6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
ساوادسیزدیر،
آدینی دا یازا بیلمیر
منیم آنام...
آنجاق منه،
سای اؤیردیب،
آی اؤیردیب،
ایل اؤیردیب؛
اَن واجیبی:
دیل اؤیردیب
منیم آنام...
بو دیل ایله تانیمیشام
هم سئوینجی،
هم ده غمی...
بو دیل ایله یاراتمیشام
هر شئعریمی،
هر نغمه‌می.
یوخ، من هئچم،
من یالانام،
کیتاب-کیتاب سؤزلریمین
مۆلّیفی - منیم آنام!..
#بختییار_واهابزاده
@qanadli_duyqular
آنا هدیّه‌سی
آنام ناماز اوسته ال آچیب گؤیه؛
آللاها یالواریر -«یا ربّیم»- دئیه
«سنسن خلق ائله‌ین گؤیلری، یئری
جاندان شیرین اولور بالا؛ آی آللاه!
سن منیم عؤمرومدن کسیب ایللری،
بالامین عؤمرونه جالا؛ آی آللاه!»
بو نه‌دیر؟ آرزویا، دیله‌یه بیر باخ!
گؤر بیر نه‌لر کئچیر آنا قلبیندن؟!
چوخدور بو دونیادا هدیّه؛ آنجاق-
عؤموردن هدیّه گؤرممیشم من.
ایسترم بیر «آنا»، بیر «بالا» سؤزو،
لوغتده سؤزلرین اؤنونده گئده.
اوجا اولدوغوندان آنانین اؤزو،
اوجادیر، بؤیوکدور هدیّه‌سی ده.
چوخدور هدیّه‌لر اینسان آدینا:
قیمتلی زینت‌لر، قیمتلی داشلار.
آنا حیات وئریر اؤز اؤولادینا،
همده اؤز عؤمروندن عؤمور باغیشلار...
#بختیار_واهابزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
سنین محبتین ، عشقین اولماسا
آچارمی چیچه ییم ، گولوم قاداسی
دئیسین دوداقلاریما بال دوداقلارین
بیراز لذت آلسین دیلیم قاداسی
نه واختدیر گوزومدن اوزاقدیر ائللر
یارالی گویچه م وار ، یوخوما گلر
نییه لال اولوب سوسوب دو دیللر
سویله سببینی بیلیم قاداسی
ایللردی چکدییم حسرتیم سن - سن
عشقیم سن ، جانیم سان ، اولفتیم سن - سن
منیم سئوگی آدلی ثروتیم سن - سن
اوءلسم قوجاغیندا اوءلوم قاداسی
کوءنلوم دیوانه دی سندن اوءته ری
اودونا یاندیغیم گوندن اوءته ری
پروانه کئچنمز سندن اوءته ری
سن چاغیر یانماغا گلیم قاداسی
#پروانه_ممدلی
@qanadli_duyqular
قارا ساچلاریمدا بیر محبتله
آغ ساچلی آنامین اللری گزدی:
-"اؤلوم قاباغیندا، بو نه دیر بئله؟
ساچینا دن دوشوب! یوخ هله تئزدی"
دریادا گمی‌سی غرق اولدو سانکی
دولوخدو، ائله بیل قیریلدی قولوم
-"هله نه واختین‌دیر، اوشاقسان سن کی
ساچینا، دن دوشوب آغارا اوغلوم؟"
نئیله‌ییم، نه گلر الیمدن منیم
بس نئجه قورویوم اونو آی آمان؟!
شوه ساچلاریما دوشن، دن منیم
ساچی قار آناما درد اولدو یامان!
