6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
«تاپشؽردی صبایه، دئدی: سال زۆلفو اۆز اۆسته،
ایمانیمی وئردی منیم آخؽر یئله، قاش-گؤز.
هرگیز، بۇ خطا دیده کیمی قاش-گؤز ائدممز،
گر عینی خطادان گله مین قافیله قاش-گؤز.
مین عاشیقی بیر تک تۆک ایله تۆک-توکه باغلار،
زۆلفونده ایشاره قؽلا گر بیر تئله قاش-گؤز.
گؤز اۆسته دئدین، قاش ائله‌ییب جانؽنی آللام،
قۇربانین اوْلوم، دؤنمه سؤزوندن، ائله قاش-گؤز.
ائیلر بۇ قدر عالمه قاش ۆ گؤزو تعریف،
وئرمز نییه صرافؽنا یارؽم، سیله قاش-گؤز؟»
#حاجؽ_رضا_صراف_تبریزی
@qanadli_duyqular
عؤمرون هر ایلینه بیر عومّان دئدیم
نییه اوزاق سالدی بو ایللر بیزی؟!
بیر آز سن تلَسسن، من گئجیکسه‌یدیم،
بلکه آییرمازدی ساحیل‌لر بیزی.
یاخین بیر سئوگینین اوزاق نیداسی،
اوره‌یی شیمشک تک اودلاییب کئچیر.
آیری ساحیللرین عئینی دالغاسی،
دوغما قلبیمیزدن آدلاییب کئچیر.
گئجه شیرین-شیرین مورگوله‌ینده،
سئیر ائدر آی سنی، کهکشان سنی
من «سحر کوله‌یی اسمه!» دئینده،
کیم ایسه اویادار یوخودان سنی.
قوشا کئچیرسینیز، یاخین گلمرم،
من یوخام، یانیندا نه زامان او وار.
گؤزومو قالدیریب باخا بیلمرم،
او ایسه ایسته‌سه، ال ده قالدیرار.
کئچیرسن، قوش اولوب قانادلانیرام،
آمّا اوجالماغا اوفوق چاتماییر.
سنی ملک‌لره ملک سانیرام.
او ایسه قانونی بیر آرواد ساییر.
بیرگه دؤیونمه‌ین اورک‌لر، گؤرن-
نئجه آددیملاییر دونیادا بیرگه؟!
گئجیکمیش آرزولار آشیب داشاندا،
باخارام کؤنلومدن آل قانلار آخار.
قانونسوز بیر نیکاح قانونلاشاندا،
حقیقی محبّت کناردان باخار...
#نبی_خزری
@qanadli_duyqular
سئومه‌دیم دۆنیادا قؽزیل-گۆموشو؛
دئدیم‌کی ووقاریم اعتیباریم‌دیر.
گؤزل سئوگیلیمین شیرین گۆلوشو،
منیم دؤولتیم‌دیر، منیم وارؽم‌دیر.
سئومه‌دیم دۆنیادا شانی-شؤهرتی
اوْنلاری حیاتدا افسانه ساندیم
باخ...! همن دئدیییم وارؽ-دؤولتی،
اؤز اۆرک قانیملا، اؤزوم قازاندیم.
آختارؽب گزه‌رم کؤنول یاریمی
گزه‌رم عؤمرومون باهاری کیمی
ایسته‌سه سئوگیلیم، گؤز یاشلاریمی،
دۆزه‌رم بوْینونا میروارؽ کیمی.
نادان قولاق آسسین قوْی یاخشی-یاخشی
سئوگی سئوینجیم‌دیر، سئوگی غمیم‌دیر
بیر آلا گؤزلونون اودلو باخیشی،
منیم جننتیم‌دیر، جهننمیم‌دیر
«نبی»یم، بیر داغام، باشی قارلی‌یام
دئمه: زیروه‌مده‌کی او دومان نه‌دیر
بۆتون وارلؽ‌لاردان داها وارلؽ‌یام
دؤولتیم محببت، وارؽم سئوگی‌دیر...
#نبی_خزری
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
اؤنونده دورورام,باخیرام یئره.
قورخورام ارییه م گؤزونه باخسام.
ائله, یانمالییام. اریمه لی یم.
کوله دؤنمه لی یم دوزونه باخسام.
یاساق یول قاپیسین,آچیب گئدرم!
سوچدا قویلانمامیش قاچیب گئدرم.
