Qaraqalpaq tilim - qalqanım!

29 Jan 2025 05:48

Жасы улкенлерден сорап кордим

Qaraqalpaq tilim - qalqanım!

29 Jan 2025 03:50

Кер- керилген бийе.Бийенин журиси,кыймылына катнаслы

Qaraqalpaq tilim - qalqanım!

28 Jan 2025 18:51

Usı chellendjdi Youtube Instagram a'sirese Tik tok platmorformasinda o'tkiziw kerek, zor boladı

Qaraqalpaq tilim - qalqanım!

28 Jan 2025 16:33

Assalawma áliykim. Xalıq shayırları poeziyasında didaktikalıq qosıqlar
Usı tema boyınsha kitaplar,maģlumatlar barma taslap berińda iltimas

Qaraqalpaq tilim - qalqanım!

28 Jan 2025 14:31

Мәнили қатарлар

Сүйир шыбын кәри - шағып қан ишиў,
Бизин суққан жери берер ашытыў,
Нәпсин тыймай қанға месин толтырса,
Оғандағы мүшкил болар қуп ушыў.

💥💥💥

Ким аяйды турқы суўық шыбынды?
Шапалақтан өлсе ол - бир шығынды.
"Қан ишер" кимсени ким адам десе,
Мақулламас ҳеш ким бундай уғымды.

💥💥💥

Сен билмейсең ертең нениң боларын,
Шамалайсаң, ойлайсаң тек оңарын,
Бузыўда, қурыўда қүдирет екенсең,
Дөретип көр, бир жулдыздың сыңарын.

💥💥💥

Биреўди өлердей жек көргендейсең,
Ертең оның ким боларын билмейсең,
Сен ойлаған шелли болмай, соң оған,
Бир қәтире исиң түссе не дейсең?

💥💥💥

Жаман демес Алла өз жаратқанын,
Жақсы болыў, жаман болыў - қолыңда.
Кеңлик етип Ҳақ имкан жаратқанын,
Ҳәр кимсе де аңлай бермес соңында.

💥💥💥

Ҳәр жүректе бир - бир жара болады,
Кимдур аппақ, кимдур қара болады.
Дүньяның кемтигин толтыраман деп,
Ол әлемде тек әўере болады.

💥💥💥

Дүнья, дүнья жаралғалы бендеге,
Пәклик пенен тынышлығы қәҳәттей.
Көк ҳәм жерди көзи менен жемеге,
Өршеленер, тап ақыры рәҳәттей.

💥💥💥

Садағасы кетсин жүз мың дослардың,
Түк қайыры тиймес иши бослардың,
Ондай "достан" ҳәрне бары жақсырақ,
Үй алдына жыйып қойған таслардың.

💥💥💥

Дин мусылман қорқытыўдан еректе,
Әси кетип гүман етиў керек пе?!
Бейиш, дозақ, ақырзаман дегени,
Туўылады ең әўели жүректе.

Автор : Азат Даўышбаев

Qaraqalpaq tilim - qalqanım!

28 Jan 2025 09:22

Әҳмийетли қатарлар

Мәгар бүлбил көрсем, қатып тыңлайман,
Өзимше бүлбилдей гүлге ымлайман.

Бирақ, бул тилимди түсинбес гүллер,
Оларға кереги - шайда бүлбиллер.

Ким қандай қыялда болса ишинде,
Базда соны көрер әжеп түсинде.

Түсиң ғәлет болса, шоршып кетерсең,
Жақсы болса, бир дем үмит етерсең.

Гейде өзин - өзи түсинбей олар,
Бенде руўҳыятында әлўан сыр болар.

Бири "бийик" болса, бири аласа,
Бай - жарлы қатнаста бар ма маўаса?

Масайрап бай жыйған малын қайғырар,
Байғус жарлы шыбын жанын қайғырар.

Жалтаңлап баққаннан байдың көзине,
Ҳәўес еткен артық дана сөзине.

Байға қәнәәт ҳәм инсап десеңлер :
"Инсап, қәнәәттен бай болмайман" дер.

Саўдасы көп жолдың бәлент - пәсиниң,
Еки түрли соқпағы бар нәпсиниң.

Еккисиниң жылаўы ҳәм өзиңде,
Жан аманы - қәнәәт ҳәм төзимде.

