6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
سن گئدندن سورا داغ-داش بوتون، آغلار قالدی
سن ایلن خوش کئچه جک بال کیمی چاغلار قالدی
بیر منم، بیرده سنین غم کدرین، آغلاییریق
منه تکجه سیغیناق، غملی بوجاقلار قالدی
گئتدیگین یوللارا باخماقدان اینان باش گیجه لیر
منه سندن سورا بو یولچو دوراقلار قالدی
خبر آلسان منی، چؤللرده یانان اودلاردان-
سوروشارسان داها کیمدن او اوجاقلار قالدی
نئجه وارلیقلاریمین کؤوشه نینه دوشدو دولو؟!
دیله گیمده سنه عایید اوماجاقلار قالدی
حدیثم سنسیز آغیر آغلامالی دویغولاریم
من کی هئچ؛ داش دا دالینجا آغیر آغلار قالدی
#دلی_قیز_حدیث
@qanadli_duyqular
سئوگین منی آییردی یاشاماقدان، یاشامدان
سندن آیری سئچمه دیم هئچ بیر آغی _قارادان
جانیمدان جان اوزولوب،گؤزلرینی گؤرندن
سن منی مندن آلدین،سؤیله چیخدین هارادان?
او گون توتدون الیمدن،یادیندامی سئوگیلیم?
گؤزلریم"آراز"اولدو،سن دانیش دین "سارا"دان
"خان چوبان"کی دییلدیم، سنی سئله تاپشیرام
سنی سئل آپارمادی،ایللر کئچدی آرادان
من همن دوراقدایام،الین اللریمده یوخ!
چوخداندیر ایچمه ییرم سئوگی آدلی چارادان
اوگون منه گل دئدین، آما گله بیلمه دیم...
گئجه سونا چاتیردی، آز قالیردی یارا دان
الینی آلیب گئتدین، اوره ییمی قوپاردین
اوگوندن بوشدور الیم،شاهیدیمدیر یارادان
"خوشنام"ین اوره یینی یارالامیش گؤزلرین
هله ده گؤینه ییرم سئوگی آدلی یارادان
#خوشنام
قونقا باشیندایام گل..
@qanadli_duyqular
اوره ییمده بیتن سئوگی ماهنیسی،
پاییز بوداغیندا یازیلی قالدی.
سسین یاییلمادی دار کوچه میزدن.
آدین دوداغیمدان آسیلی قالدی.
گئدیردین؛ گیزلیجه گؤزوندن ایراق،
اوخشادیم_آغلادیم سنه بیر اتک.
الیندن یاپیشیب آپاریردیلار،
یایلیغا بوکولن بایرام پایی تک.
گئدیردین؛ یوللاردا باهار سولوردو.
بولود گؤزلریمده یاشا دولوردو.
شافاق قان قوسوردو؛ چیچکلر گولوش
بنؤوشه ساچلارین، سازاق یولوردو.
قلبیمده بیر آرزی آه چکیر منیم.
سنسیز اوزاقلاردا بیته جه یم من.
داها یوواسیندان کوسن قوش کیمی،
تانرینین گؤزوندن ایته جه یم من.
الویداع؛ هر گئجه یازدیغیم شعیر!
سنی بالتالاییب مندن آلدیلار.
من ائله پاییزدا تورپاغا دوشدوم؛
کفنلنمه ییمی قیشا سالدیلار...
#دومان_سفراوغلو
@qanadli_duyqular
پاییز آغلار حالینا گؤرسه باهار دردیمیزی
آغلادار داغ-دره‌نی، آغلاسا قار دردیمیزی
ائوده گؤردوم دووارین قلبی سینیق‌دیر داریخیر
نه بیلیم! بلکه ده بیلمیشدی دووار دردیمیزی..
#عارف_ساسانی
@qanadli_duyqular
#سنه_قوربان...
سنه قوربان،
نه سوسوبسان؟
دئ- دانیش موتلو باهاردان.
او بولاقدان دئه منه...
کی، سویوندان ایچه‌جکدیر دلی جئیران...!
ائله بیل رقص ائله‌ییر، حسرت ایچینده،
ائله بیل ساز گؤتوروب، یاسلی- اوچونده...
گؤزو آل قان...
سنه قوربان.
نه سوسوبسان؟
منه، بوز- قار چیچه‌گیندن دئه- دانیش.
نه اولار!؟ ...
قیش‌لا آلیش...!
دئه کی، ییرتمیشدی داغیندان گؤبه‌یین.
