«سنی سئویرم » ی
سنه سؤیله یه بیلمیرم
الیمدن بو گلیر آنجاق
سن یوخویا دالدیغیندا
سس سیزلیکده
رؤیالارینین بارماقلاری
گؤتوره بیلسین دئیه
دوداقلاریم ایله آلنیندا یازام
#غاده_السمان
@qanadli_duyqular
گزر کوچهلری،گزر تینلری
سحردن آخشاما تکدیر بو آدام!
فیل چکه بیلمزدی او چکنلری؛
ایلاهی گؤر نهلر چکدی بو آدام!
اورهیی سیزلادی دوست یاراسیندان
خبری اولمادی اؤز یاراسیندان
اوچولان ائوینین خاراباسیندان
اؤزگهیه تزه ائو تیکدی بو آدام
بو گون او آدامی گؤردوم گوزگوده
یوخ، یوخ من دئییلم، یوخ،یوخ اؤزگهدیر
ایلاهی گؤر منی نئجه گیزلهدیب!
ائله گوزگوده ده تکدیر بو آدام..!
#رامیز_روشن
@qanadli_duyqular
آچیق دئییم
اؤپمک ایسته ییرم سنی
ائله محبت دولو کی
ایلک دفعه اولاراق
عشقین منه ساری
شلله نمه سینی
حیس ائده سن
#ریچارد_براتیگان
@qanadli_duyqular
قیش نئجه سَرت اولسا دا اؤز باهارین ایتیرمز
عاشیق اَگَر سئویرسه، نازلی یارین ایتیرمز
اینسان حَیاتین ایتیرر، ائعتیبارین ایتیرمز
هَر بیر اؤلن سئوگینی اینامسیزلیق اؤلدورور
تَک اومیدیم، گوونیم، ائعتیباریم آللاها
سَنین یالان وَعدلرین، سَهوین اؤزوندن باها
بو قَلبیم اینسانلارا بیر ده گوونمز داها
آدامی داخیلینده آدامسیزلیق اؤلدورور....
#سامیر_جبراییللی
@qanadli_duyqular
اوشودوم.
عؤمرون-گونون سئوینجی آز، غمی چوخ
گاه سولوندا، گاه ساغیندا اوشودوم.
ایتیب باتدیم قایغیلارین ایچینده،
بیر سئودانین سوراغیندا اوشودوم.
بیر درویشم، کیمه دوغما، کیمه یاد،
نه کیمسهدن کؤمک اومدوم، نه ایمداد.
پروازلانیب آچاناجان قول-قاناد،
بیر صحرانین قوراغیندا اوشودوم.
میصراع-میصراع اورالادیم سؤز عؤمرو،
هر اینسانین اؤز آجیسی، اؤز عؤمرو.
یانا-یانا کول ائلهدیم کؤز عؤمرو،
بیر باخیشین سازاغیندا اوشودوم.
کولک اسدی، قاپیمیزی قار آلدی،
یا من کۆرم، یا دا باختیم جیغالدی.
بیر اومیدین ایلمهسینده سارالدیم،
بیر گومانین ماراغیندا اوشودوم.
کئچیب گئتدیم، یوللار، ایزلر تانیشدی،
بیر ده گؤردوم اوزوم-گؤزوم قیریشدی.
سۇیا دؤنن قیسمتیمله باریشدیم،
بیر گؤزَلین یاناغیندا اوشودوم.
#ثاقیف_قاراتورپاق
@qanadli_duyqular
عشق اؤلکهسینه آیاق قویما
اوْرادا آجیماسیز بیر جانآلان وار،
حسرت آدیندا.
#نزار_قبانی
@qanadli_duyqular
تئز جوشماق اورهیی طاقتدن سالار
تئز سوسماق قوجالدار، ساچا دن سالار
سوز وار کی، اینسانی دوندهرر داغا
سوز ده وار یوز ایللیک حورمتدن سالار
#خلیل_ریضا
@qanadli_duyqular
مگر گۆن جام عشقیندن ایچیب ائی شوخ مهپاره
دَیَر مستانه هر ساعت او دیواره، بو دیواره؟!..
#تبریزلی_راجی
#گون_آیدین
@qanadli_duyqular
وقتش رسیده دوستانیکه این بات رو دنبال کردن
از امکانات تلگرام لذت ببرید
👇👇👇👇
/channel/frenscoin_bot/join?startapp=128901753
جوین شید 👌👌👌👌☝️☝️کسب درآمد هفتگی 💸💸💸
توکن ها واریز شده✅
توجه ❗️ چقدر توکن دریافت کردید
سالمادی سئوگی منه سایه بو عالمده
ایـــنان
بیر خیال تک قوُرو چؤلده اریدیم هر
آخــشام
من...