Жанаярдың жаны татлы саяда,
Сап мийнеттиң наны татлы аяда.

Дослыққа жол ашып заўықлы мийнет,
Қара уўайымды тепкилер зийнет.

Аз болса да мениң жыйған қырманым,
Қосықларым - мениң ҳалым, дәрманым.

Тар болса да жанға тәнлик қәпесим,
Поэзия - мениң кеп - кең нәпесим.

Еллер ара барыс - келис жақсыдур,
Туўған жерим - жанымның зер нақшыдур.

Автор : Азат Даўышбаев

Qaraqalpaq tilim - qalqanım!

28 Jan 2025 05:31

🕓Búginnen baslap frazeologiyalıq sóz dizbeklerin úyreniw boyınsha #challenge baslaymız🚀

📌Hár kúni frazeologizmler mánileri menen kanalǵa taslanadı

📈Hápte aqırında bolsa test arqalı qanshelli dárejede eslep qalıp atırǵanıńızdı teksere alasız

#Challenge náwbettegi attestaciya hám milliy sertifikat testine shekem dawam etedi🤩

Qaraqalpaq tilim - qalqanım!

27 Jan 2025 23:07

Dúnyada internetke kiriw pútkilley úzilse, qanday bolatuǵın edi?

Qaraqalpaq tilim - qalqanım!

27 Jan 2025 18:37

Каракалпак_дастаны_Т_Кайыпбергенов.pdf

Qaraqalpaq tilim - qalqanım!

27 Jan 2025 18:04

Т_Қайпбергенов_Mug'allimge_raxmet.pdf

Qaraqalpaq tilim - qalqanım!

27 Jan 2025 16:11

To'lepbergen Qayipbergenovtin' elektron kitaplari barma.
Bolsa taslap berin'da iltimas

Qaraqalpaq tilim - qalqanım!

27 Jan 2025 13:52

Ассалаума алейкум, касиплеслер!

Тауыкларды гаргаганда "Келеске тап болгыр!" делинеди екен. Келес деген кандай манидеги соз деп ойлайсыз? Пикирлеринизди улессениз.

Qaraqalpaq tilim - qalqanım!

26 Jan 2025 19:33

Қара жорға намасында

Ҳөктем жигитлери ири,
Мәртлик ойынлардың бири,
Дүсирлеген ат дүбири,
Қара жорға намасында.

Бир көрип тыңласаң мәгар,
Тәниңде қан йошып ағар,
Қан сорпа боп тулпар шабар,
Қара жорға намасында.

Массагеттиң мен дәўранын,
Серлеп Алпамыс әўладын,
Көрдим Қырқ қыздың жәўланын,
Қара жорға намасында.

Гүмис саплы қамшы таўлап,
Келген жаўды аңдай аўлап,
Ерлер шабар сурдай ғаўлап,
Қара жорға намасында.

Шабандозлық мәртлик өнер,
Болса ол әсирге дөнер,
Кем - кемнен ҳәўижге минер,
Қара жорға намасында.

От лаўлатып шала көзлер,
Ғурыжланып қара көзлер,
Баратыр не "ала көзлер",
Қара жорға намасында.

Бәйги туўлап жүзлеп, мыңлап,
Суўлық тислеп, қан тасқынлап,
Атлар шабар бурқасынлап,
Қара жорға намасында.

Шабандозлар күши қайнап,
Топты жарып ылақ ойнап,
Ушқын шашар мийтин дойнақ,
Қара жорға намасында.

Тән, жаным батырлық күсер,
Жасап турса уллы ислер,
Еле талай әўлад өсер,
Қара жорға намасында.

Ҳөктем жигитлери ири,
Мәртлик ойынлардың бири,
Дүсирлейди ат дүбири,
Қара жорға намасында.

Автор : Азат Даўышбаев

Qaraqalpaq tilim - qalqanım!

26 Jan 2025 12:24

Ассалаума алейкум, устазлар!

Kirewke созинин маниси хаккында пикирлеринизди билдирсениз. Мысаллар болса жуда жаксы.

Алдыннан рахмет

Qaraqalpaq tilim - qalqanım!

26 Jan 2025 12:04

Ғәплет уйқысы

Кеўил сезимиңниң ушлы тыйығын,
Жаўҳар зейинлердиң өткир қыйығын,
Гөззал жүзиңдеги күлки мыйығын,
Урламақшы болар ғәплет уйқысы.

