487
شاعر قصائد حسينيه منبريه .... ادعمنا فقط في الاشتراك للتواصل @Mert3338
( نزله الى ليلة الاكبر)
اركب الميمون وشد اعلى المهر
وطيح لواهم وكص راس الشمر
____
خلي يحيرون بنزالك يانسل ضرغاها
شوف هاي اعلام جور روح نكس اعلامها
سوي محشر بلطفوف وحاسب ابظالمها
سيفك يصير الصراط وخل تعبر ازلامها
بنص جهنم خلي قادتهم جمر
وطيح لواهم وكص راس الشمر
____
فن زلمهم اكبال شخصك توكف وماتبيد
واقره ايات الشهاده بنص عساكرهم اريد
قل لهم قال الباري في كتابه المجيد
منهم مات شقياً منهم مات سعيد
الجنه النه ذوله مأواهم سقر
وطيح الواهم وكص راس الشمر
_
ماصخه المعركه بويه وذرها ملح جفوفك
وخلي كل هاي العساكر من تهد تشوفك
راح تروف بزلمهم وفن رجال تروفك
زلم خلي النه بويه ومن فضلك ومعروفك
ادري كل الزلم تنحرهم نحر
وطيح الواهم وكص راس الشمر
__
المنايا بقض ايدك وشدك اعلى المهره
الجيش نص مات بقتالك ونص مات بخزره
هلا بسردال المعارك الموت عنده بنظره
روح انزل يخو سكينه صيح انه ابن الزهره
انته ابن فاطم الصاكرهم صكر
وطيح الواهم وكص راس الشمر
_
ياشبيه النبي الهادي الماخذ شمرت عمام
ياشباب الحرب كلها عمرك اثمنطعش عام
روح محفوظ بدعاء امك واعليك السلام
من ابو فاضل ماخذ شمرت الحر الهمام
رايتك احدى رايات النصر
وطيح الواهم وكص راس الشمر
الخادم : عباس محمد الحميداوي
محرم الحرام
(ثكيل الى علي الاكبر )
يمي ياليلى تعالي ... تحضري للسود الليالي
راح ابني الاكبر بعد ... وتدرين ابني شكثر غالي
_
مو توني فاكد صحبتي وهساع راح اوليدي
كل حيل ماضلي بعد وخايف اضل وحيدي
تمددت انه وي علي وكلته يبني اشبيدي
الموت غفله غافلك وياعلي ضل ترديدي
ياليلى ماسالم شبر ... وعمره مو مالت كبر
حاجيته لاجن مايرد ... وطايح اوليدي اكبالي
____
شاب واعز من النفس ابني طريح الحومه
ياليلى وسيوف العده غيرت حيل ارسومه
حاجيته وانظر لوجنته سابح علي بدمومه
هيه الفركه من الزغر لوليدي جن مقسومه
طولي وي طوله انمدن ... ودمعاتي لجله اتبدن
ياليلى شو راح الولد ... واني انمرد دلاالي
____
من صاحني الحك علي كلبي انكسر واتفطر
وكلت ياربي دخيل بس كون موش الاكبر
من صاح ياليلى كمت امشي واردن واعثر
هيج الدرب خلص ركض لحين نظرته مطبر
عاتبته بس شفيد العتاب ... من شفته فوك التراب
كتله انته للوالد سند ... حاله شده كل حالي
___
بحر الرمل خده انصهر وعيونه كوه يفكها
وانه كلت لو تنفجع ليلى وماتت حكها
لمن وصلته واستمع جم شهكه الشهكها
كوه كمت احجي انه روحي الهم خانكها
غمض اعيونه وغمضت ... وجلمه بعد ما اسمعت
والموت مايرجع احد ... وراح انتظر موتي التالي
____
جلمه يابويه من علي ماظن بعد نسمعها
لو طالعه روحي انه ولا الدهر فاجعها
ايامنه البيهه علي شنهو الذي يرجعها
يكسر الخاطر حالنا وروحي فكد روعها
من اربع جهات مطبر ... ويلي اعلى ابني الاكبر
خان الدهر بيه الوعد ... والموت اجه ويبرالي
____
ضنوتنه ذاك الجان امس شمعه يشع اضواها
ياليلى ياوسفه الدهر بغلفه بدمع طفاها
صورة جماله وهيبته هيهات انه وانساها
ابني طاسه ماي الي وبس الوكت بداها
طابك ارموشه ماانفتحن ... يمه فدوه لاتصيحن
نايم عفته ولا كعد ... نايم اوجه يلاالي
الخادم : عباس محمد الحميداوي
محرم الحرام
#محرم ١٤٤٧
(نزلة للقاسم١٤٤٧)
سيفه يذبح بالألوف ... ... هذا عريس الطفوف
حي الله جسام ... حي الله جسام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزل مترهي ابيمينه سيف طر سوح الفتن
وجهه فلقة قمر يضوي وصاح بالحومه وعلن
وأن شئتم تنكروني فاأنا نجل الحسن
وهذا عمي حسين اشوفه كلأسير المرتهن
وماأهتم لهل الصفوف ... ... هذا عريس الطفوف
حي الله جسام ... حي الله جسام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زاد عزمه ونزل جاسم ايدور الزلمة الثجيل
اشما طيّح سيفه منهم كال لا هذا قليل
امنيلكم مهرب ينادي الشرده صارت مستحيل
كنطره من الروس اسوي وحيلي يكّوى ومايميل
الموت والعكسر يطوف ... ... هذا عريس الطفوف
حي الله جسام ... حي الله جسام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سوى ماسوى ابزلمهم عدو يشهد والصديج
يصيح بيهم فرج ماكو اعليكم الحومه تضيج
عدكم بس درب واحد وموت اسمه هالطريج
انه ابن الحسن طكتي تخلق الجرح الغميج
الخوف يذبحكم الخوف ... ... هذا عريس الطفوف
حي الله جسام ... حي الله جسام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احنه خيالة العشمه وفقط من الله نهاب
بني هاشم احنه عدنه العركه مابيها انسحاب
وكل جماجمكم أذلها ابسيفي وتلوح التراب
ولاتحسبونه القيامة هذا يوم من العقاب
وعمي وأمي تشوف ... ... هذا عريس الطفوف
حي الله جسام ... حي الله جسام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وبعد ماينفع شمركم لاسنان وحرمله
كربله تعرف زلمها واحنه نعرف كربله
اليوم متضمكم الكاع ولايضمكم كل فله
واهس المعركه زاد وهسه ميداني حله
بسيفي جداً مو عطوف ... ... هذا عريس الطفوف
حي الله جسام ... حي الله جسام
✍️عباس محمد الحميداوي
١٤٤٧.٢٠٢٥ محرم الحرام
# الليلة الثامنه
(نزله لعزاء ليلة القاسم عليه السلام ١٤٤٦)
عريس كربله ... قاسم الحسن
وما أجمله ... قاسم الحسن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا عريس الطفوف نزل للبيده
يجيبها ابساع الاسباع كأنها الصيده
اخذ عالسيف شمرته وصبح تعويده
بالحرب دوم فلا يحير ولاهاي اجديده
ميدانه حلى ... قاسم الحسن
وماأجمله ... قاسم الحسن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اترخص حسين يكله عليهم ودني
جلمة الموت اشوفّهم انه شتعني
كلشي اليوم عن الكوم فلا يمنعني
ورايح لأمي أودعها وتوادعني
واهجم قابله ... قاسم الحسن
وماأجمله ... قاسم الحسن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وهايه رمله تسمعه ويحيّك كالت
عفيه ياحيد دردهم جيوش العالت
هاي الاقوام علينه بحقدها تولات
ادماهم ابحور ييمه اريدن سالت
وطشم بالفله ... قاسم الحسن
وماأجمله ... قاسم الحسن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وغار ابو الزود عليهم وطش صفوفها
ومن الخيام الحسين جان يشوفها
توسلت بيه الابطال للحظه يعوفها
وشافه عباس يحيّه شجاع اطفوفها
وماكدرو اله ... قاسم الحسن
وما أجمله ... قاسم الحسن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
