Qaraqalpaq tilim - qalqanım!

27 Jan 2025 18:04

To'lepbergen Qaipbergenov Tusiniksizler.pdf

Qaraqalpaq tilim - qalqanım!

27 Jan 2025 14:04

Күн темасына

Тәўекел бул - ярым нәтийже

Асыў - асыў сегбир жолларда,
Мың машақат сабырды ийсе,
Талапланған мақсети барға,
Тәўекел бул - ярым нәтийже.

Албаўсырап сасқалақлаған,
Көкси қайтып ҳәс алақлаған,
Исеними пәс қалақлаған,
Жүз ғабырысар исте ҳәмийше.

Қайғы менен уўайым - егиз,
Еки баслы айдарҳа яңлы,
Сени аяп отырмас негиз,
Жутарман дер, жалмап қуў жанды.

Бийҳәрекет әрманлап жүрген,
Пәтикке қарап қыял сүрген,
Айдалаға арпылдап үрген,
Ҳаслы қорқақ ийтлердей яңлы.

Ҳалласланып салсаң да жигер,
Алапаға шапқан сәт емес,
Соқырларша болған тәўекел,
Сәтсизликтен басқа зат емес.

Тәўекелден ҳәс қынап белди,
Парасатың болса бас белги,
Алалмаған, ҳәтте, ийтелги,
Олжаны да бир күн аларсаң.

Жәўланы жоқ қоян жүректи,
Күннен - күнге қорқыныш басар.
Ис баслаған сыбап билекти,
Мәртлер ғана қырлардан асар.

Бул өмирде машақат, күйик,
Мәйли болсын, таўлардан бийик,
Мәйли турсын, төбеңнен түйип,
Дослар менен болсаң орасан,
Оны әсте жеңип барасаң.

Автор : Азат Даўышбаев

Qaraqalpaq tilim - qalqanım!

27 Jan 2025 08:55

Assalawma àleykum. Qaraqalpaq tilinen milliy sertifikat alģanlar barma? aramìzda alģanlar bar bolsa qanday sorawlar túsedi testi qashan boladi solar haqqinda aytip jiberseńiz òtinish🙏🙏🙏

Qaraqalpaq tilim - qalqanım!

26 Jan 2025 12:40

Hám kerbiye mańlay kelgen qasqadan, Suw sabatlap erter erke qulının… Suw qabaqlı ana shıǵar jasqadan, Jılwa urlap, jıllar qosqan tulımın (Sh.Seytov).

KERBIYE деген соз кандай маниде келгенин билесиз бе?

Qaraqalpaq tilim - qalqanım!

26 Jan 2025 12:04

Мәрт болғаның - нәмәртлик

Даў бар жерде көринбей,
Жаў бар жерде көринбей,
От басында толықсып,
Мәрт болғаның - нәмәртлик.

Достыңман деп ҳәзликте,
Ҳаслы затың пәсликте,
Шарап ишип мәсликте,
Мәрт болғаның - нәмәртлик.

Келиспесе бир исиң,
Қостарға жетип күшиң,
Тоз - тоз етсең үй - ишин,
Мәрт болғаның - нәмәртлик.

Батырланып тек көзге,
Зор берип көп пуш сөзге,
Күш көрсетсең, күшсизге,
Мәрт болғаның - нәмәртлик.

Тышқан көрсең, "нағыз ер",
Арыслан көрсең, қара жер,
Үй ишинде мисли "шер",
Болғанлығың - нәмәртлик.

Уйқыда жатқан балаңды,
Шағайын деген жыланды,
Өлтирген соң балтаңды,
Көтергениң нәмәртлик.

Дос асына уў салып,
Жуўқаланып, жуўсанып,
Сум пикирге тусалып,
Ойлағаның - нәмәртлик.

Өрт тийгенде қозғалып,
Көрсетпесең шын мәртлик,
От сөнген соң суў алып,
Жуўырғаның - нәмәртлик.

"Өйтемен де, бүйтемен,
Басын отқа үйтемен",
Ең кейнинде қәйтемен?!
Деп турғаның - нәмәртлик.

Қумырысқаға пилдиң де,
Сала қулаш тилдиң де,
"Бир дәпинсем, өлдиң" деп,
Мақтанғаны - нәмәртлик.

Ғәзеп мийге урғанда,
Ашыў қысып турғанда,
Ерик бермей шайтанға,
Өзин тутқан бул - мәртлик.

