6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
بیلمه‌سین
ائله اؤپوم دوداغینی،
آغزینداکی دیل بیلمه‌سین.
قوجوم اینجه کمرینی،
کمر بیلسین، بئل بیلمه‌سین.
شئهه دؤنوم یاناغیندا
چیچک آچیم بوداغیندا
یاتیم ایستی قوجاغیندا
چمن دویوب چول بیلمه‌سین.
«محبّت‌دیر حیات» دئدیم
عشقین دردین-غمین یئدیم
سیزه ائله گلیم-گئدیم،
کول دوشونوب یول بیلمه‌سین.
«ستّار»ام؛ گونشیم، آییم
سن‌سن منیم عؤمور پاییم.
ساچینی ائله داراییم،
داراق بیلسین، تئل بیلمه‌سین...
#ستار_گلمحمدی
@qanadli_duyqular
جاوان یاشدا بیر درویشدیم،
هارا گلدیم، چاشیب گلدیم.
اؤزگه آتینا مینمیشدیم،
اؤز خوشوملا دوشوب گلدیم.
بیر الیمده داش اویناتدیم،
بیر الیمی بوش اویناتدیم،
اورک قوودوم، باش اویناتدیم،
بیر بالاجا بیشیب گلدیم.
گؤردوم کی دوزدن کئچیرلر،
اَییلیب بیزدن کئچیرلر،
تورپاغین اوستدن کئچیرلر،
من آلتیندان کئچیب گلدیم.
#رامیز_قوسار_چایلی
@qanadli_duyqular
دئییرسن عفو ائیله گناهلاریمی ،
یاز سئلی ، قوروموش بوداغا نئیلر ؟!
اۆرک دن قیمتلی نه ییم واریدی ؟
جان اولسا یولوندا صدقه نئیلر ؟!
یاندیم یانانلارا قاریشدی کۆلوم ،
گؤزله دیم نه یامان گئجیکدی اؤلوم،
او داغین قارتالی اوچوبسا گۆلوم،
بوش قالان زیروه سی بو داغا نئیلر ؟!
"آلقاییدام" عاصی دۆشدوم فله یه ،
دینله مه دین ، سیزلامادین دئ نییه ؟
بوزا دؤنموش ، او سنگیمیش اۆره یه
تزه دن بو قوروق - قاداغا نئیلر ؟!
#رحمتلیک_آلقایید_خلیل_اف
@qanadli_duyqular
مینلرجه گؤزل اولسا دا هر میلّت ایچینده،
اولماز سنه بنزر، گؤزلیم، خلقت ایچینده.
هجرینده نه‌لر چکدیگیمی، وصلینه یئتسم،
بیر-بیر سنه عرض ائیله‌یه‌رم صؤحبت ایچینده.
اول زلفِ پریشانه او گوندن کی اسیرم،
مجنون دئییلیر آدیما جمعیّت ایچینده.
کویوندا صفا چکمه‌یه یول وئرمه رقیبه!
یوخدور یئری خائین آدامین جنّت ایچینده.
بیگانه سؤزون آچما منه، غوصّه‌دن اؤللَم،
بیماره ایچیرتمه زهَری شربت ایچینده!
مین جاذبه واردیر، گؤزَلیم، مست گؤزونده،
اینسان سنه باخدیقجا قالیر حئیرت ایچینده.
«واحید!» منی هردم کی گؤروب دیندیریر اول شوخ،
کؤنلوم آچیلیر، روحوم اوچور لذّت ایچینده.
#علی_آقا_واحید
@qanadli_duyqular
محبّت بیر بلادیر کی، یوخدور اونون درمانی،
عاشیق جانی ترک ائتسه ده، آتا بیلمز جانانی.
محبّتین زنجیرینه باغلاناندان، هر گئجه،
سالار زولفو حالقاسینا قلبیمده‌کی حالقانی.