معتّبر ونار الدلال تفور بدمه
وكل صفات البواسل بيه ملتمه
وعلى عمه فلا واحد الي يحّشمه
وبألف خيّال ينعد يهذا الزلمه
وراث المرجله ... قاسم الحسن
وماأجمله ... قاسم الحسن
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# الليله الثامنه
(شوط كربلائي إلى عزاء ليلة القاسم ١٤٤٦)
نزل للمعركه القاسم ... بيمينه سيفه المذهب
وكال ابن الحسن انه ... غير حسيني ماارغب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعمامه للحسن لابس ... وخاجيته أعلى متنينه
وبثياب العرس طالع ... جاسم من صواوينه
شمائل والده وعزمه ... وجماله وكل عناوينه
بالقاسم نعم كلهن ... اليزهي بعسكر حسينه
بوكفته والحسن جنه ... شجاع وسيفه ماثّنه
طشر كل صفوف اعداه ... ابن الليث المجّرب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الهواشم تعشك الميدان ... ويسكت من يطبونه
والكل يعرف الشجعان ... وحكهم من يهابونه
ولمن طلعو اوي حسين ... واجبهم ينصرونه
وعلى نهج الاجو جاسم ... ابواجب مااجو عونه
فزعو فزعه لبن العم ... وجاسم نازل امحزم
يستاهل يكول حسين ... كدامه العمر ينذب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ناده هذا عمي اوحيد ... اعليه من كل بلد جايين
وهوه وين يتحصّل ... حسين ومثل عمي حسين
تكولون احنه هم اسلام ... وتذبحون راعي الدين ؟
الخسارة مو خساره سيف ... دمانه التنتصر بعدين
وشما زاد العدد نبرز ... واهل الحيل ماتعجز
احنه الجدنه داحي الباب ... فشله بمعركه نتعب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قلب يمنتها عاليسره ... وموازين الحرب غيّر
بده ومن بده ذكّرهم ... بصولات الوصي حيدر
سمع منهم دخيل هواي ... ارحمنه وعوفونه وقرر
تزيد اعليهم الضربات ... ويخليهم جثث بالبر
صحيح ازغير ابعمره ... لاكن فعله اشكبره
الجاسمها الزلم صوبين ... المثل هايه فلا تصعب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بألف فارس قليل نكول ... ينعد يلي اتقارن
ويمتاز بصفات هواي ... من انولد بيه صارن
وهذا السيفه بالهامات ... يرن جن رنت الهاون
ماراكبله مهره الحيّد ... وشردها العليه غارن
شنهو الخيل وترهبه ... خذاها امطارد ابدربه
القاسم انذراها الكوم ... وعليهم غضب سيف انصب
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
نزال اهوازي - ليلة -القاسم
رمله تگله يجسام ... ... بالك روحك تعزها
ايدك مو لحنه لسيف ... ... يبن الحسن جهّزها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بالك عنك يگولون ... ابن الاخو وياه كصّر
شوف حسين شنهو يريد . غير الراس والمنحر
گله يكفي يامولاي ..... گدامك انه اتوذر
يكفي امي سبيه تروح ... وتركض هايمه بالبر
يكفي اعمامتي تهوه
وانطيه العمر فدوه
يبني الحسن وصه وگال ... مهمه وكون تنجزها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مايحتاجلك كل زود ... زودك من علي اشكبره
ويمه من تهد كونك ... اتخلي وجوهم صفره
واذا لاسامح احسين ... ردك للخيم مره
انزل قبّل جدامه ... وحلفه بأمه الزهره
گله من الزغر منذور
مضموم لشهر عاشور
شلي بعمري ياعمي ... ونصرتي انته عايزها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افنون المعركه گله ... اعرفلها تره وعازم
واذا علعرس يوليدي ... الحومه زفتك جاسم
تره ساعات ونشاهد ... عمك عالترب نايم
حاير غارك بدمه ... لا ميت ولا كايم
ساعات ويجي الذباح
شايل روسكم برماح
واخذ حيفك يبعد امك ... الزلم بالحرب عجّزها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابن الحسن صيح بصوت ... ماينكر عنواني
اذا جان الحسن مفگود ... انه اهناه حسن ثاني
يله البس درع يبني ... يجاسم بعد شمتاني
بظهرك راح ارش دموع .وهلاهل اطش صيواني
اريد اعلك شمع زفتك
شهيد ترد مناطرتك
ييمه الدنيه بعد حسين ... ظلمه وبعد ماتزها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من عباس اجيبلك ... الجربه يبني والريشه
وعمرك لاتفكر دوم ... عگب أهل الوفه تعيشه
يبني وسط عين اعداك ... مرعب عمك وجيشه
اصطف العدو يوليدي .. وعليك الجيش تفليشه
فلش اصفوف عدوانك
وابن الكرم عنوانك
وهاي الحومه صيحلهم .... اوين السبع يبرزها
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
(ثكيل ... ليلة القاسم لسان حال رمله ام القاسم عندما رائت ولدها شهيداً )
مايحتاج حنه جاسم لجفه ... بس عماته خل يحضرن الزفه
يطشن بس دمع هايه وصيته
جاسم زفته صارت منيته
-----------------------------------------------------------------
هو بس هذا الااوحيد جنت ادعي الله يحرسه
والعدها بس اوليد واحد روحها اطشها لعرسه
امدد بل الخيمه نايم حايره مدري اشألبسه
جفن لو درعه وجنها الحنه نفس الدم نفسه
هلاهل الرايده اتهلل أكلها ... خلي تشوف رمله انطش شملها
خذاه الموت ذاكه الكبرتيه
جاسم زفته صارت منيته
-----------------------------------------------------------------
عطرت خيمة اوليدي اوبخرتها وكلبي ظن
جاسم الليله زفافه لو لقائه اويه الحسن
هاجمني احزاني كلهن ابغلفه شو كلهن اجن
شويه والعريس اكبل لابس اسهامه جفن
امبارك جابو العريس يمبارك ... خو مايطعنه الي يتبارك
راح وطاح سكفي الي بنيته
جاسم زفته صارت منيته
----------------------------------------------------------------
اتذكرت هزات المهد وتعبي وارباي السالف
وبكل لحظه يرسملي النظر القاسم اكبالي واكف
من راح ابروحي كلت الموت حك ماشايف
مثله ابجماله ابهيبته ابعزمه ابثباته الهادف
احس ابداخلي يهمسلي بصوته ... ام جسّام بخلفتها مبخوته
وفخر لحسين عمه قدميته
جاسم زفته صارت منيته
----------------------------------------------------------------
ايدور ابالي كلام لشاعر ايكطع الجبد
كال ياوجع الكلوب كلها كلها من الولد
والكلت من اكبر اعليه اكومن واستند
راح مني اوين جان الموت اضن برموشه لبد
مو غفوت اعيونه ولاتفاصيله ... رجعلي ابدمه واتصيح العقيله
يرمله العريس اجه لبيته
جاسم زفته صارت منيته
---------------------------------------------------------------
مو قسمتي يضل ذخر الي وارسومه اتباريني
وهاي اول مره الولد اناديه وميحاجيني
غاب الجنت لعيونه اصد مسميته تعب اسنيني
جاسم يجاسم دمعتي وشلت بعد من عيني
ودهري من البجي خلوه يناصفني ... صارت راحتي ابكل ونه اون لبني
ماي ارويحتي ناشف لكيته
