6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
موتلولوق، اینسانین سئودیگی آداما یاخین اولماسی‌دیر یالنیزجا.
#اورهان_پاموک
@qanadli_duyqular
قانادلاری وارایمیش قلبین؛
سئوینجه اوچار،
سئویلمه‌یینجه کؤچرمیش.
#جاهید_ظریف_اوغلو
@qanadli_duyqular
بهانه‌سیز قونورسان خیالیما
نفس آلیرام سنی
حسرتین چؤکور سینه‌مه
دوعا کیمین
یاییلیرسان دوداقلاریما
یارپاقلانیرسان منده
گؤز یوموب
آددیم-آددیم
هاوانی اؤپورم...
#پری_آخته
@qanadli_duyqular
اوره‌ییم یول چکیر بیر گؤزه دؤنوب،
یول‌لار دا ترس کیمی اوزانیر، گولوم
یوخومدان هر گئجه دورنالار کئچیر،
بیلمیرم نه اولوب، هارادان بیلیم؟
#واقیف_صمداوغلو
@qanadli_duyqular
دئدیلر کی:
گؤزدن ایراق اولان، کؤنولدن ده ایراق اولار.
دئدیم کی:
کؤنوله گیرن، گؤزدن ایراق اولسا نه اولار.
#مولانا
@qanadli_duyqular
#داریخیرام
سندن اؤترو داریخیرام،
داها دوغروسو اوره-یینین سسین دن اؤترو.
گلمه-ییندن اؤترو داریخیرام،
داها دوغروسو گلمه-یه-جه-ییندن اؤترو.
داریخدیغیمی بیله-جه-ییندن اؤترو داریخیرام،
داها دوغروسو بیلمه-یه-جه-ییندن اؤترو...
#آقشین_یئنی_سئی
@qanadli_duyqular
گَل اَل-اَله توتوب گئدک،
گئدک بیز اولمایان یئره.
هَر دَردی اونودوب گئدک،
دردیمیز اولمایان یئره.
بوردا قویاق اؤزوموزو،
بو قیریشان اوزوموزو
بو کؤهنه‌لن سؤزوموزو،
گئدک سؤز اولمایان یئره.
بیر کیمسه توتماسین خَبَر،
گَل، چیخیب گئدک بیر تَهَر،
بو ائو، بو کوچه، بو شَهَر،
بو دَنیز اولمایان یئره.
...آتام اوغلو آز چابالا،
سَن دئین چَتین تاپیلا،
بو رامیزی کیم آپارار
بو "رامیز" اولمایان یئره؟!..
#رامیز_رؤوشن
@qanadli_duyqular
#اولو_تانری
#بو_کؤرپه_بالانین_دیلی‌ایله_شعر_دئیرکن😊❤️
دینله‌یک بو شیرین بالانی و درین سؤزلری
@qanadli_duyqular
گؤردۆم اۏل خورشيد حُسنۆن، اختيارېم قالمادې،
سايه‌تك بير يئرده دورماغه قرارېم قالمادې.
بيرگۆن اۏلماز طلعتين گؤرمك ميسّر، آه کیم،
ذرّه‌جه اۏل گۆل يانېندا اعتبارېم قالمادې.
پاك قېلدې ضعف، تندن لوح دهر آيينه‌سين،
اؤيله محو اۏلدوم کی بير ذرّه غبارېم قالمادې.
غم گۆنۆ همدملريم غرق اۏلدولار گؤز ياشېنا،
سيلمڲه گؤز ياشېمې بير غمگسارېم قالمادې.
روزگارېم خوش کئچيردی آه کیم دُوران دؤنۆب،
اۏلدو احوالېم خراب اول روزگارېم قالمادې.
راه عشق ايچره بنا آنجاق فنا مقصود ايدی،
شُكر کيم مقصوده يئتديم، انتظارېم قالمادې.
ای فضولي! ائل قامو اغيارېم اۏلدو يار اۆچۆن،
سوز دلدن غِيری بير دلسوز يارېم قالمادې.