Саған шаршапсаң деп шийрин саз шалар,
Мәй ишкизип жумсақ дастықты салар,
Писетиңде не бар, барлығын алар,
Сум ялғаншы атлы ғәплет уйқысы.

Келсең кел деп турған сулыў нашардай,
Ақшам аппақ төсин саған ашардай,
Соң уйқлатып болып зәҳрин шашардай,
Сум шаян сыпатлы ғәплет уйқысы.

Наятый тезликти асырып жолда,
Кирпигиң айқасып, руль ойнап қолда,
Қус киби ушыртсаң машынды сонда,
Бир өмир апатлы ғәплет уйқысы.

Мәгар жатсаң шийрин түслер әкетип,
Әжеп тәўир елге саяхат етип,
Қайтып келер болсаң, өзгерип кетип,
Ақылың ҳайран қылған ғәплет уйқысы.

Ол буйыққан бәле, өли менен тең,
Пәрўайы - пәлектиң төли менен тең,
Қунарсыз жайлаўдың көли менен тең,
Балықсыз, қусларсыз, ғәплет уйқысы.

Бул қәтер бир уңғып жайлап жүректи,
Ғәлетий гөр етип соқыр көкиректи,
Баса бир тайдырып сеннен тиректи,
Омақазан урар ғәплет уйқысы.

Изей суўдай әсте астыңнан илип,
Баўрыңды жемирип, қанатпай тилип,
Соңра масайрайды үстиңнен күлип,
Жаўларға аўнатып ғәплет уйқысы.

Тумарис нөкерин ақсатқан да сол,
Яссонның досларын қақсатқан да сол,
Алпамысты орға таслатқан да сол,
Сум, мәккар, нәлетий ғәплет уйқысы.

Ол соныңдай "татлы", соныңдай "шийрин",
Қанша уйықласаң да, қанбайды мийриң,
Лекин бир жаманы, ол - асаў ийрим,
Аяғыңнан тартар ғәплет уйқысы.

Базда сен қуныққан марапат болар,
Жалған хошеметтен шарапат болар,
Соңра бир дүбилей арасат болар,
Көзди аштырмастай ғәплет уйқысы.

Сытыр еткен сестен қуслар үрккендей,
Бетлериңе муздай суўды бүрккендей,
Жан бүйирге найза шаншып түрткендей,
Қуўыў керек патлы ғәплет уйқысын.

Автор : Азат Даўышбаев

Qaraqalpaq tilim - qalqanım!

29 Jan 2025 05:47

Туумаган емес, керисинше коп кулынлаган бийе

Qaraqalpaq tilim - qalqanım!

28 Jan 2025 22:06

Бийе-туумаган байтал. Кер дегени бир тарийплеу тури шыгар. Кимнин кулынын ертип журген екен-ай?

Qaraqalpaq tilim - qalqanım!

28 Jan 2025 17:44

🅰

📌 AZÍW SALÍW. Hárkimge topıla beriw, urısa beriw. Mine sonnan beri onıń qorjını juwanıp, aldınan kese ótkenge azıw salıp tur (K.Sultanov).

📌 AYBARAQ SALÍW. Abay etiw, óziniń islerin, sırların basqalarǵa sezdirmewge tırısıp, doq urıp sóylew. t.b. Dúnyaǵa aybaraq salıp shırlaǵan dawısım basılǵannan soń, ańlıp júrgen Qánigúl apay anamnıń qasına kelgen (J.Aymurzaev).

var.: AYBARAQ URÍW, AYBARAQ SALMAW.

📌 AYDAY JOLÍNA QARAW yamasa JOLÍNA AYDAY QARAW. Kútiw, birewdi shıdamsızlıq penen kútiw, ...kim súyinshi sorap keler eken dep ayday jolǵa qarap júre berdi («Sháryar» dástanı).

📌 AYDÍŃ-KÚNNIŃ AMANLÍǴÍNDA. Jaqsılıqta tirilikte, jaqsı waqıtta, paraxatshılıqta, tınıshlıqta.

📌 AYDÍŃ ON BESI QARAŃǴÍ BOLSA, ON BESI JAQTÍ BOLÍW. Bir waqıtta jamanlıq bolsa, bir waqıtta jaqsılıq bolıw, jamanlıq ta, jaqsılıq ta hámme waqıt bola bermew. «Aydıń on besi qarańǵı bolsa, on besi jaqtı!» (J.Aymurzaev).

