6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
سَن گئدندن بورونموشم حَسرته
سَسسیزجه اوشویورم
عوصیانیم یوخ، باش اَییرم قیسمته
گوناهکاری اؤزومم
گونونو سَنله آچیب ، گئجه‌نی سَنله بؤلن
بیر کَلمه‌نه یئتینیب ،سَنی اوزاقدان سئون
ناکام قَلبه صاحیبم
دَلی‌دن ده بئترم.
اَللرینین ایستیسی ایسیتمه‌دی اَلیمی
گؤزلرینه باخمادیم بیرجه کَرَه دویونجا
وارلیغینی کَناردان ایزله‌ین سئییرجییم
بو یوخلوغا عاشیقم
مَن کی هئچ یاشامادیم طالئعیمی دویونجا
آلمادین سول یانینا
اینجیمیرم ،کوسمورم
مَن ناتامام بَنده‌یم
خَیالینلا اووونوب ،اؤز سئودامی سئویرم
بو سئوگینین گوجونو، قودرتینی سئویرم
سَندن بئتر گونده‌یم
نَفَسینین گوجونو بیلمه‌ین مَحَببتیم
سَنینله نَفَس آلیر، شئعیر یازیر بوللوجا
یوخ اولمور بیر هَوَس تَک بئله اونودولونجا
سَن گئتمیسن ،نه اولسون ،مَن سَنی آختاراندا
تاپمایاندا دا سئودیم
گؤزلریم سَنی گَزدی، قَلبیم سَنی سَسله‌دی
بو ناله‌مه بیر جاواب آلمایاندا دا سئودیم
اوزولمه، دَردین آلیم ،مَن یوخلوغا اؤیره‌شن
سَسسیزلییه آلیشان، خَفیفجه بیر کوله‌یم
سَنی اوزاقدان سئون، وارلیغینلا یئتینن
سئودا آدلی کیمسه‌یم
باخ اوزاقدان دویونجا
داغ دا داغا قوووشدو
دوشمنلر ده یوووشدو
بیرجه بیزه چاتمادی بیر سَعادت، بیر نَصیب
سئودانین هَر ذَرره‌سی بیرجه بیزدن سوووشدو
سانما کی ،دوشونورم ،اومیدلریمی کَسیب
یانیندایام ،باخ گئری ،ساغیندا، سولوندایام
مَن هَر یؤنه آچیلان، گئتدییین یولوندایام
کوسگون یازیب، آغلاییب، گؤز یاشیمی دا سیلیب
ایکیمیزین یئرینه سئوه‌جم یئترینجه
سون نَفَسیم بیتینجه...
#گولر_موباریز
@qanadli_duyqular
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى ياديندان؛
سن نه گؤزل اونودورسان آدامى!
نئجه سئوديم، نئجه گلدين خوشوما!
اؤتن گۆنلر خاطره دير بير اودوم
من هارانين كۆلون تؤكوم باشيما؟
هئچ بيلميرم سنى نئجه اونودوم.
هله كى صبريمين داش طرفيسن؛
هله كى يارامدا دوز ساخلاييرام.
سن منيم عمرومون قيش طرفيسن
سندن اۆره‌ييمده بوز ساخلاييرام
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى، ياديندان؛
سن نه گؤزل اونودورسان آدامى...!
#واصيف_ظهراب‌اوغلو
@qanadli_duyqular
بیردؤرد دووار بیرده تاوان
بویانمیش پنجره خارا
تیکانلی سیم هاردان هارا
چاتمیر خبر یاردان یارا
قاداغان بیر دمیر قاپی
زیلی قارادیر بویاسی
دیشاریدا یوز بیر کؤپک
ایچینده من باختی قارا !
بو ائو یاساق لار ائوی دیر
یازیم یاساق سؤزۆم یاساق!
