:
– Аллоҳдан кейин ҳам бир эганг бордир?
Айтдимки:
– Отамнинг буйруғи жисмимга жодир.

Сўрадилар:
– Сен учун доимо ким у жонсарак?
Айтдимки:
– У ОНАМ, мен учун кўкдаги малак.

Сўрадилар:
– Аканг-чи, у сенга қанчалик керак?
Айтдимки:
– Отамнинг ўрнида отамдир бешак.

Сўрадилар:
– Опангни, қандайин кўрасан азиз?
Айтдимки:
– Пойига бош қўйгум, онамдек азиз.

Сўрадилар:
– Укалар, сингиллар, ким сенга улар?
Айтдимки:
– Бири қош, бири кўз, борлиғим
шулар...

Сўрадилар:
– Дўстларинг ўрнини сўзла-чи бизга
Айтдимки:
– Дўстим кўп, қай бирин айтайин сизга?

Сўрадилар:
– Рост сўзла, дўст учун бергаймисан жон?
Айтдимки:
– Ўйланиб ўтирсам тарк этсин иймон..!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

15 Sep 2024 06:50

Bugun, 15 sentabr
☀️ +31°...+17°, Ochiq havo

Hozir: ☀️ +17°, ↙️ 3.1 m/s

Tong: ☀️ +23°
Kun: ☁️ +30°
Oqshom: ☀️ +28°
Namlik: 12%

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

14 Sep 2024 10:40

Бир одам солиҳ кишилардан бирининг олдига келиб:
- Ҳар бир маъсият учун жазо бор деб эшитганман. Мен Аллоҳга кўп маъсият қилганман, лекин ҳеч жазоламади-ку? - деди. Солиҳ киши:
- Эй, ўғлим! Балки, Аллоҳ сени ўзинг билмаган ҳолатда жазолаб бўлгандир! - деб, жавоб қилди. Бояги киши "Қанақасига?!" дея таажжубланди. Солиҳ одам:
- Сени, маъсиятлардан лаззат оладиган қилиб қўймадими?
- Қуръон тиловатисиз ҳафталар, ойларни ўтказиб юбормадими?
- Қанчадан-қанча тунларда қойим бўлишдан маҳрум этмадими?
- Тилингни зикрдан тўсиб қўймадими?
- Сени мансабпараст, дунёга меҳр қўйган, пулдан ўзгани севмайдиган қилиб қўймадими?
- Тоат-ибодатларни сен учун оғир қилиб қўймадими?
- Тилингга ғийбат, чақимчилик, ёлғонни осон қилиб қўймадими?
- Охиратни унуттириб, дунёни энг улкан ташвишинг қилиб қўймадими?...

Мана бу хорликларнинг барчаси, Аллоҳнинг сен сезмаган жазоларидир, - дея жавоб берди.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

13 Sep 2024 17:20

Farzandingizni hech qachon oʻz dunyoqarashingizga moslamang. Balki u oʻzgachadir. Balki faqat u dunyoni oʻzgartira olar.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

13 Sep 2024 11:01

#Ўғилларга_эслатма

Ўғлим, ҳаётингдаги энг муҳим нарсалардан бири бу - тарбиядир. Сен олий маълумотли, 4 та тилда гаплашишинг ёки катта лавозимда ишлашинг мумкиндир. Бироқ агар сени тарбиянг ва хулқинг билан эгалланган лавозимингга мос бўлмас экансан, демак кўп нарсани йўқотгансан. Илминг сени лавозимга олиб келиши мумкин, бироқ тарбиясизлигинг сени бир кунда лавозимдан тушириб қўяди. Ҳар доим ўз тарбиянг устида ишлашни унутма.

Ўғлим, билгинки омад ўзидан - ўзи келмайди. Унга сабр-тоқат билан бирга, меҳнат ва ижод, изланиш ҳамиша ёнма-ён бўлмоғи лозим. Шундагина сен нимагадир эришишинг мумкин. Сен аввал меҳнат қилишни ўрган, сўнг кутишни, кўпчилик кутиш билан умрини ўтказади.


𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 12:15

Аёллар, уйда ҳам қироличадек юринг

Кундалик юмушларни қилаётганда қоматингизни унутиб қуйманг!

Сақлаб олинг ва яқинларга хам улашинг!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 09:12

✨Ипларни тартибли ва чиройли сақлаш йўли

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

11 Sep 2024 06:15

☀️ +30°...+14°, Ochiq havo

Hozir: ☀️ +14°, ⬅️ 3.1 m/s

Tong: ☀️ +21°
Kun: ☀️ +29°
Oqshom: ☀️ +27°

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

10 Sep 2024 19:01

Яхши инсон ўзидан бахт,
Ёмон инсон ўзидан тажриба,
Хатокор инсон ўзидан дарс,
Мукаммал инсон ўзидан
гўзал из қолдиради...

