قان آدلی دویغولار

28 Oct 2022 08:11

دیلیم دینمز، کیرپیکلریم سس ائلر
نئجه خوشدور-اۆره‌ییمی کس ائله
قالان عمره ياريم اۆرک بس ائلر
اونوت منی، آلدات منی، آت منی

ائنیشی قار، یوخوشو قار بو یولون
یاد نفسدن بوز قایاسی سو اولور
یالان یولو بئش آددیملیق سو یولو
آلدات منی، اونوت منی، آت منی

سن عمرونون آتشينده ياناندا
کؤلگه کیمی گرکسیزم یانیندا
قیمتلی بیر ایتیک ساخلا یادیندا
اونوت منی، آلدات منی، آت منی

گؤزدن-گؤزه کؤرپو سالماق نر ایشدی
باخیشلارین مِیلینی تئز دَییشدی
تزه آددیم اؤزو تزه دؤيوشدو
آلدات منی، اونوت منی، آت منی

بو سئودادان نه یئتیردیک، نه اۆزدوک؟
دالغاسیندان نه غرق اولدوق، نه اۆزدوک
آخیر سنی دۆزده قویدو بو دۆزلوک
اونوت منی، آلدات منی، آت منی

#ممد_آراز


@qanadli_duyqular