487
شاعر قصائد حسينيه منبريه .... ادعمنا فقط في الاشتراك للتواصل @Mert3338
#محرم١٤٤٧
(ليلة العاشر ١٤٤٧)
هالليلة زينب ليلة وداع .. جيبو اعيالي يمي ابساع
اتوادع وياهم ردت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اموادع والصبح ... باقيله ذني الساعات
وباجر يزينب مااضن ... نلتم بعد لا هيهات
باجر ولايمج اخو ... ويصيحون عباس مات
باجر سياط وللسبي ... باجر فرح للشمات
باجر يمن لااجه باجر ... تشوفيني بالحومه حاير
والعطش دلالي يفت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين الحنينه ابنيتي ... ارقيه واريد سكينه
الاكبر يزينب خل يجي... من رحت فدوه لعينه
وطفلي الرضيع البل مهد ... هم بيدج تجيبينه
العباس واخواني اجو ... السجاد زينب وينه
وكل آل هاشم خل يجوني .. تشبع ردت منهم اعيوني
دمعي ياخويه ماسكت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلهم عطاشى آل النبي ... بيا وكت صارت هايه
والماي مهر امنه تره ... اشماله الفرات ومايه
وماأبري ذمتك يانهر ... تأذى الرضيع اهوايه
وهاذي نوايب كربله ... والدهر سوه اسوايه
يم الشماته ذبني دهري ... وياربي انت بهايه تدري
ونار بدليلي تلاهبت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحرم يربات الخدر ... ماحاجه اوصيجن بعد
وينصاري يهل المرجلة ... عدواني عدهم فد قصد
يرودني بس انه تره ... ولو طحت مايرودن احد
سيرو ابهل الليلة بضعن ... كفيتو وأديتو العهد
بلحظتها منهم صدر تصريح .. كدامكم يبن النبي نطيح
وخدامكم يهل البخت ... ياخويه ماضلي وكت
هالليلة زينب ليلة وداع
✍️عباس محمد الحميداوي
١٤٤٧.٢٠٢٥ محرم الحرام
https://youtu.be/TcFu3eaoEmw?si=uHZTF05quNlrpJnt
==========================
آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧
# الليلة العاشره
(خطاب السيده زينب والامام الحسين ليلة العاشر١٤٤٦)
باجر يحسين ... وين اشرد وين ... ابحين التوكع
باجر عثرات ... وسوط وهزلات ... يحسين اشبع
وماصار الصبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين باجر طيحتك تخليني أطر العسكر
افتر ادورك يالاخو واعلينه خصمك يفتر
وباجر قمصيك مايضل ميت ومنك ينجر
احضر انادي ياعلي يابو الحسن يمي احضر
وام خد مسطور ... وضلع المكسور ... هم تحضرني
وشيرد الكوم ... يبن امي بيوم ... شمر يجرني
اذا خلص ذبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين بعدك بالخيم والعاشر بعد ماصاير
واجروح احس بيك شكثر يبن الزجيه وحاير
يمك بعدهم صحبتك ماصحت الا من ناصر
من هسه ايدك عل الظهر يحسين كلي شصاير
ومن هسه وحاس ... تفكد عباس ... وترجع وحدك
تصد للخيمات ... تحس محتركات .. شنهو قصدك
وعينك عالرمح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين تنظر للسهم وترجع تناظر صدرك
يمكن يصيبك بالكلب وكلش يخويه يعورك
تتلمس هوايه شعجب شفتك يخويه بنحرك؟
تنذبح يمكن وانه فوك التل اضل انتظرك
يذبحونك ليش ... ويسبونه الجيش ... ادري بكلهن
وانه بلا راي ... اركض للماي ... اندهه عمهن
كلشي متضح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخويه رقيه وشعجب اهواي كعدت يمك
وجنها تحس تفاركك كلساع شو تشتمك
يحسين عنها بكربله وين انه اضمن دمك ؟
يل يوزعونك بالطعن وحافر يطشر جسمك
والخيل الخيل ... من تسحك حيل ... ماترحم لا
وجني أتصور ... تضل بس منحر ... يحسين اهناه
عاري ومنطرح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين لوعة كربله ابوجهك انرسمت كلها
من طيحت الاكبر علي لروحي وفكد كافلها
وعندك سوالف ادري انه كلبي فلا يحملها
ومرحلة موت من العطش ادريك اي واصلها
تفتح بالعين ... شو كوه حسين ... حيلك رايح
ومابيك تكوم ... كلش مهموم ... وحزنك واضح
يلكلبك سمح ... وبيك شجم جرح
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# اللية العاشره
(لمصرع الحسين ١٤٤٦)
اخوي من الخيم ينسمع ونه
وهذاك الشمر جر السيف جنه
عسن لاشافت العين ... ... بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله اكبر .. حسين هذا .. وهيج صاير حاله
بعينه زينب .. بعينه خيمه .. احتركت أعلى اعياله
حسين حيل امدوهن وماعنده راي
ساعه رجعي ساعه يكلي تعاي
يشوفني ومايكدر بطوله ايكوم
وخاف اعوفه وخايفه ينادي وراي
اخيي الشمس جوت كل جروحه
وخل بهداي تطلع كون روحه
شيطلب الشمر دين ؟؟ ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه اسمعه ... وكلت زينب ٠٠ لحكي لاخر نظره
من اجيته ... اشلكيته؟ ... اثنعش طبره ابنحره
وعاين فوك راسي رمح مشيول
عليه الراس واسمع دبج الخيول
صحت مات ابو اليمه الخيل المن
نسحك جسم اخيج واحد يكول
اجه واحد واسمعه ابكل شماته
ذبحتو احسين روحو اسبو خواته
وعله صياح النساوين ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امنين دربي ؟ ... شماله كلبي ؟ ٠٠٠ ماوكف وارتاحن
الحرم هجت ... وين فرن ؟؟ ... وين والمن راحن
كبل سلابها كون الكه بنتك
السبي يحسين اجاني ومن رخصتك
يمكن الحك ويمكن تصب هسه اذنها
رايحه ويحسين يالغالي عذرتك
