6043
حؤرمتلی دیلداشلاردان، ادبیات سئونلردن، بیزه دستک اولماق‌لارین دیله‌ییریک آخاغیمیزی سئودیک‌لریزله پایلاشین🌹🌹🌹
گئجه‌دن بیراز قالیر هله
اوخویور اوندا گئجه قوشو.
و آتش بؤجه‌یی،
گیزلی یئریندن،
ساحیله دوغرو سایریشیر؛
پنجره‌مده سایریشان،
چیراغیم کیمی...
هله اوندا،
بیراز حؤوصله‌م و صبیریم قالان،
اوره‌ییم کیمی.
اوخویان، آجی عشقیمین خیالی کیمی.
و پنجره‌مده سایریشان چیراغیم کیمی،
یانان گؤزلرینین باخیشی منه -اومید وئریجی-
سایریشیر، بو قارانلیق منزیلده...
#نیما_یوشیج
@qanadli_duyqular
گئجه ساعات اوچ اولوب
بئینیم یاتا بیلمه‌ییب
قاپیم آچیق اولسادا
یوخوم ائوه گلمه‌ییب
فیکیرلریم دولاشیر
هر کوچه‌ده دالاندا
اینسان راحات یاتارمیش
اورَک یوکسوز اولاندا
بیر پاپیروس، ایکی چای
بیر آغ واراق، بیر قلم
شاعیر نئجه یازماسین؟!
عؤمور گئدیر کؤنده‌لن
گئجه یوخو، راحاتلیق
گوندوز دینجلیک قالمادی
دونن وئردیم عؤمرومو
دیلنچی‌ده آلمادی
#سامیر_افسر_اوغلو
@qanadli_duyqular
بو گئجه دونیانین ان غریبی‌یم
نه داما، نه داشا سیغیر بو حسرت.
جانی بوغازیندا اولان جانیمی،
ییغیر بوغازیما، ییغیر بو حسرت.
دونیادا ان غریب بو گئجه منم
بو نئجه غوربتدی، بو نئجه منم؟
سارالمیش باغچایام، سولموش چمنم
بئله‌جه کؤنلومو سیخیر بو حسرت.
دئییر گؤز یاشینا آغلا، آی اورک!
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت.
بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکیییب دمیر اولموشام
دونیانی اوستومه ییخیر بوحسرت.
بو گئجه دیدرگین قوش للـه‌یی‌یم
اوزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت.
بو گئجه داشلارا دَییب قاییدان-
سسلره بنزه‌ییر سئوگیم ده، اینان!
بو گئجه اوستومدن یول سالیب گومان
گؤرن نه اولاجاق آخیر بو حسرت...؟
#علی_جوادپور
@qanadli_duyqular
یئنه‌ده گؤزلرین گؤزومده قالؽب،
گؤردویون معنایا قۇربان اوْلارام.
اگر حقیقتسن، من حقیقته،
رؤیاسان، رؤیایا قۇربان اوْلارام.
صوحبتین شیریندی، گۆلوشون تزه،
سالدؽن اۆره‌ییمی عشقه، هوسه.
سن آیاق باسدؽغین اوْ یوْلا، ایزه،
چمنه، صحرایا قۇربان اوْلارام.
چاتسین هر مۇرادین باشا دۆنیادا،
بیر آرزۇن دَیمه‌سین داشا دۆنیادا،
بو دۆنیا گؤزلدی، یاشا دۆنیادا،
سن اوْلان دۆنیایا قۇربان اوْلارام...
#نریمان_حسنزاده
@qanadli_duyqular
نییه سنسیز دارؽخیم؟
اۇزاق دئییلسن آخؽ.
جانؽمین ایچینده سن،
قؽراق دئییلسن آخؽ.
نییه سنسیز دارؽخیم؟
منیم هر ایشیم ده سن.
آغلاسام، گؤز یاشؽمدا،
گۆلسم، گۆلوشوم ده سن.
نییه سنسیز دارؽخیم؟
عطرین چؤکوب جانؽما.
من آرتؽق سنلشمیشم،
ایشله میسن قانؽما.
نییه سنسیز دارؽخیم؟
سن کی هر فصیلده سن.
قؽشدا گؤیدن تؤکولن،
هر قار دنه سینده سن.
نییه سنسیز دارؽخیم؟
سسین قۇلاغیمدادیر.