فلک دؤنۆبدو ترسینه
میننت چکیر بویون دارا
بوم بوز یاتاق قارا اوتاق
گونش سیز گۆنلر دولانیر
بلکی ده سون ائودی بورا
گلیب دی روح تن دن زارا
#تورال_رسولی
@qanadli_duyqular
شاعیر و یازار مین حسرت‌له مین آرزوایله کتاب یازیر ... بویوک بیر مبلغ اودییب بیر یایین ائویندن ۲۰۰ جلد او کتاب‌دان نشر ائدیر ... سونرا او کتاب اولور اوره‌یینین نیسگیلی و قالیر بیر قارانلیق یئرده کارتن‌دا
یا دا هدیه وئریر اونا بونا...
بیربیزیمیزی تاپماق اوچون و او کتاب‌لارین قارانلیق اتاق‌لار دان چیخیب کتاب‌خانا رف‌لرینه چیخماسی اوچون بیر پنجره آچدیق...
گلین بوردا بیربیریمیزی تاپاق...
هله تازا باشلاییریق
هله باشارمیریق بلکه
آنجاق اویرنریک ...
بیزه قوشولون
https://www.instagram.com/kitabbaz.az/profilecard/?igsh=ZnB1MTR6eWFyZXAy
کئچیر اؤز قانؽنا باتان آداملار،
بیرده کی قان هانؽ؟
قان آخؽ یوْخدو.
هامی گۆناهکاردی دۆنیادا آما،
دۆنیادا هئچ کسین گۆناهی یوْخدو.
بیزسیز یازؽلمیشدی بۇ طالع، بۇ بخت،
ساپانددان آتؽلان بیر جۆت داشؽق بیز.
بلکه‌ده دۆنیادا اوْن-اونبئش ایل یوْخ،
مین ایل بۇندان قاباق آیرؽلمیشیق بیز.
حالال یوْلوموزو دَییشیب نسه،
چاشمؽشیق، بیر اؤزگه یوْلدان کئچمیشیک.
بلکه مین ایل قاباق سئهو دۆشوب نسه،
مینیللیک بیر سئهوه قۇربان گئتمیشیک.
#رامیز_رؤوشن
@qanadli_duyqular
بو «بلکه»لر اولماسایدی،
موتلو اولاردیق
بلکه!...
#ووقار_نعمت
@qanadli_duyqular
منیم اوره‌ییم‌ده کده‌ری خال _ خال،
دردی چکیلمه‌یَن یوکدو بو دونیا !
عوُمرو یاشانمامیش مئیوه‌نی کال_کال _
نه قده‌ر بودادی توُکدو بو دونیا !
عوممانا غرق اولدو نوحون واختیندان،
فرعون‌لار، شددات‌لار کوسدو باختیندان،
نئچه فاتح‌لری سالدی تاختیندان _
نئچه خانیمان‌لار سوُکدو بو دونیا !
بیر الینده خئییر ، او بیرینده شر ،
کیمه نه قیسمت‌دیر ، کیمه نه دوشر؟!
حاقسیزلیق اودونا یاناندا بشر _
آه چکیب بوینونو بوکدو بو دونیا !
اوُتوب، اوُتن گون‌له تاپیشماق اولماز،
قضا یئلکه‌نینده چاپیشماق اولماز ،
اونو دایاق سانیب، یاپیشماق اولماز ،
کیپریک‌دن آسیلان توک‌دو بو دونیا !
بعضن آغی قاتدی زر قاشیقلارا ،
ایچیردی طالعی سارماشیقلارا ،
بوللور سارای‌لارا ، گور ایشیقلارا _
آغیر ظولمت اولوب، چوُکدو بو دونیا !
قیلینج وار، نیزه وار ایپک تئلینده ،
ملک‌لر، ایبلیس‌لر اوُز عملین‌ده ،
آنا تورپاغیمی جللاد الینده _
حرراج بازارینا چکدی بو دونیا !