بعد مو مال ضله حسين الأيتام
كلمن راد ابوه وشيخلص الايام
حالك وحالي موزين ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخيل هايه ... عشره منها ... تسحك أعلى اجروحك
الباقي هجمت ... أعلى المخّيم ... وراح تطلع روحك
موت حسين احسن ولاتناظرنه
بين النار والسلابه هل صرنه
بعد مااكدر حسين واجي يمك
لأن مجتوفه والحادي بحبل جرنه
مثلك انه حسين ماباكيلي حيل
وجايني يحسين ليل شلون ليل
ايشجيب النوم ومنين؟ ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اوداعت الله ... ورحت عنك ... ابركبتي ثمانين روح
ابجبر رحنه ... وسوط ظالم ... خله بمتوني الجروح
مابيها هلا الشام اتحجي البوب
رحت والتم علينه السوك انوب
المايشتمنه يشمر حجر يحسين
وانه بنص الغرب والتفت ياصوب
وتاليها الخرايب امجان الي تصير
جرح السبي كلش كلش اجبير
جنت وين وصرت وين ... بس لايذبح حسين
وهذاك الشمر جر السيف جنه
الشاعر الحسيني:عباس محمد الحميداوي
١٤٤٦.٢٠٢٤ شهر محرم الحرام
[نعي ١٤٤٥..زينب والحسين]
تيهت دربي يحسين انه تيهت دربي
كظيت كلبي بس لامنذبح كظيت كلبي
منين اجيلك مكضوض الدرب ومنين اجيلك
ياكون اشيلك واجيبك للخيم ياكون اشيلك
جيت المه انه جسمك يخويه جيت المه
حركو اخيمه ذبحناه صيّحو حركو اخيمه
امتانه اتانيك على التله رحت وامتنانه اتانيك
اشصاير اعليك كومه من الحجر اشصاير اعليك
كالبينه كالبينه انه وجهك لكيته كالبينه كالبينه
امطلعينه امطلعينه كلبك من كفاك امطلعينه
شابعه روك ابصدرك الحوافر شابعه روك
جروك جروك سلبو هدمك وعلكاع جروك
صايره افتات اعظامك بسحك هل الصايره افتات
مرات مرات مو مره انسحكت ابخيل مرات
شلون اعرفه جسمك حرت وشلون اعرفه
بيش احلفه اجه ذباحك ايرد بيش احلفه
خلك ابنومك نايم عالترب خلك ابنومك
اشيكومك اشيكومك جثيره اسهام صدرك وشيكومك
شلون رفسه يطكك شمر بشلون رفسه
موش خمسه أصابع يمنتك شو موش خمسه
ابصدرك تربع يكام الشمر وابصدرك تربع
يحسين تسمع شتمني النذل يحسين تسمع
فرهود صاحو ذبحناه وعلخيم فرهود صاحو
للحرم راحو ابمشاعل نارهم للحرم راحو
جابوها الاحبال يهاي الهزل وجابوها الاحبال
واعليه تنكال جيبو الخارجيه اعليه تنكال
وعالي يراسك فوك الرمح عالي يراسك
حر شمس جاسك بعد الذبح حر شمس جاسك
راح امشي يحسين سبي وي الغرب راح امشي يحسين
وجنهم مبعدين بعد عن كربله جنهم مبعدين
اتبارى ذمتي وياك اريد اتبارى ذمتي
ولاكلت اختي لاكمت اليه وكلت اختي
#الشاعر عباس محمد الحميداوي
١٤٤٥.٢٠٢٣ محرم الحرام يوم تاسوعا
(نزله ليلة العاشر )
للحسين حرارة تهلتب ... للحسين صدك يسوه التعب
_
ياهنياله الشارك ... ابهاي الخدمه ونارك ... يحسين بيه مشتعله
الصعبه تدري وتصعب ... تنشاف اختك زينب ... لاهاي ابد مو سهله
للعاشر ابكل حيلنه ... قامتنه اهي ترتيلنه ... ولا الناقد نهمله
للحسين لو عبده انحسب ... للحسين صدك يسوه التعب
____
هذا العهد يتكرر ... امصيبتك هيه الاكبر ... وماتجي اكبر منها
دمعتي هاي التجري ... ولطمتي توسم صدري ... صاير انه مدمنها
مهربي بس لخيرك ... مدللني واحد غيرك ... مالاكي انه واعلنها
للحسين ابكلبي منكتب ... للحسين صدك يسوه التعب
_
شايل العز ابراسي ... تسبيح هاي انفاسي ... لو احضر المئتم
مو عشره هنه ايامك ... طول السنه الاامك ... يوميه ألم نتئلم
خلني اركض طوريجك ... يلي ناشف ريجك ... ومن درسك اتعلم
للحسين فلا غيره احب ... للحسين صدك يسوه التعب
____
كل سنه من اتحزم ... ونيتي الك أتقدم ... خطوه تنجي وتأمن
موكب مساند موكب ... ياشافع لكل مذنب ... من شيعتك والضامن
يحسين عهدي الدائم ... خادم اضلك خادم ... وتعوفني لا ماضن
للحسين روحي تنوهب ... للحسين صدك يسوه التعب
____
تدريها كل محنته ... اتماشي اجنبي عمتنه ... والخصم شامت بيها
طبت القصر تاذينه ... يحسين مو تدرينه ... زينب دمعنه اعليها
راسك بطشت الطاغي ... وبنتك تريد تناغي ... ارقيه ارجع ليها
للحسين عزانا المنصب ...للحسين صدك يسوه التعب
الخادم: عباس محمد الحميداوي
محرم الحرام
ليلة العاشر
(نزله )
ملحمة الطف والجره بيها ... نختمها بيش وبيش نبديها
واحسيناه ... واحسيناه
_
قطب القضيه حسين من كل صفحه
وضل خالد نصره بفداء وجرحه
وشما حاول التاريخ اسمه يمسحه
خصمه اندثر وحسين يعلى صرحه
الاجل الشريعه روحه منطيها ... نختمها بيش وبيش نبديها
وأحسيناه ... واحسيناه
___
ابدون كل اعلام شاع انتصاره وانتشر
وفقط هو الي دمه اعلى السيوف انتصر
التضحيه واجبه تصير لو دين الله بخطر
وضحه ولده وضحه صحبه وضحه بنحر
حتى الشريعه بدمه يحميها ... نحتمها بيش وبيش نبديها
واحسيناه ... واحسيناه
____
حسين عبره نتخذ منه درس ثائر
حسين ثوره رافضيه ضد حكم جائر
وحسين دمعه تمحي الذنوب الكبائر
حسين لطمه وصرخه تعلى بكل المنائر
حسين محنه من يجي طاريها ... نختمها بيش وبيش نبديها
واحسيناه ... واحسيناه
___
كل ارض كربله وكل يوم اليمر عاشوره
وحسين مايتحدد بشهر المحرم دوره
الطف رساله عدل انكتبت على المعموره
الطف تحرر من الظلامه للبيها مأسوره