#کامال_رضا
@qanadli_duyqular
عؤمور باغچاسینین ، سون باهاریندا
یاغیش بیزیم اولسون قار بیزیم اولسون
چیلله گئجه سینده بیاض بوقچادا
حئیوا بیزیم اولسون نار بیزیم اولسون
قار قالان قوزئیین قوجاق لاریندا
یاشیل باغچامیزین بوجاق لاریندا
بو اوزون گئجه نین اوجاق لاریندا
ماهنی بیزیم اولسون تار بیزیم اولسون
ائلیمین امه گی دؤنمه سین زایا
طالئعی یازیلسین اولدوزا آیا
سئوگیمیز جالانسین قوجا دونیایا
دولت بیزیم اولسون واربیزیم اولسون
بو قاری گئجه ده بو قار گئجه ده
بو چیلپاق گئجه ده بو دار گئجه ده
بو داغلی، دومانلی ، قابار گئجه ده
یارا بیزیم اولسون یار بیزیم اولسون
#دومان_بختیاری
@qanadli_duyqular
آغیز یئمیشی
بیر گون آغیز قالی بوش،
بیر گون دولو داد اولی*
گون وار کی، هئچ زاد اولماز،
گون وار کی هر زاد اولی.
بختین دورسا، گؤررسن-
یادلار قوهوم-قارداشدی.
آمما بختین یاتاندا،
قوهوم-قارداش یاد اولی.
چالیش، آدین گلنده-
رحمت اوخونسون سنه!
دونیادا سندن قالان،
آخیردا بیر آد اولی.
گؤردون ایشین اَییلدی،
دورما، اکیل، گؤزدن ایت!
دوستون گؤرر داریخار،
دوشمن گؤرر شاد اولی.
#اوستاد_شهریار
#گون_آیدین
@qanadli_duyqular
قارسیز قیش گئجه‌سی
دیلیم سؤزلریمین قوللوغوندا
ماهنی‌سیز بیر ایلنجه، سارالمیش بیر سئوینج
اللریمده دونان چیچکلر
قاپیمیزدا قار آدامی،
بیر فیلیم چک… گولوشلریمدن
گؤزلرین گؤیرسین قاپ باجامیزدا
باخیشین هئیوا قوخوسون
بیر شکیل چک دیلیمدن سؤزلریمین بورنو قاناسین
قیسا بیر شعیر اوخویوم ماشینیمین طالعیندن
اوخویوم کؤلگه‌مین اقتدارینی
نومره‌سیز تئلئفونلاردان،
امنیت: خیرداجا قارا بالیق گؤی اوزو دنیز
شعیریمی باغلا دیلیمه قاپیمیز قاشینسین
هر شئی هر زامان،
دویولا بیلر
امنیت ده!
#مسعود_اسلامی
@qanadli_duyqular
"عؤمور"
دئییرلر، چوْخ آزدؽر یۆز ایل، اللی ایل،
اینسانا بیر عؤمور کیفایت دئییل.
هله ایسیتمه میش اؤز یئریمیزی
اؤلوم جلّاد اوْلوب حاقلایؽر بیزی.
دئییرلر، شیریندیر دادؽ دۆنیانین،
کاش ایکی اوْلایدی عؤمرۆ اینسانؽن.
نولا، چالؽشسایدیق عؤمرۆن بیرینده،
سوْنرا اَیلنَه دیک بیز دیگرینده.
هره اؤز عؤمرۆنه بیر جۆره باخمؽش،
هره بۇ دۆنیانی بیر جۆره آنلار.
جاهاندا بس نه‌دن ذؤوق آلاجاقمؽش،
زحمتین اؤزوندن ذؤوق آلمایانلار؟
یۆز-یوز عؤمور بئله آزدؽر دوْغروسو
بیر عؤمرۆ اینسانا آز سایانلارا
حرامدؽر بۇ هاوا، حرامدؽر بۇ سۇ
اَیلنمک عشقیله یاشایانلارا.
یاشاماق، یانماقدؽر، یاناسان گرک،
حیاتؽن معناسؽ یالنؽز اوْندادیر
شام اگر یانماسا، یاشامؽر دئمک
اوْنون دا حیاتؽ یانماغؽندادیر.
عؤمرو آز اوْلسا دا، قارتال یئنمه‌دی
دئدی، سمالاردا اؤز اوْیلاغیم وار.
