6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
تاپانچانین اوجونو آرخادان قویور باشیما
آتام همیشه دئیه‌ردی اوغول سیلاح داشیما
-باشین بدنده آغیرلیق ائدیر جاوان دئیه‌سن
سورو تک آرخادان-اؤندن تؤکولدولر باشیما
دالان-بوروق کوچه‌ده گولله‌لر قوواندا بیزی
بیری قابیرقاما ده‌یدی اوبیرسی قارداشیما
جانیم دوداقدا،ده‌لینمیش،ییخیلمیشام قاپی‌دا...
هله آنام نیگران‌دی ضرر گله قاشیما
خوروز یومورتا قویان یئرده کیم گؤروردو منی
حئییفلنیردی قوجا سئوگیمه، جاوان یاشیما
باشین بدنده آغیرلیق ائدیر دئیه‌ن کارآگاه
اؤبور طرف‌ده سؤیوش یاغدیریردی یولداشیما
کؤتهله‌نیب، جانا گلدیم؛دانیشمادیم و اولار-
گؤزوم اؤنونده نئچه دامجی تؤکدولر آشیما
کیم آد وئریب آخی سسلندیم آرخایینجا دئدی
نه فرقی وار بیزی کیم ساتدی اوستونو قاشیما
#آتیلا_حاجیزاده
@qanadli_duyqular
گؤزلرين قلبيندن خبرسیز سئوسه
عشقين گؤی‌لريندن ائنَرسَن گولوم
عاغیل محبته چیراغ اولماسا
یولوندان یاریمچیق دؤنرسن گولوم
گونلرین آه‌ایله وای اولوب گئدر
ايللرين ظولمته تای اولوب گئدر
گؤزل جاوانليغين ضای اولوب گئدر
سو دَيميش اود كيمی سؤنرسن گولوم
یوز یول هارایلا سن اؤتَن گونلری
عؤمرون بیرجه گونو قاییتماز گئری
گل ائشيت بهمن‌ی، ای نازلی پری
سونرادان اود توتوب یانارسان گولوم.
#بهمن_وطن_اوغلو
@qanadli_duyqular
یئنه آخشام،
یئنه پاییز،
یئنه یالقیز!
یئنه سنین نه آغرین وار،
تک باشینا، اییده لیکده؟..
گوزلرین
قان چاناغینا چئوریلمیش؛
اوره یینده
قوور ائیله ین یارالارین رنگیندن می؟
یا شَفَقین
خزل اولموش یاپراقلاردا یانسی سیندان،
هانسی سیندان؟..
یازیق شاعیر،
سن، هئچ، باهار گوردون مو؟!.
او، چوخدان اوتموشدو...
آنجاق،
عطری ایله - پاییز یئلی گولَشیردی
َ- کوچه ده -
یولجولار
باهاری آختاریردیلار!..
#رحیم_گوزل
@qanadli_duyqular
بو چیچه‌یین گؤزلرینده یاشا باخ!
بو چیچه‌یی یاندیریبدیر غم اودو
زار-زار اؤتن او یارالی قوشا باخ!
بئله گئتسه آغلاداجاق بولودو
نئجه دؤزسون، آنا تورپاق بو درده؟
بوداق-بوداق یارالانیب آغاجلار
بیر یارالی، بیر طوفانلی سحرده ،
بوداغیندان آرالانیب آغاجلار
بو چیناردا گولله یئری قارالار
نئجه باخیم بو چینارا ایندی من؟
چوخ دریندیر سینه‌نده‌کی یارالار
دردلرینه قوربان اولوم آی وطن...!
