6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
ايلاهی باغيشلا بَدخواه لاريمی
دؤنده‌ر ياواش _ ياواش خئیر خواه إئیله
چَکیلسین دۆنیانین قارانلیقلاری
هر تۇتقۇن گئجه نی بیر صاباح إئیله
#زلیمخان_یعقوب
@qanadli_duyqular
"خزانلار"
بیر خزاندا،
پارلاق گونش دوغدو.
بیر خزاندا،
بولوت گلیب گونو بوغدو.
آتلایارکن خزانلاری،
زامان بیزی قووالادی.
گلدی زامان کئچدی زامان،
آیری دوشدوک یوردوموزدان.
حسرت قالدیق
سرین سرین بولاقلارا،
گول-چیچکلی اوتلاقلارا
#حبیب_ساهیر
@qanadli_duyqular
یالانچی دوستلاریم
ایناندیم سیزلره قلبیمی وئردیم
دوغرو آختاریردیم، مین یالان گؤردوم
سیزه آرخالاندیم، چوخالدی دردیم
یالانچی دوستلاریم، نه دئییم سیزه!؟
شام کیمی یاندینیز، پروانه اولدوم
قیش تک سویوندونوز، گول کیمی سولدوم
سیزی دردلی گؤروب دیوانه اولدوم
یالانچی دوستلاریم، نه دئییم سیزه!؟
گودازا نه قدر مردی وئردینیز!
سئوینج ایسته‌ییردیم، دردی وئردینیز
منه درد چکیلمیش سرگی وئردینیز
یالانچی دوستلاریم، نه دئییم سیزه!؟
ملَک گؤرکمینده نادان اولدونوز
«قادان آلیم» دئدیم، قادام اولدونوز
من ائله بیلیردیم آدام اولدونوز
یالانچی دوستلاریم، نه دئییم سیزه!؟
بیر مئیوه وئرمه‌دی بار آغاجینیز
یاغدیردی اوستومه قار، آغاجینیز
منیمچون حاضیرمیش دار آغاجینیز
یالانچی دوستلاریم، نه دئییم سیزه...!؟
#نوصرت_کسمنلی
@qanadli_duyqular
اَییل سولار اوسته تؤکولسون کؤلگه‌ن
اوخشاسین کؤلگه‌نی، چشمه‌نین الی
قوی دئسینلر قوش‌لار: - گوللَـندی باغچا
او ساریشین گؤزل باغا گله‌لی
اَییل حلقه‌لَـنسین سودا ایشیغین
اَریسین سولاردا یاقوتی رنگین
قوی سنین شوقون، سنین شفق‌ین
گوللو ایزلر آچسین بولاقدا درین
گَـل! سؤنن غروبون کهربا رنگی
بویاسین حیاتین آغ پرده‌سینی
قوی دینله‌سین کؤنلوم غملی آخشامدا
باغ‌لاردا خزانین سون نغمه‌سینی
اساطیرین گؤزل معبوده‌سی تک
اؤز عشقینله یاندیر قارا کؤنلومو
او بایغین باخیشلا، تاتار گلینی،
پریشان ائیلمه یارا کؤنلومو...
او اودلو باخیشین منی سوزر کن
آچیلا روحومدا بیر اوفوق... اوندا
عشقین صوبحی کیمی، گولر اوزاقدان
ماوی پرده‌لرده سِحرانگیز دونیا
اَییل سولار اوسته، آخشام اولدوزو!
سِیر ائت آسمانین درین‌لیگینی
او ماوی عالمین اهتزازیندا
قوی زولفون اوخشاسین سرین‌لیگینی
#حبیب_ساهر
@qanadli_duyqular
آذر آیێ‌نین 24.نجۆ گۆنو #حبیب_ساهر، آذربایجانلێ شاعر، یازیچی و یئنی شعرین آتاسێ‌نین آنێم گۆنودور.
@qanadli_duyqular
یولداشلار زحمت اولماسا بونو کانالیندا لایک ائیله‌یین💐💐🙏
Читать полностью…
هاردا قالیم ایلاهی، هارا گئدیم ایلاهی؟!
اؤزونو قوی یئریمه! من نه ائدیم، ایلاهی؟!