عؤمرۆن آزلؽغیندان گیلئیلنمه‌دی
عؤمرۆ اینسان کیمی باشا وۇرانلار.
«بو دۆنیا بئش گۆندور»،- دئییب هر یئرده
ساغ ایکن قبیرده اۇزانان دا وار.
اؤز آلؽن تر ایله بیرجه عؤمورده
یوز اینسان عؤمرۆنو قازانان دا وار.
#بختیار_وهابزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
«جللاد! سنین قالاق-قالاق #یاندێردێغێن_کیتابلار»
جللاد! سنین قالاق-قالاق یاندێردێغێن کیتابلار
مین کامالین شُهرتی‌دیر، مین اۆرگین آرزێسێ…
بیز کؤچَریک بو دۆنیادان، اوْنلار قالێر یادیگار.
هر ورقه نقش اوْلونموش نئچه اینسان دوُیغوسو
مین کامالین شُهرتی‌دیر، مین اۆرگین آرزێسێ…
یاندێردێغێن اوْ کیتابلار آلوْولانیر… یاخشێ باخ!
اوْ آلوْولار شوعله چکیب شفق سالێر ظولمته…
شاعرلرین نجیب روحو مزارێندان قالخاراق
آلقێش دئییر عشقى بؤیۆک، بیر قهرمان میلّـته.
اوْ آلوْولار شوعله چکیب شفق سالێر ظولمته…
جللاد! منیم دیلیمده‌دیر بایاتێلار، قوْشمالار
دئه، اوْنلارێ هئچ دوُیدومو سنین اوْ داش اۆرگین؟
هر گرایلى پرده‌سینده مین آنانێن قلبى وار…
هر شیکسته‌م اولادێ‌دێر بیر موقدّس دیله‌یین
دئه اوْنلارێ هئچ دوُیدومو سنین اوْ داش اۆرگین؟
سؤیله‌سن مى خوْر باخێرسان منیم شئعیر دیلیمه؟
قوْجا شرقین شُهرتی‌دیر فضولی‌نین غزلى!
سن مى «تُرک خر» دئییرسن اوُلوُسوُما، ائلیمه؟
داهی‌لره سۆد وئرمیشدیر آزربایجان گؤزلى…
قوْجا شرقین شُهرتی‌دیر فضولی‌نین غزلى!
جللاد! یانێب اوْد اوْلسا دا، کۆله دؤنمز آرزێلار
طبیعتین آنا قلبى قوُل دوْغمامێش اینسانێ!
هر اۆرگین اؤز دۆنیاسى بیر سعادت آرزێلار
قانلار ایله یازیلمێشدێر هر آزادلێق دستانى...
طبیعتین آنا قلبى قوُل دوْغمامێش اینسانێ!
ازل باشدان دوشمنیمدیر اۆزۆ موردار قارانلێق…
هر توْرپاغێن اؤز عشقى وار، هر میلّـتین اؤز آدێ
کاییناتا دَ‌ییشمرم شُهرتیمى بیر آنلێق
منم اوْدلار اؤلکه‌سی‌نین گۆنش دوْنلو اولادێ!
هر توْرپاغێن اؤز عشقى وار، هر میلّتین اؤز آدێ!
نَدیر اوْ دار آغاجلارێ، دئه، کیملردیر آسێلان؟
اوْیونجاق مى گلیر سنه وطنیمین حاق سسى؟
دایان! دایان! اوْیاق گزیر هر اۆر‌کده بیر آسلان
بوْغازێندان یاپێشاجاق اوْنون قادیر پنجه‌سى
اوْیونجاق مى گلیر سنه وطنیمین حاق سسى؟
جللاد! سن مى، دئه، قێرێرسان فدایی‌لر نسلینى؟
میلّتیمین صاف قانێ‌دێر قوُرد کیمى ایچدیگین قان!