#ملا_محمد_فضولی
@qanadli_duyqular
#موسیقی 8#
#گئجه_لر_کئچیر
موسیقی: #ائلدار_منصور_اوف
سؤزلر: #واحید_عزیز
اوخویور: #آیگون_کاضیمووا
سحره نه قالیر؟ اولدوزلار سؤنور
سحرین یوللاری گئجه‌دن کئچیر
اوفوقدان بیر سولغون شفق گؤرونور
بو دا بیر غریبه گئجه‌دیر کئچیر
بیر گئجه سنینله چکیلدیک باغا
باغ یازیق نه دئسین سئون قوناغا؟
گؤردون مو آی نئجه باخیر اوجاغا؟
ائله بیل آلوودان نور چکیر کئچیر
گئجه‌له بو ایلیق گئجه‌نی منده
یادا سال اولانی کئچه‌نی منده
گئجه‌له هر گئجه گئجه‌نی منده
دئییرسن گئدیرم، گئجه دیر گئدیر
بیر گئجه سنینله چکیلدیک باغا
باغ یازیق نه دئسین سئون قوناغا؟
گؤردون مو آی نئجه باخیر اوجاغا؟
ائله بیل آلوودان نور چکیر کئچیر
باغا گلیم گئجه‌له گئجه‌نی منده
گیزلتمه اولانی کئچه‌نی مندن
سنی آیری سالان گئجه می مندن؟
اونون دا گوناهی گئجه‌دیر کئچیر
بیر گئجه سنینله چکیلدیک باغا
باغ یازیق نه دئسین سئون قوناغا؟
گؤردون مو آی نئجه باخیر اوجاغا؟
ائله بیل آلوودان نور چکیر کئچیر
#واحید_عزیز
@qanadli_duyqular
آغلاماق اۆچون گؤزدن یاشمؽ آخمالؽ؟
دوداقلاری گۆلرکن اینسان آغلامازمؽ؟
سئومک اۆچون گؤزله می باخمالؽ؟
پیس وۆجوددا گؤزل رۇح، قلبی باغلامازمؽ؟
حسرت-بیر سئوگیدن اۇزاقمی قالماقدؽر؟
سئوگیلینین یانیندایکن هیجران حیس ائدیلمزمی؟
اوْغورلوق-پول، دؤلت، مالمؽ اوْغورلاماقدیر؟
سعادت اوْغورلاماق اوْغورلوق اوْلمازمی؟
سولماسی اۆچون گۆلو بۇداقدانمی درمه‌لی؟
قؤنچه یکن بیر چیچک بۇداقدا سوْلمازمی؟
اؤلدورمک اۆچون سیلاح، بیر خنجرمی اوْلمالی؟
گولوش-گولله، ساچلار-ایپ، گؤز-سیلاح اوْلمازمی؟
#ویکتور_هوگو
@qanadli_duyqular
#او_گئجه
گئجه‌دیر،
کیمسه یوخ،
بیر سن، بیرده من.
ظولمات آسیلمیشدیر پنجره‌لردن
اوتاغیمدا سکوت،
گؤی‌لردن دَرین،
بیر منم،
بیر سکوت،
بیرده گؤزلرین...
#رسول_رضا
@qanadli_duyqular
منیم سؤیله‌مک اوچون
چیرپیندیغیم گئجه‌لرده
سیز یوخدونوز...!
#اؤزدمیر_آصف
@qanadli_duyqular
#گون_دوغور
آخشام دوشور، گئجه کئچیر، گون دوغور...
بیراز اولان، بیراز بیتن، بیراز ایستی، درد بوغور...
