487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(#١٤٤٦)
لشهادة الامام الجواد عليه السلام ...
شعنده العطش وياكم ... يبن الرضا اذاكم
اسئل واريد اجوابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يل الجواد انشدك يابن فاطمه
شعنده وياكم يمولاي الضمه؟
قصتك اوي الماي جانت مؤلمه
من العطش ذابل ابجبده امسممه
فوك السطح تتكلب ... وجبدك جمر يتلهب
وننشد ترانه احبابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يل الجواد وموتكم واضح صَبح
لو ابسم تموت لو تكضي ذبح
سيدي امصابك بكى بكلبي جرح
ثلث تيام انته مرمي عالسطح
وبنت اللعين اتغدرك ... يالشاب محلاه عمرك
وموتك سئل بمصابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخمسه والعشرين عمرك ماعبر
ياشباب آل النبي الكلك فخر
اليقره عن امصيبتك يشبع قهر
لكربلاء موتك يمولانا صور
بس الفرق ماكو خيام ... ماكو سبي وماكو الشام
وابابك ننوح ابابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالجواد وذكرى جرحك من تدور
ابنفس دمعتنه نرد نفس الشعور
وحيل نلطم الك مولاي الصدور
وهاك اسمع صوت ونات الحظور
آه يالجواد انادي ... آه يالجواد انادي
يالغافي وسط اترابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وطاغي عصرك زال يامولانا زال
وكبب ضلت عاليه بعلو الجبال
ذيج جنة الكاظمية ابكل جمال
شامخة تضل راية العز والكمال
وينه اليضدك وينه ... خاب وخسر كل دينه
ويبن الطهر بنسابك ... شعنده العطش وياكم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبقى مبهم هالسؤال ليا زمن
يمتى طالب ثاركم نجل الحسن
يظهر ومن يظهر نشوفه علن
ثورة ضد الحارباكم والفتن
ولكربله المهدي يروح ... يطلب بثار المذبوح
يزورك يجي لعتابك ... شعنده العطش وياكم
✍️عباس محمد الحميداوي
٢٠٢٥ .١٤٤٦ شهادة الامام الجواد عليه السلام
[نزله لشهادة الامام الجواد عليه السلام ١٤٤٤]
ضلمه دارك ضلمه .... ياجواد العصمه
ابحزن كل زوارك ... بل الصحن ملتمه
.............................................................
جفت الأقلام والبحرُ مداد
في كتابة خبر موتك يلجواد
ونشر جبرائيل فوك ارض السواد
رحل شاب ابن الرضا قيمو الحداد
وابلا عجز هبينه ... ومجلسك سوينه
وندري حضرت فاطم ... تصيح ويلاه يمه
.............................................................
سيدي يالبقه جثمانك طريح
فوك سطح الدار ياشيعه يصيح
بالعطش والحر شابهت الذبيح
وانت ميت شفنه دمعاتك تطيح
شفنه دمعة عينك ... سالت أعلى حسينك
جنت يمكن ناوي ... العمر دمعه تختمه
.............................................................
سيدي يلمتت بلسم ومهجتك مقهوره
على نسوان ابو اليمه الفرن المعموره
اليوم بمصابك الشيعه سيدي مأجوره
وكل سنه وفقها تحضر الضريح تزوره
كل سنه وكل ذكرى ... نجي ويه الزهره
وعلى الميت بلسم ... انادي ويلي بلطمه
...............................................................
بني العباس وجلاوزة العصر تتفانه
واحنه ضلت كبته تلمع ذهب يامولانه
هذا معناه صح طريقه والله رافع شانه
انحمد الله شيعه صرنه ونفتخر خلانه
ذاك درب الاعوج ... وهذا الدرب المنهج
المشى بحبكم عابر ... ويرتفع للقمه
__
دوحه احزانك جبيره وجان همها العاشر
رغم عطشان انت ميت لجن دون الحافر
سيدي ومولاي صار اسنين واحنه اناطر
بجاهك عد الله عجّل فرج ذاك الثائر
يجي ويأخذ حيفه ... وبعداك يذبح سيفه
عجّل الله عجّل ... فرج مهدي الامه
# الشاعر عباس محمد الحميداوي
١٤٤٤.٢٠٢٣ شهادة مولاي الجواد عليه السلام
اراشيف
[ميمر ١٤٤٧]
((مذهبنه بسمك مولاي يالصادق وبيه نفخر))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حكنه نتفاخر والفخر تارسنه
جعفري المذهب وعلي ريسنه
بسمك يبو الكاظم بده مجلسنه
هليلة ننعاك ابنوح ودم الدمع لمن خر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياجعفر الصادق حرت بيش ارثيك
واثق انه ياسيدي واشعر بيك
لحسين ابجو احس متريد اعليك
جنك كلتها بلا صوت خلو الدمع للمنحر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياجعفر الصادق يمن جبدك ذاب
كربله شخلت بيك وي جرح الباب
شتنسى الحسن؟ لو علي وجرح المحراب
باليوم الف مره تموت وماطاب جرحك يكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سيدي يالصادق اريد اذكر هاي
ابحرك دارك شذكرت يامولاي
عمتك تذكر طالعة امتيهه الراي