Жалолиддин Румий

🍃🌼🍃

Хайрли тун, қадрдон! Дойимо гўзал ўйланг, гўзал сўзланг, табассумли ва очиқ чехрали бўлингки, ёмон ниятли инсон сизга яқинлашганда беихтиёр ёмон ниятидан қайтсин.

ХАЙРЛИ TУН, АЗИЗЛАР!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

10 Sep 2024 08:01

Замон тез, фурсат оз, Ҳар лаҳза зиқдир,
Ҳар лаҳза зиқлиги билан қизиқдир.
Ҳаёт йўли надир? Қабр тошида
Икки сана аро қисқа чизиқдир.

© Эркин Воҳидов

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

09 Sep 2024 17:24

- Ufff shunday jonimga tegdi shu!
  - Kim?
Klara folbin Nozimaga qarab qah-qah otib kuldi.
  - Anavi go'rsoxta erimda! Ming'ir-ming'ir qilgani qilgan. Xuddi bitta ishni monditib qo'yayotganday menga ho'jayinchilik qiladi.
  - Ha ering bo'lganidan keyin ho'jayinchilik qiladi-da...
  - Eee... Qo'ysangizchi xola. Ishi ham oldingidek yaxshimas. Rasvosi chiqib yotibdi. Yangi biznes boshlayman deb davlatdan katta kridit olgandi. O'xshamadi. Kuyib ketti tikkan pullari. Bo'ynigacha qarzga botib yotibdi.
   - Haaa shunaqa degin...
Salmoqlanib gap qo'yib qo'ydi Klara folbin.
   - Haa borbudini sotdi. Mashinalari, olib qo'ygan uy joylari, bankdagi pullari hammasi shu kriditni to'lashga ketdi. Hech narsasi qolmadi. Bir gadoyga aylandi qoldi.
Nozima anchagacha qiqirlab erini ustidan kuldi.
   - Gadoyvachcha! Endi uni boshimga uramanmi, xo'sh? Shart tashlab ketmoqchi bo'p turibman. Boshqa bironta boyvachcharog'ini topaman...
Klara folbin Nozimaga ma'noli qarab qo'ydi. "Bu shaytonni urg'ochisi balo ekan-ku" o'yladi ichida.
  - Ha maylida qizim. Omadingni bersin...
                   *   *  *
Har qanday gunohni albatta Adl bo'lgan Zot jazosini bermasdan qolmaydi. Mana 3 oydirki Nozima oyoq-qo'li ishlamay shol bo'lib, bir joyga mixlanib yotib qoldi. O'rnidan qimirlolmas, faqatgina boshini u yoq bu yoqqa arang burar, ko'zlari ishgan odamga ma'nosiz tikilar, yuzlari esa so'lg'in... Dokadek oppoq. Nozima shiftga qarab yotganicha o'tmishini o'yladi. Bola bo'lib bolalik gashtini tuymadi. Onasi Nozima 8 yoshida tashlab ketvordi. Qarindoshlari buni sira o'z qatorlariga qo'shishmas, tinmay ish buyurar, pul topib kel deb ko'chaga quvib solishardi. Ko'cha ko'yda uni hamma barmoq uchida ko'rsatar "Ana Sohibani haromi qizi kelyapti. O'ynashidan orttirgani. O'zi nomusga chidolmay bolasini tashlab qochib ketdi uyidagilarga balo qilib!" Deya uni tinmay turtkilashar edi. U mana shunday muhitda ulg'aydi. Hech kimdan mehr ko'rmadi. Balki shungamikin uning qalbi ham hech kimni sevolmadi. Hech kimga bog'lanolmadi... Faqat pul topish haqida o'ylar, ko'p pul topsam meni hamma hurmat qiladi deya fikrlar edi. Mana endi esa qilgan gunohlari, qabihliklari uchun Alloh unga mana shu dardni berdi. Ey voh! Nozima shunsay bo'lishini xohlaganmidi?! Balki yaxshi, ziyoli oilada tug'ilganida bir oilaning guldek bekasi, shirindan shirin bolalarning onasi bo'larmidi?
   Eshik ochilib Bobur kirib keldi. Nozima uni ko'rdi-yu yuragida qattiq og'riqni his qildi. "Bechora! Shunday yigitni xor qildimaa! Ust-boshiga qarab bo'lmaydi. Qanchalar baxtli, shirin hayoti bor edi. Men zaharladim. Butun umrini zaharga aylantirdim!" Nozimaning ko'zidan achchiq yosh chiqdi. Bazor gap boshladi.
   - Bobur aka... Kechiring meni. Men sizni... Sizni hech qachon sevgan emasman... Men sizni folbinga o'qitardim.
Nozima biroz tin oldi-da so'ng yana so'zida davom etdi.
   - Maqsadim sizni mol-dunyoyizga erishish edi. Mana oxir oqibatda mana shu ahvolga tushdim. Bobur aka siz juda yaxshi insonsiz... Men yomonman. Gunohkorman... Alloh meni ham kechirarmikin...
Nozima qattiq yig'lab yubordi. Ko'zlaridagi yoshlarini sira to'xtatolmas, yupqa lablari suvsizlanib qolgandek titrardi.
  - Oxirgi gapim. Oilayizni tiklang. Xotiniz, bollarizni oldiga qayting. Qaytib bu yerga qadamizni bosmang...
Nozima shunday deganicha yuzini Boburdan ters o'girib oldi. Bobur bir so'z demasdan anchagacha uni tepasida turib qoldi. So'ng indamaygina eshik tomonga yurdi.
   - Hoooy!
Nozimaning unsiz ovozidan Bobur ortiga o'girildi...
Nozima yosh to'la ko'zlarini Boburga tikkanicha gap boshladi.
   - Qo'lizdagi soatni yechib otib yuboring...
Bobur uydan chiqib ketarkan anchagacha Nozimaning xo'ngrab yig'lagan ovozi eshitilib turdi.