اون ایل موحاریبه ، اون ایل مشققت ،
باخدیم عملینه، دویمادیم ریققت ،
آی " آلقاییت" ! شوم ائیله‌دی نهایت _
یوردوندا مرمی‌لر اکدی بو دونیا !
#آلقاییت_خلیل_اؤو
@qanadli_duyqular
گونلریم آخیشیر بیر اویقو کیمی؛
دره‌دن دره‌یه آخان سو کیمی.
دلبریم، هرجایی بیر آهو کیمی،
هیجران داغلارینی آشارمی؟ سؤيله!
سنسيز نه ذؤوقو وار باغين-باهارين؟
آچان چیچک‌لرین، اوچان قوش‌لارین؟
سنسیز جنّت اولسا کایینات یارین،
هئچ منیم روحومو اوخشارمی؟ سؤيله!
سنينله باغلاييب من عهدى-پئيمان
دئديم قيسمتیميز اولماسين هيجران
«موشفيق» قوش اولسا دا، گؤره‌سن بير آن،
سندن اوزاقلارا اوچارمی؟ سؤيله...!
#ميكاييل_موشفق
@qanadli_duyqular
بیز آیری دوشه لی
او گونلر یوخویدو ، یوخسا حقیقت،
بلکه بیر دویونلو سیرر ایدی ، گئتدی .
او آرزی ، او اومود ، او سؤز ، او صؤحبت
دوداقدان سوزولن دورر ایدی ، گئتدی.
شیرشیرلار اویاندی ، چاغلادی داغلار ،
چیچکلر بویلاندی ، بزه ندی باغلار .
بیز آیری دوشه لی بیر غریب باهار ،
یانیمدان خبرسیز یئریدی ، گئتدی .
بولودلار اوفوقه چکیلدی لای -لای،
زمیلر بیچیلدی ، بوغدالار تای -تای
بیز آیری دوشه لی بیر آلوولو یای
چؤللری ، دوزلری بورودو گئتدی .
بولاقلار بوینوندا اوشودو یارپیز ،
یارپاقلار ، بوداقدان ائندی آرامسیز .
بیز آیری دوشه لی بیر یورغون پاییز ،
ساری چوخاسینی سورودو ، گئتدی .
آخدی دامجی -دامجی بوز سالخیملاری،
سئللر یارالادی ، بورجو ،حاساری .
بیز آیری دوشه لی بیر قیشین قاری
گؤزومون ایچینده اریدی ، گئتدی .
کؤنلومده دؤرد فصلین غمی ، نیسگیلی ،
مؤحنتین سونو یوخ ، غمین ساحیلی ،
یئتمیش ویداع ایلی ، آیریلیق ایلی ،
عؤمرون گونلرینین بیری یدی ، گئتدی .
#حوسئین_عاریف
@qanadli_duyqular
#بو_سئوگی
ﮔﻠﻨﺪﻩ ﯾﺎﺷﯿﻤﯽ ﻫﺌﭻ ﺳﻮﺭﻭﺷﻤﺎﺩﯼ،
ﺑﺎﺧﻤﺎﺩﯼ ﺯﺍﻣﺎﻧﺎ-ﯾﺎﺷﺎ ﺑﻮ ﺳﺌﻮﮔﯽ.
ﺑﯿﺮﺩﻥ ﺑﯿﺮ ﺩﻟﯽ ﺳﻮﻭ ﺍﻭﻏﻼﻧﺎ ﺩﺅﻧﺪﻭ،
ﺗﻮﺗﺪﻭ ﭘﻨﺠﺮﻩﻧﯽ ﺩﺍﺷﺎ ﺑﻮ ﺳﺌﻮﮔﯽ.
ﺩﺋﺪﯾﻠﺮ: «ﯾﻮﻝ ﺁﺧﺘﺎﺭ ﻗﯿﺰ ﺍﻭﺭﻩﯾﯿﻨﻪ،
ﺳﻮﺯﻭﻝ ﺩﺍﻣﻼ-ﺩﺍﻣﻼ سیز ﺍﻭﺭﻩﯾﯿﻨﻪ!»
