-
Жонингдан ўтиб кетса ҳам, ўзингни ҳотиржам кўрсат...
#iqtibos
«Kambagʻallik ayb emas, biroq yoʻqchilik – illat. Birinchisida inson tugʻma olijanob fazilatlarni saqlab qola oladi,
ammo yoʻqchilikda ularni hech qachon va hech kim saqlab qola olmaydi»
Hayot qonunlari adolatli – jinoyatni jazosiz qolishiga imkon bermaydi.
Биз нима учун ўзбек жамиятида "аёллар ҳуқуқи" деб гапирамиз ва бу кўпчиликка ёқмайди?
Бунинг сабабларини билиш учун қиз бола бўлиб туғилиш керак.
Шаҳарга ўқишга ё олимпиада-семинарларга хорижга кетиш учун кечалари ухламай "ишқилиб рухсат беришсин" деб Оллоҳдан илтижо қилиб чиқиш керак.
Келин бўлиб кўриш керак. Қўлингга битта узукни маҳр деб тутқизиб, ота-онанг емай-ичамай, қизим тинч бўлсин деб 5-10 минг долларга қилган сепидан айб топишларига чидашинг керак.
Эрингдан бунга қарши бир оғиз эътироз кутма, ўша пайтда у кар-кўр бўлиб олади.
Туғруқхонада тўлғоқдан суткалаб азоблансанг-да, врачлар "кесарча кесайлик" деганига қайнонанг ва эринг рухсат бермаса, ўз танангга ўзинг эга чиқолмай, минг азобда охири кўзинг ёриганда боши қаттиқ лат еган ногирон фарзандни қўлингга тутқизишса, "касалманд бола туғдинг" деб таъналарга кўмишса, овоз чиқармай кўзёшларингга кўмилишинг керак.
Эринг билан бирга нонушта қилганинг учун қайнонанг додингни берганида, кечқурун ишдан қайтгач унга табассум қилишга ҳам қўрқиш нималигини туйишинг керак.
"Нуқул хўмрайиб кутиб олади" деб устингга хотин олганида эса, кўнишинг керак.
Кўниб ҳам бирон марта эрингга "икки хотин аро адолат қил" демаслигинг лозимки, ё мушт тагида қоласан ё жавобингни оласан.
Мабодо ишлашга рухсат беришса, иш кунинг соат 6 да тугаса-да, соат 6 яримда кечки овқатинг пишмаса, тамом. Лекин ойлигингни тийинигача олиб қўйишлари мумкин.
Ишхонангда эса сени "бу аёл, туғади, боласи касал бўлади" деб лавозимларга лойиқ кўрмасликлари мумкин.
Шундай яшаб, чидаб, охири яхши қайнона бўлолмасанг, фақат ўзинг айбдорсан.
Бунга чидамай, ажрашсанг ҳам сен айбдорсан.
Умуман, сен ҳар доим айбдорсан.
Буни гапирсанг, айбдорсан.
Жим турсанг, айбдорсан.
Кетсанг, айбдорсан.
Қолсанг, айбдорсан.
Эркаклар, ҳамма масъулият менда, сен уйда ўтир, итоаткор бўл деган эркаклар бу ҳолатни ўзгартирмасалар, ислоҳни ўзларидан бошламасалар, Исломдан ҳам, анъаналардан ҳам фақат ўзларига ёқадиган томонларини олиб, омухта ва қулай бир тутумларни яратиб олган бўлсалар, бу тутумлар оналари, опа-сингиллари, қизларига ҳам зарар етказишини билиб ҳам, вазиятни ўзгартирмасалар, чидайсан!
Тушунмайдиларки, ҳар қандай исёнлар зулм ортидан келиб чиқади. Исёндан кейин ҳаммаси баттарроқ бўлиши мумкин, аммо исён қилувчилар аҳволни яхшилаш учун эмас, ҳолатга чидай олмаганларидан дод демоқдалар...
"Гендер тенглик" деса сакраб тушаётган, аёллар ҳуқуқлари ҳақида гапирганларга турли ёрлиқлар илаётганлар, Сизлар оқибат билан курашяпсизлар.
Сабабларни ҳам кўринг, адолат қилинг!
Shahnoza Soatova
@qodirova_g
Барно Султанова ёзяптилар.
Қишлоқда бир воқеанинг гувоҳи бўлиб келдим. Келин икки боласи билан ота уйига кеп қўйган. Сабаби эри уриб бурниларини синдирган. Онаси жўнатмоқчм эмас, келин бормоқчи эмас. Ҳаммаси маҳалла фаолларидан тортиб келиннинг қариндошларигача келин гап қайтаргани учун калтак еганини иддао қилишмоқда. Бу иддаода келинни айблаш бор. Ижтимоий тармоқларда ҳам бир келинни ўлдирибди ёки калтаклабди дейишса, сабабини сўрашади. Аёлнинг калтакланиши ёки ўлдирилиши учун нега сабаб қидирасизлар. У қулми. У инсон эмасми, уни сабабларни қаторлаштириб ташлаб дўппослайвериш, ўлдириб юборавериш керакми? Сабабини билсангиз кўнглингиз жойига тушадими? Хўп келин гап қайтаргани учун калтак ебди. Демак СИЗ қўл кўтарганингиз учун сизни ўлдирворса бўладими? Ахир қўл кўтарганингиз келинни ёки уни қариндошларини худди СИЗ келин гап қайтарганда ўзингизни босолмай қолганингиздек ғазабини қўзгаяптику. Хўп, нима деб гап қайтарибди келин денг. Уйидаги овсини 25 килоли бакларни кўтариб майиб бўлган. Бу келин айтибдики, мен оғир иш қилмайман, 4 ойлик чақалогим билан оғир иш қилиб майиб бўлиш ниятим йўқ. Мен каттага гап қайтарма деган гапдан нафратланаман. Қачон катталар ёшларга гап қайтармайдиган гап айтишни ўрганади. Масалан кап катта ўглингизни нафсониятига тегадиган гап гапирас. У СИЗГА аччиқланиб нимадир дейди. СИЗ ўғлим е келиним гап қайтараяпти менга деб баттар авжига чиқасиз ё калтаклайсиз. Кейин ёшларни гап қайтарадиган, одобсиз, шаллақи дейсиз. Қачон бизда катталар ҳам тилини тийишни ўрганади. Ахир улар катта, ақлли эмасми ёшларга қараганда. Хуллас оғир иш қилмайман, майиб бўлиш ниятим йўқ деган келинни калтаклаш керакми ё 4 ойлик чақалогим яна бир ярим ёш гўдаги бор келинни оғир иш қилдирмоқчи, қилмайман дегани учун Ўғлига урдирган қайнонани калтаклаш керакми. Биз катталаргаям инсоф берсин. ёшларнинг гап қайтаришини истамасангиз фаросатни ишлатинг уларни шахс сифатида ҳурмат қилинг, ўшанга яраша жавоб оласиз. Ёшларнинг хақ ҳуқуқларини ҳурматласак улар ҳаққини сўрамайди.
@qodirova_g
#Мени_аёлман
Мен аёлман, паранжиларим
Қачонлардир ёнганлари бор.