TAMOM.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

09 Sep 2024 17:17

- Assalomu alaykum, dadajonisi! Yaxshi keldingizmi? Charchamadizmi?
Rayhon eshikni ochib erini uyga kirg'izarkan chiroyli tabassum bilan Boburga qaradi.
- Valekum...
Suvuqqina qilib alik oldi Bobur. So'ng xotinini yuziga ham qaramasdan ichkari uy tomon kirib ketdi. "Qiziq... Erim oxirgi paytlar juda o'zgarib qoldi. Qandayqur befarq, menga qiyo ham boqmaydi. Bollariga ham qo'pol muomila qilyapti. Uyga kech keladi. Kelsa ham lom-lum demasdan xonaga kirib uxlaydi. Ertalab tong sahar qo'vog'idan qor yog'ib chiqib ketadi. Tinchlikmikan? Ishidan biron muommo bo'ldimikan? Yo'q. Menga aytgan bo'lardi. Yoki...?!" Rayhon hayoliga kelgan o'ydan o'zi ham qo'rqib ketdi. Nahotki eri unga hiyonat qilib yurgan bo'lsa?! Bir oydan oshibdiki eri bilan deyarli gaplashmaydi. Anqirog'i hech gaplasholmaydi. Boburni oldiga borsa "Bor tashqariga chiq! Men charchaganman" deb xonadan haydaydi. Bolalari ham "Dadamni sog'indik. Biz bilan o'ynasinlar. Aylantirgani oborsinlar" deb kunda harxasha qilishadi. Bularni ko'rib Rayhon ichidan zil ketadi. Yuragi eziladi. Bolalarini bog'chasiga, maktabiga jo'natgach, bir burchakka borib o'ksib-o'ksib yig'laydi. Lekin erini oldida sira ko'z yoshini ko'rsatmadi.Bobur uyga kirib kelganida doim xush kayfiyatda, shirin so'zlar bilan qarshi olyapti...
* * *
Bobur yig'i ovozidan uyg'onib ketdi. Yostiqdan boshini ko'tarib qarasa Rayhon devanni bir burchagida o'tirganicha piq-piq yig'layapti.
- Nima bo'ldi? Kimdir o'ldimi? O'zingdan o'zing yig'laysan.
Bobur qahr to'la ko'zlari bilan xotiniga xunuk qarash qildi.
- Uyquniyam beliga tepding!
- Ha siz uxlang! Biz bilan hech ishingiz bo'lmasin! Biz sizga kerakmasmiz!
- O'chir ovozingni! Menga ovozingni ko'tarma. Haddingni bil!
- Jonimdan to'ydim eshitdizmi?! To'yib kettim! Men sizga nima qildim a?! Biron aybim bo'lsa tushuntiring. Men uni to'g'irlay. Qiynalib kettim axir. Menga qo'lizni uchiniyam teqqizmaysiz, yuzimga qaramaysiz ham. Gap gapirsam javob bergiz ham kelmaydi. Nimalar bo'lyapti sizga?
Bobur boshini quyi solganicha o'ylanib qoldi. "Hammasiga nuqta qo'yish vaqti kelganga o'xshaydi" o'yladi ichida. Bir-ikki yutindi, gapni nimadan boshlashni bilmay biroz qiynaldi. Oxiri salmoqlab gapirishga tushdi.
- Rayhon... Bilaman sen aqlli ayolsan. Meni to'g'ri tushunasan degan umiddaman...
Bobur boshini ko'tarib Rayhonning yosh to'la ko'zlariga boqdi.
- Men... Halegi... Nima desamakanaaa? Men boshqasini yoqtirib qoldim Rayhon...
Rayhon quloqlariga ishonolmas, yuragi tez-tez urar, nafas olishi ham borgan sari tezlashar, badani qizib, egnidagi kiyimlari kuyib ketayotgandek ko'zlarini ola-zarak qilganicha birdan bor ovozi bilan baqirib yubordi.
- Yolg'on! Ishonmayman! Qanday qilib axir?! Bir-birimizni sevardik-ku!
Rayhon dod solib yig'laganicha tinmay ko'ksiga mushtlar edi.
- O'zingni bos!!! Bobur shu qadar amirona baqirdiki, uy ichi xuddi bir qalqib ketgandek bo'ldi. Rayhon ham o'tirgan joyida tek qotib qoldi.
- Meni kechir... Biroz yumshab gap boshladi Bobur.
- Balki bu xatodir. Balki men g'irt ahmoqdurman. Lekin uni chindan yoqtirib qoldim. Tog'ri seni sevganman. Senga uylanguncha qancha to'siqlardan o'tganim rost. Ishon u kunlar hozir ariqdagi suv kabi oldimdan oqib ketganga o'xshab qoldi. Menga nima bo'lganini o'zim ham bilmayman. Lekin bir narsani aniq bilaman men endi ortiq sen bilan birga yasholmayman. Senga bo'lgan barcha tuyg'ularim so'nib bo'ldi.
Bobur biroz jim turdi keyin shart o'rnidan turdida devan ustida yotgan kastumini kiyganicha Rayhonga qaramasdan gapirdi.
- Ajrashmasak bo'lmaydi Rayhon. Men Nozimaga uylanmoqchiman. Havotir olma! Sizlarni ham tashlab qo'ymiman. Bollarimga, senga tez-tez pul jo'natib turaman.
- Ajrashmoqchimisiz?! Mayli unda ajrashganim bo'lsin. Lekin sizdan bir chaqa ham olmayman! Bollarimni tirnog'iniyam ko'rmaysiz! Sizga qattiq ishongandim. Sizni deb ota-onamga qarshi chiqqandim! Sizni ham, o'sha o'ynashizni ham Allohga soldim!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

09 Sep 2024 11:58

Zahar

(Hikoya)