#مدینه_گلگون
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
هَر باغین هَر باغچانین بیر بولبولِ شئیداسی وار
هَر دویان قَلبین، عَزیزیم ، گیزلی بیر سئوداسی وار
روحو اوخشار، قَلبی اوخشار اینجه بیر جانان سَسی
گاه گولر، گاه آغلایار، هَر دَمده بیر مَعناسی وار
جان آلان هَر نَغمه‌نین مَعناسی یالنیز عشقدیر
گؤز گؤروب اَل چاتمایان اولدوزلو بیر دونیاسی وار
دَردِ هیجران گونلریله عؤمرو اودلاردان کئچر
هَر کؤنول بیر کارواندیر، بیر سوسوز صَحراسی وار
بؤیله بیر سؤز وارکی وورغون ، ایندی بیر مَجنون اولوب
شئعر و صَنعت آدلانان نازنده بیر لئیلاسی وار
#صمد_وورغون
@qanadli_duyqular
#گون_آیدین_دیلداشلاریم
دونیانین بوتون سؤزجوکلری الیمیزده ایدی
و بو دیل نه‌یه یارار؟
چونکو،
فقط بیر سؤز آرادا یوخ ایدی:
آزادلیق و‌عدالت...
#احمد_شاملو
@qanadli_duyqular
پاییز یاغیشی
بیر بولود قیوریلیر گؤی اوزلرینده
هارداسا بیر یارپاق سوزالیر بلکه
یوخوسو پوزولور دنیزلرینده
هارداسا بیر مئشه آزالیر بلکه
پاییز ناغیللارین ساری گلینی
گؤیلر قورشاغیلا باغلار بئلینی
تؤکور دورنالاری یارپاق تئلینی
اللری اللردن اوزولور بلکه
یاغ پاییز یاغیشی یاغ نارین – نارین
یاشیل ایسته ییسن بو سون باهارین
روحوندا یاشیللیق یاشادانلارین
طالعی یاغیشلا یازیلیر بلکه
قایتار بو چایلارین پئریکمیش گوجون
داشی بو ائللردن پاییزلیق کؤچون
گوللر گوللویینه قاییتماق اوچون-
دنیزلر گؤیلردن سوزولور بلکه
سن اول یاغیشلارین داها گؤیچه‌یی
بیتیر بورچالیدا تبریز چیچه‌یی
کاماندار سازینین گوموش لچه‌یی
بوتون سینه‌لره دوزولور بلکه
باشیمدا دلی سوو بیر آرزو گزَر
آرزیم آرزیسینا تامارزی گزَر
گؤیلردن تؤکولور دئیه‌سن خَزَر
دونیامیز پاکلانیر دوزه‌لیر بلکه!
#علی_جوادپور
#گون_آیدین
@qanadli_duyqular
اینسانلار، اینسانلارین ایچینده، اینسانا حسرت یاشایارلار.
#اؤزدمیر_آساف
@qanadli_duyqular
بو دونیادا هر نه وارسا
گئدیر اوزو آیدینلیغا
یاش اؤتدوکجه قوجا دونیا
چکیر بیزی آیدینلیغا
قوپوب دردیمدن-آغریمدان
گون کیمی دوغوب باغریمدان
ایچیمین قارانلیغیندان
چیخیر سؤزوم آیدینلیغا
چاتدی عؤمورون گوندوزو
دئیه‌سن گون ووردو بیزی
قارانلیغیم یوردو سیزی
ایندی دؤزون آیدینلیغا!..
#رامیز_رؤوشن
@qanadli_duyqular
سن دئمه تزه‌دن سئومک اولارمیش
سن دئمه تزه‌دن سئومک اولارمیش
طالع ده تزه‌دن گوله‌بیلرمیش.
کوسوب گؤزو یاشلی گئدن محبّت،
پئشیمان-پئشیمان دؤنه‌بیلرمیش
اورک بولود کیمی بوشالیرسا دا،
دئمک بولود کیمی، تزه‌دن دولور
سونونجو شؤعله‌سی تیتره‌ین شام‌دان،
آیری بیر شامی دا یاندیرماق اولور
سن دئمه تزه‌دن سئومک اولارمیش
کؤهنه یارا‌لاری واخت، زامان سیلیر
کسیلن بوداقلا اؤلن آغاجلار،
تزه پؤهره‌لرله دیریله بیلیر
آغلایا-آغلایا دونیایا گلیب-
بیز آنا سودویله گولمه‌میشیک‌می؟!