بنده‌لرین یئرده‌دیر، سن گؤیده نه گزیرسن؟
گل، بیر اینسان عؤمرونو یاشا گؤروم، دؤزورسن؟!
#آقشین_یئنی‌سئی
@qanadli_duyqular
گلدیم کی قلبیمی گئری گؤتورم
گؤردوم کی قلبینده باشقاسی واردی
سن دئمه عونوانی سهو سالمیشام من
قلبینین نه قدر بؤلگه سی واردی
یئنه ده گؤروشدو کؤهنه تانیشلار
گیزلینجه گؤز_گؤزه باخدی باخیشلار
گؤزومدن قلبیمه یاغدی یاغیشلار
دئیه سن بو شهر بیزه دار گلیر
قلبیمدن سیلینمز یازی اولارسان
گؤزومدن سوزولن گؤزه اولارسان
دئییردیم عؤمرومون یازی اولارسان
من باهار ایسته دیم آمما قار گلیر
گؤرورسن؟ بو شهر بیزه دار گلیر
بیلیرم سن ایندی اؤزگه یاریسان
بلکه ده خیانت فداکاریسان
تاریخین ان بؤیوک گوناهکاریسان
گؤرنلر دئییرکی "گوناهکار گلیر"...
#جوشقون_کامال
@qanadli_duyqular
گلیر
تاریما چکیلمیش سیمه بنزه سن،
تیتره بیر یارپاغین تیتره‌مه‌سیندن!
بیل، دنیزده جوشان سویون سسیندن-
خزری گلیر، یوخسا گیلاوار گلیر!
بیراز سیخناشاندا گؤیده بولودلار،
یاواشجا تیتره‌شیر یئرده گؤی اوتلار
اونلار دا بیلیر کی: هاوادا چن وار،
صاباح یاغیش گلیر، صاباح قار گلیر.
هر کسه مُیسّر دئییلدیر آنجاق،
اورکدن کئچنی گؤزدن اوخوماق،
قارانقوشدان قاباق، تورپاقدان قاباق،
گرک بیله‌سن‌کی، ایلک باهار گلیر.
قلبیم گؤتورمه‌ییر بری-بزه‌یی
چتیندیر یاماماق سینمیش اوره‌یی
اؤزون درک ائده‌سن گرک هر شئیی
سنی باشا سالماق منه عار گلیر
باخیشدان سؤز گؤتور، سؤز آنلا سؤزدن!
حسّاس اول، سئوگیلیم، عؤمرون بویو سن!
اگر سئویرسن‌سه، آیاق سسیمدن-
گرک بیله‌سن کی «بختیار» گلیر...
#بختیار_واهابزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
سازی بوینوندان آسیلمیش لال آشیقلار کیمی یم
کؤکسونو پاس بوروموش جانسیز آشیقلار کیمی یم
هئچ موسافیر ال اوزاتمیر منه یول دوشگونونه
سانکی دهشتلی بوروق دار دولاشیقلار کیمیم
کولگه لر کول سپرک فریادیمین دؤنگه سینه
هارایا زهر ایچیرن قانلی قاشیقلار کیمی یم
پاییزین دوزلو دؤشونده چورویور ماوی کؤکوم
قان دیلکلی وطنه بوز یاراشیقلار کیمی یم
منی آیدینلیق ائویندن یالاواج قوودوز سیز
گئجه نین آللینا دوشموش قیریشیقلار کیمی یم
قوچ کوراوغلو"یلا «شیکسته» اورییمدن قوپاراق
سازی بوینوندان آسیلمیش لال آشیقلار کیمی یم
#آتیلا_کیشی_زاده
@qanadli_duyqular
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
آلقیش حاق یولوندا جان قویان‌لارا،
قارغیش ظالیم‌لره، جان آلان‌لارا.
آلقیش ائلی اوچون چالیشان‌لارا،
قارغیش ائل قانینا داراشان‌لارا.
آلقیش اؤزگورلویو قانان اینسانا،
قارغیش آزادلیغی قاپان حیوانا!
آلقیش جهل اودونو سؤندورن‌لره،
قارغیش عالیم‌لری اؤلدورن‌لره.