بلکه ساچلارؽن اۆچون؟
ساچین داراغؽمدادیر...
#شاهین_ایسماعیل
@qanadli_duyqular
بیلیرم، ائله سَن ده داریخیرسان مَن کیمی
اوز-گؤزوندن گؤرونور، رَنگی-روحو سولانیم
غورور چاره دَییل کی، اؤزون یاخشی بیلیرسن
آی مَنی غورورویلا دَرده-غَمه سالانیم...
#عزیز_یعقوبزاده
@qanadli_duyqular
بعضی‌لریمیز شئعیرلره توتونور،
بعضی لریمیز ماهنیلارا
بعضی‌لریمیز فیلم‌لره توتونور،
بعضی‌لریمیز کیتابلارا
سانیرام آرتیق اینسان اینسانا توتونا بیلمیر!
#اوغوز_آتای
@qanadli_duyqular
جاوابسیز سؤال‌لار
ازلدن بئله‌جه قورولوب حیات،
هر واخت باها ساتیب، اوجوز آلیبدیر.
گل وفا اومما سن فانی دونیادان،
نه دئسه، اینانما، واللاه یالان‌دیر!
واللاه، هئچ بو دونیانین، ایشینی بیلمک اولمور،
بیر دویونجا آغلاییب، دویونجا گولمک اولمور.
نییه پاییز گلنده گوللر سارالیب سولور،
نییه ووصال چوخ قیسا، آیریلیق اوزون اولور؟
نییه سئون اینسانلار بیر-بیرینه یاد دوشور،
ایلک محبّت دئیَنده اورک‌لره اود دوشور؟
نییه پاییز یئللری حسرت نغمه‌سی چالیر،
نییه اینسان قوجالیر، اورک‌سه جاوان قالیر؟
نییه دونَنکی یادلار بو گون دوستلوغا گلیر،
بوگونکی عزیز دوستلار صاباح دوشمن کسیلیر؟
نییه شیرین آرزولار ال‌چاتمازدیر، اوزاق‌دیر،
اینسان بو گئن دونیادا بئشجه گونلوک قوناق‌دیر؟
نییه چیچک‌لر آچیر باهار فصلی گلنده،
نییه یاغیشلار یاغیر گؤیلر یئردن کوسنده؟
یاخشی گونون، اینسانین قدرینی گئج بیلیریک،
عؤمور سونو یئتنده، قیش قاپینی کسنده.
چوخ واخت یئری سهو دوشور قارغا ایله بولبولون،
گوله نغمه اوخویور چیچک عطری بیلمه‌ین.
کیمین ایسه گؤزونده قالیر اؤولاد آرزوسو،
بعضاً ده آنا اولور اؤولاد قدری بیلمه‌ین.
چوخ واخت قلبی بوش کسین جیب دولو پولو اولور،
غیرت، ناموس صاحیبی احتیاج غولو اولور.
اؤزویچون چالیشانلار چاتیر منصبه، آدا،
ائل اوچون آغلایانلار کور قالیر بو دونیادا.
بختوَر یاشاییرلار عارسیز، بی‌وئج آداملار،
درد ده، آزار-بئزار دا یاخشیلاردان یاپیشیر.
بیرلشه بیلمه‌ییرلر بو دونیادا یاخشیلار،
پیسلر هاردا اولسا دا، بیر-بیری‌یله تاپیشیر.
قرینه‌لر اؤته‌جک، فصیل‌لر دَییشه‌جک،
هر شئی سولوب گئده‌جک، بو دونیا سولمایاجاق.
اینسان عؤمور سورسه ده، یاشاسا دا لاپ مین ایل،
آنجاق سؤال وئره‌جک، جاوابی اولمایاجاق.
بیز گئدَری بیر قوناق، دونیا یولا سالان‌دیر،
اینانما بو دونیایا، نه دئییرسه، یالان‌دیر!
#بابا_وزیراوغلو
@qanadli_duyqular
گؤیده هر کسین بیر اۇلدوزو اوْلدوغو دوْغرودورسا منیمکی چوْخ اۇزاقدا، قارانلؽق و اؤنمسیز بیر شئیدیر یقین کی.
