6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
تاماشا قؽسادیر، منیم عزیزیم،
بیز اوْینادیغیمیز روْللار فرقلی دیر.
فایدا یوْخ آختارساق بیر- بیریمیزی
چۆنکی چؽخدیغیمیز یوْللار فرقلی دیر..
#ائلنۇر_علی_یئو
@qanadli_duyqular
تک‌لنمه!
دوست آراسی یول چکیلمز
دوست آراسی یول سؤکولمز
طالع هر واخت اوزه گولمز
تک‌لنمه کؤنول!
بیر اوتاقدا بیر سن، بیر من
گل-ها-گل لر هانی، بیلمم
سون گومان دا ایتسه بیردن-
تک‌لنمه کؤنول!
اؤز دردینه اورتاق دا اول
اؤز ایچینده دوستاق دا اول
دؤن اؤزونه بیچاق دا اول
تک‌لنمه کونؤل!
بو منزیلین سونو موشکول
ذیروه‌یه‌جن یویورموشدون
دره‌سینه غفیل دوشدون
تک‌لنمه کؤنول!
آرازیما کؤرپو آسا
دویونو یوخ بیر نغمه، سال
سون وورغونو سون نغمه سان
تک‌لنمه کؤنول!
#ممد_آراز
@qanadli_duyqular
یارپاق تؤکومونه باخا بیلمیرم،
اوره‌ییم یارپاق تک تیتره‌ییر، اسیر.
کولک بوداق‌لارا غم چیله‌ییر، غم،
قلبیمده گیزلی بیر هیجان گزیر.
یارپاق تؤکومونه باخا بیلمیرم.
بیر زامان یاشیل‌دی محبّت کیمی،
یئنه یارپاقلارین هیجرانی گلدی.
دوشوب آیاغینا صداقت کیمی،
یارپاقلار آغاجا یالواریر ایندی.
یارپاق تؤکومونه باخا بیلمیرم.
مئشه‌ده بیر یارپاق دنیزی چاغلار،
دالغا هئیکلی‌دیر هر توپا خزل.
تؤکولن بو الچیم ساری یارپاقلار،
جیریلیب آتیلمیش مکتوبا بنزر.
یارپاق تؤکومونه باخا بیلمیرم
بو پاییز گونونون حسرتی آغیر،
قلبیمده گؤینه‌ین تنها بیر ایزدی.
گؤیدن یارپاقلارین اؤلوسو یاغیر،
چمنلر ائله بیل اؤلو دنیزدی.
یارپاق تؤکومونه باخا بیلمیرم...
#نوصرت_کسمنلی
@qanadli_duyqular
آی فلک
اوتانیم یئرینه سنین آی فلک
آغ آپّاق اورگی قاره ائیلدین
دردلری اینسانا پای وئریب ایندی
دئدین بس اینسانا چاره ائیلدین؟
عار چکن قریلدی فلک الینن
هر کس آیئلاندا باشینا ویردون
اوتانیم یئرینه، قوجا یئرینه
قوجانی ساغ آلدیب، جوانی قیردین
کافتارلار یئرینه مئشه جیرانن
نه یامان سالمیسان تله‌یه فلک
چرکین اورک‌لره، میدانی وئریب
یاخجی اورک‌لره، وورورسان کلک
لال اول کی گونلدوزوم اولوب قارانیق
محبت دیلنیر ایندی اینسانلار
حاییف کی دئییرسن حیوان آزالیب
اینسانلار شکلینده چوخدور حیوانلار
اباسلط دردلردن بؤیوک درد بودور
باجی‌لار جهازسیز ائوده آغلاییر
آنالار قیزینا جهاز یئرینه
آغارمیش ساچ‌لارین تحفه باغلاییر
چوماقلار جنگینه داها آز قالیر
بو دؤنه ائویوی ییخاجاق فلک
اوچونجو جنگیده بمب آتم‌لار
سنیده بیزیم تک سیخاجاق فلک
#اباسط_پورحسن
@qanadli_duyqular
گلیم !