Ҳәр бир иске мың пикир.
Көп пенен жуп көзиң бир,
Исиң менен сөзиң бир,
Болсаң, әне, сол - мәртлик.

Автор : Азат Даўышбаев

Qaraqalpaq tilim - qalqanım!

26 Jan 2025 07:30

Қарақалпақстан - шайырлар ели

"Аққан дәрья ақпай қалмайды", теги,
Әзим булақ болып аўқамласқаннан.
Қарақалпақстан - шайырлар ели,
Үмит күттиргендей ҳәр атқан таңнан.

Шайырлық булағы бурқысын, тассын,
Мәнзилге туўлаған ағыслар барып,
Руўҳыйлық Аралын толқынлар бассын,
Әдебияттың өлмес исин атқарып.

Дурыс, ҳәзир патлы ағыс көринбес,
"Жүре - жүре көшлер дүзелер" деген.
Қуўанарлық жери - бәри өңирлес,
Жөнли қәлемлеслер ел ғамын жеген.

Бердақ әўладлары жүрген соқпақлар,
Ҳеш заман ақтақыр болып қалмайды.
Ашық Аязийди сүйген урпақлар,
Жүгин ийинлессе, ҳарып - талмайды.

Кешеги әдебият - бүгинге таяў.
Таянсын, бирақ та өз сөзин айтып,
Жалынлы жүреклер мудамы ояў,
Шәўкилдесип турса, сөнеди қайтып?!

Изленис сапарын бирге атқарсақ,
Ежелеп поэзия әлипбесин биз,
Тынбай санамызға орнатып алсақ,
Бизден де жүйриклер шығар, мүмкин, жүз.

"Тәжирийбе тамшылар" тамған жерлери,
Көл болар, буған жоқ зәрреше гүман.
Қарақалпақстан - шайырлар ели,
Алла мәдет берип болыңыз аман!

Автор : Азат Даўышбаев

Qaraqalpaq tilim - qalqanım!

25 Jan 2025 16:32

Ассалаума алейкум.

Партак созинин манисин билесиз бе? Айтып жиберсениз, отиниш.

Мына катар кайсы китаптан екенин де таба алмай турмыз

Qaraqalpaq tilim - qalqanım!

24 Jan 2025 19:15

Болалмас

Сөйлер болсаң, тилде не көп, сөзлер көп,
Гүллән гәплер бәри зердей болалмас.
Өз қәдирин бир пул шелли етпеген,
Ғаўық сөзлер ҳасла дүрдей болалмас.

Ҳасыл мәржан жатар терең - тереңде,.
Кимдур зәҳәр уйытса алтын зеренге,
Қурбаны аңламас, илмес зейинге,
Көз көргенниң бәри бирдей болалмас.

Ҳақыйқый шын гөззалларды ким аңлар?!
Жеңил минез және еси аўанлар,
Диянатсыз, пәҳимсиз қыз - жаўанлар,
Ҳеш биреўи мисли ҳүрдей болалмас.

Жантақ, шеңгел, шатлық - пута көгерип,
Урқанын молайтып, қулашын керип,
Турсадағы ол да жерге түр берип,
Бағ ишинде лала гүлдей болалмас.

Даўыслардан парқ әйлейди даўыслар,
Таңда турып зарласа да таўыслар,
Қыйқыў салып сайраса да гил қуслар,
Нала тартқан бир бүлбилдей болалмас.

Қанша нәмәрт өзинше "мәрт" болса да,
Ғурыжланып әззиге күш салса да,
Қара басқа мысал шердей болса да,
Елим деп емиренген ердей болалмас.

Қара қылды айырмаған маңызлар,
Тас түнекти жақтыртпаған аңызлар,
Бизден жырақ жымыңласқан жулдызлар,
Қуяштың бир зер нурындай болалмас.

Ҳинжи, мәржан сөз басқаша, бул анық.
Мәзи жылтыр әжеп тыслар шоқланып,
Темир - тирсек, шылғый мыслар топланып,
Алтынның бир қыйқымындай болалмас.

Жазар болсаң тилде не көп, сөзлер көп,
Гүллән гәплер бәри зердей болалмас.
Өз қәдирин бир пул шелли етпеген,
Қыйқым сөзлер ҳасла дүрдей болалмас.

Автор : Азат Даўышбаев

Qaraqalpaq tilim - qalqanım!

24 Jan 2025 08:44

Ассалаума алейкум азизлерим

Qaraqalpaq tilim - qalqanım!

