-
Жонингдан ўтиб кетса ҳам, ўзингни ҳотиржам кўрсат...
Мавлоно Румий ҳазратлари аёлга муҳаббат ва ҳилм ила муносабатда бўлиш зарурлигини шундай ифодалайди: “Сув қудрати жиҳатдан оловдан устун. Керак бўлса, уни (оловни) сўндиришга қодир. Фақат ўша сув бирон идишга солиб қўйилса, оташ уни қиздиради. Ташқаридан қараганда, сув олов устидан ғалаба қилгани каби эркак ҳам аёл устидан ҳукмронлик қилаётгандек кўринса-да, аслида биз эркаклар аёллар олдида мағлубмиз. Чунки биз уларга эҳтиёж сезамиз. Бундай туйғу фақат инсонларга хос. Ҳайвонда севги, муҳаббат туйғуси инсонники каби кучли эмас. Бу эса уларнинг нуқсонли яратилишидандир.
Аёл – ақл соҳиблари ва кўнгил эгалари устидан доим ғалаба қозонади. Жоҳил кимсалар эса аксинча, аёл устидан ғалаба қозонадилар. Чунки улар ўта золим ва қўпол инсонлар бўладилар.
Бу каби жоҳил ва нодон кишиларда ҳилм, меҳр-шафқат каби туйғулар жуда оз бўлади. Чунки уларнинг табиатида ҳайвонга хос бўлган хусусиятлар устун туради. Зотан, севги, меҳр-муҳаббат, раҳм-шафқат инсоний, ғазаб ва нафс эса ҳайвоний сифатлардир”.
(Маснавий, II жилд, байт: 2429-2436)
@qodirova_g
Кубалик рассом Эрик Равело болалар орасида энг кўп учрайдиган жиддий муаммоларни тасвирлади. Ушбу тасвирларда сиз:
1.Католик черковларида юз берувчи педофилия ҳолатларига учраган болалар;
2.Таиланд туризмида жинсий фаолият кўрсатувчи ҳодима сифатида ишлайдиган болалар;
3.Суриядаги уруш қурбони ва жангчиси бўлган болалар;
4.Ҳар йили юзлаб органлар олди-соттиси учун қурбон қилинаётган болалар;
5.Америкадаги совуқ қуролларга бўлган эркинлик сабабли мактабларда совуқ қуроллар қурбони бўлган болалар;
6.Fast foodлар, яъни тез тайёр бўлувчи овқатлар сабаб вазн ортириб олган болаларни кўришингиз мумкин.
Умму Сумайя таржимаси
@qodirova_g
TV NEGA KO‘RILADI?
Kimdir berilib, kimdir yo‘l-yo‘lakay, kimdir dam olish, kimdir vaqt o‘tkazish uchun. Kimlardir esa zamon bilan hamnafas bo'lish maqsadida TV ko‘radi. Ammo hozirda oxirgi tahminimiz o'zini oqlamay qo'ygan. Chunki Internet degan o‘rgamchak to‘ri TVning o'rnini ham egallab ulgurdi. Endi odamlar yangilik kutib zangori ekranga tikilmaydi. Istalgan payt, istalgan joy va holatda qo‘lidagi kichik dastyoriga murojaat qilsa kifoya. Butun dunyo nazoratida. Ha, to‘g‘rida, vaqt ziq bo'lgan zamonda kuni bo‘yi informatsion dasturlarni kutish kimga zarur kelibdi?
Bu holat faqat kattalardagina emas, bolalarda ham kuzatilyapti. 4ta jiyanim bor. Ular bilan o‘yin o‘ynayotgandik. Bir payt televizordan yoshligimda qiziqib ko'rgan multfilimim chiqib qoldi. Yuragim orziqib ketdi. Aka-uka grim ertaklari asosidagi multfilm yoki ‘‘Jek va loviya poyasi‘‘ boshlandi deguncha hamma o‘yinimizni tashlab, tuproqqa belangan oyoqlarimiz bilan televizor qarshisiga otilganimiz ko'z oldimda jonlandi. O'shanda bu multfilmlar tugab qolishini hech istamasdik. ‘‘Oqshom ertaklari‘‘ beriladigan paytda ‘‘Davr‘‘ information dasturini ko'rmoqchi bo'lgan ota-onamizning etagiga yopishib g‘ingshirdik. Yonimdagi jiyanchalarimga qarasam, to‘rtalasidan birortasi ham televizorga qayrilib ham qo‘ygani yo'q. Hammasining qo‘lida telefon-u planshet. Allaqanday ‘‘bitsh-bitsh‘‘ o‘yinlar bilan band. Hozir na ota-ona, na bolalar talashadi televizorni. Ikki taraf ham ko‘radiganini Internetda ko'rib qo‘yaveradi. Televizor esa dam oladi. 5 yil oldin ham holat bu darajada emas edi. Zamon, texnologiya shu darajada rivojlanib boryaptiki, qurigan to‘qayga tushgan olovdek shiddatli tusga kirgan. Albatta tezkorlik yaxshi. Vaqt cho‘ntakka qoladi. Ammo internetga mukkasidan ketish salbiy oqibatga olib kelmay qo'ymaydi.
Tongda turib birinchi qiladigan ishimiz telefonimizning internetini yoqish bo'ladi. Nonushta qilayotib internetdamiz, yo'lda ketayotib internetdamiz, avtobusda internetdamiz, dars payti internetdamiz, do‘stlar yoki oila bilan birgalik chog‘da internetdamiz, internetdamiz, internetdamiz. Kechga borib uxlash uchun o‘rnimizga cho‘zilamiz. Lekin tezda uxlay qolmaymiz. Ahir, uxlasak, dunyoda bo‘layotgan qancha voqea-hodisalardan qolib ketamiz. Xafa bo'lsak, quvonchga to‘lsak, yutuqqa erishsak, urishsak, talashsak, sevsak, nafratlansak tezda internetga yozamiz. Sevgi virtual, do‘stlik virtual, his-tuyg‘ular virtual. Bora-bora bu odatga aylanadi va real hayot hamda virtual olam o‘rtasida chalkashamiz. Har narsada me'yor yaxshi. Biroz shu kichik matohdan boshimizni ko‘tarib, oila davrasida o'tirishga nima yetsin. Oilaviy televizor tomosha qilish ham o'zgacha zavq bag‘ishlaydi kishiga...
PS: internetda "suzib" yurgan paytlarim aqllilik qilib yozgan ekanman. Talaba edim.
@qodirova_g
✍Zilola Nazarova
Видеодаги ваҳшийликни кўролмадим. Кўнглим бўш, бир неча кун ўзимга келолмай қоламан деб қўрқдим.
Аллоҳ ота она деб аталмиш шу ҳайвонларга фарзанд берганига ачиндим. Эссиз, фарзанд, эссиз гўдак..
Фақат қизларга айтмоқчи бўлган эктагина заҳар маслаҳатим:
*Аввало ўзингизга умр йўлдош эмас фарзандингизга ота танланг, номи эр бўлса тегиб кетаверманг. Ишининг тайини йўқ, такасалтанг, бола тугул ўзини эплолмайдиган қуррруқ бўйи бор номзодни боридан йўғи яхши.
