6549
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
آدیمی قلبيندن آتا بيلرسن ،
اوزاق آرزولارا چاتا بيلرسن ،
مندن گؤزلينی تاپا بيلرسن
منيم تک سئوه‌نين اولمایاجاقدیر .
عؤمرونه بيرسئوگی گلر، بيليرم .
سنينله آغلایيب ، گولر بيليرم ،
کيمسه سئوینجينی بؤلر بيليرم ،
دردیندن اؤله‌نين اولمایاجاقدیر .
بيرگون سؤنه‌جک‌دیر، بو اود ، بو اوجاق ،
کدر یوواسيدیر بوش قالان قوجاق
دیزینه باش قویوب یاتان اولاجاق ،
باشينا دؤنه‌نين اولمایاجاقدیر .
سئوگی عذابيندان اوزاقسان هله ،
بير گون اریيه‌رسن سن گيله - گيله،
یاناغيندان اؤپن تاپيلسا بئله ،
گؤز یاشی سيله‌نين اولمایاجاقدیر.
#نوصرت_کسمنلی
#گئجه_نیز_دینج
@qanadli_duyqular
بو دونیانین آخیرینا ایناندیم،
ازلی‌نی گوله-گوله یاشادیم.
یاش کئچنده، داشا دَیدی اینادیم،
کورون-کورون، گیله-گیله یاشادیم.
سن أیلنمه، آیلی داغدا قار آزدی
منیم یولوم حَکَریدی، آرازدی
گؤرن یازان طالعیمی نه یازدی؟!
گؤز یاشیمی سیله-سیله یاشادیم.
بابام دئدی: اولوسون وار ائلین وار
ننم دئدی: دانیشماغا دیلین وار
من فاغیرین قاباغیندا اؤلوم وار
اؤلومومو، بیله-بیله یاشادیم.
#آغامالی_صادق_افندی
@qanadli_duyqular
قییمارام سنی
يئردن حرارتلی، گؤيدن درینسن؛
نه يئره، نه گؤیه قيیمارام سنی.
ائله محببتلی، ائله شيرينسن؛
هئچ کسه، هئچ نه‌يه قیيمارام سنی
فرحيم! سن هارا، روزگار هارا؟!
اينانما؛ اۆزومه گۆلن باهارا،
افقدا، شفقده، ذيروه‌ده قارا،
چمنده چیچه‌یه قيیمارام سنی.
سئوينجيمیز عئینی، غمیمیز عئينی
نه حسرت يئنی‌دير، نه گؤروش يئنی
باخ؛ حسین عاريف‌ين آل اوره‌یينی!
باشقا بير اوره‌یه قيیمارام سنی...
#حوسئین_عاریف
#گئجه_نیز_دینج
@qanadli_duyqular
#دوستاق
یول‌لار دولاشیقدی، سولار بولاشیق!
دولاشیق یول‌لاردا، هارا یورویوم؟
ایچیمده بیر دونیا آدام جان وئریر!
بو قدر اؤلونو هارا سورويوم؟!
بير داریسقال دوستاق گیریب ایچیمه
هاواسی کیف‌لنمیش، ایچی قارانلیق
کیر یاغیر اوستومه، دیوارلاریندان
جانیما چؤکدورور، آلا تورانلیق
بو یاشام نه یاشام؟ یاشاماقدیرمی؟!
یاشاماق دئییل بو، اؤلومدور، اؤلوم
بیر قورو نفس‌دیر، بیر قورو قفس!
ساعات‌لاری سایماق، ظولومدور، ظولوم
بو قفسده، مین گون، کئچیر هر گونوم
داریخیر گون‌لریم، آخشام اولماییر
دیله توتماق اولمور، اوشاق اوره‌یی
بو نه آدام، بوندان، آدام اولماییر
بو دوستاق دا بیرگون، چیخار جانیمدان
داریخار هاواسی، داریخار جانی
کیرلی دیوارلاری منی آختارار
سوروشار دوستاقدان، دوستاغیم هانی؟!
#میرحسین_دلدار_بناب
@qanadli_duyqular
منیم اوچون،
آچیق قوی،
او یاشادیغین شهرین قاپیلارینی.
سن‌له دانیشا بیله‌جه‌ییم سؤزلر،
یالنیز،
دانیشماق‌لا بیتن دییل.