دئدی: بوتون عؤمرو قویسان، یئتیشرسن وصلیمه،
ممنون ائتدی منی، آمما توتمادی بو پیمانی.
ایندی نئجه بئل باغلاییم او دلدارین عهدینه؟
عؤمور گؤدک، فله‌یین‌سه یوخدور بیزه احسانی.
#خاقانی_شیروانی
@qanadli_duyqular
تانیماز
گئری دؤنسه جاوانليغيم مات قالار
هونكور هونكور آغلار منی تانيماز
دانيشارام درد آليشار ديليمده
او بخته ور چاغلار منی تانیماز
اؤيره نميشم هر عذابا دؤزه رم
كول اولموشام بيرده چتین کؤزه رم
اوره ييمدن توتا توتا گزه رم
او باغچالار باغلار منی تانیماز
کوُورلمیشم گؤزومده نم گلمیشم
قوجالمیشام قلبیمده غم گلمیشم
آند ایچسم‌کی"شجاعت"م گلمیشم
یئنه آنا داغلار منی تانيماز .
#شوجاعت_احمدلی
@qanadli_duyqular
جاوان یاشدا بیر درویشدیم،
هارا گلدیم، چاشیب گلدیم.
اؤزگه آتینا مینمیشدیم،
اؤز خوشوملا دوشوب گلدیم.
بیر الیمده داش اویناتدیم،
بیر الیمی بوش اویناتدیم،
اورک قوودوم، باش اویناتدیم،
بیر بالاجا بیشیب گلدیم.
گؤردوم کی دوزدن کئچیرلر،
اَییلیب بیزدن کئچیرلر،
تورپاغین اوستدن کئچیرلر،
من آلتیندان کئچیب گلدیم.
#رامیز_قوسارچایلی
@qanadli_duyqular
اَن گوُزل گون‌لریم سنین‌له کئچدی،
دادینی یادیمدان چیخارتمامیشام!
یانیب کول اولموشام، آمما هله ده _
اودونو یادیمدان چیخارتمامیشام!
اَلیمده الینین شفاسی قالیب،
قلبیمده گوُزونون صفاسی قالیب،
آدینین دوُرد حریف وفاسی قالیب _
آدینی یادیمدان چیخارتمامیشام!
قوخوندو یاراشان گوله اَن گوُزل،
ملک‌ده یوخویموش بئله، اَن گوُزل،
یادیم نه گوُزل‌میش! هله اَن گوُزل _
قادینی یادیمدان چیخارتمامیشام!
#والح_قوجا
@qanadli_duyqular
چوخداندیر بورنومون اوجو گؤینه‌ییر،
شیرین صؤحبتیندن _ سؤزوندن اؤترو!
صؤحبت بهانه‌دیر، واللاه آی دده _
اؤزوم دیوانه‌یم اؤزوندن اؤترو!
کؤنلومده بیر دلی حسرت کیشنه‌دی،
بو دونیا گؤزومده سنسیز هئچ نه‌دیر
اؤزوم ده بیلمیرم نییه تشنه‌دی
گؤزوم گوربولاغین گؤزوندن اؤترو!
کوسمه‌یه حاققی وار او داغلارین دا
لیل‌پارلی_یارپیزلی بولاقلارین دا
بیر ایل یاریم‌دیر کی دوداقلاریمدا
بیر اؤپوش گؤینه‌ییر اوزوندن اؤترو!
باهار یال_یاماجا گول اَله‌ییب‌دیر
خیالیم او یئره ایمکله‌ییب‌دیر
سینه‌مده غم_غصه چیچکله‌ییب‌دیر
باش یوردون چیچکلی دوزوندن اؤترو!
میخ تؤکن ذیروه‌سی گؤز دیکسین بیزه
او داغلار نریله دوراق اوز _ اوزه
دده، بالا، قارداش، دوراق دیز_دیزه
دیزیم حسرت چکیر دیزیندن اؤترو!
