6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
بو اینسانین آدی همیشه دیللرده قالاجاق...
من باغ اولسام دا گولوم! سن ساری یازسیزلامیشام
ساچ لارین سَر یئله، چوخداندی آیازسیزلامیشام
منه باخ، قوی تاپیم اوز قیبله می کافر بالاسی
-هئچ بیلیرسن نئچه مدت دی نامازسیزلامیشام؟!
منه باخ،قوی او درین دالغا یویورسون ایچیمه
"صمد" ین عشقینه آند اولسون آرازسیزلامیشام
چیخ چؤله، قوی سنی اؤپسون یازین آلتون گونشی
چیخ چؤله،"شئیور"ی باشدان - باشا یارپیزلامیشام
سئوگی چیلپاق لیغیمی سئودی،سازاق سؤکدو منی
قاپی دان باخ کوچه یه ، گؤر نه پالازسیزلامیشام
قورو بیر گؤل کیمی لئه باسدی بوتون وارلیغیمی
کیم یئتیرسین یاغیشا؟ من یئنه قازسیزلامیشام
اسکی بیر ماهنی چیبان تک دئشیلیر باغریمدا
سیزی عاریف"، سیزی عالیم" من آوازسیزلامیشام
ساری تئل بلکه بیر آز آغریسین آلسین یارامین
چاغیرین چنگیز" ی دویسون منی ، سازسیزلامیشام
#بابک_اسلامی
@qanadli_duyqular
گر گؤره واعیظ یوزونو
دم به دم ائیله ر فغان
اودا یاخار منبرینی
گؤرسه آنی هم خطیب
گول یوزونه عاشیق اولور
خاندا بیر عشاق وار
خوش نوانی ساز ائده ر
داییم نوای عندلیب
حاجتی حل اولدو زولفوندن
_نسیمی مشکلی-
صوبحدم ایردی گتیردی
اول صبا خوش بوی طیب
#سید_عمادالدین_نسیمی
#گون_آیدین
@qanadli_duyqular
یاشاماق دئییل بو، اؤلومدور اؤلوم
گؤیلره باخماقدان، یورولوب گؤزوم
نه قدر گونلری، ساییم دایانیم
بئله بیر یاشاما، منده یوخ دؤزوم!
داریخیر اوره‌ییم، غریب قوش کیمی
چیرپینیر کؤکسومده، اوچا بیلمه‌ییر
بوشونا چالیشیر، بوشلوق ایچینده
دلی‌تک زنجیرین، آچا بیلمه‌ییر
بئینیمی گمیریر، بوش دوشونجه‌لر
باشیما تؤکولور دونیانین داشی
یورولموش گئجه‌نی، یولا سالیرام
یاخامدان ال چکمیر، گؤزومون یاشی
تکی بیر قوش اولوب اوچا بیلئیدیم
بوتون سرحدلری، کئچه بیلئیدیم
کؤچری دورنالار، کؤچ ائدن کیمی
من ده منلیییمدن، کؤچه بیلئیدیم
بیلمیرم یولومو، هایاندان سالیم!
هایانلارا گئدیم، هایاندا قالیم!
یامان یورولموشام، نفسیم گلمیر
دونیا، بیر آز دایان، دینجیمی آلیم!
#میر_حسین_دلداربناب
@qanadli_duyqular
دئدیم سئوینج اوچاغیملا چیخاق بیراز مانورا
نه وار پیلوتدا باشارماق نه وار گوون موتورا
هاواندا اوچماغی سئودیم نه اولدو آنلامادیم
باخیشلارین دنه دؤندوکجه سئوگی دؤندو تورا
گؤزلدی چوخ باخیشین آمما جاندا قورخو سالیر
سئحیرلی گؤزلرین اوخشور سئویملی دیکتاتورا
گولنده سئوگی باغیندا بوتون چیچکلر آچیر
کوسنده اوخشاییر آلتین دوداقلارین تومورا
تؤکنده گؤز دنیزیندن او اینجی یاشلارینی
یاناقلار اوسته دامارکن شیرین قاریشدی شورا
سویوقلوغون نئجه گؤر یاندیریر بو اود اوره یی
کؤنول قیشیندا یاغان قار دؤنور جانیمدا قورا
اونودمانین توزو آلتیندا اولموشام آدام فوسیلی
فالولارینلا رقیب بنزه ییردی دایناسورا
چکنده موتلولوغون رسمینه اؤزومله سنی
باخیب گولوب دئدین اوخشور یامان کاریکاتورا
#آرسان
@qanadli_duyqular
الویداع!
