6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
منه یالان سؤیله‌دیگینه اوزولمه‌دیم، بوندان سونرا سنه اینانمایاجاغیما اوزولدوم.
#فریدریش_نیچه
@qanadli_duyqular
من بو بینانین اینتیحار مرتبه سی یم،
قارسون،
بیر قدح بوزلو-ویسکی زحمت اولماسا
دیرناقلارینین لاکی تؤکولوب…
پاردون،
قادینلارین خیال قیریقلیغی وار اوزه ریمده اوزگونم…
اینقیلابا قالخاجاق خالق کیمی یم
تلاطوملو، ناراحات…
سویوقدان قار اوستونده وورنوخان
دن آختاران سرچه نین قورخاقلیغینی
داشیییرام گؤزله ریمده…
چاتلامیش دوداقلاریمدا،
ایللرین سوسوزلوغو
بیلکله ریمده کوتلشمیش اولگوجون سیزیلتیسی وار
و سیز، خانیم…نیه بو قدر گؤزلسینیز؟؟؟
آغلایاندا کوسمئتیکاسی اوز-گؤزونه بولاشان
نیفرین،
کدر،
بیر آز فریاددیر قادین…
اللرین کپه نک قانادلاریدیر
و سیز، خانیم…نییه بو قدر
حوزنلوسونوز؟
یقین چوخ اینجیدیبلر سیزی،
لوطفاً…اغلامایین…
دوداقلارینیزی سیخین دیشله رینیزله
دانیشمایین
سیقارئتیمین کؤتویونده قالان نمینله،
هر صاباح اللریمی یویورام…
دوداقلاریندا دونان تبسّومونده
گونشی آختاریرام
شهرین سماسینداکی بوتون بولودلاری
قووورام…
بوتون میناره لردن اینیلتینی دویورام
و بوتون کوچه لامپالاریندان باخیشلارین
بویلانیر…
و سیز، خانیم… نه‌دن بو قدر موقدسسینیز؟
سینه نه توخوندوغوم آندان،
گونلرین دوزومونو ایتیرمیشم…
سود قوخویور دوداقلاریم…
دوداقلاریمدان مینلرله دوعا دوشور،
دؤشلرینین داش کیمی گیله له رین…
دوداقلاریمدا دونموش دوعالارلا، یالواریرام:
“،ائلی ائلی لئما سئویکتانی؟ #1
اللریمده بدنین حرارتی،
قولاقلاریمدا اینیلتین،
گؤزلریمده اورکک باخیشلارین،
و زیارته گلن زوّار کیمی یویورورم،
بدنین قوخوسونا لبّئیک!!!
و سیز، خانیم…نه دن بو قدراوزاقسینیز؟
# 1 تانریم، تانریم منی نیه ترک
ائتدین؟” (؛اینجیل متتا46-27) عیسی نین
چارمیخا چکیلندن آلتی ساعت سونرا
پیچیلدادیغی سؤزلر.
#جلیل_جاوانشیر
@qanadli_duyqular
یاواش-یاواش سئودیم سَنی
هَر گون بیرآز سئودیم سَنی
اَن چوخ بو قیش سئودیم سَنی
قاردا، آیازدا سئودیم
گؤر بیر نه تئز ایسینیشدیک
هاوالار سویویاندا.
آداملار قالین گئیینیب،
آغاجلار سویوناندا.
قار آلتیندان باش قالدیران
چیچک تَک سئودیم سَنی.
ایستیسینه قیزیندیغیم
اوجاق تَک سئودیم سَنی.
هَله بوجور سئومه‌میشدیم
عؤمروم بویو هئچ کیمی.
سَنی سئودیم قار اوستونده
یئم آختاران قوش کیمی.
قورخا-قورخا بو صوبح چاغی
نه باخیرسان گؤیه سَن؟
دئییرسن کی، گونش چیخیب،
قار اَریییر دئیه‌سن...
#رامیز_رؤوشن
#گون_آیدین
@qanadli_duyqular
چشم مستین دلبرا، هردم کی خواب ایلن دولار
صحبت اهل نظر ناز و عتاب ایلن دولار
هر قاچان کی رفع اولور جانا جمالیندان نقاب
ظاهر و باطن شعاعی آفتاب ایلن دولار.
