6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
هَر گئجه‌م اولدو كَدَر ،غوصصه فَلاكت سَنسيز
هَر نَفَس چَکدیم ، هَدَر گئتدى او ساعت سَنسيز
سَنين اول جَلب ائله‌ين وَصلينه آند ايچدیم اینان
هیجرینه یاندی جانیم , یوخ داها طاقت سَنسیز!
باشقا بیر یاری نئجه آختاریم, ائی نازلی مَلَک؟
بیلیرم سَن ده دئدین:"یوخ یارا حاجت سَنسیز!"
سَن مَنیم قَلبیمه حاکیم , سَنه قول اولدو کؤنول
سَن عَزیزسن, مَن اوجوز, بیر هئچم ، آفت ، سَنسیز!
نه گؤزوم وار آراييم مَن سَنى، بَختيم ده كى يوخ
نه ده بير قاچماغا وار مَنده جَسارت سَنسیز
سَن نیظامی‌دن اَگَر آرخایین اولسان دا ،گولوم
گئجه -گوندوز آراییب اولمادی راحت سَنسیز!
#نیظامى_گنجوی
#گئجه_نيز_پارلاق
@qanadli_duyqular
بازی هیجان انگیز KuCoin در TON، Frog Trader در تلگرام راه اندازی شد! 🤩
/channel/xkucoinbot/kucoinminiapp?startapp=cm91dGU9JTJGdGFwLWdhbWUlM0ZpbnZpdGVyVXNlcklkJTNEMTI4OTAxNzUzJTI2cmNvZGUlM0Q
👌👌👌💸💸💸
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
گئتمه ترسا بالاسی منده سنه سایه گلیم
دامنیندن یاپیشیب سنله کیلیسایه گلیم
ایذن وئر توی گئجه سی منده سنه دایه گلیم
ال قاتاندا سنه مشاطه تماشایه گلیم
سن بو آیری گئجه ده سیره چیخان بیر سرو اول
ایذن وئر منده دالینجا سورونوب سایه گلیم
منه ده باخدین او شهلا گوز ایله من قارا گون
جورئتیم اولمادی بیر کلمه تمنایه گلیم
من جهنم ده ده باش یاسدیقا قویسام سن ایله
هئچ آییلمام کی دوروب جنت ماوایه گلیم
ننه قارنیندا سنله ائکیز اولسایدیم اگر
ایسته مزدیم دوغولوب بیرده بو دونیایه گلیم
سن یاتیب جنتی رویا ده گورنده گئجه لر
منده جنتده قوش اوللام کی او رویا یه گلیم
قیتیلیق ایللر یاغیشی تک قورویوب گوز یاشیمیز
کوی عشقینده گرک بیرده مصلایه گلیم
سنده صحرایه ماراللار کیمی بیر چیخ نه اولورکی
منده بیر صئیده چیخانلار کیمی صحرایه گلیم
آللاهیندان سن قورخماییب اولسان ترسا
قورخورام منده دونوب دین مسیحایه گلیم
شیخ صنعان کیمی دونقوز اوتاریب ایللرجه
سنی بیر گورمک اوچون معبد ترسایه گلیم
یوخ صنم! آنلامادیم آنلامادیم حاشا من
بوراخیب مسجیدیمی سنله کیلیسایه گلیم
گل چیخاق تور تجلایه سن اول جلوه ی طور
من ده موسی کیمی اول طوره تجلایه گلیم
شیر دیر شهریارین شعری الینده شمشیر
کیم دئیر من بئله بیر شیر ایله دعوایه گلیم
#اوستاد_شهریار
@qanadli_duyqular
سندن
دونیا!سنین وارین اوچون
نه لر چکدی بشر سندن؟!
اَل گئتيردي،گؤز دويمادي
آخشام سندن،سحر سندن
نئچه اوبا شهَرلشدی
نئچه اینسان خبَرلشدی
کیمینه پای شیرین دوشدو
کیمیسینه زهر سندن
سن آللاهین بلاسیسان
نه وئرميسن،آلاسيسان
آخيرا سن قالاسيسان
سؤز"ايوب"دان،هونر سندن
#ايوب_كلبجرلی
@qanadli_duyqular
بۇ وفاسؽز عؤمور، بۇ جوْشقون دره
گرک بوْش-بوشونا آخؽب کئچمه‌سین!
