6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
منی نه سن گؤردون، نه اؤزوم گؤردوم،
گلیب یانیمیزدان کئچدیم، یاشادیم.
من عشقین گؤیونه قالخا بیلمه‌دیم،
من سنین دردینه دوشدوم یاشادیم.
داها بو عؤمورله بیر ساواشیم یوخ
داها بو اورک‌دن آغیر داشیم یوخ
اویاق گؤزوم اولدو، آییق باشیم یوخ
بیر باده وئرمیشدین، ایچدیم، یاشادیم.
بیر گون اورک دینیب اوساندیم دئییر
بیر گون اورک، منی نه ساندیر دئییر؟!
گولوم! سنسیز اؤلمک آساندی دئیه-
سنسیز یاشاماغی سئچدیم، یاشادیم.
#ائلشن_عظیم
@qanadli_duyqular
یئنه ده گؤزلریم گؤزونده قالیب
گؤردویوم مَعنایا قوربان اولارام!
اَگَر حَقیقت‌سن، مَن حَقیقته
رؤیاسان، رؤیایا قوربان اولارام!
صؤحبتین شیریندی، گولوشون تَزه
سالدین اوره‌ییمی عشقه، هَوَسه.
سَن آیاق باسدیغین او یولا، ایزه،
چَمَنه، صَحرایا قوربان اولارام!
چاتسین هَر مورادین باشا دونیادا!
بیر آرزون دَیمه‌سین داشا دونیادا!
بو دونیا گؤزلدیر، یاشا دونیادا!
سَن اولان دونیایا قوربان اولارام...!
#نریمان_حسنزاده
@qanadli_duyqular
سحر سنسیز آچیلیر
گئجه اولور بیلیرسن؟
سنسیزلییه دؤزمه-مک،
نئجه اولور، بیلیرسن؟
#قیسمت_رستم_اوف
#گئجه_نیز_دینج
@qanadli_duyqular
یاندی...اوجاغیندا تاپیندی ائللر،
یانماسا مینلردن بیری‌یمیش کرم.
بئله آلیشماسا کیم نه بیلیردی-
اؤلویموش یوخسا کی دیری‌یمیش کرم؟
بو قدر «یار» دئییب گزمک اولارمی،
بو قدر اوره‌یی اوزمک اولارمی،
بو قدر هیجرانا دؤزمک اولارمی؟
ائلیمین پلنگی، شیری‌یمیش کرم.
درد اولدو کامانا یئنه دویمه‌لر،
کول اولدو سوورولدو گؤیه دویمه‌لر.
نییه آچیلمادی، نییه دویمه‌لر؟
عشقین مؤعجوزه‌سی، پیری‌یمیش کرم.
سازلا هاوالاندی، تئل‌‌له اوینادی،
بم‌له آغیرلاشدی، زیل‌له اوینادی،
«زلیمخان» اوجاق‌لا کول‌له اوینادی.
سئوگینین مکّه‌سی، پیری‌یمیش کرم.
#زلیمخان_یعقوب
@qanadli_duyqular
سئوگیلی! بیر باشقا گؤزلسن بو گون،
آی کیمی‌سن. پیریل-پیریل گولوشون.
گؤزل‌لر بایرام گونلری سوسله‌نر،
سنسه بایراملاری سوسله‌یر اوزون...
چئویرمه
#عؤمر_خیام
#گون_آیدین
@qanadli_duyqular
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
قیسا بیر گئجه‌له‌مه‌دیر دونیا،
گوناه و جهنّم آراسیندا.
گونش،
بیر سؤیوش کیمی دوغور
و گوندوز،
اؤده‌نیلمز بیر اوتانج‌دیر.
آه...
گؤز یاشیمدا بوغولمادان،
بیر شئی سؤیله...!
#احمد_شاملو
#گئجه_نیز_دینج
@qanadli_duyqular
"اوزون یول‌لار کئچیب، گلمیشم" دئدی
قویما گوزلریندن ایراغا منی
من گنج‌لیک دئییلم، وفاسیز چیخام
بنزتمه گئده‌ری قوناغا منی
#مدینه_گولگون
@qanadli_duyqular
▫️درد چیچک‌لری
سن هله بیلمیرسن نئجه قیریلیر،
نئجه چیلیک‌لنیر ایچیندن آدام.