توتا بیلمیر زامانین یاخاسیندان،
آدام بیلمیر اؤلودومو، ساغدیمی،
نه وار هله، قارشی‌دا نه وار گؤرن،
بو گؤردویو تپه‌دیمی، داغدیمی؟
هاردا سالیب هاردا ایپین اوجونو،
بو ایپین ده آخیرینا چیخدیمی؟
یورولور، یورولور آدام،
ییخیلیب یورولور، قالخیب یورولور،
یورولدوقجا قارغیییر اؤز باختینی،
اؤلو یاتاغینی، یاشام تاختینی...
گؤزله‌دیکجه گؤزلریندن سویویور،
دؤزدوکجه اوره‌ییندن،
آختاردیقجا ال‌لریندن، آیاق‌لاریندان،
دیزلریندن سویویور،
داشیدیقجا کوره‌ییندن...
بئله‌جه بئزیر آدام،
یاواش- یاواش هر شئی‌دن الینی اوزور آدام...
کوسور بو یئر اوزوندن،
کوسور بو گؤی اوزوندن،
آللاهدان کوسور آدام...
آخشام دوشور، گئجه کئچیر، گون دوغور...
بیر گون گلیر دوداغی‌نین آلتیندا
هانسیسا خوش آوازلا
شکر کیمی بال کیمی
شیرین نغمه اوخویور.
باخیرسانکی چیرمالاییب قولونو،
باخیرسانکی بو‌گون سنه بیراز سئوینج، بیراز
هوس، بیر دامجب عشق یوغورور...
دئییرسنکی الهی،
حیات نه گؤزل قوخور!
#نیگار_عاریف
@qanadli_duyqular
.
بیر اومود وار بو توکَنمَز یاسدا
یئنه عاغلیمدا بو گون سن وارسان
یئنه دردینله خییالیم خسته
بوروسون قلبیمی دردین سارسین
بیر اومود وار بو توکَنمَز یاسدا
بیر یارام وار! اونا مرحم وورمان
بیر خییالدیر کی کؤنولدن ده داشیر
آییراندا بیزی یول‌لار و زامان
سنه قلبیم داها چوخ یاخینلاشیر
هاردا بیلمم او کئچن گونلریمیز!
آرتیق اونلار یئنی‌دن گلمه‌یه‌جک
هاردا کندلر، اوزانان یول و دنیز
او اؤتن قوش، او گؤزل پنبه چیچک؟
گؤیلرین زینتی خوشبخت قوشلار
اوخویارلاردی یاغاندا یاغمور
ایندی اونلار دا نیفرین اولموشلار
چونکو آرتیق نه ایشیق وار، نه ده نور
دینله‌دیک یئل‌لری سس‌سیز سس‌سیز
اوخویارکن بیزه بیر غملی کتاب
سویا چیزمیشدی گوموشدن بیر ایز
یوکسه‌لیرکن گئجه داغدان مهتاب
ایندی رویایا گؤمولموش اؤلویم
نه گلن وار، نه گئدن وار، نه سوران
من عذاب یوکسه‌لیشی، غم چؤلویم
و اسیر ساده‌جه کؤنلومده بوران
بیر خییال عالمی آردیندا، اوزاق
چم‌لی اقلیم‌لره سوردوم، گئتدیم
وارلیغیم بوردا سؤنوب یوخ اولاجاق
بلکه من ایندی‌دن اؤلدوم.... بیتدیم...
#حسین_نیهال_آتسیز
#اویغونلادان:
#آردا_خانی
@qanadli_duyqular
اویان گوزل
یوخون آپاردی گوزل‌لیگی،
یوخلوغون یوخ ائددی سئوگینی.
سئوگی‌سیزلیک قاپییا دایانیب.
سن‌سیزلیک، من‌سیزلیگی گئتیردی.
آچ گوزلرینی،
قارا گوزلرینی گورمه‌مک دنیامی قارا ائدیر.
سن راحات یاتما،
سویوق دوشه‌گین‌ده دینج اولما.
گل، گئتیر آیدین سحری،
نوقطه قوی بو گئجه‌یه،
هیییی گلمه‌یین سحر،
رویالاریما گیرمه،
سن کابوسوم اولوب‌سان.