جاسم زفته صارت منيته
الخادم: عباس محمد الحميداوي
محرم الحرام
ليلة القاسم عليه السلام
(ثكيل .. عن لسان القاسم يخاطب عمه ويطلب النزول للمعركه )
ياعمي موقف غربتك اذاني ... الموصيك بيه بيك هم وصاني
كالالي لو راد ازلام ... افزع لعمك جسام
ياعمي ... ياعمي
__
١-
كالي المسموم ابياحاله حين الانظرك
وتحققن كل العلامات واجيتك انصرك
وكفتك وملافت اعيونك وقلة عسكرك
وصيحتك مامن مناصر والجيش الحاصرك
ياعمي شفت العمر مو مقياس .. اثنعش عام انثرهن بدربك ياس
كالالي قبل ايام ... افزع لعمك جسام
ياعمي ... ياعمي
___
٢-
عمي دورة محبس العدوان بشخصك دايره
وكل شبابي وعمري كله الك ياعم ناذره
وروحي اعلى اعداك يبن الزهره تدري شصايره
جنها دله من مضيف الحسن واكهوتها فايره
تستاهل اجفي ماي روحي اكبالك .. ولاتهوى من مهرك ويهوى اعكالك
كبلك اشوف الاام ... افزع لعمك جسام
ياعمي ... ياعمي
__
٣-
الخوف مامر اعلى ابالي وجيت ابكل عزمي
ومن ثياب الحسن انظر لبستني أمي
والدنيه ماتسوه بغيابك تنكضه ياعمي
اويه اسماء اليطيح اهانانه اريدن اسمي
وبعد لحضات ياعم منهو الينصرك ..ومن هسه اشوفك ايدك بظهرك
وتدرينه مانطخ الهام ... افزع لعمك جسام
ياعمي ... ياعمي
____
٤-
انجان ابوي برمح بز عين الجمل وأعماها
عين العدو سيفي يبز وهجمتي منو الاكاها
الواكفه اعلى الميسره اليمنه اكلبها فوكاها
واصرخ ا نه ابن الذي حلوك الزلم شكاها
ياعم هدتي من زود أبو ادلال ... واريد الغوث من العده تنكال
جفي لازم بصمصام ... افزع لعمك جسام
ياعمي ... ياعمي
__
٥-
عمي ارخصلي اخير حجايه عندي ارخصلي
انه جايك بدون ماتندهه اعلي وتكلي
خلي سيفي يصلي بركبهم الما اتركوك اتصلي
عمي حقق طلب روحي وخلني الهم أجلي
كبل ماالخيل بلحافر ترك بيك ... عمي خلي ابروحي انه افديك
عريس دم راسه اوسام ... افزع لعمك جسام
ياعمي ... ياعمي
•••••••
الخادم : عباس محمد الحميداوي
محرم الحرام
(القصيده مهديه الى السيده شريفه عليها السلام )
☝️(قصائد الليله السابعة اراشيف + قصائد عام ١٤٤٧☝️☝️)
Читать полностью…
#محرم١٤٤٧
(عن لسان حال الامام الحسين بفقد اخيه قمر بني هاشم١٤٤٧ )
حسين تدري يمتى مات .. من طحت يم الفرات
حار بامره ... ومحني ظهره
من طحت يم الفرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والله ياعباس لمن جيتك ابحيلي
ياكمر ليلي ... كوه اشم الهوه
امتيهه الراي وادور ياكمر سعدي
عكبك شعندي ... ابغربتي بنينوى
يابسه ارياكي واسولف سكته سكته
ومن وصلتك ماعرفتك هذا انته
كلت اخوي ابلا يسرته ولا يمنته
والله ياعباس هسه الموت وكته
وحشه بعدك هل الحياة ... من طحت يم الفرات
راح ذخره ... ومحني ظهره
من طحت يم الفرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه حاجيتك يبعد اعيون الضامي
خويه كدامي ... استعجلت تنذبح
كل معناتي واشدها طيحتك صارت
ودنيتي دارت ... والصبر مايصح
صبر لفراكك ولاضل عندي تدري
حيرتني ياكمر هاشم ابأمري
وداعت عيونك ولاينعدل ظهري
راحت الخويه بعد وانهدم كتري
عمري ضل للذكريات ... من طحت يم الفرات
كوم انظره ... محني ظهره
من طحت يم الفرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماصدك عيني شافت دم على عينك
ومامش ايمينك ... ومنهشم راسك
كوه منك ردت اسمع خويه لو مره
بالنفس حسره ... لروحت انفاسك
انه مامتعود أعليك اعتب ابنوح
والله موتك يابوفاضل ياخذ الروح
اسمع الشمات كالو عوفه مطروح
راح عباسك تجوتك دمه مسفوح
شحالي لو رد للخوات ... من طحت يم الفرات
ومنهو اصبره ... ومحني ظهره
من طحت يم الفرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كوم باصرني أعلى راي الراي يمك
وينه عزمك ... رحت مني ابعجل
وجانو ايشوفونك العداون عسكر
وموت الأحمر ... كوم ياأباالفضل
والمهم عباس زينب تنتظرني
راح تنشدني وشكلها وظهري محني
راح أكلها افراك عباس الكسرني
والله يمصابك هطر خويه هطرني
ابكلبي سهم الفركه فات ... من طحت يم الفرات
اهمومه كثره ... ومحني ظهره
من طحت يم الفرات
✍️عباس محمد الحميداوي
١٤٤٧.٢٠٢٥ محرم الحرام
# الليله السابعه
(نزلة عزاء قمر بني هاشم ١٤٤٦)
ناس واتحذر ناس ... نزل لينا العباس
هذا ابو فاضل ... هذا ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شاع عدهم هالخبر ... نزل عباس الكمر
والحذر واجب
سيطره بسيفه نصب ... وكامت اطير الركب
والكل تراقب
وبله هاي الحرب وشينهيها
اخو زينب شو تحزم ليها
هذا يوم الأبد ماينسونه دوم
شبيها عالت بيه الكوم شبيها
صار للموت احساس ... نزل لينا العباس
هذا ابو فاضل ... هذا ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ومابذل بيهم جهد ... الروس حاصدها حصد
ومايتعبونه
يامدد صاح وبده ... وجان نازل وحده
ومايلاكونه
وحّده العباس بيهم وشعمل؟
عاد صفين وحربها والجمل
هذا ابو فاضل حيّد وابن حيّد
هذا ابن حيدر علي خير العمل
وبيه محد ينقاس ... نزل لينا العباس
هذا ابو فاضل ... هذا ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وجوه صفر وعابسه ... احلوك كلها امخورسه
مدري شبيهم؟
ماكو واحد مارجف ... نزل خيٍال السلف
ناوي يفنيهم
وذوله المتعبين اخيي وحيله
اليوم ماتمسي عليهم ليله
اليوم كبل العصر اخلصهم وأعود
وماي اجيب وياي لجل العيله
وعاش بيهم وسواس ... نزل لينا العباس
هذا ابو فاضل ... هذا ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ومنهو جان يعاندهه ... الدرب بيده وسادهه
ومنين معبرهم؟
ذاك يوم شكد كلف ... الحيّر السبعين الف
أرواح خسّرهم
وعود زلمتهم الما يرجف لبد
ومثل ابن العاص جم واحد شرد
حاسهم فر جيشهم ذاك البطل
ويغيّر جان وياعلي يصرخ مدد
واترادمو راس براس ... نزل لينا العباس
هذا ابو فاضل ... هذا ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخربط أحوال العدو ... محد يناشد شكو ؟
وكلها تعرف
علي وعزمه وارثه ... وسوه بيهم كارثه
وسيفه يخطف
ولهسه مامعروف ياهو الموته
وهاي ماهد عود ابكل قوته
والله يالعباس سويت العجيب
وسيفك اولا ركبه جان تفوته
وشارب أعداك انداس ... نزل لينا العباس
هذا ابو فاضل ... هذا ابو فاضل
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# الليله السابعه
(فزاعيه لعزاء ليلة قمر العشيره ١٤٤٦)
ياعباس زينب هيج تاليها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعرفك يالشهم يالراكب الشكره