زیروه دن زیروه یه اوچوب گئدرم,
بو دلی کؤنلومون سؤزونه باخسام.
بیر باخدیم,آلداندیم گؤزللییینه
بولبولون سسینه,گولون اییینه,
وارلیغیم دؤنه جک تویا,دویونه,
بیرداها دونیانین اوزونه باخسام.
یوخولو گؤزلریم اویانا بلکم!
گؤیلرین رنگینه بویانا بلکم!
بو گئدیش بیر یئرده دایانا بلکم!
اؤلوم کاروانینین ایزینه باخسام.
آچ یولومو! چاغیر! گلیرم آخی!
آل! قایتار سسیمی ملیرم آخی!
یئنه دیریلرم بیلیرم آخی!
موقددس اوجاغین کؤزونه باخسام.
#عقیل_مورادی_ائلدار
@qanadli_duyqular
❤️👍👍👍
/channel/bums/app?startapp=ref_6WaDDQBc
این بازی رو از دست ندید☝️☝️☝️
نه قدر عشقیمیز، ای گول، بئله پنهان اولاجاق؟
آشکار ائیله‌مه‌یینجه اورگیم قان اولاجاق
نه قدر اوزونون حسرتین عاشیق چکسین
نه زامان وصلینه بس یئتمگه ایمکان اولاجاق؟
بس هاچان رحم ائده جک بولبول بیچاره یه گول
نه قدر بس او فقیرین ایشی افغان اولاجاق؟
عشقدن باشقا نه درد اولسا، یئنه چاره سی وار
آیریلیق دردینه، بیلمم، نئجه درمان اولاجاق
اؤز خوشوملا او قارا زولفه اسیر اولدوم اؤزوم
بیلمه دیم، خاطیریم عشقینده پریشان اولاجاق؟!
سن گؤتور مسجیدی، زاهید، بیزه میخانه نی وئر
کیم بو ایشده گؤرک آخیردا پشیمان اولاجاق؟!
هله، واحد، مئیه میل ائیلمه، قوی گَلسین او گول
یارسیز یئرده مئی ایچمک بیزه نقصان اولاجاق
#علی‌آقا_واحید
@qanadli_duyqular
دونیا سنین، دونیا منیم...
بیر طالعین اویونوندا جوتلنمیش زریک،
یوز ایل قوشا آتیلساقدا قوشا دوشمه‌ریک،
بیر ذرّه‌نین ایشیغینا میلیونلار شریک،
دونیا سنین،
دونیا منیم،
دونیا هئچ کیمین...
چئوره‌سیندن چیخسا اگر سئودا فیرفیران،
بیر اومیدین اتگیندن توتوب دا فیرلان،
ائشیدیرسن؛ پیچیلداییر ییخیلان، دوران:
دونیا سنین،
دونیا منیم،
دونیا هئچ کیمین...
بو گئت-گل‌لر بازاریندا دوه‌دی دونیا،
بو عؤمور-گون آخیشینا هوه‌دی دونیا
ابدی یه قه-قه چکر ابدی دونیا،
دونیا سنین،
دونیا منیم،
دونیا هئچ کیمین...
آیاق ساخلا، دؤوره‌نه باخ اؤتری بئله
مین ایل‌لردیر آراز بئله، هکری بئله،
آخشاملارین، سحرلرین تکری بئله،
دونیا سنین،
دونیا منیم،
دونیا هئچ کیمین...
گولونج‌لره گولونج گلن بو آدا گولدوم
یویه‌نینه هر ال یئتن بو آتا گولدوم،
من اؤزومله اوینادیغیم شاهماتا گولدوم،
دونیا سنین،
دونیا منیم،
دونیا هئچ کیمین...
#ممد_آراز
@qanadli_duyqular
اوزو بَری باخان گؤزلر
نه قالدی کی، غَمدن باشقا؟!
بیر سئوگی وار اوره‌ییمده
بیلن یوخدور سَندن باشقا...
#نوصرت_کسمنلی
@qanadli_duyqular
گئتمک ساده‌جه بیر ائیلم(حرکت)دیر
اونوتماق ایسه بؤیوک بیر دئوریم(انقلاب)دیر.
#ناظیم_حیکمت
@qanadli_duyqular
یوخودا اؤلمک
دئییرلر: «یوخودا اؤلمک آساندی
اؤزون ده بیلمیرسن نئجه اؤلورسن.
