6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
مَنی سئومه‌یی ده اوممورام سَندن
آللاه دَییلسن کی، بَنده سئوه‌سن
سئوه بیلمیرسن‌سه اوتانما مَندن
مَنی کیم سئویب کی، سَن ده سئوه‌سن!...
#جوشقون_کامال
@qanadli_duyqular
ای خوش اول گون لر کی من همراز ایدیم جانان ایله،
نعمت وصلین گوروب نازین چکردیم جان ایله.
گورمه میشدی گلشن عیشیم خزان تفرقه،
اولمامیشدی تیره ایامیم،شب هیجران ایله.
مهوشیم دن دوستلر دوران جدا ایستر منی،
دشمنیم دیر هیچ بیلمم نئتمیشم دوران ایله؟
یئتسه گر عاشیقلرین افلاکه افغانی،نه سود؟
یئتمک اولماز ماه وش لر وصلینه افغان ایله.
یاشیریب ساخلاردیم ائل دن داغ هیجرانیم اگر،
ائتمک اولسایدی مدارا دیده ی گریان ایله.
ذووق دن دیباچه باغلاندی کتاب عومرومه،
قویمادی دوران کئچه اوقاتیم اول عنوان ایله.
ای" فضولی" اختر بختیم مساعد اولمادی
کیم اولام بیر دم مقارن اول مه تابان ایله.
#حکیم_فضولی
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
قفس نه قَدَر گئنیش اولسا، قوش-
یئنـه میله‌لـره گئـدر سوواشـار
خیال هئچ اؤلچویه سیغینان دئییل
هر قابا تؤکولسه دولدورار داشار..
#بولود_قاراچورلو_سهند
@qanadli_duyqular
سئوگی بیلیرسن نه ائده‌ر؟
یوخ بیلمیرم نه ائده‌ر؟
آدام بیرینجی پیلله‌ده داریخیر
دئیه‌ر:داریخماالینی وئر منه
بیرگه گئدک
دانیشدیرادانیشدیرا آپاریب
ان سون پیلله‌ده بوراخار
دؤنوب گئده‌ر
#حیدر_بیات
#گون_آیدین
@qanadli_duyqular
کدر یئدیم دردی چؤله وئرمه دیم
اوتانمیر دئدیلر،قانمیر دئدیلر
آلوولاندیم اؤزوم یاندیم ایچیمدن
سرخوشدور بوغلانیر یانمیر دئدیلر
#بهمن_عابباس_اوو_وطن_اوغلو
@qanadli_duyqular
دونن گلدی چاتدی، تزه بیر یازین
عطریندن، ایییندن، دولو سئوگیلیم
یازمیشدین چوخداندی گلمیر کاغاذین
یامان گؤزله‌ییرم یولو سئوگیلیم
یازمیشدین تای توشدا، کیم گئتدیییندن
کیمین گئتدیییندن، سن دؤنه-دؤنه
بیر ده بیر ائلچینی رد ائتدیییندن
اوتانا اوتانا یازمیشدین یئنه
یازمیشدین بس هیجران هاچانا کیمی
یازمیشدین، لاپ ایتیب دای خئیریم، شریم
من سنه نه یازیم، تر نانا کیمی
آخی افیل - افیل اسیر اللریم
آه او باغ، او بولاق، او یاز آخشامی
داشلانیر گؤزومدن، خاطیره‌لرین
او گون عشقیمیزدن یانیردی هامی
بوگون نه سریندی هاوا نه سرین
خزل تک کؤلگه‌یه وئردیم بیر به بیر
الیمی یاندیران مکتوبلارینی
قازدیم اورهییمده، قازدیم بیر قبیر
قویلادیم عشقیمین اعتبارینی
گئت منی گؤزله‌مه، گئت گؤزل پری
قاپیدان قایتارما ائلچی‌لری سن
آلنیمی ایسلادیب، خجالت تری
گئت غوربت شهردن ائولنمیشم من
#نادر_الهی
@qanadli_duyqular
شعریمده یاشایان بیر دلی قیزدان
اؤزومو سوراندا دوداغی قاچدی
دئدیم اینجیمه رم گؤزونه قوربان
ال آتیب آستاجا اوره یین آچدی
دونان آرزیلاری یاز فصیلینده
کؤکسونو یارمیشدی دیل یاراسیندان
باغلی پنجه ره لر اونون دیلینده
قارا بورونموشدو گولون یاسیندان
دوداغی آجیدان گولومسه نیردی
سئویرم گزیردی ایکی دویمه سی
من سئوه ن دلی قیز آی دان ائنیردی
توشوردو یوللارا شعریمین سسی
بیر گئجه ساچینی سویا دوغرادی
خزری اوخشادی ساحیلی سوزدو
نیسگیله بویاندی بو قیزین آدی
دردی سیرا -سیرا شعرینه دوزدو
#دومان_بختیاری
@qanadli_duyqular
دولو-دولو یاشا حیاتی!