دانیش منله،
سنی سئویرم دئی،
ایی کی وارسین دئی،
سنین یوخلوغون پیس‌دیر.
هر کسه کار اولموشام،
آخماق‌لاری دویماماق اوچون،
ون‌گوگ کیمی کئسه‌جم قولاغیمی.
باشیندا اوخونان فاتحه‌لردن،
چئویریلن صلوات‌لاردان،
توکولن گوز یاش‌لارین‌دان،
بئزمه‌دین می!؟
اویان گوزل،
یوخلوغون‌دان، قیزیل گول‌لر سولدو.
#جاواد_احمدی_یئکانلی
@qanadli_duyqular
کیمی‌لری «یاخشی بیر دوست» اولدوغومو دئییر، کیمی‌لری‌ایسه «سویوق و مسافه‌لی‌دیر» دئییر.
اصلینده منی ایضاح ائدرکن، هر کس لاییق اولدوغو رسمی چکر.
#گوته
@qanadli_duyqular
عکسینه باخیب
اؤپورم گیزلینجه
گوجوچاتمایان
قاپینی تپیکله ییب
قاچان
بیر اوشاق کیمی
اؤره ییم ده
یالانچی بیر تسلی
#حمزه_ربانی
@qanadli_duyqular
#گئدیرم_آرزیمین_مزاری_اوسته
بو گون‌لر دایانمیر گؤزومون یاشی
اوره‌ییم خسته‌دیر، سسیم شکسته.
گؤتوروب فانیسی هر آخشام باشی،
گئدیرم آرزیمین مزاری اوسته.
بعضاً قانادلانیب، بعضاً اؤلورم
قوسورام کؤلگه‌مه سئوگی اَمه‌یین
بعضاً داش دووارلا دئییب- گولورم
سیز آللاه دای منه دلی دئمه‌یین!
باغلانیر آللاها قلبیمین سیمی
کیمین تانریسی وار منیم کی بویدا؟
اسکی قوش‌بازلارین عادتی کیمی،
بیر گؤزوم یئرده‌سه، بیر گؤزوم گؤیده.
قارا داریخما وار پنجره‌میزده
اولورسا بیر دفعه آدیمی چاغیر!
غم یئنه دیز چؤکوب اوتوروب بیزده
هر آن گؤزلریمدن آغ یاغیش یاغیر.
بیر قبیر گتیرین منه، بیر قبیر!
ایسترم یوخ اولام، ایسترم اؤلم.
بو قارا طالعه تؤکنمیش صبیر؛
بیلمیرم آغلایام، بیلمیرم گولم؟
او گون کی بختیمین باشی کسیلدی،
اوچاغیم کئفلیجه گؤیده اوچوردو.
کوچه‌نین ده آغلی باشدا دئییلدی
نرگیزین قیزلیغی گلین کؤچوردو.
کؤنلومون قوش‌لاری اوچماق ایسته‌ییر
کؤچون اوره‌ییمدن آی غم‌لر، کؤچون!
الیم ال‌لرینده قاچماق ایسته‌ییر
آ قیز! بو شعریم ده تک سنین اوچون...
#دومان_سفراوغلو
@qanadli_duyqular
#اؤلمک‌می_یاشاماقمی؟
بیر آن سوسماق سَرین تورپاق آلتیندا،
قورتولماق بو آغیر، سونسوز ذلّتدن.
زورمو عجب عزرائیلین پنجه‌سی،
دائوسیللا¹ دئنن بو گوج علّت‌دن؟..
کیم دایانار بو ایچیلمز آغویا²،
تانریم اونو وئرمه‌سین بیر یاغی‌یا؟...
وَرَم³ اولسا، حُکمونو تئز بیلدیریر،
اجل گلیر سولغون اوزو گولدورور،
ایییرمی ایل‌دیر نه بیتَر، نه اؤلدورور،
جیگرلردن قوپان آه دا قالمادی..
اوز توتاجاق بیر درگاه دا قالمادی..
