6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
یاواشجا قلمین قولاغینا اییلیب دئدیم کی؛
بیر داها اونون آدینی یازسان، سنی ده قیرارام.
#جمال_ثریا
@qanadli_duyqular
دوستان توسط تلگرام ایجاد شده
تلگرامتون رو تیک آبی کنید
وکسب سکه رو هفتگی کسب کنید
عقب نمانید
👇👇👇👇
/channel/frenscoin_bot/join?startapp=128901753
جوین شید 👌👌👌👌☝️☝️کسب درآمد هفتگی 💸💸💸
«کیمسه منیمله اوینامیر» دئیه آغلایان اوشاق!
سن بؤیو هله، باخ نه اویونلار اوینایاجاقلار سنینله!
#جمال_ثریا
@qanadli_duyqular
گوناه
گوناهیم یئرلره، گؤیلره سیغماز،
نه آللاه، نه بنده باغیشلار منی.
او قدر آغلادیم گوناهلاریما،
یویوب آپاراجاق یاغیشلار منی.
#زلیمخان_یعقوب
@qanadli_duyqular
من کی...
من کی داها گونش اولا بیلمه‌دیم،
من کی داها اولدوز اولا بیلمه‌دیم،
هامینین باخدیغی، گؤره بیلدیگی،
گؤیلرین طاغیندا قالا بیلمه‌دیم.
بوردا قالاجاغام، من ائله بوردا،
بوردا اوجاق اولوب آلیشاجاغام،
بوردا طالعیم‌له باریشاجاغام.
اود-آلوو عؤمرونه قاریشاجاغام.
هئچ دئمیرم منی گؤره‌لر هاچان،
بیر ایستی یووالی تورپاغی قوجان.
دونیانین دوغمالیق قوللاری وارسا،
دوغما اوجاقلارا، یوردلارا قارشی،
اینسانین گئدیلن یوللاری وارسا،
موطلق او یول گلیب بورا چیخاجاق.
نه قدر جاندا اود، گؤزده مئهیر وار،
موطلق او گؤزلر ده منه باخاجاق.
تورپاقدا هاوایی داش قالان دئییل،
یاخشی تانیییرام من بو دونیانی.
اونون بیر جیغیری بوش قالان دئییل.
آرانی، یایلاغی وارسا بو ائلین،
اینسانین داغلارلا صؤحبتی وارسا،
یول آزان اومیدین، اوشویَن الین،
یول تاپیب ایسینمک نییّتی وارسا،
او موطلق بو یئره گلیب چیخاجاق.
بیلیرم هاوایی یانمیر بو اوجاق،
موطلق بو اوجاغا گلمه‌لی‌دیرلر.
مندن ده بیر احوال بیلمه‌لی‌دیرلر.
اولسون اوفوق بویو یاتاغی، یئری،
من داها نهنگ چای اولا بیلمه‌دیم.
بوردا قالاجاغام، من ائله بوردا-
بوردا بولاق اولوب قاینایاجاغام.
هردن سیرغا-سیرغا دامجیلاریملا،
بوردا چیچکلرله اوینایاجاغام.
آختاران اینسانین هر آددیم باشی،
بؤیویَن، کیچیلن یوللاری وارسا،
دورولوغا قارشی، صافلیغا قارشی،
دونیانین کئچیلن یوللاری وارسا،
موطلق او یول گلیب بورا چیخاجاق.
یاخشی تانیییرام قاینار گؤزلری،
قاینایان گؤزومه او گؤز باخاجاق.
موطلق سئوگی یولو کئچیلمه‌لی‌دیر.
اینسانین بیر حسرت یانغیسی وارسا،
موطلق بو سودان دا ایچیلمه‌لیدیر.
پاییزین ان کؤورک چاغینا قارشی،
مئشه‌سینه قارشی، داغینا قارشی،
بنؤوشه بویونا، گول نفَسینه،
باهارین یارپیزلی آرخینا قارشی،
یول گلن اولسا،
نه بیلیم، بیر چمن یاشیللیق اوچون،
یا دا کی مینّتسیز یاخشیلیق اوچون،
داریخان اولسا،
او موطلق بو یئره گلیب چیخاجاق،
بیلیرم هاوایی آخمیر بو بولاق.