📌 AYRA TÚSIW. Ayırılıp qalıw, jaqın adamınan ayırılıw, qatnası úziliw t. b. Jetinshi kúni anam jalǵız jigerbentinen, tuńǵısh perzentinen ayra túsken (J.Aymurzaev).

📌 AYTA JÚRGENDEY. Eń jaqsı, maqtawǵa turarlıq zat yamasa is, adam, t. b.

📌 AYTQAN JERDEN ShÍǴÍW. 1. Kewildegidey, oylaǵanday is etiw, qıyaldan shıǵıw.

var.: AYTQANÍNAN ShÍǴÍW
AYTQANÍNAN TANBAW
AYTQAN JERDEN ShÍQPAW
AYTQANÍNAN TANÍW

📌 AYTQANÍNAN ShÍQPAW. Sen qız atańnıń aytqanınan shıqpa (Sh.Rashidov).

📌 AYTQANÍNAN QAYTÍW. Kelisiw, kelisiwshilik, aytqan sózli tıńlaw.
var.: BILGENINEN QAYTÍW
AYTQANÍNAN QAYTPAW
BILGENINEN QAYTPAW

📌 AYÍ ALÍNÍW. Qattı sharshaw, qattı qorqıw. Atatuǵın hal qayda, ayı jaman alınıp, qattı qorqıp qamıǵıp, jatqan sherge jalınıp, bay mınanı aytadı («Máspatsha» dástanı).

📌 AQ KEWIL. Ashıq, durıs, biymálel, peyli keń t.b. Balam seniń bul aq kewlińe ırazıman («Qaraqalpaq xalıq ertekleri»).
var.: KEWLI AQ
KEWLI AQ EMES
KEWLI QARA
uqs. var.: AQ KÓKIREK. Aq kókirek bala taqıldaqtıń bul «miyirbanshılıǵına» kútá quwandı (I.Yusupov). Sonda da kóz qulaq bola gór inim, - dedi aq kókirek Seyilxan jalına sóylep.

(Ешбаев Ж. Қарақалпақ тилиниң қысқаша фразеологиялық сөзлиги. - Нөкис, 1985-ж.)

/channel/Qaraqalpaq_tili_milliy

Qaraqalpaq tilim - qalqanım!

28 Jan 2025 14:31

Бундай ҳасыл досқа айтың, не жетсин

Өмир жазың қылшылдаған қыс болып,
Бир қанаты қайрылғандай қус болып,
Қайғыда жүргенде қамсығып, солып,
Дәртке даўа болған досқа не жетсин.

Ой, сезимиң бир қазыққа тусалып,
Ақыл шамың жанбай турса тутанып,
Ғайратланып, ҳүжданынан күш алып,
Жанға мәлҳам болған досқа не жетсин.

Сенде көрсе, жөнсиз исти намақул,
Дәрҳал шырлап келип айтқандай ақыл,
Қәлби сақый болса, болмаса бақыл,
Әне, бундай ҳасыл досқа не жетсин.

Дослық шәртте турып ойласа сени,
Саған рәўа көрип қәлесе нени,
Бирге ғам - тәшўишти сап қылса жеңип,
Ўаҳ - әй, бундай гәўҳар досқа не жетсин.

Сен қыйналсаң, бийғам, тегин жатпаса,
Ширик мал - дүнья деп арын сатпаса,
Дослық шәменине шаң жолатпаса,
Бул өмирде сондай досқа не жетсин.

Мийўе терек болсаң ақ гүл жамылған,
Саяңда пайызлы мол жай табылған,
Сонда иши тарға сырттан аңылған,
Имкан берместейин досқа не жетсин.

Сен қуўансаң жас баладай шадланып,
Мийрим булағыңнан суў ишсе қанып,
Көркиңе көрк қосса жулдыздай жанып,
Сондай диянатлы досқа не жетсин.

Дәўран атын минип зәңгилескенде,
Ел хызмети ушын жолға түскенде,
"Жүр, баўырым" дейип уллы ислерге,
Руўҳландырған йошлы досқа не жетсин.

Мәртебеси артып дүнья шолса да,
Саўаш майданында мәртлик қылса да,
Жаў алдында аўзы қанға толса да,
Зинҳар сыр берместей досқа не жетсин.