سن ایسته‌سن یان، اَرییه- اَرییه
بیر گول اومسان، باهار دؤنر گئری‌یه
ایل‌لر کئچر، یول یئتیشمز یاری‌یا
بیر سراب‌می منیم اومود ساندیغیم
او اَمَل⁴ین اینامی‌یلا یاندیغیم؟
زامان قیسیر، دادسیز عؤمور بیتمه‌ییر
دعوت اوچون اؤلومه ال گئتمه‌ییر
تک بیر قورشون، یوخسا نامه گئتمه‌ییر
اؤلمک‌می.. یا اومودا بئل باغلاسام
یوردوم اوچون بیرآز داها آغلاسام؟
#آلماس_ایلدیریم
@qanadli_duyqular
تنهالیقدان داریخیرسان، بیلیرم
بیزدن باشلا، سیزہ قدر سای، گلیم
صبرین چاتمیر گؤزله‌مه‌یہ بلکه ده،
بیردن باشلا یوزہ قدر سای، گلیم
بیرجه دئمه قوجالیبدیر، لنگ گلیر
سسیم گلیر، یاناغینا رنگ گلیر
بیر دہ گؤردون جفته‌نیزدن زنگ گلیر،
من وئردیگیم سؤزہ قدر سای، گلیم
دئمه دونیا سنه، منه قالان‌دیر
دونیا عشقسیز جهنّم‌دیر، تالان‌دیر
جنّت وار ها...باخیشیندا، یالاندیر
قاشدان باشلا گؤزہ قدر سای، گلیم
یالانلاردان دوزو سئچیب گله‌جم،
بیزدن چیخیب، سیزہ کؤچوب گله‌جم،
چایدان کئچیب، سئلدن کئچیب گله‌جم،
داغدان باشلا دوزہ قدر سای، گلیم ...
#ووقار_بایرام_اؤو
@qanadli_duyqular
بیر دفعه یارادیب یارادان بیزی
بیر گئدن بیر داها قاییدان دئییل
گلین عزیزله‌یک بیر-بیریمیزی!
حئییف او کس‌لره مهریبان دئییل...
#حوسین_عاریف
@qanadli_duyqular
بيل، یامان گونده ده ،یاخشی گونده ده
ایسته‌رم قوووشام، مَن یئتم سَنه
گؤزوم گؤزلرینه دیکیلنده ده
حَسرتم ، حَسرتم ، حَسرتم سَنه....!
#بختییار_واهابزاده
@qanadli_duyqular
آغاجلارین آخشامیدیر
یوخلاماغا تله‌سیرلر
گوزو ، قیشی باهار کیمی
یوخلاماغا تله‌سیرلر
گوندوزلرین چالیشاراق
بول- بول بارا دؤشندیلر
یاشلیلاری کسیله‌رک
تاختا دارا دؤشندیلر
دونن بیری پیچیلدادی
قونشوسونون قولاغینا
باش قالدیردی ، ال ساللادی
قارشی داغین بولاغینا
« سیلکه له نیم یارپاغیمی ،
تورپاغیما قاتیم.» دئدی.
یاواش - یاواش یومدو گؤزون
« یوخوم گلیر ؛ یاتیم.» دئدی.
#اوستاد_عقیل_مرادی
#گون_آیدین
@qanadli_duyqular
آنلاييرام دئمه منه
آنلايا بيلرسنمي حيس ائتديكلريمي
باخا بيلرسنمي حياتا منيم گؤزلريمدن
سيغديرا بيلرسنمي اوتوز ايكي ايلي بئش دقيقه‌يه
چؤزه بيلرسنمي بئينيمين سيرريني
سيله بيلرسنمي اونوتماق ايسته‌ديكلريمي
سنين اوچون يانليش اولان ده‌ير يارغيلاريمي
ده‌ييشديره بيلرسنمي آنلاياجاغين شكيلده
بير گولوشون قيمتيني بئله بيلرسنمي
سئوگيليمين دوداق‌لارينداكي
روحومدا قوپان فيرتينا‌لاري
جانلانديرا بيلرسنمي خياليندا
ياشايا بيلرسنمي عئيني آجي و كدرلريمي
دليجه دوشلريمي سورغولايا بيلرسنمي ايچينده
بوشونا آنلاييرام دئمه منه
ايچ-ايچه ياشاديغيم بونجا ايله باخمايا‌راق
اؤزومو من بئله آنلايا بيلمه‌ديم داها
#یاشار_کمال
@qanadli_duyqular
قوربان اولدوغوم
گؤزلریم یولونا حسرتله باخار.