اتذكرت زينب مولاي امخيمها لمن وجّر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شالوه نعشك مابكيت انت اطريح
ومو بالرمح شالوه راسك واذبيح
ماسبو اختك لا ولا شفت اطيح
كلهن جرن ذن بحسين وضل منذبح وسط البر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماارد اكولن يومك اعلينه يهون
لاجن مصاب العاشر امحير الكون
هم شفت ميت بالعراء مامدفون
هم شفت ميت مولاي خيل التسحكه وتعبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هم شفت ميت مابجو اهله اعليه
من فوك ناكه زينب تودع بيه
ياسيدي بعض الحجي صعبه احجيه
وبيك انفجعنه وننعاك ياسيدي ياجعفر
الشاعر الحسيني؛ عباس محمد الحميداوي
٢٠٢٦.١٤٤٧ شهادة الامام جعفر الصادق عليه السلام
(قصيده في حق الامام جعفر الصادق عليه السلام ١٤٤٦)
مو حرك داره الامام البچته
ذكر نار اخيام زينب عمته
وايلاه ياسيدي ... واويلاه ياسيدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من بچه الصادق ودمع اعيونه سال
مو لجل داري انتحب ياشيعه كال
ابالي صارت كربله وركض العيال
لامحال انسه الجره بلطف محال
وين هايه النار والمن ودته
ذكر نار اخيام زينب عمته
واويلاه ياسيدي ... واويلاه ياسيدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابيده طفى النار وابناته تفر
يمهن ولن شاف صايبهن ذعر
اشحال علويات ابو اليمه الظهر
منين ماركضن لگن سوط الكفر
عاش لحظه امن اطفوف وقصته
ذكر نار اخيام زينب عمته
واويلاه ياسيدي ... واويلاه ياسيدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلشي جان ايلجمه عن طف كربلاء
ويختنك بالعبره من يسمع رثاء
يكول عندي الموت والعيشة سواء
من يذكرولي سبي راحت نساء
السبي نفس الموت عنده وغصته
ذكر نار اخيام زينب عمته
واويلاه ياسيدي ... واويلاه ياسيدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين جان البال يسرح لو كعد
يشوف ابن جوشن بلحسين انفرد
يشوفه جر سيفه وعلى صدره صعد
وفصل راس حسين عن ذاكه الجسد
هاي أشد من السموم ابمهجته
ذكر نار اخيام زينب عمته
واويلاه ياسيدي ... واويلاه ياسيدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا حال الصادق ابذاكه الزمان
ولو نظر ماي العذب ينتحب جان
وبكلبه نابت جان رمح العد سنان
وكربلاء ابروحه جانت مو مكان
كربله جانت سبب في موتته
ذكر نار اخيام زينب عمته
واويلاه ياسيدي ... واويلاه ياسيدي
✍️ عباس محمد الحميداوي
١٤٤٦.٢٠٢٥ شهادة الامام جعفر الصادق عليه السلام
[لشهادة الامام الصادق ... لسان حال الشيعه مخابطة الامام الكاظم بفقد ابيه ]
عظّم الله اجرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
___
ايعينك الله على الفركه يبن جعفر هل المسه
الابو مثل الهوه ينعد لو حضر تتنفسه
بقت يمك ذكرياته اعمامه ثوبه ومحبسه
مدرسه الصادق ابعلمه ورحل ذيج المدرسه
ايتيم تكضي عمرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
_
الكاظم ينادي يشيعه الابو لمن ينخسر
عطر نفحات الحنان تكوم تهوى وتنحسر
اليفكد الوالد يشيعه شلون كسره ينكسر
ولسجن افراك الغوالي الروح حتماً تنأسر
وازد الله صبرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
__
ينهدم بيت الأمان ويهوى سكفه ويندثر
حين تاخذ نعش ابوك أعلى الجتف نحو الكبر
اهناك من تدفن ببيّك تحس مايسوه العمر
وانه دافن شلون والد يصعب ابفكده الصبر
وشلون يطفى جمرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
_
والدي صادق العتره فيض من كل العلوم
راح وفاض الجفن دمعه وفاض بيتي بلهموم
لايلوم الشاف دمعي اعليه ينزل لايلوم
هذا جعفر الصادق نجم عالي أعلى النجوم
واعلى الدمع نعذرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
___
مات ابن الباقر ابسم وجره اعليه الي جره
لكن أهون من مصيبة جده وحز منحره
امصيبة الطف امصيبه عظمى بدنيته والاخره
رجل تتذبح بنينه وتمشي اخته اميسره
وايعينك الله بكسرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
الخادم : عباس محمد الحميداوي
٢.٢٣.١٤٤٤ شهادة الامام جعفر الصادق عليه السلام اراشيف
( قصيده لمصاب الامام جعفر الصادق عليه السلام وكأني به على فراش المنيه يخاطب الموت)
(المستهل)
انه موتي برواية حرك الخيام
مثل زينب كتلني طاري الشام
حرك الدار ماهمني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياموت عجل لاتضل حرك الخيم اذاني
خلاني مااطبك جفن الا بدمع خلاني
الصار اعلى بيتي بلحظته لطف كبل وداني
