𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

17 Jul 2024 17:07

Ибодат учун:
— ёшлигимизда ўйиндан бўшамас эдик...
— улғайганимизда ишдан, ташвишдан бўшамадик...
— кексайганимизда энди хасталикдан бўшамаяпмиз...

Ҳар вақтнинг ўз синови ва ўз баҳонаси бор. Алданиб қолманг!

©️ Мубашшир Аҳмад

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 15:18

​🔴ЗАҲАРЛИ САВОЛЛАРГА АҚЛЛИ ЖАВОБЛАР.!...🔴

Семизгина хоним автобусга чиқди. Ундаги йўловчилардан бири:
«Бу улов филларга мўлжалланган бўлмаса керак-а?» -деди.
Хоним хотиржамлик билан:
«Йўқ, жаноб. Бу улов, Нуҳнинг кемасидек. Унга фил ҳам, эшак ҳам чиқаверади!» -деди.

Машҳур ёзувчи Бернард Шоуга бошқа кибрли ёзувчи:
«Мен сиздан кўра яхши ёзувчиман. Сиз мол-дунё ҳақида ёзасиз. Мен шон-шараф ҳақида!» -деди.
Бернард:
«Тўғри айтасиз, ҳаммамиз ўзимизда йўқ нарса ҳақида ёзамиз» -деди.

Кўзлари ожиз инсондан мутакаббир киши:
«Аллоҳ бировнинг кўзларини кўрмайдиган қилиб қўйса, эвазига бошқа нарса беради. Хўш, сенга нима берди?!» -деб сўради.
Киши:
«Эвазига сен кабиларни кўрмасликни берди!» -жавоб берди.

Кўзлари кўр киши бир аёлга уйланди. Аёл:
«Агар менинг сутдек оппоқ, ойдек гўзал эканлигимни кўролсангиз эди, ҳайратдан ёқа ушлардингиз» -деди.
Киши:
«Айтаётганингдек бўлганингда, сени кўзлари очиқлар тарк қилмасди» -деди.

Ёмон хулқли аёл бир кишига:
«Агар менинг эрим бўлганингда, қаҳвангга заҳар қўшиб ичирардим» -деди.
У киши:
«Агар мени хотиним бўлганингда ўша заҳарни иккиланмай ичган, сен билан яшашдан кўра ўлимни афзал кўрган бўлардим» -деди!...

@qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 05:37

УЧ ЭЛАК ҲАҚИДА РИВОЯТ

Бир киши донишманддан сўради:
— Дўстингиз сиз ҳақингизда нима деганини айтайми?
— Шошма, — деди донишманд, — аввал айтмоқчи бўлган гапингни учта элакдан ўтказ...
— Учта элак?
— Бирор гапни айтишдан олдин, уни учта элакдан ўтказиш лозим. Аввал ҲАҚИҚАТ элагидан. Айтмоқчи бўлган гапинг ҳақиқат эканлигига ишончинг комилми?
— Йўқ, мен уни шунчаки эшитдим, холос.
— Демак, сен унинг рост ёки ёлғонлигини билмайсан. Энди иккинчи — ЯХШИЛИК элагидан ўтказамиз. Сен менга дўстим ҳақида бирор яхши гапни айтмоқчимисан?
— Йўқ, аксинча.
— Демак, — давом этди донишманд, — сен менга ҳақиқатлигини билмай туриб ёмон хабарни етказмоқчисан. Энди учинчи элакдан ўтказамиз — ФОЙДА элаги. Сенинг гапингни эшитишим шартми, у менга фойда келтирадими?
— Йўқ, ҳожати йўқ.
— Демак, — хулоса қилди донишманд, — сен етказмоқчи бўлган хабарда ҳақиқат ҳам, яхшилик ҳам, фойда ҳам йўқ экан. Унда уни менга айтиб нима қиласан?!

•┈┈┈┈•❈••✾••❈•┈┈┈┈•
Яқинларингизга улашинг

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 03:09

Ассалому алайкум!

Бир дунё, икки қутб...ва айрича тарф,
Икки менталитет:осмон-ерча фарқ.
"Хайрли тонг" билан кўзин очар, Ғарб,
Асссалом тафтидан уйғонади Шарқ.