هر آخشام ساپ‌ساری باتان گونشی،
هر سحر تزه-تر گؤرمه‌میشیک‌می؟
سن دئمه تزه‌دن سئومک اولارمیش
سئوگی فورصت دئییل قوش کیمی اوچا
نه ده کؤلگه‌دیر کی، قاچاسان قووا
یا دا سن قوواسان، او سندن قاچا
چیخارسان قلبین‌دن اؤتن سئوگینی،
بیر گون ده تنها‌لیق سیخا‌جاق سنی
کیمه‌سه ائتدییین یاخشیلیق کیمی،
محبّت قارشینا چیخا‌جاق سنین
ایلک سئوگی یووا‌دان دوشن قوشجوغاز،
کؤرپه قانادلاری پؤهره‌لنمه‌ییب.
مجنونون آهییلا اوچان محبّت،
مین حیله الی‌یله یئره ائنمه‌ییب.
من کی گؤرمه‌میشم سئوگینی، سوسان
محبّت، ذیروه‌ده بسله‌نن قار-میش
کیم دئییر، بیر دفعه سئویلیر اینسان؟
سن دئمه هر زامان سئومک اولارمیش...
#نوصرت_کسمنلی
@qanadli_duyqular
تزه‌لنسین!
تزه دومان، کئچ بو داغا،
قوی کؤهنه داغ تزه‌لنسین!
قوجا پالید جاوانلاشماز،
اوسته یارپاق تزه‌لنسین!
کؤنلوم واردی شن یئرینده،
باغ یئری، گولشن یئرینده.
قوی ایندی کؤوشن یئرینده-
آلاق-مالاق تزه‌لنسین!
کؤهنه عشقیم، سؤیلَت منی،
تنهالیغا اؤیرت منی!
هیجران دردیم، گؤینَت منی،
سینه‌مده داغ تزه‌لنسین!
آی «موسی!»، او گیزلی حوجره،
هانی سنه کئف ایچیره؟!
قوی ایندی ده روحون ایچره،
جنابِ حاق تزه‌لنسین!...
#موسی_یعقوب
@qanadli_duyqular
ییخیلماق ساده‌جه بینالار اوچون دئییل
بیر اینسانین، بیر جومله ایله ییخیلدیغینی گؤردوم من...
#جاهید_ظریف_اوغلو
@qanadli_duyqular
گیزلی سئوگی
سئوگیمدن قاچمیشام اوزاق شهره،
بوردا دا حسرتین گلیب دایانیب.
عطرین سپه‌له‌نیب بوتون گول‌لره،
گؤزونون رنگینه گؤیلر بویانیب.
سنین‌چون دونیادا بلکه یوخام من،
سنی سئودیییمی هئچ بیلمه‌ییرسن.
گوندوز خیالیمدان، گئجه یوخومدان،
بیر آن دا، بیر آن دا چکیلمه‌ییرسن.
اوره‌ییم، داشا دؤن، بو سیرری ساخلا!
بو سئوگی، بو بلا هاردان ائنیبدیر؟!
بیزیم طالعیمیز ائوله-اوشاقلا،
هره‌سی بیر یانا زنجیرله‌نیبدیر.
اؤلونجه عشقین‌له اولاجاغام من،
من سنین روحوندا، قانیندا وارام.
اوستونو کول اؤرتموش بیر اوجاغام من،
بالاجا بیر مئه‌دن قاینایار یارام.
