6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
#ضرب‌المثل_
📌کنکان قوییو نه نقدر درین گاز سا اوزی تهددی
ترجمه: چاه کن هر چقدر چاه رو عمیق تر بکنه خودش ته چاهه.
معادل فارسی: چاه‌کن همیشه ته چاه میمونه!
❤️
سن نئجه
آلاگؤزلوم سندن آیری دوشنده ن
من قالمیشام یانا یانه سن نئجه
گئجه گوندوزحسرتیندن جونون تک
اولموشام دلی دیوانه سن نئجه
هرگؤرنده جیسمیم چکیر زبانه
کؤنلوم یانیر گؤزوم دوشور گریانه
یازیق جانیم اولور کوزه نیشانه
حاییم چاتیر آسمانه سن نئجه؟
یعقوبی قوجالتدی یوسف فراغی
هجرین مئیلی چکدی سینمه داغی
سنسیزبخت ائومین سوندو چراغی
گورمدیم خانه کاشانه سن نئجه
وطن اوغلو دئیر اجل گلینجه
روحیم تندن چخیب جیسمیم اولونجه
ائل ییغشیب نامازیمی قیلینجه
باغلیام عهد پیمانه سن نئجه
#بهمن_وطن_اوغلو
@qanadli_duyqular
رسسام، من چوْخ دانؽشانام،
سن سۇسدوغوم یئرلری چک.
بارؽشاندا من چکیرم،
سن کۆسدویوم یئرلری چک.
چک گؤزومون قاراسؽنی،
آغریسینی، یاراسؽنی.
من عؤمرۆمون هامؽسینی،
سن کسدیییم یئرلری چک.
#سامیر_افسر_اوغلو
@qanadli_duyqular
اللرین نه یامان سویوقدور گولوم
اللرین ائله بیل، قار چیچگی دیر
آی آمان الینده دوندوکی الیم
اللرین الیمین بوز الجه يي دیر
آی اوزو باهارلی، الی قیش سونام
گیلئییم، گولمه لی گلمه سین منیم
قورخورام سئوگی ده، سویوماغیندا
الیندن باشلایا، اليندن سنين.
#نوصرت_کسنملی
@qanadli_duyqula
یوخو شیرین، حیات آجی
یاتمیسان‌مے، اویاقسان‌می؟
ائے روحومون احتیاجی
گؤزلریمہ چیراقسان‌می؟
یانیمدا قیمتین، قدرین
قلبیمدہ حؤرمتین، خطرین
آدامے اؤلدورور عطرین
چیچڪ دولو بوداقسان‌می؟
عؤمروم-گونوم یاشیل تاغدی
سئوگین ساغلام، عشقین ساغدی
سینه‌ن اوستو آغدان آغدی
یازیلمامیش واراقسان‌می؟
ایشیقلی‌دے اۏدون، قۏرون
سئوگیده‌دیر گوجون، زورون
یاندیریرسان ڪۏرون-ڪۏرون
اودو سؤنمز اوجاقسان‌می؟
بیریم، پیریم، بیرجہ دنه‌م!
سن سئویلن، من سئوَنم
بو ائوین صاحیبے منم
سن بیر غریب قوناقسان‌می؟
#زلیمخان_یعقوب
@qanadli_duyqular
نه قاپیم‌دان، نه باجام‌دان آی گؤزَل
نه ائویمدن، ساراییم‌دان کئچیرسن!
گلیشینی، گئدیشینی سای گؤزَل
مین آهیم‌دان، هاراییم‌دان کئچیرسن!
نه اوتومدان، نه سویومدان ایچمه‌دین
نه اوبامدان، نه کؤیومدن اوچما‌دین
بیر یول گلیب کوچه‌میزدن کئچمه‌دین
هر گون گلیب اوره‌ییمدن کئچیرسن!
قیشی بوش وئر، هئچ یازیم دا کئچمه‌ییر
دومانیم دا، آیازیم دا کئچمه‌ییر
چؤرَک قالیر بوغازیمدا کئچمه‌ییر
بوغازیمدا، چؤره‌ییمدن کئچیرسن!
بوغازیمدا، چؤره‌ییمدن کئچیرسن!..
#ووقار_نعمت
@qanadli_duyqular
#ضرب‌المثل
📌بیری اولمسه ،بیری دیریلمز .
Biry...olmasa ...Biry...dirilmaz.
ترجمه : تا یه نفر فوت نکنه ،یکی دیگه زنده نمی شه .
♨️ 🆔 @sanmanbil
صاباح گله‌جه‌یم دئدین
نه صاباح گلدی، نه سن
صاباح گلمه‌سه ده اولار!
یئتر کی سن گله‌سن..