Муҳаббат деб кўксимни доғлаб,
Сўнг баридан тонганлари бор.
Мен аёлман, қийшиқ қовурға,
Эгрилиги бошимга бало!
Нодираман, мана, юз йилки
Ўлдиради амир Насрулло!
Мен аёлман, душманим аёл
Қўлларидан заҳар ютдим жим.
“Сиз ўшами?” Мен ўша эдим
Кумушларинг урди, азизим.
Мана кетди Сибирга кимдир,
О, кимнидир дорга тортдилар.
Йўқ, билмайсиз улар ортига
Оналарин қўйиб отдилар.
Мана тулпор, унинг қўлида
Доро боши, оқиб борар қон.
Эй Тўмарис, қонлар юволмас
Иснодлар бор, қутқар, онажон!
Хонзодаман, тақдирим сулҳдир,
Ҳали ҳамон сулҳга кўнаман.
Қизларимнинг қисмати талҳдир,
Орзуларин ўзим қуваман.
Мен аёлман, номардни туққан,
Ўйлайвериб эсдан оғаман.
Эй қаттол дун, қачон Алишер,
Яна қачон Темур туғаман?!
Мен аёлман, ким ёмон боқса,
Ўтда куйгай қорачиғлари.
Аёлининг номусин сотган
Элнинг одам бўлмас эрлари.
Мен аёлман, менга гуллар бер,
Шараф бергин, шафоат бергин.
Мен аёлман, номусим учун
Қилич тутгин, ҳимоят бергин.
Мен аёлман, агар хор бўлсам,
Тулпордан туш, бош эгиб юргин.
Эй сен эрлар, қавмингни қутқар.
Ўз қавмингга ҳидоят бергин!
Gulrux Xudoyorova
@qodirova_g
Мен 1962 йилда туғилганман.
Бизнинг болалигимизда «бор» деган гап йўқ эди, «йўқ» бор эди. Нима хоҳласак «йўқ» деган жавоб эшитардик. Йўқлик замонида катта бўлдик.
Нима истасак, йўқ. Масалан отамга, «шим олиб беринг» дейман. У: «йўқ», дейди. Ўйинчоқ олиб беринг, дейман. «Ўзинг ясаб ол», дерди. Лойдан ўйинчоқлар ясар эдим. Отамнинг эски костюмининг чўнтагини кесиб, ичига юнг тўлдириб, кўптўк ясардим. Ўшани тўп қилиб ўйнардим. Синглим ҳам қўғирчоқларини ўзи ясарди...
Шунинг учун, бизнинг наслимизда бир нарсанинг қадрини билиш, деган нарса бор.
Бир куни отам деди:
-- Сизга шим олиб келайми?
Биласизми, бу сўзни эшитиш биз учун қандай қувончли эди?
Биз уч ака-ука қўлимизни даҳанимизга тираб, хаёл сура бошладик. Зўр-а? Қишлоқ раисининг ўғли киядиган шимдан биз ҳам киямиз...
Мен учинчи синфда ўқирдим. Укам биринчида эди. Кейингиси олти ёш эди. Шундай хаёллар сура бошладикки...
Бизнинг умидимиз ўша автобус. Отам шу автобусда бозордан қайтиши керак эди.
Қишлоғимизда электр йўқ, телевизор йўқ. Дунёдан хабаримиз йўқ. Онам, бобомнинг гулли эски тўнини бузиб бизга шим тикиб берар эди...
Укам деди:
-- Сенга қанақа рангидан олиб келаркин?
-- Қора.
-- Меники мовий ранг бўлса эди.
-- Нега? -- дедим.
-- Син гулли тўн билан мактабга боргансан-ку. Мен эса, шимда мактабга бораман.
Кейин деди:
-- Отам «шаҳар пойабзали»дан ҳам олиб келармикин?
Мен:
-- Қора калиш олиб келади, -- дедим.
Шу пайт чангитиб автобус кўринди. Бизнинг умидимиз, бизнинг кутганимиз ўша автобус. Отам кўринди...
Пакетларни оча бошлади. Менга бир қора шим. Оқ ёқалик қора кўйлак ва бир резина калиш чиқарди. Кейинги укамга ҳам менга нима олган бўлса, шундан бир хил...
Ҳавас билан кутган кичик укам Раъфат пакетларни очиб қаради, лекин унга ҳеч нарса йўқ эди. Отамга умид билан термулди.
-- Менга-чи?
-- Ўғлим, сенга кейинги сафар борганимда олиб келаман.
Раъфатнинг лаблари бурилиб йиғлаб юборди. Хонадан чиқди. Отамнинг кўзларига ёш қалқди.
Кечки пайт дастурхон атрофига ўтирдик. Жим-жит. Ҳеч биримиз гапира олмаймиз. Фақат укамнинг овози келади. Ҳўрсиниб-хўрсиниб, болаларча пиқ-пиқ йиғлайди...
Мен эрталаб мактабга отландим.
-- Вуй чиройлилигини. Сизга жуда ярашибди. Бир марта кийиб кўрсам майлими? -- деди ҳавас билан укам.
-- Йўқ. Кир қиласан, -- дедим мен.
Иккинчи куни ҳам ялинди. Бермадим. Учинчи куни ҳам сўради.
-- Бўлмайди.
-- Сизга жуда ярашади-да. Оёқ кийимингиз билан янада кўпроқ ярашади. Менга ҳам ярашса керак.
-- Сенга узун келади.
-- Почасини қайириб оламан.
-- Йўқ, кир қиласан.
-- Гиламнинг устида кияман, -- деди. -- Ойнага бир қараб оламан, бўлди.
-- Бўпти. Эртага жума. Мактабдан келганимда, беш дақиқа кийиб кўрасан.
Раъфат севиниб кетди.
Кечқурун тўрт ака-ука бир қатор бўлиб чўзилдик. У мени туртади.
-- Ухламадингми? Мен ухлай олмаяпман. Эртага шимингни кийиб кўраман...
Эрталаб мактабга кетаётганимда у ҳам турган эди.
-- Бугун эртароқ кел, ҳўпми? Мен сени эшикнинг олдида кутиб тураман, -- деди.
Мен ўқишга кетдим...
Учинчи соат эди. Эшик очилиб, синфга мудир кирди. Ўқитувчининг олдига келиб, унинг қулоғига бир нарсалар деди. Ўқитувчимнинг негадир ранги оқарди.
Менга қараб:
-- Алишон ўғлим, уйингга бора қоласанми? Отанг сени чақираётган экан, -- деди.
Мен ўзимча: «Укам қўймай отамни кўндирган бўлса керак, шимни кийиш учун. Дарс тугашига ҳам сабри чидамабди-да,» деб ўйладим.
Нарсаларимни йиғиштириб, мактабдан чиқдим. Қишлоқ одамлари ҳам бизнинг уйимиз тарафга кетишар эди. Кўчанинг бошига келдим. Укам эшикда кутаман деганди, негадир кўринмади. Ҳовлига кирдим. Бутун қишлоқ одамлари ҳовлимизда эдилар. Ичкаридан онамнинг аянчли йиғлаган овози эшитиларди. У ўзини ерга отиб тўлғанар эди.