واخرها سموني بحقد هيج الدهر راوني
ياخذني الخيال وروحي تنحب
وجن بعيني اشوف اطلعت زينب
والزهره تصيح آه يابني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طاري الشريعه بكربله تعني كمر بنجماته
وطاريها اخذ مني عمر ماتنحسب لحظاته
يعني الحسين ابلا اخو ومحد بكى بخيماته
يعني اعلى عباس انكسر ظهره وفكد يمناته
يعني حسين اجه لخيمة عضيده
وي طيحت عمدها صف بيده
وموقف اخر لحزني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والشام اخذ كل العمر من السبي لديوانه
المن يضل عايش بعد البسوك اوكفو نسوانه
ساعات وكفهن نذل ويشتم وطال السانه
وبنص المجالس والزلم الطببو عمته انه
شنو لذته عمري وبيمن ارتاح
شنسه السوط لو عملات الرماح
الطف هواي تعبني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتمنيت اموتن منذبح وجسمي ثلاثه يخلوه
وهم مثل ابو اليمه الصدر بالخيل هم يدوسوه
وياريت يحصلي رمح وراسي عليه يرفعوه
وياي ماصارن ابد وبحسين هذا السووه
من ذني الكلب جانت الاامه
والصادق بعد خلصن أيامه
الدهر كل فرحه سلّبني ... وجرح حسين عذبني
تذكرت الطفوف
الشاعر؛ عباس محمد الحميداوي
شهادة الامام جعفر الصادق عليه السلام
اغتاضت الشيعه اعتلك جانونها
وتبرد الا اربع كبب يبنونها
_
وجرت نار الغضب بينه وعلت
حين شفنه كبور ائمتنا انولت
للعظم هلمره هضمتنه اوصلت
اشلون اربع اضرحه يهدمونها
____
من تشب نار الغضب بينه وتثور
حكنه عدنه امهدمه اربع قبور
ويجي يوم وغصباً اعليهم نزور
اربع اشبابيج ذهب اصحونها
____
مطلب الحك عنه لا ماينسكت
مو قضية خوف بس حسبت وكت
يجي يوم السيف غمده ينكت
من غبار الصبر ويندهه عونها
_
عونكم يهل الشيم يهل العكل
كل سنه هضمتنه تتجمل ثكل
الفزعه ماي ومو بمنخل تنكل
نريد فزعه الشيعه الي يلبونها
_
اتوضحت حركة كلبنه بهل النقاط
وسولفينه ابلا تكتم واحتياط
نهيد لمن يلج في سَم الخياط
جمل بت الأول اتعرفونها
___
مو كصيره اليد ولا العين اتنظر
وين عنها المهدي جايمته ايحظر
زودنه امعلك ببونا المنتظر
يجي يوم ورايته يشوفونها
الخادم: عباس محمد الحميداوي
١٤٤٤.٢٠٢٣ شوال الفاجعه اراشيف
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
(١٤٤٧)
وجه الفجر شايل جرح ... من لاهلا بهذا الصبح
جلمة البويه تنذبح
بعيون زينب ... بعيون زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ردلي لازم هامته ... ودمه صابغ شيبته
علي تخوف حالته ... جرحه ياوادم صعب
آه ياذاك الصبح ... بكلبي وبراسه الجرح
يون والونه ذبح ... وهيّج اجروح الكلب
كلبي مامرتاح جان من المسه لحد الفجر
اوصل الباب واردن روحي اسليها ابصبر
هاي مو بالبال جانت علي راسه ينطبر
وخواني من ردو الي ... ومشيول جابولي علي
موقف ابد ماينمسح
بعيون زينب ... بعيون زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
على اخواني منتجي ... الطبره عنها شينحجي
بسلي اليكثر البجي ... اعليه خاف انه انصدم
امشي كللهم اريد ... خاف زينب من بعيد
حيلها بجرحي يبيد ... وكلب زينب ينثلم
خايف اعليه امن اشوفه فدوه اروحله لون
يصير بيه ألم جرحه وريتني انه الأون
اصواب ابونه علي يهّدم مايبينه كل حزن
ابوضعه ولابشّرنه ابد ... لاحجه ويانه اولاكعد
ياوسفه حيدر منطرح
بعيون زينب ... بعيون زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هايمه افتر كمت ... وفوك ابونه حومّت
صمت بس عن من صمت ... عن ضحكته وجلمته
كمت احس ابروحته ... وكمت اشوفن غيبته
علي كلفه طبرته ... وخايفه من فركته
مثل حيدر وين الكه وشنهو اليّعوض الابو
والدنيا لامو دار امان ووالدي خيمه ودفو
شنو العيشه اخلاف ابونه ماتكلولي شنو
والدنيا ماتسوه تره ... من يصير بيته المكبره
يرحل ابو وجه السمح
بعيون زينب ... بعيون زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سكتته اكبر عذاب ... والجرح ماجنه طاب
ولو غفه حدر التراب ... زينب المن تلتفت
اليتم مر ماينجرع ... وكلبي بيه مية صدع
الدمع شيسلي الدمع؟ ... وروحي مستعره شفت
انعادت اعليه المصايب جرحي رد وشلون رد
حزني ودهري ومصابي اعليه وي الزمن شد
ركد حيلي وركد شوفي وحزن كلبي ماركد
ابجي المن لو انوح ... ودهري زادالي الجروح
اوين اكو املاكه يصح
بعيون زينب ... بعيون زينب
الشاعر الحسيني : عباس محمد الحميداوي
١٤٤٧.٢٠٢٦ شهادة امير المؤمنين علي عليه السلام
انا لله وانا اليه راجعون اللهم لاتحملنا مالاطاقة لنا به رحيلك يبن فاطمة اقرح الجفون وادمى العيون