#کؤر_بایقوش
#صادیق_هیدایت
@qanadli_duyqular
بوگون کی پاییز منه باسقین ائده‌رک،
پنجره‌لریمی آلیب،
سنین آدینی دیله گتیرمه‌یه احتیاجیم وار.
احتیاجیم وار بالاجا بیر اود یاندیرماغا.
پالتارا،
یاغمورلوغا
و سنه احتیاجیم وار...
#نزار_قبانی
#گون_آیدین
@qanadli_duyqular
🤍 من بدم نمیاد این ربات رو بازی کنم
به شمام پیشنهاد میدم
چون تیمش شبیه امپایره و حس خوبی میده با توجه به تجربه خوبی که ازش داشتیم
t.me/hrummebot/game?startapp=ref128901753
من به تو یک شیرینی شانس می‌دهم
Hrum
بیلیرم، گئتمه‌یین حتمی‌دیر،
نئجه کی عشقین.
بیلیرم، ایندیکی گولوشلریم قدر،
اوزون-اوزون آغلادیغیم گئجه‌لریم اولاجاق؛
و بو گونکی خوشبختلیییم،
همن گله‌جه‌ییمین اوزونتوسو.
آنجاق، سنین اوچورومونون قیراغیندا رقص ائتمه‌یی،
گئجه یوخوسونا ترجیح ائدیرم-
زامانی، تابوتوندا حرکت‌سیز یاتیردان،
بیر مومیا کیمی...
#غادة_السمان
@qanadli_duyqular
بیر قادینی آغلاتماق چوخ چتین دگیلدیر اصلینده
قادینلار هر شئیه آغلایا بیلیر
بیر فیلمه، بیر شارکییا، بیر یازییا...
ان آز کیشیلر قدر یانی
آما بیر قادینی اورکدن آغلاتماق چتیندیر.
اَیَر بیر قادین اورکدن آغلاییرسا، آغلادان اونون اۆرگینه یول تاپمیش دئمکدیر؛
آما اوْ، اۆرگین دَگرینی بیلمه‌میش اولاجاق کی آغلادان،
گؤزونو بئله قیرپمادان تکر - تکر باتیریر ایینه‌لرینی اۆرگه.
ایشته اوْ زامان بؤیوک بیر یومروق گلیر اوْتورور بوغازینا قادینین
اوتقوناماز، نفس آلاماز، چونکو اوْ بؤیوک یومروق، جانینی چوخ آجیدیر
گؤزلری بوغولانیر قادینین سونرا
"آغلامایاجاغام" دئیر ایچیندن
آما انگل اوْلاماز ایشته.
چونکو اۆرگینه یوْل تاپمیشدیر بیریلری و ایینه‌لر ساپلاماقدادیر.
بو آجییا نه قدر قارشی قویا بیلیر کی بیر قادین؟!
اینجه- اینجه سۆزۆلۆر یاشلار گؤزوندن
اؤنجه بیر نئچه داملا سونرا بیر یاغمور سئلی...
و قادین آغلار؛
هم ده چوخ.
سانمایین کی، گئده‌نه آغلار قادین؛
گئده‌نین گئدرکن قوپارتدیغی یئردیر اونو آغلادان...
اورادا بوراخدیغی یارا دیر
او یارانین هئچ قاپانمایاجاغینی، قاپانسا بئله ایزی‌نین قالاجاغینی بیلیر قادین؛
اوْ اۆزدن آغلار.
آما بیلیرمیسینیز؟
آغلاماق قادینلاری اوْلقونلاشدیریر.
هر داملا داها چوخ "قادین" ائدر قادینلاری
هر داملا بیر درسدیر چونکو.
بعضاً قادینلار آغلادیغیندا چوخ انسان، "آغلاما! نئیه آغلاییرسان کی؟ دَگمز اونون اوچون" دئیرلر.
بیلمه‌دیکلریندندیر بؤیله دئمه‌لری.
چونکو اورکلری آجییان قادینلار آغلامازلارسا اؤلورلر.
ایچلرینده کی، زهردیر اونلاری اؤلدورن
آغلایاراق اوْ زهردن قورتولور قادینلار.
اوْ چیرکی تمیزلرلر یارالارینداکی.
چونکو بیلیرلر اوْ چیرک تمیزلنمزسه ایلتیهابا دؤنوشور یارالاری.
دؤنوشمه‌مه‌سی لازیمدیر اویسا.