وكثره المواقف صعب نحجيها .. نختمها بيش وبيش نبديها
واحسيناه ... واحسيناه
____
محنة الطف تجذب تره العاطفه
وبيها الصاحب اتبين من موقفه
بيها الاخوه وضحت درس الوفه
بيها الصبر بفكد الاهل بيها جرح ماشفه
بيها حرم هل هجم سابيها ... نختمها بيش وبيش نبديها
واحسيناه ... واحسيناه
•••••••
الخادم : عباس محمد الحميداوي
محرم الحرام
(القصيده مهديه الى السيده شريفه بنت الامام الحسن عليها السلام)
(ثكيل الى الامام الحسين )
تودع خواتك شو كمت ومتحزم شعندك
سبعين الف ذوله الكفر بس انته شو وحدك
_
بظهرك زلم جانو كبل بس هسه بلهيمه
ولااحد الضل ينصرك طاحو يابو الشيمه
مو تدري انته لو طحت ماتبكه اي خيمه
يحركونها اعلينه الغرب ونركض تره نكصدك
____
من طلعتك رد للخيم ضل انته حامينه
لو رحت يولونه الغرب وتتربط ايدينه
وشمر وزجر حادي الضعن يصبح ياوالينه
درب اليوديك انه اضن مايرضى ويردك
____
ملجوم كلبي من النهر لاتعتني اتشوفه
يهيج ادموعك لو شفت عباس وجفوفه
هاك اشرب ادموع الحرم وهل الدمعه مذروفه
خاف النهر يجرحك بعد ولا من اخو يسندك
_
اربع فرق جنه انقسم جيش العده شماله
وحده بحجر وحده بسهم ومجموعه خياله
خوفي تكع وسط الحرب وتدنانه عياله
اتنام اخافن علترب ويجوي الرمل خدك
_
انخاف دخان الخيم يوصل لعد جسمك
ويخنك بريتك كل هوه وايتامك تحشمك
كل الخدر بيك انعكد وزينب تره تهمك
اتصور انته اخر ولي وشلون وتفكدك
____
لو صعد دخان الخيم واليل حن لونه
ماادري بيك بيا كتر وجرحك صفه شلونه
وعيناك سدهن لو شفت الزلم من يسبونه
بسمار تصبح طلعتي وبكلبك انته اندك
الخادم : عباس محمد الحميداوي
محرم الحرام
(ثكيل للرضيع )
بين ام البنين وفاطمه مسأله ... عن الرضيع وعن سهم حرمله
بيا ذنب بحضين ابوه ... بيا ذنب يذبحه عدوه
ويبقى كاروك الطفل من صوته خالي
_
هو طفل اورده جنه يفوح من حلكه الضمه
ليش عن الماي يحرم وليش سهم اليفطمه
شكال كلبه الي سدد وعلى نحره من رمه
عن نظر امه وابوه وكل خواته يحرمه
شال بركع ركبته عصف الهوى ... وخله كلبه من دماه ارتوى
راد ماي اتشربوه ... بيا ذنب يذبحه عدوه
وتضل امه بفكده سهرانه اليالي
__
عمره ست اشهور حتى السنه ماتم عمره
لاجن اخذ روحه العطش والسهم ذاك بنحره
ردنه بس ماي لشفاته شويه حت لو كطره
بحضن امه يبات جان وهسه فوك الغبره
رمح مثل احسين هم جابوله ... ولااكو رحمه بكلب كل ذوله
راسه من امه خذوه ... بيا ذنب يذبحه عدوه
وشالو راس الطفل بذيج العوالي
_
ترفه روحه يناغي امه جان بمناغاته
شكد حلوه اخدوده جانت وجه يامحلاته
امه جانت حيل تفرح من يفز فزاته
حتى تنظرله امه وتشبع ابوجناته
اتفز وياه وتفرح من تشيله ... وتكله ايام ونرد للعليله
من العطش شكد عذبوه ... بيا ذنب يذبحه عدوه
الجره اعليه ريت انه اليجرالي
___
نشفن ادموعه ودليله العطش فت اكليبه
لا ثدي ايدر لبن لجله ثديه جف احليبه
امه لحسين انطته وظنها سالم ايجيبه
مادرت سهم المنيه يريد بس ايصيبه
لو تدري يموت شلون تنطيه ... من هاي البواجي دمع تسجيه
سهم بلمعركه انطوه ... بيا ذنب يذبحه عدوه
وغالي الولد يناس عد امه غالي
____
غافي جنت وليش تكعد المكعدك يألم
المن اشتاكيت يبني ليا جرح وليا سهم
نام يبني وين رايح خوفي لاتتروه دم
ضل يسباحة دليلي ابكى امونس الخيم
الوليلك ييمه وترجع تنام ... وتنسه الماي يمه وتنسه السهام
محد يصيح ارحموه ... بيا ذنب يذبحه عدوه
طفه نورك وتشع تبكى ابالي
الخادم : عباس محمد الحميداوي
محرم الحرام.
(تقره تجليبه + موشح)
لطمت الزهره اعلى ضلع المنكسر
وشافت حسين وعلى صدره الشمر
__
١-
كضت درب الحومه بت طه ركض
ابحين شافت شمر علشيبه قبض
اصفر وجهه من الشمر كام انتفض
وكلب جسم احسين وازداد الخطر
___
٢-
صاحت وضجت يارب ماذه جره
ابحين شافت شمر جرد خنجره
انغمى اعليها من تناوش منحره
وركضت وطاحت على الوجه اشكثر
___
٣-
كامت تكوم وتكع واغدت تميل
ولله رفعت راسها ابدمع اليسيل
تكله حفظه يمن انجيت الخليل
حسين مرمي ابنار حقد اهل الغدر
__
٤-
وخف ونين احسين وبفجئه انكطع
ونظرت الجيش اعلى المخيم فزع
التفت وشافت رمح توه ارتفع
ابراسه شايل راس ابن خير البشر
__
٥-
احتارت اتغطي الجسم لو تجمعه
لو تدور اعلى اليتامه واصبعه
عقدت النيه تروح لمصرعه
ومشت خطوه تكوم والاخرى اتعثر
_
٦-
ها بعد جم خطوه ولجسمه تصل
شافته اعليه شابجه ارماح ونبل
وضنت يعوفونه من بعد الجتل
نايم اعلى الكاع محزوز النحر
___
٧-
ولنها تنظر عشرة اخيول اعتنت
على جسم احسين كلها اتزاحمت
ولو بس ملحكه جا فوكه ارتمت
ولا مخليه الخيل تطحن بل الصدر
____
٨-
صرفت ابعاد النظر صوب الخيم
شافت اعلى الحرم جم شامت هجم
بصوت صاحت وين شيال العلم
خدر زينب اغلى من راك النهر
___
٩-
جل عليها الليل وأنزل ضلمته
وكل عضو لحسين راحت جمعته
شبكته وبحضينها ألام خلته
يدوم رادت ليلها وميطر فجر
__
١٠-
نحر ابنها ابدمعه مهضومه ترش
بذاك ليل المحنه والكلب انخمش
على زينب تخاف من ليل اهدعش
امساهره ضلت على اربات الخدر
••••••
الخادم : عباس محمد الحميداوي
محرم الحرام يوم 18
خدمتك نوماسي.. بيهه رافع راسي
......................