Бири лутф айламиш, қўлидан ўпа,
Бириси қўл тутар, юзида зиё.
"Хайрли кун"ила қайнар Оврупа,
Яна Ассаломин айтар Осиё.

Балки малол ботар, ғарблик кишига,
Эҳтимол, туюлар бегона сўздек.
"Хайрли кеч" дея қўл силкишига,
Ассаломи ила жилмаяр Ўзбек.

Урфият ўзгармас...замонлар ошар,
Бир дунё, икки қутб... айрича одат.
"Хайрли тун тилаб, ётоққа шошар,
Ассаломи бирла тилар саодат.

Уйғотгувчи дея, берилмишдир тарф,
Шарқ номли қудратли, буюк ўлкага.
Ҳали "хайрли тонг" айтмасидан Ғарб,
Ассаломин айтар икки елкага.

Юз Ҳаждир - ғарибнинг бошин силамоқ,
Хушзабонлик - хушрўй итоат эрур.
Бир кунда беш маҳал умр тиламоқ -
Эҳтимол, бу ҳам бир ибодат эрур!

Ассалому алайкум!

Ўлмасбек Самарқандий

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

22 Apr 2024 16:44

Тасаввур қилинг, замонавий асарлар ёзилса қандай номланарди:

• "Личкаларда қолган ҳисларим";
• "Интернетга кирмаган ким бор?";
• "Спамлар гапирмайдилар";
• "Комментариядаги битиклар";
• "Интернетда кечган умрлар";
• "Заряд азоби".

Афсуски, бугунги кун трендлари шу мавзулар бўлиб қолди.