زامان گلیر… من دوُیورام اوْنون آیاق سسینى
شهیدلرین قیام روُحو یاپێشاجاق یاخاندان
میلّتیمین صاف قانێ‌دێر قوُرد کیمى ایچدیگین قان!...
بیر ورقله تاریخلرى، اوُتان منیم قارشێمدا
آنام تومریس کسمه‌دى مى کِیخسروون باشێنێ؟
کوْراوغلونون، ستارخانێن چَلنگى وار باشێمدا
نسیللریم قوْیمایاجاق داش اۆستۆنده داشێنێ
آنام تومریس کسمه‌دى مى کِیخسروون باشێنێ؟
سۆر آتێنێ، دؤرد نالا چاپ! مئیدان سنیندیر… آنجاق
من گؤرۆرم آل گئیینیب گلن باهار فصلینى…
قوْجا شرقین گۆنشیدیر یاراندێغێم بو توْرپاق
من یئتیردیم آل بایراقلێ اینقلابلار نسلینى
من گؤرۆرم آل گئیینیب گلن باهار فصلینى!
#صمد_وورغون
@qanadli_duyqular
یاشاماق یانماقدیر، یاناسان گرک،
حیاتین معناسی یالنیز اوندادیر.
شام اگر یانمیرسا، یاشامیر دئمک،
اونون دا حیاتی یانماغیندادیر.
عؤمور باشدان باشا، بئشیکدن قبره،
حیاتین سئوینجی، غمی دئییل می؟
اؤلوم بیر عؤمورلوک ایضطراب‌لارین،
آغرینین، آجینین جمعی دئییل می؟
کئچیر مقاملار دا گونده یوز الدن،
هانسی گیزلی ال‌دیر پوزان، دوزَلدن؟
سنین گؤوندییین دونیا ازلدن،
اکیلن، بیچیلن زمی دئییل می...؟
#بختیار_واهابزاده
@qanadli_duyqular
💰به من بپیوندید تا با شرکت در کمپین ها جوایز کسب کنید و همچنین می توانید جوایز هنگفت ایردراپ را دریافت کنید!
https://share.bwb.global/invite_earn_coin?inviteCode=XySHs5&utmSource=referral2.0_invitefriend&ad_id=
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
یارانیش آتئلیه سینده یاشامین ساهات بیرایدی
قاب ایچینده توپراق ایدیم اؤز اؤز اوستومه قالاندیم
نئچه دامجی آرتیریلدی هوس ایله عقل ائسانسی
اولو اوستانین الینده یئترینجه سیخجالاندیم
داها قالیبیمده دوندوم یئنی هئیکلیم دوزلدی
کوره ده پیشیب داش اولدوم دالیسی گؤزل بویاندیم
صاباحی الکتریک تک باشیما وئریلدی بیر شوک
جان آلیب بیر آز تیتیردیم بئله لیکله من یاراندیم
دئدیلر آدام یاراندی آرالاردا دوشدو های کوی
بئله لیک یارانمامیشدان اؤزومه بیر آد قازاندیم
نئچه اعتراضچی گؤردوم پلاکارت الینده بیردن
دئدیلر کی قان تؤکن سن بو سؤزه شاشیب دایاندیم
اؤنومه آچیلدی جننت بیله مه وئریلدی نئعمت
نه تلاش نه ایش نه زحمت باشارینجا فایدالاندیم
گئجه حوری لایلاسی لا نئچه قات کئف ایچره یاتدیم
مله یین قانات سس ایله سحر اویغودان اویاندیم
آرا گونده گلدی سئودا منه اوخشاییردی آمما
گؤره رک اونو بیر آندا اوره ییمده سئودالاندیم
نئچه یول مئساژ وئریلدی دؤنه لر چیخیب گؤروشدوک
نئچه یول الی الیمده خیابانلاری دولاندیم
