Qaraqalpaq tilim - qalqanım!

01 Nov 2024 15:40

Денсаўлық

Өмир жолда шалқып дәўран сүриўим,
Ҳағлап - шағлап қәдем атып жүриўим,
Ҳәрне кеўил түңликлерин түриўим,
Тек бир сениң барлығыңда, денсаўлық.

Дәрт шарабын ишкен ҳалым болып жер,
Мүшкил демде жүрек - баўрым тилинер,
Бир тисим сызласа қәдириң билинер,
Басқа жағын айтпағанда, денсаўлық.

Қәлбиңдеги гәўҳар гүлиң солғанда,
Шытнап турған сабыр кесең толғанда,
Қурбанлыққа кеткен малдай болғанда,
Шын баҳаңды билермен - аў, денсаўлық.

Шырт уйқыда көрген түлки түсиндей,
Көплер сени жүргенде ҳеш түсинбей,
Сен соларға ермек болған кисидей,
Шетте қалып муңаясаң, денсаўлық.

Аласапыран турмыс ғалма - ғалында,
Ийт тартқан туўлақтай сениң ҳалың да,
Ойнақлаған бузаў киби базында,
Қәдириңе жетпеймиз - аў, денсаўлық.

Базда қыйын - қыстаў, аўыр демлерде,
Үй ишиниң бахтын ойлап жүргенде,
Көп наятый гүреслерге киргенде,
Сени қатты қыйнайман - аў, денсаўлық.

"Қаратаўды" симиргенде ойламай,
Майлы жилик кемиргенде ойламай,
Мазам қашып ыңыранғанда ўай - ўайлай,
Сени жойтып жүремен - аў, денсаўлық.

Қыянетлер жуп көзге түсирсе шөп,
Тилсиз, үнсиз балықлардай жаўың көп,
Орны келсе айтар арыз - даўың көп,
Шыпакерге барғанымда, денсаўлық.

Бес күн өмир аўыр жолға қаратып,
Тумлы - тустан сырлы жумбақ жаратып,
Соң үстиңнен турмыс тасын боратып,
Батпан - батпан соққы берер, денсаўлық.

Егер, шынтлап уша кетсең, үркип, сен,
Далбай былғап шақырсам да келмейсең,
Бурынғыдай жетекке дым ермейсең,
Меннен кеўлиң бир суўыса, денсаўлық.

Шоқ балалық ай, жулдызға баслардай,
Есер жаслық таў қопарып таслардай,
Уллы қартлық қар жамылған асқардай,
Тәнҳә сениң барлығыңда, денсаўлық.

Ўа, жарықлық, обалыңа не керек?!
Сырқаслансам, сенсиз дүнья бир пәлек,
Шын, ҳақыйқый байлығымсаң өзиң тек,
Ҳақ жаратып бере қойған, денсаўлық.

Автор : Азат Даўышбаев

Qaraqalpaq tilim - qalqanım!

01 Nov 2024 15:39

Ótken jılǵı 1-Dekabr sánesin kór kanaldaǵı kóp ,

Qaraqalpaq tilim - qalqanım!

01 Nov 2024 05:15

Magan til haqqinda naqillar kerek edi

Qaraqalpaq tilim - qalqanım!

01 Nov 2024 04:15

Қазақшадағы бағдаршам не дегени

Qaraqalpaq tilim - qalqanım!

31 Oct 2024 16:44

Ата - ана - перзентлердиң дәўлети

Мәгар келсе айралықтың нәўбети,
Жетимликтиң нендей болар әўмети,
Жанын тигип зыр жуўырған Жаббарға,
Ата - ана - перзентлердиң дәўлети.

Татыўлықта ҳүрмет әйлеп зербарақ,
Ким тикейтсе ең бахытлы шаңарақ,
Сол иргеде ата - ана, ул - қызлар,
Мийўеси мол, сырғып турған зор дарақ.