دیلینی «کئشکه»لر سارماسین!
ائله بیرینی سئو کی،
گوندوز گونشه،
گئجه اولدوزا،
احتیاج قالماسین...!
#جان_یوجل
@qanadli_duyqular
يار اۆچون ، اغیاره منت ائتديگیم عیب ائیله‌مه
باغبان بیر گۆل اۆچون، مين خاره خدمتکار اولور
#حکیم_فضولی
#گون_آیدین
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
اؤزون کوسدوردون منی.
منده گوناه آراما!
اؤزون کوسدوردون منی.
اوره‌ییمه توخونان،
سؤزون کوسدوردو منی.
هردن سوزولوب آخان،
منی یالنیز بوراخان،
دؤنوب یادلارا باخان،
گؤزون کوسدوردو منی.
سوروشما هیجران نه‌دن!
غمدی قلبیمی دیدن.
مندن آیریلیب گئدن،
ایزین کوسدوردو منی.
یاندیم، قوورولدوم داها،
دردیمی بؤلدوم داها،
دؤزدوم، یورولدوم داها،
دؤزوم کوسدوردو منی.
هر کسه «گولوم» دئین،
«اوجاغیم، کولوم» دئین،
هامییا گولومسه‌ین،
اوزون کوسدوردو منی.
#نوصرت_کسمنلی
@qanadli_duyqular
خزل آی ۲۸ ستارخان دوغوم گونو کوتلو اولسون
دوشمن‌لریمیز یالنیز بیر زامان بیزه قالیب گله بیلر؛ بیز بیربیریمیزله دوشمن اولدوغوموز زامان.
#ستارخان
@qanadli_duyqular
پاییز
قیرمیزی‌یا باتیر گئتدیکجه ساری،
ایسلادیر گؤزل‌لیک گلیب-گئدنی.
هئیوانین چیراغی یانیر یاغیشدا،
یئنه دلی ائدیر بو پاییز منی...
#رسول_یونان
#گون_آیدین
@qanadli_duyqular
سئوگینین کتابین واراقلایارسان
سن منی هر کسدن سوراقلايارسان
ساغ ايكن قدريمى بيلمه‌ين انسان
اؤلنده باش داشيمى قوجاقلايارسان
#آتش_خزر
@qanadli_duyqular
قیرمیزی‌یا باتیر گئتدیکجه ساری،
ایسلادیر گؤزل‌لیک گلیب-گئدنی.
هئیوانین چیراغی یانیر یاغیشدا،
یئنه دلی ائدیر بو پاییز منی...
#رسول_یونان
@qanadli_duyqular
#من_آلدانماق_ایسته_ییرم
اومیدیمین چیراغینا
بیر قطره یاغ ایسته ییرم.
آغلار قالان دیله ییمه
آداخلانماق ایسته ییرم.
زامان چوخو آز ائله دی
بیزی دایاقسیز ائله دی
حاق ـ منی حاقسیز ائله دی
حاققی دانماق ایسته ییرم.
آچار گزدیم دویونومه
قیفیللار چیخدی اؤنومه
صاباح اوچون بو گونومه
دایاقلانماق ایسته ییرم.
گول کول ایمیش، سول ساغ ایمیش
حاق ـ گئرچه یی دانماق ایمیش
خوشبختلیک، آلدانماق ایمیش
من آلدانماق ایسته ییرم...
#بختیار_وهابزاده
#گون_آیدین
@qanadli_duyqular
بیر اؤلوم وفالی، بیر ده سون‌باهار...
#جاهیت_ظریف‌اوغلو
#سون‌باهار_پاییز
@qanadli_duyqular
هر طرف‌ده سویوق، هر طرف‌ده قار
ییغیلمیش چیلله‌نین جان بوغازینا
آخشام‌کی فیرتانا، آخشام‌کی روزگار
دوشموش ناغیل کیمی، خالقین دیلینه
هر شئی سوسقون کیمی، هر شئی لال کیمی
بودور سئودیییمیز، یاز یاخین‌دا دیر
یاشیل منظره‌لر بیر خیال کیمی
ایندی‌دن گؤزومون قاباغیندادیر.