ایل‌لردیر،
یاشامیم‌دان اوغورلادیغین آن‌لار،
بوتون سن‌ایله بیرلشمیش‌لر.
منیم اوچون،
آچیق قوی، یاشادیغین شهرین قاپیلارینی.
باشقا شهرلره داریخماییم دئیه...
بو ائولر،
بو کوچه‌لر،
بو مئیدان،
بیزیم ایکیمیزه دار گلیر...
#اؤزدئمیر_آساف
#گون_آیدین.
@qanadli_duyqular
مین ایل، اولدوزلار مئشه‌سینده،
سنی آختارمیشام
بیر اولدوز دئمه‌دی:
«بو کیمسه‌سیز یئرده، سنی سسله‌ین وارمی؟»
هله بئواخت دئییل؛
هله صبریم، آرزینین اوزون بویو قدردی.
سئویملی دیلداش!
سن، هانسی کهکشاندا اوتوروبسان...؟
#هوشنگ_ابتهاج
#گئجه_نیز_دینج
@qanadli_duyqular
احمد جاواد
آخشاملار
اؤلکه‌نیزده وارسا سیزین بیر غریب،
باخین گؤزلرینده نه وار آخشاملار!
غریبین حالینی وطندن اسن-
تانرینین یئللری سورار آخشاملار.
قاییق قوجاغیندا، دنیز اوزونده،
دالغانین نغمه‌سی دئییل گؤزونده.
بیر شئیلر سؤیله‌ییر، اونون سؤزونده-
کؤنول بیر اینجه‌لیک دویار آخشاملار.
آچماییر دردینی غریب، بیر کسه،
قولاق وئریب دورور هر یانیق سسه.
وطن موژده‌چیسی روزیگار ایسه،
بعضی گونلر اولور سوسار آخشاملار.
بیر سؤز ایسمارلامیش¹ بلکه یار ائلی،
نه‌دن آنلاشیلماز قوشلارین دیلی؟
سانکی بوغماق ایستر گؤز یاشی سئلی،
غریبین گؤزلری یاشار، آخشاملار.
آخشام اونا کدر، اونا دوشونجه،
توخونمایین، غریب قلبی چوخ اینجه!
یوللارلا سؤیله‌شیر مکتوب گلینجه،
اونونچون یوللارا باخار آخشاملار.
عجب، یوخ‌مو اونون باغچاسی، باغی،
گوللره باخماییر، گول سولو-ساغی.
سن، ائیله گل، اونو سانما بایاغی²،
نئجه دویمادین‌می، جوشار آخشاملار؟
ائی او یانیق قلبین ائلی، وطنی!
وارمی سنده اونون حالین سورانی؟
عجب، ساغ‌می اونلار، وارمی قالانی؟
وارسا سؤیله، قلم یازار آخشاملار!
#احمد_جاواد
#آخشامینیز_خئییرلی
@qanadli_duyqular
دلبرا دلده سنین مهر روخون جان کیمی دیر
شربت لعلی لبین دردیمه درمان کیمی دیر
باغ حسنونده بویون سرو خرامان دئدیلر
ظلمت ایچینده لبین چشمه حیوان کیمی دیر
تا کی سندن دوشه لی آیری ایا روح روان
گؤزومون یاشی منیم قطرۀ باران کیمی دیر
روی و مویون گوره لی فرقت هجراندا نه غم
زولف و رویون صنما شمع شبستان کیمی دیر
بو ختائی دوشه لی صحبت وصلیندن ایراق
باغری بوریان کیمی و گؤزلری گریان کیمی دیر
#شاه_اسماعیل_ختایی
@qanadli_duyqular
دۆشدۆ یئنه دلی کؤنۆل گؤزلرینین خیالینه
کیم نه بیلیر بو کؤنلۆمۆن فیکری نه دیر،خیالی نه؟
آل ایله آلا گؤزلرین آلدادی آلدی کؤنلۆمۆ
آلینی گؤر نه آل ائدیر،کیمسه ایریشمز آلینه
قییمتینی دوْداغی نین دگمه خسیسه سوْرما کیم،
من بیلیرم کی جان ایله سوسامیشام زۆلالینه
گؤزلرینه اسیر اوْلان،حالینی کؤنلۆمۆن بیلیر
کیم کی بو حالا دۆشمه دی،قوْی وارا کندی حالینه
سیررینی شول قارا بنی یاناغی شرح ائدر،ولی
جان نوْلا گر فدا اوْلایاناغینا و خالینه
دادلی سؤزۆندن اوتانیر،آب حیات محو اوْلور
گۆل به شکر نه نسنه دیر،کیم ایریشه مقالینه
حۆسن جمال و صورتین،مجلیسی برکمال ایریر
شرح و بیان و وصف ایله عقل ایره مز کمالینه
یۆزۆنۆ ،قاشینی گؤره ن،قارشی به قارشی،یۆز به یۆز
سانما کی باخا اوْ کؤنۆل بدرینه و هیلالینه
آی ایله گۆن سجود ائدر،صورتینی گؤرۆجه ییز
بو نه جمال و حۆسن اوْلور؟صلی علی جمالینه
بولدو نسیمی چۆن سنی،کئچدی هامیدان ای صنم!