سحر تئزدن ائشیدیرسن آذان‌دی،
یوخوداجا کیریمیش‌جه اؤلورسن.
بیر گؤز قیرپیمیندا قورتولور جانین،
روحون بدنیندن اوچور قوش کیمی.
الینده قالمیرسان دردین، درمانین،
درده ده سالمیرسان ائوده هئچ کیمی.»
کیم دئییر یوخودا اؤلمک آساندی؟
کیم بیلیر، نئجه‌دی یوخودا اؤلمک؟
بلکه ده، ان بؤیوک درددی، عذابدی،
ان پیس ایشگنجه‌دی یوخودا اؤلمک.
بیر گؤز قیرپیمیندا یوخودا بلکه،
ایللرجه بئلینده داش داشیییرسان.
نفسین کسیلیر آخیردا بلکه،
عؤمرونو داشلارا باغیشلاییرسان.
بیر گؤز قیرپیمیندا یوخودا بلکه،
جلّاد بالتاسی‌یلا اوزولور باشین.
اوردا قیزیل قانین آخاندا بلکه،
یاستیغا سوزولور اوردا گؤز یاشین.
«یوخودا اؤلمکدی ان راحات اجل»
بو دا، بیر یالانچی تسلّی‌دی‌می؟
گؤره‌سن یوخودا سنی بوغان ال،
دوشمن الی‌دی‌می، دوست الی‌دی‌می؟
نه‌دی بیرجه آندا عؤمره سون قویان؟
بئینه آخیب سیزان بیر داملا قاندی.
کیمدی قبرین اوسته ان برک آغلایان؟
بلکه ده یوخودا سنی بوغاندی.
گئجه قورخو چؤکر یوخوموزا دا،
ترپه‌نر کیمین‌سه قارا کؤلگه‌سی.
بلکه حاصار چکَک یوخوموزا دا،
هئچ کس یوخوموزا گیره بیلمه‌سین.
بلکه هئچ یاتمایاق، هر یاتانین دا
اگر اویانماماق قورخوسو وارسا.
بلکه هئچ یاتمایاق، عؤمرون سونوندا،
اونسوز دا، بیر اجل یوخوسو وارسا.
آمّا یوخون گلیر گؤرورم ائله،
داها یاواش-یاواش یومولور گؤزون.
یات... صاباح اویانماق اومیدی ایله،
یوخون شیرین اولسون، اویو، عزیزیم...!
#رامیز_رؤوشن
@qanadli_duyqular
بو گئت- گلین قایداسیدیر:
غملی گلسه شن گئدجک.
زامان چرخی ترسه دؤنسه,
قارا ساچدان دن گئدجک.
خئییر شرله قوشالاشماز.
ایلان یارپیزا دولاشماز.
بایقوش گونه نغمه قوشماز
گونو گؤرسه گن گئدجک.
اؤز سوروندن قالیب دالی
ملیرسن دردلی, یارالی!
دومانلی داغین مارالی
دؤزه بیلسن ,چن گئدجک.
شؤهرت چوخاسی گئیینسم,
هئی "من"دئسم هئی اؤیونسم,
چوخ اوتورسام. چوخ دئیینسم,
زهله لر مندن گئدجک.
#عقیل_مورادی_ائلدار
@qanadli_duyqular
بئينيمده ساوالان، گؤزومده آراز
يول آليب گئديرم دوماندا، چنده
درديمی سيزلايير بير صدفلی ساز
نسيگيله بويانير ماهنی دا منده
ساغيم دا يارادير، سولوم دا يارا
باغلانيب آياغيم كؤچه بيلميرم
سنه كؤرپوله‌نن قولوم دا يارا
بو سینيق كؤرپودن كئچه بيلميرم
اوزومو دؤندَريب خزره ساری
سينيرام ايچيمده آيلی بير گئجه
گؤزومده سورگوندو دورنا قاطاری
ياييليم‌لی بير گئجه، يايلی بير گئجه
حسرتله دايانيب بير آه چكيرم
آرزيمی گؤزومده سئله دؤندَرير
ساحيلدن ساحيله گوناه چكيرم
باغریمی يانديريب كوله دؤندرير
بير قوشما يازيرام ياريسی سودا،
ياريسی توپراقدا اود توتوب يانير
بارماغيم آز قالير سنی اونودا
بلكه ده وئرديیی ايلقارين دانير
بلكه ده يازيميز يازيلميش بئله
بلكه ده ساوالان سيغمايير منده
اوره‌ییم توخونور تیکانلی تئله
«دومان»دا، یاغیشدا، بوراندا، چنده...