#نسیمی
@qanadli_duyqular
آداملار آیرؽلاندا،
داش اوْلور، دمیر اوْلمور.
گونو- گۆنه جالایؽر،
یاشاییر، عؤمور اوْلمور..
#علم_الدین_نیجات
@qanadli_duyqular
#آرزو
ال-اله دویمه‌لری قیر دوداغیندان، آرزو!
باخ یاخین‌دیر سحره، باخ آچیلیر دان، آرزو!
سنی تاپشیردی گؤیون باغرینا سس‌سیز-گیزلین
دان چیخاندا آسیلارکن نئچه اینسان، آرزو!
ال-اله سسلدی بیر گون گئدیریک آرزو گیله
گوللـه‌لر ییخدی اونو، تاپمادی ایمکان، آرزو!
ال-اله بو شهرین دؤش‌لرینه گول اکدیک
جان آتیر سولدورا آه گول‌لری زیندان، آرزو!
کور ائله شیرلری ائوده، بیر ایچیم ایچمه داها!
قاتیلیب بیر نئچه واخت‌دیر سولارا قان، آرزو!
سن کی قورخمازلارا قورآن سایاغی ازبرسن
سن ندن هر گئجه‌دن قورخولانیرسان، آرزو؟!
قویما 20-ینجی‌لرین دهشتی قالسین دیلده
ال-اله دویمه‌لری قیر دوداغیندان، آرزو...!
#آتیلا_حاجیزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
من کیمین یوخوسو اولوب سونرا خئیره یوزولموشام
کیمین طاقین‌دا جوجریب سونرا طاق‌دان پوزولموشام
من کیمین گوزونون یاشی قلبینین گوینرتیسییم
کیمین عاقلینین تومونو توتان غمین ائکیزییم
هانکی ماهنی دا دوغموشام
هانکی شعیر منی دییر
کیم دانیشیر منی یئله
کیم منیم غصه می یئییر
هاچان چاتمیشام ناغیلا هاچان بیتجک ناغیلیم
کیم کیمه نقل ائدیب منی گئتمیشم هاردا داغیلیم
بیلمیرم کی کیمم نه‌یم
بیر کرپیچ آلتدا دوعایام
یازیب لار منی نه حاق‌دا
کیمی یازیبلار آییرام
بیر طیلسیمم
یا بیر سئحیر...
یا بیر کتاب
یا بیر شئعیر...
بیر ندن‌سیز گوز یاشیام
یاناق‌لاردان یئره آخان
کیمم نه‌یم دایانمیشام
ایچیمده بیر گونه باخان....
#واحیدسولطان‌اوغلو
@qanadli_duyqular
فضای عشقی چون گؤردوم، صلاح عقلدن دورم
منی رسوا گؤروب، عیب ائتمه ای زاهید کی معزورم..
#حکیم_فضولی
#گون_آیدین
@qanadli_duyqular
خاطیریم هله‌ده خطریندن دولو
اللریم هله‌ده الینه آرزی
نه بیلیرسن نئجه گدیرم یولو
سنه، او گونلره، حسرت- تامارزی
کوچه‌نیز جهنم ، قاپینیز گیریش
یادین هر آددیمدا اود وورور منه
تؤکولوب داغیلیب آدام گؤرمه‌میش
جهنم ایتدی دک هئی هورور منه
سسین دووارلارین بئینینده قالیب
کئچدیکجه دالیدان سسله‌ییر منی
اوچوق دووراریزدان اورک آسلانیب
آلیب قوجاغینا بسله‌ییر منی...
دلی‌لر تک هردن گولمه‌ییم توتور
یادیما دوشدوکجه کؤرپه چاغلاری
اؤزومدن سورورام او کوچه بومو؟
هانی گیزلین پانجین ، یاد-قوناقلاری
هانی ساده‌لیک‌لر هانی یاماق‌لار
هانی بئش داش اوسته اؤزونه اؤیه‌ن
هاردادی ال - اله ، شن اویناماقلار
هانی یولداش اوسته یولداشین دؤیه‌ن
سوواق دووالاردا ایزیمیز قالیر
آدینی دؤیموشم بوکوک قلبینه
چوروموش نوودانیز ماهنیلار چالیر...