بوغولور، هاواسی چاتیشمیر ائوده،
گؤزلری قاپیدا قالیر هر آخشام.
هر گون اؤز کولوندن بیر ده دوغولور،
دردی چیچک‌له‌ییر اوزونده دن-دن.
قارا گونلرینی آغ ساپ ائله‌ییب،
هر گئجه کئچیریر اؤز کیپریگیندن.
سن هله بیلمیرسن، نئجه عذابدی،
میصراع-میصراع اؤلوب سؤز-سؤز دوغولماق!
داغیدیب قانینی نئچه تیکانا،
تورپاغا قاریشیب گولده یوخ اولماق.
گؤزلرین قارالار بویلانسان بیر آز،
اوره‌یین چکیلر اوزاندیقجا یول.
گئری دؤن، هله کی تزه‌دی یارا'ن!
گون گلر، منه ده دئیرسن: «ساغ اول!»
حئییف، اودا دوشدوم من اؤز دیلیمدن!
ایندی توستوله‌ین باجاسیز ائوم.
عؤمرومو-گونومو یئدی آداملار،
اورک‌می قویدولار- تزه‌دن سئوم؟
#ثاقیف_قاراتورپاق
@qanadli_duyqular
کیپریک‌لریمین اوجونداکی بولودلار،
... پاییزین آرتیق سون کلمه‌لری‌دیر.
اۆزۆمده دونیالی ملک‌لرین سرین نفَسینی حیسّ ائدیرم،
قار دوشمه‌یه باشلادی تپه‌لریمیزه،
بیاض بیر شعر اوچون آرتیق توفنگیمی توشلاییرام.
#عصمت_اؤزل
@qanadli_duyqular
#قاییت
یاغیش یاغیر یارامیز گؤینه ییر آماندی قاییت
گون اورتانین سینه سی یاندی سئل دایاندی قاییت
قاییت باهار چیچه گیم هئی قاییت بنؤوشه قیزیم
سیزیم سیزیم اوره گیم سیندی پارچالاندی قاییت
یالین دیلک لری آسدیق یاغیش یاغاندا یولا
یولون دوشونجه لری پرده پرده یاندی قاییت
هایاندا ساچلارینی یئل داغیتدی کؤرپه جیگیم
سیتم له سونگویه سیغمیش شهرده، قان دی قاییت
سئل اولموش آرزیلارین ماتمینده ییک حله ده
بو یاسلی پنجره لر شعری بیر نیشان دی قاییت
اوزاقدا قالما الیم گؤینه ییر اوزون ساچینی
سویون بو یوللاری، دحشت دوغور،دوماندی قاییت
بیلیرسن ایللری یورسامدا ، کؤرپولردن ایراق
گؤزومده یوللارا داغ باسدی دردین آندی قاییت
یازین یازیلمادی دردی ، قالاق - قالاق قالانیر
یاغیش یاغیر، یارامیز گؤینه ییر آماندی قاییت
#دومان_بختیاری
#گئجه_نیز_خوش
@qanadli_duyqular
بو گؤروش نه آجی قیسمت‌میش بیزه
ائله بیل بیر کدر گؤلونه دوشدوک
سالامسیز کلامسیز دوروب اوز-اوزه
بیر خئیلی باخیشلا، گؤزله گوروشدوک
اسدی اورک کیمی اووجومدا الین
سن ازل بو قدر کؤورک دئییلدین
سن ازل بو قدر مئهریبان، حلیم
سن ازل بو قدر قشنگ دئییلدین
هانی عؤمروموزون او کئچن گونو؟
هانی اؤز عهدینه او دؤنوک آندیم؟
سنین "گل باریشاق" تبسّومونو،
من او واخت ال آچان دیلنچی ساندیم.
ایندی دایانمیشیق اوز-اوزه، یاخین
تاسّوف چای کیمی آخیر آرادان
بلکه ده وعده‌سیز یاخین اولماغین
جاذیبه گوجوندن تئز آشیر آدام
بیر عشقین دولاشیب ایتن یولونا،
توتما چیراغینی بو عالمده سن!
کاش ائله مزارا گئدن یولوما،
گوی ایشیق اولاسان بو گؤرکمده سن.