#فیکرت_قوجا
@qanadli_duyqular
بئله باخیش اولماز، بئله گؤز اولماز
آلله گؤزلره باخ نه گؤزل باخير
بئله آتش اولماز، بئله کؤز اولماز
آلله گؤزلره باخ، نه گؤزل باخير
گؤيلر اولدوز وئریب، آي وئریب اونا
یئرلر چشمه وئریب، چای وئریب اونا
پیغمبر نوروننان پای وئریب اونا
آلله گؤزلره باخ، نه گؤزل باخير
حاققين درگاهيندان ائنن ايشيقدي
عؤمره ناخيش ووران بير ياراشيقدي
من گول آغاجييام او سارماشيقدي
آلله گؤزلره باخ، نه گؤزل باخير.
سارايام داشلاريم تؤكولوب گئدیر
جییه‌ريم جانیمدان سؤكولوب گئدیر
من آغلار قالميشام، او گولوب گئدیر
آلله گؤزلره باخ، نه گؤزل باخير.
باخيشلار نه‌قده‌ر حليم اولارميش
گؤزون ظارافاتي ظولوم اولارميش
ظولومون آخيري اؤلوم اولارميش
آلله گؤزلره باخ، نه گؤزل باخير.
اورَك يوز پارچادي، كؤنول مين پارا
بير گؤزل گؤزونده چكيلديم دارا
اؤلدورمز اَليندن جانيم قورتارا
آلله گؤزلره باخ، نه گؤزل باخير.
#زليمخان_يعقوب
@qanadli_duyqular
بو قوربانی اولدوغوم تانریدا
بیلمیرم بو نه عادت دیر،
بو نه عادت
پولو اولانا پول وئریر،
ائوی اولانا عیمارت
کاسیبی دا اونوتمور
اونادا
درد اوستوندن درد وئریر
#فیکرت_صادیق
@qanadli_duyqular
بیر قادین سئورسه ،
سئودیییندن باشقا بیر شئی، دوشونمز.
حیسلری،
مئهریبانلیغی،
توخونوب-اوخشاماغی،
جاندان کئچمه یی،
هامیسی سئودیگی اوچون اولار ...
#آلفونس_دوده
@qanadli_duyqular
"خان باجیما"
.......آه!
او آمانسیز،
او تومان سیز،
اوتومن سیز ، گونلریمیز!
سن،
باجی ده ییل ، "آنا" اولموشدون اوشاقلارا !
آنامیز چؤللرده چؤرک آختاریردی .
آتامیز ائوینه دیرک.
یازیق آنام !
گونده چؤرک ......... ،
یوخ ! یوخ !
گونده اوره ک یاپاردی !
دان یئری سؤکولنده دوراردی.
اون اوچ قارینین "تهنه‌سین" دولدوراردی.
اون اوچ پیلله قالخار،
اون اوچ پیلله یئنردی.
هر پیلله ده،
اون اوچ یؤنه دؤنردی !!
تندیری هینردن دوشردی.
هؤووشنه دن ، دؤیونردی اوره‌یی،
یئیین .............یئیین !
گؤزوندن یازیقلیق یاغیشی اه‌له‌نردی.
هوندور ، قیرمیزی ، کؤک آت‌لی سئیید،
"تاق" !"تاق" قاپی دؤیوب دیله‌نردی.
اوست ـ باشی اونلو،
اه‌لی خمیرلی ، یاشماق دوتوب ، قاپی یا قاچاردی ، آنام.
ساخسی "سئحین" ی بوغدای لا دولو!
قاپینی آچاردی ، آنام.
سئییدین ـ خئییر ـ دوعاسی دوداغینا گولوش قوندوراردی.
اومود یوندوراردی سؤز آغاجیندان ، آناما !
نه‌یه ، نییه تاپینیردی خئییرـ دوعا سئییدینه؟!
بونو دوشونمه دن ،
هوروت ، هوروت آنامیزا باخاردیق.
سن ده . من ده.
او هر دؤنه دوداغیندا گولوش دؤنردی ،قاپیمیزدان.
بیزده بیرـ بیریمیزه باخیب گولوشردیک!
سن ، آنامیزین "چادرا" سی باشیندا گزه ر دین.
خمیز ازه‌ردین. کونده سالاردین !
ایشله دیک.
