6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
چوخداندیر بورنومون اوجو گؤینه‌ییر،
شیرین صؤحبتیندن _ سؤزوندن اؤترو!
صؤحبت بهانه‌دیر، واللاه آی دده _
اؤزوم دیوانه‌یم اؤزوندن اؤترو!
کؤنلومده بیر دلی حسرت کیشنه‌دی،
بو دونیا گؤزومده سنسیز هئچ نه‌دیر
اؤزوم ده بیلمیرم نییه تشنه‌دی
گؤزوم گوربولاغین گؤزوندن اؤترو!
کوسمه‌یه حاققی وار او داغلارین دا
لیل‌پارلی_یارپیزلی بولاقلارین دا
بیر ایل یاریم‌دیر کی دوداقلاریمدا
بیر اؤپوش گؤینه‌ییر اوزوندن اؤترو!
باهار یال_یاماجا گول أله‌ییب‌دیر
خیالیم او یئره ایمکله‌ییب‌دیر
سینه‌مده غم_غصه چیچکله‌ییب‌دیر
باش یوردون چیچکلی دوزوندن اؤترو!
میخ تؤکن ذیروه‌سی گؤز دیکسین بیزه
او داغلار نریله دوراق اوز _ اوزه
دده، بالا، قارداش، دوراق دیز_دیزه
دیزیم حسرت چکیر دیزیندن اؤترو!
حؤوصله‌م توکنیب آجی ایل ساییر
هر گون گؤروشونه اومید باغلاییر
مرمر سکی‌لرده ایزیم آغلاییر
شئح‌لی چمنده‌کی ایزیندن اؤترو!
#شاهمار_اکبرزاده
@qanadli_duyqular
اومیدیمین چیراغینا،
بیر قطره یاغ ایسته‌ییرم.
آغلار قالان دیله‌ییمه،
آداقلانماق ایسته‌ییرم.
زامان چوخو آز ائله‌دی
بیزی دایاقسیز ائله‌دی
حاق منی حاقسیز ائله‌دی
حاققی دانماق ایسته‌ییرم.
آچار گزدیم دویونومه؛
قیفیللار چیخدی اؤنومه
صاباح اوچون بو گونومه،
دایاقلانماق ایسته‌ییرم.
گول، کول ایمیش؛ سول، ساغ ایمیش
حاق، گئرچه‌یی دانماق ایمیش
خوشبختلیک، آلدانماق ایمیش
من آلدانماق ایسته‌ییرم...
#بختیار_واهابزاده
@qanadli_duyqular
و یالقیزلیق؛
سیقارئت آلیشدیردیغیم بیر، ساواشین اورتاسینداکی چاخماق کیمی
الیمده تیتره‌ییر.
#بهروز_اسماعیل_زاده
@qanadli_duyqular
بيل، یامان گونده ده ،یاخشی گونده ده
ایسته‌رم قوووشام، مَن یئتم سَنه
گؤزوم گؤزلرینه دیکیلنده ده
حَسرتم ، حَسرتم ، حَسرتم سَنه....!
#بختییار_واهابزاده
@qanadli_duyqular
باشقالاری
سئودیگیمیز آداملار اونا گؤره بیزیم اولمور کی،
اونلارین دا سئودیکلری وار.
بیز ده اؤز سئوگیلی‌لریمیزین باشقالاری‌ییق.
آدیمیز دا دَییشیب،
ایندی بئله‌دیر:
«هارداسینیز؟»
«کیمینله‌سینیز؟»
«ساعات نئچه‌ده‌سینیز؟»
«یوخسا یئنه تک‌سینیز؟»
«نه واخت اؤله‌جکسینیز؟»
بیز ایسه قوجالیریق،
اوره‌ییمیزی حیسلریمیزدن گیزله‌مه‌یین واختی‌دیر.
منیم باشقام!
گؤزلریمین سایی آزدیر سنه باخماق اوچون.
بیری کوردو، او بیری ده هئچ کیمی گؤرمک ایسته‌میر...
