6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
سحر سحر قیسمته باخ بخته باخ
قارشیلاشدیق چیچک فصلی ساکیت باغ
نفس نرگیز قامت چینار ال زنباق
گوزلرده بیر تیلیسیم لی ناغیلدی
توت قولومنان هوش باشیمنان داغیلدی
#انور_ریضا
#گون_آیدین
@qanadli_duyqular
یاخشی بیلیرم کی طبیعت دؤنور
وارلیق هر باخیشدا یئنی گؤرونور
لاکین طبیعتین اؤز قانونو وار
مئیوه‌نی واختیندا تؤکور آغاجلار
آلدادا بیلمه‌میش دونیانین واری
بیر مسلک عشقی‌یله یاشایانلاری
گتیر خاطیرینه بابک‌ی بیر دم!
یاراندی داغلارین دردینه همدم
او ائللر عشقی‌یله گونده بوی آتدی
ائللر زومزومه‌یله اونو اویاتدی
قیلینجلار، نیزه‌لر کئچدی دؤشوندن
جلّادا جان وئرن، دیلینده وطن
لاکین اونوتمادی بابک‌ی داغلار
تاریخ، سئونلری گؤزونده ساخلار
#صمد_وورغون
@qanadli_duyqular
یئنه کوسوب نه گزیرسن هاوالی؟!
گل بو یولو قوشا گئدک عزیزیم!
داغدا داغا سؤیکه‌ننده اَییلمز
گل بو یولو قوشا گئدک عزیزیم!
اوجا قایا عظمتلی، ووقارلی
ایکی زیروه او دومانلی، بو قارلی
آیریلیقدان قلبیم یامان غوبارلی
گل بو یولو قوشا گئدک عزیزیم!
تنها گئتمه او یوللاردا خزان وار
عشق عذاب‌دی باش ایتیرن، آزان وار
سنی منیم طالعیمه یازان وار
گل بو یولو قوشا گئدک عزیزیم!
#سیمران_حسن_اوو
@qanadli_duyqular
«گؤزلری گؤرمه‌ین، کور دئییل
گؤرمک ایسته‌مه‌ین کوردور.»
#بختیار_وهابزاده
@qanadli_duyqular
چؤله یاغیش،
اوره‌ییمه حسرت،
فیکریمه سن...
نئجه یاغیرسینیز اوچونوز بیردن!
بیر بیلسن...!
#جمال_ثریا
#گون_آیدین
@qanadli_duyqular
منيم دان اولدوزوم باتدى قفيلدن
باتدى، باتماغينا اينانماديغيم
بيردن بختيمين ده يوخوسو گلدی
یاتدی، یاتماغینا اینانمادیغیم
باغدا گولوم سولدو، جننت ده توبوم
بیر پاییز آخشامی چاتدی غروبوم
چاتدی، چاتماغینا اینانمادیغیم
اوزومده زلزله، روحومدا قییام
دارتدی اللریمدن او بیری دونیام
دارتدی، دارتماغینا اینانمادیغیم
آخیر حئسابیمی وئردی الیمه
تانری آتدی منی روح عالمینه
آتدی، آتماغینا اینانمادیغیم
نه فرقی، تئز اولدو، گئج اولدو گئتدی
اوولی، آخیری هئچ اولدو گئتدی
گئتدی، گئتمه یینه اینانمادیغیم
دونیا فانی ایمیش، عؤمروموز آنی
بیتدی، بیتمه یینه اینانمادیغیم
#موسی_یعقوب
@qanadli_duyqular
مَنده گوناه آراما
اؤزون کوسدوردون منی
اوره‌ییمه توخونان،
سؤزون کوسدوردو مَنی
هَردن سوزولوب آخان
مَنی یالنیز بوراخان
دؤنوب یادلارا باخان،
گؤزون کوسدوردو مَنی
سوروشما هیجران نه‌دن
غَم‌دی قلبیمی دیدَن
مَندن آیریلیب گئدن،
ایزین کوسدوردو مَنی
یاندیم قوورولدوم داها
دَردیمی بؤلدوم داها
دؤزدوم یورولدوم داها
دؤزوم کوسدوردو منی
هَر کَسه گولوم دئیَن
اوجاغیم کولوم دئیَن
هامییا گولومسه‌ین،
اوزون کوسدوردو مَنی
#نوصرت_کسمنلی
@qanadli_duyqular
یازیق اورک دَرد ائله‌ییب گؤر نه‌یی؟
سونا چاتمیر سیزیلتیسی، گؤینه‌یی
سئودیییمی تَکجه یاریم گؤرمه‌ییر
بو دَرد مَنی اؤلدورمه‌سه یاخشیدی...