گؤروشدوک نه چتین، آیریلدیق نه آسان!
هارداسان، حیاتیم؟
وارمیسان؟ یوخموسان؟
من سنی ایزله‌دیم، گوناه تک گیزله‌دیم.
هر سحر، هر آخشام، هر گوندوز، هر گئجه گؤزله‌دیم.
هارداسان اولدوزلو گئجه‌لر؟
الویداع، هارداسان؟!
منی نییه آنلاییب-
منی دۇیمۇرسان نییه؟
سنین خیالین منی،
گؤیلره قالدیریر؛
دوشوردور، چیرپیر بو یئرلره.
بیز یاراشمیریق بو دونیایا
بیز یاراشمیریق یئرلره و گؤیلره.
الویداع او گونلر، اولدوزلو گئجه‌لر،
الویداع!
#آنار_رضایئو
@qanadli_duyqular
خوشلادیق یوللارین دومانین چنین
آلداندیق سؤزونه گلیب گئدنین
نه سن منیم اولدون نه ده من سنین
نه سنده چیخار وار نه ده کی منده
سئومه یین قیلیغین اؤرگه شه نمه دیک
حسرت حیصار قوردو ترپه شه نمه دیک
جان آتدیق بیر له شک بیر له شه نمه دیک
نه سنده چیخار وار نه ده کی منده
منیم چین گول اولوب قاپیمدا بیتسین
یئنه ده سئومه رم بونو ائشیت سن
اؤزوده چیخارلییق تکینه گئتسن
نه سنده چیخار وار نه ده کی منده
اؤتن خاطیره لر دوشمه دی یادا
سن سالدین مهرانی آتشه اودا
من آلدیم اؤزگه نی سن گئتدین یادا
نه سنده چیخار وار نه ده کی منده
#مهران_عباسیان
#گون_آیدین
@qanadli_duyqular
گئده‌نه یالوارما گئدیرسه گئتسین
نه‌ییمه گَرَکدیر داها قالماغی
حَتتا بو حَیاتین قانونو بودور
آغاج دا ساخلامیر دوشن یارپاغی
اَگَر کی آغلیندا واردیرسا گئتمک
نه واختسا گئده‌جک او اَوول-آخیر
ائله بالیق وار کی ،بالیقچینین دا
دایانمیر، سوروشوب اَلیندن چیخیر
گؤر سَنی گئدرکن نه گونه قویدو؟!
دانیشا بیلمیرسن، گوله بیلمیرسن
حَیاتیم یازیردین هَمین اینسانا
ایندی هئچ سالام دا یازا بیلمیرسن
بَلکه‌ده اونودوب هاردان بیله‌سن؟!
دوشونمور گئجه‌لر سَنی، یاتاندا
سَن گیزلی نؤمره‌دن گیزلی زَنگ ائدیب
هَر گئجه سَسینه قولاق آساندا
هارداسا سَسله‌نن حَزین موسیقی
یادینا سالارسان، اونا باخ بئله
تَصادوف، هارداسا گؤررسن اونو
گَزیر باشقاسییلا، توتوب اَل-اَله
اؤزون ائشیدرسن او اؤزگه‌سینه
یانیندان اؤته‌رک جانیم سؤیله‌دی
سَن اوندا بیلرسن، او آن اینسانین
دونیاسی باشینا داغیلماق نه‌دی
گؤزلریم یورولدو یول گؤزله‌مکدن
مَن خَسته دوشموشم، هاردان بیله‌سن؟!
خَیالین او قَدَر گؤزومدن کئچیب
حَکیملر دئییر کی ضَعیف گؤرورسن...
#ساحیل_ریضایئو
@qanadli_duyqular
سئویرم
سفره چیخماغی سئویرم
کرم کیمی، یانیمدا بیر
للـه‌م اولا!
اوزاق یولا کؤرپو سالا
یول یولداشیم، کؤنول دوستوم!
بیر آیریجا عالم اولا!
جیدیرا چیخماغی سئویرم
آتیم تکجه آت اولمایا
اوره‌یینده چات اولمایا
یاریشلاردا مات اولمایا
سئوگی دولو بیر آت اولا!