بۇ گؤزل جاهانؽ سانؽب پنجره،
هر گلن ساده‌جه باخؽب کئچمه‌سین!
#میکایؽل_مۆشفیق
@qanadli_duyqular
✅
معرفی فصل سوم جمز رو از دست ندید
باهاش خرید و فروش ارز دیجیتال بخوبی یاد بگیر
✅توکن جمع کنید
/channel/gemzcoin_Bot/tap?startapp=8irEX-UXiFcP9apkiuzSXt
/channel/gemzcoin_Bot/tap?startapp=8irEX-UXiFcP9apkiuzSXt
✅فصل سوم رو ازدست ندید☝️☝️☝️
قوجالما!
داستان سؤیله، عابباس چاتسین گولگزه،
ناغیل دانیش، گؤیدن دوشسون اوچ آلما.
باتاتی چک، دیریلیک وئر هر سؤزه،
آنام منیم، بئله واختسیز قوجالما!
اینصافدیرمی اوغول یئتیر، قیز یئتیر-
جاوانلاشیب اؤز باریندان گوج آلما؟
بیر دویونجا بو دونیایا گؤز یئتیر،
آنام منیم، بئله واختسیز قوجالما!
اوجاغیمیز نفسینله قالانسین،
آیریلیغین کاروانیندا کؤچ آلما!
گول عؤمرونه گؤزل گونلر جالانسین،
آنام منیم، بئله واختسیز قوجالما!
#زلیمخان_یعقوب
@qanadli_duyqular
"محببتین"
نازیلدیب، عزیزیم، دردین_مؤحنتین،
ائیله ییب قددیمی توک محببتین!
بونا اؤزگه آدلار قویماق نه لازیم _
من کی وورغونویام تک محببتین!
آندین هاردا قالدی، ساتیلدین کیمه؟!
داغ چکدین ألینله دردلی سینه مه ،
دئدیم شربتینی سوز پیاله مه _
دئمه دیم زه هه رین تؤک محببتین!
ائله کی یار دئدین، سئویرم دئدین،
گؤز یاشی آخیتدین، دئییب گولمه دین،
"شوجاعت" صفاسین سوره بیلمه دین_
باری جفاسینی چک محببتین...!!!
#شوجاعت_کلبجرلی
@qanadli_duyqular
قیرمیزی چیراغی گودن بیر اوشاق
سیلیر آرابانین کیرلی شوشه‌سین
بالاجا قوللاری یورغون دوششه‌ده،
بیراخا بیلمیردی سیرلی پئشه‌سین
هر گون سحر- سحر یولا چیخاندا
قاراجا طالئعی جانین سیخیردی
یامان گون- دیریلیک فیکیرینه دالیب
درین خایاللاردا هئی ویرنیخیردی...
بیر گون بیر دایانمیش آرابا ایچره
حسرت‌لی بیر باخیش فیکرینی قاتدی
دریسی قیریشمیش، تیتره‌یه‌ن ال‌لر
یارا اوریین‌ده دردی اویاتدی...
ایکی گؤز تیکیلدی بیر آریق اوزه
بو نئجه ایش؟ سوردو اؤزندن اوشاق
نه‌دن‌دیر بو خانیم مات قالیب بئله؟
نه‌دن چکیر داغلی اورییمه داغ
آخی کیمسه‌سیزم من بو دونیادا
بو یاشا گلدیم‌سه کسیم اولمادی
اولسون تانری اولسون! بو دا بیر سیناق
چکدیگیم سیناقلار بسیم اولمادی!؟
هر چکدیگی دستمال بیر آلوو اولدو
قانلی تَر بورودو بوتون گووده‌سین
پولونو آلماغا اووجون آچاندا
اؤزو ائشیدیردی اؤز اورک سس‌ین
بیردن یومدو الین، ایسته‌مز- دئدی؛
یولوز آچیق اولسون أمه‌ییم‌سه پای
اونسوزدا بیر قابیل پارا دییل کی!
ایچرسیز بلکه بیر دوراجاق دا چای...