آلقیش «ستارخان»ا، آلقیش «بابك»ه،
قارغیش ساتقین‌لارا، قارغیش ناكسه.
«آلقیش مرد یاشاییب مرد اؤلن‌لره،
قارغیش قورخاق‌لارین دوغان ایلینه...»
#دوكتور_زهتابی
@qanadli_duyqular
#گؤردوم
قاریشیب دونیانین یاخشی-یامانی،
عذابی، لذتی، سئوینجی، غمی.
گؤروندویو کیمی گؤردوم دونیانی،
چوخ واخت گؤرَنمه‌دیم اولدوغو کیمی.
گلدیم دونیا ایله چوخ واخت دؤش-دؤشه
بعضاَ آلا بیلدیم اؤز ایسته‌ییمی.
حیات قورتاراردی اگر همیشه،
دونیا گؤرونسه‌یدی اولدوغو کیمی.
دونیا چالین-چارپاز داغلایان کسی
اؤزگه‌سینه سئوینج پایلایان گؤردوم.
اَن بؤیوک سئوینج‌ده آغلایان کسی،
درد ده قول گؤتوروب اوینایان گؤردوم.
آرزو تَن‌لییینده، حیسٓ تَن‌لییینده،
توتور آغ قارانی، بم سس زیل سسی
بیرلشیر دویغونون دَرین‌لییینده،
سئوینجین زیروه‌سی، دردین زیروه‌سی.
ای کؤنول، دونیادان نه کوس، نه اینجی،
سئوینج ده غمی گؤر، غم ده سئوینجی.
#بختیار_وهابزاده
#آخشامینیز_خئییرلی
@qanadli_duyqular
کیپریک‌لریمین اوجونداکی بولودلار،
... پاییزین آرتیق سون کلمه‌لری‌دیر.
اۆزۆمده دونیالی ملک‌لرین سرین نفَسینی حیسّ ائدیرم،
قار دوشمه‌یه باشلادی تپه‌لریمیزه،
بیاض بیر شعر اوچون آرتیق توفنگیمی توشلاییرام.
#عصمت_اؤزل
@qanadli_duyqular
#قاییت
یاغیش یاغیر یارامیز گؤینه ییر آماندی قاییت
گون اورتانین سینه سی یاندی سئل دایاندی قاییت
قاییت باهار چیچه گیم هئی قاییت بنؤوشه قیزیم
سیزیم سیزیم اوره گیم سیندی پارچالاندی قاییت
یالین دیلک لری آسدیق یاغیش یاغاندا یولا
یولون دوشونجه لری پرده پرده یاندی قاییت
هایاندا ساچلارینی یئل داغیتدی کؤرپه جیگیم
سیتم له سونگویه سیغمیش شهرده، قان دی قاییت
سئل اولموش آرزیلارین ماتمینده ییک حله ده
بو یاسلی پنجره لر شعری بیر نیشان دی قاییت
اوزاقدا قالما الیم گؤینه ییر اوزون ساچینی
سویون بو یوللاری، دحشت دوغور،دوماندی قاییت
بیلیرسن ایللری یورسامدا ، کؤرپولردن ایراق
گؤزومده یوللارا داغ باسدی دردین آندی قاییت
یازین یازیلمادی دردی ، قالاق - قالاق قالانیر
یاغیش یاغیر، یارامیز گؤینه ییر آماندی قاییت
#دومان_بختیاری
#گئجه_نیز_خوش
@qanadli_duyqular
بو گؤروش نه آجی قیسمت‌میش بیزه
ائله بیل بیر کدر گؤلونه دوشدوک
سالامسیز کلامسیز دوروب اوز-اوزه
بیر خئیلی باخیشلا، گؤزله گوروشدوک
اسدی اورک کیمی اووجومدا الین
سن ازل بو قدر کؤورک دئییلدین
سن ازل بو قدر مئهریبان، حلیم
سن ازل بو قدر قشنگ دئییلدین
هانی عؤمروموزون او کئچن گونو؟
هانی اؤز عهدینه او دؤنوک آندیم؟
سنین "گل باریشاق" تبسّومونو،
من او واخت ال آچان دیلنچی ساندیم.