بلکه ده یوز دفعه گوروشدوک بئله
یئنه خاطیره‌لر، یئنه تاسّوف
تاسّوف تاسّوف تاسّوف ایله،
قاییدا بیلمه‌ین گونه تاسّوف...
#ممد_آراز
@qanadli_duyqular
سالخيم سؤيودلرين ساچی اولموش ايپك-ايپك
صوبحون نسيمی اسدی، اويان ائی قارا چيچك
رؤيالارين درين دنيزی بوغدو بيزلری
شعريمده بللی‌دير گئجه‌نين غملی ايزلری
ظلمت توتوبدو گؤزلرينی، قورخورام گؤزل
سن آچماسان دا گؤزلرينی باغلاسين اجل
سن اولماسان قيزيل چيراغين قورتولور ياغی
سن اولماسان گول آچماز اولور شعريمين باغی
سن سن خياليمين باهاری، گوللو باغچاسی
سن‌سيز جهاندا نئيلرم من سعادتی
آی گون بوتون جهاندا ائيله‌سه فلك
من ده قارا گولو سئچرم، ائی قارا چيچك
#حبیب_ساهر
"چاپ اوْلمایان شعرلریندن"
@qanadli_duyqular
حبیب ساهر، کؤکدن میانالی، تبریزده دنیایا گلمیش شاعر، یازێچێ آذربایجان تۆرکجه‌سی‌نین یئنی شعری‌نین آتاسێ‌دێر.
اوْ بۆتۆن ایراندا اوْلان دیللرینده ده یئنی شعرین آتاسێ کیمی سایێلێر.
ساهر ۱۲۸۲-جی ایلین گۆلن آیێندا، تبریز شهرینده، دنیایا گؤز آچدی.
آتاسێ کؤکدن میانانێن تَرک کندیندن تبریزه کؤچۆبدۆرلر.
آتاسێ‌نێن آدێ میر قوّام ایدی.
میر قوّام مشروطه زمانی، ساهر بئش یاشێندا اوْلاندا، اوْغورلانێب و اوْلدۆرۆلۆبدۆر.
بئش- آلتێ یاشێ اوْلاندا، سَردابا اۆستۆ محلّه‌سینده بیر مُلا مکتبینده درس اوْخوماغا باشلایێر.
سوْنرادان معتمدیّه و حمدیّه اوْخوللاریندا درس اوْخویور.
حمدیّه مدرسه‌سینده درس اوْخویان زمان، تقی رفعت ایله (آدلێم اؤگرتمن و فرانسیزجا اؤگرتمن) تانێش اوْلور.
رفعت واسطه‌سیله تۆرکیه ده یایێلان درگیلرله تانێش اوْلور و توفیق فیکرت و جلال ساهر کیمی یازێچێلارێن اثرلرین اوْخویور.
جلال ساهیرین اثرلرینه بؤیۆک سئوگیسینه گؤره یازیلارأن ساهر امضاسی ایله یایێر و سوْنرالار ساهر اوْنون سوْی آدێ کیمی سئچیلیر.
دیپلوْمو آلاندان سوْنرا معلمچیلیک ایشیله مشغول اولور.
۱۳۰۶-جی ایلده عالی تحصیلاتی اۆچۆن استانبولا گئدیر و ۱۳۱۲-جی ایلده لیسانس مدرکین آلێر.
۶ ایل استانبولدا یاشایان زمان آمریکالێ‌لارێن کلوُبوندا یاشایێر و اوْردا اوْلان ایکی کاتولیک کیشیش واسیطه‌سیله فرانسه‌نین یئنی ادبیات باره‌سینده گئنیش بیلگیلر الده ائدیر.
بۇ دورده استانبولدا گئدن تۆرکجه‌نین یئنی شعر دالغاسیلا و گنج تۆرکلرین دۆشۆنجه‌لری ایله تانێش اوْلور.
ساهر ۶ ایل استانبولدا یاشایاندان سوْنرا، باکی شهرینه گئدیر.
بیر مدّتدن سوْنرا تهرانا گئدیر و اوْرانێن معارف اداره‌سینده ایشه مشغول اوْلور.
۱۳۱۳-جو ایلده جغرافیا تدریسی اۆچۆن زنجان و قزوین شهرلرینه گؤندریلیر.
سوْنرالار تدریس اۆچۆن تبریز شهرینه گلیر.