نیسگیلیمی تیکیر سؤکوک قلبینه
حالیم خاراب اولور یادیما دوشجک
خیانت ائیله‌ین گؤزونه قارقیش
سئودالی کؤنول‌لر، سئویب گؤروشجک
رقیبلر کؤنلونه سئوگی یاغارمیش؟
هله‌ده بو شهه‌ر روسواسی منم
هله‌ده گؤز یاشیم قانلی دنیزدیر
الیم اوره‌ییمده ، تیتره‌ییر چنم...
هله‌ده قونشونون اوغلو عزیزدیر!!
#مهدی_سربازی_علمداری
@qanadli_duyqular
منيم دان اولدوزوم باتدى قفيلدن
باتدى، باتماغينا اينانماديغيم
بيردن بختيمين ده يوخوسو گلدی
یاتدی، یاتماغینا اینانمادیغیم
باغدا گولوم سولدو، جننت ده توبوم
بیر پاییز آخشامی چاتدی غروبوم
چاتدی، چاتماغینا اینانمادیغیم
اوزومده زلزله، روحومدا قییام
دارتدی اللریمدن او بیری دونیام
دارتدی، دارتماغینا اینانمادیغیم
آخیر حئسابیمی وئردی الیمه
تانری آتدی منی روح عالمینه
آتدی، آتماغینا اینانمادیغیم
نه فرقی، تئز اولدو، گئج اولدو گئتدی
اوولی، آخیری هئچ اولدو گئتدی
گئتدی، گئتمه یینه اینانمادیغیم
دونیا فانی ایمیش، عؤمروموز آنی
بیتدی، بیتمه یینه اینانمادیغیم
#موسی_یعقوب
@qanadli_duyqular
عشقین اؤزونده‌دیر غریبه سرّلر
مگر شیرین سؤزدن کۆسرمی انسان؟!
«آرتار کۆسه‌یه‌نین پایی» دئییرلر
سنه سئوگیم آرتیر سن کۆسن زامان.
عینی اۆرک وورور ایکی سینه‌ده
منیم بیر سئویملی کۆسه‌یه‌نیم وار
سحر آیریلیریق، آخشام یئنه ده،
کۆسه‌ین آدیندا گؤزله‌یه‌نیم وار...
#نبی_خزری
@qanadli_duyqular
یوک
ایکیسی یول گئده-گئده سؤزلری چیخدی. یئتیشدیلر بیر چایین قیراغینا.
بیری چیرمانیب چایدان راحاتجاسینا کئچدی. او بیری کئچه بیلمه‌دی. چایی کئچن اونون یانینا قاییدیب دئدی؛ هله مین کوره‌ییمه چایی کئچک.
آیاغی گلر گلمز شوبهه‌لی حالدا قبول ائتدی. چایین او تایین‌دا یول‌لاری آیریلمالییدی، ساغ اوللاشیب آیریلدیلار.
ایللر کئچدی یئنه بیر یئرده بیر بیرینه راس گلدیلر. اونون چوخ مهربان داورانماسینا شوبهه‌له‌نیب دئدی:
به بیز کوسولو دئییلیک؟
گوله-گوله؛ هله ده او آغیر یوکو اؤزون‌له داشییرسان!؟
من سنی دالیما آلاندا، او یوکو چایا بوراخدیم یوخسا سنی چایدان کئچیره بیلمزدیم.
#ارشد_نظری
@qanadli_duyqular
داریخما
کؤنلومده کی بایقوشلو وئرانلیق‌دی داریخما
آی‌سیز گئجه، مجهول بی قارانلیق‌دی داریخما.
چالمیش میخی چیخمیر بو داریسقال کوچه‌میزدن
یولسوز نه اویانلیق نه بویانلیق‌دی داریخما.
آه‌دان سورا یوخ تؤحفه‌سی ییرتیق اته‌یینده
آه‌لاردا چؤکن پلمه دومانلیق‌دی داریخما.
خفدن دیشه‌ریر فاحیشه‌لر تک قونوتومدا
شیطان قوخولو واخسیز آذانلیق‌دی داریخما.