بو دولانمالاردا بیر گون بیر آغاجدا میوه گؤردوک
یاخینا گئدنده گؤردوم یازیلیب یاساق دایاندیم
دئدی سئودا آلمالاردان بیرینی یئیک دئدیم یوخ
دئدی آز یئسک سوچ اولماز نه یازیق کی قورشالاندیم
یئیه رک او میوه لردن حالیمیز بیر آز قاریشدی
آجی بیر اولایلار اولدو قیزاریب یامان اوتاندیم
داها پرده لر چکیلدی عیان اولدو هر نه گیزلین
نئچه یارپاق ایلا اوتلا تلسیکجه چولقالاندیم
پولیسین ونی یئتیشدی ایکی قارقا تک ملکله
توتولوب کؤتک یئیه ر کن وجودوم آلیشدی یاندیم
داها محکمه م قورولدو قوجا ژوری هئیت ایله
سوچومو سوراندا من دن نه قبول ائدیب نه داندیم
اولو قاضی نین قراری یئره سورگون ائدمک اولدو
خبر اولمادی باغیشدان جزالار لا بومبالاندیم
قاپیلار آچیلدی دالدان منه بیر تپیک وورولدو
ائله شددت ایله دوشدوم سو تکین یئره جالاندیم
گؤز آچیب باخاندا گؤردوم یئره دوشموشم یاتاقدان
باشیما گلن لرین تام یوخو اولماسین ایناندیم
#آرسان
@qanadli_duyqular
"محببتین"
نازیلدیب، عزیزیم، دردین_مؤحنتین،
ائیله ییب قددیمی توک محببتین!
بونا اؤزگه آدلار قویماق نه لازیم _
من کی وورغونویام تک محببتین!
آندین هاردا قالدی، ساتیلدین کیمه؟!
داغ چکدین ألینله دردلی سینه مه ،
دئدیم شربتینی سوز پیاله مه _
دئمه دیم زه هه رین تؤک محببتین!
ائله کی یار دئدین، سئویرم دئدین،
گؤز یاشی آخیتدین، دئییب گولمه دین،
"شوجاعت" صفاسین سوره بیلمه دین_
باری جفاسینی چک محببتین...!!!
#شوجاعت_کلبجرلی
@qanadli_duyqular
قیرمیزی چیراغی گودن بیر اوشاق
سیلیر آرابانین کیرلی شوشه‌سین
بالاجا قوللاری یورغون دوششه‌ده،
بیراخا بیلمیردی سیرلی پئشه‌سین
هر گون سحر- سحر یولا چیخاندا
قاراجا طالئعی جانین سیخیردی
یامان گون- دیریلیک فیکیرینه دالیب
درین خایاللاردا هئی ویرنیخیردی...
بیر گون بیر دایانمیش آرابا ایچره
حسرت‌لی بیر باخیش فیکرینی قاتدی
دریسی قیریشمیش، تیتره‌یه‌ن ال‌لر
یارا اوریین‌ده دردی اویاتدی...
ایکی گؤز تیکیلدی بیر آریق اوزه
بو نئجه ایش؟ سوردو اؤزندن اوشاق
نه‌دن‌دیر بو خانیم مات قالیب بئله؟
نه‌دن چکیر داغلی اورییمه داغ
آخی کیمسه‌سیزم من بو دونیادا
بو یاشا گلدیم‌سه کسیم اولمادی
اولسون تانری اولسون! بو دا بیر سیناق
چکدیگیم سیناقلار بسیم اولمادی!؟
هر چکدیگی دستمال بیر آلوو اولدو
قان‌لی تَر بورودو بوتون گووده‌سین
پولونو آلماغا اووجون آچاندا
اؤزو ائشیدیردی اؤز اورک سس‌ین
بیردن یومدو الین، ایسته‌مز- دئدی؛
یولوز آچیق اولسون أمه‌ییم‌سه پای
اونسوزدا بیر قابیل پارا دییل کی!
ایچرسیز بلکه بیر دوراجاق دا چای...