-- Раъфатни беринг менга! Болажонимни беринг, қўзимни беринг...
Билсам, қишлоқдаги кекса бир амаки янги олган тракторида уйимиз олдидан ўтаётганида укамни кўрмай қолибди. Укам тракторнинг остида қолиб, ўша ерда жон берибди...
Ишонгим келмасди... Мен укамга шимимни бериб турадиган кун, у ўлган эди...
Bolalar meni nimaga o'rgatdi?
1. Ushoqlar va legolarni bosmasdan yurib o'tishga😅 bo'masam umrim tozalash va yig'ish bilan o'tarkan;
2. Yuvilmagan idishlarni rakovinada qoldirish mumkinligiga. Ba'zan bundan ham muhimroq ishlar bo'larkan. (Hozir bu muammo yo'q😀);
3. Rejalarni soniyada o'zgartirishga/ keyinchalik, umuman reja tuzmaslikka;
4. Qo'l izlari chaplab tashlangan oyna va jihozlarni oldidan befarq o'tib ketishga😅;
5. Keyin esa, tozalab artgan oynalarimni orqamdan nam salfaetka bilan boshqatdan chaplab chiqsa ham e'tibor bermaslikka;
6. Ba'zi narsalarni umuman kutilmagan joylardan topib olsam hayron qolmaslikka: oyoq kiyimlarni yotoqning tagidan, qoshiqlarni manejdan, o'yinchoqlar idish-tovoqlarni ichidan chiqib kelishiga;
7. Va umuman hamma joydan o'yinchoqlar chiqib kelishiga: yuvinish xonasida ham o'yinchoq, sochiqlar tahlangan tortmada ham o'yinchoq, oyoq kiyimni ichida ham o'yinchoq, muzlatkichda ham o'yinchoq;
8. Rasm chizib tashlangan devorlar tufayli asabiylashmaslikga;
9. Xohlagan ishni oxirigacha tugatmay qo'yish mumkin ekan, mutloq har qanday ishni😄;
10. Orqa fonda multfilm bilan kitob o'qishga;
11. Shirinlik, konfet, shokoladlarni tezroq yeb olishga😅;
12. O'zim va bolalarni kiyimidagi dog'larga xotirjam qarashga;
13. Ishlatilgan, lekin vaqtida balandroqqa olib qo'yilmagan pomada, krem, kosmetikalar bilan osongina xayrlashishga;
14. Oddiy narsalarga ham xursand bo'lishga, sabrli bo'lishga, bir necha yil ketma-ket uyquga to'ymasdan ham yashash mumkinligiga, usting kir, qo'llaring shira bo'lsa ham quchoqlashish mumkinligiga
15. Kiyimlarni dazmol urmasdan ham kiyish mumkinligiga)
16. Uyulib yotgan kiyimlarni pastga uloqtirib, mazza qilib uhlashga;😄
17. Endi hayotim avvalgidek bo'lmasligi va bu aslida eng katta baxt ekanligiga🥰
Siz farzandlaringizdan nimalarni o'rgandingiz?
Facebook sahifasidan olindi
@qodirova_g
#ҳаммаси_ширинликдан_бошланади
Бахтнинг шакли кўп, бахтнинг кўриниши ҳар хил. Ҳаммаси ширинликдан бошланади. Катталардан кимдир болага ширинлик беради. Боланинг кўзларида беғубор бахт порлайди. Жажжи қўлчалари билан ширинликка талпинаркан, унга меҳрибонлик кўрсатган одамга миннатдорона боқади.
Мактабда ўқийдиган ўқувчи учун 5 баҳо бахт. Яна юлдузчали! Қайта-қайта кундалигини очиб кўриб қўрсайиб қўяди. Овқат маҳал оила аъзоларига мақтангиси келаверади. Дадасининг: "Ўғлим (қизим), кундалигингни олиб кел-чи, қани" дейишини интизор бўлиб кутади.
Абитуриент учун бахт - бу қийин тестларни қойиллатиб ечиш! Бугун 30 тадан 30та урдими маладес! Ҳеч кимга айтмасаят ичидан "Иншооллоҳ, мен ўқишга ўтарканман", деган фикр ўтади. У ўзидан мамнун. Бедор тунлари, китобга мук тушиб ўтирган кунлари бекор кетмабди.
Ўқишдан ўтган абитуриент, ярми талабанинг хурсандчилигини энди айтишга ҳожат йўқ. Ундан зўр, ундан олғири йўқ ҳаётда гўёки…
Талабалик қисмини ташлаб ўтиб кетаман)). Контрактдаги талаба учун контракт пулини тўлаб олиш бахт.
Турмуш қуриш остонасида турганлар учун ўзига мос инсонни учрата олиши бахт. Бутун бир ҳаёт йўлида унга йўлдош, елкадош бўлгувчи ҳамроҳ қандай бўлиши албатта муҳим ва қизиқ. Аёл киши учун оилада ўз ўрнига эга бўлиш, ҳурматли бўлиш катта бахт. Ёрининг кўзларида ўзини кўра олиши, истакларининг инобатга олиниши, фикри билан қизиқилиши катта ютуқ. Эркин танлов имконияти бериляптими? Танлов натижаси қандай бўлишидан қатъи назар таъна қилинмаяптими, демак, у аёлга ишониляпти.
Аёллар! Бирор жойга борган вақтингиз турмуш ўртоғингиз "қаердасан, қачон қайтасан" каби саволларни бериб тергаса, уйга тунашга рухсат бермаса жаҳлингиз чиқмасин. Менга ишонмаяпти деган хаёл ҳам келмасин. Шунчаки у уйда сизсиз сиқиляпти. Ёлғиз қолгиси келмаяпти. Хонадон файзи сиз билан кетган. У ўша файзни қачон қайтишини сўраяпти. Қайнаб турган қозон, ёниб турган печка, янги дамланган чой, юмшоқ ўрин, қайноқ бағир, меҳр тўла нигоғлар ва ширин-шакар фарзандлар сиз билан. У шуларни кўпга жўнатгиси келмайди.
Аёл учун битта бахт борки, сира қиёси йўқ. Бу - қора кўзчалар, дўмбоқ оёқчалар, эмаётганда сут бочкасини чимчилаб-чимчилаб қўювчи жажжи қўлчалар. Она учун ўша қўлчаларни беозоргина шапатилаб қўйишчалик саодат қаерда бор?..
Яна ўша ширинликка қайтамиз. Ширинлик олган гўдакнинг хурсандчилигини тасвирлаб бўлдик. Энди ширинлик берган кишининг хурсандлигини бир тасаввур қилинг. Ширинликни еган бола, бундан кўпроқ суюнгувчи берган бўлади.
Аллоҳим ҳар бир бандасига ўша ширинлик мисоли бахтнтнг катта-кичигини бераркан ширинлик эгаси сингари бандаларидан-да кўпроқ суюнади… ҳар бир мўмин-мусулмон учун тунда бошини ёстиққа қўйган маҳали дилида ҳеч кимга нисбатан ғилла-ғаши йўқ ҳолатда, эртанги кунини Оллоҳга таваккал қилиб ҳотиржам ухлаш ҳам катта бахт аслида. Энг катта ютуқ.