دئه کی، عصیانلی کولک تک،
چالیر اؤزگور توته‌یین.
اوجامان- مان...
سنه قوربان.
نه سوسوبسان؟
اؤپه‌رم خاللی گؤیرمیش دوداغیندان،
دوشه‌رم یان...
ای ساچین مولک سولیمان...
گؤزو دیوان!
سنه قوربان،
دلی آیهان...!
نه سوسوبسان...؟
#مهدی_سربازی_علمداری
@qanadli_duyqular
#
هر قیشین آردیجا باهار گلیب‌دیر
طبیعت آنامیز یولون آزماییر
یقین کی اور‌ه‌یی بتر سینیب‌دیر
بیر شاعیر کی داها شعیر یازماییر...
#واحید_سولطان_اوغلو
@qanadli_duyqular
چوخ گئده‌لر دیش قیجاییب اوستومه،
آنلاماییب دئییلم کی، چاغا من.
حاقسیز هئچ کیمسه‌یه توخونمامیشام-
آرخایین اول، ییخیلمارام قاغا من.
بخته‌ورم دوست اینانسا سؤزومه
دونیا واری پوچ گؤرونور گؤزومه
اؤز ائویمده شور بس ائیلر اؤزومه
اؤزگه ائوده گؤز تیکمیرم یاغا من.
من بهمنم گوناهیم دا وار منیم،
مجنون میثال بیر آهیم دا وار منیم
اومودوم دا-پناهیم دا وار منیم
سؤیکنمیشم بیر موقددس داغا من.
#بهمن_وطن_اوغلو
@qanadli_duyqular
بولاقلار بوینوندا اوشودو یارپیز،
یارپاقلار بوداقدان ائندی آرامسیز.
بیز آیری دوشه‌لی، بیر یورغون پاییز،
ساری چوخاسینی سۆرۆدۆ، گئتدی.
#حوسئین_عاریف
@qanadli_duyqular
قارا ساچلاریمدا بیر محبتله
آغ ساچلی آنامین اللری گزدی:
-"اؤلوم قاباغیندا، بو نه دیر بئله؟
ساچینا دن دوشوب! یوخ هله تئزدی"
دریادا گمی‌سی غرق اولدو سانکی
دولوخدو، ائله بیل قیریلدی قولوم
-"هله نه واختین‌دیر، اوشاقسان سن کی
ساچینا، دن دوشوب آغارا اوغلوم؟"
نئیله‌ییم، نه گلر الیمدن منیم
بس نئجه قورویوم اونو آی آمان؟!
شوه ساچلاریما دوشن، دن منیم
ساچی قار آناما درد اولدو یامان!
#کامال_رضا
@qanadli_duyqular
اونلار گؤروشنده؛ آیلی گئجه ایدی
اوغلان پیچیلداشدی سئویرم سنی
عهدیندن دؤنه نین گؤزو اویولسون
آی دا سئوگیمیزه قوی شاهید اولسون
اونلار آیریلاندا؛ آیلی گئجه ایدی
اوغلان باشقاسینی سئویرم دئدی
آی گیردی بولودا اوزونده کدر
قورخدو بیر ده اونو شاهید چکلر
#نبی_خزری
@qanadli_duyqular
یاش او یاش دئییل کی...
سن منیم ان عزیز سیرریم، ایسته‌ییم،
سن منیم ان آجی حقیقتیم‌سن.
ایتمیش گنج‌لیییمدن سوراق گتیرن،
سن منیم سونونجو محبّتیم‌سن.
یاش او یاش دئییل کی یولونو کسیم،
یاش او یاش دئییل کی آچیم قلبیمی.
تزه‌دن باشلاییم دانیشیم-کوسوم،
اون یئددی یاشیندا جاوانلار کیمی.
یاش او یاش دئییل کی سنی ایزله‌ییم،
اؤزومو اودلارا توخویوم یئنه.
دوروب ساعات‌لارلا وعده گؤزله‌ییم،
گؤرن‌لر-بیلن‌لر نه دئیَر منه؟!
سنی هر گؤرنده چاشیرام دوزو،
هامی منه باخیب گولور ائله بیل.
دیلیمی دیشله‌ییب دئمیرم سؤزو
یاش او یاش دئییل کی...حئییف کی دئییل...
#فیکرت_قوجا
@qanadli_duyqular
جاوانلیقدا ال‌لر اوزون، دیل‌لر قیسا،
قوجالیقدا دیل‌لر اوزون، ال‌لر قیسا.