اوْ اۆزدن ده بوْلجا آغلارلار.
زامان کئچر سونرا
قادینلار اؤزلرینه ساریلماغی اؤگرنیرلر
اومورام اؤگرنیرلر.
یوخسا روحلار ساپقین یوللارا چیرپار اؤزونو
ساپان روحلارین دوغرو یولو تاپماسی دا یئنی آجیلار دئمکدیر.
بونو بیلیر قادینلار، اوْ اۆزدن ائنینده_ سونوندا اؤگرنیرلر اؤزلرینه ساریلماغی.
چوخ آغلایان قادینلار بیر چوخ شئیدن واز کئچن قادینلاردیر اصلینده
هر داملا اوْلقونلاشدیریر قادینلاری.
هه؛
آما اوْلقونلاشدیقجا اوْ صافجا ایناندیقلاری عشق گئرچگی، اونلارین گؤزونده کیچیلیر.
کیچیلدیکجه دَگرینی ایتیریر و ایشته او زامان اؤزلرینه ساریلیب یئنی بیر قادین یارادیرلار اؤزلریندن
گوجلو، یئنیلمز، مغرور و عشقه اینانمایان
انسانلار سوْرورلار چوخ زامان: "نه‌دن بو قدر چوخ یالقیز قادین وار" دئیه
هامیسی شُهرت دردینده اولان...
چونکو اینانجلارینی ایتیردی اوْ قادینلار
زامانیندا اورکلرینه اوْ قدر چوخ ایینه ساپلاندیکی؛
اوْ قدر چوخ آغلادیلار کی!
آرتیق اؤزلریندن باشقا بیر دوغرو اولمادیغینا اینانیرلار.
اوْ اۆزدن اؤزلرینه ساریلیرلار
چونکو بیلیرلر کی، ساریلدیقلاری آداملار اونلارا لاییق اولمادی؛
هم‌ده هئچ بیر زامان.
همشه بیر چیخارلاری اولدو ساریلدیقلاری آداملارین.
ایی او زامان نئیه ساریلسینلار کی؟!
نئیه ساریلالیم کی؟!
اطرافینیزدا اورکدن آغلایان بیر قادین وارسا بیلین کی، اوْلقونلاشماقداریر.
بیلین کی گئرچکلری قبول ائتمگه باشلامیشدیر
بیلین کی، آرتیق عشقین اولمادیغینا اینانمیشدیر.
بیلین کی، ساریلاجاق تک بیر دوْغروسو قالمیشدیر؛
اوْ دا "کیم، نه" دئیه سورمایین آرتیق؛
چوخ آغلایان قادینلار ائنینده_ سونوندا اؤزلرینه ساریلیرلار چونکو.
#عزیز_نسین
@qanadli_duyqular
نئچه پاییز کئچیر او، آیریلیقدان
یوبانما قار یاغار، خاطره میزه!
یئنه قارانقوشلار گل- ها گلده دیر
باغچادا خزللر یئتیشیب دیزه
چینار آغاجینین سون یارپاقلاری
وحشی یئللریله سۆرگون گئده جک!
سنله اکدیگیمیز، آلما آغاجی
یاریسی دیشلنمیش آلما وئره جک!!
#ارشد_نظری_توخای
@qanadli_duyqular
سنی ایلکین قبیله‌لرین شاعیرلری کیمی سئویرم
ائله‌جه دورو
ائله‌جه بسیط
سئوگیمی دووار هؤرسم
چؤل قوشلاری اونو سئزمه‌دن
آراسیندان اوچوب کئچه بیلرلر.
#حیدر_بیات
#گون_آیدین
@qanadli_duyqular
آغیردیر بیر گونده بعضاً
بیر دردی یوز یئره بؤلمک
دنیز ساحیلینده دوروب
دنیز حسرتی ایله اؤلمک
#واقیف_وکیل_صمد_اوغلو
@qanadli_duyqular
ایلاهی ، نه چوخوموش تابیم، طاقتیم
اوره‌ییم سیندیقجا گولموشم ائله
تَک روحدور هَله کی، چیخمیر بَدَندن
یوخسا کی، مین دَفعه اؤلموشم ائله...
#ضییا_فدایی
@qanadli_duyqular
سئودیییمیز اینسانین عطرینه هئچ نه چاتماز
بوتون فرانسه‌نی
بیر عطیر شوشه‌سینه ییغسالار بئله!