Булар бахтнинг энг оддий ва буюк кўринишлари. Ҳаётда ҳар ким учун бахтнинг миллионлаб шакллари бор.
@qodirova_g
Эй фозила аёл!
- Қайсар бўлма
- Эрингни бошқалар билан солиштирма
- Доимо зийнат билан безаниб ол
- Асосий эътиборинг эрингга бўлсин
- Тортишишни йиғиштир
- Эрингни гўзал тарзда кутиб ол
- Эрингнинг оиласини ҳурмат қил. Шунда улар сен билан бирга бўлишади. Йўқса, улар сенинг қаршингга чиқишади ва кунлар ўтиб эрингни қўлдан берасан.
Ишларнинг оқибати ҳақида чуқур ўйла. Эрингни ва унинг оила аъзоларини эҳтиром қил. Натижада, шубҳасиз, фойда кўрасан.
@qodirova_g
Буларни менга ҳаёт ўргатди
Кенглик ва хотиржамликни ўргандим. Ўлимдан бошқа ҳеч нарса муҳим эмас.
Ҳеч ким сир сақламаслигини ўргандим. Чунки ниманидир эшитган инсон бу ҳақда кимгадир айтишни истаркан.
Жавобини билмаган ва амин бўлмаган масалаларда “билмайман” дейишнинг ниҳоятда фойдали эканлигини ўргандим.
Оғзим юмилганида хатоларим кўпаймаслигини ўргандим.
Атрофдаги инсонларнинг менга фақат ўз изнимга кўра муомала қилишларини ўргандим.
Қизиққонлик ва хасад бахтиёрликнинг душмани эканини, бахтли бўлиш учун атрофдагиларга ишониш охири кўринмас синиқликка гирифтор қилишини ўргандим.
Одам ўзидан кўра омадсиз кишини кўрганда омадидан, бахтсиз инсонларни кўрганда бахтиёрлигидан гапирмаслигини ўргандим.
“Мен қандай қилиб бу хатоликка йўл қўйдим” дейиш ўрнига энг мукаммал ўйлайдиган кишилар ҳам хато қилишини, муҳими, улардан сабоқ олишни ўргандим.
Ҳаётдаги энг аҳамиятли ечим – нима муҳимлигини англаш ва бошқасини орқага ташлаш эканини ўргандим.
Мени танқид, таҳлил қиладиган, ақл ўргатишга уринадиганларга жавоб бермасликни ўргандим. Чунки бу тотишув ҳеч қачон тугамайди.
Қанчалик ҳаракат қилмай айримлар ўзини бахтсиз ҳиc қилиши учун сабаб топа олишини ўргандим. Энди ҳеч кимни бахтли қилишга уринмайман.
Ҳаётни керагидан ортиқ жиддий қабул қилмасликни ўргандим.
"Иймон ва ҳузун" китобидан.
@qodirova_g
Аёл-Қизларимизга Маслаҳатлар
(Сарказмдан (киноя) бехабарлар ўқиши тақиқланади)
Хўш, қизларжон, йиғиштирамиз пеминизим, швеминизмни. Эркак ЭРКАКдир, унинг айтгани айтган, дегани деган. Точка. Уйда ўтир деса ўтирасиз. Чиқ деса чиқасиз. Нима қилибди ота-онангизни соғинсангиз? Эр топдиз, кўчада қолмадиз, боқиб ўтирибдику. Қанчаси юрибди ана эрга зор бўлиб. Шукр қилиб ўтирингда. Қадрига етинг!!!
Сизнинг вазифангиз уй тозалаш, кир ювиш, овқат қилиш, бола туғиб, қараш, эрга хизмат қилиш (бу ҳақида алоҳида гаплашамиз), эрнинг ота-онаси, ука-сингилларига хизмат қилиш. Эр рухсат берсагина ўқийсиз, бирор ўзингиз учун машғулот бн шуғулланасиз. Эр рози-Ҳудо рози унутманг!
Эр тергаса, урушса оғзингизга сув тўлдиргандай жим туринг. Ўзингиз тергашни ҳаёлингизга келтира кўрманг. Эр ҳисоб бермайди, унутманг. У қаввом. Ақллилигизни эрга қилманг. Сиздан ақл олишга уйланмаган. Уй доим тоза, овқат тайёр, болалар йиғламаган, ўзингиз соғлом ва бахтли кўрининг!
Уй иши чарчатди? Бола инжиқлик қилди? Қайнана недовольный? Қанақа ландовур хотинсиз? Эр келганда чистый, ухоженный, благоухающий ва сияющий бўлишиз шарт! Ким айтди салонга боринг деб, жинниромис? Қиммат косметика? Духига пул? Ёмон чиқимлисизда. Оз имконият бн кўпга эришишши ўрганинг!
Энди, эриз учун энг зўр кухарка ва проститука бўлинг. Кружевной бельё там, макияж. Ётоқда ҳам тўйдириб ташанг. Биламан, унақа тарбияланмагансиз, ҳеч ким ўргатмаган. Йўқ, порно кўрманг, гуноҳ. Энди фаросатиззи ишлатингде, буниям ўргатаманми? Ну эриз бошқага уйланса, ўзиз айбдорсиз. Қарамагансиз ўзизга. Сиздан топмаганини бошқадан қидирганде. Тушунингде энди. Эркакда нафс бор, сизда йўқ. Битта овқат еявериш сизнинг жонизга тегмайди, уникига тегади. Ҳам Аллоҳ руҳсат берганда сиз кимсиз ҳукмига қарши чиқишга? Ҳамма ибодатни қилган эриззи бу суннатдан тўсманг!
Аввало касал бўлманг, мободо бўпқолсангиз ҳам қимиллаб туринг. Касаллик ўз йўлига, иш ўз йўлига. Жуда ётиб қолсангиз обориб қўйишар уйга. Ўзизам шу баҳона уйдагилариззи кўрволас. Онангиз эркалигиззи кўтаради. Роддомга кетятганда кир ювиб, уйни тозалаб кетинг. Дарддан чалғийсиз. Туғиб келганда ҳам сразу ишга тушиб кетаверинг, бало ҳам урмайди ўзбек аёлига.
Эриз урдими? Айттима, тилиз бир қарич. Бошизга етадида бир кун. Сув солинг оғзизга дедиму ҳали. Эркакнинг нерв толалари кўтармайди жанжални, нерви қўлига боғланган, урворади, ҳалиям билмадизми? Нима қипти урса? Ҳамма чидаган сизам чиданг. Кетаман? Вай қайга кетас? Ёш кетаман девурарканде. Кимга кераксиз? Қизлик уйизга сиғасизми? Маҳалла нима дейди? Кенайиз чиқиштирадими? Сингилларизи ким олади, Отангиз иснодни қандай кўтаради? Сиз бўлмасез бошқаси, жонгинам, онаси ўпмаганидан оберишади эризга. Чиданг, бир коса овқат учун чиданг. Ўлигиз шу уйдан чиқади, вассалом.