#واحید_عزیز
@qanadli_duyqular
گَل سئوگیلی اولمایاق
بوتون گون دانیشاق
هَر آن بیر-بیریمیز اوچون داریخاق
آمما سئوگیلی اولمایاق.
بیر-بیریمیزین ایشینه قاریشاق
قیسقاناق، داعوا ائدک.
کوسک ،باریشاق
آمما سئوگیلی اولمایاق.
گَله‌جکلی باغلی خَیاللار قوراق
ساعاتلارلا تئلئفوندا دانیشاق
کوچه‌لرده اَل-اَله گَزَک
آمما ،سئوگیلی اولمایاق بیز.
سَن باشقا اوغلانلارا،
مَن ده باشقا قیزلارلا دانیشمایاق.
تَک بیز اولاق
آمما سئوگیلی اولمایاق.
باخ سئوگیلی‌لر تئز آیریلیرلار
سئوگیلر تئز بیتیر.
سَن گئتمه،
مَنیم اول،
آمما سئوگیلیم اولما.
#خزر_سولئیمانلی
@qanadli_duyqular
دانیشیرام، ائشیتمیرسن.
گؤستریرم، گؤرمورسن.
یازیرام، اوخومورسان.
اویادیرام، دورمورسان.
دانیش گؤروم اؤلوسن یا دیری‌سن؟!
آخی سن ده بو دونیادا،
یاشایانین بیری‌سن...
#بختیار_علیمرادی
@qanadli_duyqular
نئجه اونودوم سنی؟!
من، عشقی بیر یول سنینله پایلاشدیم،
اؤلومو دفعه‌لرجه...
#غادة_السمان
@qanadli_duyqular
سئوگی
یانیندا اولانی سئومک دئییل
اوزاقدا اولانی یانیندا
حیس ائتمه‌ک‌دیر.
اوزاقلیقلار سئونلر اوچون
اؤنمسیزدیر.
چونکو دوغرو سئوگی نی آنلایانا
تک دویغو
اؤزله‌مک‌دیر.
#تانسو_خیاولی
@qanadli_duyqular
کیم کی بیدار اولمادی عشقینده هر شب تا سحر
اول یالانچی مدعی نین باختی بیدار اولماسین
فورقتین دردی منی، بی خواب و
گریان ائیله دی
دوشمنین عومرو توکنسین ،
باختی بیدار اولماسین
#عمادالدین_نسیمی
@qanadli_duyqular
بیر گون
منسیزلیک چالار قاپینی
من ایله اولدوغون گونلری
دوشونوب
تسللی وئررسه‌ن اؤزونه،
آنجاق
سانما کی
یالانلار ایچینده
منیم کیمی
بیر دوغروسونو تاپاجاقسان
#ناظیم_حیکمت
#گون_آیدین
@qanadli_duyqular
آللاه!نه وار،نه یوخ؟!
مندن نه خبر وار؟
گئجه‌لری اؤزوم سایارام
اوزومه آچیلاجاق نئچه سحر وار؟
به‌یه‌نه‌جکسن‌می منی؟
بنده‌نی هانکی گؤز له گؤره‌جکسن؟
آللاه!
اؤزوم گلیم،
یا کیمی ایسه گؤنده‌ره‌جکسن؟
#واقیف_وکیل_اوو_صمد_اوغلو
@qanadli_duyqular
سن بیزیم بولودوموز ایدین
آنجاق باشقا بیر یئرده یاغدین...
#رسول_یونان
@qanadli_duyqular
کونول
اویما هر زولفو قارا سئوگيلی جانانه کونول
بو وفاسیزلار ائدرلر سنی دیوانه کونول
مومکون اولدوغجا چالیش یانمایاسان عشق اودونا
شمع‌دن گور نه چکیر هر گئجه پروانه کونول
سن هله عشق کمندینده اسیر اولمامیسان
اویما مجنون کیمی هر زولفی پریشانه کونول
گولده اولسایدی وفا خاریله یار اولماز ایدی
بولبولون آهی یاییلمازدی گولوستانه کونول
آشنا اولماق عبث‌دیر بو پری چهره‌لره
یئنه بیر گون اولاجاق‌لار سنه بیگانه کونول
سئودییین اولسا زولئیخای زمان سن یوسیف
فکر ائدیب سالدیراجاغدیر سنی زندانه کونول
واحیدین عومرو بوتون نازلی گوزل‌لرله کئچیب
بو حقیقت سوزو ظن ائیله‌مه افسانه کؤنول
#علی_آقا_واحید
#گون_آیدین
@qanadli_duyqular
یوللارا باخماقدان گؤزوم یورولدو
سنی چاغیرماقدان سؤزوم یورولدو
ایراده یورولدو، دؤزوم یورولدو
ائی منیم عینادیم، سن یورولمادین!