گولومسه‌ندی اوزو، دولدو گؤزلری
یاشا اوغول دئدی سن آل پارانی
محببتین بَسیم، لوطفون اینانجیم
شیرین آغیز خشله بو بال پارانی
یئرین‌ده مات قالمیش بالاجا اوشاق
عوذور دیله‌یه‌رک آلمارام دئدی
پاییمی قایتارما بیلیرم آزدیر...
قایتارسان بورادا قالمارام دئدی
بیر - ایکی دییل کی ها بول آرابا...
ها بول توزلو شوشه، ها بول پارالار
آرخانا دؤن مین‌لر آرابایا باخ
بو پای‌یی‌مین یئرین البت پای آلار
آما سیزدن تکجه ریجام اولاجاق
بیر سورغوما جاواب وئرین اولورسا
منه باخیب- باخیب نه‌دن دولدونوز؟
باغیش دیله‌ییرم سورغوم یورورسا...
آرابایی چکیب قیراغا، اندی...
بالاجا اللری آلدی قوینونا
اوزونو- اوزونه دایادی بیردن
دئدی گؤرَو کچدی، سورغون بوینونا...
یئرین‌ده قوروموش بالاجا اوشاق
دیلی، توتار- توتماز، سؤیله‌یین دئدی
آخی تانیشمادیم سیز له اؤنجه‌دن
بوینوما بیچدیییز گؤرَویز نه‌دی!؟
یاشیل گؤزلر یاشی سئل اولمادایدی
ایستی ال‌لر داها بوزا دؤنوردو
بالاجا اوشاغین مات گؤزلرینده
یاشیل‌جا پارلایان چیراق سؤنوردو
آغلامایین دئدی، سیز آللاه یئتر
بیلسه‌ایدیم پارامی پای ائله‌مزدیم
جانیم سیزه قوربان، جانیمی اوزدوز
بیلسه‌ایدیم دردیزی چای ائله‌مزدیم
ائله دئمه دئدی ائله دانیشما!!
سنه جانیم قوربان اوزولمه من‌دن
دردیم آغیر درد-دی، اوغول داریخما
اوزونه باخدیقجا دویمورام سندن
آدینی سؤیلرسن نه موتلو منه
آخی نه سسله‌ییم سنی- قالمیشام
جانیم آلماسی سان یاری بؤلونموش هارام‌دابسله‌ییم سنی- قالمیشام!
اوتانا - اوتانا سؤیلندی اوشاق؛
یار- یولداش دیلیجه، اومود سسله‌یین
نه گیملیگیم واردی نه آتام- آنام...
له‌له له‌ری کؤچموش بیر یورد سسله‌یین
سؤیلندی او خانیم، اومودوم- اومود...
منیم اومودلاریم، اومودسوز اولدو
کؤچدو له‌له‌م کؤچدو، هئچ قاییتمادی
سینم‌ده حسرتی، نه یوردسوز اولدو!!
سنه چوخ بنزه‌یه‌ن بیر اوغلو تانری،
ییرمی ایل‌دن سونرا، پای وئردی منه
آی اوتاندی گئجه، اونو گؤرونجه...
یئر اوزره پارلایان آی وئردی منه
دونیامی دییشدی هر بیر گولوشو
دونیا منیم اولدو اوزونو گؤرجک!
باشینا دولاندیم گئجه لی گؤندوز
آللاه شوکور دئدیم، قوزومو گؤرجک
فلک- فلک- فلک...چرخی داغیلسین
اون ایکی یاشیندا داغلادی منی
آی‌ی‌می الیمدن آلدی بیر گئجه
کؤنول‌لر داغ‌ینا باغلادی منی...
سنی بیرآز اؤنجه گؤردویوم آندا
بیلیرسن می منه نه‌لر اولدو مو؟
سورغونون جاوابین آلدین می؟دینجَل!
بیلدین کی گؤزلریم نه‌دن دولدو مو؟
واریم چوخ- مالیم چوخ آما نه فایدا
بوتونو بیر کاغید- پیتیییم اولسون...