*Турмушга чиқдизми, янги оилангизни синчиклаб кузатинг. Сизнинг фарзандингиз шу оилада туғилишга арзийдими? Агар нотинч оила бўлса фарзанд кўришга шошилманг!
*Биринчи фарзандингиз туғилган сўнг ҳам эрингизнинг оталик маъсулиятини синовдан ўтказинг. Боланинг памперсию кашасини ҳам сизнинг ота онангиз олиб бераётган бўлса иккинчи фарзандни туғиш ҳақида ўйлаб ҳам кўрманг. Унақа бола орттиришдан бошқасига ярамайдиган индивиднинг авлодини кўпайтирманг.
*Сизам инсонсиз!!! Номингиз ожиза, заифа.. Битта болани дунёга келтирган аёлнинг организмни уч йилда тикланиб ўз ҳолига қайтади . Ўзи битта сичқон туғмайдиганларни гапига кириб инкубатор ёки қуёндек йилига болалайверманг. Уёғда қайнана туради" Вооой ёлғиз ўғлимни боллари кўўўп бўлсин" деб... Буёғда эр туради манга "Саккизта ўғил туғиб берасан" деб... Қайнатангизниям орзу ҳаваси бор, иккитагина қиз невара заказ.... Жон ҳам керак!!!
*Уч йилда бир пайдо бўлиб, йиллаб рангини кўрсатмай фақаат бола орттириш жараёнида иштирок этадиган , на рўзғор,на таълим- тарбияни ташвини қилмай, маъсулиятни бўйнизга бўйинтуруқ қилиб илиб қўйган зоочный эр бўлса керак бўлса ўзинг туғвол денг. 😎
@qodirova_g
Инсон каттаргани сари ташвишлари ҳам катталашиб боради. Аммо болалигидаги катта орзулари ўзи қанчалик катталашган сари кичиклашади. Бора-бора вазиятга, кимларнингдир раъйига қараб яшашга кўника бошлайди. Баъзиларнинг юрагида эврилиш, янгиланиш, портлаш содир бўлиб, яна ўша катта орзуларни орзулай бошласа, кимлардир эски ҳолатда оқимга қараб яшаб ўтади. Қайси йўлни танлаш ўз қўлимизда.
@qodirova_g
Аёл киши ҳамиша ўз устида ишлаши керак. Доим банд бўлиши, банд бўлгандаям арзимас, кундалик икир-чикир, ғимир-симирлар билан эмас, ўзини қизиқтирган, руҳиятини кўтарадиган, ҳаётига ранг қўшадиган, савиясини маълум даражада юксалтирадиган машғулотлар билан. Албатта, кундалик икир-чикирлар ва уй юмушлари ҳам яшаш учун керакли. Аммо аёлнинг бутун хаёли ва ҳаётини банд қилиб қўймаслиги керак. Аёл фарзандларининг кийим-кечаги, қорнидан ташқари маънавий озуқасига ҳам даҳлдор ва жавобгар. Болаларини маънавий озуқа билан тўйинтириши учун, аввало ўзи ундан баҳраманд бўлган бўлиши керак. Буни эса аёл фақат сериаллардан эмас, китоблардан, таълимдан, турли фойдали машғулотлардан олади. Турли ҳил тилларни ўрганиш, сиёсат, ҳуқуқ, спорт каби соҳаларига қизиқиш: фақат қўшниникидагимас, олам янгиликларидан хабардор бўлиш, соҳаси бўйича фаолият юритиш, ўзини қизиқтирган ҳунарни ўрганиш сингари ҳоббийларга ўзини очиши керак.
Шундай аёлларга дуч келганманки, улар ўқишни, ўрганишни исташмайди. Китобни ёқтирмайди.
Шундай аёлларга дуч келганманки, олий маълумотли аммо ишлашни, ўсишни истамайди.
Шундай аёлларни кўрганманки, иштиёқи бору, шароити йўқ.
Хуллас, аёл киши атрофидаги аёлларни: қўшниси, келини, овсини, келинойисини, дугонасини қандай уй юмушларини бажариши, молга қараш қарамаслиги, таппи қилиш қилмаслиги, кирни қандай чайиб, нима экиши, нечида уйғониб, кўчани нечида супуриши, нечта бола катта қилганига қараб баҳоламаслиги керак. Фақат шу жиҳатлар билан чееланиб қоляптими, демак, ҳаёти шундай юмушлар билан ўралашиб ўтиб кетяпти.
Азиз аёллар, биз ўз устимизда шуғулланиш, ўзимизни ўстириш, дунёқарашимизни кенгайтиришга мажбурмиз. Сабаби болаларимиз ақллилашиб боряпти. Аввало бизни идеал деб билишади. Шу идеаллигимизни сақлаб қолишга, эртага берадиган саволларига жавоб беришга, уларни жамиятга фойдали инсон қилиб етиштиришга мажбурмиз!
@qodirova_g
#kun_hikoyasi
Uvol
Ayoli ketma ket qiz tug‘averdi. Birinchisi qiz tug‘ilganida eri uncha parvo qilmagan edi. Ammo keyingilari ham qiz bo‘lavergach uning avzoyi o‘zgara boshladi. Hech kimga hech nima demasada “Nahotki men dunyodan o‘g‘ilsiz o‘taman ?” degan savol uning ich-ichini kemirardi.
Keksayib qolgan onasi ham yarasiga tuz sepaveradi: “Dunyodan shunday o‘tib ketaverasanmi? Peshanang sho‘r bo‘lmasa xotiningning pushti qizga to‘la bo‘larmidi?!”
Bu diydiyoga opa-singillari ham qo‘shildi: “Bitta-yu bitta akamiz o‘g‘ilsiz o‘tib ketadimi endi dunyodan? Odamlarning to‘yini yeb yuribsiz. Siz ham to‘y berishingiz kerak. Sizga kelganda avlodimiz tugaydimi?”
Oshnalari bilan bo‘kib ichib alamini ichkilikdan olmoqchi bo‘ldi. Ularning gaplari ham yarasini battar lovullatadi: “Oshna, erkak kishi o‘g‘il tug‘diradi. Yuribsanda sen ham bir xotinu bir uy qizlaringning yuziga qarab...”
Tutab yotgan o‘tinga puf berilsa gurillab yonarkan. Unda ham shunday bo‘ldi. Onasining, opa-singillarining, oshnalarining gapiga kirib ikkinchi marta uylandi.
Kelin bo‘lmish ham yosh emas, nari borsa xotinidan to‘rt-besh yosh kichik. U bilan poyezdda tanishib qoldi-yu, ikkisi bir umrga bir-biriga sodiq bo‘lishga so‘z berishdi. Ikki-uch oy uni xushtor qilib yurdi-yu, keyin shartta uylanib oldi...
Uyidan ketayotganida xotini alamini ichiga yutdi, ammo bir so‘z dedi:
- Bolalarimning uvoli tutishidan qo‘rqmaysizmi?!
Xushtordan xotinga aylangan ayol unga to‘qqiz oydan keyin o‘g‘il tug‘ib berishga va’da berib turgan paytda bu gaplar uning qulog‘iga kirarmidi. Chindan ham ko‘chada topishgani uning qulog‘iga har kun shivirlardi: “Sizga qo‘chqordek egizak o‘g‘il tug‘ib beraman, mana ko‘rasiz! Hasan-Husan!”