۱۳۲۵-جی ایل تۆرکجه شعر سؤیله‌دیگینه گؤره اردبیل شهرینه سۆرگۆن اوْلور.
بۇ شهرده سۆرگۆنده و آغێر دوُروُمدا یاشاماغێنا باخمایاراق فارسجا اوْلان «اشعار جدید» شعر توْپلوسون محدود سایێدا یایێر.
۳ ایلدن سوْنرا قزوین شهرینه گؤندریلیر.
قزوین شهرینده ۱۳ ایل یاشایێر و یازدێقلارێ تۆرکجه و یا فارسجا یازێلارێ گیزلین صورتده یایێر.
قزوین‌دن سوْنرا تهران شهرینه گئدیر و عُمرۆنۆن سوْنوناجان بۇ شهرده یاشایێر.
۱۳۶۴-جو ایلینده، آذر آیێ‌نێن ۲۴-ده ساهر اؤزۆن ائوی‌نین پنجره‌سیندن آسێر و بئله‌لیکله ۸۲ یاشێندا، تهران شهرینده یاشایێشێنا سوْن قوْیور.
پزشکی قانونی ده، «ساهر»ین آسما طریقی ایله اؤلۆمۆن تصدیقله‌یبدیر.
ساهر تهران‌ێن بهشت زهرا قبرستانلێغأندا باسدێرێلێر.
ساهر اۆچۆن کئچیریلن آغێرلامادا «روزبه سعادتی»، ۲۴-جو ایلین آذر آیێندا باش وئردیگی دئوریم و ملّی حکومتین یارانماسێ‌نێن ساهره ائتگیسی باره‌ده و اوْنون بوگۆنده اؤزۆنۆن اؤلدۆرۆلمه‌سی ایلگی گؤسترییبدیر.
ساهر تۆرکیه ده اؤگرندیگی یئنی شعر شیوه‌سینی ایرانا گتیریر.
ایرانلی فارس شاعری «نیما یوشیج» اوْنون تأثیری آلتێندا یئنی اُسلوبدا شعر دئمگه باشلایێر.
ساهرین خلاقیتی اوْ قدَ‌ر نیما یارادێجێلێغێندا اثر باغێشلایێر کی، نیما تۆرکجه یئنی شعرینی فارسجا تقلید ائتمه جسارتینه مالِک اوْلور و «شعر نو» دئییلن یئنی اُسلوب یارادێر.
«نیما» دفعه‌لرله «ساهر»ین استادلێغێندان سؤز ائدرکن، اوْندان جسارت آلماسێنادا تأکید ائدیر.
تأسفله، ایندیه‌دک ساهرین بۇ بؤیۆک نقشی اینجه‌لنمه‌میشدیر.
ساهرین شعرلرینه باخاندا، اؤزۆده بونو بیلیرمیش.
«ساهر»، شهریار، نیما، فروغ فرخزاد و باشقا شاعرلره ده استادلێق ائتمیش و اوْنلاری نصیحت ائتمه‌دن چکینمه‌میشدیر.
«ساهر» نقدلری ایله شهریاری اوْیاتماق ایسته‌ییر. اوْ بۇ قصد اۆچۆن «منظوم مکتوب» شعرینی قوْشموشدور.
بو، بیر منظومه‌دیر.
منظومه دؤرد حصّه‌دن عبارتدیر.
هر حصّه ایلین بیر فصلینه اختصاص تاپمێشدێر و عمومتیله «حیدربابایا سلام» منظومه‌سینه جواب اوْلاراق یازێلمێشدێر، بورادا، «ساهر» شهریارا خطاب دئییر کی، «منصور خانی وصف ائتمک عوضینده، خَلقین آجێناجاقلێ حالێنا یانماق لازمدیر.»
بئله یوُمشاق اشتیاق‌لار، اوْنون «خاطرات» عنوانلی منظومه‌سینده ده گلیر.
همین منظومه‌ده شهریارا خطاب یازێلمێشدێر و «کؤشن» مجموعه‌سینه داخل ائدیلمیشدیر.
«کؤشن» کتابیندا، «ساهر»، شهریارا گؤره بیر چوْخ شعر داخل ائدیبدیر، حتّی بیر یئرده اوشاقلێق خاطره‌لریندن ده دانێشێر.