#آقشین_یئنی‌سئی
@qanadli_duyqular
بيلدي كي مجنونون پروانه سي يم
مني دولانديردي باشينا تبريز
اوغلونو اوجادا گؤرمك ايسته دي
قالديردي داغلارين قاشينا تبريز
#زليمخان_یعقوب
#گون_آیدین
@qanadli_duyqular
خزانلار
خزان چاغی
قیزیل گۆنش اوْدلانیبدیر،
آغاجلارین یارپاقلاری
مین بیر رنگه بوْیانیبدیر...
هر یارپاغین بیر رنگی وار،
سئودا رنگی،
حسرت رنگی،
توُتقون، توْزلو،
غربت رنگی...
خزان چاغی، یئل اَسرکن
یاغیر یارپاق،
اؤلگۆن یارپاق.
قالانیبدیر، قالاق- قالاق.
یوْللار اوُزاق، گؤللر درین،
نسیم اَسیر سرین- سرین.
داغلار بیزیم، باغلار بیزیم،
یئرییرکن یارپاق اۆسته
قالماز ایزین...
گۆن یاندیرماز،
سوْن‌باهاردیر،
سانکی آغاج یارپاقلاری،
لاجوردی بیر متنده
ناقیشلاردیر.
بیر چوخ خزان گلیب، کئچدی...
بیر چوخ کروان قوْنوب، کؤچدو.
بیر خزاندا
یتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گۆنش دوْغدو.
بیر خزاندا
بولود گلیب گۆنۆ بوْغدو...
آنلایارکن خزانلاری
زامان بیزی قوْوالادی...
گلدی زامان، کئچدی زامان...
آیری دۆشدۆک یوردوموزدان.
حسرت قالدیق
سَرین- سَرین بوُلاقلارا
گول- چیچکلی اوْتاقلارا
زامان کئچدی، بیز قوُرودوق
سوُسوز قالان آغاجلار تک.
طراوتدن سالدی بیزی،
بیلمم غربت؟
یوْخسا فلک؟
#حبیب_ساهیر
@qanadli_duyqular
یاناغیمدا گؤز یاشلاریم،
دوزولوبدور گیله-گیله
گؤزله‌ییرم سن سیله‌سن،
یوخلوغونو بیله-بیله
اوره‌ییمی ائله‌ییب شام،
ظولمت‌لرده دایانمیشام
گؤزله‌یه‌جم سحر-آخشام،
یوخلوغونو بیله-بیله...
#زیور_آغایئوا
@qanadli_duyqular
اینسان ثروتینی ایتیردیکده یوخسول،
اؤزگورلویونو ایتیردیکده اسیر،
سئوگی‌سینی ایتیردیکده شاعیر اولورموش...
#اؤزدمیر_آصاف
#گون_آیدین
@qanadli_duyqular
ایتیرمیشم اؤز یاپیمی
منی منه قایتار، آللاه!
تاپانمیرام اؤز قاپیمی
منی منه قایتار، آللاه!
قانادلاریم قولا دؤندو
لَلَکلریم قیلا دؤندو
آیاقلاریم سولا دؤندو
منی منه قایتار، آللاه!
قویما شیطانا أییلم
قورخورام یانیب یئییلم
من بو دونیادان دییلم
منی منه قایتار، آللاه!
#سئور_شهابی
@qanadli_duyqular
سنی کاغاذ-کاغاذ قارالاییرام
سنی شعرلریمده یاراتمیشام من
ایکیمیز بیر ائوده یاشاماساق دا،
سنی هیجا-هیجا یاشاتمیشام من...
#سعید_موغانلی
@qanadli_duyqular
بو گئجه ایسته ییرم دونیایا نیسگیل گتیرم
گؤیدن عیسی کیمی عشقینده بیراینجیل گتیرم
سن اول عاقلیماازل گونکو یئرین اَن گؤزلی
منده قابیلدن ایراق سئوگینه هابیل گتیرم
اینجاریم اولمادی لال سئوگیمی دیللندیره رک
اوره ییندن سؤزونو سؤیله مه یه دیل گتیرم
سنی تانری منه گؤستردی دئدی قابیلی یوخ!