حسرتین قلبیمی یاندیرار، یاخار.
اوف! بیلسن اوره‌ییم نئجه داریخار،
آی شیرین دیلینه قوربان اولدوغوم!
«موشفیق»ین اوره‌یی یارپاقدان اینجه،
تیترَردی خفیفجه روزگار اسینجه.
حئیراندی حوسنونه او گؤزل «گنجه»،
خومار «گؤی گؤلو»نه قوربان اولدوغوم.
«دیلبر»م ایلک عشقیم گونش‌دیر،سؤنمز،
عؤمرومون باهاری گئری‌یه دؤنمز.
مین یول یالواریرام، شکلینده دینمز-
اؤزونه، شکلینه قوربان اولدوغوم.
#دیلبر_آخوندزاده
@qanadli_duyqular
بعضاً یاغمور اولماق ایستر انسان،
یاغماق ایستر سئودیگی‌نین اوره‌یینه...
#جاهیت_ظریف_اوغلو
@qanadli_duyqular
بعضاً تک احتیاجیمیز اولان بیر «ال» و بیزی آنلایاجاق بیر «اورک»دیر...
#جان_یوجل
@qanadli_duyqular
#بوغازينداكى_خال_سوناى_گئجه‌سى
سوناييم سونوم سانجيم سئودام
ديرناغين دوشر آييم چيخار بو آخشام.
آذربايجانين ولنتاينى اولار ديرناغين،
دوداغينا افسانه‌لرين دلى‌لرينى ياخيب يالارام
ياناق‌لارينا شرقى- غربى ياپيشديريب ديشله‌يرم
باجاق‌لارينى اكه‌رم باخچانين اِستِرِسينه
هر بوداقدان بير اصلى چيخار مين كرم تؤكولر...
دده قورقودو دمله‌يرم سنه ايچديكجه دَم دَم دَم دده‌م تؤكولر
سوْن آى دئييل چاديردا دليک‌دير بو
گؤيو بارماغين‌لا دليب ديشارى گؤز آتماق ايسته‌ييرسن
هر يئره گؤز آتما، آت منه گؤزونو جانيم سينسين
آت منه گؤزونو انسانيم يانسين، جينيم سينسين
آت منه بوغازينداكى خالى سوناى گئجه‌سى ياپيم سئوگيلى‌لره
آت منه سوْن آيى قاوال ائديب آشيق‌لارا وئريم سازلارا دوشوم
اته‌یی‌نين ايچرى شهرينه گؤم خاطيريمى
اشغال ائت منى آشغال ائت منى تؤك ديشارى
حئيوانليغيمى سور سور سور سور سورگون ائت منى
انسانليغيم تبريزدير ائه، سنده قالسين ايچريده قالسين ايچين اولسون
آچ قوجاغينى سنى ازيم سنى اوزوم سنى گزيم
سوناييم سونوم سانجيم سئودام سازيم سؤزوم...
#محمدرضا_لوایی
@qanadli_duyqular
سطیر- سطیر یاشادیم یازدیق‌لاریمی
نه سعادتین، نه گؤزل گونون شاعیری‌یم
کیمسه رحمه گلمه‌سین منه، ایسته‌مم،
من عشقین و اؤلومون شاعیری‌یم...
#اومود_یاشار_اوغوزجان
@qanadli_duyqular