گولومسه‌ندی اوزو، دولدو گؤزلری
یاشا اوغول دئدی سن آل پارانی
محببتین بَسیم، لوطفون اینانجیم
شیرین آغیز خشله بو بال پارانی
یئرین‌ده مات قالمیش بالاجا اوشاق
عوذور دیله‌یه‌رک آلمارام دئدی
پاییمی قایتارما بیلیرم آزدیر...
قایتارسان بورادا قالمارام دئدی
بیر - ایکی دییل کی ها بول آرابا...
ها بول توزلو شوشه، ها بول پارالار
آرخانا دؤن مین‌لر آرابایا باخ
بو پای‌یی‌مین یئرین البت پای آلار
آما سیزدن تکجه ریجام اولاجاق
بیر سورغوما جاواب وئرین اولورسا
منه باخیب- باخیب نه‌دن دولدونوز؟
باغیش دیله‌ییرم سورغوم یورورسا...
آرابایی چکیب قیراغا، اندی...
بالاجا اللری آلدی قوینونا
اوزونو- اوزونه دایادی بیردن
دئدی گؤرَو کچدی، سورغون بوینونا...
یئرین‌ده قوروموش بالاجا اوشاق
دیلی، توتار- توتماز، سؤیله‌یین دئدی
آخی تانیشمادیم سیز له اؤنجه‌دن
بوینوما بیچدیییز گؤرَویز نه‌دی!؟
یاشیل گؤزلر یاشی سئل اولمادایدی
ایستی ال‌لر داها بوزا دؤنوردو
بالاجا اوشاغین مات گؤزلرینده
یاشیل‌جا پارلایان چیراق سؤنوردو
آغلامایین دئدی، سیز آللاه یئتر
بیلسه‌ایدیم پارامی پای ائله‌مزدیم
جانیم سیزه قوربان، جانیمی اوزدوز
بیلسه‌ایدیم دردیزی چای ائله‌مزدیم
ائله دئمه دئدی ائله دانیشما!!
سنه جانیم قوربان اوزولمه من‌دن
دردیم آغیر درد-دی، اوغول داریخما
اوزونه باخدیقجا دویمورام سندن
آدینی سؤیلرسن نه موتلو منه
آخی نه سسله‌ییم سنی- قالمیشام
جانیم آلماسی سان یاری بؤلونموش هارام‌دابسله‌ییم سنی- قالمیشام!
اوتانا - اوتانا سؤیلندی اوشاق؛
یار- یولداش دیلیجه، اومود سسله‌یین
نه گیملیگیم واردی نه آتام- آنام...
له‌له له‌ری کؤچموش بیر یورد سسله‌یین
سؤیلندی او خانیم، اومودوم- اومود...
منیم اومودلاریم، اومودسوز اولدو
کؤچدو له‌له‌م کؤچدو، هئچ قاییتمادی
سینم‌ده حسرتی، نه یوردسوز اولدو!!
سنه چوخ بنزه‌یه‌ن بیر اوغلو تانری،
ییرمی ایل‌دن سونرا، پای وئردی منه
آی اوتاندی گئجه، اونو گؤرونجه...
یئر اوزره پارلایان آی وئردی منه
دونیامی دییشدی هر بیر گولوشو
دونیا منیم اولدو اوزونو گؤرجک!
باشینا دولاندیم گئجه لی گؤندوز
آللاه شوکور دئدیم، قوزومو گؤرجک
فلک- فلک- فلک...چرخی داغیلسین
اون ایکی یاشیندا داغلادی منی
آی‌ی‌می الیمدن آلدی بیر گئجه
کؤنول‌لر داغ‌ینا باغلادی منی...
سنی بیرآز اؤنجه گؤردویوم آن‌دا
بیلیرسن می منه نه‌لر اولدو مو؟
سورغونون جاوابین آلدین می؟دینجَل!
بیلدین کی گؤزلریم نه‌دن دولدو مو؟
واریم چوخ- مالیم چوخ آما نه فایدا
بوتونو بیر کاغید- پیتیییم اولسون...
جانی دا رازی‌یام اوستونده وئرم!