يحلو اطباع يالتنومس الحره
اعرفك من اخيتك حاشه تتبره
رد لرض المدينه خويه رد بيها
ياعباس زينب هيج تاليها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجتها الخيل اخيتك يامدللها
ولاضلت ولد لاأخو الضل الها
سبيه الشمر من بعدك يصيحلها
وتندهكم اولاواحد يحاجيها
ياعباس زينب هيج تاليها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وتطر ابيا خدر جيمان عسكرهم
وفوك حسين متجمعين تنظرهم
مات حسين عوفو تضل تحاورهم
انسحكه ابخيل لازم ردو اعليها
ياعباس زينب هيج تاليها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اضن نومك حلى ومتهني بالنومه
وانه شارده من السوط بالحومه
تالي الشيب من اخواني محرومه
وبين المالهم رحمه تخليها
ياعباس زينب هيج تاليها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ويامصباح عاشر يافجر مشئوم
وانه لدوم اضل أعتاب الي لدوم
اخوتي خلّصو لو ذبح لو مسموم
لو طايح وعينه السهم عاميها
ياعباس زينب هيج تاليها
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[نزله ليلة العباس عن لسان زينب تروي إلى أبي عبد الله الحسين عن أخيها ١٤٤٥]
امفّحط الكوم اخونا ... امفّحط الكوم
وبيهم يحوم فقاره ... بيهم يحوم
وره الجذوع اختلت
صرخت الجيش اعتلت
وبيهم يحوم فقاره ... بيهم يحوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تسمع الاذني تسمعه حسين شو كب الضجيج
يمكن المشرعه كعبه لموتهم بس مو حجيج
تره وطكات ابو فاضل تخّلف الجرح الغميج
الشارد من ابو فاضل نشف دمه انشاف ريج
اشسوه بالناس اخونا ... اشسوه بالناس
هذا عباس رعبهم ... هذا عباس
الكاع بالموته امتلت
صرخت الجيش اعتلت
وبيهم يحوم فقاره ... بيهم يحوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وتعرف يحسين احنه آل هاشم بالحرب
من نطب يبن الغيارى نكلب الحومه كلب
الموته سهله لليضدنه والنفس ينجر صعب
احنه تربات ابو الحمله علي وزلزال الرعب
شادره الخيل اجتنا ... شارده رالخيل
الكاع لاتميل يخويه ... الكاع لاتميل
زلزله جنها أنزلت
صرخت الجيش اعتلت
وبيهم يحوم فقاره ... بيهم يحوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منهو ضل كردوسه صامد والكمر كردوسها
اشما نوى يتلم شملهم يرد اخونا ايحوسها
اتبخرت زلم الكتايب المهم تسلم روسها
وينها صيّح عليهم الرتب خلي ندوسها
القاده جاوين ينادي ... القاده جاوين
للجل الحسين اذلها ... للجل الحسين
وروحي للجله ماغلت
صرخت الجيش اعتلت
. وبيهم يحوم فقاره ... بيهم يحوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حط جربته ابحلك شطهم وامتلت رد زامها
صاح ياشمر ابن جوشن الا اهبط اعلامها
الاربعه الاف فارس ليش شو جن ضامها
وانه ابن وادام شجاعه وماتنزل هامها
الحاسبه جيش علينه ... الحاسبه جيش
مختفي ليش امامي ... مختفي ليش
سيف منهو الانسلت ؟
صرخت الجيش اعتلت
وبيهم يحوم فقاره ... بيهم يحوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من بعيد انه واخيي اعرفت شنهي حالته
شويه والعباس يلفي خل نبّخر خيمته
اطمئن عبد الله يشرب تكفي صّدك جربته
والله لو مو خضره افصّل عبايتي من رايته
اعليه تفصال يخويه ... اعليه تفصال
رايته اعكال تحطها ... رايته عكال
وبيهه عدوانه ابتلت
صرخت الجيش اعتلت
وبيهم يحوم فقاره ... بيهم يحوم
# الشاعر عباس محمد الحميداوي
١٤٤٥.٢٠٢٣ محرم الحرام
[ليلة السابع ... عن لسان الحوراء زينب عن علمت بمقتل أخيها فقالت للحسين ١٤٤٥]
العايفله اخت وسط الخيم ... اعيونها تناطر علم
... وملهوفه
امتانيته عباس يعود ... واعدني متروس الجود ... من جفوفه
*_*_*_*_*___***
ابوعد الكفالة طالبت وحك الأخت تطالب
يم حيدره وكال الكمر زينب بهذا الشارب
وحسين من كد الضمه نازل بعينه الحاجب
وعبدالله غابت بسمته والضمه ضل ما غايب
من الماي ناشف حلكه ... عباس مايك ملكه ... لطيوفه
وحاضر يضل اوموجود ...واعدني متروس الجود ...من جفوفه
*_*_*_*_*___***
ماراح ايس وانتظر و طبع اليئس مذموم
عباس اعرفنه وفي مو امس وهسه واليوم
مااقتنع درب النهر بل العكسر اعليه ملزوم
كلي اذا لاحج عطش اترسلج الدنيه اغيوم
كلي العطش اشحده ويمر ... إعدام أصدر بلنهر النهر ... وجروفه
وجا غير دلالي يهود ... واعدني متروس الجود ... من بجفوفه
*_*_*_*_*___***
مجاي اصدك موتته العباس وانسه الصاير
كافلني هوه بطلعتي وشلون ارجع باجر
عباس ابروحي عدل ماياخذه كل عاشر
وشعجب عينه غمضت وحسينه ابلا ناصر
مو تدري ضال ابوحده ... العكسر وحيد يشاهده ... بهل الشوفه
ماعطله كطع ازنود ... واعدني متروس الجود ... من بجفوفه
*_*_*_*_*___**
من طاحت الخيمه بعد طاحت الخوه وياها
ماكالي حسين البكه ابراسج مشه وهداها
اتخوصر وكلي تره الموت ابعجل سواها
عباس مات ودنيتي اضلمت علي بضواها
ماكلي اموادع موت ... بلكلب ماضل بتوت ... أعلى حروفه
علمشرعه يضل مدود ... واعدني متروس الجود ... من جفوفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وهذا خبر موتك تره شعّب كلبي اوضعي
ماسولف عن اللطم وماسولفت عن دمعي
عباس روحي امدوهنه كتلها مات اقتنعي
جاليش ماكتلي ابشغف مني يخويه اتودعي
لحّت روحي بالعتب ... تفاركني يبن امي انكتب ... معروفه
من الخيمه طاح العامود ... واعدني متروس الجود ..من جفوفه
الشاعر عباس محمد الحميداوي
١٤٤٥.٢٠٢٣ محرم الحرام اراشيف
(ثكيل ... ليلة العباس .. لسان حال زينب عندما رأئت الحسين راجع من مصرع قمر العشيره )
حسبالي كفيلي ونتي تجيبه
راجعلي امحمل راسك ابشيبه
مشيتك شيبتلي حتى رمشي
مشيتك شيبتلي حتى رمشي
*_*_*_*_*___***
انه والعباس جنه انسولف كلب ابكلب
حتى مانبرتي تظهر صعب علكافل صعب
جان يسمح اثر رجلي لو تمشينه بدرب
سيرتي عنده خدري وحّرامها أعلى الكتب
حسبالي يجي وخابت الحسبالي
مو يدري علينه يالاخو غالي
اخر كلمه كلي زينب امشي
مشيتك شيبلتي حتى رمشي
*_*_*_*_*___***
كلت هسه حسين يرجع ويجي وياه الكمر
اول الراحو هذا ابموته ماشعت الخبر
حيرتك ترسمها عينك ومبّين لجرحك اثر
خيمته طيحتها صعبه وصعبه ظهرك ينكسر
اناظر خيمة العباس مهدومه
اذا ظهرك لاخوك انكسر مالومه
اذا مات ابو فاضل مات كلشي
مشيتك شيبتلي حتى رمشي
*_*_*_*_*___****
عوداني دوم اضلن صابره اولا امئسيه
ومن كثر بجيك لخيك ارياكك هل يابسه
بدون ماتحجيلي مات الجنت بيه امنومسه