من گۆنشلرله، ایْشیقلارلا دانیشدیم نه گرک
قارا توپراقدا قالام
کؤلگهلی یئرلرده یاتام،
قوی گؤی آلتیندا یاتیم
بوش درهده
داغ-ه یاخین.
#حبیب_ساهیر
@qanadli_duyqular
بیلسهیدم ،آیریلیق آجیسی نهدی
مَحَببت اوممازدیم بوش اورهییندن
یَعنی بیر آنلیغا هئچمی کئچمهدی
حَسرتین سویوغو داش اورهییندن؟!
نه سَنه بو حَیات گؤرونر چَتین
نه مَنیم سئودادان چَکَن یاشیمدی
گومان کی، بو، سَنین ایلک خَیانتین
مَنیم ده سونونجو آلدانیشیمدی...
#ائلویر_آخوند
@qanadli_duyqular
سَن، سَنین اولمایان بیر اینسان اوچون
بیر کونجده سَسسیزجه آغلادینمی هئچ؟
رؤیاما گَل دئییب، یاتیب هَر دَفعه
گئجهلر یوخوندا ساخلادینمی هئچ؟
خَیاللار قوردونمو یاشاییر دئیه؟!
بو دَردی، مَلالی بوشایار دئیه
اویانیب هَر گئجه، اوشویر دئیه
اولمایان بیرینی یوخلادینمی هئچ؟
اونلو ثانییهلر اؤتمهسین دئییب
یوخوسو هَر گئجه بیتمهسین دئییب
کؤلگهسی ائویندن گئتمهسین دئییب
قاپینی، باجانی باغلادینمی هئچ؟
سَن هئچ دَرد یاندینمی یاغیشا، یئله؟
سیررینی دئدینمی دَنیزه، گؤله؟
جانسیز بیر شَکیلی گؤتوروب ائله
یارانی کاغیذلا داغلادینمی هئچ؟
#آیاز_هیدایتاوغلو
@qanadli_duyqular
یالنیز چوخ آغلایانلار حیات گؤزللیکلرینین قدرینی بیلیب یاخشی گوله بیلرلر. آغلاماق آسان، گولمک ایسه چتیندیر.
#اوریانا_فالانچی
@qanadli_duyqular
اوخوماق اولمور کی آلین یازیسین،
صبح تئزدن بیلهسن نه اولور آخشام
سن منی اؤزونه سیغیشدیرمادین،
من سنی مصرایا سیغیشدیرمیشام.
#صدام_لاچین
@qanadli_duyqular
بیرلیکده گولورسونوزسه خوشبختلیکدیر.
بیرلیکده آغلاییرسینیزسا دوستلوقدور.
آنجاق بیرلیکده سوسورسونوزسا بو سئوگیدیر.
#گابریل_گارسیا_مارکز
@qanadli_duyqular
انسانین
سئودیی بیری اوچون
غرورونو اوتوزماسی اؤنملی دئییل
آنجاق ؛
غرورونو قوروماق اوچون
سئودیی بیرینی الدن وئرمه سی
بؤیوک بیر فاجعه دیر
#شکسپیر
@qanadli_duyqular
بوداقدا یاپراق
پاییزدان قاچماق ایستهدیکجه
پاییزلانماسی،
سئوگیسین خاطیریمدن،
آتماق ایستهدیکجه
سئودالانیرام
#حمزه_ربانی
@qanadli_duyqular
«منه آز عذاب وئر، منی آز اینجیت»،
نه دیلله یالوارسین آدام گئجهیه.
سئوداسی ایتنلر دردین الیندن،
قارغیش ائیلهیرلر مدام گئجهیه.
روحومو یارقانا سیغیندیرار غم،
باخارام اؤزومه، جوم- جولوق ترم،
آغلارام، سیزلارام، ناله ائیلرم،
باش آغری اولوبدو صدام گئجهیه.
آی اورک گئجهدیر... خاطان وار ایندی...،
یاخاندان اجل تک توتان وار ایندی!
اونون نفسلرین اودان وار ایندی،
قادام بو دونیایا، قادام گئجهیه...
#ابوالفضل_محمدزاده
@qanadli_duyqular
هاردا اونوتدوم
سحردن آختاریب گزیرم، آمما
هئچ یئردن عطرینی آلا بیلمیرم.
من سنین سئوگینی هارا قویموشام؟
هئچ جوره یادیما سالا بیلمیرم.
فیکریم داغیلیبدی آخیر زامانلار
سانکی گؤزه گلیب یادداشیم، هوشوم
یقین کئچن هفته بیلر یئرینی
یا دا کئچن آیدان سنی سوروشوم.
اونودوب قویموشام بلکه سئوگینی
اوتئلین سویوموش پنجرهسینده
فیکیر وئرمهمیشم، یاددان چیخیبدی
اوزومه اؤرتولن قاپی سسینده
گیزلی گؤروشلرین بهانهسینده.