خدمتك هاي يمولاي امانه بركبتي
طول الايام والأعوام يرزقي ودمعتي
بدمعت العين يالحسين اعيش مصيبتي
بالعزائات والاهات اطلع حركتي
عطرت انفاسي.. بيهه رافع راسي
......................
الكل بدايات نهايات وانه بفي نعمتك
ورايد بهاي يوفاي النهايه بخدمتك
الساني كل يوم يمضلوم يسولف قصتك
شكد تمنيت عليي ريت تصدلي بنضرتك
تسوه اهلي وناسي.. بيهه رافع راسي
.......................
عايش اوياك بلياك فلا يسوه العمر
بصدري عنوان يعطشان لطمتي اعله الصدر
عاشك النوح والجروح وانه بهاي افتخر
ترخص الروح يمذبوح الك فدوه ونذر
خدمتك بحساسي.. بيهه رافع راسي
.......................
ما الي راي يبو الراي مطيع المنبرك
ياضوه العين والسنين دمعتي المنحرك
اسهر الليل يبو الحيل وانوح الخنصرك
بهاي الهموم اضل دوم لجمتي العاشرك
والعزم عباسي.. بيهه رافع راسي
.........................
امعطش الماي يالهواي ولاتعطش ابد
انته عنوان يسلطان ردت منك مدد
واني وياك يمحلاك اضل اعله العهد
بكبري ياريت تمنيت تجي بوكت الشدد
فضلك ولا ناسي.. بيهه رافع راسي
محمد هادي العقابي
# محرم ١٤٤٧
(نزلة إلى علي الاكبر ١٤٤٧)
ليلى وسط الخيم ... تدعيله تدعيله
يرجع اعليها الشهم ... وبحيله وبحيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جاس كلب ام الولد خوف أعلى ابنها
وتدعي ربها سالم يرد لحضنها
فرعّت والدمعة سالت من جفنها
ساعة ماتكدر يغيب الولد عنها
بحسره نادت وألم ... ونحيله ونحيله
ليلى وسط الخيم ... تدعيله تدعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلى ذيج اللحظه بيها النار تسعر
متانيه يرد بالسلامه علي الاكبر
تشوف وجه احسين الوانه اتغير
اصبحت مذهوله وسط الخيمه تفتر
شافت الموت انرسم ... يوميله ويوميله
ليلى وسط الخيم ... تدعيله تدعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تكول هوه اوحيد أمه ومالي غيره
خاف أفكدنه وأضل بشلون حيره
الموت أدري لكل بشر يختم مصيره
بس علي أبني فكدته اشكد جبيره
ادعي كونه سلم ... واحجيله واحجيله
ليلى وسط الخيم ... تدعيله تدعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
واستجاب الله دعاها ورجع سالم
وبيده جايب راس البكر ابن غانم
وصاحو وينج يليلى علي قادم
اتلكته ليلى وتهوسله الهواشم
رجع يتفايض عزم ... للعيله للعيله
ليلى وسط الخيم ... تدعيله تدعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عفية يبني حسين كله ابهل الشهامه
عفية ببني الذي منومس كل عمامه
علي يلجنك علي اليرهب حسامه
رد عليهم خل يشوفون الندامه
مّوت اصلاب الزلم ... اوجيله اوجيله
ليلى وسط الخيم ... تدعيله تدعيله
✍️عباس محمد الحميداوي
١٤٤٧.٢٠٢٥ محرم الحرام
#الليله التاسعه
(نزله لعزاء ليلة مولاي علي الاكبر ١٤٤٦)
ليلى الاكبر الاكبر .. اريدج تندعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلها يم الاكبر ابحين الدخل
ليلى ابنج ويه ابن غانم نزل
رفعي ايدج وادعي بدعوة وجَل
كون سالم علي من الحومه يضل
ودعوت الأم الأم .. ترجع مستحيله
ليلى الاكبر الاكبر .. اريدج تندعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلى اشوف اجيوشهم شو حاطته
وعيني هذا المشهد اولا حملته
جيتج ومخطوف وجهي ابصفرته
يموت كلبي ولا اناظر طيحته
افراك الاولاد الاولاد .. ولابيه انه حيله
ليلى الاكبر الاكبر .. اريدج تندعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلى ادري بعلي يجيب الغانمهَ
المو بحيله راح ومتعبه الضمهَ
شوفي فتشت عيني عسكر وهّمه
صاحو ابن حسين لو حامي الحمه
اتوهم الجيش الجيش .. ماضلت وسيله
ليلى الاكبر الاكبر .. اريدج تندعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وليلى ياليلى علي لدربي ضوه
وعندي شمت عطره أغلى من الهوه
حصد روس اعداه ابنفس المستوى
والغوث كام تصيح منه نينوى
ثكلت الكاع الكاع ... بحمول الثجيله
ليلى الاكبر الاكبر .. اريدج تندعيله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ورجع ياليلى علي من الحرب
وجاب راس الكتلج يغلبه صعب
هلهلي بوجهه ابحين الي يطب
وخلي يتلاكه حبيب اوي المحب
هذا ابو الزود ابو الزود .. ابو الغيره الاصيله
ليلى الاكبر الاكبر .. اريدج تندعيله
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[نزله ليلة علي الاكبر ١٤٤٥]
هم علي ونفس الاسم ... زود الحسين ونعم
والجيش يترادم ردم ... من نزاله من نزاله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كبّر أعلى الموت كبّر ابصوت شبهه الزلزلة
ومالت الكاع وتلاحك ابو سكينه لكربله
اخبار لبن زياد راحت هامه ومستعجله
ابن الحسين وتسرفن بالجثث كلشي ملى
نوش كام ينوشهم ... مابرزله الخوشهم
