Telegram-канал qara_qalpaq_tili - Qaraqalpaq tilim - qalqanım!: Unsorted

Qaraqalpaq tilim - qalqanım!

11 Nov 2024 11:20

Ассалаума алейкум. Г. Даулетованын Ана Тил хаккында косыгы бар болса таслап Бере аласызба?

Qaraqalpaq tilim - qalqanım!

09 Nov 2024 15:45

Керекли қатарлар

Келдиң бе, әрманлы пәний дүньяға,
Азы кем дос тапқан жүдә ақылдур,
Гил ақмақ, күйдирги, самсаздан гөре,
Бул ҳалда тек жалғыз қалған мақулдур.

💥💥💥

Жалғыз қалыўыңда түрли себеп бар :
Бири елге жақпай шайтанды таныў,
Бири бул дүньядан болғанлар бийзар,
Бири дана болып шынлықта жаныў.

💥💥💥

Таяр тур, ҳәр неде ҳақлықты айтсаң,
Дослар тым - тырақай қашар жаныңнан,
Мәгар сен қолаңсып боқлықты айтсаң,
Көк шыбын нәр алар өлсең қаныңнан.

💥💥💥

Ҳеш ким сени тыңламаған жағдайда,
Сөзден тыйыл, үнсиз бол, өзиңе бақ,
Оңайлықта бола бермес дүньяда,
Ҳәмме жанлар мийўеси мол бир дарақ.

💥💥💥

Мәйли болсын, ҳинжи, мәржан я алмаз,
Ҳақтан өтип кимлер болады төре,
Дүньяны ҳеш кимсе өзгерте алмас,
Дүнья турар, сана болар әўере.

💥💥💥

Журт өсегин отқа аттым,
Жанды - сөнди самтықтай,
Түк пушайман жеместен дым,
Турдым зинҳар қамсықпай.

💥💥💥

Жасамақ дым мүшкил емес,
Биз қыламыз машақат,
Мәплер - дағыс, теке тирес,
Жанда терең жарақат.

💥💥💥

Түк пайда жоқ, жалтыр - жултыр сөзлерден,
Өзгертпесе бир адамның өмирин,
Аңшы мудам ет ғамында гөзлеген,
Жанан мысал қуралайдың өңирин.

💥💥💥

Ерли - зайып сүйер болса бир - бирин,
Сыры болсын жулдыз сыйған аспандай,
Жуўып - шайып турмаса кеўил кирин,
Турмыс болар келиспеген дәстандай.

💥💥💥

Ақшам тән қарысып, жан қарыспаса,
Бул ышқы ма, муҳаббат па, не өзи ?
Тайсалаған сол нәмәрттиң көп аса,
"Сүйдим, күйдим, өлдим" деген не сөзи?

💥💥💥

Ғайры елде қыйнар отлы сағыныш,
Туўған жериң мисли жипсиз бағыныш.
Мен Ўатанда жүрип оны сағындым,
Болсадағы өмирде мың қағыныс.

Автор : Азат Даўышбаев