موطلق بو چئشمه‌نی گؤرمه‌لی‌دیرلر،
بو اوجاغا سالام وئرمه‌لی‌دیرلر.
#موسی_یعقوب
@qanadli_duyqular
عؤمرومون قیرخیندا قارشیما چیخدین
ایندی باشقاسینی گؤره بیلمیرم
سَن بوتون دَردلری اوستومه ییخدین
اؤلمک ایسته‌ییرم، اؤله بیلمیرم
مَن سَنه توخونماق ایسته‌میرم کی
سونرا توخوندوقلاریم گؤزومدن دوشر
یانینا سوخولماق ایسته‌میرم کی
آیریلیق ایلان تَک مَنله اؤپوشر
اورکک باخیشینلا باخما گؤزومه
گؤزومو گؤزوندن چَکه بیلمه‌رم
یوز ایله گَلمه‌رم سونرا اؤزومه
اؤزومو اؤزوندن چَکه بیلمه‌رم....
#کنعان
@qanadli_duyqular
سن‌سیزیک
سنی آرار، بو کوچه‌لر، بو ائولر
جانا گلدیم، آلداتماقدان اونلاری
عاشیق اولوب ائوه گلمیر دوراقلار
سوروشورلار:
هاردا قالدی بو ده‌لی؟!..
سن بیلمزسن بو سن‌سیزلیک نه درددیر
قهوه گؤزلوم! بیر چای گتیر سؤیله‌ییم
سن بیلمزسن بو درد نئجه گؤزه‌لدیر
سن بو دردی چکمه‌دین‌کی، نه دئییم؟!
بو طالعی تانری یازدی -دئییرسن
بو تسللی نه سونودور نه ایلکی
دئییرسن کی چوخ آغلاتدی سنی ده
نه سؤیله‌ییم؟! تانری آدام دئییل‌کی!...
#ووقار_نعمت
@qanadli_duyqular
دیالوق
قاضی: «السالوادور»دا نه ایشین وار ایدی؟
چئگوارا: گونش‌لنیردیم.
قاضی: بس عدلیّه بیناسینی نییه پاتلاتدین؟
چئگوارا: گونشین قاباغینی توتموشدو.
#استیون_سودربرگ
@qanadli_duyqular
یئنه هاوالانیب آرخانجا گئدیب
بیچاره قلبیمه گولوبدور عالم
ائله دوشونمه کی من‌لیییم ایتیب
سنینله کوسولو قالا بیلمیرم
اومید‌دن دانیشما، اونو اوزموشم
زاماندان سوروشما، تامام بئزمیشم
طالئع‌دن کوسموشم، بخت‌دن کوسموشم
سنینله کوسولو قالا بیلمیرم
سوندور بو شامی دا چیراق‌سیز قالیم
کیتاب‌سیز، قلم‌سیز، واراق‌سیز قالیم
لاپ بوتون دونیایا ماراق‌سیز قالیم
سنینله کوسولو قالا بیلمیرم
حاضیرام ساللانام دار آغاجیندان
ال چکم ذلیل تک کور آغاجیندان
قالارام یاشاماق احتیاجیندان
سنینله کوسولو قالا بیلمیرم
هارداسان؟ یولومو هارادان سالیم؟
هانسی دردین آغیر؟ هانسینی آلیم؟
داغیت ویران ائله، خارابا قالیم-
سنینله کوسولو قالا بیلمیرم
سینمادیم، قالسام دا هردن اومیدسیز
دفن ائتدیم اؤزومو ثبوت - شاهیدسیز
سن ایلهام پریسی، من «واحید عزیز»
سنینله کوسولو قالا بیلمیرم
#واحید_عزیز
@qanadli_duyqular
#سیز_خوش_اولون_آی_اؤلولر
کیم آغلاییر فاغیر- فاغیر
ائله‌بیل بو یاغیش دئییل
قارا گوندو بئله یاغیر،
بو قار دئییل بو قیش دئییل!
گئجه‌نین اویاق سسی‌دیر
اؤلومون آیاق سسی‌دیر
آجی آغلاماق سسی‌دیر
شیرین- شیرین گولوش دئییل!