Oylar o‘taverdi. Negadir yangi xotini hadeganda boshqorong‘i bo‘lavermadi. Onasi, opa-singillarining “Yangilik bormi?” degan savolidan yerga kirib ketguday bo‘laveradi. Yangi xotinidan bir-ikki marta o‘zi ham so‘radi. Nihoyat, yangi xotini suyanchi oldi: “Yaqinda dadajon bo‘lasiz! Do‘xtirlar egizak deyishdi. Hisoblatib ko‘rdim — o‘g‘il ekan!”
Quvonchidan do‘ppisini osmonga otguday bo‘ldi. Nihoyat, u ham o‘g‘il ko‘radi. Elga osh beradi, ustidan kulganlarga ko‘rsatib qo‘yadi hali. Uning avlodi tugamaydi!
Xushxabarning suyunchisiga yangi xotiniga tilla uzuk-sirg‘a olib berdi, boshdan – oyoq kiyintirdi. Birinchi xotini ketma ket tuqqanida aqalli ro‘mol ham olib bermagandi. Kun sayin yangi xotinining erkaliklari, injiqliklari ortib borardi: “Ko‘nglim mazali taomlar tusayapti... Anavi qo‘shni kelinning ustidagi ko‘ylakdan menga ham olib bering...Tillachi ayol bir chiroyli zanjir opkelibdi...” U esa xotinining ko‘ngliga qaraydi. Yetmishdan oshgan keksa onaning ham og‘zi qulog‘ida:
- Xotiningni ko‘ngli nimani tusasa olib ber, o‘g‘lim. Boshqorong‘i ayolning ko‘ngli nozik bo‘ladi. Tag‘in o‘g‘illaring ko‘zi ko‘k tug‘ilmasin. Qariganda suyuntirganing rost bo‘lsin, iloyim!
Opa-singillari ham xursand: “Akam o‘g‘liga to‘y bersa bir maza qilib o‘ynaylik! ”Bir gal xotini ginekologga borayotganida u ham qo‘shilib oldi. Xotinining qovoq-tumshug‘i osilib ketdi: “Sizga nima bor ayollarni orasida?” Ammo u parvo qilmadi. Vrach xonasiga bir soatcha kirib ketgan xotini nihoyat chiqdi. Qo‘lida allaqanday qog‘oz.
- Qon tahlili topshirishim kerak ekan...- dedi xo‘mrayib. Xotini tahlilxonaga ketishi bilan erkak vrach xonasiga kirdi.
- Do‘xtir, hozirgina chiqib ketgan ayol mening xotiniim bo‘ladi. Aytingchi, homilaning ahvoli yaxshimi? Sog‘lom tug‘ilishadimi, ishqilib?
Vrach ayol unga g‘alati qaradi, so‘ng gap nimada ekanligini angladi shekilli, so‘z boshladi:
- Ayolingiz farzand ko‘ra olmaydi. Avvalgi turmushidan homilador bo‘lganida bachadoni olib tashlangan. Bir soatdan buyon menga sun’iy homila qo‘yib bering, qancha pul kerak bo‘lsa beraman deb boshimni qotirdi. Buning sira iloji yo‘q, uka, tushuning! Endi taqdirlaringizda borini ko‘rasizlar.
Erkakning boshiga birov gurzi bilan urganday bo‘ldi, ko‘z oldi qorong‘ilashib, qalqib ketdi.
- Nima, bilmasmidingiz?- ginekolog ayolning so‘zi uzoqlardan eshitilayotganday bo‘ldi.
“BOLALARIMNING UVOLIDAN QO‘RQMAYSIZMI”!!!
@qodirova_g
Мен ҳеч қачон ўзимдан қониқмаганман ва ҳеч қачон ўзимни юксак нарса ва ҳодисаларга лойиқ кўрмаганман. Бу ўзимга ишончим пастлигидандир балки. Айбдорлик ҳисси ҳам кучлилигини ҳис қилиб келганман. Лекин нимада айбдорлик? Ҳамма нарсада! Доим ҳаётимдаги ҳамма нарсага жавобгарликни ўз бўйнимга олавераман. Масъулият юки керагидан ортиқ даражада оғир менда. Балки етар. Ўзимни тарбиялаш, "мен"имни қадрлаш, ортиқча жавобгарлик ва масъулиятларни улоқтириб, керагини олиб қолиш вақти келгандир. Мен кўп нарсага лойиқлигим, баъзи иш ва ҳолатларимдан қониқиш туйғусини туйишни ўрганиш даврим бўлгандир. Буни қандай қилишни ҳозирча билмайман.
@qodirova_g
Эркинлик бу масъулиятдир. Эркин одам ўз қарорлари учун, ҳаракатлари учун ўзи жавоб беради.
Шу учун ҳам кўпчилик умумий қабул қилинган қоидалар бўйича яшашни, стандартдан чиқмасликни маъқул кўради. Бир томонда жамият қабул қилган ҳаёт тарзи, унда сени қанақа ўйлашинг, қанақа яшашинг, қанақа фикрлашинг белгиланган. Унинг қанчалик тўғри ёки хатолиги муҳим эмас, муҳими жамият уни тўғри деб билади. Иккинчи томонда сен масъулиятни ўз бўйнингга олиб ўз йўлингдан юришинг. Жамият айтганидек қилсанг, хато жамиятники, ўзинг билганингдек қилсак, хато сеники, жамият сени лаънатлайди.
Эрк масъулиятини ҳамма ҳам кўтаролмайди. Шу учун кўпчилик осон йўлни танлайди. Бирор идеология ёки гуруҳ талабига мос яшайди қўяди. Ўйлаш, қийналиш керак эмас, сен учун ёзиб, чизиб, қарор қабул қилиб қўйишган.
Буни энг оддий оила мисолида тушунтираман. Фарзанд улғайгач ота-она айтганига уйланиш фарзанд учун қулайроқ. У ота-она айтганини қилмасдан, ўзи танлаб уйланса, эртага жавобгарлиги ўзида бўлади. Ота-она айтганига уйланса, ҳамма муаммони ота-онага ташлаб қўяди. Ўзингиз танлаган келин дейди. Биттасида жавобгарлик ўзида бўлса, иккинчисида жавобгарлик ота-онада. Ота-она ҳам жамият чизган чизиқ бўйича яшайди. У жамиятнинг муваффақиятли аъзоси бўлиши учун фарзанд эрта турмуш қуриши, тез фарзандлик бўлиши керак. Ота-она бутун маҳаллага тўй қилиши, орзу-ҳавасга етишаётганлигини кўз-кўз қилиши керак. Эртага фарзанди келин билан келишолмаса, маҳалла нима дейди деб иккита ёшни ажрашишига қаршилик қилади. Майли, булар бахтсиз яшашсин, муҳими маҳалла айтганидай яшайлик. Бу жараён яна бир-бирига уланиб кетаверади.
Худди шунақа, бирор идеология таъсирига тушиб, унинг қоидалари бўйича яшаш ҳам осон. Ҳаммаси сен учун олдиндан ҳал қилинган, сен чизилган чизиқ бўйлаб юрсанг бўлди. Атрофингдагилар ҳам сени ҳеч нарсада айблашмайди. Аксинча, қилаётган ишинг хато бўлса - да, жамият тўғри деб билгани учун сени олқишлашади. Сени ҳақиқий жамиятнинг аъзоси сифатида ўрнак қилишади.