بلکه یوللار اولدو منی چاشدیران؟
قاطار اوغورلادی ایتن سئوگیمی
تلسیک دوشهنده کوپهده قویدوم
اوخونوب قورتارمیش بیر کیتاب کیمی؟
من سنی گؤرهسن هاردا اونوتدوم؟
یاغیشدا ایتیردیم، قاردا اونوتدوم؟
نسه، حیاتدی دا. من بو یاشیما
کیملردن، نلردن دویوب گلمیشم.
تکجه سنی دئییل، من اؤزومو ده
سنلی گونلریمده قویوب گلمیشم.
#ایلقار_فهمی
@qanadli_duyqular
نئیلهیک اولمادی، چاتمادی گوجوم
ائله بیل ،توتمادی بورجونله بورجوم
سَنی اورهییمدن چیخارتماق اوچون
گَرَک اورهییمی چیخاردیم، اولمور...
#قیسمت_روستموو
@qanadli_duyqular
نه سیرری بیللاه سان، نه مؤجیزه سن؟!
چیچکلر اینجیمیر آی آری، سننن!
من اوردا بیر گوله کؤنول وئرمیشم،
دئییرلر گؤروبلر آ، یاری سننن
قلم آل، داشیندا اوسته سوسن چک،
آپارماز یاغیشلار، یوماز سو، سن چک،
نازینی من چکیم، بالینی سن چک
اولاق بو چمنه، آ یاری سننن!
ائلشن تک آتدیرسا بو چمن، زره،
دؤنر گؤزلریمده پوچا منظره!
زرگرسن، بنزهییر بو چمن زره
قیمتی مننندی، عیاری سننن!
#ائلشن_عظیم
@qanadli_duyqular
بـختیمیزی قـیزیل گـۆنش اوْیاتدی
بیز حیاتی، حیات بـیزی اوُجالتدی
ائلیم - اوبام ظـــفرلره بـوْی آتــــدی
دنیا بیلدی تزه دوران اولـوبدور
ایلک بئشیگیم آزربایجان اولوبدور
#مدینه_گۆلگون
@qanadli_duyqular
دولوب گؤزلرینه سئوگی حسرتی
قارا گونلرینه آغ یارانماییب
قانلی دوداغیندان آخیر نیفرتی
قادین وار دردینه داغ یارانماییب
قادین وار آلنینا سینیر چکیلیب
قادین وار سینیرسیز سئویر سئویلیر
قادین وار آدینا باریش اکیلیب
ساواش قیزلارین گؤز یاشین سیلیر
قادین وار گونلری قارالیب بیردن
ساچینین آغیندان آسیلیب سسی
قادین وار آرزیسی قارا دمیردن
دحشت پنجه سینده کسیلیب سسی
بیلیرم دونیانین چال ها چالیندا
یازیمیز قادینسیز گول آچمایاجاق
ان آزی شعریمین اؤز ماحالیندا
آناسیز کؤرپهلر دیل آچمایاجاق
بو لال گئجه لری قانمایانلاری
مارتین سکگیزینه باغلاماق اولماز
سئوگی اوجاغیندا یانمایانلاری
یاغیشین سسینده آغلاماق اولماز
#دومان_بختیاری
@qanadli_duyqular
سون واختلار اللریم هئی اوشویور؛
حکیم دئییر «قانسیزلیق»دان،
من دئییرم «سنسیزلیک»دن.
#ادیب_جانسئور
@qanadli_duyqular
سَن نه گؤزل اونودورسان آدامی...
کؤنلوم کوسدو سئوگیلرین دادیندان
چوخمو گؤردون سَن مَنه بیر سالامی؟!
ائله گؤزل چیخیرام کی، یادیندان
سَن نه گؤزل اونودورسان آدامی
نئجه سئودیم، نئجه گَلدین خوشوما
اؤتن گونلر خاطیرهدیر بیر اودوم
مَن هارانین کولون تؤکوم باشیما
هئچ بیلمیرم سَنی نئجه اونودوم
هَلهکی صَبریمین داش طَرَفیسن
هَلهکی یارامدا دوز ساخلاییرام
سَن مَنیم عؤمرومون قیش طَرَفیسن
سَندن اورهییمی بوز ساخلاییرام
کؤنلوم کوسدو سئوگیلرین دادیندان
چوخمو گؤردون سَن مَنه بیر سالامی؟!
ائله گؤزل چیخیرام کی یادیندان
سَن نه گؤزل اونودورسان آدامی...