جاوانلیقدا گون‌لر قیسا، ایللر اوزون،
قوجالیقدا گون‌لر اوزون، ایللر قیسا...
#بختیار_واهابزاده
@qanadli_duyqular
من کوسوب گئدیرم قوی هامی قالسین
نه ساتان تاپیلدی نه آلان منی
نه اللاه دنیایا باغلیا بیلدی
نه اتام نه انام نه بالام منی
الهی سندن‌ده سیندی اوره‌ییم
منی کوسدوره‌نین یئکه‌سی سنسن
دونیانین ان اوزاق اله گلمه‌ین
بوغازدان کئچمه‌ین تیکه‌سی سنسن
من سنین سرینی آچا بیلردیم
آچمیرام بئله‌جه سوسوب گئدیرم
یاندیریب گئدیرم بو ورقیده
بو شعرین کولونو کیم اوخویاجاق
#رامیز_رووشن
@qanadli_duyqular
باهار نه دیر آ گولوم؟! دؤرد فصیل قیشام اؤزومه
داریخما پنجره‌سیندن، داریخمیشام اؤزومه
باهار نه دیر؟ کی تؤکولدوم سن اؤپدویون غزلی
ائشیت خزان دی سسیم، سسله خیش-خیشام اؤزومه
باهار نه دیر؟ نه بیلیم، بلکه «من» دی سنده یاتیب
اویاتماسان دا، اویاق بیر قارانقوشام اؤزومه
باهار نه دیر؟ منه لعنت گئدن سنی اوشودوم
سویوق باخیشلا ایناندیردی قارقیشام اؤزومه
باهار نه دیر؟ اسیرم یئل کولک له سئوگیمیزی
باریش اوچون گرکیر سنله تارتیشام اؤزومه
«باهار نه دیر؟» دئییب آغلاتمیشام کاغاذ-قلمی
قاییت-قاییت گؤیه‌ریب نغمه‌لر، قوشام اؤزومه
باهار نه دیر؟ قفه‌ده ایچدیییم او گؤزلرینی،
گئییب اؤز اگنیمه، سنسیز داریخمیشام اؤزومه...
#علی_شاملی
@qanadli_duyqular
پاییز گلدی چیچک آچماز،
یوز سولاسان سولان عؤمرو
کیم تزه‌دن جاوان ائیله‌ر
آهیل یاشا دولان عؤمرو ؟
دردین چوخو، غمین بولو،
سئل‌لر کیمی کسر یولو
یاخین قویما انسان اوغلو
درد ائیله‌یر تالان عؤمرو
بیر قوش ایدی اوچدو گئتدی،
اَلیمیزدن قاچدی گئتدی ،
کئچن عؤمور کئچدی گئتدی
خوش کئچیرک قالان عؤمرو
"بهمن" اوچون درین اولان،
نادان اوچون سرین اولان،
دونیا کیمی شیرین اولان
یوخو کیمی یالان عؤمرو ...
#بهمن_وطن_اوغلو
@qanadli_duyqular
سن پایتختی‌سن اونوتولموش وطن‌لرین
سنده تاپیر مین‌ایلکی قوچاق‌لار اَمَن‌لرین
دیمدیکلییر له‌ر اللریوی آخچا سئرچه‌لر
آخ سئوگیلیم آچ اللریوی کسمه دن‌لرین
تانری سنی همیشه الی اوسته ساخلاییب
چاک ائیلییر ملک‌لر، اوُ دور پیرهن‌لرین
شوکر اللها ایاق‌لاریمیز آلتدا یئر دورور
داغلار سریر هله باشیمیز اوسته چن‌لرین
سنله هله چیین به چیین چارپیرشیر اوره‌ک
کول گوزلرینه یار، بیزی یالقیز گزن‌لرین
یوز قرن اوتسه‌ده بیزه قانون دئییشمییب
نازین چکک گرک هله نازیک بدن‌لرین
باخما یاراشماییر الیمه شعر توستوسو
گل آبروسی اول ناشی سیگار چکن‌لرین
#واحید_سولطان_اوغلو
@qanadli_duyqular
ائله سیزیلداییر الیم‌ده قلم
باغری قانا دؤنن سؤزدن قورخورام
قورولور دویغومون شئعیر اوردوسو
مین‌لرجه خور باخان گؤزدن قورخورام
یورویور اوستومه اؤفکه‌لی هیجا
میصرع‌لر باغیریر بئیت‌ی‌دن اوجا
نه ائیله‌سین باغلام الین‌ده قوجا؟
بیر دئیل کی ، ال‌لی - یوزدن ،قورخورام
کولک‌لی قاری‌وار غزل‌لریمین
نیسگیل‌لی عطری وار خزل‌لریمین
بایاتی - قوشمادا ازل‌لریمین
آخیلیر آیاغی بوزدان قورخورام
باشلانیر کؤنلوم‌ده قه‌هر قاوخاسی
یئره گلن دئییل کدر آرخاسی
کیم ساخلایاجاق‌دیر اؤزلمه یاسی
قارا علم‌لردن توزدان قورخورام
گَبه‌دیر شئعیریم حسرت‌دن بری
قان آلاجاق دوغسا بوتون دفتری
سیلن اولمایاجاق آلنیم‌دان تری
قیزاریب ، بوزاران اوزدن قورخورام
#مهدی_سربازی_علمداری
@qanadli_duyqular
کَدَره سیرداشدی، تانیشدی گؤزوم
مَن سوسدوم ، سؤزومو دانیشدی گؤزوم
مین‌اوزلو گؤرمه‌یه آلیشدی گؤزوم
اؤزومو تانییا بیلمه‌دیم، آنا!...