زنجیر اَتین کسه- کسه
بیرباخ بو دیدرگین سسه
شاعیردیر دلی‌دیر نَسه!
آزاد اوخویان قوش دئییل!
دوغرو آغلار، یالان گولر
بو نغمه‌دن اود تؤکولر
سیز خوش اولون آی اؤلولر
بیزیم کئفیمیز خوش دئییل!
#نادر_الهی
@qanadli_duyqular
#خبریم_یوخ_اؤزومدن
یئنه سن سیز بو آخشام،
یوخو قاچمیش گؤزومدن.
سنی دئییب دورموشام،
خبریم یوخ اؤزومدن.
گئجه یومور گؤزونو،
گل گؤزومون ایشیغی.
تئز اول یئتیر اؤزونو،
عؤمرومون یاراشیغی.
سمادن قوپوب دوشن،
یانار بیر اولدوزام من.
سؤنوب اودوم-اوجاغیم،
تنهایام، یالقیزام من.
هارداسان سئوگیلیم؟ گل..
گؤزله‌ییرم یولونو...
توکه‌نیبدیر طاقتیم،
سال بوینوما قولونو...
#شفیقه_آخونداووا
@qanadli_duyqular
گوندوزلر بیر ته‌هه‌ر قاتیر باشیمی،
منی صوبحه کیمی سیخیر گئجه‌لر
سَحَرلر دادیما چاتانا کیمی
او کی وار یاندیریب،یاخیر گئجه‌لر!
ائله بیل تک منیم دوروب قصدیمه،
باخمیر آتشیمه ،باخمیر توستومه،
ظولمت قیلینجینی چکیر اوستومه
گوُیلَر آغیرلیغین ییخیر گئجه‌لر
یوخو گوُزلریمدن توُکولوب گئدیر،
ایتیر ایلیم_ایلیم اَکیلیب گئدیر،
گوُرنده حالیمی چَکیلیب گئدیر
آی کی پنجره دن باخیر گئجه‌لر
صبیرمی کساددی، حوُوصله دارمی؟!
"کامیلین" دوُزومو کیمده سه وارمی؟
قریب ده قریب دن قیصاص آلارمی _
حِئیفینی مندن می چیخیر گئجه‌لر؟!
#کامیل_طبیب
@qanadli_duyqular
منی آلدی سندن گئتدی بو قاتار
گؤیده بیرجه اوووج توستوسو قالدی
ساچیندا الیمین توماری قالدی
اووجوندا الیمین ایستی سی قالدی
باخما بو قاتارین دالینجا باخما
باخما، گؤزلرینی یورونجا، باخما
قاشلارین آلتیندا جوت یارپاق کیمی
گؤزلرین ساریلیب سولونجا، باخما
اوزاق دان یاخیندان کئچر بو قاتار
گئجه لر یوخوندان کئچر بو قاتار
گولسن، گولوشونو دوغرایار، بیچر
آه چکسن، آهیندان کئچر بو قاتار
من گئتدیم، دونیا کی قالدی یئرینده
دونیانین پاییزی باهاری قالدی
اووجوندا الیمین ایستی سی قالدی
ساچیندا الیمین توماری قالدی
#رامیز_روشن
@qanadli_duyqular
دۆنن گلدی چاتدی ، تزه بیر یازین
عطریندن اییندن ، دوْلوُ سئوگیلیم
یازمیشدین چوخداندی گلمیر کاغاذین
یامان گؤزله ییرم یوْلوُ سئوگیلیم
یازمیشدین تای توُشدا ،کیم گئتدییین دن
کیمین گئتدییین دن ، سن دؤنه دؤنه
بیرده بیر ائلچینی رد ائتدییین دن
اوُتانا اوُتانا یازمیشدین یئنه
یازمیشدین بس هیجران هاچانا کیمی
یازمیشدین،لاپ ایتیب دای خئیریم،شریم
من سنه نه یازیم ،تر نانا کیمی
آخی افیل ،افیل اسیر اللریم
آه او باغ،او بولاق،او یاز آخشامی
داشلانیر گؤزۆمدن ، خاطیره لرین
او گۆن عشقیمیزدن یانیردی هامی
بو گۆن نه سَریندی هاوا نه سَرین
خزل تک کۆله‌گه وئردیم بیر به بیر
الیمی یاندیران مکتوبلارینی
قازدیْم اۆرییمده ،قازدیم بیر قبیر
قویلادیم عشقیمین اعتبارینی
گئت منی گؤزله مه،گئت گؤزل پری
قاپیدان قایتارما ائلچی لری سن
آلنیمی ایسلادیب ، خجالت تری
گئت غربت شهردن ائولنمیشم من
#نادر_الهی
@qanadli_duyqular
عشقینی،
باشیم‌دان آتمیشام.