#دومان_بختیاری
#گون_آیدین
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
کؤنلومون مولکونده بیر باغ سالمیشام
کاش اونون گولونو بیر گؤزل اوزه
اوباغدا بیر گؤزل حوووض قورموشام
آینا سولاریندا بیر گؤزل اوزه
یامان یارالاییب یار. ادان منی
یارادان ساغالتسین یارادان منی
وورغون یارادیبدی یارادان منی
بیر خوش تبسسومه بیر گؤزل اوزه
من اوزه بیلمیرم آ. گؤز. ال. سندن
من قارانقوش اولام آ. گؤزل سن. دن
ایسته ییم بودور کی آ. گؤزل سندن
بهمن دن ساوایی بیر گؤز ال اوزه
#بهمن_وطن_اوغلو
@qanadli_duyqular
کئچیر اؤز قانؽنا باتان آداملار،
بیرده کی قان هانؽ؟
قان آخؽ یوْخدو.
هامی گۆناهکاردی دۆنیادا آما،
دۆنیادا هئچ کسین گۆناهی یوْخدو.
بیزسیز یازؽلمیشدی بۇ طالع، بۇ بخت،
ساپانددان آتؽلان بیر جۆت داشؽق بیز.
بلکه‌ده دۆنیادا اوْن-اونبئش ایل یوْخ،
مین ایل بۇندان قاباق آیرؽلمیشیق بیز.
حالال یوْلوموزو دَییشیب نسه،
چاشمؽشیق، بیر اؤزگه یوْلدان کئچمیشیک.
بلکه مین ایل قاباق سئهو دۆشوب نسه،
مینیللیک بیر سئهوه قۇربان گئتمیشیک.
رامیز_رؤوشن
@qanadli_duyqular
واختیندا گلمه‌دیم بو دونیایا من.
اوتوز-قیرخ ایل قاباق گله‌یدیم، آللاه!
قوشولوب «جاوید»ه، «احمد جاواد»ا،
«سیٖبیٖر» چؤللرینده اؤله‌یدیم، آللاه!
داهی «خاقانی»نی گؤروب بو اؤلکه،
«کربلا»دا یاتیر «فضولی» آنجاق.
بۆرۆسه دونیانی بولودلا کؤلگه،
«نظامی» اونسوز دا ایشیق سالاجاق.
هانی «موشفیق»یمین، هانی مزاری؟!
گئدیم سجده ائدیم، زیارت ائدیم.
کیملر پوچ ائیله‌ییب بو آرزولاری،
آخی، من کیملره شیکایت ائدیم؟!
قیمتی بیلینمز دیَرلی سؤزون،
هره‌نین قلبینده سؤز شوعاری وار.
دولانیم باشینا آنام «تبریز»ین،
چونکی شاعیر اوغلو «شهریار»ی وار.
او وصف ائله‌ییبدی نئچه گؤزَلی،
بعضاً مئیدانلار دا دوروب آیاغا.
نئچه گؤزل شعری، نئچه غزلی،
چایخانادا یازدی «واحد علی‌آغا».
اورا «قالاآلتی»دی، بیل‌گینن اونو،
اوندا دا بیر غملی شاعیر «ائیواز» وار.
یاشاسین، آی قارداش، آزربایجانی!
چونکی شاعیر اوغلو «ممّد آراز» وار.
#یتیم_ائیواز
@qanadli_duyqular
آداملار،
گلنده
موسیقی‌لرینی ده اؤزلری‌یله گتیریرلر،
آمّا گئدنده
آپارمیرلار.
آداملار،
گلیرلر
گئدیرلر
آمّا داریخمالاریمیزدا،
شعرلریمیزده،
گئجه‌لریمیزین ایسلاق رؤیالاریندا،
قالیرلار...
#هرتا_مولر
#گون_آیدین
@qanadli_duyqular
محنت عشق، اى دل «آساندير» دئيه، چوخ وورما لاف!
عشق بير يوكدور كى خم بولموش اونون آلتيندا «قاف»
اولما غافل دُردکش‌لر صحبتیندن، ای کؤنول!
گر دیلرسن ائده‌سن آیینه‌ی ادراکی صاف.
صبحدم زولفون داغیت، یا شام عرض عارض ائت!