Ҳасыл үйдиң шамшырағын жаққанда,
Қәдир - қымбат өлшенбейди батпанға,
Я мысқалға тартылмайды ығбалы,
Я алмаспас оны ҳеш бир алтынға.

Ҳәр бахытлы шаңарақ зер қуяштай,
Бахытсыз үй түнек аспан бир тастай,
Қәстерлеген ата менен енени,
Әрманына жол табады адаспай.

Бирақ, теңдей болмас ата - аналар,
Бири дана, бири надан саналар,
Буны, ҳәтте, толайым журт ишинде,
Көрип билген перзенти де тән алар.

Дүзиў ата - ана - урпақ айнасы,
Үй ишиниң көрер көзи ҳәм қасы,
Әке - шеше я перзенттиң дағынан,
Төгилмегей ҳеш бир жанның көз жасы.

Автор : Азат Даўышбаев

Qaraqalpaq tilim - qalqanım!

30 Oct 2024 19:57

Almasıqtıń túri de kóp degenim

Qaraqalpaq tilim - qalqanım!

30 Oct 2024 19:53

ЛОР деген негизи отоларинголог деген. Екеўи бир.

Qaraqalpaq tilim - qalqanım!

30 Oct 2024 19:49

Lor qulaq tamaq murın bárin qamtıydı,

Qaraqalpaq tilim - qalqanım!

30 Oct 2024 18:54

Qashan? Qayda qayerde qalay qansha qáytip?

Qaraqalpaq tilim - qalqanım!

30 Oct 2024 16:02

Лор қулақ мурын шыпакери

Qaraqalpaq tilim - qalqanım!

30 Oct 2024 08:27

Qarakeńniń eki adamınıń birewi lap dep edi ,ras-aw sol ,

Qaraqalpaq tilim - qalqanım!

29 Oct 2024 21:23

Сиз курамаяк коин баскалар кураса да.Сизден баска мин адам кирип отир телеграмга

Qaraqalpaq tilim - qalqanım!

29 Oct 2024 13:48

Педиатр - балалар шып

Qaraqalpaq tilim - qalqanım!

29 Oct 2024 13:46

Оталаринголог - кулак, тамак, мурын

Qaraqalpaq tilim - qalqanım!

29 Oct 2024 12:41

nıǵızlıǵı degen de bar

Qaraqalpaq tilim - qalqanım!

01 Nov 2024 15:40

Қарақалпағымның гөззал қызлары

Қарақалпағымның гөззал қызлары,
Ләйли, Зухралардан кем емес бәри,
Тап өзиндей сулыў бахты, ығбалы,
Қарақалпағымның гөззал қызлары.

Миллий кийим кийсе, қандай жарасар,
Жилўасына көкте жулдыз таласар,
Мәгар ийбе қылса назы қыр асар,
Қарақалпағымның арыў қызлары.

Сәнли атларының өзи бир дүнья,
Жалт еткен жулдыздай көзи бир дүнья,
Сөйлесе тилинде бардай мәргия,
Қарақалпағымның арыў қызлары.

Бири ҳүр Айымхан, бири Гүлайым,
Бири гүл Арыўхан, бири Қаншайым,
Ашықларды өртер назы күн сайын,
Қарақалпағымның айдай қызлары.

Таўыстай таранып шықса Гүлсәнем,
Аўзын ләң ашысып қалады әлем,
Имләсына қымбат шекилмиш қәлем,
Қарекеңниң сондай гөззал қызлары.

Ораза айында туўған Оразгүл,
Бәс байласа алмас оған бираз гүл,
Жүз бурып кеткендей шәменнен бүлбил,
Қарекеңде көпдур перий қызлары.

Ай десе, Айымхан, минсиз Минайхан,
Айдан да келбетли тең - тайсыз Айхан,
Жер жүзинде бар ма, сондайын жанан?
Бәршеси елимниң шоқ жулдызлары.