من اوتاندیم کی سنی سئوگیمه قابیل گتیرم
قورخما من اؤلمه ییرم،بیر نئچه گونلوک گئدیرم
سنه جنّت چیچه یی،بوللو قرنفیل گتیرم
سن گئدنده دئدین اوچ گون چکه،چکمز گلیرم
گونون آی اولدو دئدیم آیلارینا ایل گتیرم
منه یوخ سؤیله مه آغلاتما منی من دَلی یم
ائله ایش گؤرمه گؤزومدن سنه بیر نیل گتیرم
چالدین اوخ گؤزلر ایله ماهنیما یایلانمالاری
سازینین تئللرینه بم وورالی زیل گتیرم
سنه گوللوک نه یئتر دونیانی گول له بَزه رم
قاپینا سانما کی بیر باغچا یا زنبیل گتیرم
اسَر-اسمز رحیمی چن بورودو داغ سایاغی
"سازاق"ین آهلارینا ساز دولو نیسگیل گتیرم
#سازاق
@qanadli_duyqular
هارا گئدیرسن
گئت...!
دورنالاردان اوزاق گئدن دئییلسن؛
بیر گون قاییداجاقسان،
کئچن خاطیره لر اوچون...
#عزت_طهماسبی
#گون_آیدین
@qanadli_duyqular
نه بیللم
گلیشیمدن سئویندیلر بیلمه دیم
گئدیشیمدن آغلاسالار نه بیللم؟
گؤبه ییمی دوغرادیلار بیلمه دیمٍ
گؤزلریمی باغلاسا لار نه بیللم؟
ده لی گلدی ده لی گئتدی دئین ده
سایمازلیقلا اؤزون منه اؤین ن ده
مندن سونرا دیزلرینه دؤین ده
سیزلاسالار،سیتقاسالار نه بیللم؟
دومان یوخسا ساخلایارمی چؤل یاسی؟
اوغول دئیه توتاجاقمی ائل یاسی؟
اوزاق باشی قیرخدان سونرا ایل یاسی
میننت ایله ساخلاسالار نه بیللم؟
#عدالت_دومان
@qanadli_duyqular
اورک‌سیز گئتمه!
سئودیگین گؤزلین ایلک گؤروشونه،
سن چالیش الی بوش، چیچک‌سیز گئتمه!
ایلک گؤروش، سئوگینین ایلک نغمه‌سی‌دیر
چیچک‌سیز گئتسن ده، اورک‌سیز گئتمه...!
#سولیمان_روستم
@qanadli_duyqular
گئدیشین،
ساندیغین قدر ده فاجیعه دئییل.
سالخیم سؤیودلر کیمی
آیاق اوسته اؤلورم...
#نزار_قبانی
@qanadli_duyqular
دَیمه احساسیم یوخ، داشا بنزیرم!
گؤزلرین اوستونده قاشا بنزیرم.
سن منیم بوینومو قوجاقلایاندا،
من سنین قوینوندا قوشا بنزیرم...
#هوشنگ_جعفری
@qanadli_duyqular
گئتدین
هر شئی بوراخدیم
سن منی بوراخان کیمین
گئتدین
اوقده‌ر ایشسیز قالدیم کی
اللریم قابار چالدی
گئتدین
گئجه‌لره کیبریت چکیره‌م
بو یئرلرده
گئجه‌لری مین کیمی پاتلادیرام
کوچه‌لرده
گئتدین
گئتمه‌سیدین من
آدام اؤلمازدیم...
#محمد_چالقین
@qanadli_duyqular
قیش پالتاری گئیینن
تورپاغا ،داشا سلام
یئردن اولفت کسمه یه ن
نازلی گونشه سلام
اورکلری اوخشایان
دوستا ، یولداشا سلام
دوستان ایستی گتیرن
سنی مین یاشا سلام
#سخاوت_عزتی
@qanadli_duyqular
نئجه نیسگیل‌لی‌دیر!
او یالقیز انسانین خلوتی کی،
بولوت‌لو هاولاردا،
اؤز کؤلکه‌سی‌ایله ده دردله‌شه بیلمه‌ییر...
#مهدی_سربازی_علمداری
@qanadli_duyqular
شانس‌سیزلیغیمدان،
گئجه‌نین اوزون اولدوغونو اونوتدوم.
شانسیندان،
صوبحه قدر، سنی خاطیرلادیم...
#محمود_درویش
@qanadli_duyqular
پاییز ایله من
منیم ده ساچلاریم بویالی سن‌تک،
منیم ده شاخامدان قارانقوش کؤچوب.