قویما صبح و شام آراسیندا طریق اختلاف!
رشکِ رخسارین، دلِ خورشیده سالمیش اضطراب،
غیرتِ قدّین مزاج شمعه وئرمیش انحراف.
خاک کویون کعبه‌یه نسبت قیلان، بیلمزمی کیم-
بوندا هر دم، اوندا بیر نوبت اولور واجب طواف؟!
وهمیم اونداندیر کی ممکن اولمایا غمدن نجات،
فَرِّج اللّهمّ هَمّی نَجِّنی ممّا اَخاف!
ای «فضولی!» زاهد ار دعوای عقل ائیلر، نه سود؟
نفیِ ذوقِ عشقدیر جهلینه عینِ اعتراف....
#حکیم_ملامحمد_فضولی
@qanadli_duyqular
یئنه سنسیز خیاوان لار بو گئجه قان دیله‌نیر
ال‌اله گزدیگیمیز بوش کوچه‌لر جان دیله‌نیر
یاپیشیب دیر اتگیمدن سورونور هئی بو شهر
نه شهر بلکه سنی هر کؤشه هر یان دیله‌نیر
داریخیر بوش اوتاغیم غم آسیلیر پنجرمه
سسینی تاخچامین اوستونده کی قورآن دیله‌نیر
یوگورور غم قوشوُنو اوستومه اولکور اوره‌ییم
سوسویوبدور قانا قان قان دییه قوربان دیله‌نیر
یاسا باتمیش گئجه‌نین سانجیسی دولموش سحره
شافاغین آستاناسیندان گئجه‌لر دان دیله‌نیر
باساجاق باغرینا یوللار گؤزو دؤنموش جانیمی
سانکی سنسیز خیاوان‌لار بو گئجه قان دیله‌نیر
#فرزین_نقی‌یان
@qanadli_duyqular
اُؤز عؤمرومو شوم ائله دی اؤز اَلیم ،
یازیمدا گول ، پاییزیمدا خزه لیم
گون دوغاندان ، گون باتانا منزیلیم
بودا بئله بیر عؤموردو یاشادیم .
زاریماغا عؤمور دئییب آغلاما ،
هر اُؤلومه ، اُؤلوم دئییب آغلاما
طالع دؤیوب ، حاقلی دؤیوب آغالاما
بودا بئله بیر عؤموردو یاشادیم .
اوغلوم یوخدو ، سونوم یوخدو دئدیلر
ساغیم یوخدو ، سولوم یوخدو دئدیلر
اودوم بویدا سویوم یوخدو دئدیلر
بودا بئله بیر عؤموردو یاشادیم .
گاه اُؤزومو ، اؤزوم قوودوم یورولدوم
اُؤز دیکته مین قویروغونا قول اولدوم
وطن گؤیو ، گؤیلویونده دورولدوم
بودا بئله بیر عؤموردو یاشادیم .
زیروه ده کی اَل چاتمایان قالا من ،
اَتک ده کی سینه جیغیر تالا من
خدافرین هاراییندان قالان من
بودا بئله بیر عؤموردو یاشادیم.
اوجاق اولدوم ، اوجاق داشی اولمادیم
هر چالایا آخان ناشی اولمادیم
آرازیملا یول یولداشی اولمادیم
بودا بئله بیر عؤموردو یاشادیم.
#ممد_آراز
@qanadli_duyqular
بو دا سونونجو گون
بو دا سونونجو گون، سونونجو ویداع
بو دا آیریلیغین سونونجو تینی
قوزوم! هر گؤروشون سون اوجو ویداع
گؤروردوم بو گونو،
سنینله گؤروشون بیرینجی گونو...
«یولون اوغورلو اولسون» دئییرم سنه
قارشیندا عؤمور-گون سیناغی دورور
نه دئییم؟! بلکه ده یولوندا یئنه،
منیم تک بیر سئودا قوناغی دورور
گئدیرسن... بو گونو ساخلا یادیندا
یادداشین من وئرن درسی پوزماسین
سن ائله آلیش کی سنین اودوندا،
اؤتری قوناقلار قوی قیزینماسین!
قارشیمدا نه چپر، نه ده کی باری
منیم ده عؤمرومه بئله‌جه گلدین
قلبینده بیر چینقی اود ساخلا باری!
بلکه بیر چیراغی یاندیرا بیلدین
اییل...! محبتین اؤنونده اییل!