Ана кундошли ҳам бўлдингиз. Шундай бахт муборак бўлсин. Кундош эмас опа сингилсилар. Эриз кундошга кетса нафсиззи тарбияланг. Рашк қилманг. Савоб қиляпти ахир. Ўзингизга раво кўрган эризни бошқага раво кўрмагунизча ҳақиқий муслима бўлмайсиз. Биргалашиб яна биттасига уйлантиринглар.
Қизлик бўлдизми? Это не в счёт. Ўғил туғиб юзиззи ёруқ қиволинг. Яна қиз? Туғвуринг, айланай ўғил бўлгунча. Ўғилойлар, Зиёдалар кўпайсин. Дилмурод қўясиз ўғлиззи отини. Қизиз олтига тўлмай сеп йиға бошланг. Олтидан бошласез, ошади. Еттидан йиғсангиз етади. Кейин уже поздно. Болалигидан қалам эмас, супурги тутинг қўлига. Иш қилмасанг борган жойингда кетингга тепиласан деб қўрқитинг. Эгасига топшириб қутулинг тезроқ.
Вложениени ўғилга қилинг, ёнизда қолади. Қизга қилманг, уни ўқитманг, кетади барибир. Мободо орзу ҳавас қилиб ўқитсез, эрга берворсез ҳам контрактини тўланг. Сепини яхши қилинг, тили қисиқ бўлмасин. Куёвни пайғамбарлар сийлаган, сийланг сизам. Қўйвормасин қизиззи. Чиққан қиз чиғириқдан ташқари ахир.
Ўғил уйлантиряпсизми? Келинни овогунча қуда бўлмишларни олдида бир қўлиз бн оғзиззи, бир қўлиз бн кетиззи ёпиб туринг. Овогунча хўп деб тураверинг, кейин билганиззи қиласиз. Жуда эркин қўйворманг келинни. Сиз ундан кўп хизмат қилиб ўлмадингиз, эзилдиз, энди даврониз келди. Эзинг! Чарчадингиз, хизмат қилсин бу ёғига.
Feruza Izzat
Оллоҳ ҳар бир мўминга ғам-қайғудан, ожизлик ва ялқовликдан, бахиллик ва қўрқоқликдан, қарзга ботиш ва бандаларга таслим бўлиб қўйишликдан паноҳ берсин...
@qodirova_g
Атак-чечак қилаётган гўдаги бор хонадонда энг хавфли нарсалардан бири иссиқ чойнак.
Афсуски, ўзбек на чойнакдан, на иссиқ чойдан кеча олади. Шу туфайли ёш гўдак ҳар куни бир неча бор бу хатарга юзма-юз келади.
Бироқ... Кошки унга чойнакнинг иссиқлигини тушунитириб бўлса...
Кўп гувоҳ бўлганман, одатда, шундай вазиятларда катталар, чойнак иссиқ пайтида, боланинг қўлчасини астагина чойнакка тегизиб қўйишади. Тўғри, гўдак оғриқни ҳис қилади, бироз йиғлайди, лекин бу ҳаракат яхши натижа беради.
Энди чойнакни кўриши билан, юзчаларини антиқа мимикаларга тўлдириб, катталарга қараб: "Паҳ, па-паҳ", деб иссиқлигини билдира бошлайди.
Нега буни эсладим? Ҳаётда одамларга ишонч билдириб, панд еган ҳолатим кўп(жуда кўп бўлмаса ҳам, етарлича) бўлди...
Ўша пайтлари кўп ўкинардим. Нега шундай бўлди, дердим ўзимга ўзим. Кечалари ухламай, хатоларимни қидирардим. Қаерда хато қилдим, мен томондан нима гуноҳ содир бўлди экан?..
Ўйлаб, ўйимга етолмасдим...
Вақтлар ўтиб англадимки, одамларга керагидан ортиқ ишонганимнинг ўзи катта хато бўлган экан. Бандасига ихлос қўйиб юборибман...
Хуллас, бу дунёда атрофдаги одамлар ҳам, худди ўзбек хонадонидаги иссиқ чойли чойнак сингари экан. Улардан кечиб кетиб бўлмайди.
Бироқ улар билан тўғри муомалага киришиш учун эса, қўлларимни бироз куйдириб, сабоқ чиқаришим керак бўлган экан.
Мен нодон эса неча марта қўлим куйса ҳам, ўша гўдакчалик фаҳмга эга бўлмай, қайта-қайта иссиқ чойга талпинаверибман.
Ҳар гал қаттиқ зарар бермай, чойнак иссиқлигини боласига англатган катталар каби, Яратган эгам ҳам менга сабоқ берганлигини кечроқ бўлса-да, ҳис қилдим.
Дарҳақиқат, Аллоҳ — Роббимиз. Энг буюк тарбиякунандамиздир.
"Агар атрофингиздаги одамлар билан муносабатларингизда муаммолар бўлса, демак Аллоҳ билан муносабатингизда муаммо бор", — деган сўзлар ҳам мени роса ўйлантирганди.
Демак, намозларимда камчилик борми, рўзамдами, айнан қайси амалим нотўғри экан, деб роса излангандим.
Аслида Аллоҳдан ўзгасига умид боғлашимизнинг ўзи, У билан орамиздаги энг катта муаммо-ку.
✍️. Gavhar Nasrulloh
@qodirova_g
Инсон одам ва ҳайвоннинг ўртаси. Инсон одам ва шайтоннинг ўртаси. Инсон шу ўрталиқдагини ўзини кашф эта олади. Намоён эта олади. Инсон фақат инсонийлик томонда қолган эди, мудом инсон бўлганда эди, у мутлақ яхши бўларди. Ҳеч нарсага нисбатан қарши турмасди. Ҳеч нарсага қарши турмаскан, исён ҳам бўлмасди. Тараққиёт ҳам бўлмасди. Инсонни ҳаракатга келтирувчи куч инсонийликнинг ўзи эмас, ундаги ҳайвонийлик ва шайтонийликдир. Шу сабаб туфайли у доим нималаргадир қарши. Бошқа инсонлар, жамиятга, тузумга, ўзига ва худога қарши. Бу мукаммаллик интилиш десам, жуда ошириворган бўламан. Аммо бу инсонни мудом турткилаб, уйғотиб турувчи куч
Тилланисо
@qodirova_g
Sen meni shunchaki yaratganing yo'q, shunchaki yashashni men odat qildim!
Telegram | Instagram | TikTok | Twitter | YouTube | www.abdukarimmirzayev.com
Замахшарийнинг таъкидлашича, тўрт нарса 4 нарса туфайли қўлдан кетади :
1. Ризқ - ношукурлик қилсанг.
2. Қувват - ҳасад қилсанг.
3. Фурсат - қадрига етмасанг.
4. Обрў - манманлик қилсанг қўлдан кетади.
Каналга уланинг:👉 @Katarsis_uzb
Иккинчи хотинга уйланишни хоҳлаган эр хотинининг қандай жавоб зарбаси беришини кўриш учун хотинига: "Мен иккинчи хотин олмоқчиман", дебди...
Биринчи кун ўтибди, ҳеч нарса кўрмабди... Иккинчи кун ҳам ўтибди, яна ҳеч нарса кўрмабди... Ва нихоят учинчи кун ўнг кўзи базўр кўра бошлабди...