Nozima ko'rimsizgina, befayz hovliga kirdi. Hammayoq top-toza lekin atrof nihoyatda yoqimsiz ko'rinardi. "Xudo urib qo'ygani shu-da" o'yladi Nozima. Hovli jim-jit hatto qushlar ham sayramaydi. Nozima uzoq turib qoldi. Keyin uy eshigi oldiga kelib asta chaqirdi:
- Klara xola... Uydamisiz?
Eshik "g'iyq" etib ochildi. Yuzida nuri yo'q, so'lg'in, ko'zlari har tarafga muttasil borib-kelib turadigan Klara xola xunuk, juda xunuk irshayganicha Nozimaga qulluq qildi.
- Xush kelding, qizim. Sog'liklar yaxshimi?
- Yaxshi-yaxshi
Tezgina javob berdi Nozima.
- Xola telefonda aytgan edim-ku, ish bor deb...
- Haa... Esimda, qizim. Esimda. Kir ichkarida bafurja gaplashamiz.
Birgalashib ichkari tomon kirishdi. Uy derazalari berkitilib qorong'u qilingan, o'rtada dumaloq xontaxta, xontaxta ustida turli xil balo-battarlar: har xil ildizlar, toshlar, chashkalar, xaltachalarda tuguncha-tuguncha qilib qo'yilgan kukunlar...
- Xo'sh... Nima darding bor?
- Xola, bilasiz men o'ta kambag'al oilada tug'ilganman. Ota-onam ajrashishganidan keyin, onam Dubayga ishlagani ketdilar. Men buvim bilan qoldim. Juda qiynaldim. Bu yerda ammamni qizlari, ko'p qarindoshlarimiz meni tinmay turtkilashardi...
- Bularni bilaman. Qanday tarbiya topganingni ham, ko'chadan nimalarni o'rganganingni ham. Ochib gapir. Maqsadga o't!
- Bir yigitni uchratdim. Aniqrog'i bir kishi. Oilali. Lekin o'ta boy badavlat. Meni yoqtirganga o'xshadi. Xullas shuni ilintirshim kerak. Ko'cha ko'yda xor bo'lib yashash jonimga tegdi. Bu hayotga bir martda kelaman mazza qilib yashagim keladi.
- Oilali degin... Kampir boshini sarak-sarak qildi.Quv qarash bilan Nozimaga termuldi.
- Bollariyam bordir uni. O'zing ham sevasanmi?
- Qo'ysangizchi xola?!
Nozima shunday shaytoniy hirs bilan kuldi-ki... Klara xola titrab ketdi.
- Menda kimnidur sevadigan yurak qoptimi, xo'sh?! Menga uni puli kerak, mol-dunyosi kerak. O'zini boshimga uramanmi? Pulini oxirgi tiyinigacha shilvosam, orqasiga bir tepib javobini bervoraman.
- Xo'p... Mendan nima xizmat?
- Men bor budimni sotib bir soat oldim. U bola kotta tadbirkor. Obro'li odamlar bilan ko'rishgandayam bemalol taqib yursin deb...
Nozima so'mkasini titkilab ichidan qimmatbaho soatni oldi.