23 Jan 2025 15:17

Ериккеннен жазылмасын қосықлар

Кийели ис - поэзия, тек оған,
Сайлы келмес даңғырлаған бослықлар.
Илҳам пери дусласқанда ол саған,
Ериккеннен жазылмасын қосықлар.

Тәўекелге менде жүрис болды деп,
Кирмей жүрген иске кирис болды деп,
Бос ўақтымда бул да бир ис болды деп,
Ериккеннен жазылмасын қосықлар.

Тосаттан келген сөз көз - қас болды деп,
О, әжайып... менде уйқас болды деп,
Еплеп - сеплеп салған үй тас болды деп,
Ериккеннен жазылмасын қосықлар.

Жөналды бир қарабарақ ўәж терип,
Дус келгенди қыялыңа өңгерип,
Оқып көрмей, жазғаныңа сын берип,
Дусмалдан дус жазылмасын қосықлар.

Оқығанлар илип салар мән алмай,
Қәлем жүйткип, бирақ жүрек қозғалмай,
Көкирегиңе әлем - әлем дәрт салмай,
Ериккеннен жазылмасын қосықлар.

Ана тилден таңлап сөзди саплаўда,
Ел, халықтың исенимин ақлаўда,
Қақырада бол яки сәнли отаўда,
Ериккеннен жазылмасын қосықлар.

Бар сезимин толқынлатып жүз есе,
Көзги яңлы онда өзин көрмесе,
Ҳәр қатарын оқып кеўил бөлмесе,
Ериккеннен жазылмасын қосықлар.

Болсын десең, тасты жарған бир булақ,
Шаңын қақсын десең, кеми мың қулақ,
Йош тулпары жатпасын десең қулап,
Ериккеннен жазылмасын қосықлар.

Мәгар жазсаң, жуўапкерсең сөзиңе,
Ықтыят бол көкиректеги көзиңе,
Бир бәле болмасын десең өзиңе,
Ериккеннен жазылмасын қосықлар.

Шертилгенде жүректеги жуп тарлар,
Жаныңды жеп шығар ҳасыл қатарлар.
Қәлем тутқан үлкен - киши адамлар,
Ериккеннен жазылмасын қосықлар.

Оқығанлар толқып "аҳ!" деп, қалмаса,
Жан сезимин силкип ләрзем алмаса,
Анда көрип терең ойға талмаса,
Неге дәркар жеңил - желпи қосықлар?!

Адасқанды дүзиў жолға салмаса,
Үмитсизге үмит бағышламаса,
Сән бермесе және елге жараса,
Неге керек аўдық - ғаўдық қосықлар?!

Қосық мүлки ермек емес билгенге,
Ол - сүйениш, жылағанға, күлгенге,
Ўайран болар жандағы сәл кирден де,
Еңиреп - еңиреп соқыр болған қосықлар.

Қыйқым тема қуртып менмен шайырды,
Еслетеди сарсаң кесек сайылды.
Елиң түўе саған дүнья қайылды,
Машақатын шегип жазсаң қосықлар.

Автор : Азат Даўышбаев

Qaraqalpaq tilim - qalqanım!