Гүллердиң сарасы зердей Сарыгүл,
Мың дәртлерге дәрман мисли Дәригүл,
Аның жүрип өткен жери бәри гүл,
Көрген жигитлердиң аўар аңсары.

Қәлем қасы қыйғаш, көзлери сүзик,
Сүйрик бармағында перўза жүзик,
Мудам жасар сәнли салтанат дүзип,
Қарақалпағымның гөззал қызлары.

Елде Ғумшалар көп сулыў Дилбардай,
Ҳәр биринде шексиз беккем сыр бардай,
Мәгар қыя бақса жанды алардай,
Қарақалпағымның арыў қызлары.

Гәпти астар менен бежерсе Зерхан,
Тубалап қалады ҳәр қандай шер, хан,
Өйткени, тәнинде дилўарлықтан қан,
Толып - тасып ағар буннан да ары.

Бир сүўретши тахтқа мингизип қойып,
Зер сүўретин салса көркине тойып,
Бул не деген қүдирет, теңсиз әжайып!
Деп, ығысар еди туристтиң бәри.

Қустай қыялланса базда Айшолпан,
Таңда көзи қыймай батыўға шолпан,
Ақшам усы жерден излейди мудам,
Қарекеңниң ҳүрдей арыў қызларын.

Сайланды гүллердиң нары Гүлнара,
Ақыллы сөз айтса шақмақтай дара,
Мен деген жигитлер еталмас шара,
Олар бизиң елдиң алғыр базлары.

Бийликли Бийбиназ, серли Сәрбиназ,
Қырқ түйени мерткен қыздың бәри наз,
Арын қорғай билсең, кеўли бәҳәр, жаз,
Бизиң елдиң аппақ намыс қызлары.

Журтымда жасайды ҳүрдей Ҳүрлиха,
Арзыў - әрманлары шыңларда, бәрҳә,
Ҳеш бир жерде жоқдур тек бизде, тәнҳә,
Батыр Тумаристиң алптай қызлары.

Кеўил суўы сайдан тынық Арзайым,
Күндей күлсе бәрше минсиз Минайым,
Мисли жәннет етер отырған жайын,
Қарақалпағымның дана қызлары.

Қуллас, дүркин - дүркин ҳасыл қыз бала,
Олар халық ишинде ертеңги Ана,
Миллет мақтанышы, бәри дүрдана,
Қарақалпағымның гөззал қызлары.

Автор : Азат Даўышбаев

Qaraqalpaq tilim - qalqanım!