تنهالیقدان داریخیرسان، بیلیرم.
بیزدن باشلا، سیزه قدر سای، گلیم!
صبرین چاتمیر گؤزله‌مه‌یه بلکه ده،
بیردن باشلا یۆزه قدر سای، گلیم.
...
یالانلاردان دۆزو سئچیب گله‌جم،
بیزدن چیخیب، سیزه کؤچوب گله‌جم،
چایدان کئچیب، سئلدن کئچیب گله‌جم،
داغدان باشلا دۆزه قدر سای، گلیم!
#ووقار_بایراموف
@qanadli_duyqular
دۆشدۆ یئنه دلی کؤنۆل گؤزلرینین خیالینه
کیم نه بیلیر بو کؤنلۆمۆن فیکری نه دیر،خیالی نه؟
آل ایله آلا گؤزلرین آلدادی آلدی کؤنلۆمۆ
آلینی گؤر نه آل ائدیر،کیمسه ایریشمز آلینه
قییمتینی دوْداغی نین دگمه خسیسه سوْرما کیم،
من بیلیرم کی جان ایله سوسامیشام زۆلالینه
گؤزلرینه اسیر اوْلان،حالینی کؤنلۆمۆن بیلیر
کیم کی بو حالا دۆشمه دی،قوْی وارا کندی حالینه
سیررینی شول قارا بنی یاناغی شرح ائدر،ولی
جان نوْلا گر فدا اوْلایاناغینا و خالینه
دادلی سؤزۆندن اوتانیر،آب حیات محو اوْلور
گۆل به شکر نه نسنه دیر،کیم ایریشه مقالینه
حۆسن جمال و صورتین،مجلیسی برکمال ایریر
شرح و بیان و وصف ایله عقل ایره مز کمالینه
یۆزۆنۆ ،قاشینی گؤره ن،قارشی به قارشی،یۆز به یۆز
سانما کی باخا اوْ کؤنۆل بدرینه و هیلالینه
آی ایله گۆن سجود ائدر،صورتینی گؤرۆجه ییز
بو نه جمال و حۆسن اوْلور؟صلی علی جمالینه
بولدو نسیمی چۆن سنی،کئچدی هامیدان ای صنم!
قوْیدو حریر و اطلسی،گیردی عبا و شالینه
#عمادالدین_نسیمی
#گون_آیدین
@qanadli_duyqular
اللریم ساچینا چاتا بیلمه دی
اومودسوز داراغیم کوسولو گئتدی
بیرشیرین اؤپوشله باشلار سئوگی لر
آجیان دوداغیم کوسولو گئتدی
توتدون اللریمدن دونیا دایاندی
-من سنی سئویرم – دیلده یاراندی
بیلمه دیم نه اولدو!نه دن اوساندی
باغیشلا قوجاغیم کوسولو گئتدی
باخیشلار قاباقجا اوتاغا گلدی
قیزاردی بُوزاردی یاناغا گلدی
سئومک سوزجوک لری قاباغا گلدی
قیزاران یاناغیم کوسولو گئتدی
بیر سویوق گئجه ده قار اوستونده قار
گلمه میش گئدیردین –گئتمه نه اولار؟-
لامپالار دالینجا گؤز ووروردولار
بیر یاغ سیز چیراغیم کوسولو گئتدی
باریشماق ایسته دی منده قوشمالار
سن ایله یازیلا ,سنده قوشمالار
بیردن دومان دوشدو!چن ده قوشمالار...
نئیله ییم واراغیم کوسولو گئتدی
#رامیز_رؤوشن
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
بو قوربانی اولدوغوم تانریدا
بیلمیرم بو نه عادت دیر،
بو نه عادت
پولو اولانا پول وئریر،
ائوی اولانا عیمارت
کاسیبی دا اونوتمور
اونادا
درد اوستوندن درد وئریر
#فیکرت_صادیق
@qanadli_duyqular
بیر قادین سئورسه ،
سئودیییندن باشقا بیر شئی، دوشونمز.