22 Jan 2025 19:08

Muģallimler#Repetitorlar#Studentler #JOO muģallimleri#Abituriyentler#Mektep oqıwshıları
# SABAQLÍQ TEST
📕5-klass.Ádebiyat.2020.pdf
📕5-klass.Ádebiyat.2024.docx(I-II sh.)
📒5-klass.Ana tili.2024
(I-II sherek).doc
📘8-klass.Qaraqalpaq tili.doc
📘8-klass.Ádebiyat.doc
📗9-klass.Qaraqalpaq tili.doc
📗9-klass.Ádebiyat.doc
📚10-klass.Ana tili.2022.docx
📖tolıq qamtılģan
📖eń sońģı basılımları
📖ABCD variantta
🖇elektron kóriniste
📌testten tisqarı fayl ishinde: hár qıylı oyınlar,sorawlar,jeke pikirler,milliy sertifikat testinen úlgiler berilgen
🖼fayl ishinde oqıwshılardı,hátte sizdi de qızıqtırıwshı súwretli testler berilgen
📲Testti qalay alamız?🤔
-📲Telegramm lichkańızģa taslap beriledi//tólem ótkerilgennen keyin// @lolaxan_orakbaeva tárepinen
💰 5,8,9,10- klass 👆barlıģı ulıwma 60000 mıń summa bahasında//eger bólek alaman deseńiz hár qaysısı 20000 summa bahasında beriledi☝️
#Test
📘6-klass
📘Qaraqalpaq tili
(Mámleketlik tili)
📇2019-jılı
📒ABCD variantta
✅Juwapları berilgen
🔗Izbe-izlikte(tolıq túrde)
🔖word(docx)
💳Bahası: 20000
(tólem aldınnan/click)
Baylanıs: @lolaxan_orakbaeva
(kók sızıq ústin basıń)
__
Pán:Qaraqalpaq tili(Mámleketlik)
Klass: 7
Dúziwshiler:M.Dáwletov,A.Abdiev,G.Abishov, A.Dáwletova
Baspa jıl:Nókis,"Bilim"-2019
Test dúziwshi: @lolaxan_orakbaeva
Bahası: 20000
Kanalimiz: t.me/Karakalpak_tili
___
Pán:Qaraqalpaq tili(mámleketlik)
Klass; 8
Avtorlar:M,Dáwletov,Sh.Allaniyazova,D.Seytqasimov,Á.Dáwletova
Baspa:Nókis."Bilim",2019
Test dúziwshi:@lolaxan_orakbaeva
Bahası: 20000
📖tolıq qamtılģan
📖eń sońģı basılımları
📖ABCD variantta
🖇elektron kóriniste
🖼fayl ishinde oqıwshılardı,hátte sizdi de qızıqtırıwshı súwretli testler berilgen
6,7,8-klass(mámleketlik) jámi:60000

Qaraqalpaq tilim - qalqanım!

22 Jan 2025 17:31

Prezalagyzimge misal

Qaraqalpaq tilim - qalqanım!

22 Jan 2025 14:01

14- yanvar ga salemnama taqmaqlar barma

Qaraqalpaq tilim - qalqanım!

22 Jan 2025 10:46

Tawip berin'da iltimas

Qaraqalpaq tilim - qalqanım!

21 Jan 2025 19:27

Толғаныслар

Өтмишимди пүткил умытсам,
Бул ғой, мениң болғаным арсыз.
Өткен күннен жуўмақ шығарсам,
О, өтмишим, ядымда барсыз!

Кешеги күн - бүгинге тийкар,
Бүгинги күн - ертеңге үмит.
Олсыз мениң барлығым бийкар,
Келешек әрманым, мени күт.

Бул өмирди сүйип жасарда,
Мейли, болсын мың тәшўиш ағым,
Алып бар сен мени гүзарға,
Үйимнен басланған соқпағым.

Өтирик айтып несин алдайын,
Баз өмирлер - толғанбаған жыр.
Сизлерде билмедим, қандайын,
Мениң ушын гей бир адам - сыр.

Сондайлар бар, сөйлегенде,
Қулағым гүң болса деймен.
Сондайлар бар, сөйлегенде,
Гүңлер ҳәм тыңласа деймен.

Автор : Азат Даўышбаев

Qaraqalpaq tilim - qalqanım!

27 Jan 2025 16:11

To'lepbergen Qayipbergenovtin' elektron kitaplari barma.
Bolsa taslap berin'da iltimas

Qaraqalpaq tilim - qalqanım!

27 Jan 2025 13:52

Ассалаума алейкум, касиплеслер!

Тауыкларды гаргаганда "Келеске тап болгыр!" делинеди екен. Келес деген кандай манидеги соз деп ойлайсыз? Пикирлеринизди улессениз.

Qaraqalpaq tilim - qalqanım!

26 Jan 2025 19:33

Қара жорға намасында

Ҳөктем жигитлери ири,
Мәртлик ойынлардың бири,
Дүсирлеген ат дүбири,
Қара жорға намасында.

Бир көрип тыңласаң мәгар,
Тәниңде қан йошып ағар,
Қан сорпа боп тулпар шабар,
Қара жорға намасында.

Массагеттиң мен дәўранын,
Серлеп Алпамыс әўладын,
Көрдим Қырқ қыздың жәўланын,
Қара жорға намасында.

Гүмис саплы қамшы таўлап,
Келген жаўды аңдай аўлап,
Ерлер шабар сурдай ғаўлап,
Қара жорға намасында.

Шабандозлық мәртлик өнер,
Болса ол әсирге дөнер,
Кем - кемнен ҳәўижге минер,
Қара жорға намасында.

От лаўлатып шала көзлер,
Ғурыжланып қара көзлер,
Баратыр не "ала көзлер",
Қара жорға намасында.