Читать полностью…
( لشهادة أمير المؤمنين ١٤٤٦)
شالو علي من الدار ....... ومايدري بيتامه اشصار
حسرتنه حسره ... ... وكاسرنه كسره
افراكك علي ... ... افراكك علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مات ابونه الجان كل اوجوده امان
ابيتنه ضل عطره يسري بكل مجان
وراح اليلمنه حدر كتره بحنان
مو على بالي احساب الموت جان
ياروح روحي اتمناك ... ... موجود واكعد وياك
راحت العشره ... ... وكاسرنه كسره
افراكك علي ... ... افراكك علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وتدري نعتازه حنانك دوم كون
وهايه يابويه المصيبه الماتهون
لو مشيتو بعد لينه ماتجون
تضل صوب ادروبكم تربه العيون
وغيبتك كلش طويله ... ... وشتدري بكلب العقيله
وتبقى منتظره ... ... وكاسرنه كسره
افراكك علي ... ... افراكك علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وآنه شلوني بعد ماغبتو يحبابي
الوحيده آنه الفلا يتشافى يصوابي
وآنه ادري صعب ويألم اعتابي
ومحراب الدمع والنوح محرابي
وينه علي عن وضعي ... ... كلوله اموت بدمعي
تخنكنا عبره ... ... وكاسرنه كسره
افراكك علي ... ... افراكك علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وبعد المن لو اكول حجاية الوالد
وبعد بس بالحلم يمي اصد كاعد
ومثل حيدر فلا يحصل بعد واحد
الدهر الماخاذك مني اشبعد رايد
وين انطي وجهي والكاك ... ... يابويه ارجع ارجاك
وكلبي اشيصبره ... ... كاسرنه كسره
افراكك علي ... ... افراكك علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وبعد آيس دليلي وماترد ادري
راح ابجي العمر واتحزم بصبري
وكسر فوك الكسر ياشدته كسري
يمن فدوه يروح لطبرتك عمري
شالو فرحتي بتابوت ... ... ولروحي ادعي بالموت
وبروحي جمره ... ... كاسرنه كسره
افراكك علي ... ... افراكك علي
الشاعر الحسيني: عباس محمد الحميداوي
١٤٤٦.٢٠٢٥ شهادة الامام علي عليه السلام
(موشح / وتقره أيضا نعي لجرح الامام علي عليه السلام ١٤٤٥)
ليش؟ اخوتي يناظرون لهامتك
وليش فوك الراس ماكو أعمامتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من شفت مشيول جابوك اخوتي
انخمش كلبي وكبل طاحت دمعتي
وشفت ثوبك دم نكع ياهيبتي
اعرفت أدين الغدر يابه صابتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اهنا على أيدي خلي راسك ينطرح
وخلي دمعاتي تغّسل بالجرح
ريت صبح اكشر ولاطر هالصبح
الطبره بويه تون يويلي خلتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من امس بويه تون مالحظه تهيد
ماتفك عينك ولاترفعلك ايد
كلي زين وبعد كلشي مااريد
والله مشتاكه يبويه لجلمتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي الك يومين ماحاجي يبوي
وزين لو موزين اقره بوجه اخوي
ومثل لوج البيك هم روحي تلوي
وتدري عندي بويه عازه عازتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي الي جم مره اناشد وبذهول
الطبيب ابحالتك شنهو شيكول؟
اسمعته عمرك كال ماضنه يطول
واحنه ملتمين كلنه ابحجرتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لامنه ابهل الليل حولك ياولي
كلشي كول وجلمه لاتحجيها الي
لاتكلي الموت اجه ياخذ علي 💔
اشلون اتحمل يحيدر فركتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بويه جن الألم زايد حيل بيك
ابدال اخوتي الليله خل انطر عليك
انطيني ياحيدر احبها اثنين اديك
بعد وين انظر يغالي لشيبتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعليك من خوفي غده اكليبي يدك
ورحت مني وموتتك صارت صدك
ياعلي ابكل مغربيه انه اختنك
وابلايه أم وابو ضلت عيلتك
الشاعر: عباس محمد الحميداوي
١٤٤٥.٢٠٢٤ شهادة امير المؤمنين عليه السلام
( كعديه لشهادة المولى أمير المؤمنين ... على لحن قصيده ايام ايام هاي الدنيه ايام )
ايتام ايتام ... عكبك صرنه ايتام
اشجم ايتيم ينتظرك ... وانت اتوسدت كبرك
عكبك صرنه ايتام ... عكبك صرنه ايتام
_
كوم يامن باب خيبر ابذني اجفوفك رفعته
كوم وانظر جم يتيم الكاعد بابك تركته
وعين جم معتاز تربي لجفك ولبابك نظرته
ماكو محتاج بزمانك والزاهد مولاي انته
متنام متنام ... توزع الزاد ومتنام
يمن اعمارنه لعمرك ... وانت توسدت كبرك
عكبك صرنه ايتام ... عكبك صرنه ايتام
__
فرحت اولاد البغايا بجرحك وبنزف هامك
واحنه مكسورين كسره ابحين نتذكر ايامك
ابد مو علبال حيدر بساع ونّصبح اياتامك
كوم والبسها العمامه كوم بويه وشد حزامك