حیسلری،
مئهریبانلیغی،
توخونوب-اوخشاماغی،
جاندان کئچمه یی،
هامیسی سئودیگی اوچون اولار ...
#آلفونس_دوده
@qanadli_duyqular
"خان باجیما"
.......آه!
او آمانسیز،
او تومان سیز،
اوتومن سیز ، گونلریمیز!
سن،
باجی ده ییل ، "آنا" اولموشدون اوشاقلارا !
آنامیز چؤللرده چؤرک آختاریردی .
آتامیز ائوینه دیرک.
یازیق آنام !
گونده چؤرک ......... ،
یوخ ! یوخ !
گونده اوره ک یاپاردی !
دان یئری سؤکولنده دوراردی.
اون اوچ قارینین "تهنه‌سین" دولدوراردی.
اون اوچ پیلله قالخار،
اون اوچ پیلله یئنردی.
هر پیلله ده،
اون اوچ یؤنه دؤنردی !!
تندیری هینردن دوشردی.
هؤووشنه دن ، دؤیونردی اوره‌یی،
یئیین .............یئیین !
گؤزوندن یازیقلیق یاغیشی اه‌له‌نردی.
هوندور ، قیرمیزی ، کؤک آت‌لی سئیید،
"تاق" !"تاق" قاپی دؤیوب دیله‌نردی.
اوست ـ باشی اونلو،
اه‌لی خمیرلی ، یاشماق دوتوب ، قاپی یا قاچاردی ، آنام.
ساخسی "سئحین" ی بوغدای لا دولو!
قاپینی آچاردی ، آنام.
سئییدین ـ خئییر ـ دوعاسی دوداغینا گولوش قوندوراردی.
اومود یوندوراردی سؤز آغاجیندان ، آناما !
نه‌یه ، نییه تاپینیردی خئییرـ دوعا سئییدینه؟!
بونو دوشونمه دن ،
هوروت ، هوروت آنامیزا باخاردیق.
سن ده . من ده.
او هر دؤنه دوداغیندا گولوش دؤنردی ،قاپیمیزدان.
بیزده بیرـ بیریمیزه باخیب گولوشردیک!
سن ، آنامیزین "چادرا" سی باشیندا گزه ر دین.
خمیز ازه‌ردین. کونده سالاردین !
ایشله دیک.
"کوت دن" "ته‌ت " دن دیشله‌دیک.
بویودوک.
هره میز بیر یول یولچوسو اولدوق.
اون اوچ قاپی دؤیدوک.
اون اوچ پنجره آچدیق.
اون اوچ "آلن یمیزین" یازیسی بنزه‌مه‌دی بیری ـ بیرینه.
آرالاندیق.
یارالاندیق . باجی !
اوزاق دوشدوک ، هره‌میز، "بیر" ده مینه ال آتیب ، باشینا فیرلاندیغیمیز ،
اورتا دیره‌ک دن !!
#اوستاد_عقیل_مرادی
@qanadli_duyqular
اینسان...
پاراسینی ایتیرینجه کاسیب،
اؤزگورلویونو ایتیرینجه اسیر،
سئوگیسینی ایتیرینجه شاعیر اولارمیش !
#اؤزدئمیر_آصف
#گون_آیدین
@qanadli_duyqular
دیلیم دینمز، کیرپیکلریم سس ائلر
نئجه خوشدور ,اوره‌گیمی کس ائله...
قالان عؤمره ياريم اورک بس ائلر
اونوت منی، آلدات منی، آت منی
ائنیشی قار، یوخوشو قار بو یولون
یاد نفسدن بوز قایاسی سو اولو...