من ده سنین کیمی خزل‌لنمیشم،
منیم ده قوشلاریم باشیمدان اوچوب.
توتولور هاوام دا یامان دال‌بادال،
بورویور چن-دومان اوره‌ییم گؤیون.
پیرتلاشیق کلَف‌تک هئی قیوریلیرام،
مین بارماق آچانمیر حالیمدان دۆیون.
ایندی من قالمیشام، سویوق پنجره،
تؤکولور خزللر، سۏلور چیچک‌لر.
داها بوش سوفره‌لی کیچیک باغچاما،
قوناق گلمه‌ییرلر ناز کپنک‌لر.
قدم قوی بو گئجه یالقیز اوداما!
صوبحه‌دک دردلشک، چوخلو چایلاشاق.
دئییرلر: بؤلوشسن دردی، یونگولر.
اوندا گَل سنین‌له دردی پایلاشاق!
قویوم قاباغینا آلما، قوز، اوزوم،
بویاقلی ساچینا اینجی‌لر دوزوم،
دئییم خوش گلمیسن آی منیم اؤزوم،
گَل گولوم سنین‌له ائکیزتایلاشاق!
اوز-گؤزون غملی‌دیر، اللرین یالین،
سازاقدان گئیمیسن اَینینی قالین،
نه یاخشی بیلیرسن دوستلوغون یولون،
قوینونا آل منی بیر قوجاقلاشاق!
صاباح دا گئده‌ریک «خیاوچایی»نا،
باخاریق طبیعت قیزی بویونا.
قوشوللوق ائلیمین شنلیک، تویونا،
ال-اله، قول-قولا گَل سیجاقلاشاق!
یئریییب خزلده سئودالی، ملَنگ،
باغلاریق چؤللرین گولوندن چلَنگ.
ییغیشسین دونیادان هر نه توپ، توفنگ،
غریبسن؟ عئیبی یوخ، یالقوزاق‌لاشاق!
#سحر_خیاوی
@qanadli_duyqular
منه سحری وئرین!
گئجه‌لری ایسته‌میرم،
گئجه‌نین قارانلیغی وار.
قارانلیغی ایسته‌میرم،
ظولمتی، تورانلیغی وار.
قارانلیغی گؤرنده،
قارا پالتارلی،
قارا اللی،
قارا عمللی،
قارا نیّتلی آداملارین،
قارا ایللرده دؤیدوگو،
قاپیلار یادیما دوشور.
«موشفیق»لر، «جاوید»لر،
«جاواد»لار یادیما دوشور.
منه سحری وئرین، سحری!
دیلینده دونیانین،
خئییرلی خبری.
آخشامدان قالان خیفّتی،
گئجه‌دن ییغیلان قهَری.
دان یئری گؤزومون ایشیغی،
قلبیمین تپری.
منه سحری وئرین، سحری!
#زلیمخان_یعقوب
@qanadli_duyqular
کئف چکمیردیک او بولاغین باشیندا
دوز باسیردیق دردیمیزین یئرینه
دئدیم داغلار داغیتمایین دردیمی
آمان وئرین دردی دوزوم یئرینه
بولاق سوسدو، بولاق تَزدن دانیشدی
بولاق قیشدان، بولاق یازدان دانیشدی
ایکی شاعیر ایکی قیزدان دانیشدی
ساز آغلادی دؤردوموزون یئرینه
ائلشن عظیم سرت یوخوشدا سرت یئری
قوجا قافقاز اَرَن یوردو، مرد یئری
گؤیوم-گؤیوم گؤینه ییردی یورد یئری
ویران اولان یوردوموزون یئرینه
#ائلشن_عظیم
@qanadli_duyqular
سئوگیلیم من اؤلنده.
بیر کونجده خیسین_خیسین
آغلایاجاقسا‌ن‌می سن؟
کیمین خاراباسیندا
بیر داملا یاشا دؤنوب
دوشه‌جه‌یم گؤزوندن؟
آغلا قوربانیم آغلا،
آغلا حئیرانیم آغلا،
ائوده قوناقلار اولسا،
چیخیب ائشیکده آغلا.