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

22 Apr 2024 10:09

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

22 Apr 2024 10:09

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 17:13

✒️Дониёр ўрнидан туриб палата эшиги ёнига борганди, йўлакдан отаси ва бош врачнинг сўзлари қулоғига чалинди.
Врач бундай вақтда айтиладиган сўзларни тўтидай такрорлади. Содиқ ака эса ғалати овоз чиқарди. Чамаси, у ўкириб йиғлаб юборишдан ўзини зўрға тўхтатиб қолди. Тағин врач: Жим! Беморга сездириб қўйманг. Уни уйга олиб боринг, нима истаса қилсин. Хоҳлаган нарсасини есин, деди. Содиқ ака ўзини қўярга жой топа олмай у ёқдан-бу ёққа бориб кела бошлади. Бир зум унга қараб турган врач индамай хонасига қараб кетди. Дониёр эса қайтиб ўрнига ётди ва «Худога шукр, ниҳоят, буларнинг барчасидан қутулар эканман. Алвидо сизга, азоблар дунёси», деди. Аммо кўксида нимадир чирс этиб узилгандай бўлди. Шу пайт палатага отаси кириб келди. У Дониёрни кўриши билан унга:
— Ўғилтой, сизга зўр янгилик, деди ясама тантанаворлик билан. Аммо гап сўнгида овози титраб кетди. Лекин буни ўғлига сездирмасликка уриниб, йўталиб олди.
— Бугун жавоб беришди, энди уйга кетамиз. Врач билан гаплашдим. Жуда зўр, деди. Энди бир-икки ойлардан сўнг келиб кўрикдан ўтиб кетсанг бўлди экан. Ётиб даволаниш шартмас. Тузалиб кетибсан!
Дониёр отасига қараб туриб бўғзи ачишиб, кўзига ёш келганини сезмай қолди. У ўлимдан қўрқиб эмас, отасининг ҳозирги аҳволига кўзёш қилаётганди. Содиқ ака эса ўғлини  тузалиб кетганини эшитиб, севинганидан йиғлаяпти деб ўйлади ва баттар кўнгли бузилди. Улар шоша-пиша нарсаларни йиғиштира бошлашди. Дониёр отасига қарашар экан илк бора шифохонага қайтиб келмайдиган бўлиб кетаётганини ҳис қилди. Кейин дори-дармон ва энди ювилган полнинг намхуш ҳидига тўла палата ҳавосидан ўпка тўлдириб нафас олди. Дониёр учун ҳатто мана шу ҳид ҳам қадрдон эди. У шифохонанинг ҳидига шунчалик ўрганиб қолган эдики, уйига борган пайтлари ҳеч кимга сездирмай укол-дорилар солинган пакетни очиб, тўйиб-тўйиб ҳидларди. Ҳозир ҳам мана шунинг хумори тутиб хонадаги ҳаводан захирага олиб кетадигандай чуқур-чуқур нафас олди. Содиқ ака унинг бу ҳаракатини кўриб:
— Ҳа, ўғлим, тинчликми? деди хавотир билан.
— Тинчлик, ўзим шундай, деди Дониёр ва игна суқилавериб кўкариб, қорайган билагига термилиб қолди.
Кейин ҳар бир игнанинг изига синчиклаб қаради. Тағин ўнг қўлининг кўрсаткич бармоғи билан чап билагидаги игна изларини бирма-бир ушлади. Ҳар бир ҳамшира қандай укол урадию, ундан сўнг қайси шаклда из қолишигача биладиган Дониёр уларни номма-ном айтиб чиқди: Нодира, Дилбар, Ойқиз ва Хуршида. Кейин чап кўксида оғриқ турди. Буни отасига сездиргиси келмай аввал ўрнига ўтирди, кейин уйқуси келганини баҳона қилиб ётиб олди. У ўрнига ётиб, кўзойнагини олган эди, палата шифтини оппоқ туман қоплаб, ҳеч нарса кўринмай қолди. Дониёр Буткул кўр бўлиб қолмай куним битса яхши эди, деб ўйлади. Дониёр ўн ёшга тўлганда Содиқ ака ўғли олисга қараганда кўзи ғалати бўлишини пайқаб қолди. Уни қаратиш учун шифохонага олиб борди. Шифокорлар касаллик сабабини ахтариб Дониёрда мия саратони борлигини аниқлашди. Ўсимта жуда секин ривожлангани билан кўпаядиган туридан бўлиб чиқди. Шу боис уни операция қилишмади. Аммо муттасил равишда ўсимтани ўсишдан тўхтатадиган укол-дорилар бериб туришди. Шу боис у ўн ёшидан буён тез-тез касалхонада даволаниб чиқарди. Охирги уч йилда эса ўсимта нафақат кўзига, балки асаб толаларига ҳам таъсир кўрсата бошлади. Унинг кўзи хира тортиб борар, боз устига тез-тез бошида оғриқ туриб, ўзини лоҳас сезадиган бўлиб қолди. Шунга яраша укол-дорилар миқдори ҳам кўпайди. Доимий даволанишлар ва ҳасталик азоби Дониёрни жонидан тўйдириб юборганди. У боя сўнгги куни яқинлигини эшитиб, унчалик ваҳимага тушмаганининг сабаб шу эди. Энди бу азоблардан осонгина қутуламан, деб ўйлаган Дониёр ҳақиқий қийноқлар олдинда эканини уйига қайтиб келгач уч кун ўтиб билди. Боши шу қадар кучли оғриқ бердики, энг яхши дорининг ҳам нафи тегмади. Дониёр жон аччиғида азоб чекаркан Нега айнан мен? деб ўйлади. Сўнг палатадошини ёдга олди. Умри поёнига етиб бораётган отахон ўшанда: Бу дунёда қувонч ҳам, қайғу ҳам бесабаб рўй бермайди, деганди. Дониёр шу гапни эслаб, болалигидан то шукунгача боши хасталикдан чиқмагани учун сабаб ахтара бошлади. Аммо арзирли сабаб тополмади.

Davomi bor

@qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 17:08

Бегим бизга ҳиёнат қилманг!

Етти қадам уйдан нариси,
Юрак қурғур сезар барисин,
Гумон дилдан абад арисин,
Бегим, бизга ҳиёнат қилманг.

Йиртқичлар кўп, қалқоним бўлиб,
Паҳлавоним, арслоним бўлиб,
Аниқ сизсиз қолурман ўлиб,
Бегим, бизга ҳиёнат қилманг!

Бошингиздан ҳуш учганда ҳам,
Омад деган қуш қучганда ҳам,
Инсоф бериб Яратган Эгам,
Бегим, бизга ҳиёнат қилманг!

Ҳалолликни одат қилингиз,
Ваъдаларга собит бўлинг сиз!
Ўзим бўлай содиқ қулингиз,
Бегим, бизга ҳиёнат қилманг!

Дил оғриса азоби ёмон,
Кўнгил синса бутламоқ гумон,
Ёлвораман сизга, ҳеч қачон,
Бегим, бизга ҳиёнат қилманг.