Бәйги туўлап жүзлеп, мыңлап,
Суўлық тислеп, қан тасқынлап,
Атлар шабар бурқасынлап,
Қара жорға намасында.

Шабандозлар күши қайнап,
Топты жарып ылақ ойнап,
Ушқын шашар мийтин дойнақ,
Қара жорға намасында.

Тән, жаным батырлық күсер,
Жасап турса уллы ислер,
Еле талай әўлад өсер,
Қара жорға намасында.

Ҳөктем жигитлери ири,
Мәртлик ойынлардың бири,
Дүсирлейди ат дүбири,
Қара жорға намасында.

Автор : Азат Даўышбаев

Qaraqalpaq tilim - qalqanım!

26 Jan 2025 12:24

Ассалаума алейкум, устазлар!

Kirewke созинин маниси хаккында пикирлеринизди билдирсениз. Мысаллар болса жуда жаксы.

Алдыннан рахмет

Qaraqalpaq tilim - qalqanım!

26 Jan 2025 12:04

Ғәплет уйқысы

Кеўил сезимиңниң ушлы тыйығын,
Жаўҳар зейинлердиң өткир қыйығын,
Гөззал жүзиңдеги күлки мыйығын,
Урламақшы болар ғәплет уйқысы.

Саған шаршапсаң деп шийрин саз шалар,
Мәй ишкизип жумсақ дастықты салар,
Писетиңде не бар, барлығын алар,
Сум ялғаншы атлы ғәплет уйқысы.

Келсең кел деп турған сулыў нашардай,
Ақшам аппақ төсин саған ашардай,
Соң уйқлатып болып зәҳрин шашардай,
Сум шаян сыпатлы ғәплет уйқысы.

Наятый тезликти асырып жолда,
Кирпигиң айқасып, руль ойнап қолда,
Қус киби ушыртсаң машынды сонда,
Бир өмир апатлы ғәплет уйқысы.

Мәгар жатсаң шийрин түслер әкетип,
Әжеп тәўир елге саяхат етип,
Қайтып келер болсаң, өзгерип кетип,
Ақылың ҳайран қылған ғәплет уйқысы.

Ол буйыққан бәле, өли менен тең,
Пәрўайы - пәлектиң төли менен тең,
Қунарсыз жайлаўдың көли менен тең,
Балықсыз, қусларсыз, ғәплет уйқысы.

Бул қәтер бир уңғып жайлап жүректи,
Ғәлетий гөр етип соқыр көкиректи,
Баса бир тайдырып сеннен тиректи,
Омақазан урар ғәплет уйқысы.

Изей суўдай әсте астыңнан илип,
Баўрыңды жемирип, қанатпай тилип,
Соңра масайрайды үстиңнен күлип,
Жаўларға аўнатып ғәплет уйқысы.

Тумарис нөкерин ақсатқан да сол,
Яссонның досларын қақсатқан да сол,
Алпамысты орға таслатқан да сол,
Сум, мәккар, нәлетий ғәплет уйқысы.

Ол соныңдай "татлы", соныңдай "шийрин",
Қанша уйықласаң да, қанбайды мийриң,
Лекин бир жаманы, ол - асаў ийрим,
Аяғыңнан тартар ғәплет уйқысы.

Базда сен қуныққан марапат болар,
Жалған хошеметтен шарапат болар,
Соңра бир дүбилей арасат болар,
Көзди аштырмастай ғәплет уйқысы.

Сытыр еткен сестен қуслар үрккендей,
Бетлериңе муздай суўды бүрккендей,
Жан бүйирге найза шаншып түрткендей,
Қуўыў керек патлы ғәплет уйқысын.

Автор : Азат Даўышбаев

Qaraqalpaq tilim - qalqanım!

25 Jan 2025 19:38

Орысша жаргон сөз бирақ Партак емес Партағ шығар Партағ болса билмедим

Qaraqalpaq tilim - qalqanım!

25 Jan 2025 15:11

Күн темасына

Төртлик

Гүлли липас кийгизсең де маймылға,
Қуп жараспас, липас еңиреп кетеди.
Қымбат кийим киймедим деп қайғырма,
Ҳасыл минез кийимнен де өтеди.

💥💥💥

Қыл қаўған зейниңе мен зейин қостым,
Әшекөй кийинсе ақылы бостың,
Ол не болар мениң қәдирдан достым,
Бир шешилсе, қайтып "кийилмес постын?".

💥💥💥

Қырғаўыл, таўыста гөззал тәни бар,
Қубылған пәринде белли сәни бар,
Усқынсыз бүлбилде сән болмаса да,
Бирақ, сайраўында әлем мәни бар.