ایندی دایانمیشیق اوز-اوزه، یاخین
تاسّوف چای کیمی آخیر آرادان
بلکه ده وعده‌سیز یاخین اولماغین
جاذیبه گوجوندن تئز آشیر آدام
بیر عشقین دولاشیب ایتن یولونا،
توتما چیراغینی بو عالمده سن!
کاش ائله مزارا گئدن یولوما،
گوی ایشیق اولاسان بو گؤرکمده سن.
بلکه ده یوز دفعه گوروشدوک بئله
یئنه خاطیره‌لر، یئنه تاسّوف
تاسّوف تاسّوف تاسّوف ایله،
قاییدا بیلمه‌ین گونه تاسّوف...
#ممد_آراز
@qanadli_duyqular
سالخيم سؤيودلرين ساچی اولموش ايپك-ايپك
صوبحون نسيمی اسدی، اويان ائی قارا چيچك
رؤيالارين درين دنيزی بوغدو بيزلری
شعريمده بللی‌دير گئجه‌نين غملی ايزلری
ظلمت توتوبدو گؤزلرينی، قورخورام گؤزل
سن آچماسان دا گؤزلرينی باغلاسين اجل
سن اولماسان قيزيل چيراغين قورتولور ياغی
سن اولماسان گول آچماز اولور شعريمين باغی
سن سن خياليمين باهاری، گوللو باغچاسی
سن‌سيز جهاندا نئيلرم من سعادتی
آی گون بوتون جهاندا ائيله‌سه فلك
من ده قارا گولو سئچرم، ائی قارا چيچك
#حبیب_ساهر
"چاپ اوْلمایان شعرلریندن"
@qanadli_duyqular
حبیب ساهر، کؤکدن میانالی، تبریزده دنیایا گلمیش شاعر، یازێچێ آذربایجان تۆرکجه‌سی‌نین یئنی شعری‌نین آتاسێ‌دێر.
اوْ بۆتۆن ایراندا اوْلان دیللرینده ده یئنی شعرین آتاسێ کیمی سایێلێر.
ساهر ۱۲۸۲-جی ایلین گۆلن آیێندا، تبریز شهرینده، دنیایا گؤز آچدی.
آتاسێ کؤکدن میانانێن تَرک کندیندن تبریزه کؤچۆبدۆرلر.
آتاسێ‌نێن آدێ میر قوّام ایدی.
میر قوّام مشروطه زمانی، ساهر بئش یاشێندا اوْلاندا، اوْغورلانێب و اوْلدۆرۆلۆبدۆر.
بئش- آلتێ یاشێ اوْلاندا، سَردابا اۆستۆ محلّه‌سینده بیر مُلا مکتبینده درس اوْخوماغا باشلایێر.
سوْنرادان معتمدیّه و حمدیّه اوْخوللاریندا درس اوْخویور.
حمدیّه مدرسه‌سینده درس اوْخویان زمان، تقی رفعت ایله (آدلێم اؤگرتمن و فرانسیزجا اؤگرتمن) تانێش اوْلور.
رفعت واسطه‌سیله تۆرکیه ده یایێلان درگیلرله تانێش اوْلور و توفیق فیکرت و جلال ساهر کیمی یازێچێلارێن اثرلرین اوْخویور.
جلال ساهیرین اثرلرینه بؤیۆک سئوگیسینه گؤره یازیلارأن ساهر امضاسی ایله یایێر و سوْنرالار ساهر اوْنون سوْی آدێ کیمی سئچیلیر.
دیپلوْمو آلاندان سوْنرا معلمچیلیک ایشیله مشغول اولور.
۱۳۰۶-جی ایلده عالی تحصیلاتی اۆچۆن استانبولا گئدیر و ۱۳۱۲-جی ایلده لیسانس مدرکین آلێر.
۶ ایل استانبولدا یاشایان زمان آمریکالێ‌لارێن کلوُبوندا یاشایێر و اوْردا اوْلان ایکی کاتولیک کیشیش واسیطه‌سیله فرانسه‌نین یئنی ادبیات باره‌سینده گئنیش بیلگیلر الده ائدیر.