ﺍﻭﺩ ﻗﻮﯾﺪﻭﻡ ﯾﺎﻧﻤﯿﺸﯿﻦ ﺑﻮﺯ ﺍﻭﺭﻩﯾﯿﻨﻪ،
ﺁﺯ ﻗﺎﻟﺪﯼ ﺩﻭﻧﯿﺎﻧﯽ ﺁﺷﺎ ﺑﻮ ﺳﺌﻮﮔﯽ.
ﺍﻭ ﺳسلر ﻫﻠﻪ ﺩﻩ ﻗﻮﻻﻏﯿﻤﺪﺍﺩﯼ،
ﺑﺎﻫﺎﺭﯾﻦ ﺣﺴﺮﺗﯽ ﯾﺎﻧﺎﻏﯿﻤﺪﺍﺩﯼ.
ﻫﻠﻪ ﮐﯽ ﭘﺎﯾﯿﺰﯾﻦ ﺳﯿﻨﺎﻏﯿﻨﺪﺍﺩﯼ،
ﮔﺆﺭﮎ ﺩؤﺯﻩﺟﮏﻣﯽ ﻗﯿﺸﺎ ﺑﻮ ﺳﺌﻮﮔﯽ...؟
#زلیمخان_یعقوب
@qanadli_duyqular
ایلاهی، سندن ده سیندی اوره‌ییم،
منی کوسدورنین یئکه‌سی سنسن.
دونیانین اَن اوزاق، اله گلمه‌ین،
بوغازدان کئچمه‌ین تیکه‌سی سنسن..
#رامیز_رووشن
@qanadli_duyqular
وفا هر کیمسه‌دن کیم ایسته‌دیم اوندان جفا گؤردوم
کیمی کیم بی‌وفا دونیادا گؤردوم، بی‌وفا گؤردوم
کیمه کیم دردیمی اظهار قیلدیم ایسته‌ییب درمان
اؤزومدن هم بتر بیر درده آنی مبتلا گؤردوم
مکدر خاطیریمدن قیلمادی بیر کیمسه غم دفعین
صفادن دم ووران همدم‌لری، اهلِ ریا گؤردوم
اگر سو دامنین توتدوم، روان دؤندردی اوز مندن
وگر گوزگودن اومدوم صدق، عکسِ مدعا گؤردوم
آیاق باسدیم درِ اومیده، سرگردانلیق ال وئردی
هنر سررشته‌سین توتدوم الیمده اَژدها گؤردوم
منه گؤستردی گردون، تیره بختیم کوکبین یوز کز
منِ بدبخت اونا هر گاه کیم، باخدیم، قارا گؤردوم.
فضولی! عیب قیلما اوز چئویرسم اهلِ عالمدن
نه‌دن کیم، هر کیمه اوز توتدوم اوندان یوز بلا گؤردوم
#ملا‌محمد_فضولی
@qanadli_duyqular
اینسان - کئچمیشی‌نین حسرتینی چکن، گله‌‌جه‌یی ایچین داریخان، یاشادیغی آندان شیکایت ائدن وارلیق‌دیر.
#چارلز_بوکوفسکی
@qanadli_duyqular
نازلی هئچ نه دئمه دی
گونش کیمی
قارالیق دان قالخیب قانا جوموب
گئتدی....
نازلی هئچ نه دئمه دی
نازلی اولدوز ایدی
بیر آن بو قارانلیق دا پاریلداییب سیچراییب گئتدی..
نازلی هئچ نه دئمه دی
نازلی بنؤوشه ايدى
چیچکلنیب
موشتولوق وئردی :"قیش سینیب"
گئتدی...