💥💥💥

Тәнниң салтанаты - көркем кийимдур,
Жанның салтанаты неге тийимдур?
Тән сазлап, пазыйлет жалаңаш қалса,
Әне, усы жағы, өте қыйындур.

Автор : Азат Даўышбаев

Qaraqalpaq tilim - qalqanım!

24 Jan 2025 08:44

Озбекстаннын гимнин бар болса таслап берин илтимас

Qaraqalpaq tilim - qalqanım!

24 Jan 2025 03:01

Төлепберген Қайыпбергенов
Түсиниксизлер
Роман
Атыздағы егини сарғайыўға келген дийқанлар жуўырысып келип Рузматтың қолын тутты, ол байға қарады. Бай ат үстинен үшеўин де қамшылады. Дийқанлар атызларының қулағын бирден байлатқанынан көре оның қамшысын абзал көрип алдында арман-берман жуўырысты. Усының үстине Ерназар жетип, байдың арт бетинен келип қамшылы қолын тутты.
Кеўли өскен бай оны да урыўға мейилленип, қамшысын көтере бергени, Ерназар оның өзи тәрепиндеги аяғын көтерип жиберди, бай аржағына - суўы толы салмаға самбыр етип жығылды. Қасында Рузмат, ери аўған байталы, ийти - Басар қалды.
Ерназар Хийўаға кетер алдында, анасы менен келиншегиниң еккен еки қыйтақ жүўерисин өз көзи менен көрип, шөллесе суўғарып келиўге келген еди. Еле суў талап етпейди екен. Алдынғы еки дийқанға ҳеш кимнен қорықпай егинлерин суўғара бериўин, байдан және жаманлық шықса, изинен келип айтыўын ескертип, туўры үйине қайтты.
Есигиниң алдында улы Хожаназардың қолларынан услап "ғайың-ғайың гүбелек" ойнатып атырған Гүлзийбаны көзи шалды да, тула беденин бийлеп киятырған ашыўы бирден басылды. Қыздың да оған көзи түсип, гилт тоқтағаны сол, бала қолынан шығып кетти де, сүйретиле жығылды.
Ыңырсып атырған баланы көтерип алыў екеўиниң де есине келмей, бир нешше демге қалша қарасты.
Бала әстен түргелип Гүлзийбаның етегине жармасты. Ерназар қалтасынан нағыслы орамал шығарып бетин сыпырды. Буған өзлери түсинип үнсиз мыйық тартып күлисти де, баланың басынан екеўи де тең сыйпап сәлемлести.
- Гүлзийба, орамалың ушын рахмет. Жағдайларың қалай?
- Өзиңиздиң саламатлығыңызды айтың?
- Хийўаға нөкерликке кетиў нийетим бар.
- Балаларыңыз, анаңыз, адамлар және сағынып қалмай ма?
- Сен Хожекени жақсы көресең бе?
- Өзиңиз ше?
- Жанымдай.
- Мениң де.
Ерназар үнсиз ойланып қалды.
Ылашықта дем алып жатырған Қумар аналық олардың сөйлесигин еситип, жағасын услаў менен өзиниң тирилигинен белги бермеўге тырысып бақты. Рабийби үлкен үйде отты алыстыра алмай атыр еди, ҳештеңе еситпеди.
Ерназардың ойға шүмгенине қарап, Гүлзийба надурыс сөйледим бе деп сескенгенинен қапталындағы ылашыққа кирип кетиў ушын еки адым атып барып, және изине айналды:
- Ерназар аға, сизден сорайжақ үш сораўым бар еди.
- Сора.
- Ең қыйын жол қайсы жол?
- Ең қыйын жол - өзи билмеген жол.
- Опасыздың дослығын не менен теңгерсе болады?
- Опасыздың дослығы музға жазылған хат.
- Ерназар аға, қандай адамды жек көресиз?
- Түтиннен қорыққан отжағарды жек көремен, шықылдыны жақтырмаған темиршини жек көремен. Енди өзиңе бир сораў. Ақыллы қалай ақыллы болады?
- Ақыллы көп ақылсызларынан соң ақыллы болса керек.
Ерназар қызға таң қалды: "Былтыр жүдә жас еди, әдеўир-ақ ержетипти. Маған бир жола Сержанбайдың хызметкери Рузмат та сөзге дилўар көринип еди, дилўарлық бул қызға да аўысыпты. Өз перзенти болмаған соң сорлы бай өмиринше билген даналықларын жас хызметкерлерине үйрететуғын болса керек. Бәлким, Теңел жүдә ақыллы атқосшы болып ержетер".
Қыз Ерназар менен болғаны ушын кеўлине алып жүрген бас сырын бирден ашты.
- Ерназар аға, мениң әкем оқтан ушып өлип атырғанда басында болғансыз деп еситтим. Ол бахытсыз болып өлди ме?
- Анық айта алмайман. Бирақ, ҳақыйқатлықты бүркеп өлген болса, бахытсыз.
- Мен тек ҳақыйқатлыққа жасайман, Ерназар аға. Теңел де сөйтеди. Сонда бахытлы боламыз ғой-ә? Неге ойландыңыз? Сиз қалай өмир сүр десеңиз солай өмир сүргим келеди.
Ерназар оған жуўап берип үлгермей-ақ, кишкене бөпесин көтерген Рабийби көринди.
- Гүлзийба, бир қабақ суў әкел!
Қыз тил қатпай ылашыққа сүңгип кирип, қабақ арқалап шықты да, Ерназарға айрықша ысық ҳәм нәмәлимлеў шақырық нәзер таслады. Ерназар баласының басынан сыйпалаўы менен оның изинен қарап қалды: "Қандай ақыллы, қандай сулыў. Үстиндеги сонша жупыны кийимлери менен-ақ не деген гөззал. Үзик-үзик қара булт арасынан жылтылдаған ай киби. Байдың қызы болып жасанармеди? Пүткил Хорезмниң жигитлери жолында тентене болып теңселер еди... Ўақ-әй, жас өтип баратыр. Неге? Меннен жасы еки есе үлкен байлар қыз алып атыр. Анама берген сертим болмаса...
(Даўамы бар)
Канал: t.me/BaxitliSaribaev
24. 01