یالان یولو بئش آددیملیق سو یولو
آلدات منی، اونوت منی، آت منی
سن عؤمرونون آتشينده ياناندا
کؤلگه کیمی گرکسیزم یانیندا
قییمتلی بیر ایتیک ساخلا یادیندا
اونوت منی، آلدات منی، آت منی
گؤزدن-گؤزه کؤرپو سالماق نر ایشدی
باخیشلارین مئیلینی تئز دییشدی
تزه آددیم اؤزو تزه دؤيوشدو
آلدات منی، اونوت منی، آت منی
بو سئودادان نه یئتیردیک، نه اوزدوک؟
دالغاسیندان نه غرق اولدوق، نه اوزدوک
آخیر سنی دوزده قویدو بو دوزلوک...
اونوت منی، آلدات منی، آت منی
#ممد_آراز
@qanadli_duyqular
#دوقتور_جواد_هئیت_روحونا
اوز توتوب تانری‌یا گؤی‌لره گئتدین،
سنه گؤی آغلادی اولدوز آغلادی.
نئجه آغلامایاق باشسیز قالماغا،
سنه یئتیم قالان تبریز آغلادی.
قالدین اوزاق‌لاردا اَلیم چاتمادی،
اولدوزلار یوخلادی گؤزوم یاتمادی.
بایراقدا اولدوزون هئچ واخت باتمادی،
آرخانجا دان یئری گوندوز آغلادی.
گئتدییین یول‌لارین قاییتمازینا،
اوخشادیق آغلادیق یاسلی سازینا.
دورنالار دوزولدو سون نامازینا،
بولودلار هؤنکوردو دنیز آغلادی.
صمدیم آرازدا، کرم آراندا،
جانسیز اورمو گؤلوم قالدی هایاندا.
سنه دده قورقود لای لا چالاندا،
بابکیم دیز چؤکوب یالقیز آغلادی.
یئنه‌ده شئه‌لیدی گؤزو داغلارین،
دؤنوبدو دیلغمه سؤزو داغلارین.
بورونوب « دومانا» گؤزو داغلارین،
دیلسیز نانالارا یارپیز آغلادی.
#دومان_سفر_اوغلو
@qanadli_duyqular
Hacıbaba Hüseynov - Rast muğami
Hacıbaba Hüseynov - Rast muğami
Hacıbaba Hüseynov - Rast muğami
زنجیر_بیر_طرف‌ده
بزم ایچره شمعِ رویو، جانانه بیر طرف‌ده
من بیر طرف‌ده یاننام، پروانه بیر طرف‌ده
بیر یاندا زولف لئیلی، بیر یاندا آهِ مجنون
زنجیر بیر طرف‌ده، دیوانه بیر طرف‌ده
بیر اوزده تارِ گیسو، بیر اوزده خالِ هندو
بیر دام بیر طرف‌ده، بیر دانه بیر طرف‌ده
مسجدده خالق یاتمیش، واعظ نصیحت ائیلر،
افسرده بیر طرف‌ده، افسانه بیر طرف‌ده
مئی شیشه‌ده گول ال‌ده ناگاه نیگار گلدی
مئی قالدی بیر طرف‌ده، پئیمانه بیر طرف‌ده.
زاهد سؤزون شکردیر، سؤز بوردا قالسین آمما،
دلدار بیر طرف‌ده، مئیخانه بیر طرف‌ده.
#یوسف دئیر فَهیمَم، زاهد دئیر جنون‌دور،
گنجینه بیر طرف‌ده، ویرانه بیر طرف‌ده.