Кўнгил ошно бўлсин меҳрга,
Косалар лим тўлмай сабрга,
Тириклайин қўйманг қабрга,
Бегим, бизга ҳиёнат қилманг!

Ёруғ олам бўлур зим-зиё,
Зулматларга чўкурман гўё,
Кечирмайман ҳар икки дунё,
Бегим, бизга ҳиёнат қилманг!

Йўлингизни бурманг зинога,
Ҳуш ёқмагай бу иш Худога,
Қўлларимни очдим дуога,
Бегим, бизга ҳиёнат қилманг!

Малика Тавфиқ

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 11:25

È#она_дафтари.

СИНМАГАН КЎПРИК.

(давоми)

Юмушини тугатгунча, ҳаёли минг кўчага кириб чиқди, кўз олдидан ундан кўз узмай турган, кейинроқ опасининг пинжига кириб кузатаётган болачалар кетмади.

🍃

Паришонхотир аҳволда идиш ювиб бўлгач, ичкарига кириб кийиниб чиққан "янги аёли" га эр ҳайрат билан боқиб, аввалроқ берган саволини яна қайтарди:

-Тинчликми?!

Аёл синиққина жилмайиб жавоб берди:

- Болаларни энди бирга бориб, олиб келайлик. Кўргим келяпти!!!

•┈┈┈┈•❈••✾••❈•┈┈┈┈•
Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 11:12

Ҳаёт мана шундай...

Гоҳида сизни ҳафа қилишади.
Гоҳида хавфга солишади.
Гоҳида туҳмат қилишади.
Гоҳида ҳолатингизни тушунишмайди.
Гоҳида зулм қилишади.
Гоҳида қаҳр қилишади.
Гоҳида касал бўласиз.
Гоҳида фақир бўласиз...

Асло маҳзун бўлманг. Чунки, қийинчиликдан кейин осончилик, сабрдан кейин нусрат, тундан кейин тонг, бахтсизлиликдан кейин фаровонлик ва ғам-аламли кунлардан кейин хурсандчилик кунлар бордир.


•┈┈┈┈•❈••✾••❈•┈┈┈┈•


Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 11:06

‼️ Тавба! Умрага бориб мақтаниш керакми ёки..

“Ғалатимасми?”. Водийлик санъаткор Акмал Мирзодан бугунги воқеликни акс эттирган ажойиб видеотарсаки.

Сизнинг фикрингиз қандай?



Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 06:43

Туркиянинг зилзила бўлган ҳудудида яшовчи дугонам ёзяпти (Сизлар учун таржима қилиб беряпман):

«...Кўчада қолган бошпанасиз одамларнинг ёнидан бошимизни баланд кўтариб ўтиб кетардик ёки инсоф қилсак, майда пул бериб ўтардик. Зилзиладан кейин, ҳокимият тарқатаётган емаклардан олиш учун улар билан бир қаторда навбатга туришга мажбур қолдик... Йўқ, мен бундан нолимаяпман. Сенга бошқа нарсани айтмоқчиман.
Кўчада олов атрофида исиниб ўтирганимизда кекса бир киши: «Ол, қизим, шунга ўраниб ўтир», - деб қалин кўрпа кўтариб келди. Кейин: «Ўғлинг тирикми, жабр кўрмадими?» - деб сўради. Ҳайрон бўлдим. Бутунлай нотаниш одам. «Худога шукр, ўғлим соғ-омон» - десам, хурсанд бўлиб кетди. Бироз гаплашдик. Билсам, бу одам кўчада яшаркан. Қачондир ўғлим иккимиз унга тўртта нонга етгулик пул берган эканмиз... Унутмаган экан... Ўпкам тўлиб кетди... Бу зилзила шахсан мен учун хайрли бўлди. Ўз қобиғимга ўралиб, одамгарчиликдан чиқиб қолаётган эканман. Ўзимга келдим. Кўзим очилди!..
Сен шуни ёз. Токи, бошқаларнинг ҳам кўзи очилиши учун бошига бир бало келиши шарт бўлмасин. Одамлар кўзини очсин!..»

Дилфуза Комил.