"کوت دن" "ته‌ت " دن دیشله‌دیک.
بویودوک.
هره میز بیر یول یولچوسو اولدوق.
اون اوچ قاپی دؤیدوک.
اون اوچ پنجره آچدیق.
اون اوچ "آلن یمیزین" یازیسی بنزه‌مه‌دی بیری ـ بیرینه.
آرالاندیق.
یارالاندیق . باجی !
اوزاق دوشدوک ، هره‌میز، "بیر" ده مینه ال آتیب ، باشینا فیرلاندیغیمیز ،
اورتا دیره‌ک دن !!
#اوستاد_عقیل_مرادی
@qanadli_duyqular
اینسان...
پاراسینی ایتیرینجه کاسیب،
اؤزگورلویونو ایتیرینجه اسیر،
سئوگیسینی ایتیرینجه شاعیر اولارمیش !
#اؤزدئمیر_آصف
#گون_آیدین
@qanadli_duyqular
دیلیم دینمز، کیرپیکلریم سس ائلر
نئجه خوشدور ,اوره‌گیمی کس ائله...
قالان عؤمره ياريم اورک بس ائلر
اونوت منی، آلدات منی، آت منی
ائنیشی قار، یوخوشو قار بو یولون
یاد نفسدن بوز قایاسی سو اولو...
یالان یولو بئش آددیملیق سو یولو
آلدات منی، اونوت منی، آت منی
سن عؤمرونون آتشينده ياناندا
کؤلگه کیمی گرکسیزم یانیندا
قییمتلی بیر ایتیک ساخلا یادیندا
اونوت منی، آلدات منی، آت منی
گؤزدن-گؤزه کؤرپو سالماق نر ایشدی
باخیشلارین مئیلینی تئز دییشدی
تزه آددیم اؤزو تزه دؤيوشدو
آلدات منی، اونوت منی، آت منی
بو سئودادان نه یئتیردیک، نه اوزدوک؟
دالغاسیندان نه غرق اولدوق، نه اوزدوک
آخیر سنی دوزده قویدو بو دوزلوک...
اونوت منی، آلدات منی، آت منی
#ممد_آراز
@qanadli_duyqular
#دوقتور_جواد_هئیت_روحونا
اوز توتوب تانری‌یا گؤی‌لره گئتدین،
سنه گؤی آغلادی اولدوز آغلادی.
نئجه آغلامایاق باشسیز قالماغا،
سنه یئتیم قالان تبریز آغلادی.
قالدین اوزاق‌لاردا اَلیم چاتمادی،
اولدوزلار یوخلادی گؤزوم یاتمادی.
بایراقدا اولدوزون هئچ واخت باتمادی،
آرخانجا دان یئری گوندوز آغلادی.
گئتدییین یول‌لارین قاییتمازینا،
اوخشادیق آغلادیق یاسلی سازینا.
دورنالار دوزولدو سون نامازینا،
بولودلار هؤنکوردو دنیز آغلادی.
صمدیم آرازدا، کرم آراندا،
جانسیز اورمو گؤلوم قالدی هایاندا.
سنه دده قورقود لای لا چالاندا،
بابکیم دیز چؤکوب یالقیز آغلادی.
یئنه‌ده شئه‌لیدی گؤزو داغلارین،
دؤنوبدو دیلغمه سؤزو داغلارین.
بورونوب « دومانا» گؤزو داغلارین،
دیلسیز نانالارا یارپیز آغلادی.