اكتشف خوف اجيوشهم ... من خياله من خياله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شبل من اظهور قاده أعلى العرب مقدامه
برز راكب فرس جده املّبسه ابوه اعمامه
هيج رافع راسه عالي مامدنك الهامه
وكت عركه وعلي هسه مو وكت للثامه
السيف ذو فقاره ... وبرز سيف الشاره
وغار بيهم غاره .... ابكل جماله ابكل جماله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي انه وابن عودي من نسل حيدر نعم
الكاع اثكّل حمل بيها اليوم اقسملك قسم
شافه الحسين وتنومس وابو فاضل مبتسم
كله روح العكل جرها جبيهم صوب الخيم
خلني شوط اتعارك ... اليجي صوبي امبارك
تذلهم الله اختارك ... هل حثاله هل حثاله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امجداح السيف وشرارة نار كبت ملفته
ياعلي وقوة نزالك الجيش كله رعبته
وره اشجم جندي يتّبلد الشمر هيجي خلته
اوفر حظ جان عدهم التسلم من الكص ركبته
ادخيل الله اشنازل ... ابرهوه حيلك داخل
لوسط خصمك واصل ... مو محاله مو محاله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بكيفك تضل تكط بيهم كط غنم لو تكطع
وخلي لحسين بنزاله اشوي عدد من يطلع
ولعمك العباس هايه القله لا ماتنفع
ارجع متانيه ليلى تشوف طولك ارجع
امكفّي وموفّيها ... علي ارحم بيها
شويه ورجع ليها ... يبن آله يبن آله
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
(نزله ليلة علي الاكبر .. الحسين يخاطب الاكبر )
هوس ابنص الزلم ... عمي شيال العلم
شهم وانه ابن الشهم
-----------------------------------------------------------------
انا علي ابن الحسين ابن علي ارتجز
الحومه من كد نزف دمها نايمه خلها تفز
ابهاون ديوان عمك اخبز العكسر خبز
بويه خلي الكاع بيهم زلزله وكامت تهز
بيمتنك شيل اللوه ... اعليهم كطعه الهوه
ادري تكلبها يبو همه وعزم
-------------------------------------------------------------
يبني مايحتاج اكلك خلي بعض من العدد
الجفك يلوحله اذبحه لجن اتذكر بعد
آل هاشم زحمه تبرز وانت ممخلي احد
واستمع يبني ابطبعنه مالحكنه الي شرد
الطف حلاته ابشاربك ... وجدي جماله واهبك
وادري ابكل ذوله لا ماتهم
----------------------------------------------------------------
علي يمسنع ياضاوي ياصبي عين امك
يانفل ياشيخ يكبر يابعد حيلي اسمك
العطش والحر والصحاري لاتكلل عزمك
ومثل عمك مثل عودك الكوم لا ماتهمك
بويه شد جفيتك ... بويه انه اشربيتك
تربية معركه درسهم قيم
---------------------------------------------------------------
يابدر عد ليلى امك مانوه يصبح هلال
ياترباية شجاعه وتملك انواع الخصال
يلي انت وابو فاضل بيك ثلثين الجمال.
قائد ابرتبة فدائي جاهز ادري لكل نزال
بويه فرحني ابخبر ... الشوراب جرها جر
اهزم القاده يمن ماتنهزم
----------------------------------------------------------------
ياهرش كلبي يل الاكبر ومهرتك خيالها
الكاع من كد اليطيح تخرج اثقالها
طشش اصفوف الاعادي وينرثي خل حالها
خلي يتندم الشارك ابحرب ضد ابطالها
هد علي يمرتب ... يمن عمتك زينب
علي لدم انصاري كن منقتم
الخادم: عباس محمد الحميداوي
محرم الحرام
الرادود من القطيف- صفوى - حيدر آل خميس من السعوديه ربي يوفقك ويزيد توفيك
Читать полностью…
#الليلة العاشره
(نزله لعزاء ليلة العاشر١٤٤٦ )
المهر لمن لفه لزينب ... وباوعت لدمومه
نشدته بيا كتر اخيي ... وكع بارض الحومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حين يصهل واجه لزينب امبين اعليه الذهول
لحكي طاح حسين يخته جنه للحره يكول
اوسادته امن الرمل صارت ويمه تندار الخيول
طاح مابيه بعد ينهض وتصعب اعليه كومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب وضل ايتكلب الرمل يجوي اجروحه
والسهم المثلث يزينب حيل عذّب روحه
شكو شي ينشمر نحوه ويلي جان يلوحه
شلون محنه البيها طايح من الطف ويومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افياي لو عندج لخييج ولو ماي اسمع طلب
اعليه خل نلحك يزينب الشمر من عنده اقترب
يموت خافن مثل ابنه ومن دمه نحره شرب
وخاف لو داسته الخيل تضيع عنه ارسومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجعته لخيامه زينب ايسي كلش منها هاي
ولسان حاله يكول جرحي ينزف وشديه تعاي
كال اخوج افكدت شوفي يختي من شدة ضماي
وبعد من هالحال شصعب هايه كل اعلومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابطيحته يعني يزينب للسبي قصه ابتدت
يعني هجمو أعلى اخيامج والعيال اتفرهدت
وهزله يعني الناكه صارت والايدين اتشددت
وسوط ابن جوشن يضربج ومنه هم مشتومه
الشاعر الحسيني : عباس محمد الحميداوي
١٤٤٦.٢٠٢٤ محرم الحرام ..