قانادلاری اریمه‌میش
قیرات اولا، دورات اولا!
یاشاماغی سئویرم
عؤمروم-گونوم
دولو گله، دولو کئچه!
بیر عؤمورده مین‌بیر ایللیک
یولو کئچه!
خسته‌لنمه‌یی سئویرم
منی خسته‌لندیرن
ایلاهی بیر گؤزل اولا!
تپه-دیرناق ایشیق ساچا
ال کؤز اولا، کؤز ال اولا!
گؤزل اؤلومو سئویرم
عزرائیلیم نه درد اولا
نه آه اولا!
گده-گوده اؤلدورمه‌یه
اؤلدوره‌نیم آللاه اولا!
#زلیمخان_یعقوب
@qanadli_duyqular
ائشیتدیم گئدیرسن اونچون گلدیم
بو اوزون یوللارا تاپشیرام سنی
منیم مسلکیمده منیم یولومدا
آخی ترک ائله‌مَز سِئوه‌ن سِئوه‌نی...
ائشتدیم گئدیرسن گلدیم کی دئیم
قارییب گئتدیگین یئرده قالاسان
نانجیب دئیلم قارقیش ائیله‌یم
گلمیشم سو آتام خوشبخت اولاسان... .
#چالقین_ممد
#گون_آیدین
@qanadli_duyqular
چیخماز کوچه
بیر داها دونیایا گلسم،
یئنه سنی سئوردیم،
منی اوزه‌سن دئیه،
منی دلی-دیوانه ائده‌سن دئیه...
بیلیرم،
سن ده بیر داها دونیایا گلسن،
یئنه منی سئومزدین،
قهریمدن اؤلوم دئیه.
#اومید_یاشار_اوغوزجان
#گون_آیدین
@qanadli_duyqular
سنین آجیغینا
موژده‌لرله گله‌جک‌دیر،
ایللر سنین آجیغینا.
داها الوان آچاجاقدیر،
گوللر سنین آجیغینا.
غم یاغیشی یاغمایاجاق
کدر منی بوغمایاجاق
اینان کی، آغارمایاجاق،
تئللر سنین آجیغینا.
آرزولاریم دینه‌جک‌دیر
بخت اولدوزوم گوله‌جک‌دیر
دنیزلره دؤنه‌جک‌دیر،
گؤللر سنین آجیغینا.
دئمه عشقیم سؤنه‌جک‌دیر،
گله‌جک بیر گؤره‌جک‌دیر.
ائله منی سئوه‌جک‌دیر،
ائللر سنین آجیغینا!...
#نصرت_کسمنلی
@qanadli_duyqular
سن بیر آز عاغیللی، من بیر آز دلی
گۆل سنین نه‌یینه گرک دیر گۆلوم ؟!
اؤپن دوداغی یوخ، اوخشایان ألی.
گل گۆل ده _ چیچک ده اؤزوموز اولاق
سن بیراز عاغیللی، من بیراز دلی !
گۆل سنین نه‌یینه گرک دیر گۆلوم؟!
سنین گۆلون منم _ چیچه‌یین منم.
گۆللو ناغیللارا گئتمه‌سین عاغلین
سنین حقیقتین _گئرچه‌یین منم !
گۆل سنین نه‌یینه گرک دیر گۆلوم ؟!
حۆسنون_گؤزللیگین دونیادا تک دیر!
اگر سن وارسان سا بو یئر اۆزونده _
دونیا باشدان باشا گۆل دور _چیچک دیر.
گۆل سنین نه‌یینه گرک دیر گۆلوم ؟!
قوخلا نفسیمی چیچه‌یه دؤندر .
شاعیرین سؤزونه یالاندیر دئمه ،
بوتون یالان لاری، گئرچه یه دؤندر!
#زلیمخان_یعقوب
@qanadli_duyqular
بیلیرسن‌می نئجه اولور داریخماق؟!
گؤز اؤنوندن خیال‌لاری چکیلمیر.
یوخو بئله او خیالی اویوتمور،
آز قالیرسان حسرتیندن اؤله‌سن،
اوره‌یینی هئچ بیر کیمسه اوووتمور.
بوغازیندا دویوملنیر قهَرین،
ظولمت گئجه‌لره دؤنور سحرین.