01 Nov 2024 05:45

Аталар сөзи – ақылдың көзи.
Аңламай сөйлеген,
Аўырмай өлер.
Таяқ еттен өтеди,
Сөз сүйектен өтеди.
Бир күни питип жазылар,
Дарыған тыйық жарасы.
Тил жарасы өмириңше,
Ядыңнан шықпас ызасы.
Мәнисли сөз баҳалы,
Өзи қысқа, өзи жуп.
Сөз мәнисин билмеген,
Сөзди өзине келтирер.
Гүл мәнисин билмеген.
Шақасына зил келтирер.
Тил ушы менен сөйлеме,
Өзиңе азар сөз келер.
Жыллы-жыллы сөйлесең,
Жылан инине киреди.
«Жақсы-жақсы» дерсең,
Исиң түссе билерсең.
Жигиттиң серли болғаны,
Ғабырыспай жүрсе жолынан.
Көринип бәле келмейди,
Бәлениң бәри тилиңнен.
Мал шақынан,
Адам тилинен.
Сөзиңди биреў сөйлесе,
Аўзың қызып бара ма?
Отыз тистен шыққан сөз,
Отыз урыўлы елге жайылады.
Елдиң аўзын жаппаға,
Елли ғары бөз керек.
Көп не демейди,
Бөри сабан жемейди.
Көп сөз қуранға жүк.
Дым билмесең үндеме.
Сөзиңди сөйле абайлап,
Сөзден туўар ашшылық.
Қайыр қылсаң биреўге,
Күсесең күт жақсылық.
Оқ жарасы питер,
Сөз жарасы питпес.
Айтыўшы ақыл болса,
Тыңлаўшы дана.
Жақсы сөзге жан семиреди,
Жаман сөзге жан секиреди.
Дәлийлсиз сөз ескен жел.
Шойын аралас сатылмас,
Қалайыланған жез қуман.
Бир бәлеге тап болар,
Жүйесин таппай сөз қуўған.
Жақсы сөз – жарым ырыс.
Буўдай наның болмаса,
Буўдай сөзиң жоқ па еди.
Билген таўып айтады,
Билмеген қаўып айтады.
Жаңылмас жақ болмас.
Сүринбес туяқ болмас.
Исин ҳақ болса,
Көпшилик саған жақ болады.
Адамның жүзине қарама,
Сөзине қара.
Әңгиме сүймеген,
Дигирман қурады.
Қонақ сүймеген,
Баласын урады.
Нақылды бир айтпаса,
Ақылсыз айтпайды.
Ақыллы адам әңгимесин,
Нақылсыз айтпайды.
Жоқары кеўилге қысқа қол жетпейди.
Ашыўлы адамның сөзи ашшы.
Сөз сөзден шығады,
Сөйлемесең неден шығады?
Сөз жанның дәрманы.
Ҳақ жолды тап та айрылма,
Ҳақлық қалар мәңгиге.
Батыр бир раўаж алса да,
Турақлай алмас соңғыға.
Бересиге бесеў көп,
Аласыға алтаў аз.
Ақылсыз ақмақ ладанға,
Алтын сөздиң парқы аз.
Жақсының барсаң қасына,
«Бери кел» деп шақырар,
Жаманның барсаң қасына,
Аш жолбарыстай ақырар.
Жаманнан қаш,
Жақсыға жантас.
Батыр болар кисини,
Мүшесинен танырсаң.
Адам болар адамды,
Пешесинен танырсаң.
Орынлы жерде түйе шөгеди,
Орынсыз сөйлегенди ҳәрким сөгеди.
Көргенсиз перзент,
Атасына сөз келтирер,
Ашыўлы адамның өзи аз болса да,
Ыза-кеги артында болады.
Атаның салған жолы бар,
Шешениң айтқан сөзи бар.
Алдыңғы арба қайдан жүрсе,
Соңғы арба да соннан жүреди.
Билген билгенин ислер,
Билмеген бармағын тислер.
Жақсыға айтсаң бир гәпти,
Алдыңа басын ийеди.
Жаманға бир ис тапсырсаң,
Питкенше ишиң күйеди.
Жақсыға барып жалынсаң,
Гүнайыңды кешеди.
Шын полатты жанысаң,
Силтеген жерден кеседи.
Ақыллыға гәп айтсаң,
Көп кешикпей питеди.
Ақмаққа айтқан әңгимең,
Суў түбине кетеди.
Адамның парқын билмесең,
Сөйлетип көр, сынап көр.
Парқы сонда билинер,
Сөзине қарап баҳа бер.
Тынышлық қандай суўда көр,
Шайпала берсе, былғанар,
Былғанса кетер қәдири,
Ақыллы буған ойланар.
Бөдене болса яғ болсын,
Көргенниң бағры дағ болсын.
Шешенликтен пайда жоқ,
Маңлайда еки ели бағ болсын.
Сөз жүйесин тапса,
Мал ийесин табады.
Гәп ебин тапса,
Мал жибин табады.
Көп сөздин азы жақсы,
Аз сөздиң де сазы жақсы.
Айтыста атаңды жық,
Мингесте үйине қайт.
Шийрин-шекер сөйлемекти,
Таңлайда тил келтирер.
Сол сөзлердиң намасын,
Бес бармақлы қол келтирер.
Нәмәртке аманат қоссаң,
«Ким билип атыр» деп,
Көбисин жеп келтирер.
Тил – айғақ тис – гуўа.
Аз айтқан менен қойылмайды,
Көп айтқан менен суйылмайды.
Тиллер батыл болар шешен болмаса,
Жоллар батыл болар кәрўан болмаса,
Қызлар батыл болар сәрдар болмаса.
Аз сөз алтын,
Көп сөз көмир.
Өнер алды қызыл тил.
Сөз анасы қулақ.
Суў сағасы булақ.
Ойлап сөйлесең де,
Оңлап сөйле.
Жақсы сөз жан сүйсиндиреди.
Сөздиң көрки – мақал.
Ақылдан артық байлық жоқ.
Бүгинги сөз, ертеңги гәптиң дастығы.
Жел жетпеген жерлерге жеткен кеўлим,
Оқ өтпеген таслардан өткен кеўлим.
Сүйдиретуғын да тил,
Күйдиретуғын да тил.
Тил қылыштан кескир.
Пил көтермегенди,
Тил көтереди.
Тилге тис қала.
Кезге қас қала.
Еп пенен сөйлегенниң аўзы аўырмайды.
Нағыз шайыр атанды терер.
Қосық алтын – сөз гүмис.
Ақыллының сөзи қысқа,
Айтағойса болар нусқа.
Гүресте әлип жеңеди,
Даўласса шешен жеңеди.