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 03:29

Кунлардан бирида ҳоким йўлда кетаётган экан, кўчада эшак етаклаб кетаётган Афандини кўриб, шофёрга: 
— Отахонни ёнида тўхтат, бир бопли - дебди.
Ҳоким Афандига қараб:
— Ҳа, Афанди, эшакни ўқишга олиб кетвосизми? - деб шофёр билан қотиб кулишибди. 
Гапга жавобан Афанди:
— Ҳа, ўқишга олиб кетвоман. Ўқиса ҳоким бўлади, ўқимаса шофёр - дебди 😂😂😂😂

•┈┈┈┈•❈••✾••❈•┈┈┈┈•

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 03:26

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 15:19

​✒️Адаси, бошим оғрияпди?
— Соғ кунинг борми ўзи?
Чил-чил... Кўнгил синди!

— Ойи, қаранг чиройли ёзибман-ми?
— Бор, бошимни қотирма!
Чил-чил...Кўнгил синди!

— Болам касал, ташлаб кетадиган одам топа олмадим, боғчаси қабул қилмади
— Эпласангиз ишланг, бўлмаса болангизни боқиб, уйда ўтиринг!
Чил-чил... Кўнгил синди!

— Ойижон, мазам бўлмаяпти, шу ишни кейинроқ қилсам майлими?
— Ота-онангиз яхши боқиши керак эди, камқон  қизини узатмай!
Чил-чил... Кўнгил синди!

Бир иборани яхши кўраман. "Кўнглимга қарайди!"дейдилар.
Ота-онамиз кўнглимизга қараб катта қилди.Турмуш  ўртоғининг кўнглига қараб, ўзидан кечиб айрим нарсаларга изн берадиганлар бор. Ота-онасининг кўнглига қараб, истаганини муҳайё қиладиганлар фарзандлар бор орамизда. Жигарларининг кўнглига қараб, озор бериб қўйишдан  қочадиганлар бор. Кўнглимизга қараб гапирадиган ҳамкасбларимиз бор.

Кўнгил одамларини яхши кўрамиз, уларга талпинамиз!
Сиз ҳам шундай  бўлинг, мен шундай бўлай, одамларнинг биздан кўнгли қолмасин.

Феруза Салходжаева.

@qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 05:43

Сенинг аразчи дўстинг 😅

Шунақа аразчи болларга жўнатиб қўямиз

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 04:25

Бахти кулган бахтлиларга ассалом!
Меҳри қайноқ тафтлиларга ассалом!
Ваъдасига ахдлиларга ассалом!
Кулар юзли яхшиларга ассалом!

Зарифа ✍

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

23 Apr 2024 02:20

#ибрат

ҲАЁТНИНГ ҲАР ЛАҲЗАСИ ГЎЗАЛ

Тун пардаси очилиб аста
Чиқиб келар саҳнага қуёш.
Келинчакдек бўлиб ораста
Гул саломдан кўтаради бош.
Ҳовли гўё артилган чинни,
Йўллар гўё ювилган ойнак.
Қутлаш учун янги бу кунни
Эл оёққа турар жонсарак.
Ҳаётнинг ҳар лаҳзаси гўзал,
Умрнинг ҳар дами ғанимат.

Қаймоқ иси яйратар танни,
Дастурхонда иссиқ кулчалар.
Сув босгандек қақроқ ўзанни,
Одамларга тўлар кўчалар.
Асли ҳатто гўдак эмизмоқ
Баробардир оғир юмушга.
Ошиқарлар юраклар қайноқ,
Биров ишга, биров ўқишга.
Ҳаётнинг ҳар лаҳзаси гўзал,
Умрнинг ҳар дами ғанимат.

Дуч келади юзлаб чеҳралар,
Кўпин қайтиб кўрмоқлик маҳол.
Улар дилга яқин нақадар,
Шунинг ўзи туганмас иқбол.
Барчинойлар нигоҳида сир,
Алпомишлар кўзида яшин.
Ёшлик қайтар қалбга сочиб нур,
Эслайсан илк севги оташин...
Ҳаётнинг ҳар лаҳзаси гўзал,
Умрнинг ҳар дами ғанимат.

Бир маҳаллар беришган салом,
Энди эса олишар алик.
Тилларида дуо, хуш калом,
Саодатдир ҳатто кексалик.
Кулиб турган мунчоқкўз бола
“Тинчлик” сўзин солар ёдингга.
Сочларингдан эриб оқ тола,
Интиласан яна олдинга.
Ҳаётнинг ҳар лаҳзаси гўзал,
Умрнинг ҳар дами ғанимат.