#ووقار_نعمت
@qanadli_duyqular
ترک ائتمه‌دی سئودان منی
آج قالدیم، سوسوز قالدیم
خایین، قارانلیقدی گئجه
جان غریب، جان سوسقون
جان پارام-پارچا
و اللریم قاندالدا
توتون‌سوز، یوخوسوز قالدیم
ترک ائتمه‌دی سئودان منی...
#احمد_عاریف
@qanadli_duyqular
یا رب بلای عشق ایله قیل آشنا منی
بیردم بلایِ عشقدن ائتمه جدا منی
آز ائیله مه عنایتینی اهلِ درددن
یعنی کی چوخ بلالارا قیل مبتلا منی
اولدوقجا من ، گؤتورمه بلادان ارادتیم،
من ایسترم بلانی ، چو ایستر بلا منی
تمکینیمی بلای محبّتده قیلما سُست،
تا دوست طعن ائدیب دئمیه بی وفا منی
گئتدیکجه حُسنون ائیله زیاده نگاریمین،
گلدیکجه دردینه بتر ائت مبتلا منی
من هاردان وَ ملازمتِ اعتبار و جاه
قیل قابلِ سعادت فقر و فنا منی
ئویله ضعیف قیل تنیمی فرقتیندن کیم
وصلینه ممکن اولا یئتیرمک صبا منی
نخوت قیلیب نصیب فضولی کیمی منه
یارب!مقید ائیلمه مطلق منا منی
#حکیم_ملا‌محمد_فضولی
@qanadli_duyqular
بیلیرم، ائله سَن ده داریخیرسان مَن کیمی
اوز-گؤزوندن گؤرونور، رَنگی-روحو سولانیم
غورور چاره دَییل کی، اؤزون یاخشی بیلیرسن
آی مَنی غورورویلا دَرده-غَمه سالانیم...
#عزیز_یعقوبزاده
@qanadli_duyqular
هر کیمه دوست دئدیم دوشمن جان اولدو منه
دوشمن اؤز بختیم ایمیش، ایندی عیان اولدو منه!
#حکیم_فضولی
@qanadli_duyqular
بیر بولاق باشیندا اوز_اوزه گلدیک،
گوُزلر دانیشسادا ، دیل دانیشمادی!
داملا دا سَسینی ایچینه چَکدی _
چیچک دانیشمادی _ گول دانیشمادی!
سینه نی شعیریمه واراق ایسته دیم،
گوُزونو عشقیمه چیراق ایسته دیم،
اَلینی ساچیما داراق ایسته دیم_
بارماق اوینامادی _ تئل دانیشمادی!
گئتمه دی اورک دن حسرتین ایزی،
پهلوان اولانین تیتره دی دیزی،
بیز نئجه سئودیک کی بیر _ بیریمیزی_
بیزیم عشقیمیزی ائل دانیشمادی!
#زلیمخان_یعقوب
@qanadli_duyqular
ای پری حوسنون سنین ماه منوّر گؤرموشم
اوْل یوز اوسته ابر تک زولفون معنبر گؤرموشم
گر چی محشر بیر اوْلور اهل جهاندا ای صنم
فرقتینین هر گونون من راز محشر گؤرمۆشم
بسکی بولبول تک جهاندا عشق ایله فریاد ائدم
عارضین باغ گولون چون وِرد احمر گؤرموشم
بس منیم ملک جهاندا طالعیم فیروز اوْلا
تا سنین یوزون کیمی بیر سعد اکبر گؤرموشم
بو «ختایی» نین مقامی، آستانین دیر مدام
چون سنی شاه کرم اؤزۆ منی قنبر گؤرموشم
#ختایی
@qanadli_duyqular
مین ایل، اولدوزلار مئشه‌سینده،
سنی آختارمیشام
بیر اولدوز دئمه‌دی:
«بو کیمسه‌سیز یئرده، سنی سسله‌ین وارمی؟»
هله بئواخت دئییل؛
هله صبریم، آرزینین اوزون بویو قدردی.
سئویملی دیلداش!
سن، هانسی کهکشاندا اوتوروبسان...؟
#هوشنگ_ابتهاج
#گون_آیدین
@qanadli_duyqular
#ضرب‌المثل_
📌کنکان قوییو نه نقدر درین گاز سا اوزی تهددی
ترجمه: چاه کن هر چقدر چاه رو عمیق تر بکنه خودش ته چاهه.
معادل فارسی: چاه‌کن همیشه ته چاه میمونه!
❤️
گؤره سن خیالا دالؽب بیر دفعه،
"دارؽخدیم" دئییرلر یادا دۆشنلر؟!