#میکاییل_مشفق
@qanadli_duyqular
آختاراجاقسان
هله قولاغینا چاتمیر هاراییم
بیر واخت منی گولوم آختاراجاقسان!
گؤرسن ویران اولوب کؤنول ساراییم
اوچولوب اؤزولوم،آختاراجاقسان
داغ یارار سئل سئله قاریشماق اوچون
غم دیله حکم ائدر دانیشماق اوچون
منیمله گؤروشوب باریشماق اوچون
آی مندن کوسولوم آختاراجاقسان!
یاندیردی آی اوزلو ملک‌لر منی
آلداتدی قوردوغون کلک‌لر منی
سیلیب سوووراجاق کولک‌لر منی
قالمایاجاق کولوم آختاراجاقسان
داش اولوب یولونا دوزوله‌جه‌یم
یاش اولوب گؤزوندن سوزوله‌جه‌یم
سنه یانیق وئریب تئز اؤله‌جه‌یم
منی ظولوم-ظولوم آختاراجاقسان
یوز ناله چکیرم بیر سیمین اوسته
چکمه قیلینجینی صبریمین اوسته!
ائله کی اوت بیتدی قبریمین اوسته
راهلاندی منزیلیم آختاراجاقسان
#توفیق_بایرام
@qanadli_duyqular
سانکی گونشی‌ده اوغورلاییب‌لار
قارانلیق نه قدر قاتی‌دیر،سیخ‌دیر
بو چیرکاب ایچینده تمیز یاشاماق
بلکه‌ده اَن بؤیوک قهرمانلیق‌دیر
#خلیل_ریضا_اولو_تورک
@qanadli_duyqular
قوجالیق
تنهالیق باشلاییر بوردان اویانا
کئچدیکجه کئچیلمز،آتام بالاسی!
چایلاری،چؤللری توتسان بویونا
آیلاری،ایللری توتسان بویونا
اؤلچدوکجه اؤلچولمز،آتام بالاسی!
داها چوخلاری‌یلا آرام سرینلر
چوخلاری بویوما سئوینمَز داها
۲۳ یاشیمدا منی سئونلر
۳۳ یاشیمدا سئوَنمز داها
من آخی نه یولام،نه چؤل،نه کوچه
من آخی هامینین اولا بیلمه‌رم
منی سئونلردن اؤترو،
اؤلونجه ۲۳ یاشیمدا قالا بیلمه‌رم
نه قدر سؤزلر وار سؤزومدن جاوان
داها چیغیرماغا نفسیم گلمیر
داها بو دونیادا اؤزومدن جاوان
شعرلر یازماغا هوسیم گلمیر
کیریییر،یوموشالیر شعرلریم‌ده
قوجالیر میصراعلار،سؤزلر منیمله
دوستلار جاوان قالیر شعرلریمدن
قوجالماق ایسته‌میر دوستلار منیمله
ايلاهی!قوجاليق بو ايمیش دئمه‌لی
دوستلاردان سس‌سيزجه قيريلير آدام
عؤمور بير بولانيق سويموش دئمه‌لی
عؤمور آزالديقجا دورولور آدام
ایچیمین،چؤلومون یویولور پاسی
سطیرلر گؤیه‌ریر بو آغ واراق‌دا
نه چوخموش اورَکله الین آراسی
نه یاخشی اؤلمه‌دیم بو آرالیق‌دا
سؤزلر اوره‌ییمدن الیمه یئتدی
بیر آزجا سولوخدو،سولدو؛نه اولار؟!
بیر آزجا شاخلیغی،شوخلوغو ایتدی
هئچ کس قیناماسین،یولدو؛نه اولار؟!
داها بالتا کسمز عاغلیم کسه‌نی
دونیانین دادینی بیلیرم داها
بو قوجا دونیادا هر نفسیمی
آغاجدان مئیوه‌تک دریرم داها
سون نفس دونیادا هر شئی‌دن شیرین
شاعیرده قوجالیر،اؤلور،بیلیرم
سؤزوندن قان اییی گلن شاعیرین
آغزیندان سود اییی گلیر،بیلیرم
بو دونیا بیر قاینار قازانمیش دئمه
سؤندورمز اودونو نه قار،نه یاغیش
دونیایلا دالاشماق آسانمیش دئمه
چتینی دونیایلا باریشماق ایمیش
#رامیز_روؤشن
@qanadli_duyqular
سَن گئدندن بورونموشم حَسرته
سَسسیزجه اوشویورم
عوصیانیم یوخ، باش اَییرم قیسمته
گوناهکاری اؤزومم
گونونو سَنله آچیب ، گئجه‌نی سَنله بؤلن
بیر کَلمه‌نه یئتینیب ،سَنی اوزاقدان سئون
ناکام قَلبه صاحیبم
دَلی‌دن ده بئترم.