گؤردوم کی پاییزلا دایانیب قول قولا آمما
باشدان آیاغا قاردی بورانلیق‌دی داریخما.
گیزلین بی گولوش خسته‌له‌نیر منده هر آخشام
بیر باتمان اؤلومدور سرطانلیق‌دی داریخما
سئل‌لرده گئدن خان چوبانین روحودو یوخسا
کؤنلومده‌کی بایقوشلو وئرانلیق‌دی داریخما.
#دومان_سفراوغلو
@qanadli_duyqular
کیم بیلیر؟!
نه بیله‌یدیم هیجران هارا، من هارا؟
نئجه دوشدوم بو یاغیشا، بو قارا؟
اومید سپدیم سن گئتدیگین یوللارا،
یاز گلنده بیته‌جک‌می، کیم بیلیر؟!
خزان ووردو، ارکن سولدو گول‌لریم،
دومانا بوروندو سنلی گونلریم.
حسرتین‌له بو اوزالی اللریم،
بیر ده سنه یئته‌جک‌می، کیم بیلیر؟!
ووصال گونلرینده کوسن آیریلیق،
هیجران چاغلاریندا اسَن آیریلیق،
ایندی آرامیزی کسَن آیریلیق،
ایلیم-ایلیم ایته‌جک‌می، کیم بیلیر؟!
کیم دئییر کی، سئودیگینی آتار یار،
سئوگی وارسا اؤز یارینا چاتار یار.
سنی مندن آیری سالان قاطارلار،
بیر ده بوردان اؤته‌جک‌می، کیم بیلیر؟!
#بابا_وزیر_اوغلو
@qanadli_duyqular
اینسانلار، اینسانلارین ایچینده، اینسانا حسرت یاشایارلار.
#اؤزدمیر_آساف
@qanadli_duyqular
بو دونیادا هر نه وارسا
گئدیر اوزو آیدینلیغا
یاش اؤتدوکجه قوجا دونیا
چکیر بیزی آیدینلیغا
قوپوب دردیمدن-آغریمدان
گون کیمی دوغوب باغریمدان
ایچیمین قارانلیغیندان
چیخیر سؤزوم آیدینلیغا
چاتدی عؤمورون گوندوزو
دئیه‌سن گون ووردو بیزی
قارانلیغیم یوردو سیزی
ایندی دؤزون آیدینلیغا!..
#رامیز_رؤوشن
@qanadli_duyqular
سن دئمه تزه‌دن سئومک اولارمیش
سن دئمه تزه‌دن سئومک اولارمیش
طالع ده تزه‌دن گوله‌بیلرمیش.
کوسوب گؤزو یاشلی گئدن محبّت،
پئشیمان-پئشیمان دؤنه‌بیلرمیش
اورک بولود کیمی بوشالیرسا دا،
دئمک بولود کیمی، تزه‌دن دولور
سونونجو شؤعله‌سی تیتره‌ین شام‌دان،
آیری بیر شامی دا یاندیرماق اولور
سن دئمه تزه‌دن سئومک اولارمیش
کؤهنه یارا‌لاری واخت، زامان سیلیر
کسیلن بوداقلا اؤلن آغاجلار،
تزه پؤهره‌لرله دیریله بیلیر
آغلایا-آغلایا دونیایا گلیب-
بیز آنا سودویله گولمه‌میشیک‌می؟!
هر آخشام ساپ‌ساری باتان گونشی،
هر سحر تزه-تر گؤرمه‌میشیک‌می؟
سن دئمه تزه‌دن سئومک اولارمیش
سئوگی فورصت دئییل قوش کیمی اوچا
نه ده کؤلگه‌دیر کی، قاچاسان قووا
یا دا سن قوواسان، او سندن قاچا
چیخارسان قلبین‌دن اؤتن سئوگینی،
بیر گون ده تنها‌لیق سیخا‌جاق سنی
کیمه‌سه ائتدییین یاخشیلیق کیمی،
محبّت قارشینا چیخا‌جاق سنین
ایلک سئوگی یووا‌دان دوشن قوشجوغاز،
کؤرپه قانادلاری پؤهره‌لنمه‌ییب.