«ساهر» ایله شهریارین بیر مدرسه‌ده درس اوْخوماغێنا باخمایاراق، ساهر «منظوم مکتوب» اثرینده شهریاری رمانتیکلیگینه گؤره «قلمدانی تیرمه قاب‌لی شاعر» سایێر.
#تانسو_خیاوی
@qanadli_duyqular
t.me/zoo_story_bot/game?startapp=ref128901753
🥳 هی، می‌خوای با هم به باغ‌وحش بریم؟
🦒 اینجا میتونی حیوانات بخری، قفس‌ها رو ارتقا بدی و توی Airdrop شرکت کنی!
🎁 جایزه خوش‌آمدگویی‌ات رو بگیر و اولین حیوونت رو انتخاب کن!
t.me/zoo_story_bot/game?startapp=ref128901753
❤️👍😘
"عؤمور"
دئییرلر، چوْخ آزدؽر یۆز ایل، اللی ایل،
اینسانا بیر عؤمور کیفایت دئییل.
هله ایسیتمه میش اؤز یئریمیزی
اؤلوم جلّاد اوْلوب حاقلایؽر بیزی.
دئییرلر، شیریندیر دادؽ دۆنیانین،
کاش ایکی اوْلایدی عؤمرۆ اینسانؽن.
نولا، چالؽشسایدیق عؤمرۆن بیرینده،
سوْنرا اَیلنَه دیک بیز دیگرینده.
هره اؤز عؤمرۆنه بیر جۆره باخمؽش،
هره بۇ دۆنیانی بیر جۆره آنلار.
جاهاندا بس نه‌دن ذؤوق آلاجاقمؽش،
زحمتین اؤزوندن ذؤوق آلمایانلار؟
یۆز-یوز عؤمور بئله آزدؽر دوْغروسو
بیر عؤمرۆ اینسانا آز سایانلارا
حرامدؽر بۇ هاوا، حرامدؽر بۇ سۇ
اَیلنمک عشقیله یاشایانلارا.
یاشاماق، یانماقدؽر، یاناسان گرک،
حیاتؽن معناسؽ یالنؽز اوْندادیر
شام اگر یانماسا، یاشامؽر دئمک
اوْنون دا حیاتؽ یانماغؽندادیر.
عؤمرو آز اوْلسا دا، قارتال یئنمه‌دی
دئدی، سمالاردا اؤز اوْیلاغیم وار.
عؤمرۆن آزلؽغیندان گیلئیلنمه‌دی
عؤمرۆ اینسان کیمی باشا وۇرانلار.
«بو دۆنیا بئش گۆندور»،- دئییب هر یئرده
ساغ ایکن قبیرده اۇزانان دا وار.
اؤز آلؽن تر ایله بیرجه عؤمورده
یوز اینسان عؤمرۆنو قازانان دا وار.
#بختیار_وهابزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
«جللاد! سنین قالاق-قالاق #یاندێردێغێن_کیتابلار»
جللاد! سنین قالاق-قالاق یاندێردێغێن کیتابلار
مین کامالین شُهرتی‌دیر، مین اۆرگین آرزێسێ…
بیز کؤچَریک بو دۆنیادان، اوْنلار قالێر یادیگار.
هر ورقه نقش اوْلونموش نئچه اینسان دوُیغوسو
مین کامالین شُهرتی‌دیر، مین اۆرگین آرزێسێ…
یاندێردێغێن اوْ کیتابلار آلوْولانیر… یاخشێ باخ!
اوْ آلوْولار شوعله چکیب شفق سالێر ظولمته…
شاعرلرین نجیب روحو مزارێندان قالخاراق
آلقێش دئییر عشقى بؤیۆک، بیر قهرمان میلّـته.
اوْ آلوْولار شوعله چکیب شفق سالێر ظولمته…
جللاد! منیم دیلیمده‌دیر بایاتێلار، قوْشمالار
دئه، اوْنلارێ هئچ دوُیدومو سنین اوْ داش اۆرگین؟
هر گرایلى پرده‌سینده مین آنانێن قلبى وار…
هر شیکسته‌م اولادێ‌دێر بیر موقدّس دیله‌یین
دئه اوْنلارێ هئچ دوُیدومو سنین اوْ داش اۆرگین؟
سؤیله‌سن مى خوْر باخێرسان منیم شئعیر دیلیمه؟
قوْجا شرقین شُهرتی‌دیر فضولی‌نین غزلى!