قوْیدو حریر و اطلسی،گیردی عبا و شالینه
#عمادالدین_نسیمی
@qanadli_duyqular
تاپارسان منی
کؤچسم بو دۆنیادان آرا سئوگیلیم
ائلین قوجاغؽندا تاپارسان منی
سینه‌م یانار داغ‌دؽر آتشی سؤنمز
وطن اوْجاغؽندا تاپارسان منی
چؤللره، چایلارا دؤنر بدنیم
گۆنشلی، اولدوزلو گؤیلر کفنیم
بئشیگیم، مزاریم دوْغما وطنیم
اوْنون توْپراغیندا تاپارسان منی
قارداش گؤزلرینه حسرتدی گؤزۆم
منی قارا داشا دؤندردی دؤزۆم
قوْشولوب چایلارا آخاندا اؤزۆم
آراز قؽراغیندا تاپارسان منی
گۆللرین شهدی‌دیر قلبیمده دیلک
ایلک باهار عئشقی‌ایله چؽرپینیر اۆرک
قیسمتیم اوْلماسا او گۆنو گؤرمک
لاله یاناغؽندا تاپارسان منی
چیچکلی حیاتا وورولوب حسن
اؽشیقلی یوْلونو آلابیلمز چن
گؤزله‌سن بو یوْلون کروانؽنی سن
ظفر بایراغؽندا تاپارسان منی
#حسن_ریاضی_ایلدیریم
@qanadli_duyqular
شئیدا بولبول فغان ائتمه غم ائتمه
بو‌گون-صاباح گول آچیلیر یاز اولور
عزیز ساخلا غنیمت بیل وجودون
وفاسی یوخ گولون عؤمرو آز اولور
دئگیلن فرهادا ائی مئحنت پیشه
شیریندن اینجیمه چال داشا تیشه
عاشیق-معشوق آراسیندا همیشه
عئشوہ اولور غمزہ اولور ناز اولور
خدَمه‌لر دورور ساغدا-سولوندا
جواهیر بازوبند ایکی قولوندا
فواره‌لر ایشلیر داییم گؤلونده
یاشیل باشلی اؤردک اولور قاز اولور
نباتی سئومیشم بیر دیلسیتانی
بیر سؤزو گول شكر قونچا دهانی
داهی فاش ائیله‌مه سیرر نهانی
عاشیقین كؤنلوندہ یوز مین راز اولور
#حکیم_نباتی
@qanadli_duyqular
حيدربابا ، قارلى داغلار آشاندا
گئجه کاروان يوْلون آزيیب ، چاشاندا
من هارداسام ، تهراندا يا کاشاندا
اوزاقلاردان گؤزوم سئچر اوْنلارى
خیيال گليب ، آشيب ، کئچر اوْنلارى
#اوستاد_شهریار
#گئجه_نیز_دینج
@qanadli_duyqular
آچیل سحر!
آچیل سحر،
اویان گونش!
آچیل بو سون نفسده،
بو قارانلیق قفسده،
سنیله من تاپیم
یئنی حیات.
چیچکلرین آچیلسین،
شفقلرین ساچیلسین،
باغیشلاسین بو ائللره نجات.
من ….
صبح آچیلارکن،
کئچمه لییم طوفانلاردان،
اَل اوزوب جاندان،
بو ائللردن، انسانلاردان،
« من یانماسام گر،
سن یانماسان،
بیز یانماساق،
هانسی آلوولار ایشیق سالار بو یوللارا؟»*
آه …
گونش دوغار، گولر حیات،
چیچک له نر بو کاینات.