Мәгар әжел жулса гүлиңди тислеп,
Демге ноқат қойса жолды кес - кеслеп,
Руўҳыңды шад әйлеп, мәңгиге еслеп,
Сени яд еткендей досқа не жетсин.

Ҳадал мийнет етип, соң түринип жең,
Уллы шаңлағында ас жесе ҳәр дем,
"Достымның алдында наны бармекен?"
Деп, қайғырған досқа айтың, не жетсин.

Әлўан саўдалардың ғыж - ғыж шоғында,
Тәнде сабыр деген киси жоғында,
Гейде қайнап кетсең, ғәзеп отында,
Бир суўытып алған досқа не жетсин.

Турмыс арбасында бир неше қарыс,
Сен бир арыс болып, ол да бир арыс,
Дослық жүгин тартсаң бийминнет, қалыс,
Бундай дослық иске айтың, не жетсин.

Әўел шын дослықты өзиңнен излеп,
Ҳасыл пазыйлетти кеўлиңде гизнеп,
Соңра қайыр етсең мыңлап ҳәм жүзлеп,
Ҳүждан атлы досқа, айтың не жетсин.

Автор : Азат Даўышбаев

Qaraqalpaq tilim - qalqanım!

28 Jan 2025 11:03

Гүресшең өмир булақ мысалында

Тас, топырақлы жердиң баўрын бурғылап,
Түпкирден емески сести сылдырлап,
Мен ҳәм кең жәҳәнди бир көрейин деп,
Дүньяға көз жарып келди бир булақ.

Келди ол, бурқ етип, жер жүзин сүйип,
Жасасын азатлық, еркинлик дейип...
Серлесем йошлыдур оның ағысы,
Мисли туўлап шапқан қуралай кийик.

Шадлықтан ҳәс шалқып қайнаўытлап ол,
Жылға, сайға қарап туўры алды жол,
Өңшең суў әўлады, қайдасызлар? деп,
Уллы мақсет таман бағдарланды ол.

Тамшы тама - тама мол көл болғандай,
Қумлар топланысып саҳра болғандай,
Суўлар аўқамласты ески жағыста,
Булақ емес, дәрья атын алғандай.

Енди дәрья болды қаўышып олар,
Ана тәбият пенен табысып олар,
Нәўпир ағысларды дөретип ақты,
Асаў толқынларда қағысып олар.

Әне, бир қүдиретли гүрес басланды,
Қуштар еткендейин еки жас жанды,
Телегей теңиздиң гөззал ышқында,
Бул теңсиз бирден - бир гүрес атанды.

Ҳөктем ағыслардың жолларын тосып,
Ким буларға бөгет саламан десе,
Тәкаббир пейлинен қанлары жосып,
Дәслеп ўайран болар өзи мың есе.

Тәшўиш, машқалалы өмир аққанда,
Еллер бурқасынлы дәрья мысалы,
Оның жүрегине жолды тапқанда,
Алтын жағысларың гүлленер тағы.

Егер ағынлықтан бөлинсе суўлар,
Бир шалшық көлмектей қолтықта қалар.
Ҳуўшы дана адам ел менен болып,
Әжайып өмирден керегин алар.

Ҳәр адам өзинше бир тамшы суўдай,
Олар бирлескенде күшли тасыўдай,
Уллы ағыслардан тоқтаған өмир,
Ессиз... зая болар кепкен бир пуўдай.

Автор : Азат Даўышбаев

Qaraqalpaq tilim - qalqanım!

28 Jan 2025 05:31

🅰

📌 ABÍRAYÍN AYRANDAY TÓGIW. Qattı áshkaralaw, birotala masqara bolıw dárejesine ákeliw. Apam qorjınnıń awzına qarap otır dedi, — dep kóptiń kózinshe óz abırayın tókken (M.Dáribaev).

📌ABÍRAYDÍ QOLDAN BERMEW (jibermew). Ar namısın saqlaw, masqara bolmaw. Murat shayıq abıraydı qoldan jibergisi kelmedi. (T.Qayıpbergenov).

📌ABÍRAYÍN TÓKPEW.

📌AǴALÍQ ETIW. Basshılıq etiw, basshı bolıw.