Qaraqalpaq tilim - qalqanım!

23 Jan 2025 04:40

Еки аққуўдың өлими

Аспан төңкерилип жерге түскендей,
Көп - көмбек мөлдир көл айдынларында,
Муҳаббат суўына шомылып теңдей,
Жуп аққуў таранып, жүзип турғанда.

Бийазар ышқының тымсалы яңлы,
Не деген гөззаллық шашырап оянған!
Қанатлы жуп әрман, мысалы таңғы,
Аппақ сәўле киби нурын таратқан...

Аққуўлар, арыў қус салланып әсте,
Көл үстинде жүзген әтир гүл түсте,
Мойнын үйкелесип көрисер еди,
Заўықланып олар ҳәр бир нәпесте.

Ашықлық руўҳында бир тегис назлы,
Көл төсин аймалап, сыңсып жүзгенде,
Ҳаўазы еслетер еди муң сазды,
Сер салып наласын еситкениңде.

Тап усы тақлетте бир неше күнде,
Ләззетленип, ҳәз етип олар жүзгенде,
Ашық аспан, мәрўарийд жулдызлы түнде,
Ашықлар қосласып дәўран сүргенде.

Қүнлердиң күнинде қопа қамыстан,
Мийримсиз бир мерген қоша мылтығын,
Асынып, көл таман келди алыстан,
Жин көзленип, қуўға қарап ынтығып.

Келди ол жақынлап, силтидей тынып,
Сүңгип кетип қалың қамыс ишине,
Мылтықтың бир қарыс тек ушы шығып,
Тарс етип оқ көшти, минип күшине.

Сонда үрип ушқан әжелдиң оғы,
Туўра келип қустың төсине кирди,
Қан сорғалап, әттең, көлдиң үстинде,
Ақ ыйығын силкип, сылқ етип өлди.

Ессиз, сөйтип, көлге ақ қус қан берди,
Қус емес, бир гөззал әрман жан берди,
Ал, жаўыз сол аңшы мардыйып сонда,
Масайрап өзине - өзи тән берди.

Әл ҳаўадан оралып жеке қайтқанда,
Оқтан аман қалған қуўдың жубайы,
Сәўгилисиз сол күн атқан бир таңда,
Сүйген ярын жойтып, сыңсып жылайды.

Жылады, жылады, аққуў жылады,
Көзинен жас емес, қанын булады,
Ишпей, жемей дәртин ишине жутып,
Ол да суў үстинде әсте қулады.

Ал енди, аңшының ҳалына қайтсақ,
Бир күни түсинде арыў ҳаялы,
Жаралы қуў болып жүргенин айтсақ,
Демеңиз, шайырдың бул қам қыялы.