Бу дунёда ҳар кимнинг ўз ҳақиқати бор. Ҳар кимнинг ўз асоси ҳам. Ҳеч ким буткул ҳақ эмас, шунингдек, ҳеч ким бутунлай ноҳақ бўлмайди. Дунё шундай яралган. Ҳар кишида камчилик. Барча хато қилади, нуқсонга йўл қўяди. Айб ишнинг бошидан билиб-билмай тутади. Яхшига ёндашганидек ёмонгаям эргашади. Ҳар ёмоннинг бир яхшиси, яхшининг эса бир ёмони бўлади. Инсон нуқсон деганидир. Нуқсонсиз юролмайди, туролмайди, умуман яшолмайди. Кимнидир бутунлай ёмон кўриб қолишдан қочиш керак. Одамзот хато қилишдан эмас, уни тушунмай қолишдан ёки тан олмасликдан қўрқиши керак. Хатони қилиш, хатолигини тушуниш, тан олиш ва тузатишга киришиш яхши одамнинг иши.
@qodirova_g
#nazm
#bismillah
Menda faqat,
Xudo bor, Siz bor va so‘z bor.
boshqasini bilmayman.
uzoqda yashayman dunyodan....
ichim-bomdod, tashim - bomdod
dilim-xufton.
Tasbehlar teraman havodan.
Menda faqat,
Xudo bor, Siz bor,va so‘zlar bor.
Yerdagi umrim - savatdagi suv.
Sajdadan sajdagacha borman, tirikman
Hecham ko‘rmay turib Sog‘inganim U.
Muhtojligim U dir va murodim U.
Menda faqat,
Xudo bor,Siz bor va so‘z bor.
Tunlarim - halovat, har tongim - huzur.
Yana kitobim bor behisob sevaman
behad sevaman,
Muallifini
Dilimda, tilimda, ko‘nglimda- “An_Nur”
Menda faqat
Xudo bor,Siz bor, so‘z bor.
Va bir kun sizdan bunyodlarga
Ona bo‘lganda,
Siz “sizlar”ga aylanib,
So‘z “so‘zlar” ga ulanib,
Jannat ham bo‘larmi mening poyimda....
Uyimda, bag‘rimda, jami borimda
Menda faqat Xudo bor, Sizlar bor, so‘zlar bor....
Xonzodabegim
@qodirova_g
Отам ўзи меҳр кўрмагани учун бизга ҳам меҳр беришни билмади... Аслида бизни жуда яхши кўрарди. Аммо, бизни қучоқлаб эркаламас эди. Бағрига босолмас эди.
Биласизми ўша куни нима бўлди?
Маййит ювилиб кафанга ўралар экан, отам: «уни мен оламан», деди. Укамни қучоғига олди ва йиғламсираб, шундай деди:
-- Раъфат, мен сени мозорга эмас, бозорга олиб бориб шим олиб бермоқчи эдим. Ўғлим, тур борайлик...
Мен йиғлар эдим.
-- Отам бу сўзларни кошки укам тириклигида айтганида эди... Биз отамнинг шундай меҳр билан гапиришларини жуда хоҳлардик. Аммо, биз ҳеч қачон эшитмаган бу сўзларни, укамга, у эшитмайдиган бир вақтда бақириб, фарёд қиларди...
* * *
Бугун болалар биздан топа олмаган нарсаларини телефонларидан қидирадилар.
Болаларимизни нопок йўлларга бошламоқ ниятида, кўчаларда пайт пойлаган инсонлар, ота-оналаридан кўра кўпроқ кулиб муомала қиладилар.
Мен ўлкамни, оиламни, аёлимни, болаларимни яхши кўраман...
Мен ҳар йили конферансларга бораман. Бу йил қизим оғир ҳаста бўлди. Энди ҳеч қаёққа бормайман. Унинг ёнидаман. Фурсат борида, уни яхши кўришимни айтаман...
Shoolim Shomansur
@qodirova_g
Бир аёл учун энг хавфсиз жой - уйининг ичидир.
Бир аёл учун энг муқаддас вазифа - оналикдир.
Бир аёл учун энг яхши дўст - Аллох ризолиги учун яшаган жуфтидир.
Бир аёл учун энг хайрли машғулот - ибодатдир.
Бир аёл учун энг ҳузурли лахза - фарзандларининг рохати, севинчли лахзаларидир.
Бир аёл учун энг гўзал хусн - Одобдир.
Фбдан олинди
@qodirova_g
Ўғил 4-5 ёшларда:
”Менинг дадам энг зўр дадалар!”.
Ўғил 7-8 ёшларда: ”Катта бўлсам, дадамдақа бўламан”
Ўғил 10-11 ёшларда: ”Дадамдан хафа бўлдим”.
Ўғил 13-14 ёшларда: ”Дадам мени ёмон кўрадилар”.
Ўғил 18-19 ёшларда: ”Бўлди кетаман! Бунақа ота билан яшамайман!”.
Ўғил 22-23 ёшларда: ”Аралашаверадилар, аралашаверадилар,
бирор нарса қилиб бўладими ўзи?”.
Ўғил 25-26 ёшларда: ”Дадам мени ҳеч тушунмайдилар”.
Ўғил 30-32 ёшларда: ”Дадам ҳақларидаги гумонларимдан уялдим”
Ўғил 35-36 ёшларда: ”Дадамни тушунмаган эканман”.
Ўғил 40 ёшда: ”Дадамсиз мен ҳеч ким эмасман”.
Ўғил 42 ёшда: ”Буни мен учун дадамдан бошқаси қилмас эди”.
Ўғил 45 ёшда: ”Дадам тузалиб кетишлари учун жонимни ҳам берар эдим”.
Ўғил отаси вафот этган лаҳзада: ”Дада! Менда рози бўлинг, мен яхши ўғил бўла олмадим. Сиз дунёдаги энг яхши отасиз!”.
Ота вафотидан кейин ўтган илк тонгда ўғил: ”Сизни қайтариш учун бору йўғимни берар эдим. Энг азиз кишимдан айрилдим.
Сиз менга ҳамиша яхшиликни раво кўрар эдингиз, дадажон.....”.
Малика Равшанова
@qodirova_g
Чол олтин балиқни тутиб олди. Балиқ тилга кириб:
— Тила тилагингни, — деса, чол:
— Пушкинни ўқиганман, нима билан тугашини яхши биламан, шунинг учун энг аввал кампиримни алмаштир!!! — дермиш.
Дугонамнинг айтишича... 😂😂😂
АЁЛЛАРНИ БАХТЛИ ҚИЛИШ ЙУЛЛАРИ:
01. Сочларини сила
02. Эркала
03. Куўзларини ичига қара
04. Келажаги учун чиройли режалар ўйла
05. Сухбатлаш
06. Биринчи тонгда ундан олдин уйғониб олма
07. Дастак бўл
08. Ресторанларга олиб бор
09. Кийим дўконларга олиб бор
10. Саёхат қилдир
11. Кулдир
12. Крассворд ўйинларни бирга ўйна
13. Мусиқа тинглат
14. Рағбатлантир тез-тез
15. Сокинлаштир
16.Доим кечир
17. Хайратлан
18. Ишон
19. Эшикни оч
20. Лифтдан чиқаркан тугмани бос
21. Машинани эшигини оч
22. Исит
23. Қучоқла
24. Ўп
25. Уни девоналардек яхши кўр
26. Уришсанг, қулоғига пичирла
27. Оёқларини массаж қил
28. Концертларга олиб бор
29. Уни хамма жойда хар доим кутиб тур
30. Биргаликда диета қил
31. Биргаликда спорт билан шуғуллан
...