📌ADA BOLÍW. Tamamlanıw, tawsılıw, pitiw, joq bolıw. Ol górinde jatıp sizlerdiń kelgenińizdi, kewil bildirgenińizdi sezgendey barlıq ármanınan ada bolar edi (A.Bekimbetov).

📌ADA BOLMAW

📌ADAM QATARÍNA QOSÍLÍW. Kele bolıw, zárúrlikten, kámbaǵallıqtan qutılıw, jetisiw, kamalǵa keliw t. b. Keshegi «ápende»: kóshe balaları tezden internattıń tártibine úyrenip, adam qatarına qosılıp ketti. (N.Dáwqaraev).

📌ADÍMNAN QAYTARÍW. Birden sóyletpey taslaw, qarsı sóyletpew, yamasa birden burıp jiberiw t. b.
var.: TABANNAN BURÍW (TABANNAN QAYTARÍW).

📌AZA-BOYÍ TIKKE TURÍW. 1. Hesh jaqtırmaw, júdá jek keriw.
2. Qáweterleniw t. b.

📌AZAR-BEZER BOLÍW. 1. Júdá jek kóriw, unatpawshılıq. 2. Qattı qorqıwshılıq t. b.

📌AZA BOYÍ TIKKE TURMAW

📌AZAR-BEZER BOLMAW
var.: AZARDA BIYZAR BOLÍW. Palwan bul balıqtan azarda-biyzar (Ó.Ayjanov).

📌AZAP ShEGIW. Qıynalıw, qıyınshılıqta júriw.

📌AZA TUTÍW. Ólini qayǵırıw. Xiywa sarayı taǵı aza tuttı (K.Sultanov).

(Ешбаев Ж. Қарақалпақ тилиниң қысқаша фразеологиялық сөзлиги. - Нөкис, 1985-ж.)

Qaraqalpaq tilim - qalqanım!

28 Jan 2025 04:34

Dúnya júzinde internet tarmaǵına kiriw úzilse qanday boladı.?

Qaraqalpaq tilim - qalqanım!

27 Jan 2025 22:47

Dunyoda internetga kirish butunlay uzulsa qanday bo'lardi?

Qaraqalpaqsha awdarması qanday boladı?

Qaraqalpaq tilim - qalqanım!

27 Jan 2025 18:14

Төлепберген Қайыпбергенов Қарақалпақ дәстаны трилогиясынаң үшинши китабы барма

Qaraqalpaq tilim - qalqanım!

27 Jan 2025 18:04

To'lepbergen Qaipbergenov Tusiniksizler.pdf

Qaraqalpaq tilim - qalqanım!

27 Jan 2025 14:04

Күн темасына

Тәўекел бул - ярым нәтийже

Асыў - асыў сегбир жолларда,
Мың машақат сабырды ийсе,
Талапланған мақсети барға,
Тәўекел бул - ярым нәтийже.

Албаўсырап сасқалақлаған,
Көкси қайтып ҳәс алақлаған,
Исеними пәс қалақлаған,
Жүз ғабырысар исте ҳәмийше.

Қайғы менен уўайым - егиз,
Еки баслы айдарҳа яңлы,
Сени аяп отырмас негиз,
Жутарман дер, жалмап қуў жанды.

Бийҳәрекет әрманлап жүрген,
Пәтикке қарап қыял сүрген,
Айдалаға арпылдап үрген,
Ҳаслы қорқақ ийтлердей яңлы.

Ҳалласланып салсаң да жигер,
Алапаға шапқан сәт емес,
Соқырларша болған тәўекел,
Сәтсизликтен басқа зат емес.

Тәўекелден ҳәс қынап белди,
Парасатың болса бас белги,
Алалмаған, ҳәтте, ийтелги,
Олжаны да бир күн аларсаң.

Жәўланы жоқ қоян жүректи,
Күннен - күнге қорқыныш басар.
Ис баслаған сыбап билекти,
Мәртлер ғана қырлардан асар.

Бул өмирде машақат, күйик,
Мәйли болсын, таўлардан бийик,
Мәйли турсын, төбеңнен түйип,
Дослар менен болсаң орасан,
Оны әсте жеңип барасаң.

Автор : Азат Даўышбаев

Qaraqalpaq tilim - qalqanım!