حئییف کی قاپؽنین زنگینی دئییل،
اۆره‌یی دؤیورلر یادا دۆشنلر...
درد الیندن قدح-قدح اۆزولوب،
دوداقلارا سطیر-سطیر دۆزولوب،
آلا گؤزدن دامجؽ-دامجی سۆزولوب،
یاناغا دَییرلر یادا دۆشنلر ...
هردن محو ائله ییر، سانکی "عجلدیر"
هردن گۆلومسه‌ییب گؤیه اۇجالدیر
ساچلارا دن سالؽر، واختسؽز قوْجالدیر
قامتی اَییرلر یادا دۆشنلر....
سن سؤزدن گۆلله آت! تۇش اوْلسون شاعر...
آدؽن اؤزون کیمی قؽش اوْلسون شاعر!
بۇ جاوان عمرۆنو نۇش اوْلسون شاعر
یاوانجا یئییرلر، "یادا دۆشنلر"...
#آیاز_هیدایت_اوغلو
@qanadli_duyqular
بیر گون سئودامیزین قولو قیریلسا،
اوره‌یین سئومکدن بئزیب یورولسا،
کؤنلونده باشقا بیر سئوگی قورولسا،
یئنه ده گیزلیجه سئوه‌جم سنی.
بیر اومید، بیر گومان اکه‌جم هر گون،
حسرتی قلبیمدن سؤکه‌جم هر گون،
ائوینین اؤنوندن کئچه‌جم هر گون،
یئنه ده گیزلیجه سئوه‌جم سنی.
خوشبخت گونلرینی بؤله‌جم سنین،
باشقا بیریسی‌یله گؤره‌جم سنی.
گؤزومه دولدوروب دومانی، چنی،
یئنه ده گیزلیجه سئوه‌جم سنی.
ائوین بیر کونجونده جیسمیم قاریسا،
حیات یوللاریندا عؤمروم یورولسا،
اوزومده قیریشلار، الیمده عصا،
یئنه ده گیزلیجه سئوه‌جم سنی،
یئنه ده گیزلیجه سئوه‌جم سنی.
#فرغانه_یوسوف‌قیزی
@qanadli_duyqular
نئیله ییم، اوْلوبدور دۆنیا منه دار،
تله سن خزانسان، گئجیکن باهار.
بیلیرم، قلبینین مین یاراسؽ وار...
بیر منیم خطریمه گۆل، گۆله بیلسن!
آفاقام، کؤنلومو قوْیما گۆمانلی،
فیکیرلر گاه آیدؽن، گاه دا دۇمانلی...
حسرتمی گۆجلودور، بیزمی، زاواللؽ؟
نه اوْلار، «گل» دئسم، گل، گله بیلسن!
#آفاق_شؽخلی
@qanadli_duyqular
سحری آختاران، گئجه‌دن قوْرخماز
#سهند_قاراچورلو
@qanadli_duyqular
اولو تانریم، نه گؤزَلدی دوغما یووا،
خلوت سئچیب بیر قیراغا چکیلمیشم.
بو گوشه‌ده چیراق یانیر، شام اریییر،
اریمیشم، شام-چیراغا چکیلمیشم.
ان وفالی ایکی دوستوم، سیرداشیم وار،
بیر قلمه، بیر واراغا چکیلمیشم.
صؤحبتیمین لذّتینی دادان بیلر،
ائله بیل کی بال'ام، یاغا چکیلمیشم.
یاغی دوشمن ائله بیلیر من اؤلموشم-
کفن‌لنیب بئزه، آغ'ا چکیلمیشم.
«فضولی»تک درد الیندن داغا چیخیب
قلبیمده‌کی گؤی یایلاغا چکیلمیشم.
#زلیمخان_یعقوب
#گون_آیدین
@qanadli_duyqular
سنی ائله سئویردیم
سانکی یئر اوزونده قالان سون عزیزیمسن.
و سن منی ائله اینجیتدین
سانکی یئر اوزونده قالان سون دوشمنینم ...
#غادة_السمان
@qanadli_duyqular
سون باهار
ساريليق دردينه
توتولان آغاج،
باهار كوله يينين
قامچيلاریيلا
ياشيلليق نغمه سين
اوخوياجاق می؟!
#بهروز_صديقی
@qanadli_duyqular
یاغیش یاغدی، هئچ قویمادی-
گوز آچیب گؤرم یوخومو
ایسلاندی، اوشودو؛ گرک-
گونئی‌ه سرَم یوخومو.
سنسیزلیک سلقه‌می قاتیب،
یوخوم زیر-زیبیله باتیب.
گلسن گرک بیرده یاتیب-
سیلم-سوپورم یوخومو...
