6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
#دئدی
داش منه دور دئدی داش تک دایاندیم،
چای منه گل دئدی چایا قوشولدوم.
گوندوزو گونشین اودونا یاندیم،
گئجه‌نی اولدوزا، آیا قوشولدوم.
هره‌نین بیر تَهَر اوره‌یین آلدیم،
اؤز قارا باغریما داش آسیلارکن!
خلقین بیر دردی‌نین قئیدینه قالدیم،
اؤزومون گیزلیجه مین دردیم وارکن!
بئله گؤیلون گؤردوم بوتون دونیانین،
بو احساس، بو غیرت، بو دؤزوم‌له من.
آنجاق بیر عؤمرومون تکجه بیر آنین،
کئچینه بیلمه‌دیم اؤز- اؤزومله من!
#نادر_الهی
@qanadli_duyqular
بیر سئودا آغلايير ايچیمده منیم
گل دئديم، كؤكسومه يارالى دوشدو
ال آچدیم، اللریم آرالی دوشدو
اونا بو آغ دونیا قارالی دوشدو
بیر سئودا آغلايير ایچیمده منیم
قدری بیلینمه‌دی، عؤمرو قيريلدى
حسرت بويون بوكدو، هيجران يورولدو
او هر گون اینجیدی، هر گون وورولدو
بیر سئودا آغلايير ايچیمده منیم
مین گول سولدورانلار، مین گول دردیلر
یونگول چیچک‌لری یونگول دردیلر
من اورک آچاندا، باخیب گؤردولر
بیر سئودا آغلاییر ایچیمده منیم
دوننین بوکولو خاطیره‌سینه،
وورغون‌دور بو گونو خاطیره‌سینه
قیسیلیب مورگولو خاطیره‌سینه،
بیر سئودا آغلايير ایچیمده منیم
باجارا بیلمه‌دیم اؤزوم-اؤزومله
ديل تاپا بیلمه‌دی ایشیم سؤزومله
منيم فرياديملا، منيم گؤزومله،
بير سئودا آغلايير ايچیمده منیم
منم داش داشییان او محبّته
ایتمیش قاش داشییام او محبّته
اؤزوم باش داشییام او محبته
بیر سئودا آغلايير ايچیمده منیم
گئج اولدو قدرينى من بيلنده ده
سئوينجى ياشاييب، غم بؤلنده ده
اوزومه باخمايين! من گولنده ده،
بیر سئودا آغلايير ایچیمده منیم...
#نوصرت_كسمنلى
@qanadli_duyqular
قاچدیم منی سئون گؤزلردن داها،
هامی نین سئوگیسی گؤزونده قالسین
ائو تیکن دئییلم سؤزلردن داها،
قوی هامی او چؤلون دوزونده قالسین.
#رامیز_رؤوشن
@qanadli_duyqular
هر مرض چاره سینی ائیله مک آساندی طبیب
مرض عشقه نه تدبیر، نه درمانین وار؟
#صابر
@qanadli_duyqular
هله كى صبريمين داش طرفيسن؛
هله كى يارامدا دوز ساخلاييرام.
سن منيم عمرومون قيش طرفيسن
سندن اۆره‌ييمده بوز ساخلاييرام
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى، ياديندان؛
سن نه گؤزل اونودورسان آدامى...!
#واصيف_ظهراب‌اوغلو
@qanadli_duyqular
سئوگینین کتابین واراقلایارسان
سن منی هر کسدن سوراقلايارسان
ساغ ايكن قدريمى بيلمه‌ين انسان
اؤلنده باش داشيمى قوجاقلايارسان
#آتش_خزر
@qanadli_duyqular
اوشاقلیق دورانی شیرین یوخو تک
من باشیمی قویدوم بالینجا گئتدی
بیر چَرچی گلمیشدی خرمن اۆستونه
بیز بیر چئینم ساققیز آلینجا کئچدی!