#اللية العاشره
(الرباب والحسين ١٤٤٦)
هذا الرضيع الماحجه اليمه
شو جبته اليه سابح بدمه
الماماشي مره اكبالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
البعده ماحاجي ابد ولاكال يمه ويابه
بيض الملابس من مشه شو هسه حمره اثيابه
وي النفس عايش عبد ويجرحني حيل غيابه
ياريت صوبني السهم يابو علي اولا صابه
ومتعوده جنت اعليه ليليله
ومااغفه الا ينام بديه
خالي المهد شو خالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الله كمطته ابصبر بس الأجل وازاني
الربيته ست شهر مشه وبين الألم خلاني
جنت احلم يضل الولد ويكبر ابين احضاني
ماجنت احسب موتته وسفه الوكت غدراني
جنت بزفافه والعرس احلم
وشلون اهلهل كلت اتعلم
خابت ابساع آمالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صعبه اصدك موتته وصعبه اشوفن نحره
الموت مو كد الولد وعبد الله كلي شكبره
يفتح عيونه بضحكته ترجعلي بيه منتظره
ماحسبت تعب الربه وابساع يخلص عمره
تمنيت كون اتعب على رباته
وماردت من أكبر مجازاته
افراكه صبح جتالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وجا هاكثر نازف دمه ازغر قرابين الله
جلده ترف وحار السهم ذبحاه اي واسم الله
امشي اجيبن مهده الك لو هيجي اخلي بله؟
ماميت اوليدي اضن نايم اضن عبد الله
بلكي من اهزه بالمهد يكعد
اوي الزغار الموت اله موعد؟؟
مثل ام الاكبر حالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين ام الاكبر خل تجي ونتكابل انه وياها
ننعى نواعي أعلى الولد الراحت ولانلكاها
وصيحولي رمله الفاكده وخل نبجي لمبجاها
انه الرباب ام الولد الحيل الدهر اذاها
وصيحولي عمته زينب اهنانه
وتنعى اريد وتبجي ويانه
انعى انه اضل لتالي ... مذبوح جبت الغالي
يحسين يحسين ... يحسين يحسين
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[رئيسيه - خطاب بين الرباب والحسين عندما رجع بعبد الله الرضيع مذبوحاً١٤٤٥]
امناغيته توني اوديعيته ... حسبالي ماي الشربيته
يحسين ميت شو لكيته
اوليدي اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من اجت عمته وأخذته بيه روح ابني شويه
وكل اعتقادي اتشربه ابلال لشفاه امّيه
كمطته اخير اكماط ابني انطيته للعلويه
جيتوني ظهرك منحني وركبته هم محنيه
ابني اشحلاته من خذيته ... حسبالي ماي الشربيته
يحسين شو ميت لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شو لابس ابيض بزرتي ولاسيف شايل بيده
ابدال جم كطره عذب نبله حصل للوريده
جاما كدرت أعلى السهم يحسين ضال بجيده
المن؟ يضل عايش بعد الذبحو بحضنه اوليده
جا من دمه وليدي رويته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين آخ من الولد ذبحو بزرتك كلها
مساعه الاكبر تعّبك وعبد الله هم جملها
وجا ماخطه اوليدي السهم ركبته جن يندلها
وشضللها الوحيد مشه روحي شنو شضللها
كاروكه خالي وحركيّته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تدريني جنت مناطره يمه يكلي ويكبر
اتعاب ست شهر مشت يحسين وانت اتصور
عود أكدر اغفى بفركته هيهات من عود أكدر
الكاروك ضلته المن بعد والمن اباري واسهر
لو ميته ولافاركيته ... حسبالي ماي الشربيته
يحسين ميت شو لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبدالله تتركني صدك وشابت ابوك الحيته
اكعد يبو طول الحلو الكل شهر شبريته
الموت اليردك الي شيريد يمه انطيته
جرحك كسر ظهري عبد لو تدري بسويته
موتك تراني عاتبيته ... حسبالي ماي الشربيته
يحسين شو ميت لكيته
وليدي ... وليدي
# الشاعر عباس محمد الحميداوي
١٤٤٥.٢٠٢٣ محرم الحرام
[ليلة- العاشر .. قصيده رئيسيه زينب مع الحسين ١٤٤٥]
راح اجيك حسين تتلكاني ؟
العلى التل يحسين اي هاي اني
مبين حيل تعبان ... ... اجيتك ضل يعطشان
يخويه .. .. .. يخويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين اذا قصة خدر ون كلبك الطلعني
وكتلك كبل جيتي تره اطلع يخي تسمعني
آخ التطلعها تره اتوجعك وهم توجعني
جبت الدرب ادعي يارب بحسين ربي اجمعني
حسين كلبي ضال يمك خايف
وشايله اهوايه عتب وسوالف
ولو كل حيلي خلصان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو شايفه جسمك تره مااصعد لهذا التل
بس تدري حرمه ولو ردت اندلك منين اندل
تكرهنه كل هاي الزلم ياهوه بيهم اسئل
جا غير زينب بت علي بغيرك فلاني اتوسل
كوم خويه الحر جو خدينك
اشبيها عينك ماتفكلي عينك
بيك تعيل تربان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين جم عثرة جدم واوصلك اشوي ناطر
ولو بيدي اضلن للصبح بس سبي اطلع باجر
ها هل وصلتك يبن أم مكسور مني الخاطر
هذا انت لو غيرك يخي معقوله هذا الصاير
كومة حجر ليش أعلى جسمك
مابيها حيل اتذبهن امك
تجيك ام كلب لهفان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعاوني مدري اعاونك حيّرت زينب كلش
انهضلي مو باجر زلم للكوفه بيه تغبش
انهض تره جف حرمله شعر وتراجي تهمش
شوف الخيم شبت تره والعين كام تغّوش
حسين هاي الخيم كوم اطفيهن
ومن رخصتك ضل علليك بيهن
عليل وهاي نيران ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو بيدي راح ارجع بعد يمك تضل عافيتي
وهاي امي اجتك فاطمه وللضيم فاطم جيتي
يحسين تنشدني ابدمع امك وهم ام بيتي
تنشدني من جسم الولد اشلميتي مالميتي
واشلميت منك يلي المطشر
نص منك رايح وي الاكبر
اصير المن يخوان ... اجيتك ضل يعطشان
خويه .. .. .. خويه
# الشاعر عباس محمد الحميداوي
١٤٤٥.٢٠٢٣ محرم الحرام