آما نه ائدیم!
کی هله‌ده،
هر پنجره‌نین آرخاسیندا،
سنی گؤرورم...!
#پابلو_نرودا
@qanadli_duyqular
دۆن گئجه گؤى ذوق ائديردى يئنگى آيېن سرّينه،
قاشلارېن يايې گؤرۆنجك، ذۏقو اۏلدو برطرف.
#حکیم_ملا_محمد_فضولی
#گون_آیدین
@qanadli_duyqular
کوسدورمه‌یین اینسان‌لاری حیاتا!
سونرا هر شئیدن واز کئچیرلر؛
یاشاماقدان،
گوزل اولان هر شئیدن واز کئچیرلر.
بیر اوتاقدا یالنیزلیغی،
بیر داغ‌باشیندا اولماغی،
بیر آدادا محصور قالماغی،
هاردا بیر یالنیزلیق وارسا اونو،
ایسته‌ییرلر.
کوسدورمه‌یین بعضی اینسان‌لاری...!
#ناظیم_حیکمت
@qanadli_duyqular
عشق یاغیشی
ایلاهی، سونونجو سیناقدی‌می بو،
عؤمرون غوروبوندا نه‌یدی بو سئودا؟!
کؤنلومون مین ایلدی خارابا قالان،
سینیق قاپیسینی دؤیدو بو سئودا.
اوره‌ییم قوروموش بیر چای یاتاغی،
نئجه تاب گتیرسین بو سئله ایندی؟
گؤزومدن سوزولن ایکی داملا یاش،
دؤنه‌جک سینه‌مده بیر گؤله ایندی.
نه کولک، نه سازاق وئجیمه دئییل،
دورموشام بیر عشقین یاغیشی آلتدا.
کؤهنه یارالاریم تزه گول آچار،
ایسلانیب بیر ایلیق یاغیشین آلتدا.
هله بیتمه‌ییبمیش دئمک ناغیللار،
غفیل بیر آرزونون قانادی چیخار.
ائله اوخشایارام سینه‌مده آهی،
دیلیمدن مین غملی بایاتی چیخار.
ایلاهی! اومیدلر تومورجوقلاییب،
اوزانیب یوللاری قوجاقلایاجاق.
یارپاغی سارالان پاییز عؤمرومو،
باهارین قوللاری قوجاقلایاجاق.
گؤر هانسی فصیلده دوروب گلمیسن؟!
اوشویَن بوداقلار گون آختاراندا.
قوشلارین هامیسی کؤچوب گئدنده،
سرچه‌لر سویوقدا دن آختاراندا.
اوره‌ییم سونونجو یارپاق‌تک اسیر،
نه حسرت ایسته‌ییر، نه سئوگی گزیر.
ایللرله یولوندا دوردوم منتظر،
بس نییه گلمه‌دین من آختاراندا؟
#ثاقیف_قاراتورپاق
@qanadli_duyqular
شعر دوغولمازدی دویغو اؤلردی
دونیانین دادینی کیم نه بیلردی
کیمسه ناز تؤکردی کیمسه گولردی
عطرینی هر باهاردا ساچماسایدین
گولوم بو دونیایا گؤز آچماسایدین
#دومان_سفر_اوغلو
@qanadli_duyqular
#گئجه
یئنه اول ماه منیم آلدی قراریم بو گئجه
چیخاجاق‌دیر فلکه ناله و زاریم بو گئجه!