#دومان_سفر_اوغلو
@qanadli_duyqular
Hacıbaba Hüseynov - Rast muğami
Hacıbaba Hüseynov - Rast muğami
Hacıbaba Hüseynov - Rast muğami
زنجیر_بیر_طرف‌ده
بزم ایچره شمعِ رویو، جانانه بیر طرف‌ده
من بیر طرف‌ده یاننام، پروانه بیر طرف‌ده
بیر یاندا زولف لئیلی، بیر یاندا آهِ مجنون
زنجیر بیر طرف‌ده، دیوانه بیر طرف‌ده
بیر اوزده تارِ گیسو، بیر اوزده خالِ هندو
بیر دام بیر طرف‌ده، بیر دانه بیر طرف‌ده
مسجدده خالق یاتمیش، واعظ نصیحت ائیلر،
افسرده بیر طرف‌ده، افسانه بیر طرف‌ده
مئی شیشه‌ده گول ال‌ده ناگاه نیگار گلدی
مئی قالدی بیر طرف‌ده، پئیمانه بیر طرف‌ده.
زاهد سؤزون شکردیر، سؤز بوردا قالسین آمما،
دلدار بیر طرف‌ده، مئیخانه بیر طرف‌ده.
#یوسف دئیر فَهیمَم، زاهد دئیر جنون‌دور،
گنجینه بیر طرف‌ده، ویرانه بیر طرف‌ده.
#میرزا_عبدالخالق_یوسف
@qanadli_duyqular
منه یالان سؤیله‌دیگینه اوزولمه‌دیم، بوندان سونرا سنه اینانمایاجاغیما اوزولدوم.
#فریدریش_نیچه
@qanadli_duyqular
من بو بینانین اینتیحار مرتبه سی یم،
قارسون،
بیر قدح بوزلو-ویسکی زحمت اولماسا
دیرناقلارینین لاکی تؤکولوب…
پاردون،
قادینلارین خیال قیریقلیغی وار اوزه ریمده اوزگونم…
اینقیلابا قالخاجاق خالق کیمی یم
تلاطوملو، ناراحات…
سویوقدان قار اوستونده وورنوخان
دن آختاران سرچه نین قورخاقلیغینی
داشیییرام گؤزله ریمده…
چاتلامیش دوداقلاریمدا،
ایللرین سوسوزلوغو
بیلکله ریمده کوتلشمیش اولگوجون سیزیلتیسی وار
و سیز، خانیم…نیه بو قدر گؤزلسینیز؟؟؟
آغلایاندا کوسمئتیکاسی اوز-گؤزونه بولاشان
نیفرین،
کدر،
بیر آز فریاددیر قادین…
اللرین کپه نک قانادلاریدیر
و سیز، خانیم…نییه بو قدر
حوزنلوسونوز؟
یقین چوخ اینجیدیبلر سیزی،
لوطفاً…اغلامایین…
دوداقلارینیزی سیخین دیشله رینیزله
دانیشمایین
سیقارئتیمین کؤتویونده قالان نمینله،
هر صاباح اللریمی یویورام…
دوداقلاریندا دونان تبسّومونده
گونشی آختاریرام
شهرین سماسینداکی بوتون بولودلاری
قووورام…
بوتون میناره لردن اینیلتینی دویورام
و بوتون کوچه لامپالاریندان باخیشلارین
بویلانیر…
و سیز، خانیم… نه‌دن بو قدر موقدسسینیز؟
سینه نه توخوندوغوم آندان،
گونلرین دوزومونو ایتیرمیشم…
سود قوخویور دوداقلاریم…
دوداقلاریمدان مینلرله دوعا دوشور،
دؤشلرینین داش کیمی گیله له رین…
دوداقلاریمدا دونموش دوعالارلا، یالواریرام:
“،ائلی ائلی لئما سئویکتانی؟ #1
اللریمده بدنین حرارتی،
قولاقلاریمدا اینیلتین،
گؤزلریمده اورکک باخیشلارین،
و زیارته گلن زوّار کیمی یویورورم،
بدنین قوخوسونا لبّئیک!!!
و سیز، خانیم…نه دن بو قدراوزاقسینیز؟
# 1 تانریم، تانریم منی نیه ترک
ائتدین؟” (؛اینجیل متتا46-27) عیسی نین
چارمیخا چکیلندن آلتی ساعت سونرا
پیچیلدادیغی سؤزلر.