Бу юртда алп чинорлар ўсар,
Кўк гумбазлар ўнгу сўлингда.
Бир азага кириб ўтсанг гар,
Сўнг ўнта тўй учрар йўлингда.
Гоҳ бировлар танишар илк бор,
Гоҳ йиғилар эски улфатлар.
Одамзодга дунё бўлмас тор,
То мавжуддир ширин суҳбатлар...
Ҳаётнинг ҳар лаҳзаси гўзал,
Умрнинг ҳар дами ғанимат.

Бош кўтармас кимдир ишидан,
Кимдир ўйлар улуғ бир режа.
Яна сирли ором қушидай
Қўна бошлар юртимга кеча.
Бугунидан эл кўнгли тўлиб,
Эртанги кун учун тўплар дош.
Анвар шоир чарчоғи бўлиб,
Тоғ ортига ёнбошлар қуёш...
Ҳаётнинг ҳар лаҳзаси гўзал,
Умрнинг ҳар дами ғанимат.

©️ Анвар ОБИДЖОН

𝑬𝒏𝒈 𝒚𝒂𝒏𝒈𝒊𝒍𝒂𝒓𝒊 𝒃𝒊𝒛𝒅𝒂 @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

22 Apr 2024 10:09

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

22 Apr 2024 10:09

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 19:03

#туннома.


Осуда тун тилаймиз, Аллоҳ таолонинг ҳивфзу ҳимоясида бўлинг!

Тонгга қарата бошлаган сафарингиз фажрнинг зиёси томон сизни элтсин!

Хайрли тун!

•┈┈┈┈•❈••✾••❈•┈┈┈┈•

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 17:10

Eng og‘ir kasb bu uy bekasi:

- Oylik yo‘q;
- Dam olish kuni yo‘q;
- Otpuska yo‘q;
- Ertaroq ketolmaysan;
- Ish umuman tugamaydi!

Eng achinarlisi hamma seni, u ishlamaydi, u uyda o‘tiradi deyishidir!

Uy bekalarimiz baxtimizga sog‘ bo‘lsinlar.


•┈┈┈┈•❈••✾••❈•┈┈┈┈•

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 15:16

🎶🎶🎸✨𝕋𝔸𝕃𝔸ℕ𝕋𝕃𝕀𝕃𝔸ℝ✨🎸🎶 - Yoqimli Navolar

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 11:25

#она_дафтари.

СИНМАГАН КЎПРИК.
(хикоя)

Никоҳ ўқилди.
У аёли олти ой олдин оламдан ўтган учта боласи бор эркакка турмушга чиқди.

Болаларни аммаси никоҳдан кейин уч кунга уйига олиб кетибди.

Эрталаб "эр бўлмиш" ни ишга кузатиб, хоналарни айланиб чиқди.

Уй бира тўла қўлдан чиққан, эски кундошини эслатиб турадиган биронта буюм йўқ эди.

Болалар қайтишди. Уйда келинчакдек кийиниб юрган аёлга эшик тирқишидан мунғайиб қарашди.

Болаларнинг каттаси ўн ёшлардаги қиз икки укасини ёнига чақириб, қучоқлаб олмагунча- улар ўгай онасини обдон кузатишди.

"Келингларчи!" деб ёнига чақирса бўларди, ичида бир нарса унга бош эгмади. Шу бўйи ўз хонасини тартибга келтириб жим ўтираверди.

Унинг болалар билан муносабати совуқ эканлигини эри ва унинг опаси ҳам сезмай қолмади. Амма бўлмиш яна болаларни уйига икки кунга олиб кетишни маъқул кўрди.

Кечги овқатда ўтиришаркан, қовоғини очмай ўтирган эрига ноқулай савол бериб юборди: -Аёлингизни расми борми, бир кўрсам бўларкан?!

Жавобан эр ўрнидан туриб кўчага чекишга чиқиб кетди.

"Бу нима қилганинг, бунақада бу рўзғоринг ҳам рўзғор бўлармиди, нима ўлиб кетган аёлга рашк қиляпсанми?!" деди ичида бир овоз.