اوينها التكدر نعاوي اعليه تنعى من النسه
خويه أتأكدت يحسين يحسين
معقوله تركنه وغمض العين
متفقين هو ايشيل نعشي
مشيتك شيبتلي حتى رمشي
*_*_*_*_*___***
ادري وصاك ابوصيه وراح اكلك يبن أم
كلك لمصرعي لاتجيب اختي زينب تنهضم
يستحي اعليه يناظر وبل الكفاله ملتزم
عين لاكه السهم بيها وعين جامد بيها دم
وجايبلي فقط بس رايته وفرسه
الكلي الماي المعطشج فلا لمسه
ابدمتعج كلي نحر حسين رشي
مشيتك شيبتلي حتى رمشي
*_*_*_*_*___***
انت تدري وانه ادري الدنيه مصخت لو رحل
يخازر الشمس ابعيوينه لو تطّلع لاخته ضل
راح اصيحن وراح الطم واتصور جني كبل
صحت وينك يبو فاضل يبو فاضل وماامل
يعني مات لمن نزفن اجروحه
تره العباس زينب ريته وروحه
يجفوف القدر بكليبي نهشي
مشيتك شيبتلي حتى رمشي
الخادم: عباس محمد الحميداوي
محرم الحرام
(نزله عكيلي )
يوليدي وينك حاجيني
___
نايم فوك الرمله امطبر
حاجيني يوليدي الاكبر
تخليني بوحدي مااكدر
يوليدي وياتعب اسنيني
__
يوليدي اشرب ماي عيوني
ليش انه بوحدي تخلوني
من طبرو جسمك طبروني
ياسلوة روحي وضي عيني
___
امك تطنر وياها اسكينه
وحسينك جا منهو يعينه
بلغربه وحده امخلينه
منهو خلافك ايسليني
_
انهض شد حيلك بخيامي
واني اعرف بكليبك ضامي
كوم وعن اعيالي حامي
بلحيره شلون تخليني
_
ماعبرن عشرين اعوامك
والموت الماخذ احلامك
شمحلاهن جانن ايامك
افراكك ياوليدي مأذيني
الخادم : عباس محمد الحميداوي
محرم الحرام
☝️(قصائد الليله الثامنة اراشيف + قصائد عام ١٤٤٧☝️☝️)
Читать полностью…
#محرم ١٤٤٧
(ليلة القاسم ١٤٤٧)
افرح ردت بالعرس يوليدي .. هذا القدر يايمه وشبيدي
بس هاي تضحيتك درس
الدين اهم من العرس
يمه يجاسم ... يمه يجاسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم مو على بالي ... جان الموت والعاشر
جان ابالي غير احساب ... ومامقسوم الي الظاهر
صحيح لدينك امضحي ... يما كاسر الي خاطر
بس افراكك اشصعبه ... دشوف ابحالي اشصاير
ابساع يمه انفاسي ضاكت .. وروحي لروحك شو اشتاكت
يالجنت أعز من النفس
الدين اهم من العرس
يمه يجاسم ... يمه يجاسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم عمك اينادي ... تعالي انعي على الشبان
يرمله جاسم اوليدج ... طريح ابخطت الميدان
ابصف الاكبر انحطه ... تره من البجي ماشبعان
انتي وزينب وليلى ... تعالن يله يانسوان
نوحن على الشبان نوحن .. اشبع بواجي يله اروحن
وكون بحلم نرجع لأمس
الدين اهم من العرس
يمه يجاسم ... يمه يجاسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم يانفس روحي ... رجعلي جفك امحنه
وييمه ارد اشبكنك ... عليه يبني ادنه
ماصدك نفس مابيك ... وكلهم ابني اريدنه
وبهداي الونين احذاك ... واكلهن لا تكعدنه
عمك يكلي البكه براسج .. يارمله ضيم الفكد جاسج
رايح يمن عينك الشمس
الدين اهم من العرس
يمه يجاسم ... يمه يجاسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مثل ليلى لون ادري ... بالخيمة اطب وأدعي
واشوفك راجع اعليه ... وتنشف يالولد دمعي
مو من موتتك ابجي ... من افاراكم وجعي
مذهوله وعليك اللطم ... ويألمني الحدر ضلعي
كلبي وحك عيناك ممرود .. عريس وسط الخيم ممدود
وحتى الهلاهل بالهمس
الدين اهم من العرس
يمه يجاسم ... يمه يجاسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بس يبني ونعم وفيت ... وفديت الروح وبعزمك
هسه الحسن يبني ارتاح ... وراضي اعليك كلب امك
ييمه لو تشوف حسين ... هسه اوحيد ضل عمك
راح ووكف يم عباس ... شبع من البجي يمك
يكله شباب اشمحلى عمره .. من الحسن جانالي ذكره
ابدمه الشهاده تنغرس
الدين اهم من العرس
يمه يجاسم ... يمه يجاسم
✍️عباس محمد الحميداوي
١٤٤٧.٢٠٢٥ محرم الحرام
# الليله الثامنة
(نزله عكيلي لعزاء ليلة القاسم ١٤٤٦)
طفوهن شمعات اسنينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عريس اطفوف يشهدولك
ياجاسم ياليرهب طولك
وعدوانك فدوه يروحولك
جاسم يانوماس حسينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يانوماس حسين وزوده
روس الطاحو مامعدوده
فزعاتك جانت مريوده
وسيفك يامحلاه بيمينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يامحلاه بيمينك بارز
وجائز تمحيهم اي جائز
كدامك كل خصمك عاجز
وتذبحهم جان متانيتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
متانيتك تنزل يمشّكر
وتبقى بعدوانك تتخير
حسين يعدك مثل الاكبر
وشافك بالحومه اموذرينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بالحومه اموذرينك طايح
وادركني ياعمي الصايح
هذا الموقف كلش جارح
يشوفك بس مابيه يعينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مابيه يعنينك مو بيده
وتستشهد يانجل عضيده
امر الباري والله يريده
دمك ينصر دينه ودينك
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
#الليله الثامنه
(القصيده على لحن اهذ مهدك يعبد الله ١٤٤٦)
ييمه ماشفت عرسك ... رحت يايمه من ايدي
يبعد العافيه اوليدي
ييمه ماشفت عرسك
ييمه ماشفت عرسك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ييمه احساب اعّدله ... عرسك يبني ياجاسم
وعني احزاني اتخّله ... ويزفونك بني هاشم
وماانطه القدر مهله ... ولاخلاك الي سالم
يجاسم هذا مو عالبال ... واحاجي روحيتي هيدي
يبعد العافيه اوليدي
ييمه ماشفت عرسك
ييمه ماشفت عرسك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امالي جنت وياك ... يخلص عمري بشوفك
ييمه شو غفت عيناك ... ودم امحنّي اجفوفك
ورحت يالمابعد الكاك ... وعليه لايضل خوفك
بعد عمري المن اخلافك ... جنت بسماتي وعيدي
يبعد العافيه اوليدي
ييمه ماشفت عرسك
ييمه ماشفت عرسك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اشوفك بالخيم ممدود ... واثيابك ترسها الدم
واتخّيل عليه اردود ... تطب الخيمه يمشّيم
وماحسبك ابد مفكود ... ويستاهلك هذا العم
بغربته ولن اسمعه يكول ... ياقلت هواديدي
يبعد العافيه اوليدي
ييمه ماشفت عرسك
ييمه ماشفت عرسك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ذخرتك والحسن منطيك ... لعمك ناصر ابطفه
وعلى عمك فلا عز بيك ... يامن كفّه اوفه
ويهنيالك على تاليك ... وكفت بنصرته وكفه
يمن متعوده انت اوياي ... وياشرياني ووريدي
يبعد العافيه اوليدي
ييمه ماشفت عرسك
ييمه ماشفت عرسك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياخذ روحي كون الموت ... ولا اعيشنهن ايامي