#نوصرت_کسمنلی
@qanadli_duyqular
معناسی یوْخ ایمیش بۇ سوْن گؤروشون،
هوسیم‌ده یوْخدور دینم، دانیشام...
دئییرسن، "باغیشلا"، اما بیر دۆشون!
من سنه عمرومو باغیشلامیشام...
#خزر_سلیمانلی
@qanadli_duyqular
اوْردا کی دیل-آغیز سؤزدن اوسانیر
سوْروشون مطلبی تئل‌لر سؤیله‌سین!
دوْداق دانیشارسا اوْد توتار یانار
گرکدیر زخمه‌لر ،أللر سؤیله‌سین!
#بولود_قاراچورلو
#گون_آیدین
@qanadli_duyqular
بیر گول دردیم یار باغیندان،
گول سارالیب سولان دئییل.
چوخ سئون‌لر گؤروب دونیا،
سنه، منه قالان دئییل.
اوینا، سئودیجه‌ییم، اوینا
غم-غوصّه‌نی یاخین قویما!
دوغرانسام دا قییما-قییما،
كؤنول سندن دؤنن دئییل.
یاشاییریق، عؤمور تزه،
باخمارام بیر اؤزگه قیزا.
آند ایچیرم سئوگیمیزه،
بو محبّت یالان دئییل.
اؤز حاقّین‌دیر چوخ اؤیونسن،
من یئر اوغلو، سن گؤیونسن،
كؤنلوم، بیلیر اركؤیونسن،
هر سؤزونه سینان دئییل.
#نوصرت_كسمنلی
#سیندیم
@qanadli_duyqular
دردلی اینسانین ایچی، دومان ایله دولو بیر اوتاقا بنزه‌ییر.
اونو دینله‌مک، او اوتاقا بیر پنجره آچماق کیمی‌دیر.
#مولانا
@qanadli_duyqular
دؤنه‌جه‌یین یوللارا کؤز دوزدولر
سئوگیمیزدن بیرجه اووج کول قالار
گؤزلریمدن خاطیره‌لر سوزولر
گئدیرسن‌سه، گؤزلریمی آل آپار
آیریلیرسان، سیزلامازمی اوره‌ییم؟
حسرتین، هیجرانین باغریمی یارار
آغلاماقدان کور اولاجاق گؤزلریم
گئدیرسن‌سه، گؤزلریمی آل آپار
تنها اوره‌ییمی یادلار قوواجاق
سئوگی باغیم گوندن-گونه سولاجاق
یوللاریندا گؤزوم دونوب قالاجاق
گئدیرسن‌سه گؤزلریمی آل آپار
سنسیزلییه سیرداش کؤلگه‌م اولاجاق
تنها اللریمی یئللر توتاجاق
اؤلسم‌ده گؤزلریم آچیق قالاجاق
گئدیرسن‌سه، گؤزلریمی آل آپار
خیالینی کیپریگیمدن آسارام
اللرینی توتان اولسا یانارام
باشقاسینا باخسان گؤزسوز قالارام
گئدیرسن‌سه گؤزلریمی آل آپار
دئمیرم محو اولوب، یوخ اولاجاغام
عؤمرومه دیرکدین، ییخیلاجاغام
سنلی گونلریمه آغلایاجاغام
گئدیرسن‌سه، گؤزلریمی آل آپار
یاتمیرام یوخودا آغلارام دئیه
هر سحر هیجرانی دادارام دئیه
شکلینه باخماسین کور اولار دئیه
گئدیرسن‌سه، گؤزلریمی آل آپار
سئودا بیر آغاج میش، باری حسرتمیش
اَییلمز غرورو، سئوگی اَیرمیش
اورک آغریسینی گؤزلر چکرمیش
گئدیرسن‌سه، گؤزلریمی آل آپار
#رشاد_کسمنلی
@qanadli_duyqular
منی جاندان اوساندیردی، جفادن یار اوسانمازمی؟
فلک‌لر یاندی آهیمدن، مورادیم شمعی یانمازمی؟
قامو بیمارینه جانان دوایِ درد ائدر احسان