Qaraqalpaq tilim - qalqanım!

01 Nov 2024 04:54

Уғым - түсиник. Күрдели қыстаўлы, айрықша, әҳмийетли.

Qaraqalpaq tilim - qalqanım!

31 Oct 2024 21:41

📣📌 ДЫҚҚАТ!!! ДЫҚҚАТ🥳🥳 Сизлерди Россия алымлары тәрепинен ислеп шығарылған "РОФЭС"   аппаратына тусиўге мирәт етемиз.

🔬🖥 Аппарат психоэмоционаллық  жағдайларды анықлайды: 🤩🤩
   🩻🩻🩻🩻                    
✅ Бас мий 🩺
✅ Стресс 🩺
✅ Нерв тамырлары 🩺
✅ Өкпе 🩺
✅ Баўыр   🩺                               
✅ Жуўан ишек 🩺
✅ Куўык 🩺
✅ Простата🩺
✅Буйрек үсти бези 🩺
✅ Жүрек системасы 🩺
✅ Тамак хам өкпе🩺 жоллары кеселликлери
✅ Зоб кеселликлери 🩺
✅ Грижа🩺
✅ Аяз қайсы органда ҳәм неше %🩺
✅Асказан 🩺
✅ Асказан асты бези 🩺
✅Омыртқаның барлық түрлери   🩺
✅ Сидик жолы кеселликлери🩺
✅Азыў ҳәм семириў жоллары 🩺
✅ Өт қалта таслары.🩺
✅ Қурт ҳәм оның түрлери🩺
✅ Тери кеселликлери🩺
✅ Иммунитет🩺
🩻 АППАРАТ ТОЛЫҚ ЛАБОРАТОРИЯ АНАЛИЗИ МЕНЕН БИРГЕ ИНСАННЫҢ 12 МУШЕСИН 1 САГАТ ИШИНДЕ ТОЛЫҚ ТЕКСЕРИЎДЕН ӨТКЕРЕДИ ШЫПАКЕР ТАРЕПИНЕН ОКЫП ЕМЛЕУ УСЫЛЫ БЕРИЛЕДИ ☝️☝️

Улыўмалык бахасы: .
200 000 мың сум💸💸💸
Детский 150 мын
💥💥Манзил 🏥 НОКИС каласы хам ШЫМБАЙ районында жумыс алып барамыз

📌1 КУН АЛДЫН НАУБЕТКЕ ЖАЗЫЛЫҢ
        
Толық мағлыўмат ушын:
🧑‍⚕️Дилбар Тел: ☎️998998868028 😊

Qaraqalpaq tilim - qalqanım!