(ثكيل ليلة الرضيع .. ليان حال الرباب ليلة العاشر)
عبد الله ترسملي الليالي ... ايدي تهز والمهد خالي
حايره لحسين اوديك ... خايفه ترد مسبل ايديك
حيره يبني ... حيره يبني
_
تنغمي كل ساعه روحك الماي رايد تشربه
خايفه ابحظين ابيك ترد نبله امجلبه
بركبتك ياعبد يمه لهيج روحي امحسبه
خاف ترجعلي ثيابك بل الدماء امخضبه
عبد الله ياحلو المعاشر ... ماريد ميت ترد باجر
جف اللبن وبيش اغذيك ... خايفه ترد مسبل ايديك
حيره يبني ... حيره يبني
__
امعلكه روحي ابفتشت عينك افتح عينك
شهور عمرك يمه مو مال اكول اسنيك
يمه عبد الله اغفه انسه العطش وونينك
امدهونه يصبي نظرهن مابيني ومابينك
عبد الله متهدم دليلي ... عبد الله باجر صعب ليلي
باجر مو حظني اليدفيك ... خايفه ترد مسبل ايديك
حيره يبني ... حيره يبني
___
لا ليل الطال بينه ولا عمر جنه يطول
شفافك ماحجن يمه وافهمك انه شتكول
تكلي يمه اوداع شبعي وانه صايبني الذهول
الدلول ونام يبني وكعدتي باجر تزول
اضلن كاعده واشبع مناظر ... باجر بسمتك يمه تسافر
علصدر احسين نايم اخليك ... خايفه ترد مسبل ايديك
حيره يبني ... حيره يبني
___
مثل كعدتنه هسه باجر بل الطف تضيع
الماي لبن زياد لذه ومحرمه اعلينه جميع
لا الماي الباقي عندي ولا عبد الله الرضيع
تركض امك وكل خواتك يمه الموقف فضيع
يتعب ارباي ياشمعة بيتي .. باجر لليسر تصبح مشيتي
تشتاك لحنان الولده ادريك ... خايفه ترد مسبل ايديك
حيره يبني ... حيره يبني
___
عبد يمه كلي يمه كبل نطقك كلي بس
مادري العاشر شضملي روحي بلفركه تحس
عبد يمه الليل خلص وللصبح بيّن نفس
عبد يمه وين اضمك احجي لو حتى همس
اضمك وين ياصحر الرياج .. يمه لشوفتك يايمه احتاج
يابعد العافيه العطش ماذيك .. خايفه ترد مسبل ايديك
حيره يبني ... حيره يبني
خادم الرضيع : عباس محمد الحميداوي
محرم الحرام
(نزله الى الامام الحسين )
نحرك نبع ..... انصبله دمع
وحكنا نبجي اعليك ونقيم العزيه
__
شكد يلومنا النواصب من البجي شو مانمل
اي مجانينك ونحبك ونمتلك افضل عقل
كل طرق الله عظيمه وانته لله اسهل سبل
احنه من ضمن العبيد للخدمتك لو ننسئل
حبك زرع ... بكلبي طبع
وعلى اللطم اهواي متعلمات اديه
____
اليالي عشكك ماانساهن بيهن وكفة وفاء
وحبي للخدمه عظيم ماتوصفه الشعراء
انته مصلاية قبلتي لو دخلت لأي عزاء
انته كطره ماي وجهي ياسليل الاوصياء
روحك تشع ... بروحي شمع
وانه روحي الضلمه ونورك شع اعليه
____
انته منجي اليحبك من مضلات الزمان
امكعده بنص المجالس يعني بدوحة جنان
الدنيا صعبه بلا عزائك ماكو مثله احلى مكان
نمتلي بهم دنيا تدري ومجلسك للكل امان
ألي فزع .... وألي جزع
بيوم عاشر مانلومه لهل القضيه
_
راسيه بكلبي محبتك وروجة الحب تختلف
وحايره الكتاب بيها ادور الها اجمل وصف
وكتبو ابأخر بحثهم سر محبتك منعرف
الحبر ميجف عن ثنائك الحجي اكبالك يجف
كلبي انشلع .... وروحي بولع
كون هم نستجل بسجل الزجيه
__
جمر روحي ولهب نار اخيامك يوجني وجيج
وانه وين الكه بحنانك وين اكو مثلك صديج
كل بحور الدنيا سهله بس بحر حبك غميج
الطاف كبرك يبو اليمه صار حاج من الحجيج
عهدي استمع .... ماامتنع
عنك وعن خدمتك لحد المنيه
___
الناس ليش اعلينه تحجي شبيها هاي الوادم
احنه مجنونين نعرف وماكو واحد نادم
الي يتسجل بسجل الطاهره اصبح خادم
يسجد لربه يشكر انكتب بدفتر فاطم
اسمه انرفع .... عند البضع
وتسجل بسجل الخدمه الدائميه
الخادم : عباس محمد الحميداوي
محرم الحرام....
(ثكيل الى الامام الحسين )
باجر التضحيه اعلينه تصير واجب
شد حيلج باجر لكل المصايب
كالي بهذا الكلام .... من كعد وسط الخيام
وسولف بذاكه الظلام
عن العاشر ... عن العاشر
__
شلون ليله الجان بيها الجرح يلزم بلجرح
ليلة ماطالت علينه بساع طر وجه الصبح
ليله جان الموت بيها بس على خواني يلح
ليله تنضح حزن كامت الفرح بيها مانضح
بيها اعيونه مجلبه بضلام الليل
ماردنه النهار ولا هذاك الويل
سولف بفعل السهام .... من كعد وسط الخيام
وسولف بذاكه الظلام
عن العاشر ... عن العاشر
____
خيط نسمات ابو اليمه بارده وحجيه دفو
مالح الجلمه اخونا والنعم من هيج اخو
حجيه ايات ويرتل كال اسمعو وانصتو
كال باجر ياخواتي الولي مو انه العدو
اول جلمه كالها وتكطعن اول نياط
كال اسمعي يزينب المتن حضريه للسياط
كتله كون انته بسلام .... من كعد وسط الخيام
وسولف بذاكه الظلام
عن العاشر .... عن العاشر
_
بعد كالنه وبجينه وشاهدن دمعي النجم
وسولف بطاري الفرات وطاري جفين وعلم
مو بعازت ماي باجر كال انه بعازت زلم
وكال هاي اخيام زينب تحترك متضل خيم
باجر مايضل اعضيدي وعضيدج
باجر للشكف حضريهن ايديج
كتله دهري شبعد ضام ... من كعد وسط الخيام
وسولف بذاكه الظلام
عن العاشر ... عن العاشر
___
طاري الخيول اله حصه جان يذكرهن يكول
باجر اخيول اعوجيه ادوس بصدي وتجول
انه اهنانه نشدته وجان كاتلني الفضول
احنه باجر وين نمشي كولي يابن البتول
كال اتركضن وبس صوت الصياح
ولحضات وتشوفن راسي برماح
تعرثن اكبال اللئام ... من كعد وسط الخيام
وسولف بذاكه الظلام
عن العاشر ... عن العاشر
____
ذكر طاري السهم وشنهو فعله من يهد
كال باجر هذا يذبح كل دلول يلولد
باجر اتضل الرباب تهز بس خالي المهد
وباجر درب المعاره مايرجع اي احد
الذله علحرم والخدر ماتلوك
مو رايح اتركبن من اهزل النوك
تنسبن للرض الشام ... من كعد وسط الخيام
وسولف بذاكه الظلام
عن العاشر ... عن العاشر
___
كام من عدنه ودمعته تسابك بجرة الهوه