Лекин, матрицани кимлардир бузмаса, ўз ўқимиз атрофида айланишда давом этамиз. Эркинлик масъулият, ўзи учун қарор қабул қилиб билиш, ўз йўлини излаш масъулият. Хато қилмасликдан ҳеч ким кафолатланмаган. Лекин, масъулиятни ўз бўйнига олиб ҳақиқий ҳур инсон бўлиш лаззати бошқача.
©Firuz Allayev
@qodirova_g
Бир кун бир дўст иккинчисидан сўрабди:
- Дўст, хотиним билан хеч келиша олмаябман. Кундан кунга ёмонлашиб кетаябди. Хар доим камчиликларини айтаман, ёмонлашаётганини эслатаман, аммо хея яхшиланмаябди. Орқамдан мендан арз қилаётганини хам эшитдим. Жахлим чиқди.
Қарасам сени хотининг билан муносабатинг жуда зўр. Орқангдан хам фақат фахрланиб гапиради. Нима маслахат берасан менга?
Дўст: дўстим, мени хотиним кундан кунга яхшиланиб бораверади. Биласанми нега? Чунки ман унга хар куни яхши эканлигини эслатаман. Мақтайман. Фахрланишимни эслатаман. Сен эса кундан кунга қанақа бўлишини ўзинг айтиб ўтар экансан.
….
Кимгадир ёмонсан, десангиз, яхши бўлай деб эмас, балки ёмон эканман деб янада хафсаласи пир бўлиши мумкин. Шунинг учун кўришни истаган холатингизни чиройли қилиб айтинг. Билингки, сизнинг жуфти халолингиз, бу сизнинг аксингиз. Қанақа муносабатда бўлсангиз, ўша нарсани оласиз. Айниқса аёлга нисбатан. Аёлларда такрорлаш хислати кучли ривожланган бўлади.
Мустахкам оилалар кўпайсин🤍🤲🏼
Umida Rahmatullayeva. Psixolog
Сал кам беш ойлик меҳнатимиз натижаси етиб келди. Хурсандман. Китоб соҳасида ишловчилар билади қўлингизгача етиб келган китоблар қанчалар машаққат талаб қилишини. Бу соҳа қизиқувчи одам учун энг чарчоқли ва шу билан бирга завқлидир.
Читать полностью…
*
Ayol. Kulgu. Yolg'on. Bayram. Baxt,
Qudrat. Qo'rquv. Borliq va Sarob.
Ayol. Yig'i. İsyon. İtoat.
Olov. Arqon. O'lim. Vassalom.
Erkak. Qusur. Qolgani yallo,
Ayol. Gunoh. Do'zaxiy mutlaq.
Ayol qulning qulidir, illo,
Erkak – xudo. Xudo doim haq.
Ayol – og'ir ko'z yosh, ulkan oh,
O'zing bas kel, yagona Alloh!
✍️ Mehrinoz Abbosova
@qodirova_g
Erkak (Xudoning nazdida) loyiq bo’lsa, ayol unga yordamchi bo’ladi.
Erkak noloyiq bo’lsa, ayol unga balo bo’ladi.
the Talmud, "If the man is worthy, the woman will be his helper; if he is not worthy, she will be against him."
Kun mavzusiga, va umuman, erkak-ayol dinamikasi borasida yahudiy donishmandlaridan hikmat.
Бошланғич синфда машқ сўзини "машиқ" ёзиб қўяверганим учун ўқитувчимиз онамни чақириб дакки берганди. Шундан сўнггина ўнгланганман ва кейин ҳеч қачон бу сўзда хато қилмадим. Ваҳоланки, аввалроқ ўқитувчим неча бор машқ ёзилади деб огоҳлантирганди. Юқори синфда меҳр сўзини меҳир ёзиб қўйиб олимпиададан қолиб кетгандим. Ҳамон қулоғим остида устозимнинг "неча марта меҳр сўзингни машқлар давомида қизил билан белгилардим. Яна айнан шу сўзда хато қилибсан. Агар биргина шу сўзда хато қилмаганингда олимпиадага сен кетардинг" деган гаплари жаранглайди. Бу ютқазиқдан сўнг ҳам шу пайтгача меҳрни қайта меҳир дея ёзмадим. Ёзолмадим. 2-3 йилдан буён мусаҳҳиҳ(корректор) бўлиб ишлаётган бўлсам, бу фаолиятим давомида анча-мунча ишкаллар қилдим, қовунлар туширдим, муҳарриримизни жиғибийронини чиқардим. Бу касбдан қўл силтаб кетмоқчиям бўлдим. Аммо вақтлар ўтиб шуни тушундимки, ҳар бир хатойим бугунги яхши натижаларимга, орттирган тажрибаларимга, эришган маҳоратимга бир қадам бўлган экан. Ҳар нарсани шунчаки билиш бошқа, бошдан кечириш эса умуман бошқа нарса эканини англадим.
Фақат ишда эмас, шахсий ҳаётда, умуман яшаш мобайнида қилган хатоларимиз орттирилган тажрибаларимиз ҳисобланаркан. Аммо хатони шунчаки қилиб, эътибор бермаслик тажриба эмас. Унинг жабрини ҳам тортиб кўришимиз шарт. Худдики олимпиададан қолиб кетганимдан сўнг қайта меҳир дея ёзмаганим каби. Ваҳоланки илгари ҳам бу сўз устида кўп хатолар қилганман ва огоҳлантиришлар олганман.
Инсон хатосининг жабрини чекавергач автоматик тарзда мулоҳазали бўлиб боради. Тўғри деб ўйлаётгани хато чиқишидан, нотўғри деб билгани тўғри бўлишидан қўрқа бошлайди. Хато қилишдан ҳайиқмаслик керак. Хато қилиш айбмас, уни тушуниб етмаслик ёки тан олмаслик, такрорлайвериш айб. Ким хато қилмабти. Валломатлар ҳам адашади. Зеро, муваффақиятсизликлар йиғиндиси муваффақият томон йўлдир.
@qodirova_g
Нимадир сабаб билан йўлим туғруқхона томон тушди. Дорихона ёнида шеригимни кутиб турганимда қулоғимга беихтиёр эр-хотин тортишуви чалинди. Бир назар ташладим. Хотин ҳомиладор. Биринчиси бўлса керак. Эр асабий ҳолатда уёқдан бу ёққа тинмай бориб келяпти. Одамлардан ҳам истиҳола қилмасдан аёлига ўшқиряпти: "Мунча қиммат дориларинг. Ҳаммаси бўлиб 160 минг бўляпти. Б...т." Аёл жаҳлдан афти бужмайиб кетган жуфтига қўрқув билан йиғлагудек бўлиб қараб турганди. Охири секингина ноиложликдан паст овозда "Майли, унда ҳеч бўлмаса энг арзон икки хилидан олаверинг" деди. Эр рози бўлиб дорихонага кириб кетди. Аёлга қарадим. Кўзи тўла ёш. Шарт бориб қўлига пул тутқазгим ёки дорихонага етаклаб дориларини олиб бергим келди. Аммо аралашмадим.