نئچون قیلماز منه درمان، منی بیمار سانمازمی؟
غمیم پونهان توتاردیم من، دئدیلر یاره قیل رؤوشن
دئسم اول بی‌وفا بیلمن، اینانارمی اینانمازمی؟
شبِ هیجران یانار جانیم، تؤکر قان چشمِ گریانیم
اویادار خلقی افغانیم قارا بختیم اویانمازمی؟
گولِ روخسارینه قارشی گؤزومدن قانلی آخار سو
حبیبیم، فصلِ گولدور بو، آخار سولار بولانمازمی؟
دئییلدیم من سنه مایل، سن ائتدین عقلیمی زایل
منه طعن ائیله‌ین غافل، سنی گؤرجک اوتانمازمی؟
فضولی رند و شیدادیر، همیشه خلقه رسوادیر
سورون کیم، بو نه سئودادیر، بو سئودادان اوسانمازمی؟
#حکیم_فضولی
@qanadli_duyqular
عوُمرون پاییزیندا سئودیم سئویلدیم
ائله بیلیرم کی ایلک باهارام من
آرخانجا سورونن کؤلگه‌نم سنین
هاردا قرار توتسان اوردا وارام من
عشقه سرحد قویماق دوزو گوناهدی
جاهیلین دئدییی سؤزو گوناهدی
عشقی گوناه سانماق اؤزو گوناهدی
کیم دئییر؛عشقینده گوناه‌کارام من
اؤزون بیر عالم‌سن عشقین مین عالم
سن اولان اورکده نه‌‌کدر نه‌غم،
سنسیز بو دونیانین ان بدبختی‌یم
سنینله هرزمان بختییارام من
#بختیار_واهابزاده
#گون_آیدین
@qanadli_duyqular
بوتون قوصورلارینی سئویرم؛
یوخلوغوندان باشقا...
#محمود_درویش
@qanadli_duyqular
گئدیرسن گئت، جوابیمی گؤزلمه!
منیم آهیم سنین جوابین اولسون.
باشقا گؤزه، گؤزلرین باخار اولسا،
منیم بو گؤزلریم حرامین اولسون...
#سئور_شهابی
@qanadli_duyqular
هایاندا اوْلدومسا سحر، یا آخشام
آرادین سن منی، گؤردون سن منی
اینــدی گؤزلرینیــن قاباغیندایــــام
هایاندا دوروم کی، گؤره‌سن منی ...؟
#نریمان_حسن_زاده
#گون_آیدین
@qanadli_duyqular
آدام، قادینی اؤزله‌دی
باشقا قادینا ساریلدی.
قادین، آدامی اؤزله‌دی
آدامین یوخلوغونا ساریلدی....
#جمال_ثریا
@qanadli_duyqular
من هاردان بیلردیم...؟!
تاب ائده بيلمه‌ديم بو سس‌سيزلييه
حسرت غورورومو ازدى آخير كى
آدينى ديليمه گتيرديييمده،
سسيم ده تيتره‌دى-اسدى آخير كى.
دئمك اولار سئوگی آدلی اوجاغين،
توستوسونه قيسينيرام هله ده.
صبر ائده‌رک بير كؤزرن اوميدين،
ايستيسينه قيزينيرام هله ده.
من هاردان بيلرديم بيرگون گله‌جک،
سویوق بیر اورکده اود اولاجاغام؟
بو بويدا سئوگی‌یله، بو بویدا عشقله،
سئوديييم اينسانا ياد اولاجاغام؟!
ياندير اوره‌ییمی عشقین اودوندا،
سونرا دا کولونو اله باشیما!
بلکه هاوالانمیش دیدرگین عاغليم،
نهايت قاييديب گله باشیما...
#نوصرت_کسمنلی
@qanadli_duyqular