بۇ دورده استانبولدا گئدن تۆرکجه‌نین یئنی شعر دالغاسیلا و گنج تۆرکلرین دۆشۆنجه‌لری ایله تانێش اوْلور.
ساهر ۶ ایل استانبولدا یاشایاندان سوْنرا، باکی شهرینه گئدیر.
بیر مدّتدن سوْنرا تهرانا گئدیر و اوْرانێن معارف اداره‌سینده ایشه مشغول اوْلور.
۱۳۱۳-جو ایلده جغرافیا تدریسی اۆچۆن زنجان و قزوین شهرلرینه گؤندریلیر.
سوْنرالار تدریس اۆچۆن تبریز شهرینه گلیر.
۱۳۲۵-جی ایل تۆرکجه شعر سؤیله‌دیگینه گؤره اردبیل شهرینه سۆرگۆن اوْلور.
بۇ شهرده سۆرگۆنده و آغێر دوُروُمدا یاشاماغێنا باخمایاراق فارسجا اوْلان «اشعار جدید» شعر توْپلوسون محدود سایێدا یایێر.
۳ ایلدن سوْنرا قزوین شهرینه گؤندریلیر.
قزوین شهرینده ۱۳ ایل یاشایێر و یازدێقلارێ تۆرکجه و یا فارسجا یازێلارێ گیزلین صورتده یایێر.
قزوین‌دن سوْنرا تهران شهرینه گئدیر و عُمرۆنۆن سوْنوناجان بۇ شهرده یاشایێر.
۱۳۶۴-جو ایلینده، آذر آیێ‌نێن ۲۴-ده ساهر اؤزۆن ائوی‌نین پنجره‌سیندن آسێر و بئله‌لیکله ۸۲ یاشێندا، تهران شهرینده یاشایێشێنا سوْن قوْیور.
پزشکی قانونی ده، «ساهر»ین آسما طریقی ایله اؤلۆمۆن تصدیقله‌یبدیر.
ساهر تهران‌ێن بهشت زهرا قبرستانلێغأندا باسدێرێلێر.
ساهر اۆچۆن کئچیریلن آغێرلامادا «روزبه سعادتی»، ۲۴-جو ایلین آذر آیێندا باش وئردیگی دئوریم و ملّی حکومتین یارانماسێ‌نێن ساهره ائتگیسی باره‌ده و اوْنون بوگۆنده اؤزۆنۆن اؤلدۆرۆلمه‌سی ایلگی گؤسترییبدیر.
ساهر تۆرکیه ده اؤگرندیگی یئنی شعر شیوه‌سینی ایرانا گتیریر.
ایرانلی فارس شاعری «نیما یوشیج» اوْنون تأثیری آلتێندا یئنی اُسلوبدا شعر دئمگه باشلایێر.
ساهرین خلاقیتی اوْ قدَر نیما یارادێجێلێغێندا اثر باغێشلایێر کی، نیما تۆرکجه یئنی شعرینی فارسجا تقلید ائتمه جسارتینه مالِک اوْلور و «شعر نو» دئییلن یئنی اُسلوب یارادێر.
«نیما» دفعه‌لرله «ساهر»ین استادلێغێندان سؤز ائدرکن، اوْندان جسارت آلماسێنادا تأکید ائدیر.
تأسفله، ایندیه‌دک ساهرین بۇ بؤیۆک نقشی اینجه‌لنمه‌میشدیر.
ساهرین شعرلرینه باخاندا، اؤزۆده بونو بیلیرمیش.
«ساهر»، شهریار، نیما، فروغ فرخزاد و باشقا شاعرلره ده استادلێق ائتمیش و اوْنلاری نصیحت ائتمه‌دن چکینمه‌میشدیر.
«ساهر» نقدلری ایله شهریاری اوْیاتماق ایسته‌ییر. اوْ بۇ قصد اۆچۆن «منظوم مکتوب» شعرینی قوْشموشدور.
بو، بیر منظومه‌دیر.
منظومه دؤرد حصّه‌دن عبارتدیر.