آغلاما ای گوٍزه لیم!
آغلاماقدان بیر کس،
تاپمامیشدیر چاره.
سیل گوٍزون یاشین!
گؤل ائللرله بیرلیکده،
آزاد اول بو دیریلیکده،
شادلیق یاغدیر غمگین ائلیمه !
سیل گوٍزون یاشین،
گول بو شن باهار گولسون،
هر بیر لاله زار گولسون،
حیات وئرسین سؤلموش گولومه.
آچیل سحر!
اویان گؤنش!
#کریم_مشروطه_چی
@qanadli_duyqular
یامان اؤلمه‌لی گئجه‌دیر
کاغیذین اوستونه دوشوب
ایکی الیمین کؤلگه‌سی
یئنه‌ده لاپ زیله قالخیب
تکلییین یالقوزاق سسی
واختدان یاخا قورتارمیشام
بیلمیرم ساعات نئچه‌دیر
آی یاریمچیق، اولدوزلار یوخ
یامان اؤلمه‌لی گئجه‌دیر
نه واریم وار، نه بارخانام
عؤمور یوکو باغلاماغا
آللاه! منی یاری اؤلدور
یاری ساخلا آغلاماغا...
#واقیف_صمد_اوغلو
#گئجه_نیز_دینج
@qanadli_duyqular
سئودیگین یارین الین‌دن توتاسان جام آلاسان
اؤپه سن لب‌لرین او ناز ائده ، سن تام آلاسان
مبتلاسی اولاسان بیر گولر اوزلو گؤزه‌لین
هر سحر کوسدوره‌سن کؤنلونو ، آخشام آلاسان
شاعرانه نه سعادتلی گؤزل منظره دور
باخیب اؤز ایسته‌دیگین دلبره بیر کام آلاسان
شوق لعلی یئتر عشق اهلینه گول چهره‌لرین
نه گرک! ساقی الین‌ده می گول فام آلاسان
یا وئریب جان وطن اوغروندا هنر گؤستره‌سن
یا اولوب عشق اسیری بئله بیر نام آلاسان
اووچو گؤرموش قوشی صیاد چتینلیکله توتار
ساده دل بیر ائله قوش تاپ کی، اونی رام آلاسان
بیر گؤزل وارمی کی ناز ائیله‌مه‌گین‌دن باشقا
یئریشین‌دن، دوروشون‌دان ، باخیب ایلهام آلاسان
بسدیر ، ای خسته کؤنول هیجر بلاسین چکدین
سن گرک وصله یئتیب بیر قدر آرام اولاسان
واحید! انعام ائده‌جک یاریم اؤز عاشیق لرینه
سن ده بیر لطفه گلیب صاحب انعام اولاسان
#علی_آقا_واحید
@qanadli_duyqular
هئی نسیمی بابا!
اوشویورم،
دونیا سویوقدور
چک اوستومه دَرینی!
#محمدرضا_لوایی
#گئجه_نیز_دینج
@qanadli_duyqular
قاپی
قاپی وار ایکی قات بوکر آدامی،
دایانا بیلمزسن آستاناسیندا.
قاپی وار آدامدان آلچاقدیر دامی،
آنجاق بویویرسن گؤز آیناسیندا.
قاپیدا اوتانار قاپی دویمه‌ین،
اوتانما، قاپینی دوی، ایچری کئچ.
قاپیدا دایانار بویون ایمه‌ین.
اییل، قاپیلاردان چکینمه سن هئچ.
اورک قاپیسیندان قاپی وار بری،
عؤمرونه بیر گوزل ناخیش ساییرسان.
قاپی وار گیرنده اوندان ایچری
هر شئیی هامییا باغیشلاییرسان.
قاپی وار یوز یول دا دویسن سن اونو
او بیر یول آچیلماز سنین اوزونه.
قاپی وار آچاری، جفته‌سی یوخدور،
تای‌با‌تای آچیلار اؤز-اؤزونه.
قاپی اوتانماغا قویماز هئچ کسی،
اوتانماق قاپییا قدردیر منجه.
دَیسین قاپیمیزا الین، نفسین،
قاپیلار سسلنسین، گولسون سئوینجک.
من ده بیر قاپییام صاباحا، قارداش،
تاریخ قاپیچیدیر منیم قاپیمدا.