#محمود_درویش
@qanadli_duyqular
بیزیم کیمین عهدی یالان تاپیلماز
قلبی ویران عشقی تالان تاپیلماز
آرامیزدان کؤرپو سالان تاپیلماز
آی ایللرین اوتاییندا قالان قیز!
ساز تئلینده یانقی هارای اولموشوق
درده شیکار هیجرانا تای اولموشوق
وطن کیمی اوتای-بوتای اولموشوق
آی ایللرین اوتاییندا قالان قیز!
سنین سئوگین منیم سئوگیم کیچیلمز
هر ساحیل‌ده بیر جوت بولاق ایچیلمز
یاخین گلمه زامان سئلی کئچیلمز
آی ایللرین اوتاییندا قالان قیز!
گلدی-گئدر قوناق سایدیق گؤر کیمی،
گؤرن نییه قیناق سایدین أر کیمی
آرامیزدان زامان آخیر سئل کیمی
آی ایللرین او تاییندا قالان قیز!
آی ائلشن‌دن نظرینی أيه‌نیم
آی ساچیمدا بیاض لیباس گئیه‌نیم
حالاللیق وئر بوتایدا قیز بیه‌نیم
آی ایللرین اوتایندا قالان قیز!
#ائلشن_عظیم
@qanadli_duyqular
گؤره سن خیالا دالؽب بیر دفعه،
"دارؽخدیم" دئییرلر یادا دۆشنلر؟!
حئییف کی قاپؽنین زنگینی دئییل،
اۆره‌یی دؤیورلر یادا دۆشنلر...
درد الیندن قدح-قدح اۆزولوب،
دوداقلارا سطیر-سطیر دۆزولوب،
آلا گؤزدن دامجؽ-دامجی سۆزولوب،
یاناغا دَییرلر یادا دۆشنلر ...
هردن محو ائله ییر، سانکی "عجلدیر"
هردن گۆلومسه‌ییب گؤیه اۇجالدیر
ساچلارا دن سالؽر، واختسؽز قوْجالدیر
قامتی اَییرلر یادا دۆشنلر....
سن سؤزدن گۆلله آت! تۇش اوْلسون شاعر...
آدؽن اؤزون کیمی قؽش اوْلسون شاعر!
بۇ جاوان عمرۆنو نۇش اوْلسون شاعر
یاوانجا یئییرلر، "یادا دۆشنلر"...
#آیاز_هیدایت_اوغلو
@qanadli_duyqular
#خبریم_یوخ_اؤزومدن
یئنه سن سیز بو آخشام،
یوخو قاچمیش گؤزوم دن.
سنی دئییب دورموشام،
خبریم یوخ اؤزوم دن.
گئجه یومور گؤزونو،
گل گؤزومون ایشیغی.
تئز اول یئتیر اؤزونو،
عؤمرومون یاراشیغی.
سما دن قوپوب دوشن،
یانار بیر اولدوزام من.
سؤنوب اودوم-اوجاغیم،
تنهایام، یالقیزام من.
هارداسان سئوگیلیم؟ گل..
گؤزله-ییرم یولونو...
توکه-نیب دیر طاقتیم،
سال بوینوما قولونو...
#شفیقه_آخونداووا
@qanadli_duyqular
داها کیمسه‌نی گؤزله‌میرم
کیم گلدی،
رؤیالاریمدان اولدوز چالدی
کیم گلدی،
گؤیرچین‌لریمین آغینی یولدو
کیم گلدی،
دوداغیمدان گولوشو کسدی
کیمسه‌نی گؤزله‌میرم؛
یورغونلوقدان بو دوراقدا اوتورموشام...
#رسول_یونان
@qanadli_duyqular
قالدؽ جان، چکدیلر اوْل شۇخون اوْخون جیسمیمدن،
ائله بیلدیم کی، قالان اوْخدو، چؽخان جانؽمدی.
#سئیید_عظیم
@qanadli_duyqular
«نه‌دن یورغونسان؟» سؤالینا جاواب گزمکدن و بونو سوروشماسینلار دئیه گولومسه‌مکدن یورولدوم.