الیم‌ده تکجه بیر ایتیییم اولسون
آما گؤره وین نه ایندی سؤیله‌ییم؛
جانیم سسله‌یرسه‌م جانا دئ اوغول
میننت قوی باشیما، باشینا دؤنوم!
ایندن سونرا منه، آنا دئ اوغول...
#مهدی_سربازی_علمداری
@qanadli_duyqular
قادین اولماسایدیم اگر،
قازان‌لارین، قاب‌لارین،
نیمچه‌لرین، چؤمچه‌لرین
عالمیندن قاچاردیم.
سحری دنیز قیراغیندا،
قایالارین اوستونده آچاردیم.
جییَرلریم دولوسو
نفس آلاردیم دنیز هاواسیلا.
باش- باشا قالاردیم،
ساحیل‌لرینین گؤزه گؤرونمه‌ین
صفاسیلا.
سینه‌می آچاردیم
سحر روزگارینا.
حزین-حزین،
گیله-گیله،
نغمه‌لر قوشاردیم
«آبشئرون» داغ‌لارینا.
اوره‌ییم بو مطبخ عالمینده
یامان داریخیر.
من،
بیرآزجا دا شاعیرم آخی...
#نیگار_رفیع‌بی‌لی
@qanadli_duyqular
ال‌لرين اليمه دَیمه‌يه‌يدی كاش،
ساچلارين اوزومه توخونمايايدی.
گرک اوّل‌کی تک سن اوره‌یی داش،
ائله اوّل‌کی تک سايماز اولايدين.
بو ايستی‌لیک هاردان؟! سن كی بوز ایدین.
قلبيمدن سن نييه اووجوما دوشدون؟
سن منه ال‌چاتماز بير اولدوز ايدين،
گؤيلردن قولومون اوستونه دوشدون
بو دا ووصال گونو...يوخ، سئوينمیرم،
ايندی داريخيرام بس نه‌لر اوچون؟
من می بو ذیروه‌يه چيخديم، بيلميرم،
يوخسا سن داريخدين دره‌لر اوچون؟
دونَنه يول يوخدور ...زامان آپارد‌ی،
تأسّوف زامانا چاتار می گؤرن؟
داها سنه گلن يوللار قوتاردی،
آرزودان او یانا يول وار می گؤرن؟
اؤتن گون‌لریمه بير عوممان دئديم،
بوشالدی اوره‌ییم... دولمور کی، دولمور.
ساحیله چاتميشام... هارايا گئدیم؟
دنيزه مقصدسیز قاییتماق اولمور...
#نوصرت_کسمنلی
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
غمِ پنهان منی اؤلدوردو، بو هم بیر غم کی:
گۆل‌رُخوم اولمادی آگَه غمِ پنهانیمدان.
«آه» ایدی هم‌نفسیم، آه کی اول هم آخر،
چیخدی اکراه قیلیب کلبه‌ی احزانیمدان.
#حکیم_ملا_محمد_فضولی
#چیلله_نی_فضولی_اوخویاق
#چیلله_نیز_قوتلو_اولسون
@qanadli_duyqular
❗️‼️توجه توجه ‼️❗️
✅فروش vpn نامحدود یکماه فقط 100t با پشتیبانی ۲۴ ساعته ...
✅سرور تک کاربر نامحدود 100t
✅سرور دوکاربر نامحدود 160t
✅سرور سه کاربر نامحدود 260t
و...
🏅تعداد کاربر بالا موجوده تخفیف در صورت معرفی یا خرید بیشتر ...
👌رضایت و چنل اعتمادمون
@amirv2vpn
جهت خرید و تست سرور به آیدی زیر پیام بدید
@amirv2_vpn
🦾🦾🦾🦾🦾
کوسدوم کی بیله‌سن اومان یئریمسن
داغام‌سا ذیروه‌م‌سن، دومان یئریمسن
سن منیم سونونجو گومان یئریمسن
آلدانیب هر جیغیر ایزینه گئتمه
سیندیرما داغ‌لار تک سرت ووقارینی
قورو غئیرتینی، قورو عارینی
اوخشاییب هر کؤکده کؤنول تارینی
اویوبان هر کیمین سؤزونه گئتمه
بؤیله آجی کئچن حیاتیمیزدیر
بؤیله سیزیلدایان بایاتی‌میزدیر
بؤیله پیس قوخویان بویاتیمیزدیر
چوخدا سن هر نه‌یین گیزینه گئتمه
نه اؤزونو دوغرا، نه اؤزونو کس
سوسمالی مقام‌دا سوس، چیخارما سس
اؤز سویوق ائوینده اوتور، تیتره، اس
اؤزگه اوجاغی‌نین کؤزونه گئتمه
نه قدر یارادیب، نه قدر یازسان
او قدر باهارسان، او قدر یازسان
کیم دئسه: یازسان‌دا بیل‌کی قالمازسان
اینان ایری‌سینه، دوزونه گئتمه
#علی_جوادپور
@qanadli_duyqular
دردینی منه دانیش!