سن منیم قاپیما گلیدین، ائی کاش،
گؤریدیم بیر سحر سنی قاپیمدا.
#سوهراب_طاهیر
#گون_آیدین
@qanadli_duyqular
منه پوسقودان
باخان گؤزلر
اؤز گؤزلریم دیر.
توتوب سونا گئتدیییم
ایزلر اؤز ایزلریم دیر...
منی آرخادان قووان
کؤلگه مین نفسیدیر.
یولوما لایلا دئیه ن
بختیمین بم
سسی دیر...
من بو اینسان
دئییلم
شئعیرلرده سؤزومم.
ِِآنام اولسادا منیم.
منی دوغان
اؤزومم..."
#واقیف_صمد_اوغلو
@qanadli_duyqular
هامی منه ساری گلیر
من دورموشام یئریمده.
یول گئتمه‌یه یولو گلیر،
من دورموشام یئریمده.
گؤی‌دن منی گؤرور آلله،
یئریمی بیلیر آلله.
منه ساری گلیر آلله
من دورموشام یئریمده.
اوزاقدان بیر آدام گلیر،
منی آغلادان گلیر.
یولومو باغلادان گلیر،
من دورموشام یئریمده.
بو نه سس‌دیر بو نه اذان؟!
خبر گلیر اؤلومدن.
یئر آختارما قبیر قازان،
من دورموشام یئریمده...
#رامیز_رووشن
@qanadli_duyqular
👇بازی بامزه رو از دست ندید
/channel/bums/app?startapp=ref_6WaDDQBc
✅
اؤزونله آپارمیسان گونلریمین رنگینی،
کدر منه بنزه‌ییر، غم کؤوره‌لیر سن کیمی.
ایندی باشا دوش️موشم، سنسیز هر شئییم هدر
سندن سونرا هئچ کسی، سئومه‌دیم سنین قدر.
سئوگی دولو باخیشلار، شکلیندن باخیر منه،
دؤنه‌جکسن بیلیرم سن اَوَل-آخیر منه.
من ائله بیلیردیم کی، هر شئی سویویوب گئدر
سندن سونرا هئچ کسی، سئومه‌دیم سنین قدر.
ایچیمده توفان کیمی، چاغلاییر خاطیره‌لر،
گؤز یاشلاریم قورومور، آغلاییر خاطیره‌لر.
من کدردن دویموشام، مندن دویماییر کدر،
سندن سونرا هئچ کسی، سئومه‌دیم سنین قدر.
او قدر یاخین ایکن، بو قدر اوزاق اولدوق،
یورولدوق‌مو سئوگیدن؟ بیز یاری یولدا قالدیق.
من عذابلار ایچینده، سن اؤزون مندن بئتر
سن اؤزون ده هئچ کسی، سئومه‌دین منیم قدر...
#نصرت_کسمنلی
@qanadli_duyqular
تانریم! بو یول عشق یولو،
گئدیرم، بیتمیرم کی.
آلیرسان، آل جانیمی،
خسیسلیک ائتمیرم کی.
یوز یئردن ایزلنمیشم،
دوزونه دوزلَنمیشم،
گؤزونده گیزلنمیشم،
گؤزوندن ایتمیرم کی.
دادمیشام هر آزاردان،
نه‌ییم وار اوز قیزاردان؟
قورخوم یوخدو مزاردان،
پییادا گئتمیرم کی.
#رامیز_قوسار_چایلی
@qanadli_duyqular
گل سینه نی گؤستر منه هر صوبح زمانی
گول بولبول اوچون چاکی-گریبان اولا، خوشدور
#علی_آقا_واحد
#گون_آیدین
@qanadli_duyqular
قالمیشام غربتده حیران، زار و گریان، نئیله‌ییم؟
خسته و رنجور و بیمار و پریشان، نئیله‌ییم؟
اولموشام درده گرفتار و غمینده آغلارام،
چونکی ائتمز بو فلک دردیمه درمان، نئیله‌ییم؟
گرچی دوران دولانیر هر لحظه چوخلار رأیینه،
دؤنمه‌دی هرگز منیم رأییمجه دوران، نئیله‌ییم؟
تا کی وصلیندن جدا دوشدوم، دمی خوش اولمادیم،
ائیله‌دی هجرین منی هر لحظه گریان، نئیله‌ییم؟
بیلمیشم صبح وصالین قدرینی شامِ فراق،
لیک یاندیردی منی درد ایله هجران، نئیله‌ییم؟
گرچی پنهان ائیله‌دین مهرین «فضولی» کؤنلونه،
کؤنلومون شهری غمیندن اولسا ویران، نئیله‌ییم؟
#حکیم_ملامحمد_فضولی
#گون_آیدین
@qanadli_duyqular
قورخما، بو ماوی گؤی آلتیندا یانان آل گونشین
و افق‌لرده گولن آل شفقین سؤنمه‌یه‌جک
ایلک باهارین آچاجاق گؤیلو
اؤته‌جک بولبوللر...