#میرزا_عبدالخالق_یوسف
@qanadli_duyqular
حاییف واختیمیز آزدی
هوسی آلوو ساچیب،نفسی گول قوخویان
بولبول‌دو،یوخسا اینسان بئله قاینار اوخویان
بو نه گؤزل نغمه دی،بو نه گؤزل آوازدی
دینله‌مک ایسته‌ییریک،حاییف واختیمیز آزدی
بو اینجه دؤندرمه‌لر،ظریف خاللار کیمین‌دیر
بو موقددس آرزولار ،خوش خیاللار کیمین‌دیر
کوُنوللره اوُد ووران کیمین چالدیغی سازدی
اوخوماق ایسته‌ییریک حاییف واختیمیز آزدی
گوُزه‌للیگی-گؤزلی گؤزوموزدن قویموروق
آی"زلیمخان"دونیادان یورولموروق دویموروق
حیات دا هئچ سوروشمور کیمین ایشی تارازدی
یاشاماق ایسته‌ییریک حاییف واختیمیز آزدی
#زلیمخان_یعقوب
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
کین ساخلایان کؤنلوم یوخدور
نه سن اوشاق، نه من اوشاق
کوسوب آغلایان دئییلم!
دانیشیرسان، گل دانیشاق
سئوگی قوجاق آچیب بیزه
عشقین سورمه‌سین چک گؤزه
سونمک یاراشمازکی کؤزه
آلیشیرسان، گل آلیشاق
خایاللاردان بئزدیک آخی
کؤنول قوشون اوزدوک آخی
هرنه‌یی اودوزدوق آخی
باریشیرسان، گل باریشاق.
#مهدی_سربازی_علمداری
@qanadli_duyqular
سَن مَنیم یازیمدا بیرینجی یاغیش
سَن مَنیم قیشیمدا سونونجو قارسان
من سَنین اودونلا کول اولان اوجاق
سَن مَندن سونرا دا آلوولانارسان
سَن مَنیم آلنیمدا پوزولان یازی
سَن مَنیم گَلمه‌ین یوخولاریمسان
سَن مَنیم روحوما حاکیم کَسیلن
توکنمک بیلمه‌ین قورخولاریمسان
سَن مَندن اوزاقدا، لاپ چوخ اوزاقدا
شاختالی گئجه‌ده آییم کیمیسن
سَن مَنیم عؤمرومده اَن شیرین یالان
سَن مَنیم اولمایان پاییم کیمیسن
سَن مَنیم یئتیشه بیلمه‌یه‌جه‌ییم
شیرین آرزولاریم، خَیاللاریمسان
سَن مَنیم اوخویوب، خوشبخت اولدوغوم
یاشانا بیلمه‌ین ناغیللاریمسان
سَن مَنیم چاره‌سیز آخان گؤز یاشیم
سَن مَنیم سون سؤزوم، سَن سون نیدامسان!
سَن مَنیم دونیادان آیری بیر دونیام
سَن مَنیم اَلویدام، مَنیم ویدامسان.
#سامیر_افسراوغلو
@qanadli_duyqular
بیر ده قوشلار وار حاکیم بَی
هر شئیین سببی اونلاردیر؛
اونلار سالیر آزادلیغی اینسانین بئینینه...
#احمد_عاریف
@qanadli_duyqular
#پنجره‌لر
نییه گلمیر کوچه‌میزدن داهی یار، پنجره‌لر؟!
باغلامیشدیق آخی بیز عهد و قرار، پنجره‌لر!
بیلمیرم، بلکه اونوتموش، داها سئومیر او منی،
بلکه ده یوللارا یاغمیش داها قار، پنجره‌لر!
هئی ساییر لحظه‌لری، سینه‌ده چیلغین اوره‌ییم،
بلکه اونسوز یورولوب ایندی دورار، پنجره‌لر!
گاه خیال پنجره‌سیندن باخیرام، یاری گؤرم،
گؤرورم کی گول آچیب باغداکی نار، پنجره‌لر!
دئدی: باخ یوللاریما! گوللر آچاندا گلرم.
نییه واختسیز سارالیب-سولدو باهار؟ پنجره‌لر!
سانکی ایللر بویو حسرت باخیشیمدا قالاجاق،
توزلو تورپاقلا بئله توتما غوبار، پنجره‌لر!
منی دیللندیرن عشقینده، اونون گؤزلریدی،
او دا منسیز بیلیرم یاشلی قالار، پنجره‌لر!