بلکه بو دونیادان قوپارا سنی
طالعین ائستافئت آغاجی دئییل،
هره بیر منزیله آپارا سنی.
بیر گون ده سربست‌لیک تاختی دئوریلیب
عؤمرونه گلینلیک ایللری گلر
دونیانین بیر نامرد دوستا چئوریلیب
صاباح کندیرینی دوغرایا بیلر
بو دا سونونجو گون، سونونجو ویداع
بو دا آیریلیغین سونونجو تینی
قوزوم! هر گؤروشون سون اوجو ویداع
گؤروردوم بو گونو،
سنینله گؤروشون بیرینجی گونو...
#نوصرت_کسمنلی
@qanadli_duyqular
گيلئی‌لى-گوزارلى سؤز يازا-يازا
كوسه‌يديم، قويايديم اوزومو نازا
تاختايا سيم قوشوب، او يازيق قيزا،
"كرم"ی چالديغيم گونلر اولايدى!
گؤزوم قالیب او سئودانین دالینجا
کاش یادیمدا قالمایایدی؛ قالینجا،
«شانلی مکتوب» یازیب، جاواب آلینجا،
نیگاران قالدیغیم گونلر اولایدی!
گزیرم تاپمیرام آرانی-داغی
کؤنول ایتگین دوشوب، عؤمرون او چاغی
قپیک-قپیک ییغیب بیر بویون باغی-
یادیگار آلدیغیم گونلر اولایدی...!
#شوجاعت_کلبجرلی
@qanadli_duyqular
بیر سس‌دن باشلادی هر شئی
سن‌ده- منده بو دونیادا...
بیر کس‌ده دولانیر هئی- هئی
بو دولانیش بو رؤیادا
من او سسین اینجه روحو
سن او سسین دینجه‌لیشی
گل سس‌له‌نک بیرگه هو-هو
اولاق سسین دیرچه‌لیشی
من او سسین قیرمیز گولو
سن او سسین آخار سویو
من او سسین تر قوخوسو
سن او سسین سؤنمز کویو
بیر مئلودی بتنین‌ده‌ییک
نه‌سه بعضن بم‌ی-زیلی
هرنه‌سه هرنه‌یه شریک
آلچاق-اوجا-سؤزو-دیلی...
بو یاشام بیر فصیل‌ایمیش
بیز ایسه یاغیشی-قاری
بیر چالقینین روحو اوسته
بیز چیرپینان بارماق‌لاری
گل او سسین اوره‌یین‌ده
بیز قول-قولا اولاق باری
بیر معنانین دیله‌یین‌ده
ایز بیراخاق یاری-یاری...
منده سن‌ده او سس‌ده‌نیک
یاشیل باغین أته‌یین‌ده
ال-اله وئر بیر چالیناق
یارین یارپاق توته‌یین‌ده!...
#مهدی_سربازی_علمداری
@qanadli_duyqular
یئددی یئر گؤی یئددی دریا، یئددی مصحف یئددی خط
نؤطق حقدن مست اولوبدور، هفت و پنج و چار مست
چون شراب جانفزا گلدی بیزه خم خانه دن،
اولدو آنین قطره سیندن بو سر و دستار مست
چنگ و دف، هم عود و نی سرمست اولوب ائدر فغان
بو خراباتی ایچینده سؤیله نن گفتار مست
مست اولوب گیر شهر عشقه، گوره سن آندا عیان
صورت خوبان عالم چارسو بازار مست
میر مست و خواجه مست و بنده مست از جام عشق
راه مست و خانه مست و بو در و دیوار مست
مست اولوب سؤیلر انا الحق عشقله عالمده بیل
یعنی کیم منصور عاشیق اولوبان بر دار مست....
#اولونسیمی
#گون_آیدین
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
#حسرت
بو گئجه دونیانین ان غریبی‌یم
نه داما، نه داشا سیغیر بو حسرت.
جانی بوغازیندا اولان جانیمی،
ییغیر بوغازیما، ییغیر بو حسرت.
دونیادا ان غریب بو گئجه منم
بو نئجه غوربتدی، بو نئجه منم؟
سارالمیش باغچایام، سولموش چمنم
بئله‌جه کؤنلومو سیخیر بو حسرت.
دئییر گؤز یاشینا آغلا، آی اورک!
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت.
بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکیییب دمیر اولموشام
دونیانی اوستومه ییخیر بوحسرت.