Аёллар, ачиняпсизларми? Ачинманглар! Шу ҳўкиз эриниям қайсидир аёл тарбиялаган. Одамлар новвос олиб, гўшти учун маълум муддат боқиб сотади. Фарзандни туғиб яхши тарбия қилмасликниям худди шу жараёнга ўхшатаман. У фақат жисмонан боқилган. Сурати жойида, соғлом, қадди-басти келишган. Аммо шу ёшигача, уйланиб, яқинда ота бўлгунга қадар сийрати билан на онанинг, на отанинг иши бўлмаган. Эрлик, эркаклик, қўйингки, инсонийлик вазифалари тушунтирилмаган. Масъулиятли қилиб ўстирилмаган. Ҳозир зиммасидаги эрлик мажбуриятини бажаролмаяпти, жуфти ҳалоли олдидаги ҳақларини адо этолмаяпти, вазифаси нималигини билмаяпти. Эртага оталик масъулиятини қайдан билсин, қандай бажарсин?! Бунақа отадан ўғлига : "Хотинни бошга чиқариб олиш керакмас. Озгина кекиртагини чўзгудек бўлса, айлантириб солиб туриш керак. Кўкармайдиган жойига уриш керак", қизига эса: "қиз болага пишириб қўйибдими ўқиб?! Энамникидан пул топаманми сенга ўқишга? Пул заводим борми? Кўзингни қисиб эрга тег. Жуда хоҳласанг эринг ўқитволади"дан бошқа гапларни, бошқача тарбияни тасаввур қилолмайман.
Болани шунчаки катта қилиб қўйиш эмас, унга диний, дунёвий, маънавий, иқтисодий ва албатта эстетик тарбия бериш лозим. Зеро, фарзандлар ота-онанинг акси ҳисобланади.
@qodirova_g
#айрим_"эркак"ларга
Айримлар бу ҳолатга салбий муносабат билдиряпти ва диний мутаассиблик деб ҳисоблаяпти. Эй калтафаҳимлар, бу мутаассиблик эмас, оддий эстетика. Бизнинг водий тарафларда ҳар доим шундай бўлиб келган. Бу орқали аёл-қизлар ўзларини эркин ва қулай шароитда ҳис этади. Ҳар хил ноқулай вазиятлардан, нафсини жиловлай олмайдиган ифлос қўллардан безовта бўлмайдилар. Бунинг нимаси ёмон?
Шахсан мен илк марта Тошкентга борганимда автобуслардаги аралаш-қуралашликдан таажжубланганман. Баъзан шундай ҳоллар бўлардики, айрим ифлосларни шарманда қилишимга, ҳаром панжасини тортишини талаб қилишимга тўғри келарди.
Ҳозир ҳар куни Қўқон шаҳрига ишга қатнайман. ҳали бирор марта ноқулай вазиятга тушмадим. Ўзимни хавфсиз ҳис қилиб, эркин ҳаракатланаман.
Ҳайратланарлиси шундаки, бундай эълонни қоралаганларнинг ҳаммаси эркаклар. Белингда белбоғинг, юракда оринг борми? Ҳеч қайси эркак аёли ёки қизини автобусда эркакларга ёпишгудек бўлиб юришини ёки кичик тегажоғликларга дуч келишини истамаса керак.
@qodirova_g
#Оллоҳга_шукр
Ҳеч қайси меҳнат мукофотсиз, ҳеч бир ҳаракат самарасиз, ҳеч бир тоза ният ижобатсиз қолмайди. Оллоҳ кутган нарсамизни кутмаган дақиқаларимизда беради. Тўхтаб қолмасак бўлгани. Энг муҳими - кўнгил тоза, амаллар беғараз, луқмалар ҳалол бўлиши, шукримизнинг давомийлиги.
Ҳар дилнинг бор ҳикояси,
Аввалию ниҳояси.
Синовлардан қўрқма, юрак,
Ҳар дардингни бор чораси...
@qodirova_g
Ҳеч қайси аёл вақтинчалик муносабат қилишни истамайди. Бахтли якун истайди муносабатида. Эркак учун тажрибадан иборат саргузаштлар аёл учун катта йўқотиш бўлади. Шунинг учун аёл осон унутмайди. Вақт керак аёл жароҳатининг битиши учун. Қаерга борсанг бор, бу ҳақиқат ҳеч ҳам ўзгармайди...
Шунинг учун йўқотишни истамаганинг аёлни зинҳор йўқлигингга кўникадиган даражада ёлғизлатиб қўймагин! Агар уни севсанг, баҳслашувлардан кейин уни қўнғироқ қилмаслик, хабар юбормаслик билан жазолама! Ўринсиз ғурурга берилма! Аёл бир эркакнинг овозини эшитмасликка ўрганса, кейинчалик ҳатто бу овозни эшитишга тоқат ҳам қилмайди! Чунки аёлни қай даражада севилгани эмас, бу севгини қай даражада кўрсата олиш эркакка боғлайди. Сен қанчалик севсанг ҳам аёлнинг севгиси тугаса, ҳаммаси тугаб-битади! Аёл кетишга аҳд қилса, уни ҳеч қанақа йўл билан тўхтатиб қололмайсан!..
Севса ҳам кетади. Хаёли сенда қолса ҳам кетади. Кўнгли сенда қолса ҳам кетади. Йўқотишни истамаганинг аёлни асло ранжитма.Чунки бунинг тўлови сенга оғир келади. Аёл ўзига эътибор бермаган эркакнинг севгисидан воз кечган заҳоти, ётга айланади. Ҳатто аёлнинг қаршисида муносабатлари тугаб- битган эркакдан кўра, ҳеч танимагани, етти ёт бегона эркак омадлидир. Аёлни бахтиёр қилиш унчалик қийин эмас. Чунки у кўп нарса истамайди. Аёлни қувонтириш учун қимматбаҳо буюмлар харид қилишингга ҳожат йўқ, аслида. Унга ўзингни бағшида қил, уники эканингни ҳис эттиргин. Ғамхўрлик кўрсат, севгингни изҳор қил. Қадрлилигини, ундан бошқани истамаслигингни англат. Ўзингни таслим этиш билан аёлни фатҳ этасан!..
✍Эзгин Қилич
@qodirova_g
Эрталабда боласини қийнаб, буни видеога олган аёлнинг ишини кўриб дилим хуфтон бўлди. Ўтириб йиғладим. Инсонларнинг тубанлашганидан, ҳайвонийлашиб бораётганидан, жоҳилият даврига қайта бошлаганимиздан йиғладим. Қайсидир итдан тарқаган, манқурт, масъулиятсиз, жоҳил, исқирт... катталарнинг ифлосликларига нега болалар жавоб бериши керак. Нега булар бундай жисмоний ва руҳий трамванинг азобини бутун умр тортиши керак. Бахтсиз болаликнинг асорати бутун умр болани таъқиб қилишига бу гўрсўхта ота-оналарнинг фахми етармикан. Етти ёт бегоналар гўдакларнинг бундай азоб чекишини видеода кўриб туриб шунчалик раҳми келяпти, туққан онаси, туғдирган отасининг жони ачимасмикан.