سن مى «تُرک خر» دئییرسن اوُلوُسوُما، ائلیمه؟
داهی‌لره سۆد وئرمیشدیر آزربایجان گؤزلى…
قوْجا شرقین شُهرتی‌دیر فضولی‌نین غزلى!
جللاد! یانێب اوْد اوْلسا دا، کۆله دؤنمز آرزێلار
طبیعتین آنا قلبى قوُل دوْغمامێش اینسانێ!
هر اۆرگین اؤز دۆنیاسى بیر سعادت آرزێلار
قانلار ایله یازیلمێشدێر هر آزادلێق دستانى...
طبیعتین آنا قلبى قوُل دوْغمامێش اینسانێ!
ازل باشدان دوشمنیمدیر اۆزۆ موردار قارانلێق…
هر توْرپاغێن اؤز عشقى وار، هر میلّـتین اؤز آدێ
کاییناتا دَ‌ییشمرم شُهرتیمى بیر آنلێق
منم اوْدلار اؤلکه‌سی‌نین گۆنش دوْنلو اولادێ!
هر توْرپاغێن اؤز عشقى وار، هر میلّتین اؤز آدێ!
نَدیر اوْ دار آغاجلارێ، دئه، کیملردیر آسێلان؟
اوْیونجاق مى گلیر سنه وطنیمین حاق سسى؟
دایان! دایان! اوْیاق گزیر هر اۆر‌کده بیر آسلان
بوْغازێندان یاپێشاجاق اوْنون قادیر پنجه‌سى
اوْیونجاق مى گلیر سنه وطنیمین حاق سسى؟
جللاد! سن مى، دئه، قێرێرسان فدایی‌لر نسلینى؟
میلّتیمین صاف قانێ‌دێر قوُرد کیمى ایچدیگین قان!
زامان گلیر… من دوُیورام اوْنون آیاق سسینى
شهیدلرین قیام روُحو یاپێشاجاق یاخاندان
میلّتیمین صاف قانێ‌دێر قوُرد کیمى ایچدیگین قان!...
بیر ورقله تاریخلرى، اوُتان منیم قارشێمدا
آنام تومریس کسمه‌دى مى کِیخسروون باشێنێ؟
کوْراوغلونون، ستارخانێن چَلنگى وار باشێمدا
نسیللریم قوْیمایاجاق داش اۆستۆنده داشێنێ
آنام تومریس کسمه‌دى مى کِیخسروون باشێنێ؟
سۆر آتێنێ، دؤرد نالا چاپ! مئیدان سنیندیر… آنجاق
من گؤرۆرم آل گئیینیب گلن باهار فصلینى…
قوْجا شرقین گۆنشیدیر یاراندێغێم بو توْرپاق
من یئتیردیم آل بایراقلێ اینقلابلار نسلینى
من گؤرۆرم آل گئیینیب گلن باهار فصلینى!
#صمد_وورغون
@qanadli_duyqular
یاشاماق یانماقدیر، یاناسان گرک،
حیاتین معناسی یالنیز اوندادیر.
شام اگر یانمیرسا، یاشامیر دئمک،
اونون دا حیاتی یانماغیندادیر.
عؤمور باشدان باشا، بئشیکدن قبره،
حیاتین سئوینجی، غمی دئییل می؟
اؤلوم بیر عؤمورلوک ایضطراب‌لارین،
آغرینین، آجینین جمعی دئییل می؟
کئچیر مقاملار دا گونده یوز الدن،
هانسی گیزلی ال‌دیر پوزان، دوزَلدن؟
سنین گؤوندییین دونیا ازلدن،
اکیلن، بیچیلن زمی دئییل می...؟
#بختیار_واهابزاده
@qanadli_duyqular
💰به من بپیوندید تا با شرکت در کمپین ها جوایز کسب کنید و همچنین می توانید جوایز هنگفت ایردراپ را دریافت کنید!