#نادر_الهی
@qanadli_duyqular
چوخ چکه بیلمه‌دیک نازینی عشقین،
قیش گلیب یاشادیق یازینی عشقین
یامانجا سیندیردیق سازینی عشقین
بیلمه‌دیک آخیردا تئل قینار بیزی
#بختیار_وهابزاده
@qanadli_duyqular
بعضا بیری اوچون
ائله داریخارسان کی
داریخدیغینی بیلسه او آدام
یوخلوغوندان اوتانار
#عزیز_نسین
@qanadli_duyqular
سلام.
خوش گلمیسن، کُهنه سئوگیلیم.
دِه، نئجه اولدو کی، دوشدوم یادینا؟
گَل، اوتور آزاجیق نفسینی دَر، گوزله...
شعر یازیم سنین آدینا!
ایللردیر گوز یاشیم دَملَنیب قالیب، گَل،
ایچیب دانیشاق بیراز...
داریخما!
اوزوم قیریشیب، رنگیم سارالیب...
او دا دوزلَندیر...
جانینی سیخما!
باغیشلا،
اتاغیم بیراز سویوقدور!
بیلیرسن،
نه واخت‌دیر تنهایام، تکم.
منده بیر عنوانین، یئرین ده یوخدور.
دِه گوروم، نه اولوب؟
اوزگون‌سن بیراز.
کیمی اولدورموسن گلدیین یئرده؟
بیر ده کی...
قوناقلار اَلی بوش اولماز،
بس نه گتیرمیسن آخی، عزیزیم؟
دینیب دانیشمیرسان نیه؟
بیلمیرم.
اصلینده منیم ده نه چوخدور سوزوم،
هئچ بیرجه‌سینی ده دیه بیلمیرسن!
گورورسن،
تک‌لیکدن بوینوم بوکولوب.
بیر سئوینج ده یوخدور ترک ائتسین منی!
سن الله، تلسمه!
هله وار واختدا.
گئتسن بس، ده گوروم...
هاچان گلرسن؟
گئدیرسن؟
نه دییم؟
سنه یاخشی یول!
من یقین، یاتارام...
یا دا...
نه بیلیم...
هاوالار سویوقدور، احتیاط‌لی اول.
ساغ اول!
خوش گئدیرسن، کُهنه سئوگیلیم.
#اورخان_باهادیر_سوی
@qanadli_duyqular
بیریسی منه دئسه ایدی:گون اورتایا قدَر
اؤله جکسن
او زامانا قدَر نه ائده جکسن؟
قول ساعاتیما باخاردیم
بیر بارداق مِیوه سویو ایچیب
بیر آلما دیشلردیم
قاریشقانین اوزون زامان یئیه جه یینی ایزلردیم
سونرا یئنه ساعاتیما باخاردیم
ساققال قیرخماق زامانی اولاردی
اؤزومو حاماما آتاردیم
و دوشونمه یه باشلاردیم
یازماق اوچون بزنمه لی ایدیم،دئییب
اَن یاخشی ماوی پالتاریمی گئیردیم
گون اورتایا قدَر یازی ماسامدا اوتوراردیم،آنجاق
بویالی سؤزجوکلر آخمازدی هر حال دا
آغ،آغ،آغ...
گون اورتایا یاخین
سون گون اورتا اَمه ییمی حاضیرلاردیم
ایکی قدَح شاراب آلاردیم؛بیرینی اؤزوم اوچون
باشقاسینی دا گله جه یینی قاباقجادان خبر وئرمه ین
قوناق اوچون.
سونرا بیر آز شیرینله دردیم
هورتولداتما سسلریم اویاداردی منی،
ساعاتا باخاردیم
اوخوما زامانی دیر،دئییب
دانته نین ایلاهی کُمِدیسینینین بیر بؤلومون اوخویاردیم...
و باخاردیم
و باخاردیم
یاشام
مندن نئجه ده اوزاقلاشیر
و
باشقالارینا وئریلر.