#واصیف_زؤهراباوغلو
@qanadli_duyqular
غزل
آی جالانمیشدی گؤیون کؤکسونه سود بارداغی تک
نور النمیشدی یئره باغدا پاییز یارپاغی تک
یاراسیندان قان آخان عسگره بنزیردیم او گون
سنی باسدیم یاراما عئینی وطن تورپاغی تک
بارماغین اوینادی سینهمده ساغاتدی یارامی
«بوغاج»ین اوخ یاراسی اوسته «خیضیر» بارماغی تک
آی جالانمیشدی سویا، سو دلی اولموشدو اوگون
هونکوروردو یئل آغاجلار قولاغیندا آغی تک
باخیشین گیزلیجه چیخدی پوسودان جومدو منه
دئدی دوستام دایان، آمّا منی سویدو یاغی تک
گؤزلریندن گؤزومه کؤرپو سالیردین سسسیز
تام یاغیشدان سورا بیر جیلوهلی گؤی قورشاغی تک
سئودالاندیم سنه بو آغ- قارا تبریز بیردن
قارینی سیلکهلنیب پارلادی یاز اوتلاغی تک
هندولار سانکی گلیب تبریزه رنگ بایرامینا
هیجاندیر بو، اوشاق خلقینه باغلارباغی تک
آی جالانمیشدی منیم کؤکسومه کئفلنمیشدیم
چکیلیردین سینهمه توستولو حسرت داغی تک
اورهییم اسدی او گون سانکی الینده اورهییم
یارالی عسگر الیندهیدی ظفر بایراغی تک...
#غزل
#صالح_سجادی
@qanadli_duyqular
گؤزله ده _ گؤزله ده قوجالتدین منی،
من کی یوخودایدیم، آییلتدین منی
نه توتدون الینده ، نه آتدین منی
اؤزگه اللره می تاپشیردین منی؟!
عطریمی گول آلدی_چیچک آپاردی
اوزومون رنگینی بیر رنگ آپاردی
چاغیردیم سسیمی کولک آپاردی
أسن یئللره می تاپشیردین منی؟!
بو گونو گؤزله دیم ، صاباحا قالدی
سئوینجین آخیری بیر آها قالدی
یگانه اومیدیم آلله ها قالدی
گلن ایللره می تاپشیردین منی ؟!
داغلارا چن دوشدو، خبر توتمادین
ساچیما دن دوشدو خبر توتمادین
آیریلیق گئن دوشدو خبر توتمادین
یامان دیللره می تاپشیردین منی ؟!
کؤنلومو آلاندا کؤنلوم دئیه ردین
منی اییلییه ردین ، گولوم دئیه ردین
آدیمی دئمزدین ، لئیلیم دئیه ردین
مجنون چؤللره می تاپشیردین منی ؟!
#نریمان_حسن_زاده
@qanadli_duyqular
گَل
فرقتین دردیندن، ائی جان! اورهییم قان اولدو، گل!
گؤزلریم یاشی جهانی توتدو، توفان اولدو، گل!
جانیمین وصلینله حقدن اتّصالی وار ایکن،
دولتِ وصلیندن آیری دوشدو، هجران اولدو، گل!
چکدی مشکین زولفونو، آلدی الیمدن روزگار،
اول سببدن کؤنلومون حالی پریشان اولدو، گل!
گرچه مندن صورتین غاییبدیر، ائی حوریجمال!
سانما کیم، گؤزدن جمالین نقشی پنهان اولدو، گل!
فرقتین اول درد ایمیش جانیمدا کیم، هر کیمسه کیم-
فیکرینه دوشدو بو دردین، عقلی حیران اولدو، گل!
سندن آیری دوشدویوم آغیلار ایچدیردی منه،
وصلتین تریاکی هانی؟ وقتِ احسان اولدو، گل!
خضر اگر ظولمتده ایستر چشمهی حیوانینی،
سوسامیش مُشتاقه لعلین آب حیوان اولدو، گل!
گرچه خنداندیر فرحدن آغزی آچیلمیش گولون،
عندلیبین گؤزلرین گؤر کیم، نه گریان اولدو، گل!
یار جور ائتمیش «نسیمی»یه، روادیر گر اونا،
اؤز نگاریندان جُدا زنجیر و زندان اولدو، گل!
#سیدعمادالدین_نسیمی
@qanadli_duyqular
باشیما دؤین یاغیشین-
یاغان قارین ایچینده،
من ده بیر ائو ایستهییرم،
دؤرد دیوارین ایچینده.
تانری گؤیدن دردی منی،
یئره گؤندردی منی.
قاریشدیم، گؤزوندن ایتدیم،
آداملارین ایچینده.
چتیندی سوسوز دریادا،
یئلکنسیز قاییق اولماق.
بایقوش کیمی آییق اولماق،
یاتانلارین ایچینده.
گوناها باتیب بوغولور،
ایلاهی، مین-مین آدام.
الینی وئر، من ده وارام،
باتانلارین ایچینده...
#رامیز_رؤوشن
@qanadli_duyqular