عذاب اولور، آیریلیغین بهَری،
گؤز یاشلارین اوره‌یینی سویوتمور.
آلیشیرسان- اؤز اودوندا یانیرسان،
اطرافیندان عذابینی دانیرسان.
ووصال آدلی اومیده باغلانیرسان،
زامان کئچیر، گئدن گئری قاییتمیر.
ها یاندیریب ها یاخسا دا قلبینی،
بئزمزسن کی، آتشیندن-اودوندان!
ایللر کئچسه، زامان اؤتسه ده بئله،
اونوتمازسان، چیخارمازسان یادیندان...
بیلیرسن‌می نئجه اولور داریخماق؟!
#عطایه_اودر
@qanadli_duyqular
یاره هر ساعت سلام اولسون سلام
عشرت و عیشی مدام اولسون مدام
یارسیز صحبت حرام اولسون حرام
یاره بو معنی ، تمام اولسون تمام
#عمادالدین_نسیمی
#گون_آیدین
@qanadli_duyqular
بئزيكديريب حيات منی
دای بوراخمير راحات منی
بو کابوسدان اویات منی
بیر آت گلیر، باشی یوخدور
دوشموشم اَلدن - آیاقدان
یارپاق دوشن تک بوداقدان
گئجه - گوندوز آغلاماقدان
گؤزلریمین ياشی يوخدور
سنسیز بیر گول تک سولموشام
نه دانیشیب، نه گولموشم
معلوم اولان من اؤلموشم
قبریمین باش داشی یوخدور
يوخو، قارا پالتار گئییر
جاناوار تک آدام یئییر
هرکس دئییر، یالان دئییر!
اؤلومون قارداشی یوخدور...
#رسول_یونان
@qanadli_duyqular
سن ده سئوه بیلمه‌دین،
سن ده بوش وئردین منی.
اؤز الین‌له یادلارا،
ائله خوش وئردین منی.
اونوتدون هاراداسا،
نه‌سه اونوتدوغون‌تک.
قاییدیب گؤتورمه‌یی،
گرک گؤرمه‌دیگین‌تک.
اوووتدوم بو باهار دا،
گؤز یاشیمی یاغیشلا.
بو یایی دا تیتره‌دیب
یولا وئردیم قارغیشلا.
گاه قوودوم پنجره‌می-
دؤیَجله‌ین سرچه‌نی.
گاه دا خلوتده دوروب
گؤزله‌دیم سپیب دنی.
بئله‌جه یولا وئردیم،
نئچه گوندوزو سنسیز،
من باجارا بیلمه‌دیم-
اؤزومله، دوزو، سنسیز.
دوغولور آغریلاریم،
گونش باتاندان سونرا.
اؤلچورم کوچه‌لری،
هامی یاتاندان سونرا.
اویناییر گئجه‌لری،
کؤلگه‌م آی‌لا گیزلن‌پاچ.
حسرت اوچه‌جن ساییب
قیشقیریر: «قووورام، قاچ!».
دان یئری‌سه سؤکولور،
سنه چاتدیغیم آندا.
داها تاب گتیره‌سی،
جان قالماییب بو جاندا.
بوتون یالانلارین‌لا،
قاییت، اوزومه آغ اول!
وارلیغینا مین شوکور،
قاییتماسان دا، ساغ اول!
#توراج_هیلال
@qanadli_duyqular
ماتم گوُرکم ایله ، لال باخیشیلا
دونیانین قوینونا گیریب گئجه لر
جاهاندا بیر گوُنده یارانماسایدی
دئیردیم دورانین سوروب گئجه لر
کده ردن کامانی،سوکوتدان تاری
آیمی سئوگیلیسی،اولدوزمو یاری
همیشه جان آتیر ظولمته ساری
گوندوزدن نه پیسلیک گوُروب گئجه لر؟
عشقی توخونماسین داشا هئچ کسین
آیریلیق بوغاندا قلبیمین سسین
ائله بیلیرمکی،قارا پرده سین
تک منیم اوستومه سریب گئجه لر
حیاتدا هر جوره عالمیم اولوب
هم سئوینجیم اولوب هم غمیم اولوب
چتین گونلریمده همدمیم اولوب
دردیمله باش -باشا وئریب گئجه لر
شجاعت اوشوتمز بوران،قارمنی
یامانجا یاندیردی ظالیم یار منی
آلیب قوجاغینا یاتیردار منی
حزین لایلاسیلا غریب گئجه لر
#شوجاعت_احمدلی
@qanadli_duyqular
کرم قیل،کسمه ساقی التفاتین بینوالاردان
الیندن گلدیگی خئیری دریغ ائتمه گدالاردان
اسیر غربتیز بیز،سندن اؤزگه آشنامیز یوخ
آیاغین کسمه باشینچون بیزیم محنت سرالاردان!