#محمود_درویش
@qanadli_duyqular
سانديغي کيمی
هيجران بوز ياغديرير ايلهاميم دؤنور
گؤزوم يوللاريندا دوندوغو کيمي
سؤزومسوز اليم ده قلميم يانير
اوره گيم عشقينده يانديغي کيمي
گيزلي خاطيرلاييب،گيزلي آنيرام
گيزلی آلوولانيب،گيزلي يانيرام
بعضاً بو سئوگيني ائله دانيرام
کافر حاقّين اؤزون دانديغي کيمي
اوغرون مکتوبونو گؤزله سم ده من
هر آن سُراغيني ايزله سم ده من
"دومان"ام سئودامي گيزله سم ده من
اوره گيم هاي سالير سانديغي کيمي
#عدالت_دومان
@qanadli_duyqular
بیلیرم، گئتمه‌یین حتمی‌دیر،
نئجه کی عشقین.
بیلیرم، ایندیکی گولوشلریم قدر،
اوزون-اوزون آغلادیغیم گئجه‌لریم اولاجاق؛
و بو گونکی خوشبختلیییم،
همن گله‌جه‌ییمین اوزونتوسو.
آنجاق، سنین اوچورومونون قیراغیندا رقص ائتمه‌یی،
گئجه یوخوسونا ترجیح ائدیرم-
زامانی، تابوتوندا حرکت‌سیز یاتیردان،
بیر مومیا کیمی...
#غادة_السمان
@qanadli_duyqular
خیانت سون زامان دۆشوبدور دَبه
عشقی اؤلدوروبلر، سئوگی محو اولوب
اؤزوده یاخشی بیر اصول تاپیبلار
دئییرلر باغیشلا؛ عادی سهو اولوب!
#پرویز_بولبوله
@qanadli_duyqular
بیرینه بیر دؤنه آلدانساق، نه وار؟!
دۆنن زهَر دادان، بوگۆن بال دادار.
آنجاق بیز ساده‌ییک، بیزی آ دوستلار!
دۆننکی آلدادان، یئنه آلدادار...
#نادر_الهی
@qanadli_duyqular
هر صاباح،
گونشین ایشیغی اوزاق داغلاردان چیخینجا،
قانادلاندیریرام اسینتی‌دن داها چئویک،
سَحرین مئساژینی،
پارلاق شعرلرله.
اوچوشدورورام یاتمیشلار قالابالیغینی؛
سسله‌ییرم شیرین ماهنیلارلا.
نوردان دانیشیرام... نوردان.
دیری جاندان، تزه نفسدن، غوروردان...
#فریدون_مشیری
#گون_آیدین
@qanadli_duyqular
من اؤلنده آغلاماغا
بوتون دوستلار ساغ اولا کاش
گؤزلریمی باغلاماغا
نئچه جوت بارماق اولا کاش
بوینونو بوکوب قاپیدا
بیر قیز گؤزیاشی آخیدا
اوچ بالام شیرین یوخودا
قادینیم اویاق اولا کاش
گوج تاپماسام ائو تیکمه‌یه
قاپیدا آغاج أکمه‌یه
کفن یوخ، منی بوکمه‌یه
بیر یاشیل یارپاق اولا کاش
#رامیز_رؤوشن
@qanadli_duyqular
جانه یئتدیم بیلمیرم اغیار الیندن نئیله‌ییم
گر بولاردان هم گؤز اؤرتوم، یار الیندن نئیله‌ییم
جرعه-جرعه زهر قاتل، کاسه-کاسه خونِ دل
ایچمه‌ییم گر، ساقیِ خونخوار الیندن نئیله‌ییم
#تبریزلی_قوسی
@qanadli_duyqular
اونا سؤیله مه دیم ، دئمه دیم نه دن :
دریلن چیچكدن یادگار اولماز ،
یۆزده گؤزتله سن ، یۆزده سو وئرسن ،
كؤكوندن آیریلان سارالار قالماز !
#بولود_قارا_چؤرلو
@qanadli_duyqular
حقیمی تاپدایایان منی نه آنلار؟
حقیمدن دانیْشیر حقی دانانلار
بئله‌ده درد اوْلار سیز ای قانانلار
آغلا گیزلی-گیزلی ، قان آشکار-آشکار؟
#بختیار_وهابزاده
@qanadli_duyqular
ایتیب-باتماق اۆچون یارانمامیشام
دۆنه‌نم
بوگۆنم
گله‌جه‌یم من
بیر گۆن بو دنیادان گئتسمده، نه غم
دنیایا تزه‌دن گله‌جه‌یم من...