عود انته الالي زاتوات ... اثاري تموت كدامي
هسه يرد عليه الصوت ... راح وهيّج الاامي
بعد شيردك أعلى الدار ... واسمك يمه ترديدي
يبعد العافيه اوليدي
ييمه ماشفت عرسك
ييمه ماشفت عرسك
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
ليلة -القاسم
[قصيده رئيسيه ... حواريه بين الامام الحسين ورمله ام القاسم عندما رجع به إلى الخيام ١٤٤٥]
مدري اتاخرت زفته ... مدري استعجل الموت
اعجنيها بعد حنته ... العرس خلو بلا صوت
جبته وياي ميت مدري نايم
على كل حال هسه نزفه جاسم
ابكاع الطفوف ... ابكاع الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابن اخوي وابن روحي امدلل اوليد الحسن
هذا جبته امحنّي راسه ولابس بعرسه جفن
شعجب زافوفات جاسم عن زفافه اتعطلن؟
هسه جا وديت الاكبر بس توذر بالطعن
ادري بعمته زينب ... بيه تنصدم صدمه
مايصلح اعليه ننحب ... زينب كلي لأمه
امبّخره خيمته والعرس والم
على كل حال هسه نزفه جاسم
ابكاع الطفوف ... ابكاع الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العرس والم يجاسم ماكو حاجه نأجله
نزفك ابدمك وضامي عادي ماكو مشكله
ولو كل شويه ينقص نفر من العايله
وانته عريس الشهاده هايه كل المسأله
نيشان العرس حنه ... وجفك امحنّه بالدم
ابهلاهل مدري بالونه ... عرسك رايح يتم
تهوس لون تبجي بني هاشم
على كل حال هسه نزفه جاسم
بكاع الطفوف ... بكاع الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جايب وليدج يرمله مستحي تشوفينه هيج
لون شفتي جرح راسه كولي لا شوفي رجيج
هلهليله الحومه عرسه اخباره يارمله تجيج
راح جاسم ها يرمله شمي عطره بين ايديج
جر اخر نفس بيدي ... شبعني شكثر ضيم
يجنه الميت وليدي ... وابجيله بدمع غيم
ومن نادني كلت الكاه سالم
على كل حال هسه نزفه جاسم
ابكاع الطفوف ... ابكاع الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جان عريس اشحلاته وذكرى من سبط النبي
ومره كاعد يم ابوه ابزغره من يحبي حبي
كلي هذا ابني لنصرتك محالل ومهوب بي
الحسن كلي جاسم ايهد وشريفه تنسبي
يرمله انطاني ولده ... الحسن باذل بزرته
ايعرفني اوكي بشده ... وكبل لا اجي زرته
وكتله يالحسن تانيني قادم
على كل حال هسه نزفه جاسم
ابكاع الطفوف ... ابكاع الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رشن على وجه ادموع العتاب هسه يفز هسه
كلشي والم ةوجاهز ينسوان هوسن بده عرسه
تره منكطع من جسّام الامال مامكطوع نفسه
خلي يشع على خيماتنه النور تطلع هسه شمسه
غميج الجرح يمكن ... اخذ من جاسم الحيل
وصلته واسمعه يون ... على عمك كلت ويل
من عمرك اشايف شنهو فاهم
على كل حال هسه نزفه جاسم
ابكاع الطفوف ... ابكاع الطفوف
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
ليلة القاسم
(نزله في حق القاسم وشجاعته )
خبر عاجل صادر عن الخيام .. للحومه برز هلساعه جسام
العدو يصيح الخطر ... ألى أين المفر
ألى أين المفر
__
وين مشراد الي ينوي يشد عزمه للهرب
نزل تربات ابو ادلال وعينه تجادح غضب
نهر من العزم يجري والحسن هو المصب
صيته عد كل البريه الجان ابوه يكرم ذهب
وكلمن يريد ايكابله ويتمرجل .. من كبل كولة ياعلي يتخردل
الحميم الهم مقر ... ألى أين المفر
ألى أين المفر
___
هدته تنعد جيش املاكي جيش يصارع
من نظرته قسم مات من عليهم باوع
ماقانع يجر سيفه لجل اخفاف لا ماقانع
الشرد منه بس ذاكه اهدومه ذبها وشالع
اخذو من ابن العاص درس الشرده .. وفنه الوصل جسام هذه شحده
اركضو صوب الشمر ... ألى أين المفر
ألى أين المفر
__
هو من مكفاه يخوف وطوله يرهب بيهم
شلون لو وجه بوجهه جسام ايلاكيهم
طبعه مايلحك الشارد ولاظهر ينطيهم
وعلى شفرة سيفه اولهم انذبح وتاليهم
سنبل حصد اوجوهم هيج اغدت .. وعروكهم من الدم هم نشفت
يطرهم بسيفه طر ... ألى أين المفر
ألى أين المفر
____
كنطره الطف ولزمها ابن اخو العلويه
وكال فنه الي ايتكرب يمي حت لو شويه
كالهم ماهمني كثرة اجيوشكم المفنيه
اكلوبنه من الغيظ ضدكم حيل اهي مجويه
العلى ايده يحصله ويجيه الموت ... ابمجانه يضل بطف وين اكو تابوت
الدماء خطت بحر ... ألى أين المفر
ألى أين المفر
____
ابجبهته خله ايده ونوى يستطلع بعد
دور اعلى القاده بيهم مالكه قائد صمد
كال ياتربات هند من امكم هذا الحقد
ومستعد افني جمعكم وانذبح هم مستعد
حذرينه شكثر كلنه وحذرينه ... كل هاشمي كلنه تسطركم يمينه
اخذو الطف عبر ... ألى أين المفر
ألى أين المفر
••••••••
الخادم : عباس محمد الحميداوي
محرم الحرام
طلع شباب من الخيم كومي يزينب هلهلي
_
ابن الحسن نوره طلع من خيمة رمله وزهر
شايل كرم من الحسن شايل شجاعه من الكمر
لابس على صدره درع وتوجه يشد علمهر
ينادي انه ابن الحسن وجدي الغالب علي
___
صال اعلى جيمان الزلم وطشر جموع الصافه
والهيبه بيه من كتر تفتخر بيه جيه حافه
وعدوانه موضوع الهرب اصبح بحلكهم سالفه
رجفت رجلهم من اجه صوتها ضل يعتلي
___
بئن تنكروني يرتجز ويرتعد بعيونه الغضب
اربع جهات المعركه لازمها ومنين الهرب
تل مثل تل الزينبي سواه من كثر الركب
لعمته صنع تل الركب وكاللها عمه ادللي
_
اسم الله اعلى طوله سيدي تمدد بنص الحومه
وتحنت اجفوفه وسف ياناس من ادمومه
ياويلي ابحين الوصل لرمله كل اعلومه
وزينب تواسيها غدت وتكلها رمله اتحملي
_
زفنه عماته بدمع والحسره بيهن زايده
وتكابلن ياهل الخلك فاجده اكبال الفاجده
التمن على جسمه وبجن ورمله يم راسه جاعده
تكله امه ياشبل الحسن منهو اليباري محملي
••••••
الخادم : عباس محمد الحميداوي
(القصيده مهديه الى السيده شريفه عليها السلام )
#محرم ١٤٤٧
(نزال للعباس ١٤٤٧)
هذا ميدان البطوله وزوده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابو فاضل لو تعد بيه اشتعد
زلمة بس هالزلمة يتفايض مجد
الخوه بس عباس حكها انطاها
تروح يمه الخوه ولجفه ترد
راح طر العلكمي ومد جوده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا ابو فاضل الحيد المايميل
ادخيل ماكايل ويمه الكل دخيل
ابوفاضل زلمة حيد ابظهر ابوه
هذا شيال العلم هذا الكفيل
طاحت ايده وبالكرم ممدوده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
غيرته اتفور اوكف راعي الثبات
اشواي لو ضل جانشف ماي الفرات
هذا ابو فاضل الحط للماي صيت
وصار هذا الماي سراً للحيات