صبا کویینده دلدارین نه دیر افتاده لر حالی؟
بیزیم یئردن گلیرسن،بیر خبر وئر آشنالاردان!
دئمه زاهید کی ترک ائت سیمبر بتلر تماشاسین،
بنی کیم قورتاریر تانری ساتاشدیرمیش بلالاردان!
گیریب مسجدلره گر مقتدالار پیروی اولمان،
بودور وجهی کی هرگز گؤرمه دیم اوز مقتدالاردان!
طبیبا!خاک کوی یارداندیر اشک تسکینی،
بیزه آرتیرما زحمت گؤز یاشاریر توتیالاردان
فلکده مئهر زایل،یار غافیل،عمر مستعجل
نه دیر تدبیر بیلمن،جانا یئتدیم بی وفالاردان!
وجودوم نئی گیبی سوراخ-سوراخ اولسا،آه ائتمن،
محبتدن دم اوردوق،اینجیمک اولماز جفالاردان
فضولی! نازنین لر گؤرسن،اظهار نیاز ائیله،
ترحم اومسا،عئیب اولماز، گدالار پادشالاردان
#ملا_محمد_فضولي
#گون_آیدین
@qanadli_duyqular
باغیشلا منی
اؤزون دوشون منی اؤزون دوی منی
اؤزگه دن محببت اوما بیلمیرم
حسرتین قلبیمه مین یارا سالیب
گئجه لر گؤزومو یوما بیلمیرم
بیر بولود اولموشام اوره یی چیسگین
سیزلایا سیزلایا یاغیرام ایندی
بیر آناسی اؤلموش بیر کورپه کیمین
کوچه لرده قالان صاغیرام ایندی
سنسیز گولو سوْلموش بیر لال بولبولم
نه نغمم یاییلیر نه سسیم چیخیر
حسرت چئکه چئکه یانیر اوره ییم
إله کی، چینیمدن نفسیم چیخیر
راضی اوْلمازیدیم بیرآن غمینه
اگر اینجیتمیشم باغیشلا منی
بولود اوْل، آلیشان باغریمین اوسته
سوْندور کؤزلرینی یاغیشلا منی
کیمسه یه جان دئییب جان وئرمه میشم
تکجه اوره ییمین جانانی سن سن
سنین وارلیقینلا یاشاییرام من
«آمانسیز» کوْنلومون درمانی سن سن
#آمانسیز_حسین_شاهمرادی
@qanadli_duyqular
بولبول
قویما اورگینی اومید ترگیده،
شاقراق نغمه‌لرین اوز سئوینجی وار.
ان چتین آیاقدا، آخی بلکه ده
قوشلار غملنمیی باجارماییرلار.
آه، نئجه دوزورسن بو قفسده سن
ایستی یووا هارا، بو قفس هارا.
سن کیمه، سن نیه ایسینیشمیسن،
انسانا، یا دمیر بارماقلیقلارا؟
اولسایدی سنین ده ایتی دیمدییین،
ایتی جایناقلارین، قاناد آچاردین.
قوزغوندان، بایقوشدان قاچدیغی کیمی
انسانلار سندن ده اوزاق قاچاردی.
من بیر قوش اولایدیم دئییب اوزونه
بابام هر سوزونده، هر صحبتینده.
بیر قوش آزادلیغی سسله‌نیر یئنه
قانادسیز انسانین طبیعتینده.
بلکه سئوینیرسن، ائی ساری بولبول،
نه یاخشی انسانلا قونشو اولموسان.
درین مئشه‌لیکده، کوللوقدا دئییل،
انسانین عمرونده یووا سالمیسان.