#خلیل‌رضا_اولوتۆرک
#گون_آیدین
@qanadli_duyqular
بو گئجه اۆره‌ییم ائله آغریدی،
هئچ کسین اۆره‌یی آغریماز ائله.
بو گئجه اؤزومه ائله آغلادیم،
اؤلسم، هئچ آنام دا آغلاماز ائله..
#رامیز_قوسارچایلی
@qanadli_duyqular
بیر آخشام منیم چون داریخسان اگر
بیراز تورپاق گؤتور اۆره‌یینه قوی.
بیر آز ایسلان گینان یاغیشین آلت‌دا
بیرجه گۆن وطنی کۆره‌یینه قوی...
چک گینن ملتین آغیر یۆکونو
کۆره‌یین، اۆره‌یین قابارا دؤنسون.
#سایمان_آروز
@qanadli_duyqular
گئدیرم یانیندان باغیشلا منی
بو آخشام صاباحا بلکه چیخمادیم
او بیری دونیادا داريخاجام سنی
بو آخشام صاباحا بلکه چیخمادیم
آجیقلی فیرلانیر یئرینده ساعات
هر یاندان اوستومه یاغیر قارامات
کؤنلومو اینجیدیر نه یامان حیات
بو آخشام صاباحا بلکه چیخمادیم
فیرلانیر باشیمدا نیفرتله زامان
عؤمرومون هر یانین آلیب‌دیر دومان
اؤلوم‌دور غضب‌له اوستومه جومان
بو آخشام صاباحا بلکه چیخمادیم
غریبه کؤنلومون یوخدور هئچ کسی
روحومدان سیندیرین بو دار قفسی
ائوده پیچیلداییر عزراییل سسی
بو آخشام صاباحا بلکه چیخمادیم
حسرت‌لر عؤمرومون گولونو بیچیر
سنسیزلیک داراشیب قانیمی ایچیر
عؤمورلوک خاطیره‌م گؤزومدن کئچیر
بو آخشام صاباحا بلکه چیخمادیم
یالقیزلیق ایچیمده هئی یاریر منی
اؤزونده بو دونیا قورتاریر منی
عزراییل چیینینده آپاریر منی
بو آخشام صاباحا بلکه چیخمادیم
#حسین_اسدی_فاتح
@qanadli_duyqular
#آزاد_قادین_هئیکلی
یوخ،سنین جانین دا داشدان دییلمیش
گؤر سنی نه گونه قویدولار، قادین.
اولجه چادرانی آچدیلار سنین
سونرا پالتارینی سویوندوردولار…
سونرا سنی سوغان کیمی قات- قات
سویدولار، قادین
ظالملارین گؤزو ده یاشارمادی
بو قولدورلار ایچینده،ده،
سنی سویماغی ،کیم باجارمادی؟
بیر سئوگینین ایشیغی دوشموشدو اوز – گؤزونه
سویدولار ،او ایشیغی دا سویدولار
قورمادیغین ائو – ائشیی
دوغمادیغین اوشاغی دا سویدولار….
گؤر سنی نه گونه قویدولار، قادین.
سونرا آبرین،حایان سویولدو گئتدی،
سونرا صبرین، دؤزومون
گؤز یاشلاری تالادی،
سویدو گئتدی، گؤزونو
گؤزلرین لوم لوت قالدی.
سونرا گؤزلریندن اؤپدولر یئنه
آدینا نغمه‌لر قوشدولار قادین
سندن اؤترویموش سن دئمه
اینقیلابلار، ساواشلار
آخان قانلار،
کسیلن باشلار، قادین.
اینقیلابی نئینیردین کی؟
سن اؤزون اینقیلابسان
سن باشدان آیاغاجان
اوخونمامایش کیتابسان.
کیمسه سنی گؤزلریندن
اوخوماغا باشلادی
کیمسه آیاقلاریندان
اما هئچ کس اوخویوب سونا چاتا بیلمدی
اورتادا ایلیشیب قالدی هامیسی.