У ўз қисматига кўника олмаётганди, "болали одамга турмушга чиқсам, болаларига оналик қилсам" деб юрарди олдинлари, бу болаларни кўрдию, негадир ичи исимади.

Қандай қилиб, бировнинг боласини бағрига боса олади, нима қандайдир актрисалик қилишим керакми?! "...

Ўрнидан туриб яна болалар хонасига кирди. Катта қизнинг жойи кўзига негадир ғалати кўринди, худди кўрпача остида нимадир бордек.

Ғаши келиб, тузатиб қўймоқчи бўлди. Қараса кўрпа қатида бир қалингина дафтар турибди. " Бу нима экан?! " деб қўлига олиб, варақлади, ундаги ёзувлар жуда теккис, ҳар ҳил гуллар расми билан безатилиб ёзилганди.

Биринчи саҳифа: "Ушбу дафтаримни тўнғичим хаётим ва вужудим меваси қизим- Саодатга бағишлайман"

Кейинги вароқдан бир бошдан бошланган хотира дафтарини ўқий бошлади:

"Бағримда бир- икки йил вақтинг ўтади, кейин Аллоҳ насиб этса, ўн саккиз йилча ёнимда яшайсан... Ундан сўнг Аллоҳ тақдир этган жойига кетасан ва мени кўргани вақтинча ёнимга келиб-кетиб турасан!

Умрим ва ғанимат онларим каби сени ҳам бир умр ёнимда олиб қололмайман.

Мен фақат сени дуо қиламан, сени асрашга харакат қиламан, чунки мен онаман!

Бу номни қанчалик оқлайман ёки йўқ фақат Аллоҳдан мадад сўрайман"... Сана 2008 йил. 24 март.

Аёл карахт холатга тушди.

Кундоши қизи туғилган кундан бошлаб тутган экан бу дафтарни, унда қачон тиши чиққани, қачон эмаклагани, биринчи сўзи қайси сўз бўлгани, биринчи айтган қўшиғи, ёдлаган шеъри, қайси мусиқага рақс тушишни ёқтириши ҳамма-ҳаммаси бор эди.

"Саодат қизим бир кун келиб, бу дафтар сенинг мулкингга айланади. Ўшанда сен мендан бир мунча бойроқ қиз бўласан. Менда онамни эслатиб турувчи жуда оз нарсалар бор. Айниқса, онамнинг меҳрли қарашларини ҳеч кимда кўролмасдан кўп қийналганман.

Сенга бу дафтар она қалбини очади, ўша қаттиққўл, талабчан онанг-менинг қалбим қанчалик сенга яқин бўлганини билдириб туради" Сана 2011 йил 08 август.

Яна кўп саҳифалардаги ёзувларни ўқиди. Ўз-ўзидан кўзларида ёш ҳалқалана бошлади.

Дафтарнинг сўнгги вароқларини шошиб очди, чунки ташқарида оёқ товушлари эшитила бошлаганди.

"Қизим йўлларимиз эрта айрилади шекилли, сени келинлик кўйлагида кўрган куним бу дафтарни бермоқчи эдим. Афсус тақдир эмас шекилли. Соғлиғим ёмонлашиб бораётганини сезяпсан ўзинг ҳам, кечаси қўлларинг билан бир неча бор юзимни силадинг.

Кўп ёза олмайман, биттагина тилагим бор: имкон қадар бажар. Дадангга ва укаларингга кўприк бўл! Мендан кейин синиб қолма....

Ташқарида кимдир йўталди. Дафтарни жойига қўйиб, шошиб ташқарига чиқди.

-Тинчликми?! остонада турган эри паришон холатини кўриб савол берди.

Рўмоли билан оғзини тўсди, юраги увишиб турганини сездирмай, " тинчлик" деб жавоб бериб ичкарига- идишларни ювиш учун кирди.


@qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 11:11

🎶NevoMusic - Jaloliddin Ahmadaliyev - Eh odamlar (Mood video)

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 09:48

Istagan joyizda toʻxtatib oʻqib koʻring

•┈┈┈┈•❈••✾••❈•┈┈┈┈•

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 03:38

Ҳазрати Фотиманинг вафотлари

Пайғамбар алайҳиссалом вафотларидан энди олти ой ўтган эди.