#احمد_شاملو
#چئویرمه_شهرزاد_شکرزاده
@qanadli_duyqular
سرمست مئی حوسن و جفاسان هله ای گول
او واخت کی حسنون گئده هوشیار اولاجاقسان
مغرورسان ای گول خبرین یوخدو اوزوندن
ایام خزان گلسه خبردار اولاجاقسان
#سید_عظیم_شیروانی
@qanadli_duyqular
دولو-دولو یاشا حیاتی!
دیلینی «کئشکه»لر سارماسین!
ائله بیرینی سئو کی،
گوندوز گونشه،
گئجه اولدوزا،
احتیاج قالماسین...!
#جان_یوجل
@qanadli_duyqular
يار اۆچون ، اغیاره منت ائتديگیم عیب ائیله‌مه
باغبان بیر گۆل اۆچون، مين خاره خدمتکار اولور
#حکیم_فضولی
#گون_آیدین
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
اؤزون کوسدوردون منی.
منده گوناه آراما!
اؤزون کوسدوردون منی.
اوره‌ییمه توخونان،
سؤزون کوسدوردو منی.
هردن سوزولوب آخان،
منی یالنیز بوراخان،
دؤنوب یادلارا باخان،
گؤزون کوسدوردو منی.
سوروشما هیجران نه‌دن!
غمدی قلبیمی دیدن.
مندن آیریلیب گئدن،
ایزین کوسدوردو منی.
یاندیم، قوورولدوم داها،
دردیمی بؤلدوم داها،
دؤزدوم، یورولدوم داها،
دؤزوم کوسدوردو منی.
هر کسه «گولوم» دئین،
«اوجاغیم، کولوم» دئین،
هامییا گولومسه‌ین،
اوزون کوسدوردو منی.
#نوصرت_کسمنلی
@qanadli_duyqular
خزل آی ۲۸ ستارخان دوغوم گونو کوتلو اولسون
دوشمن‌لریمیز یالنیز بیر زامان بیزه قالیب گله بیلر؛ بیز بیربیریمیزله دوشمن اولدوغوموز زامان.
#ستارخان
@qanadli_duyqular
پاییز
قیرمیزی‌یا باتیر گئتدیکجه ساری،
ایسلادیر گؤزل‌لیک گلیب-گئدنی.
هئیوانین چیراغی یانیر یاغیشدا،
یئنه دلی ائدیر بو پاییز منی...
#رسول_یونان
#گون_آیدین
@qanadli_duyqular
سئوگینین کتابین واراقلایارسان
سن منی هر کسدن سوراقلايارسان
ساغ ايكن قدريمى بيلمه‌ين انسان
اؤلنده باش داشيمى قوجاقلايارسان
#آتش_خزر
@qanadli_duyqular
سنی شفق بیلدیم بو جهاندا من
بعضا شیمک اولوب غضبله چاخدین
ایلک دفعه دونیایا گؤز آچاندا من
قلبیمه گونشین اؤزیله آخدین
آنا گؤزلریندن سوزه‌ن نور کیمی
هوپدون اوره‌یمه سن گیله – گیله
هر کلمه ن ، هر سؤزون بزنمه ییب می
مهربان آنانین تبسوم ایله
اوجالیر باغچادان بولبولون سسی
چای سوسور، اسمه‌ییر چمن ده یئل ده
نه قدر دوغمادیر اونون نغمه‌سی
بولبول ده، ائله بیل، اوخور بو دیلده
#نبی_خزری
#گون_آیدین
@qanadli_duyqular
آنام حایات توخویوردو
دون گئجه
آغلی-قارالی
مین‌بیر بویالی،
توخویوردو
و ساهاتین تیک تاکی
زامانین اؤتمه‌سی
حایاتین بیتمه‌سی
سولوقلاییر بارماقلاری آراسیندا...
سریلدیکجه موزاییک‌لره
قادین قوخولو حایات
آلما-آلما دریلیردی آنامین قاری گولوشلری
دیرچه‌لیردی آرزیلاریم
زوغ آتیردی گؤز ببک‌لریمدن!