...
1000. Нима хохлашини олдиндан бил
1001. Бир кунда энг ками 7-марта узр сўра
1002. Хар доим Уни эшит
1003. Чарчаган пайт овозингни кўтарма
1004. Адёлни тортиб уйқусини бузма, қимирлатма
...
...
...
6789. Машина олиб бер
6790. Соат олиб бер
6791. Узук олиб бер
6792. Билак узук олиб бер
6793. Сочини укладкасига, тез-тез салонга юбор
6794. Причёскани тез-тез ўзгартирсин
6795. Оддий теккис кўйлак кий
6796. Қасам (онт) ич
6797. Чида, Сабр қил
6798. Бардошли бўл
ЭРКАКЛАРНИ БАХТЛИ ҚИЛИШ ЙУЛЛАРИ:
01. Қорнини тўйғаз
02. ТВ пултини қўлига бер
03. Ёнида жим ўтир.
😂😂😂😂😂😂😂😂😂
@qodirova_g
Ron Uizli “ikkinchi sort” odami
“Garri Potter” asarini o‘qigan, kinosini ko‘rgan odam biladiki, Ron hech qachon o‘zidan qoniqmagan sifatida gavdalanadi. Buning sababi nimada? Bittagina o‘zi tomonidan gapirilgan gap u nima uchun o‘zidan qoniqmasligi, mukammal bo‘lishga intilishi ochib berilgan:
“Beshta akam bor. Men oltinchiman. Endi men ham ular kabi zo‘r bo‘lish uchun qo‘limdan kelgan barcha ishni qilishim kerak. Bill maktabning eng yaxshi o‘quvchisi edi, Charli kviddich o‘ynar va sardorlik bog‘ichi unda edi. Persi esa sinf sardori, Fred va Jorj shumliklar qilsa ham ularning baholari yaxshi, barcha ularni yaxshi ko‘radi. Endi esa hamma mendan ulardek eng yaxshilardan bo‘lishimni kutishadi. Agar shunday bo‘lgan taqdirda ham hech narsa o‘zgarmaydi, axir men eng kichigiman. Demak, men ulardan ham yaxshiroq bo‘lishim kerak, bu qo‘limdan kelmaydi deb o‘ylayman”.
Oxirgi jumlaga e’tibor bersangiz, Ronda o‘ziga nisbatan ishonchsizlik yuqori. Chunki unga onasi akalarini o‘rnak qilib ko‘rsataverganidan, u o‘zini “ikkinchi sort” odami deb his qila boshlagan. U akalaridek, balki ulardan yaxshiroq bo‘lish uchun harakat qilishni hayotdagi maqsad deb o‘ylaydi. O‘zi bo‘lib qolishni unutadi. Kamiga yonidagi Germiona barcha fanlarda undan yaxshiroq o‘qiydi, Garri esa kundan-kunga mashhurroq bo‘lib boradi. Ronga bu ham bosim beradi. Shu tariqa u o‘zligini unutadi.
Juda ko‘p insonlarda o‘zini “ikkinchi sort” odami deb hisoblashni kuzatishimiz mumkin. Yaqinlari ularga boshqalarni o‘rnak qiladi, ulardek bo‘lish talabini qo‘yadi, taqqoslayveradi. Natijada, inson o‘zidan qoniqmay qo‘yadi. Bu fojia.
Ota-onalar farzandlariga o‘zlari bo‘lishiga qo‘yib berishi kerak. Kimdandir o‘tib ketish talabi, kimnidir o‘rnak qilishi bolaga yomon ta’sir qiladi. U hayotda musobaqalashishga harakat qilib, umrini bekorga sarflaydi. O‘zidan qoniqmay qo‘yadi. Rouling Ron Uizli misolida shunday insonlarga murojaat qilgandek, go‘yo.
@marufjonblogi
Севимли пайғамбаримиз Мухаммад (соллаллоҳу алайҳи васаллам) оламдан ўтганларига 3 кун бўлди Абубакир р.а. Ойиша онамиз р.а олдиларига келдилар, ҳол аҳвол сўраб:
- "Эй қизим Ойиша, Расулуллоҳ (соллаллоҳу алайҳи васаллам)нинг барча суннатларини менчалик мукаммал адо қилган инсон борми?"- дедилар.
Хазрати Ойиша онамиз:
- "Йўқ отажон, сиз ҳамма суннатларини тўлиқ тўкис адо қилдингиз"- дедилар. Хазрати Абу Бакр яна қайтариб:
- "Қизим Аллоҳ хаққи айтгин, барча суннатларини адо қилдимми?"- деган эдилар Ойиша онамиз розияллоху анҳо йиғлаб юбордиларда ва:
- "Отажон, Аллоҳ хаққи деганингиз учун айтаман. Расулуллоҳ (соллаллоҳу алайҳи васаллам) нинг бир суннати бор эди "Хеч кимга айтманг, ё Ойиша"- дер эдилар. Араб бозоринг олдида бир уй бор у ерда бир 80 ёшга кирган туғма кўр ногирон, ҳеч кими йўқ яхудий қария яшарди. Пайғамбаримиз Муҳаммад (соллаллоҳу алайҳи васаллам) ҳар куни ярим тунда тахажжуд намозларини ўқиб бўлгач ҳамма уйқуга кетган пайтида ўша яҳудийни уйга бориб уни ювинтириб кийимларини ювиб овқатлантириб келардилар"- дедилар.
Буни эшитган хазрати Абубакир р.а тахажжуд намозини ўқидиларда яхудийнинг уйига йўл олди.
Бордилар, уйга кирар эканлар 3-4 кундан бери ҳеч ким ҳабар олмаган қарияни аҳволи жудаям ачинарли ҳолатда эди.
Абубакир р.а дарров ишга киришдилар супурди, сидирди, қарияни ювинтирди, кийимларини алмаштирди, овқатлантириб бўлгач, қарияга:
- "Майли мен борай"- деб кетмоқчи бўлган эдилар, қария Абубакир р.а ни қўлларидан ушлади ва:
- "Сен кимсан"- деб сўради. Абу Бакр эса:
- "Мен бир қулман ота. Ҳар доим келиб сизни ҳолингиздан ҳабар олиб турган қулман"- дедилар. Шунда қария:
- "Сен ёлғон гапиряпсан"- деди. Абу Бакр:
- "Нега ундай дейсиз?"- дедилар. Қария:
- "Чунки, сен менга қаттиқ муомалада бўлдинг, ювинтирганда ҳам, кийинтирганда ҳам, хатто овқатланирганингда ҳам, 3 кун аввалги келган инсон менга жуда эҳтиёткорлик билан қарарди. Чўмилтирганда ҳам, кийинтирганда ҳам, энг асосийси овқатимни чайнаб чайниб берарди. Унинг шунақангги ҳиди бор эдики, у ҳидни бутун Араб диёридан ҳам топа олмайсан"- дедилар.