چالدیم هجران هاواسین، آخ، سازیمین سیندی تئلی!
بیر موغام من اوخودوم، آغلادی تار، پنجره‌لر!
آغریدان ایلهام آلیب- دالغا ووروب- آخدی آراز،
«حسن»ین گوز یاشی‌تک هر دم آخار، پنجره‌لر!...
#حسن_قلی‌پور
@qanadli_duyqular
ائله اینتهاسیز داریخیرام کی
دیلیمده اَن شیرین سؤزوم داریخیر
نَملی کیرپیییمین سیغال چَکدییی
چوخورو گؤللنمیش گؤزوم داریخیر
ائله اینتهاسیز داریخیرام کی...
بو شَهَرین مَنَم غَریب ساکینی
قایغی‌لاردان یوسون توتموش اوره‌ییم
قاریشدیرمیش نیفرت ایله سئوگینی
ائله اینتهاسیز داریخیرام کی...
اوزاق دوشر سئوینج، کَدَر بویلانار
پَنجره‌می خیسین-خیسین دؤیَج‌لر
قارانقوشو یولا سالان سون باهار
ائله اینتهاسیز داریخیرام کی...
اوزریمده ناکام آرزو کؤلگه‌سی
بو دونیایا روحوم سیغمیر اَزَلدن
یَقین، اودور داریخماغین بَلکه‌سی.
#آیسل_نصیرزاده
@qanadli_duyqular
تاپانچانین اوجونو آرخادان قویور باشیما
آتام همیشه دئیه‌ردی اوغول سیلاح داشیما
-باشین بدنده آغیرلیق ائدیر جاوان دئیه‌سن
سورو تک آرخادان-اؤندن تؤکولدولر باشیما
دالان-بوروق کوچه‌ده گولله‌لر قوواندا بیزی
بیری قابیرقاما ده‌یدی اوبیرسی قارداشیما
جانیم دوداقدا،ده‌لینمیش،ییخیلمیشام قاپی‌دا...
هله آنام نیگران‌دی ضرر گله قاشیما
خوروز یومورتا قویان یئرده کیم گؤروردو منی
حئییفلنیردی قوجا سئوگیمه، جاوان یاشیما
باشین بدنده آغیرلیق ائدیر دئیه‌ن کارآگاه
اؤبور طرف‌ده سؤیوش یاغدیریردی یولداشیما
کؤتهله‌نیب، جانا گلدیم؛دانیشمادیم و اولار-
گؤزوم اؤنونده نئچه دامجی تؤکدولر آشیما
کیم آد وئریب آخی سسلندیم آرخایینجا دئدی
نه فرقی وار بیزی کیم ساتدی اوستونو قاشیما
#آتیلا_حاجیزاده
@qanadli_duyqular
گؤزلرين قلبيندن خبرسیز سئوسه
عشقين گؤی‌لريندن ائنَرسَن گولوم
عاغیل محبته چیراغ اولماسا
یولوندان یاریمچیق دؤنرسن گولوم
گونلرین آه‌ایله وای اولوب گئدر
ايللرين ظولمته تای اولوب گئدر
گؤزل جاوانليغين ضای اولوب گئدر
سو دَيميش اود كيمی سؤنرسن گولوم
یوز یول هارایلا سن اؤتَن گونلری
عؤمرون بیرجه گونو قاییتماز گئری
گل ائشيت بهمن‌ی، ای نازلی پری
سونرادان اود توتوب یانارسان گولوم.
#بهمن_وطن_اوغلو
@qanadli_duyqular
یئنه آخشام،
یئنه پاییز،
یئنه یالقیز!
یئنه سنین نه آغرین وار،
تک باشینا، اییده لیکده؟..
گوزلرین
قان چاناغینا چئوریلمیش؛
اوره یینده
قوور ائیله ین یارالارین رنگیندن می؟
یا شَفَقین
خزل اولموش یاپراقلاردا یانسی سیندان،
هانسی سیندان؟..