#جلیل_جاوانشیر
@qanadli_duyqular
یاواش-یاواش سئودیم سَنی
هَر گون بیرآز سئودیم سَنی
اَن چوخ بو قیش سئودیم سَنی
قاردا، آیازدا سئودیم
گؤر بیر نه تئز ایسینیشدیک
هاوالار سویویاندا.
آداملار قالین گئیینیب،
آغاجلار سویوناندا.
قار آلتیندان باش قالدیران
چیچک تَک سئودیم سَنی.
ایستیسینه قیزیندیغیم
اوجاق تَک سئودیم سَنی.
هَله بوجور سئومه‌میشدیم
عؤمروم بویو هئچ کیمی.
سَنی سئودیم قار اوستونده
یئم آختاران قوش کیمی.
قورخا-قورخا بو صوبح چاغی
نه باخیرسان گؤیه سَن؟
دئییرسن کی، گونش چیخیب،
قار اَریییر دئیه‌سن...
#رامیز_رؤوشن
#گون_آیدین
@qanadli_duyqular
چشم مستین دلبرا، هردم کی خواب ایلن دولار
صحبت اهل نظر ناز و عتاب ایلن دولار
هر قاچان کی رفع اولور جانا جمالیندان نقاب
ظاهر و باطن شعاعی آفتاب ایلن دولار.
#نسیمی
@qanadli_duyqular
آداملار آیرؽلاندا،
داش اوْلور، دمیر اوْلمور.
گونو- گۆنه جالایؽر،
یاشاییر، عؤمور اوْلمور..
#علم_الدین_نیجات
@qanadli_duyqular
#آرزو
ال-اله دویمه‌لری قیر دوداغیندان، آرزو!
باخ یاخین‌دیر سحره، باخ آچیلیر دان، آرزو!
سنی تاپشیردی گؤیون باغرینا سس‌سیز-گیزلین
دان چیخاندا آسیلارکن نئچه اینسان، آرزو!
ال-اله سسلدی بیر گون گئدیریک آرزو گیله
گوللـه‌لر ییخدی اونو، تاپمادی ایمکان، آرزو!
ال-اله بو شهرین دؤش‌لرینه گول اکدیک
جان آتیر سولدورا آه گول‌لری زیندان، آرزو!
کور ائله شیرلری ائوده، بیر ایچیم ایچمه داها!
قاتیلیب بیر نئچه واخت‌دیر سولارا قان، آرزو!
سن کی قورخمازلارا قورآن سایاغی ازبرسن
سن ندن هر گئجه‌دن قورخولانیرسان، آرزو؟!
قویما 20-ینجی‌لرین دهشتی قالسین دیلده
ال-اله دویمه‌لری قیر دوداغیندان، آرزو...!
#آتیلا_حاجیزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
من کیمین یوخوسو اولوب سونرا خئیره یوزولموشام
کیمین طاقین‌دا جوجریب سونرا طاق‌دان پوزولموشام
من کیمین گوزونون یاشی قلبینین گوینرتیسییم
کیمین عاقلینین تومونو توتان غمین ائکیزییم
هانکی ماهنی دا دوغموشام
هانکی شعیر منی دییر
کیم دانیشیر منی یئله
کیم منیم غصه می یئییر
هاچان چاتمیشام ناغیلا هاچان بیتجک ناغیلیم
کیم کیمه نقل ائدیب منی گئتمیشم هاردا داغیلیم
بیلمیرم کی کیمم نه‌یم
بیر کرپیچ آلتدا دوعایام
یازیب لار منی نه حاق‌دا
کیمی یازیبلار آییرام
بیر طیلسیمم
یا بیر سئحیر...
یا بیر کتاب
یا بیر شئعیر...
بیر ندن‌سیز گوز یاشیام
یاناق‌لاردان یئره آخان
کیمم نه‌یم دایانمیشام
ایچیمده بیر گونه باخان....
#واحیدسولطان‌اوغلو
@qanadli_duyqular