یئرلره، گؤیلره سالدین سس-صدا
اوجا ذیروه‌لری گتیردین یادا
اوفوقلر نه قدر گئنیش اولسا دا،
ائی قولوم-قانادیم، سن یورولمادین!
بوتون عؤمرون بویو یاردین، یاراتدین
آرزویا یئتیشدین، مطلبه چاتدین
روحوما اویوشدون، کؤنلومه یاتدین
زحمتیم، اوستادیم، سن یورولمادین!
دوشمن، بوستانیما خئیلی داش آتدی
گاه مؤحکم توتدوردو، گاه یاواش آتدی
تمیزلیک، حالاللیق سنی یاشاتدی،
مغرور استعدادیم، سن یورولمادین...
#زلیمخان_یعقوب
@qanadli_duyqular
سئوگیلیم، بیر بیلمه‌دین سنسیز نه مؤحنت چکمیشم!
بی‌وجود اغیارلردن چوخ اذیّت چکمیشم.
ذؤوق وصلین خاطیره گلدیکجه، غمدن آغلارام،
اؤزگه بیر جانانه سانما دیلده حسرت چکمیشم!
مَه جمالین گؤرمه‌یه بیگانه فورصت وئرمه‌دی،
صوبح اولونجا هر گئجه، کویوندا نؤوبت چکمیشم.
«بی‌وفالیق رسمینی ترک ائت!» دئدیم، ترک ائتمه‌دین.
سندن اؤترو یالواریب اغیاره مینّت چکمیشم.
وصل یار اولماز میسّر هر بلاکش عاشیقه،
من صداقتله بو یولدا چوخ موصیبت چکمیشم.
اؤزگه‌نی دیندیردی اؤز یاریم، منی دیندیرمه‌دی،
ایندی گؤر «واحید»! خجالتدن نه ذیلّت چکمیشم.!...
#علی_آقا_واحید
@qanadli_duyqular
ائله داریخمیشام ائله دولموشام
بو گئجه باشیمدا دار هاواسی وار
اوتاغیم اوشویور شعریم اوشویور
قارا ساچلاریمدا قار هاواسی وار
سوکوتا بورونن ثانییه لرده
یاشیل آرزیلاریم چورومک ده دیر
قالانیب گؤزومه حسرتین داغی
دووار لار اوستومه یورومک ده دیر
داریخان کوچه نین قاش قاباغیندا
قارقیشام ، قابارام، یارایام ایندی
بو چیلپاق گئجه ده بو قار گئجه ده
گئدیرم اؤزومو آرایام ایندی
یئنه ده سنسیزلیک یئنه ده آغری
یئنه ده باغچالار آغلاییر منی
آجی لحظه لر ده یاغیشین سسی
"یاشیل یارپاق‌لار"ا باغلاییر منی
#دومان_بختیاری
@qanadli_duyqular
ووصال داغلارینین دومان دادی وار
سیزلایان کؤنلومون کامان دادی وار
گیزلی‌جه سئومه‌یین یامان دادی وار
سنی گیزلی-گیزلی سئوه‌جه‌یم من
#مهران_عباسیان
@qanadli_duyqular
قاییدیب گَلمه‌دین هاردا قالمیسان
سَنسیز اومیدلر ده دوشوب چَتینه
تَپه‌دن دیرناغا سوال اولموسان
بَهانه گَزیرم خَیانتینه....
#واحید_عزیز
@qanadli_duyqular
مَحَببت باغیندا آچان چیچکلر
کاش‌کی واختیندان تئز سارالمازدیلار
آللاه اینسانلاری جوت یارادسایدی
اینسانلار بو دَیقه تَک قالمازدیلار
مَن سَنه نئیله‌دیم، بیر جاواب سؤيله
خَیانت گؤرمه‌دین، گوناه گؤرمه‌دین
مَنی بوگونومده تَرک ائدیب گئتمه
بَلکه گئجه اؤلدوم، صاباح گؤرمه‌دیم
اورک وار چیرپینیر سئوگیدن اؤترو
اورک وار یاشاییر حؤرمت-خَطیره
اورک وار کیمسه‌سیز ائوه بَنزه‌ییر
چؤلو خارابادی، ایچی خاطیره
مَنیم بو دَردیمه گؤی‌لر آغلاییر
مَنیم ده دَردیمی چَکیر بولودلار
بولودون خَطرینه دَییبلر یئنه
حَسرتله گؤز یاشی تؤکور بولودلار
آساند ایش دَییل کی سئویب-سئویلمک
سئوگی اوجباتیندان داغیلیر اینسان
بَعضن فیکیرلرله باش-باشا قالیر
اؤزو اؤز ایچینده بوغولور اینسان...