...و ساریلاق
یالقیزلیغین پاسلانمیش چارمیخینا،
اولوردوم
یوماقچالارین قورتولوش ثانیه‌لرینه بویلو
اؤلومه داریخیردیم
و آنامین
قارقیشلی دؤشلریندن امدییم
دوندوروجو آغریلارا...
#مهسا_عبدلعلیزاده
@qanadli_duyqular
وقتش رسیده دوستانیکه این بات رو دنبال کردن
از امکانات تلگرام لذت ببرید
👇👇👇👇
/channel/frenscoin_bot/join?startapp=128901753
جوین شید 👌👌👌👌☝️☝️کسب درآمد هفتگی 💸💸💸
توکن ها واریز شده✅
توجه ❗️ چقدر توکن دریافت کردید
مَحَببت یولوندا قوجالمیشام مَن
یاشیما باخیرسان جاوان دئییرسن
مَنی سئودییینی سؤیله‌ین زامان
گؤزلرین دئدی کی یالان دئییرسن!
او سون گئدیشینی اونوتمامیشام
نئجه قویوب گئتدین یاغیشدا مَنی
اولا بیلر بیر گون پئشمان اولارسان
گَلیب مَنه دئمه باغیشلا مَنی....
#سامیر_جبراییللی
@qanadli_duyqular
بو سون شعیر دیر کی یاساقلار قیزی (معصوم)، ادبیات سئونلر قوروپونا گؤندرمیشدی.
گونشی گؤزلرینده
دوندوردو بیر یابانجی شاختا
قوتسال کؤلگن یاواشجانا
قیسیلدی بیر بوجاغا
گؤرولمز اولدو
آخی
کؤلگه نی اوجالتماق اوچون
یولچو اولموشدوق شاختالی گونده !
هاچان سنی ایتیردیم ؟
هانسی گئجه ؟
ایندیسه
شه هرین پالچیقلی دووارلاریندا
ایزینی آختاریرام
بیلیرسن می؟
بوراداکی قاناری لار قارایا بویانیب
سس لری شه هری تیتره دیر
سن سیز
یاشام هئی تیکرار لانیر
خیاوانلاردا کؤلگه لر منی آلای ائدیرلر
نه اولور
گل
کؤلگه نی یاپیشدیر
بوتون دووارلار
قالدیریملارا
قوی بیر آنلیق اوره ییم دینجلسین!
بیلیرسن می؟
رویالاریمین شوالیه سی اولموسان" سایه"
گؤز آچدیغیمدا
دؤرد بیر یانیمی کؤلگن بورویور
اونودولماز بیر سیمگه سن
اؤلومومه قه در کؤلگم!
#معصومه_جبارپور
@qanadli_duyqular
باخ هئچ کیم هئچ کیمی سایمیر،
هامی گل-گئت‌ده‌دیر سس‌سیز.
باخیشلار دا دویون دوشمور،
گؤزومدن لاپ دوشوب تبریز!
منه هئچ کیم تانیش گلمیر،
منه هر یئر اولوب غوربت،
بو شهری نئیلیرم سنسیز؟!
بو سنسیز "تبریزه" لعنت..!
#آرش_توفیقی
@qanadli_duyqular
چالیش اینجیمه سین سندن هئچ بیر کس
غضبله کیمسه نی یاندیرما عبث!
راحاتلیق ایسته ییرسن اوزونو اینجیت،
آدام اینجیدنلر، راحات گون گؤرمز
#خیام
@qanadli_duyqular
قیمت-لعلینی یارین دئمه یین اغیارا
گؤهرین قدرینی صراف خریداره دئیر
عشق سیرّین دئمه،واحد،بو قارا گؤزلولره
مست درک ائیله مز،عارف سؤزو هوشیاره دئیر
#علی_آقا_واحید
#گون_آیدین
@qanadli_duyqular