مجنونون آهییلا اوچان محبّت،
مین حیله الی‌یله یئره ائنمه‌ییب.
من کی گؤرمه‌میشم سئوگینی، سوسان
محبّت، ذیروه‌ده بسله‌نن قار-میش
کیم دئییر، بیر دفعه سئویلیر اینسان؟
سن دئمه هر زامان سئومک اولارمیش...
#نوصرت_کسمنلی
@qanadli_duyqular
تزه‌لنسین!
تزه دومان، کئچ بو داغا،
قوی کؤهنه داغ تزه‌لنسین!
قوجا پالید جاوانلاشماز،
اوسته یارپاق تزه‌لنسین!
کؤنلوم واردی شن یئرینده،
باغ یئری، گولشن یئرینده.
قوی ایندی کؤوشن یئرینده-
آلاق-مالاق تزه‌لنسین!
کؤهنه عشقیم، سؤیلَت منی،
تنهالیغا اؤیرت منی!
هیجران دردیم، گؤینَت منی،
سینه‌مده داغ تزه‌لنسین!
آی «موسی!»، او گیزلی حوجره،
هانی سنه کئف ایچیره؟!
قوی ایندی ده روحون ایچره،
جنابِ حاق تزه‌لنسین!...
#موسی_یعقوب
@qanadli_duyqular
ییخیلماق ساده‌جه بینالار اوچون دئییل
بیر اینسانین، بیر جومله ایله ییخیلدیغینی گؤردوم من...
#جاهید_ظریف_اوغلو
@qanadli_duyqular
گیزلی سئوگی
سئوگیمدن قاچمیشام اوزاق شهره،
بوردا دا حسرتین گلیب دایانیب.
عطرین سپه‌له‌نیب بوتون گول‌لره،
گؤزونون رنگینه گؤیلر بویانیب.
سنین‌چون دونیادا بلکه یوخام من،
سنی سئودیییمی هئچ بیلمه‌ییرسن.
گوندوز خیالیمدان، گئجه یوخومدان،
بیر آن دا، بیر آن دا چکیلمه‌ییرسن.
اوره‌ییم، داشا دؤن، بو سیرری ساخلا!
بو سئوگی، بو بلا هاردان ائنیبدیر؟!
بیزیم طالعیمیز ائوله-اوشاقلا،
هره‌سی بیر یانا زنجیرله‌نیبدیر.
اؤلونجه عشقین‌له اولاجاغام من،
من سنین روحوندا، قانیندا وارام.
اوستونو کول اؤرتموش بیر اوجاغام من،
بالاجا بیر مئه‌دن قاینایار یارام.
#فیکرت_قوجا
@qanadli_duyqular
بئله باخیش اولماز، بئله گؤز اولماز
آلله گؤزلره باخ نه گؤزل باخير
بئله آتش اولماز، بئله کؤز اولماز
آلله گؤزلره باخ، نه گؤزل باخير
گؤيلر اولدوز وئریب، آي وئریب اونا
یئرلر چشمه وئریب، چای وئریب اونا
پیغمبر نوروننان پای وئریب اونا
آلله گؤزلره باخ، نه گؤزل باخير
حاققين درگاهيندان ائنن ايشيقدي
عؤمره ناخيش ووران بير ياراشيقدي
من گول آغاجييام او سارماشيقدي
آلله گؤزلره باخ، نه گؤزل باخير.
سارايام داشلاريم تؤكولوب گئدیر
جییه‌ريم جانیمدان سؤكولوب گئدیر
من آغلار قالميشام، او گولوب گئدیر
آلله گؤزلره باخ، نه گؤزل باخير.
باخيشلار نه‌قده‌ر حليم اولارميش
گؤزون ظارافاتي ظولوم اولارميش
ظولومون آخيري اؤلوم اولارميش
آلله گؤزلره باخ، نه گؤزل باخير.
اورَك يوز پارچادي، كؤنول مين پارا
بير گؤزل گؤزونده چكيلديم دارا
اؤلدورمز اَليندن جانيم قورتارا
آلله گؤزلره باخ، نه گؤزل باخير.