مادام مادام ... النه الفرح مادام
اعلى بابك كلنه ننتظرك ...وانت اتوسدت كبرك
عكبك صرنه ايتام ... عكبك صرنه ايتام
___
صعبه من ندخل لدارك وانت ماموجود بيها
ياعلي من يوم جرحك الظلام اشعم عليها
وصعبه ايتامك التنطر جفك اليمسح بجيها
وتباً لجف السقيفه المارعت اوصية نبيها
ظلام ظلام .... بحقدهم اعليك ظلام
وحقدهم لهسه ايطبرك .. وانت توسدت كبرك
عكبك صرنه ايتام ... عكبك صرنه ايتام
____
ياعلي امصيبه طبرتك وموتتك كلش رهيبه
والصبر ضاع بغيابك والصبر أمن يجيبه
وارواح التضل عايشه عكبك ياحيدر غريبه
ياعلي بركان دمعي طفح من عظم المصيبه
محتام محتام ... كلبي اعليك محتام
ماغايب اعلي ذكرك ... واتت توسدت كبرك
عكبك صرنه ايتام ... عكبك صرنه ايتام
__
ياعلي وللموت جف انمدت وخمدت انفاسك
غمضت عيونك وضل عايش لولدك احساسك
انت ماتتقارن بواحد ويصعب ويامن قياسك
شايل بكلبك ترافه وعلم طه علي براسك
اعلام اعلام ... لدين الله انت اعلام
وعجيبه حلمك وصبرك ... وانت توسدت كبرك
عكبك صرنه ايتام ... عكبك صرنه ايتام
الخادم : عباس محمد الحميداوي
رمضان
(خطاب زينب عن مصاب ابيها علي عليهما السلام )
الكون مرتج بسماه وكاعه
انطبر بيه حيدر بهاي الساعه
_
لاهلا بهذا الفجر وطلعت ضواه
البيه حيدر رجع مخضوب بدماه
بكلبي آه اعليه بس شلون آه
على الصابو هامه وكت الطاعه
__
لاهلا وال لاهلا مو اعترض
على حكم الله في هذا الفرض
من طلع من داره وزاد النبض
بكلبي والتم الحزن أبنواعه
__
نظرته لوجه السمه وحاله المضى
بخوف خلاني اعلى ابوي المرتضى
وروحي للحسبات ويلي امعرضه
وحس دليلي اقترب مني وداعه
_
بطول عمري اعليه كل لحظه تمر
وراح لون الليل وتوازه الفجر
ولن علي مشيول وبراسه طبر
والطبره كلفه اواصله لشعاعه
_
ولن اجاني حسين وبلعبره سجيب
كال خل يعلى بجينه وهل النحيب
من علي الكرار ايّس كل طبيب
وقارب الموت لعلي مد شراعه
_
وحين كّرب موته واعزم علرحيل
اعليه التمينه ودمعنه اعليه يسيل
وداعنه واختار الي حامي وكفيل
وبوجهه شفنه تزيد كام اوجاعه
____
واغمضت عيناه وغمضت فرحتي
وانشالت اجنازته وريت اجنازتي
وبجفن غطوه ودفنته ابدمعتي
والموت اخذ جف الماملوي ذراعه
الخادم : عباس محمد الحميداوي
رمصان
(لشهادة الامام الجواد ١٤٤٥ )
مصابك هاليوم ... بيه للطف ذكرى
وهم مثل حسين ... تنعاك الزهره
هم ثلث ايام مخلينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبن الرضا فوك السطح ... من الألم تتلكب
حار السم وجّوه الجبد ... ولاماي يمك تشرب
وكل ميت ينازع يضل ... جيت هله تتطلب
وانته ولاجتك هلك ... وموتك بده يتقرب
هم ضل اوحيد ... حسينك وينازع
وذبحو عطشان ... والحره تباوع
وحدك لمن غمضت عينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سدت عليك ام الفضل ... بابك بعد فعلتها
افعال جعده وي الحسن ... هاي المره عادتها
ونفس الجريمه سيدي ... يبن الرضا سوتها
والله يساعد فاطمه ... هلفاجعه فجعتها
ومو بس حسين ... اتشابهه يومه
ومثل المسموم ... جبدك مسمومه
متعذب والله يعينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بجسمك يمولاي الشمس ... ضلت يويلي تصهر
لاجن ولاعندك ضلع ... من الخيول اتكسر
ولابيك الف طعنه وجرح ... ولاضال دامي المنحر
براحتك عينك غمضت ... وعل العيله ماهد عسكر
وماجابو نوك ... واخذو نسوانك
مسبيه بسوك ... بوليت عدوانك
قارن مابينه ومابينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لاباريه تلم الجسد ... ولاخنصر المنك ضاع
ولامرمي بحر الرمل ... وأوصالك ابكل الكاع
عندك اخت؟ كبل الذبح ... ماشبعت وياك وداع
لافوك راسك ميته الك ... ابنيه يمولاي ابساع
ريحة عاشور ... وميراث احزانه
وجرحك مولاي ... هم حيل اذانه
بدال الماي السم منطينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الهادي علي اكبال النعش ... وناسك تجي يعزونه
هذا اليشبكه وينتحب ... وذاك الي تجري اعيونه
وحسين عنده ازغر ولد ... بحضنه بسهم يرمونه
ومولاي ماذنب الطفل ؟ ... وراسه برمح يحدونه
عبد الله ازغير ... مو رمح يشيله
مالت كاروك ... وامه تلوليله
يباوع لبنه وكال حسينك ... هم عطشان وماراوينك
هم مثل حسين ... هم مثل حسين
الشاعر الحسيني: عباس محمد الحميداوي
١٤٤٥.٢٠٢٤ شهادة الامام محمد الجواد عليه السلام
٠
بسمه تعالى... سنباشر بعون الله تعالى بكتابة قصائد شهر محرم الحرام لعام ١٤٤٨ وسيتم تنزيل كافة القصائد مع اراشيف الأعوام السابقة في القناة ونسألكم الدعاء لنا بالتوفيق والسداد