هر حصّه ایلین بیر فصلینه اختصاص تاپمێشدێر و عمومتیله «حیدربابایا سلام» منظومه‌سینه جواب اوْلاراق یازێلمێشدێر، بورادا، «ساهر» شهریارا خطاب دئییر کی، «منصور خانی وصف ائتمک عوضینده، خَلقین آجێناجاقلێ حالێنا یانماق لازمدیر.»
بئله یوُمشاق اشتیاق‌لار، اوْنون «خاطرات» عنوانلی منظومه‌سینده ده گلیر.
همین منظومه‌ده شهریارا خطاب یازێلمێشدێر و «کؤشن» مجموعه‌سینه داخل ائدیلمیشدیر.
«کؤشن» کتابیندا، «ساهر»، شهریارا گؤره بیر چوْخ شعر داخل ائدیبدیر، حتّی بیر یئرده اوشاقلێق خاطره‌لریندن ده دانێشێر.
«ساهر» ایله شهریارین بیر مدرسه‌ده درس اوْخوماغێنا باخمایاراق، ساهر «منظوم مکتوب» اثرینده شهریاری رمانتیکلیگینه گؤره «قلمدانی تیرمه قاب‌لی شاعر» سایێر.
#تانسو_خیاوی
@qanadli_duyqular
t.me/zoo_story_bot/game?startapp=ref128901753
🥳 هی، می‌خوای با هم به باغ‌وحش بریم؟
🦒 اینجا میتونی حیوانات بخری، قفس‌ها رو ارتقا بدی و توی Airdrop شرکت کنی!
🎁 جایزه خوش‌آمدگویی‌ات رو بگیر و اولین حیوونت رو انتخاب کن!
t.me/zoo_story_bot/game?startapp=ref128901753
❤️👍😘
عشق دیشاریدا تاپیلمالی بیر شئی دئییل. ایچه عاییددیر.
تک گؤرمه‌لی اولدوغوموز ایش، ایچریمیزده سئوگینین اؤنونو آلان انگل‌لری تاپیب آرادان قالدیرماقدیر...
#مولوی
@qanadli_duyqular
هردن اۆره‌یینده سلام وئر منه،
ائله بیل یئتیمه نذیر وئریرسن!
هردن اۆره‌یینده آدیمی سؤیله،
ائله بیل یانیما گلیب_گئدیرسن!
هردن اۆره‌یینده خیال‌لار یارات،
ایچینده من اولان رویالار کیمی!
هردن اۆره‌یینده سئوگینی قوپارت،
سیرایا دۆزولموش دورنالار کیمی!
هردن اۆره‌یینده گۆلومسه بیراز ،
منیمده ایچیمده گۆلوش یارانسین!
هردن اۆره‌یینده پیچیلدا بیراز،
سسیندن اۆره‌ییم نورا بویانسین!
هردن اۆره‌یینده منیمله دانیش،
اۆزومو یاندیرسین ایستی نفسین!
هردن اۆره‌یینده دنیاما قاریش،
قولاغیما چاتسین سنین‌ده سسین!
هردن اۆره‌یینده منیمله دالاش،
دیکسینیب یوخودان همَن اویانیم،
هردن اۆره‌یینده بوینوما سارماش،
آی گۆلوم! عمرلوک اودونا یانیم!
هردن اۆره‌یینده یوخو دا گؤر سن،
گرچک‌ده آختاریب، یوخودا گؤرسن،
هردن اۆره‌یینده سئویرم دئسن،
"رحیم"ی عومرلوک اوردا گؤرَرسن!
#رحیم_محنت
@qanadli_duyqular
گزمه منی، هر یئرده‌یم، هئچ یاندا
بوردان اورا، اوردان بورا، هایام من
اورییمی گول‌له ائدیب آتمیشام
سیناناجان برک چکیلمیش یایام من
ایستی سویون قایناغیندا اوشودوم
دیکی چیخدیم، ائنیشلرده تؤوشودوم
کدریمی اؤز ایچیمده گؤوشه‌دیم
ساحیلینی گمیرتده‌ین چایام من
نییه بئله پریشانسان گؤزلیم
نم باخیشلار، نم گؤزومه تسللی
آراز بیزدن، بیز آرازدان کوسه‌لی
بو قارداشدان او قارداشا پایام من
یاش کیپریکله کیتابیمی واراقلا
منی مندن اوزاقلاردا سوراقلا
"بیر" سیز سایام "ایکی"میزی قوجاقلا
رقمیندن بیری دوشموش سایام من
#سهراب_طاهیر
#گون_آیدین
@qanadli_duyqular
مکتوب
یوخلوغون چتیندیر منه، عزیزیم!