#نادر_الهی
@qanadli_duyqular
سندن نه گیزله‌دیم، قیسقانجام یامان.
سن منی سئوسن ده دونيالار قدر،
يانيمدا گؤرمه‌سم سنی بيرجه آن،
گؤزومون يوخوسو چکیلیب گئدر.
دئميرم بؤيوكدور بو طبيعتيم،
بلكه ده، بلكه ده بو بير آزاردير.
قلبینه دَيمه‌سین سؤزوم-صؤحبتيم،
سنده محبّت ده، ناموس دا واردیر.
سنین وفانا دا اینانیرام من،
آنجاق نه اولسون کی بؤیوکدور شهر،
اؤزون ده حدّيندن آرتيق گؤزلسن،
ديديب پارچالاییر منی شوبهه‌لر.
#صمد_وورغون
@qanadli_duyqular
گول فصلی بو ایل عجب باهاریم کئچدی،
غــم بـیرله بو چـاغلاردا هـزاریم کـئچدی
سنسیز نه دئییم نه چکمیشم؟ الحاصل
قــانلار اودا - اودا روزگــاریم کــئچدی
#حکیم_فضولی
@qanadli_duyqular
یالقیز اوتورموشام داخمامدا یالقیز
قالانیب چیینیمه اومودسوزلوغوم
قویلانیب ایچیمده هاراییم، هاییم
گؤزلرین اینجاریم قارانلیق بوغوم
ماهنی‌لا یادلاشیب گولر دوداقلار
یوللاردان گؤزلریم سنی سوراقلار
قان آغلار حالیما قاینار بولاقلار
یولا دوش گلیشدن قارانلیق قوغوم
اومودو، آرزونو توتسام من اوزاق
کسه‌جک یولومو سویوق، چن، سازاق
بوشونا اوره‌ییم یاناجاق آنجاق
کؤنلومده ایراده، گوج گرک دوغوم
#بهروز_صدیقی
@qanadli_duyqular
قوجامان پالیدلار چوخ گؤز‌ل بیلیر
هر شیمشک بیر داغین فاجیعه‌سیدیر!
آچیلماز چیچه‌یی، باللانماز باری،
قیریلماق بوداغین فاجیعه‌سیدیر!
فلاکت ایستر کی، آسدیرا، آسا
بوْیۇ گؤرونه‌نین باشیندان باسا
قارا گون آغ گونو دؤنده‌ر‌ر یاسا
هر قارا بیر آغین فاجیعه‌سیدیر!
دورماز قاباغیندا توفانین، یئلین
آغزیندا یئم اولار هر داشغین سئلین
شیل اولماق آدامین، قول اولماق ائلین
کول اولماق اوجاغین فاجیعه‌سیدیر!
هاوالار سویوقدور، آرالار سرین
گوللـه‌‌لر قانسیزدیر، یارالار ده‌رین
قاندال آیاقلارین، بوخوو اللـرین
قیفیللار دوداغین فاجیعه‌سیدیر!
بیرینین یئرینده بئشی یوخدوسا
گۆللییه وئرمه‌یه دؤشو یوخدوسا
یولوندا اؤلمه‌یه کیشی یوخدوسا
وطنین، تورپاغین فاجیعه‌سیدیر!
#زلیمخان_یعقوب
@qanadli_duyqular
اولماسین
ایسته‌سن كؤنلوم كیمی زولفون پریشان اولماسین،
اول قدر جور ائت منه، آه ائتمك امكان اولماسین!
درد عشقین قصد جان ائتدی‌سه، من هم شاكیرم،
ایسته‌رم جیسمیمده درد اولسون، دخی جان اولماسین.
قویما اغیار ائیله‌سین كویونده جولان، ای پری!
اهرمن‌لر مالك ملك سلیمان اولماسین
آتش رویونده افعی تك یاتیب گیسولرین،
طُرفه جادودور كی مار آتشده سوزان اولماسین.
دئرلر عاشق كش نیگاریم قتلیمه آماده‌دیر
آللاه آللاه، بیر سبب قیل كی پشیمان اولماسین!
مبتلای درد عشقم، ال گؤتور مندن، طبیب!
ائیله بیر تدبیر کی، بو درده درمان اولماسین!
«صابر»ا امّید وصل ایله غم هیجرانه دؤز!
هانسی بیر مشكلدی كی صبر ایله آسان اولماسین؟
#صابیر
@qanadli_duyqular
❤️❤️❤️❤️ ضرب‌المثل👇👇
📌قونشی قونشی اولسا کور قزدا ارَع گدر .
ترجمه :
همسایه اگر همسایه خوبی بوده باشه ،دختر کورم هم عروسی میکنه !!
❤️❤️❤️❤️❤️❤️❤️