عباس الحميداوي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
[نزله ١٤٤٥]
جعفري انتمائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جعفر الصادق امامي وجعفري مذهبنه
ونفتخر على البشر كلها حبه جي أدبنه
وربنا لهاي المحبه ابناره لا ميذبنه
وبالنبي وآله الاكارم ازدهر كل كوكبنه
بلطمتي وعزائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مكتبة علم الامامه والشرع واحكامه
ازدهرت ابيتك يمن للدين صرت اعلامه
وشيكتب الشاعر بحقك واهس لأقلامه
والما يواليكم جميعاً مو تمام إسلامه
وثابت ابقائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاشمي النسب لا بل من زعامة هاشم
حيّرت كل عقل يقره شكايل أعلى القائم
لون ادركته تكلهم جا صرتله خادم
شنهو منزلة ابو صالح جا الله العالم
ويبقى ندائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وانه عاشك كل ضريح العدكم وكل كبه
والشيعي قانون حبه اثنعش شايل كلبه
وسيدي الينساك منهو ؟ العلى حبكم يربه
وصعبه ننظر بس تراب بكبرك اشكد صعبه
ولغيركم عدائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وي المهدي مسيراً نجي احنه نزوركم
ولو ياسيدي اشهد مو خفيه اعطوركم
يامن نور الله عدكم وشع علينه نوركم
من نطب كربله جنه نطوف يم كبوركم
ورضاكم رجائي ... وصادقي ولائي
جعفري جعفري ... وعشقي كربلائي
الشاعر؛ عباس محمد الحميداوي
١٤٤٥.٢٠٢٤ ذكرى شهادة الامام جعفر الصادق عليه السلام
[لشهادة الامام جعفر الصادق عليه السلام ]
انجان موسى بعصاته البحر فالق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
__
عالم حوى اعلوم الارض ومتميز اعلى اقرانه
نور بأرض جانت كبل من الجهل عميانه
بذكر الله شاغل وكته جان وبقراية قرائنه
زاهد بهل الدنيه وعالي بلله جان ايمانه
سبحان رب الرازقه بهذا الفخر سبحانه
قرأن ناطق مثل جده هيج جان السانه
الجده علي مو عجب قرأن ناطق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
__
بوكت شحت العلوم وشح الذي يدرسوها
لمدرستك الباب انفتح وطلابك الكصدوها
جم راوي يروي اروايتك ولشيعتك نقلوها
واتباع مدرستك بفخر شيعتك هل سموها
التصعب على اصحاب العلم الماكدر يحلوها
من منهلك تنحل نعم شما معضله يحسبوها
نور العلوم الي عندك للبشر شارق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
___
عشت ابوكت بيه الظلم السانه حر يتكلم
وشر الخليقه بدولة الاسلام اهو اليتحكم
اليحكم الماعنده علم وانته جنت الاعلم
النصبه الله منعزل والظالم بتاج اتوسم
ابوكتك المدح للناصبي والرافضي الي ينذم
لكن رغم كل هذا وانته فجر بوكت المضلم
نورك ضوه لشيعتك ابليلها الغاسق ... وانته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
_
وصورة محبتك ابكل كلب ياسيدي مرسومه
وجروح الصار ابحضرتك لحد هسه ماملمومه
بيكم اجزاء اشجم حزن بيكم صفت مختومه
ولمصابك يذوب الكلب ويبجي من دمومه
ليش انته يابن فاطمه جبدك غدت مسمومه
مو حكها تبقى شيعتك طول الدهر مهمومه
مو حك خدنه من الدمع ياسيدي غارق ... وانته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
___
اعليك الحزن يبن النبي كل يوم يفتح بابه
وتتذكر الصار والجره بجدك السليبه اثيابه
ابالك يجي موقف حرك خيمه ابعطش لهابه
وعماتك يركضن غدن ابحين الاجت سلابه
يلجمك الطف ابكل صبح وذاك البكه بترابه
وتقره ويه روحك دائماً لحسين آه ومصابه
سيدي حزنك جبير ولخلك شاهق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
**
الخادم : عباس محمد الحميداوي
شهادة الامام الصادق عليه السلام
ليش هاي اربع قبور امهدمه ؟
هايه هم أفعال امه مسلمه؟
وندري كل الي جره ... ... لان جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الزمن جنه يعّيد بنفسه وانعاد الظلم
جنها دولة آل اميه توها مستلمه الحكم
هم سلاله ذوله منهم وصدرو امر الهدم
الحقد نفسه باقي بيهم جرم اعظم من جرم
لو كبر لفلانه جا سوو عجب
جا بنو فوكاها عشره من الكبب
وذوله آل الطاهره ... ... لأن جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعين كلبه الشيعي ينظر تضل اربع اضرحه
ماكو وقت إغلاق بيها شرط دوم مفتّحه
وظنهم من يهدموها تنسي وكلشي انمحه
مادرو نور المناير بنص سمانه ملولحه
وقفوهم اهناك عد ربهم حساب
الحّولو مرقد إلى كومة تراب
بغض مامثله تره ... ... لأن جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عاده للي يزور ميت يشتم اتراب العليه