حؤصله‌م توکنیب آجی ایل ساییر
هر گون گؤروشونه اومید باغلاییر
مرمر سکی‌لرده ایزیم آغلاییر
شئحلی چمنده‌کی ایزیندن اؤترو!
#شاهمار_اکبرزاده
@qanadli_duyqular
چون" اومان یئردن کۆسرلر" بیر مثلدیر خالق آرا
کۆسدویوم بی جا دییلدیر، آشنادن کۆسموشم...
#ملا_پناه_واقیف
@qanadli_duyqular
اویاق ایکن یوخو گؤرورم سنی
نئیسان آیی سسینده جانلانیر
جالانیر یوخولاریما
یوخولاریم داشیر
اویاقلیغیما یاغیش یاغیر
بیر کیوسک آختاریرام
نؤمره‌نی توتمادان دسته‌یی آلیب الیمه دانیشیرام
اویاقلیقدا یوخو گؤرورم
بیر ده باخیرام
سسی‌نین یئرینه چیچک گؤیریب تلفوندا
#حیدر_بیات
@qanadli_duyqular
قابار-قابار آياغيمدا گولوم تيكان دادی وار
و باشماقيم دولوسو لاختا-لاختا قان دادی وار
سحر عطيرلی بنؤوشه كؤچوب قارانقوشلا
بو كئفلی أيری-بوروخ يوللارين ايلان دادی وار
مگر آلاخلاماميشديق بو هرزه اوتلاری بيز
نه اولدو كنديميزين بوغداسيندا خان دادی وار
آماندی قويما كی سؤنسون چيراق ، گئجه بوروسون
قولاقلاريمدا اوشاقليق‌داكی خوخان دادی وار
شوكور كی چايدانيميز قاينايیر شئعیر یازيريق
شوكور كی گؤزلريوين ايندی مئهریبان دادی وار
شهر نه‌جور قازاماتدير، كوچه نه‌جور، قالسين
تيكانلی باغدا چيچك بيتمه‌یين، يامان دادی وار
#محمد_نوین_باراز
@qanadli_duyqular
اوياتسان، اويانماسام!
دومسوكلمه بئليمى
بارماقلاريمدان توتوب
سيلكلمه اليمى
اوياتسان، اويانماسام!
آچيب يومما گؤزومو
تديرگين اللرينله
سيلله‌لمه اوزومو
اوياتسان، اويانماسام!
سولغون-سولغون سيتغاما
منى مندن آلانى
قاتى-قاتى قارغاما
اوياتسان، اويانماسام!
باغرى قارا باغيرما
قوزئيده مورگوله‌ين
قونشولارى، چاغيرما
اوياتسان، اويانماسام!
بيلكى، سنى آتميشام
داها منى اوياتما
چونكو، اؤزوم ياتميشام.
#سئور_شهابی
@qanadli_duyqular
اولدوزلار گرنه‌شیب،گونش یاتاندا
آی بنیزلی قوجا،توستو ساتیردی
آیاق بارماق‌لاری جورابدان چیخیب
قیشین شاختاسینا یومروق آتیردی
ساغ الینده کؤمور،سولدا اوزرلیک
دونیانین گؤزونه دومان سالیردی
یاشیل چیراق‌لاری اوتاندیران‌دا
خئییر-دوعا وئریب پارا آلیردی
دیره‌یین اوستونده یالقیز گؤیرچین
حیات یولداشینی جانلاندیریردی
بیاض بیر ماشیندا قارا بیر جوان
یوزلویو فرمانا دولاندیریردی
فرمانین قاداسین قوجا گؤتوردو
ته‌یرلر آلتیندا ازیلدی باشی
الینده‌کی یازی قانا بویاندی
قارپیز،پخله،پشمک،اونوتما کیشی
#سئور_شهابی
@qanadli_duyqular
صبحه سالدی بو گئجه شمع کیمی قتلیمی هجر
اولا کیم صبح گلینجه ، گله یاریم بو گئجه
پاره-پاره جگریم ایت‌لرینه نذر اولسون
اول سر کویه اگر دۆشسه گذاریم بو گئجه
واریدی صبح وصالینا فضولی امّید
چیخماسا حسرت‌ایله جان فگاریم بو گئجه
#فضولی
@qanadli_duyqular
داریخیرام...