گؤزل،گئجه دوشنده،
یورغان_دؤشکده آغلا
قولاق آسما عالمین
سؤزونه بیرجه کره.
دئ واقیف اؤلمه‌لی‌یدی،
گل اؤلدو ناحاق یئره...
#واقیف_صمداوغلو
@qanadli_duyqular
اینتیحار
تئلئویزیا، گلن عصرین، روبوط عصری اولاجاغیندان دانیشیردی. سرمایه‌دارلار و فئرما صاحیب‌لری سئوینیرکن "نه اولاجاق گله‌جه‌ییمیز؟!" -دئیه دوشوندو او.
کئچمیشینی و بو گونونو اودوزموش ایشچی قادین، یالنیز گله‌جه‌یه اومود باغلامیشدی!
#ووقار_نعمت
@qanadli_duyqular
منی یاندیردی فضولی کیمی هیجران دردی
اوزون ایللر دئمه‌ديم خالقا بو پونهان دردی
عاشیقم , عشقیمی گیزلتمه‌گه حاققیم یوخدور
همدمیم دیر گئجه‌لر سئوگیلی جانان دردی
ووردو , سولدوردو خزان سئوگیلیمین گولشنینی
داشیییر گؤر نئجه قلبينده بير عوممان دردى
عشقيمين هر ايكى ساحيلده درين كؤكلرى وار
يوخ ، دييل درديمه تاى عشق ده صنعان دردى
هارداسان , هاردا , خياليم دا كى تبريزلى گؤزل
تك سنين دردين اولوب ايندى سولئيمان دردى؟!
#سولئيمان_روستم
@qanadli_duyqular
.
بیری وارمیش ، بیری یوخموش،
بیری ناحاق ، بیری حاقمیش،
قالانی یادیمدان چیخمیش _
هوشومون اولمایان واختی !
بَزه یی _ زری یوخویدو ،
قَمی _ قَهَری یوخویدو ،
عوُمرون زَهَری یوخویدو _
آشیمین اولمایان واختی !
باهارلا گوُز _ گوَزه دوردوم
قار چیخاندا دیزه ، دوردوم ،
قار آدامی دوزَلدیردیم _
قیشیمین اولمایان واختی !
اوشاق ایدیم، دینج دوردولار،
تعریف دئییب، قیشقیردیلار ،
اوستومه ایت قیسقیردیلار _
داشیمین اولمایان واختی !
چوخ سینیقلار بیتیشه جک ،
چوخ یارالار یئتیشه جک ،
گوُیدن اوچ آلما دوشه جک _
دیشیمین اولمایان واختی !
#ائلشن_عظیم
@qanadli_duyqular
اوره‌ییم آغرییر حکیم
اونو قورویا بیلمیرم
آلنیما یازی یازیلیب
نه‌دیر؟ اوخویا بیلمیرم
غم گلیب غمین اوستونه
تک دوشور جمعین اوستونه
داها سینه‌مین اوستونه
الیمی قویا بیلمیرم
اوره‌ییم توکدن آسیلیب
یوک اولوب، یوکدن آسیلیب
ساغیم چوروکدن آسیلیب،
دینمیرم، گویا بیلمیرم
بیر سس دَ‌ییر قولاغیما
ایلیشیرلر آیاغیما
تولکو چیخیر قاباغیما
تولکوسن، دئیه بیلمیرم
#نریمان_حسن_زاده
@qanadli_duyqular
#قیزلار
عشقینیز اولماسین چوروک ساپ کیمی
ال‌لرده گزمه‌یین بیر کتاب کیمی
کیمسه‌یه مست ائدن آل شراب کیمی
آخیب هر باده‌یه دولمایین قیزلار
اوینار قهقهه‌نیز شیمشک‌لر کیمی
عنوان‌سیز اولمایین کولک‌لر کیمی
قار آلتیندان چیخان چیچک‌لر کیمی
وعده‌سیز گؤیریب سولمایین قیزلار
سیز بیر قاییق‌سینیز، طالع دنیزدیر
او بعضاً بولانیق بعضاً تمیزدیر
طالع عاغلینیزدیر، دوشونجه‌نیزدیر
طالعین قاییغی اولمایین قیزلار
#ممد_آراز
#گون_آیدین
@qanadli_duyqular