#جمال_ثریا
@qanadli_duyqular
اوره‌‌ییم‌ده آتش باشیمدا قار وار
بيليرم نه چکیر ساوالان ايندى
دونیا بیر قوووقدور، اوفلاریم دا یئل
قورخورام پارتلایا بو جهان ایندی
گوندوزوم گئجه‌دیر قارا گونده‌یم
اوزوم دیرناقلیدیر رنده_رنده‌یم
اؤزوم اؤزومده‌دیر، من ده منده‌یم
تاپیم منلیگیمی هارادان ایندی
سانکی مین یئتیمین غمین آلمیشام
دردین دریاسینا لنگر سالمیشام
باشیم دیزیمده‌دیر آغلار قالمیشام
یقین گولور منه، یارادان ایندی
#سئور_شهابی
@qanadli_duyqular
سَن مَنه اَوولدن ظولم ائیله‌میسن
نه راحات باغلاندیم، نه راحات سئودیم
هیجران سویوغوندان اوشومه دئیه
مَن سَنی هَر گئجه ایکی قات سئودیم
مَحَببت یولوندا قوجالمیشام مَن
عؤمرومدن آپاردی، آزالتدی مَنی
آغاران ساچیما گولورسن ایندی
حال بو کی خَیالین قوجالتدی مَنی...
#سامیر_جبراییللی
@qanadli_duyqular
سئومک سئودی یین آداملا بیرلیکده یاشاماق دئییل، اونوتما؛
چونکو عئشق، اونونلا یاشاماق دئییل،
اونو یاشاماق دیر اصلینده...
#ناظیم_حکمت
@qanadli_duyqular
#من_فقط_دئییرم_منه_ایش_وئرین
نه ساغا نه سولا اومودوم یوخدو
منیم هم ساغیم بوش همی ده سولوم
منیم، عائله مین گله-جه-یی چون
ساغ سولومدا تکجه وار ایکی قولوم
یورولدوم یالاندان بوم-بوش سؤزلردن
دئمیرم نه چؤرک نه-ده دیش وئرین
من یولچو دئییلم، دوشمن دئییلم
من فقط دئییرم منه ایش وئرین
منیم اللریمدن کئچیر گله-جک
منیم اللریمدن یاغیر اضطراب
منیم اللریمه خور باخمایاسیز
ائله بوش اللردن گلر انقلاب
اوغلومون اوزونه باخا بیلمیرم
سؤز وئرمیشدیم اونا دوچرخه آلام
توتا بیلمه میشم سؤزومو ایندی
اوغلوم منه دئییر یالانچی بابام
جانیم چوخ سیخیلیر حسرت اودوندا
کول اولوب گؤیلره سوورولموشام من
هر آخشام الی بوش بئلی بوکولموش
ائویمه دؤنمک دن یورولموشام من
ساغچیلار - سولچولار آی یالانچیلار
قورخون او گوندن کی داها گئج اولا
قورخون او گوندن کی ایکی اللریم
ساغ سولومدان قالخیب یوموروق اولا
#صالح_سجادی
@qanadli_duyqular
اونوتما!
هر گلن سئومز
و هئچ بیر سئون گئتمز
#ناظیم_حیکمت
@qanadli_duyqular
بیر پاییز آخشامی قارشیما چیخدین
گؤزوموز سئویشدی دوغولدو سئوگی
آنلیق بیر باخیشدا عؤمور یاشادیق
ساندیق آغزیمیزدا نوغولدو سئوگی
سانکی نئچه ایل‌دیر تانیشیردیق بیز
بیر سئوگی یاشادیق سولاردان تمیز
دالمیشدیق یوخویا یاتیردیق سس سیز
بیر شیرین رویایدی ناغیل‌دی سئوگی
اما بیردن هر شئی ترسینه چؤندو
اَریدی دیله کلر موم کیمی سؤندو
ویصال قلبیمیزده دوستاقا دؤندو
اورک زیندانین دا بوغولدو سئوگی
زنجیره چکیلمیش قولدو محبت
سونو اوچوروم بیر یولدو محبت
غونچاسی آچمامیش سولدو محبت
آیاغلار آلتیندا اوغولدو سئوگی
گؤزونده غرق اولدوم سارام آغلادی
ایچیمده سیزلایان یارام آغلادی
فرزین سون اومودوم چارام آغلادی
اوندا آنلادیم کی داغیل‌دی سئوگی
#فرزین_نقی‌یان
@qanadli_duyqular