گون باتیر؛ چاغیریر هر جیغیز، هر ایز
باغلار آیریجینا تک چیخیرام من.
یئنه ساکیت-ساکیت اویویور دنیز
فقط توفان اوچون داریخیرام من.
محبّت یوردوندان سئوینج گتیرن،
دوغما سؤزلرینین حسرتینده‌یم.
منه گونش بویدا اومودلار وئرن،
اولدوز گؤزلرینین حسرتینده‌یم...
#نبی_خزری
@qanadli_duyqular
ایندی مَن دایانیب یول آیریجیندا
هئچ‌واخت گلمه‌یه‌جه‌یین یولا باخیرام
نه بو یوللار بیتیر، نه حَسرت بیتیر
او سئوگی قَلبیمدن یوخ اولوب ایتیر
سون بیر نَغمه کیمی
سون ویداع کیمی...
#خزر_سولئیمانلی
@qanadli_duyqular
آخشامدا غریب دی منده غریبم ،
نه لر اورییمدن کئچدی داریخدیم،
ظالم آیریلیقین کامیل اووچوسو،
اوخ آتدی سینمی دئشدی داریخدیم..
نه کؤورک ساعتدی نه کؤورک آندی ،
نفسیم تنگیدی اورییم یاندی،
کپزدن بیر چنگه بولوت بویلاندی ،
خیال اوزاقلار اوچدو داریخدیم..
قوی یازیم واراقی قالماسین آغی،
کیم چکر حسرتی بهمن سایاغی،
چوخدا مقددس دی گنجه تورپاغی،
کلبجر یادیما دوشدو داریخدیم...
#بهمن_وطن_اوغلو
@qanadli_duyqular
دونیانین بوتون سؤزجوکلری الیمیزده ایدی
و بو دیل نه‌یه یارار؟
چونکو،
فقط بیر سؤز آرادا یوخ ایدی:
آزادلیق و‌عدالت...
#احمد_شاملو
@qanadli_duyqular
بیر قریب تانیشین سسینی دویدوم
چاغیردی گئجه‌نین گیزلی قاتیندا
هویوخدوم چکیندیم سوسدوم او یئنه
سس‌لندی بئینیمین یارا چاتیندا
دیلیم توتولاراق کیمسن سویله‌دیم
سویله‌دی بئینینده سیزلایان یارا
دئدیم آی اوتانماز ایتیل گؤزومدن
سن هارا بئینیمده سیزلایان هارا
دئدی حقیقتی دانماق اولارمی؟
من ایللر بویودور سنده یاتانام!
گئجه گؤندوزونو الیندن آلان؛
هم جانینا درمان هم ساراطانام!
گؤزلریم دولارکن بَری گل دئدیم
ای اولان خاطیرین خیدده‌گیمده ایپ
سوردو نه‌قدر من عزیزمی‌یم اوی!!؟
دئدیم حسرت‌لرین ویصال گؤیله‌ییب
یاخینلاشدی آستا آچدیم باغریمی
دئدیم گل سینه‌مه داغلار لالاسی
سورما بونه گوندور بونه دیری‌لیک
سورما نئجه اوچدو ووقار قالاسی
سورما نئجه سولدوم نئجه سارالدیم
سورما ندن گؤره بیلمیرم داها
سورما کیم آپاردی یوسیف‌لیگیمی
سورما نه‌دییه‌جم جاواب آللاها
#مهدی_سربازی_علمداری
@qanadli_duyqular
علی صفر اوغلودان _ ممد آرازا
ممد آراز ! والله بو فانی دونیا،
آخان سئللر دورولماسا ، دوزلمز !