اَللرینین ایستیسی ایسیتمه‌دی اَلیمی
گؤزلرینه باخمادیم بیرجه کَرَه دویونجا
وارلیغینی کَناردان ایزله‌ین سئییرجییم
بو یوخلوغا عاشیقم
مَن کی هئچ یاشامادیم طالئعیمی دویونجا
آلمادین سول یانینا
اینجیمیرم ،کوسمورم
مَن ناتامام بَنده‌یم
خَیالینلا اووونوب ،اؤز سئودامی سئویرم
بو سئوگینین گوجونو، قودرتینی سئویرم
سَندن بئتر گونده‌یم
نَفَسینین گوجونو بیلمه‌ین مَحَببتیم
سَنینله نَفَس آلیر، شئعیر یازیر بوللوجا
یوخ اولمور بیر هَوَس تَک بئله اونودولونجا
سَن گئتمیسن ،نه اولسون ،مَن سَنی آختاراندا
تاپمایاندا دا سئودیم
گؤزلریم سَنی گَزدی، قَلبیم سَنی سَسله‌دی
بو ناله‌مه بیر جاواب آلمایاندا دا سئودیم
اوزولمه، دَردین آلیم ،مَن یوخلوغا اؤیره‌شن
سَسسیزلییه آلیشان، خَفیفجه بیر کوله‌یم
سَنی اوزاقدان سئون، وارلیغینلا یئتینن
سئودا آدلی کیمسه‌یم
باخ اوزاقدان دویونجا
داغ دا داغا قوووشدو
دوشمنلر ده یوووشدو
بیرجه بیزه چاتمادی بیر سَعادت، بیر نَصیب
سئودانین هَر ذَرره‌سی بیرجه بیزدن سوووشدو
سانما کی ،دوشونورم ،اومیدلریمی کَسیب
یانیندایام ،باخ گئری ،ساغیندا، سولوندایام
مَن هَر یؤنه آچیلان، گئتدییین یولوندایام
کوسگون یازیب، آغلاییب، گؤز یاشیمی دا سیلیب
ایکیمیزین یئرینه سئوه‌جم یئترینجه
سون نَفَسیم بیتینجه...
#گولر_موباریز
@qanadli_duyqular
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى ياديندان؛
سن نه گؤزل اونودورسان آدامى!
نئجه سئوديم، نئجه گلدين خوشوما!
اؤتن گۆنلر خاطره دير بير اودوم
من هارانين كۆلون تؤكوم باشيما؟
هئچ بيلميرم سنى نئجه اونودوم.
هله كى صبريمين داش طرفيسن؛
هله كى يارامدا دوز ساخلاييرام.
سن منيم عمرومون قيش طرفيسن
سندن اۆره‌ييمده بوز ساخلاييرام
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى، ياديندان؛
سن نه گؤزل اونودورسان آدامى...!
#واصيف_ظهراب‌اوغلو
@qanadli_duyqular
بیردؤرد دووار بیرده تاوان
بویانمیش پنجره خارا
تیکانلی سیم هاردان هارا
چاتمیر خبر یاردان یارا
قاداغان بیر دمیر قاپی
زیلی قارادیر بویاسی
دیشاریدا یوز بیر کؤپک
ایچینده من باختی قارا !
بو ائو یاساق لار ائوی دیر
یازیم یاساق سؤزۆم یاساق!
فلک دؤنۆبدو ترسینه
میننت چکیر بویون دارا
بوم بوز یاتاق قارا اوتاق
گونش سیز گۆنلر دولانیر
بلکی ده سون ائودی بورا
گلیب دی روح تن دن زارا
#تورال_رسولی
@qanadli_duyqular
شاعیر و یازار مین حسرت‌له مین آرزوایله کتاب یازیر ... بویوک بیر مبلغ اودییب بیر یایین ائویندن ۲۰۰ جلد او کتاب‌دان نشر ائدیر ... سونرا او کتاب اولور اوره‌یینین نیسگیلی و قالیر بیر قارانلیق یئرده کارتن‌دا
یا دا هدیه وئریر اونا بونا...