دونیامیز بیر ده بو عالمده خزان گؤرمه‌یه‌جک
دونیا دوردوقدا سهندین اوجا بورجوندا یانان
اول گوموش رنگیلی آی یوللاری آیدینلاداجاق
آخاجاق نهرلرین
هم آچاجاق لاله‌لرین
بیر ده ائولرده اینان سؤنمه‌یه‌جک اودلا-اوجاق
ای منیم شانلی ائلیم حور وطنیم آل گونشیم
آینا تک پارلاق افق، دریا تکین چرخه اسیر
آی قادینلار آنالار بیرجه آچین پنجره‌نی!؟
صوبح آچیلماقدادیر
صوبحون یئلی داغلاردان اسیر
#حبیب_ساهیر
#گون_آیدین
@qanadli_duyqular
قالمیشام غربتده حیران، زار و گریان، نئیله‌ییم؟
خسته و رنجور و بیمار و پریشان، نئیله‌ییم؟
اولموشام درده گرفتار و غمینده آغلارام،
چونکی ائتمز بو فلک دردیمه درمان، نئیله‌ییم؟
گرچی دوران دولانیر هر لحظه چوخلار رأیینه،
دؤنمه‌دی هرگز منیم رأییمجه دوران، نئیله‌ییم؟
تا کی وصلیندن جدا دوشدوم، دمی خوش اولمادیم،
ائیله‌دی هجرین منی هر لحظه گریان، نئیله‌ییم؟
بیلمیشم صبح وصالین قدرینی شامِ فراق،
لیک یاندیردی منی درد ایله هجران، نئیله‌ییم؟
گرچی پنهان ائیله‌دین مهرین «فضولی» کؤنلونه،
کؤنلومون شهری غمیندن اولسا ویران، نئیله‌ییم؟
#حکیم_ملامحمد_فضولی
@qanadli_duyqular
حیدر بابا یار یولداشلار دوندولر
بیر بیر منی چولده قویوب چوندولر
چشمه لریم چیراقلاریم سوندولر
یامان یئرده گون دوندی آخشام اولدو
دونیا منه خرابه شام اولدی
#اوستاد_شهریار
@qanadli_duyqular
قالدی، قارداش!
چاییمیز ایستکاندا،
اوشاقلیغیمیز کوچەلردە،
سئوینجیمیز کئچمیشدە،
سئودیک‌لریمیز اوزاقلاردا...
#ناظیم_حیکمت
#گون_آیدین
@qanadli_duyqular
تانریم! بو یول عشق یولو،
گئدیرم، بیتمیرم کی.
آلیرسان، آل جانیمی،
خسیسلیک ائتمیرم کی.
یوز یئردن ایزلنمیشم،
دوزونه دوزلَنمیشم،
گؤزونده گیزلنمیشم،
گؤزوندن ایتمیرم کی.
دادمیشام هر آزاردان،
نه‌ییم وار اوز قیزاردان؟
قورخوم یوخدو مزاردان،
پییادا گئتمیرم کی.
#رامیز_قوسار_چایلی
@qanadli_duyqular
"مجنونلوق گؤزلدیر" بو نه-دیر دئیه،
هر جاهیل آنلاماز بو اولویتی.
یازیق او کسدیرکی یوخدور بیر شئیه،
نه سونسوز نفرتی، نه محبتی!
یوخدور بئله-سینین مسلکی-یولو،
قلبی احتیاط دان چیلیک-چیلیک دیر
دوشمانین نیفرتی دئییل قورخولو،
دوستون سویوقلوغو، دوشمانچیلیق دیر!!
#زلیمخان_یعقوب
@qanadli_duyqular