یالانی _ أيری نی ، دوغرو آدینا _
یازان أل لر وورولماسا ، دوزلمز !
حاقسیزلیق چیخیب دیر حددن زیادا
شر آتلی دیر ، خئییر قالیب پیادا
اؤز باشینا جولان ائدن دونیادا _
چوخ قولاق لار بورولماسا ، دوزلمز !
بو گئدیشده خئییر ، شری ییخماسا
زامانین صاحیبی گلیب چیخماسا
آلله اؤزو نظر سالیب باخماسا _
حاق دیوانی قورولماسا ، دوزلمز !
گؤیلری یاندیریر مظلومون اؤنو
شیطان گزه _ گزه آدمین یؤنو
هر کسین عملی قیامت گونو _
بیرجه _ بیرجه سورولماسا، دوزلمز !
حالالین یئرینه حارام أکیلیب
اونا گؤره برکتی چکیلیب
"صفر اوغلو" دونیا تامام سؤکولوب _
حاق اوستونده قورولماسا، دوزلمز !
#علی_صفر_اوغلو
@qanadli_duyqular
کئشگه گونشه سرییب
قورودا بیله‌یدیم،
بو یاش دونیانی!
آریدا بیله‌یدیم،
بو داش دونیانی!
بیر چیمدیک سئوگی‌یه مؤحتاج دونیانی...
#علی_جوادپور
@qanadli_duyqular
گل بیر بئله آچما آرا،
ایتیررسن بیردن منی.
من دئمیرم هرگون آرا،
یوخلا گولوم هردن منی.
سنسیز، یانیب یاخیلیرام،
گونو گوندن، یوخ اولورام،
دوروب یئنه ییخیلیرام،
گل ییغیشدیر یئردن منی.
سن گله‌نه ، چتین قالیم،
حسرتیندن پوزقون حالیم،
یوبانما چوخ آغرین آلیم،
بلکه سون یول، گؤردون منی!
بو سئوگینین ، پایی , ایزی،
سول دؤشومده سانجان سیزی،
بئله گئتسه گئجی - تئزی،
اؤلدوره‌جک دردین منی.
#اصغر_کمالی شجاعی (یانار )
@qanadli_duyqular
دئدین کی،
گزنده چؤلو-چمنی
خاطیرلا منی
دوزلردن آدلادیم، داغ‌لارا واردیم
آخی اونوتمادیم، بیرجه آن سنی،
اگر اونوتسایدیم خاطیرلایاردیم...
#نبی_خزری
#گون_آیدین
@qanadli_duyqular
"اللرینی اوزوب مندن،
یاریم بیر باش گئدن اولدو.
جان دئییب، جان ائشیدردیک
بو آیریلیق ندن اولدو؟
قیزیل گولم، دسته یم من،
بولبولم، قفسده یم من.
گئزیرم من غملی غملی
گؤرن دئییر خسته یم من.
اؤز عشقیمدن، دیلییمدن
آیری دوشدوم ایللرله من
اما سندن آیری گئزن
اورک دئییل، بدن اولدو"
#بختیار_وهابزاده
@qanadli_duyqular
دیوانه‌لیگیم‌دَن
ائل دوشدو بوتون حئیرته دیوانـه‌لیگمدن
سیررین دئمه‌دیم بیر کسه مردانه‌لیگمدن
خاکستر عشقم، منه تحقیرایله باخما
مین گنج چیخار ظاهیره ویرانه‌لیگمدن
مجنون کیمی من بارگهِ عشقی دولاندیم
گئچدیم بو تمنا ایله، شاهانـه‌لیگمدن
مخمور گؤزون فکری‌اییله باده چوخ ایچدیم
هئچ کیمسه ضرر گؤرمه‌دی مستانه‌لیگمدن
هر ماه رُوخون شمع کیمی عشقینه یاندیم!
بیر لحظه خبر توتمادی پروانه‌لیگمدن!