31 Oct 2024 16:44

Дәртиңди ҳәр кимге әйлеме баян

Дәртиңди ҳәр кимге әйлеме баян,
Ким сени өзиңдей түсине алған,
Аҳыңның зердеси өзиңе аян,
Бәри зор деп жасаў... жоқ, бул сөз жалған.

Өзиңди бийдәрттей көрсет көзаба,
Душпанлар өртенсин ишлери күйип,
Аңлаған аңлайды ымды өз ара,
Аңбаған хор болар қабағын үйип.

Билемен, бул ҳалды айтыўға аңсат,
Сезилер, ишиңде гириянның бары,
Мысалы қымбат ал, ийт мутыға сат,
Қыйғыңның ҳеш қашан болмас қардары.

Ҳаслы бәд жөнленер десе, исенбе,
Исенгиш пәнт жеўден тезек тереди,
Турса да нәлетлер ҳәр не кисенде,
Азыўлы азыўын қайрай береди.

Әўели, өзиңди сыйла, бирадар,
Дос излеў саўдасын қәлбиңнен басла,
Өзиң хош көрмеген затқа қарыйдар,
Ким болар?! Ҳеш кимсе хош көрмес ҳасла.

Ойлап көр, өмирдиң қай дәртке еми,
Бийгүрес, сылбырлы, олпаң жүргениң,
Бир душпан, бир достың болмаса кеми,
Бийкардур, дүньяда дәўран сүргениң.

Дәртиңди ҳәр кимге әйлеме баян,
Кимсеге убыжық, кимге сен гөззал,
Тәғдир көрсеткенде недәўир зыян,
Кимсеге жоқ болып кеткениң абзал.

Бирақ сен, кимгедур керексең, ҳаслан,
Сен ҳәм өмир атлы дәрья тамшысы,
Ҳаққа керек емес болыўдан сақлан,
Мың тилип турса да тәғдир қамшысы.

Автор : Азат Даўышбаев

Qaraqalpaq tilim - qalqanım!

30 Oct 2024 19:54

Түрине қарай. Бул сораўдың өзи қәте

Qaraqalpaq tilim - qalqanım!

30 Oct 2024 19:51

Kitapta kóp edi kitap joq pa?Apiwayı sorawlar degenim soray ber raxmet kitaptan kórseń tez yadıńda qaladı ,degenim

Qaraqalpaq tilim - qalqanım!

30 Oct 2024 18:58

Almasiqtin sorawi qanday

Qaraqalpaq tilim - qalqanım!

30 Oct 2024 18:49

Assalawma aleykumler.Rawishtin sorawin bilesizbe

Qaraqalpaq tilim - qalqanım!

30 Oct 2024 08:30

Okulist -kózemlew shıpakeri
Kardiolog-júrekqantamır keselligi shıpaker
Lor-qulaq tamaq shıpakeri

Qaraqalpaq tilim - qalqanım!

30 Oct 2024 05:50

Bárin bir jazıp izine ne ekenin bilmeymen dep gáp qurap jiber

Qaraqalpaq tilim - qalqanım!

29 Oct 2024 21:21

Ертең қурасақ болмай ма ?
Дым кеш болып кетпеди ме ?

Qaraqalpaq tilim - qalqanım!

29 Oct 2024 13:47

Терапевт - ишки органлар

Qaraqalpaq tilim - qalqanım!

29 Oct 2024 13:42

Бүйрек - Нефролог
Көз - окулист
Қулақ - лор
Өкпе - фтизиатор
Жүрек - кардиолог
Тис - стоматолог

Қалғанларын анық билмей турман.

Qaraqalpaq tilim - qalqanım!

29 Oct 2024 12:29

"Zichligi" degendi qq sha ne deymiz?