بلکه قاییداسان، دوشون دریندن!
بیر مکتوب یازیرام سنه، عزیزیم!
آیریلیق گونونون ایلک سحریندن.
بو ائوده هله ده وار، آیاق ایزین-
اوتاقدان اوتاغا آپاریر منی.
داراغدا ساچلارین، گوزگوده اوزون،
من نئجه بیر یئره توپلاییم سنی؟
اومیدیم اریییر داها گئت-گئده،
قلبیمین کونجونه قیسیلیب قالیب.
سنین ان سئودییین کؤینه‌ییمده‌ده،
ساچی‌نین بیر تئلی آسیلیب قالیب.
گؤزوم بیر نؤقطه‌یه باخیر آن‌با‌آن،
دیقّت ائت، گؤر هاردان هارا گلمیسن!
ان اوزون جومله‌یه سیغمایان آدام!
کیچیک بیر نؤقطه‌یه سیغا بیلمیسن.
گئدَنه آغلاماق غریبه ایشدیر،
گولومسه گلنده، آغلا گئدنده!
سندن‌ده هئچ گؤزوم سو ایچمه‌میشدی،
بو قدَر گؤز یاشی هارداندی منده؟!
#خزر_سلیمانلی
@qanadli_duyqular
تنهالیقدان داریخیرسان، بیلیرم.
بیزدن باشلا، سیزه قدر سای، گلیم!
صبرین چاتمیر گؤزله‌مه‌یه بلکه ده،
بیردن باشلا یوزه قدر سای، گلیم.
بیرجه دئمه قوجالیبدیر، لنگ گلیر!
سسیم گلیر، یاناغینا رنگ گلیر.
بیر ده گؤردون جفته‌نیزدن زنگ گلیر،
من وئردیگیم سؤزه قدر سای، گلیم!
دئمه دونیا سنه، منه قالان‌دیر!
دونیا عشقسیز جهنّم‌دیر، تالان‌دیر.
جنّت وار ها...باخیشیندا، یالاندیر.
قاشدان باشلا گؤزه قدر سای، گلیم.
یالانلاردان دوزو سئچیب گله‌جم،
بیزدن چیخیب، سیزه کؤچوب گله‌جم،
چایدان کئچیب، سئلدن کئچیب گله‌جم،
داغدان باشلا دوزه قدر سای، گلیم!
#ووقار_بایراموو
@qanadli_duyqular
ائشیتسن کی بیر گون سنسیز اؤلموشم،
ساری ساچلارینا یاسَمن توخو!
یولون دوشسه اگر قبریم اوستونه،
چیچکد‌ن، لالادان، هر نه‌د‌ن توخو!
ائله بَزَن-بَرتَن؛ اوره‌یین کیمین-
آچیلسین جامالین، یازا بنزه‌سین!
دارا سینه‌ن اوسته تئللری چین-چین،
آرا بیر-آرا بیر، نسترن توخو!
رنگی پَرَن-پَرَن اولان پاییزدان،
عزّت‌ین عؤمرونه دولان پاییزدان،
یارپاقلاری بورج آل سولان پاییزدان-
من اوچون سارالمیش بیر کفن توخو.
#عزت_طهماسبی
@qanadli_duyqular
قلملر ، آسیلی بیر شهید کیمی
اوخشاییر ، سیزلاییر آغ واراقلاری
کؤرپه اوشاقلارین اۆرکک خیالی
اویادیر ایچیمده اؤتن چاغلاری
کؤهنه یارالاریم آذر آییندا
سیخیر اۆره‌ییمی یئنی درد اولور
۱۳۲۴ اولایلاریندا
بیری نامرد اولور بیری مرد اولور
#معصومه_جبارپور
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️