- Mana ko'ring.
- Ooo, klass! Diding chakkimas ekan.
- Shuni yaxshilab o'qib berishiz kerak.

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

30 Aug 2024 05:08

​​​Телеграм асосчиси Павел Дуров пул ҳақида.

«Менинг ҳаётимда қасрлар, спорт автомобил ва шахсий самолётлар жамланмасини қидираётганлар жуда  қаттиқ янглишадилар.

Менда на автомобил, на шахсий самолёт ва на уйим бор. Менинг дунём - бу пиёда, метрода юриш, 18-20 квадрат метрдан иборат ижара уйдан иборат. Менинг ўрнимда бўлишни хоҳлайдиганлар бутунлай алкоголдан, гўшт ва қиммат кийимлардан воз кечишига тўғри келади.

Ҳали камбағал талаба бўлиб олийгоҳ ётоқхонасида турганимдан бери такрорлайман, пул бу жуда катта баҳо берилган материал дунё элементи холос. Ҳаммаси ички ҳолатга боғлиқ ва у ҳар нарсадан устун. Миллиардлаб пуллари бор коррупционерларга қаранг, уларда ички хотиржамлик йўқ, топган пулларини йўқотиб қўймаслик учун барча нарсадан ҳатто ҳаётидан воз кечади.

Пулни асосий элемент деб ҳисоблашни бошлаган заҳоти сиз ички хотиржамлик ва ҳаётни қиморга тикасиз ва қиморда ютқизиб қўймаслик учун яна ва яна ҳаёт деган хазинадан қарз олаверасиз. Бир кун ҳаёт сизга қарз беришдан чарчайди ва сиз ҳаммасини ютқизасиз. Қимор столи атрофига бошқалар келади.

Капиталистик жаннат деб номланган дунё сизга қанчалик кўп нарсанг бўлса, шунчалик бахтли бўласан деган ғояни сотади.

Қадимдан шундай гап бор: “Қул ҳеч қачон озод бўлишни хоҳламайди, у ўз шахсий қуллари бўлишини хоҳлайди”. Инсон “қул ва хўжайин” парадигмасида қолар экан, ҳеч қачон бахтли бўла олмайди. Бу системада “ҳар қандай одам кимнингдир қули, ҳар қандай қул эса кимнингдир хўжайини” ҳисобланади.

Пулнинг қули бўлар экансиз, ҳеч қачон ўз ҳаётингизнинг хўжайини бўла олмайсиз. Қимор столида эса навбат кутиб турганлар кун сайин ортиб бормоқда. »

Ҳозирда Павел Дуровнинг бойлиги 3,4 млрд доллар. Унинг бирорта ҳам ўз уйи йўқ. Автомобили ҳам йўқ. Самолёти ҳам йўқ. Асосий транспорт воситаси метро. Асосий машғулоти китоб ўқиш. Гўшт умуман емайди. Асосан арзон ва қулай кийим дўконларидан кийинади.

Ибрат олинг ва тафаккур қилинг!

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

/channel/+vErcXDeR9mgyZDhi