شمع‌وش محرم بزم ائیله‌دی اول ماه منی
یاناجاق‌دیر یئنه هیجر اودونا واریم بو گئجه
هم وصالی اورار اود جانیما، هم هیجرانی
بیر عجب شمع‌ایله دوشدو، سر و کاریم بو گئجه!
نه توتون‌دور کی چیخار چرخه، دل زاره مگر
هیجر داغینی اورار لاله عذاریم بو گئجه!
صبحه سالدی بو گئجه شمع کیمی قتلیمی هیجر
اولا کیم صبح گلینجه، گله یاریم بو گئجه
پاره- پاره جیگریم، ایت‌لرینه نذر اولسون
اول سر کویا اگر دوشسه گذاریم بو گئجه
وار ایدی صبح وصالینا فضولی اومّید
چیخماسا حسرت‌ایله جانِ فگاریم بو گئجه
#حکیم_محمد_فضولی
@qanadli_duyqular
سئوگیدن دوغولدوم سئودیم ، سئویلدیم
منی سئوه - سئوه اؤلدور ايلاهي
آلله هين گوجونو سئونده بیلدیم
منی سئوه - سئوه اؤلدور ايلاهي.
#زلیم_خان_یاقوب
@qanadli_duyqular
"ساخلایا منی"
خیال قانادیندا اوچام گؤيلره
بير گؤزل يولومدان ساخلايا مني
عشقين زنجيريني آچا بوینومدان
پریشان تئلينه باغلايا مني
يازميشام ايسميني يالچین قایادا
سئوينجي بير قطره،دردي زيادا
دره ده تپه ده دؤنه صيادا
وصال گدیگینده اوخلایا منی
عؤمورولوك محبت چکمه یه نه وار
تاپدانمیش بیر عؤمرو سؤكمه يه نه وار
آغلاييب گؤز ياشي تؤكمه يه نه وار
گونده نئچه دفه یؤخلایا منی
هئچ دویان اولوبمو وصال دادیندان
محبت غمیندن سئوگی اودوندان
درسه گئجيكديگین چیخا یادیندان
قاتیب چیچکلره قوخلایا منی
آلقاییدام دویون،دوشونون بیرآز
اؤلوم قاباقدادير يوللاري طراز
قوهومدان قارداشدان تمنام اولماز
بير او قيز اوره كدن آغلايا مني.
#آلقاييت_خليل_اوف
@qanadli_duyqular
خبرسیز اولما فتّان گؤزلرین قیدین چکن لردن
خبرسیز مست لر بیدادینی ، هوشیار اولاندان سور
غمین دن شمع تک یاندیم ، صبادان سورما احوالیم
بو احوالی شب هجران ، منیم له یار اولاندان سور
#ملا_محمد_فضولي
#گون_آیدین
@qanadli_duyqular
اینسان‌لاری آیاقدان سالان شئی، دردلری و ایستَنیلمه‌ین آلین یازی‌لاری دئییل.
حیاتین آنلام‌سیزلاشماسی داها فاجیعه‌لی‌دی.
حیاتین آنلامی دا فقط نشه، سئوینج و خوشلوقدا دئییل، سیخینتی و اؤلومده ده بیر آنلام تاپماق اولار...