27 Jan 2025 08:55

Assalawma àleykum. Qaraqalpaq tilinen milliy sertifikat alģanlar barma? aramìzda alģanlar bar bolsa qanday sorawlar túsedi testi qashan boladi solar haqqinda aytip jiberseńiz òtinish🙏🙏🙏

Qaraqalpaq tilim - qalqanım!

26 Jan 2025 12:40

Hám kerbiye mańlay kelgen qasqadan, Suw sabatlap erter erke qulının… Suw qabaqlı ana shıǵar jasqadan, Jılwa urlap, jıllar qosqan tulımın (Sh.Seytov).

KERBIYE деген соз кандай маниде келгенин билесиз бе?

Qaraqalpaq tilim - qalqanım!

26 Jan 2025 12:04

Мәрт болғаның - нәмәртлик

Даў бар жерде көринбей,
Жаў бар жерде көринбей,
От басында толықсып,
Мәрт болғаның - нәмәртлик.

Достыңман деп ҳәзликте,
Ҳаслы затың пәсликте,
Шарап ишип мәсликте,
Мәрт болғаның - нәмәртлик.

Келиспесе бир исиң,
Қостарға жетип күшиң,
Тоз - тоз етсең үй - ишин,
Мәрт болғаның - нәмәртлик.

Батырланып тек көзге,
Зор берип көп пуш сөзге,
Күш көрсетсең, күшсизге,
Мәрт болғаның - нәмәртлик.

Тышқан көрсең, "нағыз ер",
Арыслан көрсең, қара жер,
Үй ишинде мисли "шер",
Болғанлығың - нәмәртлик.

Уйқыда жатқан балаңды,
Шағайын деген жыланды,
Өлтирген соң балтаңды,
Көтергениң нәмәртлик.

Дос асына уў салып,
Жуўқаланып, жуўсанып,
Сум пикирге тусалып,
Ойлағаның - нәмәртлик.

Өрт тийгенде қозғалып,
Көрсетпесең шын мәртлик,
От сөнген соң суў алып,
Жуўырғаның - нәмәртлик.

"Өйтемен де, бүйтемен,
Басын отқа үйтемен",
Ең кейнинде қәйтемен?!
Деп турғаның - нәмәртлик.

Қумырысқаға пилдиң де,
Сала қулаш тилдиң де,
"Бир дәпинсем, өлдиң" деп,
Мақтанғаны - нәмәртлик.

Ғәзеп мийге урғанда,
Ашыў қысып турғанда,
Ерик бермей шайтанға,
Өзин тутқан бул - мәртлик.

Ҳәр бир иске мың пикир.
Көп пенен жуп көзиң бир,
Исиң менен сөзиң бир,
Болсаң, әне, сол - мәртлик.

Автор : Азат Даўышбаев

Qaraqalpaq tilim - qalqanım!

26 Jan 2025 07:30

Қарақалпақстан - шайырлар ели

"Аққан дәрья ақпай қалмайды", теги,
Әзим булақ болып аўқамласқаннан.
Қарақалпақстан - шайырлар ели,
Үмит күттиргендей ҳәр атқан таңнан.

Шайырлық булағы бурқысын, тассын,
Мәнзилге туўлаған ағыслар барып,
Руўҳыйлық Аралын толқынлар бассын,
Әдебияттың өлмес исин атқарып.

Дурыс, ҳәзир патлы ағыс көринбес,
"Жүре - жүре көшлер дүзелер" деген.
Қуўанарлық жери - бәри өңирлес,
Жөнли қәлемлеслер ел ғамын жеген.

Бердақ әўладлары жүрген соқпақлар,
Ҳеш заман ақтақыр болып қалмайды.
Ашық Аязийди сүйген урпақлар,
Жүгин ийинлессе, ҳарып - талмайды.

Кешеги әдебият - бүгинге таяў.
Таянсын, бирақ та өз сөзин айтып,
Жалынлы жүреклер мудамы ояў,
Шәўкилдесип турса, сөнеди қайтып?!

Изленис сапарын бирге атқарсақ,
Ежелеп поэзия әлипбесин биз,
Тынбай санамызға орнатып алсақ,
Бизден де жүйриклер шығар, мүмкин, жүз.

"Тәжирийбе тамшылар" тамған жерлери,
Көл болар, буған жоқ зәрреше гүман.
Қарақалпақстан - шайырлар ели,
Алла мәдет берип болыңыз аман!

Автор : Азат Даўышбаев