دردینی سویا دانیشما!
آخیب چؤل‌لر بویونجا،
دردلی چیچکلر بیتیرر.
دردینی قویویا دانیشما!
بند-بند کسیلمیش،
توتَک‌لر بیتیرر.
دردینی منه دانیش!
درد قدرینی دردلی بیلر.
دردینی اولدوزلارا دئمه!
اوزاقلیغین دردی،
اونلارا بسدی.
دردینی منه دئ!
اوره‌ییم دردلره قفسدی.
اوردا هئچ کسین گؤرمه‌دییی،
درد شکلینده سرگی وار.
دردین منه ارکی وار.
یایدا سویوق باخیشلاردان اوشوین،
قیشدا یالانچی سئوگیلردن تیکیلن،
ایینه‌باتماز کورکو وار.
دردینی منه دانیش!
درد بیلمزه سؤیله‌مه!
سنه تزه درد دوغار.
دردینی منه دانیش!
دولو دریایا یاغار.
دردین او اوزه گولنی پیسدی،
دردین غفیل گلنی پیسدی.
کور قارانلیغا آلیشان کیمی،
دردلی دوغولان درده آلیشیر.
کیم دردینی سویا دانیشیر؟
دردینی منه دانیش!
اؤزوم درده ساری گلیرم.
«ناظیم حیکمت« دئمیشکن:
«آدام وار اوتلارین چئشیدینی بیلیر،
آدام وار قوشلارین،
من دردلرین چئشیدینی بیلیرم.»
درد اوخوموشام
آنامین قایغیلی گؤزلرینده،
ننه‌مین «دردین منه گلسین!» سؤزلرینده،
یارالی دووشانین
قانلی ایزلرینده،
«پاریس»ین «سنت دِنی» کوچه‌سینده‌کی
موشتری گؤزله‌ین قادینلارین
چیلپاق دیزلرینده.
قاچقینلارین
وطنه ساری دؤنن اوزلرینده،
قاریمیش قیزلارین،
توز باسمیش گوزگولرینده.
دردینی منه دانیش!
درد قدرینی دردلی بیلر...
#نوصرت_کسمنلی
#گون_آیدین
@qanadli_duyqular
کؤنلومو هانسؽ گئجه آیرؽلیغین قان ائتمز؟
هانسؽ چاره‌ن بۇ سؽنیق قلبیمی نالان ائتمز؟
بیر گۆن اوْلماز کی سنین مؤحنتی-عشقین، گؤزه لیم،
قلبیم آتشکده، گؤز یاشؽمی عۆممان ائتمز.
#فلکی_شیروانؽ
#گئجه_نیز_دینج
@qanadli_duyqular
شعریمده یاشایان بیر دلی قیزدان
اؤزومو سوراندا دوداغی قاچدی
دئدیم اینجیمه رم گؤزونه قوربان
ال آتیب آستاجا اوره یین آچدی
دونان آرزیلاری یاز فصیلینده
کؤکسونو یارمیشدی دیل یاراسیندان
باغلی پنجه ره لر اونون دیلینده
قارا بورونموشدو گولون یاسیندان
دوداغی آجیدان گولومسه نیردی
سئویرم گزیردی ایکی دویمه سی
من سئوه ن دلی قیز آی دان ائنیردی
توشوردو یوللارا شعریمین سسی
بیر گئجه ساچینی سویا دوغرادی
خزری اوخشادی ساحیلی سوزدو
نیسگیله بویاندی بو قیزین آدی
دردی سیرا -سیرا شعرینه دوزدو
#دومان_بختیاری
@qanadli_duyqular
داریخماق ان آغیر محاریبه‌دیر
گوجلو جان ایسته‌ییر، جانلی دایانات
بلکه‌ده آرزولار جاندان یان گئدیر
قوربت یاشاماقلا جان چکیر حیات
یامان آواراییق ایستر، ایسته‌مز
تانینماز اؤلکه‌یه چکیر تنهالیق...