#سهراب_طاهیر
@qanadli_duyqular
آخشام بولاشیب دوغمالاشان گؤزلرینه یاد
آنجاق سحر اولموش قوخوسو وار اوتاغیندا
بوم بوزدو ، سویوق دور هم الین هم نفسین آه
بیر جانلی خیانت قوخوسو وار دوداغیندا
سن تاپشیر الین اللرینه گز قوجا شهری
قوی من آراییم تینلری بیر سن سوراغیندا
باخ گؤزلرینه سار سینه سین تئللرین ایله
آغلات منی همده گئجه نی گنج چاغیندا
سنسیز گئجه لر آغلاماغیم داد وئریر آی قیز
اوخشاتما یاغیر هر گئجه سنسیز اوتاغیمدا
سنسیز سنی سئومک نه دئمکمیش نه بیلیرسن
هر بیر گئجه باشقا بیری سی وار یاتاغیندا
#آتیلا_حاجیزاده
@qanadli_duyqular
مَنده گوناه آراما
اؤزون کوسدوردون منی
اوره‌ییمه توخونان،
سؤزون کوسدوردو مَنی
هَردن سوزولوب آخان
مَنی یالنیز بوراخان
دؤنوب یادلارا باخان،
گؤزون کوسدوردو مَنی
سوروشما هیجران نه‌دن
غَم‌دی قلبیمی دیدَن
مَندن آیریلیب گئدن،
ایزین کوسدوردو مَنی
یاندیم قوورولدوم داها
دَردیمی بؤلدوم داها
دؤزدوم یورولدوم داها
دؤزوم کوسدوردو منی
هَر کَسه گولوم دئیَن
اوجاغیم کولوم دئیَن
هامییا گولومسه‌ین،
اوزون کوسدوردو مَنی
#نوصرت_کسمنلی
@qanadli_duyqular
من اؤلرسم‌سه منه آغلاماسین عزیزلریم
گؤزللیکلره باخینجا شوکورلرینی احسان ائتسینلر روحوما
#حکیمه_باباکشی_زاده_
@qanadli_duyqular
معرفت کسب ائتمه دین
سن فانیسان
بیر_ایکی گۆن دۆنیانین
مهمانیسان
حققی بیلسین، عالمین
سولطانیسان
بیلمه ین خود، دیو ایله
شئیطانیسان
#عمادالدین_نسیمی
@qanadli_duyqular
چكير وارليغيمی دارا، گؤزلرين
آپارير روحومو هارا گؤزلرين؟
قارا بير محبس‌دير، قارا گؤزلرين
بوراخ گؤزلری‌نين حبسيندن منی
يانديريب ياخماق‌دا اود قودرتی وار
تكجه من بيليرم نه حيددتی وار
آخی، جزانين دا بير موددتی وار
بوراخ گؤزلری‌نين حبسيندن منی
قالديم جاذيبه‌نده، بيهوش كيمی‌يم
مرحمت گؤزله‌ين باخيش كيمی‌يم
قفسه سالينميش بير قوش كيمی‌يم
بوراخ گؤزلری‌نين حبسيندن منی
گونوم ائله سندن شيكايت اولوب
بو سئوگی بير داستان، حکايت اولوب
محبت نه واخت‌دان جينايت اولوب؟
بوراخ گؤزلری‌نين حبسيندن منی
زيندانا کؤنوللو سالديم اؤزومو
عيبی يوخ، پاييزا دؤندر يازيمی
من گوناه ايشله‌ديم، آرتير جزامی
ساخلا گؤزلری‌نين حبسينده منی...!
#نوصرت_کسمنلی.
@qanadli_duyqular
چیراق‌دان گلن سس
سس گلیر بیریندن ایکی چیراغین
نه الیف بالیدیر گؤیلرین حیسسی!
بو گون بیر ایشیق دا آچدی دوداغین
سؤز-سؤز، نغمه-نغمه تؤکولدو هیرسی.
ائله بیل گؤیلره گؤیلر مزاردی
آللاه یارانیشا سون آهی-زاردی
عالم اولدوزلارین اگنینه داردی
درد چکیر گئجه‌نین کیمسه‌سی-کسی!
سانکی آیلار آچمیش گونشلر پارین
کندی خاراب قالمیش کهکشانلارین
هر بیر یول قایتاریر حیات قاطاربن
سارسیدیر انسانی بیر سیقنال سسی!
گئجه‌نین بیرینده بیر آی ناغیلی
گؤیلر بوخچا-بوخچا نفسله دولو!