#سامیر_جبراییللی
#یاساق_سئوگی
@qanadli_duyqular
مکتوب
یوخلوغون چتیندیر منه، عزیزیم!
بلکه قاییداسان، دوشون دریندن!
بیر مکتوب یازیرام سنه، عزیزیم!
آیریلیق گونونون ایلک سحریندن.
بو ائوده هله ده وار، آیاق ایزین-
اوتاقدان اوتاغا آپاریر منی.
داراغدا ساچلارین، گوزگوده اوزون،
من نئجه بیر یئره توپلاییم سنی؟
اومیدیم اریییر داها گئت-گئده،
قلبیمین کونجونه قیسیلیب قالیب.
سنین ان سئودییین کؤینه‌ییمده‌ده،
ساچی‌نین بیر تئلی آسیلیب قالیب.
گؤزوم بیر نؤقطه‌یه باخیر آن‌با‌آن،
دیقّت ائت، گؤر هاردان هارا گلمیسن!
ان اوزون جومله‌یه سیغمایان آدام!
کیچیک بیر نؤقطه‌یه سیغا بیلمیسن.
گئدَنه آغلاماق غریبه ایشدیر،
گولومسه گلنده، آغلا گئدنده!
سندن‌ده هئچ گؤزوم سو ایچمه‌میشدی،
بو قدَر گؤز یاشی هارداندی منده؟!
#خزر_سلیمانلی
@qanadli_duyqular
هر کس اؤز ایشینه باخسین دئییل، هر کس اؤز ایچینه باخسین داها گؤزل.
#جاهید_ظریف_اوغلو
@qanadli_duyqular
منی دوشون...
اونوتما...
...سونسوز بیر محشرین اورتاسیندا
بیر زمزم سویو کیمی
سنی اؤزله‌ییرم...
#یوسوف_حایال‌اوغلو
#گون_آیدین
@qanadli_duyqular
سئودیگین گؤزلین ایلک گؤروشونه،
سن چالیش الی بوش، چیچک‌سیز گئتمه!
ایلک گؤروش، سئوگینین ایلک نغمه‌سی‌دیر
چیچک‌سیز گئتسن ده، اورک‌سیز گئتمه...!
#سلیمان_رستم
@qanadli_duyqular
آشیان مرغ دل، زلف پریشانیندادیر؛
قاندا اولسام ای پری کؤنلوم سنین یانیندادیر
عشق دردیله خوشام، ال چک علاجیمدان طبیب
قیلما درمان کیم، هلاکیم زهری درمانیندادیر
#فضولی
@qanadli_duyqular
آچيلمير اۆره‌گيم ،گۆلمه‌يير اۆزوم،
قسمتيم آيريليق اولاندان بری،
عشقيمين چيچه‌گي گؤزل نرگيزيم
درمه‌ميش ساراليب سولاندان بری.
گؤيلر چمنلره سپنده ژاله،
گلير خياليما ياناغی لاله،
آخير گؤزلريمدن گۆموش شلاله،
کاروانيم يوللاردا قالاندان بری.
آ داغلار، دينله‌ين کؤنول نغمه‌سين،
اليمده آغلايان غم کمنچه‌سين،
يار يادينا سالمير ايللر خسته‌سين،
طالع کؤهلنيمدن سالاندان بری.
پوزولماميش حقدن اولان يازيلار،
پلنگه دؤنوبدو يالتاق تازيلار.
قالدی گؤزلريمده شيرين آرزولار،
فلک قاناديمی يولاندان بری.
داشقينام، شيرينکن اولموشام آجی،
نه دوست ياخين گلير، نه قارداش-باجی،
قويولدو باشيما قوجاليق تاجی،
تنزُّل طبيلين چالاندان بری..
#مظاهیر_داشقين
@qanadli_duyqular
من دلی دئییلم، مجنون دئییلم
دئسه‌لر قاتمیشام، ائشیت اینانما
استکان-استکان مورگوله‌ییرم
دئسه‌لر یاتمیشام، ائشیت اینانما
قاتميشام توت ايله شانى اوزومو
آسفالتا قویموشام قانلی اوزومو
دوققوزونجو قاتدان یئره اؤزومو-
دئسه‌لر آتمیشام، ائشیت اینانما
گئدیرم أینیمده آل قوماشیم وار
توپراغین آلتیندا یار-یولداشیم وار
اویما ساچلاریما، قیرخ‌بیر یاشیم وار
دئسه‌لر آلتمیشام، ائشیت اینانما
#سئور_شهابی
@qanadli_duyqular