بیربیزیمیزی تاپماق اوچون و او کتاب‌لارین قارانلیق اتاق‌لار دان چیخیب کتاب‌خانا رف‌لرینه چیخماسی اوچون بیر پنجره آچدیق...
گلین بوردا بیربیریمیزی تاپاق...
هله تازا باشلاییریق
هله باشارمیریق بلکه
آنجاق اویرنریک ...
بیزه قوشولون
https://www.instagram.com/kitabbaz.az/profilecard/?igsh=ZnB1MTR6eWFyZXAy
کئچیر اؤز قانؽنا باتان آداملار،
بیرده کی قان هانؽ؟
قان آخؽ یوْخدو.
هامی گۆناهکاردی دۆنیادا آما،
دۆنیادا هئچ کسین گۆناهی یوْخدو.
بیزسیز یازؽلمیشدی بۇ طالع، بۇ بخت،
ساپانددان آتؽلان بیر جۆت داشؽق بیز.
بلکه‌ده دۆنیادا اوْن-اونبئش ایل یوْخ،
مین ایل بۇندان قاباق آیرؽلمیشیق بیز.
حالال یوْلوموزو دَییشیب نسه،
چاشمؽشیق، بیر اؤزگه یوْلدان کئچمیشیک.
بلکه مین ایل قاباق سئهو دۆشوب نسه،
مینیللیک بیر سئهوه قۇربان گئتمیشیک.
#رامیز_رؤوشن
@qanadli_duyqular
بو «بلکه»لر اولماسایدی،
موتلو اولاردیق
بلکه!...
#ووقار_نعمت
@qanadli_duyqular
منیم اورهییمده کده‌ری خال _ خال،
دردی چکیلمه‌یَن یوکدو بو دونیا !
عوُمرو یاشانمامیش مئیوه‌نی کال_کال _
نه قده‌ر بودادی توُکدو بو دونیا !
عوممانا غرق اولدو نوحون واختیندان،
فرعون‌لار، شددات‌لار کوسدو باختیندان،
نئچه فاتح‌لری سالدی تاختیندان _
نئچه خانیمان‌لار سوُکدو بو دونیا !
بیر الینده خئییر ، او بیرینده شر ،
کیمه نه قیسمت‌دیر ، کیمه نه دوشر؟!
حاقسیزلیق اودونا یاناندا بشر _
آه چکیب بوینونو بوکدو بو دونیا !
اوُتوب، اوُتن گون‌له تاپیشماق اولماز،
قضا یئلکه‌نینده چاپیشماق اولماز ،
اونو دایاق سانیب، یاپیشماق اولماز ،
کیپریک‌دن آسیلان توک‌دو بو دونیا !
بعضن آغی قاتدی زر قاشیقلارا ،
ایچیردی طالعی سارماشیقلارا ،
بوللور سارای‌لارا ، گور ایشیقلارا _
آغیر ظولمت اولوب، چوُکدو بو دونیا !
قیلینج وار، نیزه وار ایپک تئلینده ،
ملک‌لر، ایبلیس‌لر اوُز عملین‌ده ،
آنا تورپاغیمی جللاد الینده _
حرراج بازارینا چکدی بو دونیا !
اون ایل موحاریبه ، اون ایل مشققت ،
باخدیم عملینه، دویمادیم ریققت ،
آی " آلقاییت" ! شوم ائیله‌دی نهایت _
یوردوندا مرمی‌لر اکدی بو دونیا !
#آلقاییت_خلیل_اؤو
@qanadli_duyqular
گونلریم آخیشیر بیر اویقو کیمی؛
دره‌دن دره‌یه آخان سو کیمی.
دلبریم، هرجایی بیر آهو کیمی،
هیجران داغلارینی آشارمی؟ سؤيله!
سنسيز نه ذؤوقو وار باغين-باهارين؟
آچان چیچک‌لرین، اوچان قوش‌لارین؟
سنسیز جنّت اولسا کایینات یارین،
هئچ منیم روحومو اوخشارمی؟ سؤيله!
سنينله باغلاييب من عهدى-پئيمان
دئديم قيسمتیميز اولماسين هيجران
«موشفيق» قوش اولسا دا، گؤره‌سن بير آن،
سندن اوزاقلارا اوچارمی؟ سؤيله...!
#ميكاييل_موشفق
@qanadli_duyqular