اشواي تهده روحه لمن ينشغ بنوحه وبجيه
وعلى كبور آل الرساله يحّرم الي يمد اديه 💔
والبقيع ايبّجي حاله ويشهد الي معتنيه
لازياره ولاصحن لاباب اله
ريت كون أهل البقيع بكربله
جا كببهم عامره ... ... لان جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وننظر بنظرة تأمل ونظرة الصابر سنين
يمتى صوت المهدي يصدح يالثارت الحسين
نعيد بنيان المراقد ونندل الكبر الدفين 💔
وياهم بعون الله لازم نبني كبر ام البنين
مايضل عدنه كبر مابيه صحن
ان شاء الله نبنيها وي ابن الحسن
والجزاء بل الاخره ... ... لان جدهم حيدره
لأن جدهم حيدره
الشاعر عباس محمد الحميداوي
١٤٤٥.٢٠٢٤
ذكرى هدم قبور ائمتنا
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
(كربلائي + نزله ١٤٤٧)
عجب ياحيدر الكرار ... راسك ينطبر ساجد
نزف آيات مو دم جان ... يالماشابهك واحد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عجيب الي جره وياك والاعجب بعد أكثر
اذا مو بالغدر تنصاب فلا واحد الك يكدر
يافارس حرايبها عمت عيني الوجه اصفر
متغير وسف لونك ... شلونك ياعلي شلونك
ابسيف ابن الدعيه اتروح ... يويلي ويفرح الحاقد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انشدك ياعلي بنشده ولو مو وكت المناشد
عن حالة كلب زينب حين اصوابك تشاهد
ماتحمل تراها افراك عليها النوح متزايد
تون ابونه مفجوعه ... وكلبها مستعر لوعه
تدري اليفكد شحاله ... وتعرف ونة الفاكد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هالليلة الوادع يصير وباجر يختفي عطرك
يمن فدوه الوجود يروح ومن عمري على عمرك
يحيدر ياعظم بلاوي لون انعى على كبرك
موادع منك ارد اشبع ... ونعشي ونعشك اليطلع
هنيالي من اموت وياك ... ولاضل والحزن واجد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحيدر مايرجعك نوح ولاثوب اسود انلبسه
أمسى الموت يتخطف عليك ورايدك أمسى
يحيدر واليتم جتال ومرني يتمي مو هسه
من سالف زماني الفات ... بجدي المصطفى من مات
ومن أمي مشت عني ... وتيتمني علي رايد؟
*(لطلب اللحن المراسله على الخاص @Mert3338 )
الشاعر الحسيني: عباس محمد الحميداوي
١٤٤٧.٢٠٢٦ شهادة امير المؤمنين علي عليه السلام
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
واحيدراً واحيدراه ... ... واحيدراً واحيدراه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سيف المرادي ياعلي ... واصل لحد الهامه
وبياوكت ترجع الي ... مشيول وابلا اعمامه؟
مو زينه كالو حالتك ... ارد اشبكك محتامه
والموت اكله لو يجي ... روحي أخذ كدامه
قلبي لجرحك اطبرا ... ... واحيدراً واحيدراه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينزف جرح راسك بكى ... والوجه اصفر لونه
وكلساعه انشد اخوتي ... بشروني ابونه شلونه
وكالولي اخوتي آيسي ... يازينب المحزونه
من كثر طبرة هامته ... صعبه يفك اعيونه
من دمٌ دمعي قد جرى ... واحيدراً واحيدراه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ومعتاده زينب عالبجي ... وعلنوح هم معتاده
وياحيف ممدود الولي ... ومنحني ظهر اولاده
يافارس ابكل الشدد ... مطروح فوك اوساده
يابو المحنه افياي الي ... نريدك يشيخ الساده
قدرٌ لعمريَ قدرا ... واحيدراً واحيدراه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والعيد ضل جم يوم اله ... ياحيدر وناوي تروح
بالعيد يلتم كل شمل ... بس احنه لاوين نروح
مكتوب راسك ينجرح ... وكلبي يضل هم مجروح
ومحرابك امصلايتك ... وكلشي ياوالدنه ينوح
ياليتناَ تحت الثرى ... واحيدراً واحيدراه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وياخيمتي ويابسمتي ... بس عيدنه ابلايه اهلال
تنشال كون اجنازتي ... ولا علي اجنازه وينشال
وياحيل ضل بيه بعد ... مال الحمل كلش مال
اعلينه يحّماي الحمه ... ايتام رايح ينكال
والله اكبر اكبرا ... واحيدراً واحيدراه
خادم الحسين: عباس محمد الحميداوي
١٤٤٦.٢٠٢٥ رمضان شهادة الامام علي عليه السلام
(قصيده ثكيل .. لشهادة الامام علي عليه السلام ١٤٤٤]
يافضه سنديني ... هلمره صاحت زينب
اهلي امفاركيني ... والدار ابد ماتنطب
يافضه امس والدتي ... وهسه لعلي دمعتي
اهلي امفاركيني ... اهلي امفاركيني
__
سنديني من المصايب روحي هاي امدولبه
امن البجي أعلى امي يفضه لحد هسه معصبه
ويه ابوي امحسبه هذا العيد اخلصه امحسبه
وهذا تابوت ابو زينب الجبل صبري مذوبه