Биз аёллар кимгадир аччиқ қилиб боламизга бир тарсаки уришга-да ҳаққимиз йўқ. Ахир бу гўдакларимизни озмунча қийинчилик билан дунёга келтирдикми? Жонимизни тикмадикми? Туғиш майли. Ит ҳам туғади. Лекин биз инсониятнинг вазифаси битта танани дунёга келтириб, уни боқиб катта қилиш эмас, шу тананинг ичидаги соғлом руҳни, соғлом жамиятни, ҳам маънан, ҳам руҳан, ҳам жисмонан соғлом авлодни дунёга келтириб, қаторга қўшиш. Унинг фикрлари, дунёқараши, ақидалари соғлом бўлиши учун оилада чиройли муҳитни, яхши тарбияни, бахтли болаликни таъминлаб қўйиш ота-онанинг олий бурчи.
Бу бурчни алимент тўлашдан, ўз боласи учун сарфдан қочган ифлос ота қаердан билсин. Бунақа вазифани иродасизлиги сабаб аламини бегуноҳлардан олаётган ҳаёвон она(она дегим ҳам келмаяпти) қаердан тушунсин. Ҳайвонда нима айб. Ҳайвон ҳам боласини ўзини ўзи ҳимоя қилишга қодир бўлгунча парваришлайди. Кўпчилик бу аёлни шу кўйга солганларни айблаяпти. Тўғри, уларда ҳам айб катта. Аммо аёл барибир иродали бўлиши керак. Ҳар бир шахснинг руҳий ҳолатининг катта қисми ўз қўлида. Бугун болаларимизга меҳр бермасак, эртага улардан меҳр кутиб овораям, хафаям бўлмайлик.
@qodirova_g
«Қўрқма», сен билан «Ёш китобхон» танлови баҳона яна учрашдик. Сен менга биринчи муҳаббатимдек бўлган илк иш жойим Асахийни эслатасан. Сен менга ёш, тажрибасиз, ҳам ишда, ҳам инсонлар билан муносабатда ғўр бўлган Гуласални эслатасан. Илк саҳифалаган китобим ҳам сенсан. Ўшанда эндигина саҳифалаш ишларини ўрганаётгандим. Қайсидир маънода «Тажриба қуёнилик»ни бажаргансан менга. Тасъҳиқингниям уч қайта қилганман. Лекин ишон, сендаги, ёзиқларингдаги маъноларни шу бугун китобхон сифатида мағзига энди етиб боряпман. Сендагиларни битгунча муаллифинг қанчалар дил ўртаниб, қон ютганини ҳис қиляпман. Сен уч йил илгари мен учун бир «иш» эдинг. Энди ўйлаб қарасам, у пайт кўзимда пушти кўзойнагим бўлган экан.
«Кимдир илк қадамни қўймоғи керак. Қуруқ саволлар, гумонлар, хавотирлардан қутулиб бошламоғи керак дунёга кўз очишни, ўқишни ўзбекнинг оналари ҳам! Кимдир, аёл ё бокира бир қиз, Ватан учун ўлмоғи керак-ку туғишдан ортиб! Мен она бўлмоқдан кўра, шу миллат учун юксак ўқимоқни афзал кўрдим! Ё хато қилдимми, ота? Фақат қулфарзанд туғмоқ шарафми бу қопқондаги юртда? Оналар шундоқ ҳам кўп-ку, ичлари тўла бола! Мен улар туққан болаларни тўпламоқчи эдим илмга, маърифатга, аммо қаршимда турибди бир ўқ ва бахтиқаро ота!»
Ҳа, аёллар ўқиши, таълим олиши, кучли бўлиши керак. Миллатим, не кўйларга тушиб ўтирибсан. Миллатим, нега аёлларинг хор. Аёлларинг зор. Аёлларинг ночор. Аҳир аёл эркак қовурғасидан яралмаганмиди? Эркак аёлнинг ҳимоясини қилиши керак эмасмиди. Нега бугун аёлларинг памперс ейиши, чопиб ўлдирилиши, пичоқланиши, зўрланиши керак. Ҳатто ҳали аёл бўлмаган, гўдак мақомидаги норасиданг зўрланиб, ариқ ичида бўкиши керак. Нега ота-оналаринг болам мактабдан қайтармикан деган ҳавотирда жўнатиши керак? Нега руҳий носоғлом бўлган ожизанг эркаклар қўлида қўғирчоқ бўлиб, шармандаси чиқиши керак? Шунчалар ваҳшийлашиб кетганмисан? Одам одамга бўрилашиб кетдими шунча?
Қачондан бери рўмоллиларнинг рўмоли борлиги учун четлаштирадиган бўлиб кетдинг, миллатим! Қачондан бери рўмоллилар катта давраларда кўксидан туртиладиган бўлиб қолди? Ахир, сен рўмолу дўппиларинг билан, атласларинг билан танилмадингми бутун дунёга. Ўзлигингни, ғурурингни унутган Ултонтоз бўлиб қолдингми? Аҳир билим, салоҳият, истеъдод кўзи бир парча рўмол билан тўсилиб қолмайди.
Аёллар ўқиши керак. Кучли бўлиши керак. Жоҳил эрлардан вақтида қутула оладиган, ҳуқуқларини биладиган, ўзини оз бўлса-да қадрлайдиган бўлишлари керак. Эркаклар унутмасин: миллат аёллар қўлида! Аёл кучли бўлса, авлод кучли бўлади. Бизга янги, кучли авлод керак. Кучли аёл фақат қурсоғини ғамида юрадиган, лаганбардор, худбин эшакқуртнимас; жоҳил, кучини фақат аёлга кўрсата оладиган, аёлни устидан куладиган, аслида миллатнинг устидан куладиган хоиннимас, ҳақиқий мард кишини тарбиялайди. Миллат шунда юксалади. Баъзилар эркаклар бугун аёлни шарманда қилиб қўрсайяпти. Аслида улар миллатини, онасини, опасини, хотинини, ўз эркаклик шаънини шарманда қилаётганини хаёлига ҳам келтиргани йўқ. Бундайлардан нафратланишмас, жирканиш керак.
@qodirova_g
Kar yağar kar üstüne
Derdim var dert üstüne
Cellat boynumu vursa
Yar sevmem yar üstüne
Amman ey, amman ey
Halım yaman ey
Seni gelin getirem
Arpa, buğday zaman ey
Kar yağar, ayazlanır
Gün doğar, beyazlanır
Ben yarimi görmezsem
Şu gönlüm marazlanır
Amman ey, amman ey
Halım yaman ey
Seni gelin getirem
Arpa, buğday zaman ey
@abbosova_mehrinoz
Болалигидан унга доим
шукур қилиш керак дейишди,
қанча кам гапирса
шунча яхши бўлиши,
эътироз билдирмаса
ва борича қабул қилса,
сабр қилса бир кун
бахт кулиб боқиши,
нариги дунёда азобларига
ажр берилиши,
ойнинг ўн беши қоронғу
қолган ўн беши
ёруғ бўлишини айтишди,
унга сабр тоқатдан кўйлак кийдириб
турмушга узатдилар.