جانی دا رازی‌یام اوستونده وئرم!
الیمده تکجه بیر ایتیییم اولسون
آما گؤره وین نه ایندی سؤیله‌ییم؛
جانیم سسله‌یرسه‌م جانا دئ اوغول
میننت قوی باشیما، باشینا دؤنوم!
ایندن سونرا منه، آنا دئ اوغول...
#مهدی_سربازی_علمداری
@qanadli_duyqular
قادین اولماسایدیم اگر،
قازان‌لارین، قاب‌لارین،
نیمچه‌لرین، چؤمچه‌لرین
عالمیندن قاچاردیم.
سحری دنیز قیراغیندا،
قایالارین اوستونده آچاردیم.
جییَرلریم دولوسو
نفس آلاردیم دنیز هاواسیلا.
باش- باشا قالاردیم،
ساحیل‌لرینین گؤزه گؤرونمه‌ین
صفاسیلا.
سینه‌می آچاردیم
سحر روزگارینا.
حزین-حزین،
گیله-گیله،
نغمه‌لر قوشاردیم
«آبشئرون» داغ‌لارینا.
اوره‌ییم بو مطبخ عالمینده
یامان داریخیر.
من،
بیرآزجا دا شاعیرم آخی...
#نیگار_رفیع‌بی‌لی
@qanadli_duyqular
ال‌لرين اليمه دَیمه‌يه‌يدی كاش،
ساچلارين اوزومه توخونمايايدی.
گرک اوّل‌کی تک سن اوره‌یی داش،
ائله اوّل‌کی تک سايماز اولايدين.
بو ايستی‌لیک هاردان؟! سن كی بوز ایدین.
قلبيمدن سن نييه اووجوما دوشدون؟
سن منه ال‌چاتماز بير اولدوز ايدين،
گؤيلردن قولومون اوستونه دوشدون
بو دا ووصال گونو...يوخ، سئوينمیرم،
ايندی داريخيرام بس نه‌لر اوچون؟
من می بو ذیروه‌يه چيخديم، بيلميرم،
يوخسا سن داريخدين دره‌لر اوچون؟
دونَنه يول يوخدور ...زامان آپارد‌ی،
تأسّوف زامانا چاتار می گؤرن؟
داها سنه گلن يوللار قوتاردی،
آرزودان او یانا يول وار می گؤرن؟
اؤتن گون‌لریمه بير عوممان دئديم،
بوشالدی اوره‌ییم... دولمور کی، دولمور.
ساحیله چاتميشام... هارايا گئدیم؟
دنيزه مقصدسیز قاییتماق اولمور...
#نوصرت_کسمنلی
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
غمِ پنهان منی اؤلدوردو، بو هم بیر غم کی:
گۆل‌رُخوم اولمادی آگَه غمِ پنهانیمدان.
«آه» ایدی هم‌نفسیم، آه کی اول هم آخر،
چیخدی اکراه قیلیب کلبه‌ی احزانیمدان.
#حکیم_ملا_محمد_فضولی
#چیلله_نی_فضولی_اوخویاق
#چیلله_نیز_قوتلو_اولسون
@qanadli_duyqular
❗️‼️توجه توجه ‼️❗️
✅فروش vpn نامحدود یکماه فقط 100t با پشتیبانی ۲۴ ساعته ...
✅سرور تک کاربر نامحدود 100t
✅سرور دوکاربر نامحدود 160t
✅سرور سه کاربر نامحدود 260t
و...
🏅تعداد کاربر بالا موجوده تخفیف در صورت معرفی یا خرید بیشتر ...
👌رضایت و چنل اعتمادمون
@amirv2vpn
جهت خرید و تست سرور به آیدی زیر پیام بدید
@amirv2_vpn
🦾🦾🦾🦾🦾
منی نه سن گؤردون، نه اؤزوم گؤردوم،
گلیب یانیمیزدان کئچدیم، یاشادیم.