Абубакир р.а тинмай йиғлар эдилар. Қария яна сўзида давом этиб:
- "Агар ўша одам сен бўлсанг, нимага шунча кун йўқ бўлиб кетдинг ёки сен ҳам жодугарни тўрига илиндингми?"- деди. Абу Бакр р.а эса:
- "Қанақа жодугарни айтяпсиз ота?"- дедилар. Қария:
- "Эшитмаганмисан, бир Мухаммад(алайҳиссалом) деганини, у қанақадур Китобни ўзига келганини ва ўзини пайғамбарман деб ҳаммани сехирлаяптию"- деди. Шунда Абубакир р.а дод девордилар ва:
- "Эй ота тўхтанг"- дедилар. -"ўша сиз айтаётган инсонларнинг энг буюги Муҳаммад (соллаллоҳу алайҳи васаллам) нинг ўлганларига 3 кун бўлди. Аслида сиз жодугар деган ўша инсон шунча йиллар давомида сизнинг ҳолингиздан ҳабар олиб турдилар. Қаранг 3 кунда қанақа ҳолга тушибсиз"- дедилар .
Қария қотиб қолди ва
- "Унда сен кимсан?"- деди.
- “Мен Абубакирман”- дедилар.
Қария хам дод деб йиғлашни бошладилар ва
- "Эй Худо, мени кўзимни кўр, оёқларимни чўлоқ, ногирон қилиб яратганинг етмасдан қалбимни хам кўр қилган экансан"-деб йиғларди ва "эй Абубакир сен гувох бўл Аллоҳни ягоналигига ва Муҳаммад (соллаллоҳу алайҳи васаллам) унинг пайғамбарлигига гувохлик бераман"- дедида Абубакр р.а нинг қўлида жон берди!
@qodirova_g
Menga xotirjamlik keltiruvchi hikmatlar.
.
1. Yuz yildan keyin baribir yoʼq boʼlib ketamiz.
2. Doimo sen turgan joyda boʼlishni orzu qiluvchilar bor.
3. Qiyinchilik bitta sendamas hammada boʼladi.
4. Butun olamdagi maxluqotlar yigʼilsa ham, Аlloh izn bermasa, senga ziyon keltirolmaydi.
5. Rizqing Аllohning qoʼlida. Xotirjam boʼlaver ochlikdan oʼlmaysan, inshaalloh.
6. Senga yetgan musibat yo gunohlaringa kafforat, yoki darajangni oshirish uchun tuhfa.
7. Hamma xato qiladi. Hatto sen "ideal" deb oʼylagan odamlar ham.
8. Seni kimdir yerga urib, xorlayotgan boʼlsa, hech siqilma. Ular qalbingdagi kibringni sindirishga yordam berishadi. Kibr bilan ketib qolishdan Аlloh asrasin.
9. Musulmonmisan? Demak sen allaqachon dunyoning besh milliard aholisidan ustunsan.
10. Xotirjam boʼlaver, bu dunyoda xotirjamlik yoʼq.
11. Аlloh xohlagan odamini aziz qiladi, xohlagan odamini xor qiladi. Аllohning iznisiz hech kim sening hurmatingni toʼkolmaydi.
Abdulahad Zoitov
@qodirova_g
Худо урганларга ўзимни урдим,
Йўлдан урган билан кетдим изма-из...
И. М
@qodirova_g
Қўшнимизнинг келини чақалоғини кўтарганча ҳовлиқиб онамнинг ёнига чиқди. Чақалоқ биғ-биғ йиғларди. Онам ҳам ранги оқариб кетган келинни кўриб шошиб қолди. Ҳол-аҳвол сўради. Шунда маълум бўлдики, бола шамоллаб қолибди. Ҳозир ҳарорати 39.4. Қўшни келин қандай туширишни билмай онамдан ёрдам сўраб чиққан. Онам тезда касалхонага олиб бориш кераклигини айтди. Келин эса саросимада нима қилишини билмай иккиланди: касалхонага борсами-бормасами. Иккиланишининг сабаби бироздан сўнг маълум бўлди:
- Опа, ҳозир уйда қайнонам йўқ эди. Келса сўраб бораман. Сўрамай кетиб қолсам яна жанжал бўлмасин...
- Ҳой қизим, эсингизни едингизми? Ҳозир қайнонангизни кутадиган вақтмас. Боланинг аҳволини қаранг!
Йўқ. Барибир келин унамади. Бир амаллаб табиий йўллар билан болани сал ўзига келтиришди.
Ҳайронман, наҳотки қайнонадан қўрқув ҳисси боласидан айрилиб қолиш қўрқувидан устун бўлса. Бу қадар мазлум ва ожизлик келинчакнинг юрагига, онгига қандай қилиб бунчалик мустаҳкам ўрнашиб олган?!
Биз ўзбеклар қизларимизни ёшликдан шу қўрқув билан тарбиялаймиз. Қайнонани ҳар доим салбий образ қилиб кўрсатамиз. Ҳар бир юмушни бўлажак қайнонасига ёқадиган тарзда бажариши кераклигини уқтирамиз. Қизларимизни катта ҳаётга, ҳақиқий оиласига эмас, худдики эрталабдан кечгача қайнонанинг зуғми остида меҳнат қиладиган коллонияга жўнайдигандек тайёрлаймиз. Натижада қайнона қизларимизнинг кўзига ҳар сўзида чақиб оладиган илондек кўрина бошлайди. Ўз онасидек қабул қилолмайди. Чиндан ҳам қийналади. Ўз вақтида қайноналаримизнинг ҳам онгига автоматик тарзда қайнона қайнаб туриши керак деган тушунча ёзилган. Натижада юқорида гувоҳ бўлганимдек ҳолатлар юзага келаверади.
Ҳаёт қийин эмас уни одамлар қийинлаштиради. Жамият чирик эмасди. Уни чиришига сабаб бўлаётганлар ҳам шу инсонлар. Аёллар ожиз эмас. Уларни ожизлантириб, қанотини қайираётганлар айнан аёлларнинг ўзи. Баъзан ўз қизимизни ўзимиз тарбиямиз орқали кучсизлантириб қўйганимизни билмай қоламиз. Кучли аёлдан кучли қиз етишиб чиқади.
Қизларимизни ўз фикрига эга, мустақил, ҳар қандай шароитдаям қўрқмай, иккиланмай қарор қабул қила оладиган, танловига эга бўла оладиган шахс қилиб тарбиялайлик.
Ҳумайро
@qodirova_g
Арабларда шундай мақол бор:
بيت بلا بنات كالأرض بلا نبات
Қизи йўқ уй, ўсимлиги йўқ ер кабидир.
Ўғил отасининг исмини кўтариб юради дейдиганлар қиз отасининг ўзини кўтариб юришини унутишади.
Аллоҳ қизларимизни соғ-саломат қилсин.
Абота
PS: genetik jihatdan ham qiz bola otasiga, òĝil bola onasiga kòproq òxsharkan.
@qodirova_g