وماكو بالعباس كل ابروده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مثل ابوفاضل اخو ماضن يصح
الخوه مصخت وانطه للخوه ملح
يوسف العنده اهدعش خوان وين
الكفيل احسين عنده اكبر صرح
مثل هاي الخوه ماموجوده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وكفو وسبع انعام من طاريه
اشكد وفه بروحه اشكد حنيه؟
كلبه مثل الجمر ينقلها الامام
حاشه ضاك الماي كبله شويه
كال اخيي جبدته ممروده
ابوفاضل رسم كل حدوده
ياعباس دخيلك ياعباس .. ياعباس دخيلك ياعباس
✍️عباس محمد الحميداوي
١٤٤٧.٢٠٢٥ محرم الحرام
#محرم ١٤٤٧
(مقدمة لعزاء ليلة العباس عليه السلام ١٤٤٧)
واويلاوه ياكافل الحره أم عون
واويلاه ياكافل الحره أم عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحيل الحسين الجنت ... تجايه ينظرلك جان
وجاوبني كلالك تره ... رد لوكفتك عطشان
موتتك مو هذا الوكت ... ابعازتها هسه الخوان
لمن طحت يم النهر ... بان الكسر بيهم بان
مدري شلون يرجع للخيام شلون
واويلاوه ياكافل الحره أم عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هوه التعب بيه اشعمل ... والعطش عّذب جبده
عباس جم عباس اله ... وغيرك بعد ماعنده
الماجانت اباله تمر ... وشده وجبيره الشده
العباس شيال العلم ... يعوف الحسين ابوحده
بس الموت الفركه راداها تكون
واويلاوه ياكافل الحره أم عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وحسين جان ابطيحتك ... كافي تموته الشّمات
يم راسك ابحين الكعد ... صاحلوله ابو فاضل مات
زين أعلى طوله من وكف ... ومن راح صوب الخيمات
وخطواته ينعدن تره ... الدرب جاباه عثرات
ابلا عباس ضليت كام يصيحون
واويلاوه ياكافل الحره أم عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس مايكدر بعد ... احسين تدري بوضعه
بس رادك تكله نعم ... شكد رادك انته تسمعه
وعباس ماضل لاولد ... عنده ولا كل ربعه
عباس زينب تنتظر ... كلساع غالي اتودعه
ياعباس وكلكم نويتو اتموتون
واويلاوه ياكافل الحره أم عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بيّن الشيب ابلَحيته ... وأبيض يكلك رمشي
شايب رجع من النهر ... كوه يكافل يمشي
يصيح النهر آه يانهر ... ضيعت مني الكلشي
عباس ريت انه الطحت ... وانت التكابل نعشي
ياعباس حيلي ابرجعتك مرهون
واويلاوه ياكافل الحره أم عون
✍️عباس محمد الحميداوي
١٤٤٧.٢٠٢٥ محرم الحرام
# الليله السابعه
(نزال + موشح ليلة عزاء ابا الفضل العباس عليه السلام ١٤٤٦)
حسين اجانه وماحجاله حجايه
امبين اعليه فكد راعي الرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجه ومثل اهلال ظهره حنوته
كوه يمشي ويدك راسه بيمتنه
كتله وينه وكالي امشي لخيمته
طيّح الخيمه وبجينه هوايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماي كتله مااريد ابكى ابضمه
وينه اخيي اعليه انه امعلمه
خلي يم عباس ننصب ماتمه
اهناك يمه نسوي احنه اقرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ريت من البارحه ميته انه
ولااضلن عكب اخوي امدهونه
افراكه لاهو يوم لاشهر وسنه
حتى انطر يجي الداك الثايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا اخوي الماله بالدنيا مثيل
كالي لمن طلعنه انه الكفيل
راح اخوي المحد بطاري يعيل
اوسفه راية كافلي امدمايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آه يازينب يكلها حسين آه
اندرات الدنيا امن انطاني كفاه
واولا سهم يازينب الكيّته خطاه
وبعينه طايح سهم للرمايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اصفج بجفيني ياخيتي بكيت
وعدل يمج مدري شلون انه جيت
انتي تنشدين انه ليش انحيت
مشه اللازم ظهري ماهو ويايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شفته زينب وانحنيت انه عليه
وكتله اخيّك يابو فاضل وشبديه
كتله اخوك تشمتت عدوانه بيه
والخدر يتنّطرك ياحمّايه
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# الليله السابعه
(قصيده لوداع ابو الفضل واخته زينب ١٤٤٦)
اودعج جاي وامسح دمع عيناج
والله وياي مدري الله وياج
ويجرح كلبي حالج ... منهو الي بكالج
والله وياي مدري الله وياج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمكن لخيمتج خويه هاي اخر مره اطب
وادري موضوع الوداع اعليج يازينب صعب
وعود يمج انه كاعد وهيج دمعاتج تصب
خايفه اعليه يزينب مايردني هل الدرب
يمكن بس خبر مني يجليج
وعلى الرايح يجن شديلي حيلج
احس اعرف سؤالج ... منهو الي بكالج
والله وياي مدري الله وياج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انه خايف على حسين التوه فاكدله ولد
من اروحن للشريعه خاف ماارجع بعد
شو كلتله خل اودعك ماكدر يوكف كعد
باد حيله جا شلون يشوف طر راسي العمد ؟
اوداع اخوان بس مايكدر حسين
شيصير بحاله من ينظر بلا ادين
ويخويه وشجرالج ؟ ... منهو الي بكالج
والله وياي مدري الله وياج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخايف الخوه يزينب ظهر اخيّنه تكسره
وعلى كلبه موتي اصعب من كطعت منحره
وحالي وحجي الشماته راح يكسر خاطره
وياترى ؟ يرد روح عنده لوَن ميت ياترى
يزينب حاله ماهو يبشر بخير
اشوفه من اموت بموتي يحير
ويتفرهد دلالج ... منهو الي بكالج
والله وياي مدري الله وياج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شكد عزيز حسين عندي بكل طلب مارجعه
وخاف يندهلي دكوم وانه اديه امكطعه
المارضى هسه نتوادع من اطيح اتوداعه
ومثلما رايح يجيني ريت اجيه بمصرعه
اليحط راسي يخويه بوسط حجره
يريت اكعد واحط بحضني نحره
وسرح بيمن خيالج ... منهو الي بكالج
والله وياي مدري الله وياج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وتدرين ابن وادم انه بكل حرب مامغلوبه
ياخويه حتى لو متت ولو ماارد النوبه
لجف القدر راح اتركج يابت علي المهيوبه
مكتوبه تمشين بيسر بدرب السبي مكتوبه
بصبح اهدعش خويه انتي تمشين
ومن فوك النياك اهلج تودعين
وبس الهم صفالج ... منهو الي بكالج
والله وياي مدري الله وياج
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
ليلة -السابع
[قصيده عن لسان الامام الحسين لما جاء إلى اخيه ابا الفضل العباس ١٤٤٥]
عباس كلّت حيلتي ... شمتت أعداي بحالتي
لو ترد وياي والمكفه اعدله
لو ارد محني شتشوف اعليك سهله
تردني مكسور ... تردني مكسور
..............................................................