دیوانه‌ی عشق اولماغا هر کیم هوس ائتسـه
اوّلجَه گرک درس آلا رَندانه‌لیگمدن
واحید، من او خاکم، یئنه میخانه‌ده بیر گون
بیر ذؤق یئتر عالمه پیمانه‌لیگمدن
#علی_آقا_واحید
@qanadli_duyqular
حیدر بابا، یار-یوْلداشلار دؤندۆلر!
بیر-بیر منی چؤلده قوْیوب، چؤندۆلر!
چشمه‌لریم، چیراقلارێم، سؤندۆلر!
یامان یئرده گۆن دؤندۆ، آخشام اوْلدو!
دۆنیا منه خرابه‌ی شام اوْلدو!
#اوستاد_شهریار
@qanadli_duyqular
سوروشدو: نئجه‌سن؟
- دئدی: نئجه اولار او ائلین حالی؛ دنیزده اولا، گمی سینا و هر بیریسی بیر تاختایا بند اولا؟
- دئدیلر: چتین اولار.
- دئدی: منیم ده حالیم او تهر دی...
#عطار
@qanadli_duyqular
سحر زامانی‌یدی؛ اسرکن یئللر،
دوشرکن ژاله‌لر، اویاتدی سنی.
چاتیلدی قاشلارین، داریلدین منه،
ایسلاتدی ژاله‌لر نازیک بدنی.
بوتون بیر سحری یالواردیم دوردوم،
بوش قالمیش قوینونا چیچک دولدوردوم.
گولزارینا قورآن دئیه ال ووردوم،
اینانمادین نییه، بیلمه‌دین یعنی؟
آند ایچدیم کی، کؤنلوم سنسیز یاشاماز،
سنسیز او بیر آغلار، تئللی، سینیق ساز.
قوللارینا وئردین او دم بیر پرواز،
اوخشادین، سینه‌نه جانسیز دوشَنی.
ایندی سنسیز خسته کؤنلوم سرسری،
دولاشماقدا بوتون غوربت ائللری.
ائی کؤنلومو بیر یول گولدورن پری!
نییه آغلار قویدون ایللرجه منی؟
#احمد_جاواد
@qanadli_duyqular
"بو پاییز، چوخ یارپاق‌سیز"
هر ایل، هر پاییز
بیزیم تکجه پاییمیز
ساری، قیزیل، قیرمیزی،
حسرتلی باخیش
باخ؛
بو پاییز چوخ یارپاق‌سیز
چوخ یییه‌سیز
سن دئمیردین‌می پاییز شاعیرلر فصلی‌دیر؟
تکجه شعیرسیز داغیلیر سوْن‌باهاریمیز
سن دئیه‌نده پاییز شاعیرلر سهمی‌دیر؛
قوجاق- قوجاق یارپاق ایدی
آداخلی قیزلارین جهیزلری
داغیلاردی اوْنون نارگیله‌لری،
سایسیز
ییغاردیق هر گون‌اورتا
یاشاداردیق چیلله گئجه‌لرین
بو پاییز چوخ یارپاق‌سیز؛
بوتون گولوشلر شعرسیز
نه قریب‌دیر بیزیم، گَدیک‌ده‌کی
او یام- یاشیل اوتوبوس
موسافیرلری یارپاق- یارپاق
دوراغی کؤلگه‌لی پالیت‌لار
بو پاییزدان قیش اؤز پایینی گؤتوردو
پالیت‌ین خول بوداق‌لارینا هؤرولدو
بو پاییز چوخ یارپاق‌سیز؛
بو پاییزین شعر گئجه‌لری یاساقلاندی
بو پاییزدا گؤیدن اوچ نار دوشدو
ایکیسی سنین
بیریسی هئچ کیمسه‌نین
ناغیل‌سیز قالدیلار پاییزچی‌لار
بو پاییز چوخ یارپاق‌سیز
#ســعید_صادقی‌فر
@qanadli_duyqular