Көп узамай аңшының сүйикли яры,
Төсек тартып наўқас болып жатқанда,
Түсине жан берген қуслардың бәри,
Енип шығып, ол да шоршынды таңда...

Гөззаллық әлемин сезинбегенге,
Қуў түўе бир тийин қуралай көрки.
Айралық дәртинде езилмегенге,
Кәр етпес биреўдиң ҳижранлы өрти.

Ўа, ҳәсиретли қуўлар, өлсең де, мықлы,
Руўҳыңызды бирге байлап кеттиңиз,
Уллы муҳаббатты, шын садықлықты,
Сизлер жүрегиме жайлап кеттиңиз.

Автор : Азат Даўышбаев

Qaraqalpaq tilim - qalqanım!

22 Jan 2025 18:56

Фразеологизм болады.

Frazeologizm

Qaraqalpaq tilim - qalqanım!

22 Jan 2025 16:37

Там басына тары жайдым.
Жулдыз.
Әкеси аўзын ашып тур,баласы теўип қашып тур.
Кели ҳәм келсап.
Жер астында темир қазық.
Гешир

Qaraqalpaq tilim - qalqanım!

22 Jan 2025 11:17

SÁLEMNAMA


Assalawma aleykum  zamanlaslarım.
Jası ullılar jası qatar doslarım.
Hár  birińizge tereń den sawlıq tilep.
Sizlerge men sálemimdi jolladım.

Assalam  báhárim báhár ayyamı.
Tábiyat oyanıp elim jaynadı.
Dalalarda esip  sáwir  samalı.
Ushıp kelgen quslar nama saladı.

Assalam ádalatlı jyuri  quramı.
Uranıńız  ádil  bolıw  mudamı.
Bilimli zeyinli hám epshil  bolıw.
Degen sózimiz oqıwshılar uranı.

Assalamnan  baslanar  sázimniń  bası.
Sálem beriw insannıń hasıl aynası..
Aldı menen sálemim siz ázizlerge
Xosh kelipsiz búgin bizdi kórmege.

Assalam demeklik awel  basınan.
Payǵambar súnneti insanǵa húrmet.
Doslar jańa  ásir  bosaǵasında.
Diydar kórisiwdiń ózi ǵániymet.

Bizlerdi  maqtap marapatlap.
Xoshametlep qol shappatlap.
Kim utar eken dep otırǵan qarap.
Tamashagóylerge sálem assalam.

Ustazlarǵa mıń raxmet.
Oqıń jazıń biliń dep.
Násiyatlar bildirgen.
Ustazlarǵa sálem assalam.

Qırıq qızdıń ǵumsha baǵınan.
Batır Ernazardıń ósken  jaǵınan.
Ájiniyaz Berdaxtıń xosh hawazınan
Bellesiwshi jaslarǵa sálem assalam.

Neshshe ullı insanlar oqıǵan jurtımda.
Bilim kásip sırların úyrengen mákan.
Ulamalar tilewxana meshitim.
Bas iyemen metebime sálem assalam.

Ámiwdárya jaǵasınan
Gózzal Nókis  qalasınan.
____  klass  atınan.
Bársheńizge salam assalam.

Klasımız haqqında aytıp ótsem men.
Eń  aldı klaslardıń biri bolamız.
Bilimli ónerli hámde sporttan.
Bárha alda bolıw uranımız.

Mektebim altın dárgay sarayım.
Klasımız maqtanıshım sarayım.
Kamalat bul jaslar tayanıshı.
Mende tayanısh bolıp xızmet qılayın.

Assalawma aleykum dep sóz  baslayın.
Jaqsı  sózler  aytıp kewil xoshlayın.
Ruxsat  berseńiz áziz miymanlar.
Topar menen  tanıstırıp  baslayın.

Nókis  jasları  bizler  bolamız
___- mektepte  tálim alamız.
Toparımızdıń atın siz  sorasańız.
............. toparı bizler bolamız.

Qaraqalpaq tilim - qalqanım!

22 Jan 2025 10:46

8-martqa salemnama qosiq qatarlarimen ozin tanistiriw

Qaraqalpaq tilim - qalqanım!

21 Jan 2025 17:00

Тий десем тиймейди
Тийме десем тийеди .....
жуўап (ерин)
Қара сыйырым қарап тур
қызыл сыйырым жалап тур .....
(қазан ҳәм жалын-от)