كابرت ياما كابرت حاولت اعدل ظهري
هذا الكسر مو من جرح بلروح صاير كسري
تعثرت جم مره وطحت ضليت حاير بأمري
مدري اجيلك لو ارد للواعدتها انتظري
عباس أوجد يادرب ... والظهر متنسده غرب
هسه توني اعرفت هم للخوه عله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياغربة الماعنده اخو ويردون كطع أنفاسه
يصيح الغريب لكل لهله ومامن خبر من ناسه
وحسين فاكدكم سوه والهظم طب لحساسه
ويدري بعد موتك شمر ياخذ لزينب راسه
لحضات واصعد عالرمح ... حالتي ماضن تنشرح
وكلبي شيجاوب زينبك لمن تريد تسئله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس اذا من ايدي رحت راح ارد بس اتعثر
عباس اذا تضل منطرح فكّر بحال الخّدر
ولحضات واواكع عالرمل انهض بعد مااكدر
وزينب تطلعها العده أطر الزلم بت حيدر
التل يتاني اجدامها ... وانه انذبح كدامها
عباس حط بيدي عذر لسكنه ورباب ورمله
لو أرد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن سمعتك صيّحت كلبي وكف مدري يدك
اتمنيت لحظات الطحت اسندك كون ملحك
مارافع لعينك طرف بوجهي ودوم مدنك
افراك اخو مثلك شهم عباس كلش يخنك
ياهوى الريه الدافي ... من نومتك مو كافي
منظر كسرتي للعدو عباس كلش يحله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شما اجمع الذكرى الجنت عباس بيها امهندم
تتطشر بلفحت هوى وادري بعد ماتتلتم
كون انه ميت وانذبح عباس وانته التسلم
ماكو شمس والها ضوه عكبك الكون واظّلم
كلشي تغّير لونه ... وحالي يخويه شلونه
ودرب الخيم لمن متت شو ماندله
لو ارد محني شتشوف اعليك سهله
تردني مكسور ... تردني مكسور
# الشاعر عباس محمد الحميداوي
١٤٤٥.٢٠٢٣ محرم الحرام
( نزلة ... شجاعة ابا الفضل على لسان الحسين عليه السلام ١٤٤٤)
يعباس مناطره اختك ضاله
يعباس ترد عليه أن شاء الله
الطف لهسه دايخ ... بيك اخيّك كاشخ
يعباس ترد عليه أن شاءالله
----------------------------------------------------------------
مو فقط جود اعلى متنك شلت واكلبت الحرب
شلت عافيتي انه واختك العينها صوب الدرب
الموت خايف من خيالك شحده لو يمك كرب
الهوه يستأذن لريتك يابو فاضل لو يطب
يعباس الهوه اتخوفه انفاسك
يعباس شمحلى غترة راسك
الطف جمالك دارخ ... بيك اخيّك كاشخ
يعباس ترد عليه أن شاءالله
------------------------------------------------------------------
الك راي ورايه رفت بسوح معركة اليقين
والك ثلث اخوان بلطف من ذراري أم البنين
ماسمعت بيوم منك خويه كتلي ياحسين
جنت تندهني باامامي وكلبك اشكد بيه حنين
يعباس اقصور ابد ماشايف
يعباس بصدر موتك واكف
الموت شارد صارخ ... بيك اخيّك كاشخ
يعباس ترد عليه أن شاءالله
------------------------------------------------------------
كلبي اوكلب اختك من بعيد وهم عرف
زوهر الشط وابو فاضل نزل مترهي وغرف
اباب خيمتنه اوصلنه صوت عسكرهم رجف
الكاع كالت يابو فاضل حملي زاد وانخسف
يعباس الكاع زاد احمولها
يعباس صولها انت وجولها
ابجفك شكد كافخ ... بيك أخيّك كاشخ
يعباس ترد عليه أن شاء الله
--------------------------------------------------------------------
من النجف حيدر اجاهم لا ابد مو مستحيل
الموت طب وسط المعاره هذا بتّار الكفيل
تاهت الحومه عليهم والكمر هو الدليل
عفيه يبن امي يمرهب يا ابو حيل الثجيل
يعباس اتخيلت مشرادهم
يعباس عفيه سيفك صادهم
اظهور كاسر فاصخ ... بيك اخيّك كاشخ
يعباس ترد عليه أن شاءالله
-----------------------------------------------------------------
ثكل سيفك من دماهم والضربه جانت قاسيه
ماكو زلمه صدك زلمه اتبارزك بس فاهيه
مكبره سوه نهرهم ساجيه اتكل ساجيه
خبط صافيها ابو فاضل الكوم شردت حافيه
يعباس واحد انته لو الف
يعباس الماركض يشرد زحف
عباس شامخ شامخ ... بيك اخيّك كاشخ
يعباس ترد عليه أن شاءالله
الخادم: عباس محمد الحميداوي
١٤٤٤.٢٠٢٢ محرم الحرام
(شوط كربلائي الى ابا الفضل عليه السلام )
ملك للمشرعه العباس ... ... وعلى الشاطي صبح حكمه
خزينت دولته جوده ... ... ورضات اسياده التهمه
__
ملك ماوطئ عرش الكاع ... بكلب زينب صبح عرشه
ملك حير اصفوف اعداه ... ياصف يلكه يفلشه
عنده اعداه صم حنطه ... يلمه بكيفه ويطشه
ملك عطشانه ارياجه ... ... وحسين عمامته وتاجه
يأشر على الماي يطب ... ... بجربته بدون مايلمه
_
تره كشاخ ابو فاضل ... والدرع شي ثاني ملبوسه
شيخ وطلع صوب الماي ... وشافو شنهو ادروسه
بس لمن برز عباس ... علشط سكتت الهوسه
اليفك حلكه غده بحرفين ... يشطره الكافل لنصين
كتيبه ينحسب عباس ... من زوده وكثر عزمه
____
العمامه آل هاشم هاذ ... والابو حيدر شنو يطلع
بوفاء حار كل الكون ... وقليل شمه احنه نتوقع
جفوفه من دنت للماي ... نوى اعلى جفوفه تتشلع
حس ببرودته اشوايه ... تتجه وكام علرايه
هيهات اشرب وعطشان ... كال حسين ابو اليمه
_
يتلضى من العطش ممدود ... عبد الله انه عفته اهناك
والمواعدها اجيبن ماي ... وكالت عمي الله وياك
شجاوب فاطمه وامي ... لون كالتلي وين ارباك
لون مارضت عني امي ... وتكلي ليش يانشمي
وشتفيد الصلاه والصوم ... العنه المارضت امه
_
جربته بمتنه والعدوان ... دروب النهر سدوها
من مهره لحضن حسين ... هوه من جربته ارموها
جر راسه ولخوه يكول ... جبهتك من يخضبوها
منهو اهناكه اليعينك ... ويمسح دمه البجبينك
بوفاء ويه اخوه حسين ... معنى الخوه اليرسمه
_
وعظيمه منزلة عباس ... والباري بيها العالم
لذالك لحد هذا الحين ... وماتخفى اعلى كل فاهم
اله راية ستر واصلاح ... لون تتعارك الوادم
من مملكته هاي تضل ... على الاصلاح من تنفل
واله رايه اعلى راك الماي ... بسمه الشاطي بقت نجمه
••••••••
الخادم : عباس محمد الحميداوي
محرم الحرام
(القصيده مهديه الى السيده شريفه عليها السلام )