نه اوستدن آشاغی باخیرسان بیزه
یوخسا بیزی ده سن دوغموسان قادین
سنین دوغدوقلارین آزاد دییلسه
اؤزون نئجه آزاد اولموسان قادین؟
یوخ، سنین آزادلیغین یاریمچیقدیر دئملی
سن ده یاریمچیقسان بیز ده یاریمچیق
یاخشیمیز دا پیسیمیز ده یاریمچیق
سن بیزی تزه‌دن دوغ آزاد قادین هیکلی
اما جیرتدان دوغما
سن بیزی دیو دوغ
اما یاریمچیق یوخ، بیزی بوتؤو دوغ
اوندا سن ده تمام آزاد اولارسان
ای منیم داش آنام آزاد اولارسان.
#رامیز_رؤوشن
@qanadli_duyqular
ظالیم فلک
ظالیم فلک آمان سنین الیندن
چیخارتدین اونومه نه لر دونیادا؟!
عؤمروم ده او قدَر ظولوم چکدیردین
کئچیرتدین گونومو مَلر دونیادا
نامردین الیندن شربت ایچمه دیم
بو دونیادا کورپوسوندن کئچمه دیم
گورورسن کی اکدیگیمی بیچمه دیم
بیر باشا نئچه ایش گلَر دونیادا؟!
اوره ییمجه دولانمادین آخمادین
محبّتله اوزومه بیر باخمادین
جهالتین آخیرینا چیخمادین
اودور هر ظولومو ائلر دونیادا
سالدین دنیزینه مین دردین غمین
آختاردیم تاپمادیم کؤنول همدمین
"موغان اوغلو"دئیر:کیم منیم کیمین
گونده بیر ایکی یول اولَر دونیادا؟!
#بختیار_علی_مرادی_موغان_اوغلو
@qanadli_duyqular
عؤمرون قيبله سينه دوغان گونشيم
سحرلر اوزونده صبا يئلیسن
گئجه لر سماده اولدوزوم آییم
گوندوزلر گؤزوم ده گيله يئریسن
زمزمه ائیله ین آينا بولاغيم
قارانليق گئجه ده يانان چراغيم
کونلوم ده جوجه رن ياشيل يارپاغيم
باغريم ياناغيندا لالا يئريسن
ناله می آختارما ديله شعريم،بوياتيم
"شاکر"م قوينوندا دينجه ليم ياتيم
سن منيم دونيادا دويان خيرخواهيم
گوناهسيز گوناه دا،شله يئريسن
#آشیق_شاکر_حاجی_اوف
@qanadli_duyqular
اغیاری کی، گؤردوم ائله ییر یاره محبت
مین بعد گرک من ائدیم اغیاره محبت
گر یار اوچون اغیاری توتوم دوست، نه عئیبی
گول خطرینه ائیله میشم خاره محبت
زولفی سیاهی یاره شبیه اولدوغو یوزدن
دائیم قیلیرام رشته ی زوناری محبت
گر مئیلیم اولا شمعی روخی یاره، نه نقصی
عادت دی کی، پروانه ائدر ناره محبت
قورباندی دیلو جان ساقی کویینا او ماهین
مؤمن لر ائدر، رسم دی زوواره محبت
خط گلدی روخی یاره، فوزون اولدو ملالیم
آخیر گونومو ائیله دی گؤر قاره محبت
سیّد او سیاه زولف منیم اولدو تنابیم
منصور کیمی چکدی منی داره محبت
#سید_عظیم_شیروانی
@qanadli_duyqular
او قدر آیریلیق حسرت گؤرۆب کی
کؤورَک اؤیره‌نیبدی دیلی کؤنلۆمون
دیندیرمه آغلایيب آغلادار سنی
دردی چوخالیبدی دلی کؤنلومون
#شجاعت_احمدلی
@qanadli_duyqular
چوخلو انسانلارین تانری! بو گۆن لر
سیلینیب دوْداقدان گۆلۆش ایزلری
یوْرولوب بئزمیشیک تک به تکیمیز
بیر قیامت سالیب، قورتار بیزلری
#ائلچین_حسنزاده
@qanadli_duyqular