لداري ثاني مره ... تابوت غالي يدخل
بضلمه شال الزهره ... وعلي هسه يرحل
التابوت اخذ فرحتي ... وهسه لعلي دمعتي
اهلي امفاركيني ... اهلي امفاركيني
__
ها يفضه هذا حيدر اوجر ابراسه الجرح
وآه يصبح البيه تصوب ريته لاطر بيه صبح
والله اقبل يضل يمي حتى لو ضل منطرح
تموت زينب بدون ابيّها العيشه ماضنها تصح
مطمئن بالي فضه ... من جان عندي والد
منهو وشنو يعوضه ... لا مااظنن واحد
ابفركت ابو سمعتي ؟ ... وهسه لعلي دمعتي
اهلي امفاركيني ... اهلي امفاركيني
___
ها يفضه وراح حيدر وغاب لوحة بسمتي
شوفي داره شوفي حالي شوفي دمعة خوتي
خيمة الوالد جبيره وهسه طاحت خميتي
واشضامه لزينب يدنيه اشجم جرح يا دنيتي
يكلي الدهر مكتوبه ... كل فرحه ماتحلالج
وياروحي اضل متعوبه ... ولاغالي اظن يبقالج
ويكلي دهري اشفتي ... وهسه لعلي دمعتي
اهلي امفاركيني ... اهلي امفاركيني
_
هذا امان البيت ودع وصار بيتي بلا امان
الهلا بويه بعد راحت بداري ماالها مجان
الجنت استانس بصوته غاب يافضه الحنان
ذكرياته وكلشي يوجع حتى صوت البل الاذان
حتى ابصلاتي وابجي ... ابالي وكفت حيدر
ويافضه كوه احجي ... حيلي لعلي تهطر
كوه أصبحت وكفتي ... وهسه لعلي دمعتي
اهلي امفاركيني ... اهلي امفاركيني
__
ابداري ابجي وما انشافن وضاله انه مخدره
بدمعي اصبر الجايني اكبر من مصبية حيدره
الي يوم اركض بهيمه وامشي وحدي ميسره
هاي زينب يصيح شامت خلي يدري المادره
ابسوك الضعن وكفته ... وينباع كلشي اتسلب
واحنه المدامع سكته ... وزينب يحالة زينب
وللنصر ينطق صمتي ... وهسه لعلي دمعتي
اهلي امفاركيني ... اهلي امفاركيني
الخادم: عباس محمد الحميداوي
١٤٤٤.٢٠٢٣ شهادة الامام علي عليه السلام... رمضان ( اراشيف )
(طور كربلائي ..شوط كربلائي)
ينوح لفكدك الاذان ... وتبجي اعليك كل ركعه
الصلاة الليله مطبوره ... ومحرابك يصب دمعه
__
يمن ماتميميت الصوم ... وبيك انفجعت الاكوان
الك حزنانه دنيانه ... اعليك انصبت الاحزان
انطبرت وانته بلمحراب ... ورحلت بعز شهر رمضان
جبريل النعه مصابك ... وكال انهدمت الاركان
انطبر حيدر بمحرابه .... وعليك العين سجابه
الصبر مهدوم كل حيله ... وبيك الدنيا منفجعه
__
ياحيد الكلافه اشلون ... صابك سيف ابن ملجم
بسيف الغدر والمسموم ... اجه الملعون متحزم
وكفت وكبرت للموت ... وانته بموتتك تعلم
رفع سيفه وطبر راسك ... وفجع بطبره كل مسلم
وتخضب شيبك بدمك .... وفزت والي خسر خصمك
وملائكه السمه بجرحك ... تعزي الهادي والبضعه
_
تلاكه السيف وي راسك ... وطبرها هامتك نصين
عسن جرحك يابو زينب ... بيه ولا يجيك البين
شحال الحسن وي زينب ... وبله شنو حال احسين
جرحك يلئتم هل الساع ... لو ترحل يابو الحسنين
انفجع بهذا المصاب الكون ... ومن طه الكلب محزون
وزينب نصبت الاحزان ... واجت يم الولي تودعه
__
صلفة عين دنيانه ... وبيك اغدرت بلمحراب
امس كسرت ضلع فاطم .. واعليها اندفع ياباب
عجب وتصوبت حيدر ... وانته تصيب ماتنصاب
تشهدلك بدر وي احنين ... وأم الجمل والاحزاب
وهاي الدنيا ماترحم ... وتخضب شيبتك بدم
بجرحك يتميت الدين ... خلنه انوحك وننعه
__
جرح واحد وسيف اوحيد ... صابك وانته بيه ادره
وضلع واحد بدفع الباب ... انكسر من فاطمه الزهره
لجن ياويلي جسم احسين ... بيه جم طعنه جم طبره
مو ضلع انكسر لحسين ... خيول وسحكت بصدره
اتخيل جم ضلع مكسور ... وجسمه بشمس منحور
ولاخيمه البقت لخته ... وعليها الزلم مجتمعه
الخادم : عباس محمد الحميداوي
شهادة امير المؤمنين سلام الله عليه
[ موشح نجفي .. لشهادة الامام علي عليه السلام ]
ياعلي انفجعت ملائكة السمه
بيوم شافت شيبك تخضب دمه
____
بجرح راسك شيعتك مفجوعه
والك جبرائيل صب ادموعه
ونته لشخصك علي مسموعه
ونادى اركان السماء متهدمه
____
انهدمت الأركان اقسم اهدمت
وانته وصومك ياعلي ماتتمت
بجرحك الاكوان كلها تيتمت
بجرح والدها علي حامي الحمه
_
ايتامك تناشد اجت وابابك
اشلونه ياحيدر تكول اصوابك
وشلون توكع ياعلي ابمحرابك
اتعجل الصابك بنار الحاطمه
_
اتعجل الصابك وخضب شيبتك
بسيف مسموم وطبرها هامتك
شحال زينب ياعلي من شافتك
عرفت الضربه غدر بت فاطمه
_
ايس الجراح وايس كل طبيب
ومايطيب اجريح كلبي الا يطيب
جرح راسك ياعلي ناوي المغيب
وللبواجي العين هاي محزمه
__
نظرتك لحسين طالت واشكثر
جنك تكله الجروح الف وكسر
تكله عطشان ويحز راسك شمر
واعليك تتجرأ سيوف الغاشمه
الخادم : عباس محمد الحميداوي
شهاده أمير المؤمنين سلام الله عليه