یاشاییب، دردینی کیمسه‌یه دئمز
دنیز قوجاغیندا آغلایان بالیق
بوردا کوچه اؤزگه، دووار سویوقدور
بوردا خزان بیتیر باهار یئرینه
بوردا گولوش دادلی یاشاماق یوخدور
بوردا دهره بیتیر چینار یئرینه
هر یئر تورانلیقدیر، هر شئی کدرلی
یوخودا گؤرونور آغ گونه چیخماق
باش‌لار هاوالی‌دیر، آغری‌لار یئرلی
دوشوب جانیمیزا قودوز داریخماق
#یعقوب_نیکزاد
@qanadli_duyqular
هر نه گلسه عاشیقه، معشوق‌دان یوخدور حرج،
جور عشقه صابر اول، الصبر مفتاح الفرج.
#انگورانلی_موولانا_همتی
#گون_آیدین
@qanadli_duyqular
نه جنّت،نه‌ده‌جهنّم
ماراقلاندیرماییر منی
چونکو
هم گولمه‌یینی،هم آغلاماغین
گؤرموشم آنامین!
#اؤزدمیر_آصاف
#گئجه_نیز_خئیرلی
@qanadli_duyqular
ساوادسیزدیر،
آدینی دا یازا بیلمیر
منیم آنام...
آنجاق منه،
سای اؤیردیب،
آی اؤیردیب،
ایل اؤیردیب؛
اَن واجیبی:
دیل اؤیردیب
منیم آنام...
بو دیل ایله تانیمیشام
هم سئوینجی،
هم ده غمی...
بو دیل ایله یاراتمیشام
هر شئعریمی،
هر نغمه‌می.
یوخ، من هئچم،
من یالانام،
کیتاب-کیتاب سؤزلریمین
مۆلّیفی - منیم آنام!..
#بختییار_واهابزاده
@qanadli_duyqular
آنا هدیّه‌سی
آنام ناماز اوسته ال آچیب گؤیه؛
آللاها یالواریر -«یا ربّیم»- دئیه
«سنسن خلق ائله‌ین گؤیلری، یئری
جاندان شیرین اولور بالا؛ آی آللاه!
سن منیم عؤمرومدن کسیب ایللری،
بالامین عؤمرونه جالا؛ آی آللاه!»
بو نه‌دیر؟ آرزویا، دیله‌یه بیر باخ!
گؤر بیر نه‌لر کئچیر آنا قلبیندن؟!
چوخدور بو دونیادا هدیّه؛ آنجاق-
عؤموردن هدیّه گؤرممیشم من.
ایسترم بیر «آنا»، بیر «بالا» سؤزو،
لوغتده سؤزلرین اؤنونده گئده.
اوجا اولدوغوندان آنانین اؤزو،
اوجادیر، بؤیوکدور هدیّه‌سی ده.
چوخدور هدیّه‌لر اینسان آدینا:
قیمتلی زینت‌لر، قیمتلی داشلار.
آنا حیات وئریر اؤز اؤولادینا،
همده اؤز عؤمروندن عؤمور باغیشلار...