Ҳазрат Фотима хасталаниб қолди…

Ҳижратнинг ўн биринчи йили, рамазон ойининг иккинчи куни, душанба эди…

Шу пайтгача ора-сира касал бўларди, аммо бу сафаргиси уларга ўхшамади.

Яхши-ёмон кунларида уни ёлғиз қолдирмаган хўжайини яна ёнида эди.

– Болаларни олиб ташқарига чиқсангиз, яхши бўларди…

Паст овозда айтилган бу жумла ҳазрат Алининг юрагини тилкалади. Уни хафа қилмаслик учун ўзини тушунмаганликка олди. Болаларини онасига яқинлаштирди. Ҳазрат Фотима уларни бирма-бир қучиб эркалади. Сўнг ҳазрат Алига имо қилди. Юраги эзилиб, болаларини ташқарига чиқарди. Асмо бинти

Умайс  билан Умму Рафиъ киришди.

– Менинг ювинишим учун сув тайёрми, онажон?

– Ҳа.

Ҳазрат Фотима Умму Рафиъни «онажон» дерди. Чунки бу аёл унга доим оналик қилиб келганди.

– Менга сув қуйиб турасизми, онажон?

– Албатта, қизим.

Ҳазрат Фотима яхшилаб ювинди, аёллар ёрдамида энг яхши либосини кийди.

– Тўшагимни хона ўртасига солинглар.

– Хўп.

Аёллар ишларни бажаришаркан, нима юз бераётганини англаб, жуда изтироб чекишарди.

– Мени ётқизинглар. Юзимни қиблага қаратинг.

– Хўп.

– Энди мени ёлғиз қолдиринг!

– Аммо…

– Илтимос.

– Аммо…

– Роббимга дуо ва илтижо қилмоқчиман.

– !..

Дуо ва илтижога шунчалар берилиб кетдики, жони қандай чиқиб кетганини ҳам билмай қолди.

Овоз чиқмай қолганидан хавотирланиб уйга кирганлар ҳазрат Фотиманинг вафот этганини кўришди.

Шум хабар бир зумда бутун Мадинага тарқалди.

Пайғамбар алайҳиссаломнинг қизи ҳам бу ёлғон дунёни тарк этганди.

Энди йигирма саккиз ёшга кирганди…

Бир фарзанди гўдак чоғида вафот этганди.

Ортида кўзлари ёш хўжайини ва беш фарзанди қолганди.

Пайғамбар алайҳиссаломнинг кенжа қизлари, ҳазрат Алининг суюмли завжаси Фотима онамиз вафот этганида Ҳасан саккиз, Ҳусайн етти, Умму Гулсум беш, Зайнаб уч, Руқийя икки ёшда эди. Ҳазрат Фотиманинг қабрига боқаркан, ҳазрат Алининг ёдига аёл вафотидан бироз олдин айтган гаплари тушди:

– Эй Али, вафотимдан сўнг уйланинг. Акс ҳолда, сиз ҳам, болаларим ҳам қийналиб қоласизлар. Аммо уларни ўгай она қўлида ҳам қолдиргим келмаяпти. Шу боис опам Зайнабнинг қизи Умомага уйланинг.

Гулларнинг гули бирма-бир дунёни тарк этишганди. Илоҳий тақдир шундай эди. Зотан, одамзотнинг қисмати шу эди. Бири келади, бири кетади…

Қиёматгача давом этади бу ҳол…

Аввал ҳазрат Руқийя…

Сўнг ҳазрат Зайнаб…

Ҳазрат Умму Гулсум…

Ва охирида ҳазрат Фотима…

Гулларнинг гуллари энди боқий дунёда яшаяжак эди. Ва севганларнинг кўнгилларида…

Улар гулларнинг гуллари эди.

Пайғамбар алайҳиссалом булбуллари эди.

Буни билган, кўрган англар.

Қурбон бўлсин унга жонлар.

@qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 03:26

Eng yangilari bizda @qalbimdan_sado

𝐐𝐚𝐥𝐛𝐢𝐦𝐝𝐚𝐧 𝐬𝐚𝐝𝐨 - 𝐝𝐢𝐥𝐝𝐚𝐠𝐢 𝐠𝐚𝐩𝐥𝐚𝐫...

20 Apr 2024 03:26

Eng yangilari bizda @qalbimdan_sado