Аёл ойнинг қоронғу ўттиз кунида
ўтказиб юборди гулдек умрини,
у ҳамиша ўғил туғишни орзу қилди –
улғайиб эркак бўлади,
эркак бу устунлик дегани
қиз туғса ўзи каби пешонаси шўр
яна бир муте вояга етишини
ўйлаб изтироб чекди,
лекин унга яратган тирноқ бермади,
у эрини оломон олдида
уялтиргани учун ҳар куни
еди калтак, ичди заққум
ва атрофга қараб қўрқув сезди –
зулмдан озор чеккан аёллар
тутаётган йўл ваҳмини келтирди
ўзини дарёга отиб юборган,
(белига бойлаб фарзандларини)
ёки устидан бензин қуйган,
молхонада сиртмоққа ясаган,
ўлиги топилган поезд йўлидан...
аёл уларни теран ҳис этар
аммо ўз сабрига қоларди қойил.
У кундузларни оғир меҳнат
тунларни яратгандан
фарзанд сўраб ўтказди,
бола – муштларга чора эди,
бола – зулмдан асрар эди,
бола – унга ёруғлик келтирарди,
лекин кўз ёш, дуо ва ибодат
унга бола ато этмади,
эр унга қараб қатъий
“бугун туғ ёки кет” деди,
аёл учун ота уйга қайтиб бориш
туғмасликдан кўра даҳшатли эди,
“Ўша уйдан ўлигинг чиқсин”
деб фотиҳа берган отаси
унга қандай қарашини ўйлаб
титраганча беҳол суянди
совуқ деворга.
Тонгга яқин тўлғоқ тутди уни,
аёл туғди,
аёл она бўлди,
унинг кўксидан қоп қора
шиллиқ бир нарса отилиб чиқди,
унга аёл йиллар бўйи
бошқоронғу эди,
қўрқув, азоб, даҳшат
доя бўлди гўдакка,
аёл қаҳ-қаҳ отиб кулганча
унга ўғил деб ном қўйди,
бағрига босиб жилмаяркан
анграйиб турган эрига тутқазди:
“у сизнинг яратиғингиз!”
сўнг озод қалби ва бўм бўш
вужудини кўтарганча
тарк этди уйни.
Йўл кўринмайди,
қайга борар у?
Аниф
@mittihaqiqatlar
@qodirova_g
Оллоҳ насиб этган экан республикага ҳам чиқиб олдик. Ол қулим, деса ҳеч гап эмас...
@qodirova_g
#душанбатавсияси
Жойингиз фақат ошхонада эмас!
Азиз дугонам! Уйингизнинг саришта-тартибли туриши, мазали таомларнинг ҳиди уфуриши яхши, албатта. Бироқ бу бутун ҳаёт, дарёдек оқиб кетадиган умрингизни кундалик ишларга буткул бағишлашингиз кераклигини англатмайди.
Сиз илм-фанда, маданияту сиёсатда, адабиётда, ҳатто замонавий касблар борасида ҳам илғор бўлишингиз, муваффақиятга эришиб, жамиятга фойдангиз тегиши мумкин. Уй ишлари эса оиланинг барча аъзолари кундалик ҳаётда қилиши керак бўлган юмушлар, бунга ҳамма каттаю кичик бирдек масъул бўлиши керак.
Ўйлаб кўринг ахир, ниманидир бошқалардан минг чандон ортиқ дўндира оласиз. Унақа хислат йўқ деб ўйлаган тақдирингизда ҳам янглишаётгандирсиз, эҳтимол. Балки ҳали уни кашф қилиб улгурмагандирсиз? Яширин қирраларингиз, қизиқишларингиз бордир, шундай эмасми?
Ўзингизга имкон беринг, шу билан бирга устингизда ишлашни ҳам унутиб қўйманг. Ёшингиз, бугунгача ҳаётингизда бўлган ҳеч нарсага қарамай, ўзингиз яхши кўрган нарса билан шуғулланиб, унда профессионал бўлишга урининг. Бора-бора бу сизга завқ бера бошлайди ва ҳаётингизга маъно бағишлайди.
Сиз ўқишингиз, ўқитишингиз ўрганишингиз ва ўргата олишингиз, намуна бўлишингиз ва ҳаётингиздан қониқиб яшашингиз мумкин. Бунинг учун жойингизни фақат ошхонада деб билманг. Ким нима деса ҳам сиз ўзингизга паст баҳо берманг, ўзингизни маиший ишларга бутунлай «топшириб қўйманг».
Гулираъно Мусаева
#СукутСақлама #мотивация
Ишон сени тинмай соғинаман. Бир дам хаёлимдан нари кетмайсан. Кундузлари ўй-фикримга ўрнашганинг камдек кечалари ҳам тушларимга бесўроқ ва бетўхтов бостириб кираверасан. Кўпинча илгаргидек қучоғингда ўйнаётган, бағрингда сайрда юрган бўламан. Сен билан ўтказган 4 йил умрим мени шу ҳолга солди. Сендан айрилгач бирор куним йўқки хажрингда уҳ тортмаган, айрилиқ қароридан афсусланмаган. Баъзан ҳаммасига қўл силтаб қучоғингга отилгим, ўзингдан ўзгасидан кечгим келади. Афсус, афсус, бу қўлимдан келмаса керак. Менинг аҳволимни менинг ҳолимга тушганларгина тушунолади. Мен худди сен учун туғилгандекман. Эсимни таниганимдан сенга интилдим. Сени ҳали кўрмай туриб бор ички ҳиссиётларим билан, бор вужудим ила сен томон талпиндим. Ҳатто илк марта қалам тебратиб ёзган шеърим ҳам сенгга аталганди. Билмадим, қандай қилиб сенгга бу қадар меҳр қўйиб улгурдим. Бир қанча тўсиқ ва курашларни енгиб ўтиб ниҳоят сенга етишдим. Сен менинг тасаввурларимдан-да яхшироқ, олийжаноброқ ва сеҳрлироқ бўлиб чиқдинг гўёки. Мени сен кашф қилдинг. Мен сенгача мен эмасдим. Сен менга дадилликни, шижоатни, умуман, ўзлигимни ўргатдинг. Йиқитдинг, турғаздинг, югуртирдинг, учирдинг. Менинг барча салоҳиятим, имкониятларимни қўлловчи ҳомийимсан. Булар учун миннатдорман сендан. Энг қувончли дамларимниям, оғриқли вазиятларимниям, ғам-андуҳга тўла ҳолатларимниям сен билан баҳам кўрдим. Сен менга кўп нарса бердинг. Буларни асло унутмайман. Имкон туғилиши билан бағрингга отиламан. Мени кут. Мен сен томон ҳар дақиқа интилмоқдаман. Сенсиз ҳар соатим, ҳар куним машаққат. Сени жуда яхши кўраман, Тошкентим.
Читать полностью…
Ta'sirli post.
#tarjima
Agar biror bir erkak o'z kiyimlarini yuvayotganini atrofdagi kishilar ko'rib qolishsa, bu ishini qadrlash o'rniga "Hey, nima qilyapsan, bor, tezroq uylan, uylansang kiyimlaringi o'zing yuvishga majbur bo'lmaysan", deyishadi. Agar taom tayyorlayotgan erkakni ko'rishsa ham xuddi shunday, "Hey, nima qilyapsan yana? Sen tezroq uylanishing kerak, senga xotining ovqat pishirib beradi shunda" , deyishadi.