گئجه کؤنول یولو، گئجه گؤز یولو
دینجه‌لدیر سئودانی، ده‌ریر نفسی!
هر منزل آللاهی ایتن آجیقلی
قاچیب آللاهیندان اؤتن آجیقلی
یول اولوب آللاها یئتن آجیقلی
نه اوغلانلیق تویو، نه قیزلیق یاسی!
دن دوشوب ساچینا اولدوزلاریندا
تانری‌دا قوجالیق اختیاریندا
هانسی بالیقچینین فلک توروندا؟!
وئره‌ن یوخ، آلان یوخ بو چتین درسی!
قارانلیق گؤی به گؤی درده دؤنوبدور
آللاه قولتوغوندا قوردا دؤنوبدور!
ایشیق اؤز گؤزونده نور-نور سؤنوبدور
گؤیلر توتولوبدور، کیم چالسین میسی!
سسینه هارای وئر چیراغین انصار
سس وئر، شهرلرده گونشلر آزار
بیر اولدوز قیزینا بئی دوروب تاتار
توی چیلله‌لرینه قورولور کورسو.
#انصار_قره_داغی
@qanadli_duyqular
سئوگی یاساق‌می بوردا؟
دوستاق سئون اوچون‌مو؟
آتا - آنا ، یوردومو،
سئومک ، منیم ، سوچوم مو؟
سن سئوه‌نی سئومه‌سم،
گؤیلر - یئره گلرمی؟
باشی اوجالیق‌لاریم
دئ ! باغرینی ده‌لر می؟
هه! من بای بک اوغلویام،
تورک اوغلویام ازل‌دن!
نسیمی تک سؤیولوب،
دؤغولارام غزل‌دن!
هه! من تومروس اوغلویام،
گؤنش تاجیم‌دیر منیم!
آصلان بالا زرخانیم،
دؤغما باجیم‌دیر منیم!
من تاریخین گؤزویم
کور اوغلونون گؤزونده
کؤک‌لو ائلین مارشی‌یام !
ده ده عاشیق سؤزون‌ده
منه دوستاق نیله‌یه‌ر؟
اودا سالیب قووورون!
یا نیسگیل‌لی کولومو،
دیار - دیار سووورون!
آما سانمایین بئله ،
عهدیم‌دن دؤنه‌سی‌یم !
وطن ! یاشاسین دئیه ،
عشق‌ایلن اؤله‌سی‌یم !
#مهدی_سربازی_علمداری
@qanadli_duyqular
قوللاریم دولانار بوینونا بیرگون
یئنه باش قویارام دیزینه، تبریز!
حسرتدن، هیجراندان جانا دویموشام
دویونجا باخارام گؤزونه، تبریز!
بولانیق سولارین آخسین-دورولسون
تزه گونلریندن بوساط قورولسون
سهند، جامالینا بیر ده وورولسون
بیر غوبار قونماسین اوزونه، تبریز!
گولوستان باغینین سئیرینه گلیم
لاله یاماجیندا بیرده دینجه‌لیم
اؤتن گونلریمه یئتیشمز الیم
دوشوم هئچ اولماسا ایزینه، تبریز!
آنا تبسّومون، آی ایشیغی دیر
قولوم، قامتینین سارماشیغی دیر
شعرین، بو دونیانین یاراشیغی دیر
اینجیسی توکنمز خزینه، تبریز!
سن شاعیر عؤمرومه ووقار وئریبسن
سولوب-سارالمایان گولزار وئریبسن
اعتیبار وئریبسن، ایلقار وئریبسن-
هر ایگید اوغلونا-قیزینا، تبریز...!
#حکیمه_بولوری
@qanadli_duyqular
ای نسیمی، سن فلکین گردشیندن غم یئمه
شادلیق اندوهایلندیر، هم قیزیلگول خار ایلن
#عمادالدین_نسیمی
#گون_آیدین
@qanadli_duyqular
سن ، آیی
هر نه دن چوخ سئوردین
ایندی ، آی هر گئجه
سنی منی خاطیرلادیر
سنی اونوتماق ایسته ییرم
آنجاق بو آی
هئچ سیلگی ایله
پنجره لردن سیلینمیر...
#گون_آیدین
#رسول_یونان
@qanadli_duyqular