https://share.bwb.global/invite_earn_coin?inviteCode=XySHs5&utmSource=referral2.0_invitefriend&ad_id=
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
یارانیش آتئلیه سینده یاشامین ساهات بیرایدی
قاب ایچینده توپراق ایدیم اؤز اؤز اوستومه قالاندیم
نئچه دامجی آرتیریلدی هوس ایله عقل ائسانسی
اولو اوستانین الینده یئترینجه سیخجالاندیم
داها قالیبیمده دوندوم یئنی هئیکلیم دوزلدی
کوره ده پیشیب داش اولدوم دالیسی گؤزل بویاندیم
صاباحی الکتریک تک باشیما وئریلدی بیر شوک
جان آلیب بیر آز تیتیردیم بئله لیکله من یاراندیم
دئدیلر آدام یاراندی آرالاردا دوشدو های کوی
بئله لیک یارانمامیشدان اؤزومه بیر آد قازاندیم
نئچه اعتراضچی گؤردوم پلاکارت الینده بیردن
دئدیلر کی قان تؤکن سن بو سؤزه شاشیب دایاندیم
اؤنومه آچیلدی جننت بیله مه وئریلدی نئعمت
نه تلاش نه ایش نه زحمت باشارینجا فایدالاندیم
گئجه حوری لایلاسی لا نئچه قات کئف ایچره یاتدیم
مله یین قانات سس ایله سحر اویغودان اویاندیم
آرا گونده گلدی سئودا منه اوخشاییردی آمما
گؤره رک اونو بیر آندا اوره ییمده سئودالاندیم
نئچه یول مئساژ وئریلدی دؤنه لر چیخیب گؤروشدوک
نئچه یول الی الیمده خیابانلاری دولاندیم
بو دولانمالاردا بیر گون بیر آغاجدا میوه گؤردوک
یاخینا گئدنده گؤردوم یازیلیب یاساق دایاندیم
دئدی سئودا آلمالاردان بیرینی یئیک دئدیم یوخ
دئدی آز یئسک سوچ اولماز نه یازیق کی قورشالاندیم
یئیه رک او میوه لردن حالیمیز بیر آز قاریشدی
آجی بیر اولایلار اولدو قیزاریب یامان اوتاندیم
داها پرده لر چکیلدی عیان اولدو هر نه گیزلین
نئچه یارپاق ایلا اوتلا تلسیکجه چولقالاندیم
پولیسین ونی یئتیشدی ایکی قارقا تک ملکله
توتولوب کؤتک یئیه ر کن وجودوم آلیشدی یاندیم
داها محکمه م قورولدو قوجا ژوری هئیت ایله
سوچومو سوراندا من دن نه قبول ائدیب نه داندیم
اولو قاضی نین قراری یئره سورگون ائدمک اولدو
خبر اولمادی باغیشدان جزالار لا بومبالاندیم
قاپیلار آچیلدی دالدان منه بیر تپیک وورولدو
ائله شددت ایله دوشدوم سو تکین یئره جالاندیم
گؤز آچیب باخاندا گؤردوم یئره دوشموشم یاتاقدان
باشیما گلن لرین تام یوخو اولماسین ایناندیم
#آرسان
@qanadli_duyqular
سن منی سئوسه‌یدین...
سن منی سئوسه‌یدین، نولاردی گؤرن؟
گؤرن اولاردی‌می بیر دردیم اوندا؟
«یورولدوم» دئمه‌دن، قولوم اوسته سن-
دونیانی پیادا گزَردیم اوندا.
توخالار، آزالار بو سئوگیمیزدن،
دونیانین محبّت آجلاری بلکه.
تزه حاشیه‌لر آلاردی بیزدن،
دونیانین محبّت تاجلاری بلکه.
بیزیم باشیمیزا هئی اله‌نردی،
آلقیشلار، تبریکلر، دوعالار- بیزیم.
بیزیم بختیمیزه سپه‌لنردی،
ان دورو، ان تمیز شوعاعلار- بیزیم.
لپه‌لر گؤز آلیب باخار دنیزدن،
سۇلار مئهریمیزه حسد چکردی.
اولدوزلار بیرجه یول پنجره‌میزدن،
ایچری باخماغا حسرت چکردی.
دئدیم کی، گؤیه‌رَر بیر «لئیلی» پؤهره،
«مجنون» بیر سحَرین گؤزونده گلر.
ساچینی تور ائلر ساحیلده «زؤهره»،
«طاهیر» لپه‌لرین اوزونده گلر.
سن منی سئوسه‌یدین... سئوسه‌یدین اگر!...