Xattoki ona ham taomlangach oshxonaga o'zi foydalangan idishini olib borolmaydigan, choy ichish uchun xatto choy qaynatolmaydigan, yoki uxlaydigan o'rnini epaqaga ham keltirolmaydigan 30 yoshli o'g'liga aytadi,"O'glim, sen tezroq uyli-joyli bo'lmasang bo'lmaydi. Senga qaragani, oq tarab, holingga e'tibor beradigan bir ayol kerak", deydi.
Rostdan ham shundaymikin?
Bundayin jamiyatlarda erkaklar odatda ayollarga uyni tozalash,saranjomlash, taom tayyorlash, uyini, molini qo'riqlab o'tirish va farzand tug'ib berishdan tashqari maqsadlarda uylanmaydi, sababi uy yumushlarini qilish erkak kishining izzat-nafsiga to'g'ri kelmaydi, erkakligiga putur yetkazadi. Ba'zida bir o'y meni hayron qoldiraveradi, o'zi erkak kishiga"Munosib bir umrlik juft" kerakmi yoki ular shunchaki "Ko'p funksiyali xizmatkor" xohlaydilarmi?
Eng og'iri, er va ayol birgalikda tashqi ko'rinishiga sinchiklab qaralsa, stress va surunkali charchoq oqibatida xotin erdan ko'ra uch marotaba qariga o'xshab tuyuladi, er esa doimo sog'lom va yosh ko'rinadi, axir ular ayollari uy yumushlari bilan bandligida oyog'ini televizor qarshisiga uzatib, ularning o'lar holatga yetgunlaricha jim qarab o'tiraveradilar-da. Ayolining uy yumushlaridagi qilgan mehnatlarini qadrlash o'rniga, ba'zi birlari doimo ko'ngillari to'lmay, xuddi o'zi xotinidan yaxshi oshpazdek, "Nima bu ovqating sho'r, nima ovqat bu, ovqat qilishni bilasanmi o'zi?" deya tirnoq ostidan kir axtaradilar, noliyveradilar. Bu juda ham achinarli holat.
Agar, o'zingiz taomlangan likopchani yuvib qo'ysangiz yoki kiyadigan kiyimlaringizni o'zingiz tozalasangiz, bu xato bo'ladi deb sizlarga kim aytgan o'zi? Bu xotiningizga bir oz yordam bo'lsa-chi bu? Bu yordamingiz ayolingizni ko'nglini ozgina bo'lsa ham ko'tarsa-chi?
Imom Buxoriy rivoyat qiladi Al Aswad dedi: Men Oisha (R.A.)dan Payg'ambarimiz (S.A.W) xonadonida nima ishlar qilganini so'radim. U javob berdi:"U ayollariga yordam berar, ibodat payti kelganida esa namozga chiqib ketar edi".
Vallohi, Sarvari Olam, Rasululloh(S.A.W.) taom tayyorlagan, kiyim tikkan, tozalagan, ahlatlarni tashqariga tashlab kelgan. Allohning Yerdagi eng suyukli bandasi ayollariga yordam bergan bo'lsa, bu ishni nahot siz qilolmaysiz?
Nahot erkaklikni isbot qilish uchun sunnatdan voz kechasiz? Chin erkaklik faqatgina qorindagi mushaklar, botir qo'llar, kalondimog'lik bilan emas, mehribonlik va sahiylik orqali yuzaga chiqadi. Chin erkaklik ayolining yuzida aks etgan minnatdorlik bilan jilmayishi ila yuzaga keladi.
"Sizlarning eng yaxshilaringiz ayollaringizga yaxshilaringizdir".(Termiziy)
"Marriage is Sunnah" sahifasidan olib tarjima qilindi.
@qodirova_g
#kechki_mutolaa
KOSHKI SHUNAQA BOʻLSAK...
Yemakxonada oʻtirgandik. Bir odam telefonda gaplashib boʻlib, quvonchdan qiyqirib sakradi va ofitsiantni chaqirib:
— Hammaga mening nomimdan kabob tarqating! Oʻn sakkiz yillik intiqlikdan keyin bugun men ota boʻldim!- dedi.
Uch-toʻrt kundan keyin erkakni 5-6 yoshli bolachaning qoʻlidan tutib bolalar xiyobonida sayr qilib yurganini koʻrdim. Uni tanigan zahoti yoniga borib, oʻsha kungi ishini eslatdim va yonidagi bolachaga ishora qildim. Erkak tortinib, xijolat chekib shunday dedi:
— Oʻsha kuni yemakxonada mening oldimdagi stolga kelib oʻtirgan keksa er-xotin oʻzaro suhbati qulogʻimga chalindi. Onaxon choliga "kabob yeylik, anchadan beri yegim kelib yurgandi”, dedi. Otaxon esa ayolidan koʻzlarini olib qochib “Hozir kabob ololmaymiz, pulimiz faqat shoʻrvaga yetadi, xolos” deya siniqqina javob qildi. Shu orada men telefonda gaplashganday boʻlib, hammaga kabob buyurtma qildim.
— Faqat oʻsha keksa juftlikka olib bersangiz boʻlardi, hamma xoʻrandalarga buyurtma qilishning nima keragi bor edi?- deya soʻradim undan.
Erkakning javobidan koʻzlarim yoshlandi:
— Faqat ularga olib berganimda otaxon ayolining oldida xijolat boʻlardi. Shuning uchun hammani birday mehmon qildim. Mening pulim ketsa ketsin, bir erkakning izzat-nafsi sinmasin!..
🔎/channel/yoshkitobxonuz
Бахт учун кўп нарса керак эмас экан. Шунчаки қалбда иймон, дилда ҳаловат, оилада хотиржамлик, севимли инсон, уйда сизни кутиб турган митти кўзчалар, келганингизни кўргач ачом учун узатилган жажжи қўлчалар, хурсандлигидан катта очилган тишсиз оғизчалару қийқириқ овозлар. Аслида буларнинг ҳеч бири шунчаки эмас. Ҳар бирининг ортида ОЛЛОҲнинг инояти, менҳнатнинг роҳати бор. Алхамдулиллаҳ❤️🥰
Читать полностью…
Мен мусаҳҳиҳман. Кимларнингдир ёзувдаги хатоликларини куни бўйи тўғрилаб ўтираман. Аммо бир нарсага энди эътибор берибман: ўзим ёзганда кўплаб хатоликларга йўл қўярканман. Бундан бир фалсафа чиқардим)): Бировнинг хатоларини кўриш, ўзимизча тўғрилаш осон экан-у, аммо хато қилмай яшаш, қилган хатоларимизни ўзимиз кўра билишимиз қийин экан)
@qodirova_g
Аёлингизнинг жаҳли чиққанида у билан тортишманг, унинг сўзини жиддий қабул қилманг, уни ўз ҳолига ташлаб қўйингки, хоҳлаган гапини айтиб олсин, унга асло жавоб қайтарманг! Чунки аёл кишининг жаҳли чиққан пайт у гўёки ёш болага айланиб қолади. Ёш болалар жаҳл қилганида эса уларни бағрингизга босишингиз керак бўлади, аёллар ҳам худди шундай.
Абдулҳодий Юсуф