#بختیار_واهابزاده
@qanadli_duyqular
از امکانات 2025 تلگرام آشنا بشید
👇👇👇👇
/channel/frenscoin_bot/join?startapp=128901753
2025 تلگرام متفاوت 👌👌
👍👍❤️❤️
سنین محبتین ، عشقین اولماسا
آچارمی چیچه ییم ، گولوم قاداسی
دئیسین دوداقلاریما بال دوداقلارین
بیراز لذت آلسین دیلیم قاداسی
نه واختدیر گوزومدن اوزاقدیر ائللر
یارالی گویچه م وار ، یوخوما گلر
نییه لال اولوب سوسوب دو دیللر
سویله سببینی بیلیم قاداسی
ایللردی چکدییم حسرتیم سن - سن
عشقیم سن ، جانیم سان ، اولفتیم سن - سن
منیم سئوگی آدلی ثروتیم سن - سن
اوءلسم قوجاغیندا اوءلوم قاداسی
کوءنلوم دیوانه دی سندن اوءته ری
اودونا یاندیغیم گوندن اوءته ری
پروانه کئچنمز سندن اوءته ری
سن چاغیر یانماغا گلیم قاداسی
#پروانه_ممدلی
@qanadli_duyqular
قارا ساچلاریمدا بیر محبتله
آغ ساچلی آنامین اللری گزدی:
-"اؤلوم قاباغیندا، بو نه دیر بئله؟
ساچینا دن دوشوب! یوخ هله تئزدی"
دریادا گمی‌سی غرق اولدو سانکی
دولوخدو، ائله بیل قیریلدی قولوم
-"هله نه واختین‌دیر، اوشاقسان سن کی
ساچینا، دن دوشوب آغارا اوغلوم؟"
نئیله‌ییم، نه گلر الیمدن منیم
بس نئجه قورویوم اونو آی آمان؟!
شوه ساچلاریما دوشن، دن منیم
ساچی قار آناما درد اولدو یامان!
#کامال_رضا
@qanadli_duyqular
عؤمور باغچاسینین ، سون باهاریندا
یاغیش بیزیم اولسون قار بیزیم اولسون
چیلله گئجه سینده بیاض بوقچادا
حئیوا بیزیم اولسون نار بیزیم اولسون
قار قالان قوزئیین قوجاق لاریندا
یاشیل باغچامیزین بوجاق لاریندا
بو اوزون گئجه نین اوجاق لاریندا
ماهنی بیزیم اولسون تار بیزیم اولسون
ائلیمین امه گی دؤنمه سین زایا
طالئعی یازیلسین اولدوزا آیا
سئوگیمیز جالانسین قوجا دونیایا
دولت بیزیم اولسون واربیزیم اولسون
بو قاری گئجه ده بو قار گئجه ده
بو چیلپاق گئجه ده بو دار گئجه ده
بو داغلی، دومانلی ، قابار گئجه ده
یارا بیزیم اولسون یار بیزیم اولسون
#دومان_بختیاری
@qanadli_duyqular
آغیز یئمیشی
بیر گون آغیز قالی بوش،
بیر گون دولو داد اولی*
گون وار کی، هئچ زاد اولماز،
گون وار کی هر زاد اولی.
بختین دورسا، گؤررسن-
یادلار قوهوم-قارداشدی.
آمما بختین یاتاندا،
قوهوم-قارداش یاد اولی.
چالیش، آدین گلنده-
رحمت اوخونسون سنه!
دونیادا سندن قالان،
آخیردا بیر آد اولی.
گؤردون ایشین اَییلدی،
دورما، اکیل، گؤزدن ایت!
دوستون گؤرر داریخار،
دوشمن گؤرر شاد اولی.
#اوستاد_شهریار
#گون_آیدین
@qanadli_duyqular
قارسیز قیش گئجه‌سی
دیلیم سؤزلریمین قوللوغوندا
ماهنی‌سیز بیر ایلنجه، سارالمیش بیر سئوینج
اللریمده دونان چیچکلر
قاپیمیزدا قار آدامی،
بیر فیلیم چک… گولوشلریمدن
گؤزلرین گؤیرسین قاپ باجامیزدا
باخیشین هئیوا قوخوسون
بیر شکیل چک دیلیمدن سؤزلریمین بورنو قاناسین
قیسا بیر شعیر اوخویوم ماشینیمین طالعیندن
اوخویوم کؤلگه‌مین اقتدارینی
نومره‌سیز تئلئفونلاردان،
امنیت: خیرداجا قارا بالیق گؤی اوزو دنیز
شعیریمی باغلا دیلیمه قاپیمیز قاشینسین
هر شئی هر زامان،
دویولا بیلر
امنیت ده!
#مسعود_اسلامی
@qanadli_duyqular