کیم اولوب بختیار قورو آد ایله؟
حیاتدا «اورَکلَش!»، «سئولَش!» دئمیرلر
«آیاقلاش -دئییرلر- بو حیات ایله!»
#ممد_آراز
#گون_آیدین
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
ايلاهی باغيشلا بَدخواه لاريمی
دؤنده‌ر ياواش _ ياواش خئیر خواه إئیله
چَکیلسین دۆنیانین قارانلیقلاری
هر تۇتقۇن گئجه نی بیر صاباح إئیله
#زلیمخان_یعقوب
@qanadli_duyqular
"خزانلار"
بیر خزاندا،
پارلاق گونش دوغدو.
بیر خزاندا،
بولوت گلیب گونو بوغدو.
آتلایارکن خزانلاری،
زامان بیزی قووالادی.
گلدی زامان کئچدی زامان،
آیری دوشدوک یوردوموزدان.
حسرت قالدیق
سرین سرین بولاقلارا،
گول-چیچکلی اوتلاقلارا
#حبیب_ساهیر
@qanadli_duyqular
یالانچی دوستلاریم
ایناندیم سیزلره قلبیمی وئردیم
دوغرو آختاریردیم، مین یالان گؤردوم
سیزه آرخالاندیم، چوخالدی دردیم
یالانچی دوستلاریم، نه دئییم سیزه!؟
شام کیمی یاندینیز، پروانه اولدوم
قیش تک سویوندونوز، گول کیمی سولدوم
سیزی دردلی گؤروب دیوانه اولدوم
یالانچی دوستلاریم، نه دئییم سیزه!؟
گودازا نه قدر مردی وئردینیز!
سئوینج ایسته‌ییردیم، دردی وئردینیز
منه درد چکیلمیش سرگی وئردینیز
یالانچی دوستلاریم، نه دئییم سیزه!؟
ملَک گؤرکمینده نادان اولدونوز
«قادان آلیم» دئدیم، قادام اولدونوز
من ائله بیلیردیم آدام اولدونوز
یالانچی دوستلاریم، نه دئییم سیزه!؟
بیر مئیوه وئرمه‌دی بار آغاجینیز
یاغدیردی اوستومه قار، آغاجینیز
منیمچون حاضیرمیش دار آغاجینیز
یالانچی دوستلاریم، نه دئییم سیزه...!؟
#نوصرت_کسمنلی
@qanadli_duyqular
اَییل سولار اوسته تؤکولسون کؤلگه‌ن
اوخشاسین کؤلگه‌نی، چشمه‌نین الی
قوی دئسینلر قوش‌لار: - گوللَـندی باغچا
او ساریشین گؤزل باغا گله‌لی
اَییل حلقه‌لَـنسین سودا ایشیغین
اَریسین سولاردا یاقوتی رنگین
قوی سنین شوقون، سنین شفق‌ین
گوللو ایزلر آچسین بولاقدا درین
گَـل! سؤنن غروبون کهربا رنگی
بویاسین حیاتین آغ پرده‌سینی
قوی دینله‌سین کؤنلوم غملی آخشامدا
باغ‌لاردا خزانین سون نغمه‌سینی
اساطیرین گؤزل معبوده‌سی تک
اؤز عشقینله یاندیر قارا کؤنلومو
او بایغین باخیشلا، تاتار گلینی،
پریشان ائیلمه یارا کؤنلومو...
او اودلو باخیشین منی سوزر کن
آچیلا روحومدا بیر اوفوق... اوندا
عشقین صوبحی کیمی، گولر اوزاقدان
ماوی پرده‌لرده سِحرانگیز دونیا
اَییل سولار اوسته، آخشام اولدوزو!
سِیر ائت آسمانین درین‌لیگینی
او ماوی عالمین اهتزازیندا
قوی زولفون اوخشاسین سرین‌لیگینی
#حبیب_ساهر
@qanadli_duyqular
آذر آیێ‌نین 24.نجۆ گۆنو #حبیب_ساهر، آذربایجانلێ شاعر، یازیچی و یئنی شعرین آتاسێ‌نین آنێم گۆنودور.
@qanadli_duyqular
یولداشلار زحمت اولماسا بونو کانالیندا لایک ائیله‌یین💐💐🙏
Читать полностью…