#زليمخان_يعقوب
@qanadli_duyqular
بیر آجی چایا دا چاغیرمادیلار
آی گورو چاتلاسین آدام‌سیزلیغین
گئتدیم‌سه آرخام‌دان باغیرمادیلار
آی گورو چاتلاسین آدام‌سیزلیغین
بیر دونیا قازامات بیر عومور جزا
چکیلیر ایاقیم بیلمیرم هارا
هر گلن یاراما ورورسا یارا
آی گورو چاتلاسین آدام‌سیزلیغین
دوورم‌ده بیرجه‌لر نازلار عزیزلر
کورپه‌یکن دوشمه‌لر یارالی دیزلر
یئدییم کتک‌لر سوزدویوم ایزلر
آی گورو چاتلاسین آدام‌سیزلیغین
وطنیم بیر اتاق حکومتیم من
گون‌به‌گون کیچیلن ازیلن وطن
بیر سنه گوونیم گئدیرکن ده سن....
آی گورو چاتلاسین آدام‌سیزلیغین
#واحید_سولطان_اوغلو
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
بیلمه‌دیم، اۇیدوم شۇ مجنۇن کؤنلومون فریادینه،
عشقه دیل وئردیم، بلادن باشقا بیر شئی گؤرمه دیم.
روحی-مجروحوم گؤزللردن وفا بکلر یئنه،
بن هنۇز اصلا جفادن باشقا بیر شئی گؤرمه دیم.
#حوسین_جاوید
@qanadli_duyqular
بولودسوز سماءدیر کؤنول دونیاسی
کؤنوله خیانت باغیشلانارمی؟
دونیالار یارادیب عشقین معناسی
سئوگی‌ده جنایت باغیشلانارمی؟
سؤیله، ای سؤز وئریب عشقینی دانان
شهرت قوجاغین‌دا جان وئرن جانان
اغیارین، نادانین اودونا یانان
محو اولان صداقت باغیشلانارمی؟
سَنیدین گؤنلومون بیر واخت مه‌له‌یی
اولدون صحرالارین باشسیز ڪوله‌یی
سولدو آزافلی‌نین آرزو-دیله‌یی
ساتیلمیش محببت باغیشلانارمی؟
#میکاییل_آزافلی
@qanadli_duyqular
...بو شعر بیر آز گئجه قالدی
سن!؟
تبریز خیاوانلاریندا دولاشان شعر دئییلدین‌می؟
بیر آز سئوگی
بیر آز عصیان
گئجه¬لرین گونوزلر تک اوزون
گونوزلرین گئجه¬لر تک بویلو
هم گونشی یاشادین
هم آیی
دالیردین تبریز ماویسینده اوچان دورنالار اوچوشونا...
#حیدر_بیات
@qanadli_duyqular
ناحاق گولدون
ناحاق گولدون گؤز یاشیما،
گؤز بوش یئره دولمور، آخی!
جان آلیشیر، اورک یانیر،
آغلاماسان، اولمور آخی!
قالخیر توفان، چاخیر شیمشَک،
وورور شاختا، دؤیور کولک.
باهار واختی آچان چیچک،
عبث یئره سولمور، آخی!
#زلمیخان_یعقوب
@qanadli_duyqular
سَن دئییلم!
الیم گؤیلردن اۆزولوب
شَن دئییلم، شَن دئییلم!
دومانام سویوم سوزولوب
چَن دئییلم، چَن دئییلم!
بو نه ائودی، بو نه دامدی؟!
یاغدیغی باشیما دامدی
بو بیر آلاهی آدامدی
من دئییلم، من دئییلم!
یوکومو چاتیب گئتمه‌دیم
اؤزومو توتوب گئتمه‌دیم
بو منی آتیب گئتمه‌دیم
سن دئییلم، سن دئییلم!..
#ووقار_نعمت
#گون_آیدین
@qanadli_duyqular
گئجه اویاق اولانلارا دَیمه‌یین!
غَریبه گَلمه‌سین داورانیشلاری
بَلکه ایللر اؤنجه ایتیردییینین
اویاق گئجه‌لردیر آختاریشلاری...
#توفیق_حسرت
@qanadli_duyqular