یازیق شاعیر،
سن، هئچ، باهار گوردون مو؟!.
او، چوخدان اوتموشدو...
آنجاق،
عطری ایله - پاییز یئلی گولَشیردی
َ- کوچه ده -
یولجولار
باهاری آختاریردیلار!..
#رحیم_گوزل
@qanadli_duyqular
بو چیچه‌یین گؤزلرینده یاشا باخ!
بو چیچه‌یی یاندیریبدیر غم اودو
زار-زار اؤتن او یارالی قوشا باخ!
بئله گئتسه آغلاداجاق بولودو
نئجه دؤزسون، آنا تورپاق بو درده؟
بوداق-بوداق یارالانیب آغاجلار
بیر یارالی، بیر طوفانلی سحرده ،
بوداغیندان آرالانیب آغاجلار
بو چیناردا گولله یئری قارالار
نئجه باخیم بو چینارا ایندی من؟
چوخ دریندیر سینه‌نده‌کی یارالار
دردلرینه قوربان اولوم آی وطن...!
#مدینه_گلگون
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
هَر باغین هَر باغچانین بیر بولبولِ شئیداسی وار
هَر دویان قَلبین، عَزیزیم ، گیزلی بیر سئوداسی وار
روحو اوخشار، قَلبی اوخشار اینجه بیر جانان سَسی
گاه گولر، گاه آغلایار، هَر دَمده بیر مَعناسی وار
جان آلان هَر نَغمه‌نین مَعناسی یالنیز عشقدیر
گؤز گؤروب اَل چاتمایان اولدوزلو بیر دونیاسی وار
دَردِ هیجران گونلریله عؤمرو اودلاردان کئچر
هَر کؤنول بیر کارواندیر، بیر سوسوز صَحراسی وار
بؤیله بیر سؤز وارکی وورغون ، ایندی بیر مَجنون اولوب
شئعر و صَنعت آدلانان نازنده بیر لئیلاسی وار
#صمد_وورغون
@qanadli_duyqular
#گون_آیدین_دیلداشلاریم
دونیانین بوتون سؤزجوکلری الیمیزده ایدی
و بو دیل نه‌یه یارار؟
چونکو،
فقط بیر سؤز آرادا یوخ ایدی:
آزادلیق و‌عدالت...
#احمد_شاملو
@qanadli_duyqular
پاییز یاغیشی
بیر بولود قیوریلیر گؤی اوزلرینده
هارداسا بیر یارپاق سوزالیر بلکه
یوخوسو پوزولور دنیزلرینده
هارداسا بیر مئشه آزالیر بلکه
پاییز ناغیللارین ساری گلینی
گؤیلر قورشاغیلا باغلار بئلینی
تؤکور دورنالاری یارپاق تئلینی
اللری اللردن اوزولور بلکه
یاغ پاییز یاغیشی یاغ نارین – نارین
یاشیل ایسته ییسن بو سون باهارین
روحوندا یاشیللیق یاشادانلارین
طالعی یاغیشلا یازیلیر بلکه
قایتار بو چایلارین پئریکمیش گوجون
داشی بو ائللردن پاییزلیق کؤچون
گوللر گوللویینه قاییتماق اوچون-
دنیزلر گؤیلردن سوزولور بلکه
سن اول یاغیشلارین داها گؤیچه‌یی
بیتیر بورچالیدا تبریز چیچه‌یی
کاماندار سازینین گوموش لچه‌یی
بوتون سینه‌لره دوزولور بلکه
باشیمدا دلی سوو بیر آرزو گزَر
آرزیم آرزیسینا تامارزی گزَر
گؤیلردن تؤکولور دئیه‌سن خَزَر
دونیامیز پاکلانیر دوزه‌لیر بلکه!
#علی_جوادپور
#گون_آیدین
@qanadli_duyqular