من عشقین گؤیونه قالخا بیلمه‌دیم،
من سنین دردینه دوشدوم یاشادیم.
داها بو عؤمورله بیر ساواشیم یوخ
داها بو اورک‌دن آغیر داشیم یوخ
اویاق گؤزوم اولدو، آییق باشیم یوخ
بیر باده وئرمیشدین، ایچدیم، یاشادیم.
بیر گون اورک دینیب اوساندیم دئییر
بیر گون اورک، منی نه ساندیر دئییر؟!
گولوم! سنسیز اؤلمک آساندی دئیه-
سنسیز یاشاماغی سئچدیم، یاشادیم.
#ائلشن_عظیم
@qanadli_duyqular
یئنه ده گؤزلریم گؤزونده قالیب
گؤردویوم مَعنایا قوربان اولارام!
اَگَر حَقیقت‌سن، مَن حَقیقته
رؤیاسان، رؤیایا قوربان اولارام!
صؤحبتین شیریندی، گولوشون تَزه
سالدین اوره‌ییمی عشقه، هَوَسه.
سَن آیاق باسدیغین او یولا، ایزه،
چَمَنه، صَحرایا قوربان اولارام!
چاتسین هَر مورادین باشا دونیادا!
بیر آرزون دَیمه‌سین داشا دونیادا!
بو دونیا گؤزلدیر، یاشا دونیادا!
سَن اولان دونیایا قوربان اولارام...!
#نریمان_حسنزاده
@qanadli_duyqular
سحر سنسیز آچیلیر
گئجه اولور بیلیرسن؟
سنسیزلییه دؤزمه-مک،
نئجه اولور، بیلیرسن؟
#قیسمت_رستم_اوف
#گئجه_نیز_دینج
@qanadli_duyqular
یاندی...اوجاغیندا تاپیندی ائللر،
یانماسا مینلردن بیری‌یمیش کرم.
بئله آلیشماسا کیم نه بیلیردی-
اؤلویموش یوخسا کی دیری‌یمیش کرم؟
بو قدر «یار» دئییب گزمک اولارمی،
بو قدر اوره‌یی اوزمک اولارمی،
بو قدر هیجرانا دؤزمک اولارمی؟
ائلیمین پلنگی، شیری‌یمیش کرم.
درد اولدو کامانا یئنه دویمه‌لر،
کول اولدو سوورولدو گؤیه دویمه‌لر.
نییه آچیلمادی، نییه دویمه‌لر؟
عشقین مؤعجوزه‌سی، پیری‌یمیش کرم.
سازلا هاوالاندی، تئل‌‌له اوینادی،
بم‌له آغیرلاشدی، زیل‌له اوینادی،
«زلیمخان» اوجاق‌لا کول‌له اوینادی.
سئوگینین مکّه‌سی، پیری‌یمیش کرم.
#زلیمخان_یعقوب
@qanadli_duyqular
سئوگیلی! بیر باشقا گؤزلسن بو گون،
آی کیمی‌سن. پیریل-پیریل گولوشون.
گؤزل‌لر بایرام گونلری سوسله‌نر،
سنسه بایراملاری سوسله‌یر اوزون...
چئویرمه
#عؤمر_خیام
#گون_آیدین
@qanadli_duyqular
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
قیسا بیر گئجه‌له‌مه‌دیر دونیا،
گوناه و جهنّم آراسیندا.
گونش،
بیر سؤیوش کیمی دوغور
و گوندوز،
اؤده‌نیلمز بیر اوتانج‌دیر.
آه...
گؤز یاشیمدا بوغولمادان،
بیر شئی سؤیله...!
#احمد_شاملو
#گئجه_نیز_دینج
@qanadli_duyqular
"اوزون یول‌لار کئچیب، گلمیشم" دئدی
قویما گوزلریندن ایراغا منی
من گنج‌لیک دئییلم، وفاسیز چیخام
بنزتمه گئده‌ری قوناغا منی
#مدینه_گولگون
@qanadli_duyqular