بو گئجه دیدرگین قوش للـه‌یی‌یم
اوزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت.
بو گئجه داشلارا دَییب قاییدان-
سسلره بنزه‌ییر سئوگیم ده، اینان!
بو گئجه اوستومدن یول سالیب گومان
گؤرن نه اولاجاق آخیر بو حسرت...؟
#علی_جوادپور
@qanadli_duyqular
فراقی چکمه ین عاشیق، وصالین قدرینی بیلمز
جمیله اولمایان واصیل، جمالین قدرینی بیلمز
شب اسراده قوسینین ایکی نصف ائیله‌دی آی‌ی
بو معجزدن اولان غافیل، هلالین قدرینی بیلمز
دوداغین سلسبیلیندن خبردار اولمایان جانسیز
اونون ماهیتی اود دور، زلالین قدرینی بیلمز
مدور نقطه‌ی خالون، ببک‌دن عینینه قوندو
ببک‌سیز قالسین اول گوزکی بو خالین قدرینی بیلمز
نهالین اعتدالیندان، اوتانار سدره و طوبی
بو قدی بنزه‌دن سروه، نهالین قدرینی بیلمز
سنی سندن دیلر کؤنلوم، نه دونیانین زر و گنجین
کی اول مالی سئون جانسیز، بو مالین قدرینی بیلمز
اوزوندور پرده آللاهین یمینی، کعبه سی، بیتی
یمینی بیلمه‌میش هر کیم شمالین قدرینی بیلمز
گونش ماه تمامیندن زوال‌ه اوغراشور هر گون
نه دن شول آفتابی بی زوالین قدرینی بیلمز
لب لعلین وصالیندان جدا اولماق منه دوشمز
بو ذوقی بیلمه‌ین صوفی، بو حالین قدرینی بیلمز
"نسیمی" صوفی دگیشمز غمیندن گئیدیگی شالی
کی اول صوفی صفاسیزدور بو شالین قدرینی بیلمز
#اولو_نسیمی
#گون_آیدین
@qanadli_duyqular
صبريميز سؤز قونوسو مين هيجان قوينوندا،
گل-ده آچ قار چيچه-ييم شاختا-بوران قوينوندا.
آرپا چای سيز و آرازسيز من او ايتگين سارا كی،
ياشاديردين منی سن هر گون آخان قوينوندا.
حسرتيندن حزين-حال سيز و حايات سيز جانيمی،
وئره-رم بيرده گزم ياز تک آچان قوينوندا
لال آشيقلار ساياغی غوربتی كؤكله ندی سازيم،
سؤزومون مين آوازی سيندی اوزان قوينوندا.
سارماشيق تك فيكيريم قارما-قاريشدير دولاشير
مني او درده سالان دويمه، ياخان، قوينوندا ...
آتاميز سورگونه گئديكده آنام بويلويدور
دونيايا، آلما يئريكليردی، تاوان قوينوندا.
جايديرير فيكريمی بيردن اوچورام قارتال تك،
خطری باشدان آشان مين طيران قوينوندا.
جانلانيردي گؤز اؤنومده گؤزو قانلي-قادالی
تنی، تبريزليييمين باغری دومان قوينوندا
دؤشو او شانلی شاخان بايراغيمين مسكنی دير
سرحدی سئوگی، آی-اولدوز گؤزو قان قوينوندا
يوز سينيرسيز اؤپوشون يوردو، پريشان قوجاغی!!
سؤزو قاچ دير، گؤزو بير عؤمر دايان قوينوندا
#آیسو_مختاری
@qanadli_duyqular
.
بو گئت- گلین قایداسیدیر:
غملی گلسه شن گئدجک.
زامان چرخی ترسه دؤنسه,
قارا ساچدان دن گئدجک.
خئییر شرله قوشالاشماز.
ایلان یارپیزا دولاشماز.
بایقوش گونه نغمه قوشماز
گونو گؤرسه گن گئدجک.
اؤز سوروندن قالیب دالی
ملیرسن دردلی, یارالی!
دومانلی داغین مارالی
دؤزه بیلسن ,چن گئدجک.
شؤهرت چوخاسی گئیینسم,
هئی "من"دئسم هئی اؤیونسم,
چوخ اوتورسام. چوخ دئیینسم,
زهله لر مندن گئدجک.
#عقیل_مورادی_ائلدار
#گون_آیدین
@qanadli_duyqular