#اینسان_آنلام_آختارماقدا
#ویکتور_فرانکل
@qanadli_duyqular
سن دنیز قوینونا توللانمیش چیچک
اوستونه دالغالار آتیلاجاقدیر
ساختا محبّتین، ساختا سند تک
نه واختسا اوستونده توتولاجاقدیر
دئمیرم سن اوجا بیر داغسان، اَییل
دئمیرم قالیبدیر علاجیم سنه
نه سنده محبّت قارا پول دئییل
نه من دیلنچی ام ال آچیم سنه
دؤشنیب یول لار تک آیاق لارینا
سنه یالواریم می؟ بو مومکن دئییل
قویمارام قلبیم تک ووقاریم سینا
آلچالیب یاشاماق عؤمور-گون دئییل
گئتمک ایسته ییرسن او یول او دا سن
بیر جوت گؤز باخاجاق آرخانجا سنین
گئتدینمی؟.. نه واختسا دؤنمک ایسته سن
تیکانلی یاستیغا دؤنه جک یئرین
گئتمک ایسته ییرسن نه دانیش نه دین
یوخ اول اوزاق لار تک دوماندا چنده
نه ییمی سئومیشدین دئیه بیلمه دین
ایندی سه یوز عئییب گؤرورسن منده
گئتمک ایسته ییرسن بهانه سیز گئت
اویاتما مورگولو خاطره لری
سسین همین سس دیر، باخیشین اؤگئی
گئدیرسن، سسین ده یاد اولسون باری
#نوصرت_کسمنلی
@qanadli_duyqular
سنین دیلیندن
ایل لرله بیر عشقین جؤرونو چکدیک
آیریلساق، گوءن سؤنر، ایل قینار بیزی
ائنیش- یوخوشونو بیر اؤتدوگوموز
یول لارا نه دئیَک، یول قینار بیزی
سن دئدین، باشلانان قورتارسین گرک
من دئدیم، دویماییر آرزودان اوءرک
بیرگه اکدیگیمیز گوءلو درمه سک
تیکان لار ال چالار، گوءل قینار بیزی
بس دئییل بو الم، بو کدر منه
ائله دین دونیانی سن هدر منه
گؤزل سؤزلر دئدین نه قدر منه
گل ایندی دانلاما، دیل قینار بیزی
چوخ چکه بیلمه دیک نازینی عشقین
قیش گلیب، یاشادیق یازینی عشقین
یامانجا سیندیردیق سازینی عشقین
بیلمه دیک، آخیردا تئل قینار بیزی
دئدین کی، عشقیمله بختیارام من
دئدین کی، دؤنمرم قلبین سسیندن
ایندیسه چکینیب ائل طعنه سیندن
دئییرسن، عاییبدیر، ائل قینار بیزی
#بختیار_وهابزاده
@qanadli_duyqular
کئشکه سن من اولسان؛ سنی سئومه‌نین نه قدر زور اولدوغونو آنلاسان.
کئشکه من سن اولسام؛ بو قدر سئویلمه‌نین دادینی چیخارسام.
#اؤزدمیر_آساف
@qanadli_duyqular
آیریماق آساندی جیسمینی مَندن
باجارسان روحومو روحوندان آییر
اونوت سؤيله‌ییرسن گئتدییین گوندن
سَن اونوت دئمکله اونودولماییر
سَنی خاطیرلادیر آلدیغیم نَفَس
سئوگین داماریمدا ،قانیمدا آخیر
یاشاماق مَعناسیز، یاشاماق عَبَث
اوره‌ییم سیخیلیر، جانیم داریخیر...
#نوصرت_حسن
@qanadli_duyqular
سحر دورا سورمه چکه گؤزونه
بیرچکلرین حلقه قويا اوزونه
جیلوه‌لنه، سیغال وئره اؤزونه
ایشی، گوجو گولوب-اويناماق اولا
دؤشون آچیب، ال ديَنده ياخیيا
آغ گولون باغرینا پئيکان توخويا
بدنیندن موشگو عنبر قوخويا
زولفو گرد‌نینده بیر قوجاق اولا
بیر مايابود گرک، بالدیری يوغون
سراسر ات باسا دیزین، توپوغون
ال ديَنده دورا بوغون بابوغون
تیتره‌يه، قويروقدان چوخ يومشاق اولا
حياسی اوزونده، عقلی باشیندا
اؤلدوره واقیفی گؤزو قاشیندا
يا اون اوچ، يا اون دؤرد، اون بئش ياشیندا
نه اوندان بؤيوکرک، نه اوشاق اولا
#موللا_پناه_واقیف
#گون_آیدین
@qanadli_duyqular
قوجاغین امنییت گؤزون تروریست
گؤزلرین، گؤزلرین، آلا گؤزلرین...
گؤزلرین آلاگؤز ماهنی
گؤزلرین اؤلوم ائنسکلوپئدیاسی‌دیر
و قادینلیغین
تاریخین ایکینجی یاریسی...
اوشویورم
منی باغرینا باس
لعنت اولسون او ماوی گؤزلرینه
سن اؤلومله یاشامین
دؤنوش نوقطه‌سی سن!
قوجاغین امنییت‌دیر
گؤزلرین تئروریست!
#سعید_موغانلی
@qanadli_duyqular