وصار جن اكتاب صفحه علصفحه انطوه
جرح البكلبه جبير ومايطيبه اي دوه
بجه وبللها لحيته ومن دمع عينه ارتوه
روحي اله فدوه وكون يبره
انه مابيه بعد وحسين اخسره
عيني سهرت ماتنام .... من كعد وسط الخيام
وسولف بذاكه الظلام
عن العاشر ... عن العاشر
الخادم : عباس محمد الحميداوي
محرم الحرام
(تجليبه او موشح إلى سيدي ومولاي الحسين )
وين هاشم مادرت شبانها
حسين طاح بكربله وتربانها
__
وين هاشم مادرت شنهو الجره
حسين جثته أعلى الرمل متوذره
وخذو عنه عيلته متيسره
وعلى الغبره امذبحه وليانها
__
وين هاشم مادرت وتدرع الزيج
واركبت واكطعت بلعجله الطريج
والحكت لحسين ابو يرح الغميج
الطاح وسط ألحومه عطشانها
___
وين هاشم مادرت شنهو الحصل
شيخ الها بكربله ضامي انكتل
خل تجي وتأخذ بثاره بلعجل
ضال مرمي ابن سيد اكوانها
____
وين هاشم مادرت حال الحرم
اعليهم اشجم شامت وحاقد هجم
الخيم شبت وين أهل هاي الخيم
وفرت النسوان من صيوانها
_
وين هاشم مادرت لو لا درت
المامشيوفه مشت وتيسرت
والدمع اخفات ماضن جاهرت
والدمع ماشافته سفيانها
___
وين هاشم مادرت وفزعت سريع
الشمر حضّر رمح حتى للرضيع
وجاب نوكً هزل وموقف فضيع
اركبت زينب والتصد عدوانها
___
وين هاشم مادرت منهو الذبح
وراسه فوك العاليات اشكد صدح
ابناكه هزله ام عون تمشي من سمح
ايكود جتاله ويطر وديانها
__
وين هاشم مادرت هذا العجب
راس ابو السجاد علرمح انصلب
وضعن خدر العايله للكوفه طب
والفواطم اتوسطت ديوانها
___
وين هاشم مادرت شنهو السبب
طوح الحادي بزينب واغترب
آه جا شنهو أعلى زينب منكتب
تنسبي وتترك ضحايا اخوانها
___
وين هاشم مادرت طاح الكفيل
والناكه بلحره اتعثر مره وتميل
وعلى الهزله جتفو زند العليل
وقافلة ضعن السبي عنوانها
___
وين هاشم مادرت وفزعت مضر
وركضه وحده اركضو صوب النهر
وجابو صافي الشراب وعلنحر
صبو الدمعه كبل جريانها
____
وين هاشم مادرت لو داريه
حسين لمو جسمه بس اباريه
والراس راح أعلى الرماح العاليه
وخبرو ابن حذلم يعلن احزانها
____
وين هاشم مادرت عن شيخها
وهيه أهل الفزعه انعرف تاريخها
وكل نساها على الخد تمليخها
ودره الكون بشيبها ورضعانها
__
وين هاشم مادرت ولامحمد علم
زينب اتماشيها اجناب الزلم
وين خل فرسانها تشد العزم
وتجيب كافور ونعش واجفانها
___
وين هاشم مادرت حال الغريب
ابلا عمامه ومن هدمه سليب
والخيول ابثوبه اتودي وتجيب
جثته ماحصل من دفانها
الخادم : عباس محمد الحميداوي
محرم الحرام
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
☝️(قصائد الليله التاسعة اراشيف + قصائد عام ١٤٤٧☝️☝️)
Читать полностью…
# محرم ١٤٤٧
(ليلة الاكبر ١٤٤٧)
ادركني بويه تصيح اليه ... يبني يالاكبر
وكبلك اجت ليه المنيه ... يبني يالاكبر
متبدي طولك يبني ... انت الذي متعبني
يبني يالاكبر ... ... يبني يالاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبويه وداعت اعيونك يالاكبر يانظر دربي
اجيتك روح مابيه وكف من صيحتك كلبي
تيهت الدرب يبني وسترك صحت ياربي
يواهس دنيتي وروحي يالمدلل يكل تعبي
وصلن اجدامي يمك شلون ... يبني يالاكبر
جاباني كلبي عمية العيون ... يبني يالاكبر
هاهيه بس لا يعني ... انت الذي متعبني
يبني يالاكبر ... ... يبني يالاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابوك بيا وكت يبني ايدينه أعلى خاصرته
يبويه طيحتك تدري خاطر روحي كاسرته
شد حيلك يالاكبر كوم مو هسه الكسر وكته
الكسر يبني اوي العباس راح تصير سالفته
انهض بداعت طول عباس ... يبني يالاكبر
اصوابك لكلبي بالهظم جاس ... يبني يالاكبر
اعتاب الفكد عذبني ... انت الذي متعبني
يبني يالاكبر ... ... يبني يالاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عمامك ياعلي حاير من اكلهم لمو الموذر
اريدن حيل اكومن بيه منك والله مااكدر
من اردن بيك للخيمه واكعد وأنوي اتصبر
زينب بالنعي شتكول رايح ياعلي الاكبر
زينب شتنعى وليلى شتصيح ... يبني يالاكبر
ودمعي وحيلي يمك ايطيح ... يبني يالاكبر
والدهر شو سلبني ... انت الذي متعبني
يبني يالاكبر ... ... يبني يالاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جم احجاية الي وياك يبويه ولازم احجيلك
تدري ابطيتحك شيصير ببوك وجيتك اشكيلك
يبويه الولد فتشت عين وحسينك يناديلك
وللخيمه يبعد الروح يالاكبر رايح انشيلك
اهناك المصيبه اهناك النياح ... يبني يالاكبر
بس كون من العطش مرتاح ... يبني يالاكبر
فكدك علي مشيبني ... انت الذي متعبني
يبني يالاكبر ... ... يبني يالاكبر
✍️عباس محمد الحميداوي
١٤٤٧.٢٠٢٥ محرم الحرام
# اليله التاسعه
(الحسين يروي لزينب حاله بعد فراق الاكبر١٤٤٦)
امشيله ابجرحي .. يازينب عذبني
والماخذ روحي .. ياخويه هذا ابني
واتمنيته يكوم ... شو مايكدر
وبحضني ومات ...اوليدي الاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب تره الميت علي .. العطره ودماه بثيابي
هلمره هد حيلي الخبر .. وكلش جبير اصوابي
ياخويه من دون البشر .. ظهري تكسره احبابي
وانظر لبن كلبي وكع .. ايناديني رد جوابي
اسرع خطواتك .. يازينب ناداني
وضيعت امجانه .. واكليبي الدلاني
اتمددت وياه ... ولعينه انظر
وبحضني ومات ... اوليدي الاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياخويه انه هم متت ... وجف دمي بشرياني
لمن نبض كلبه وكف ... هالموقف اشراواني
اوكف واطيحن عالوجه ... وعباس الج كاداني
ويازينب ابتالي العمر ... افكد اوليدي اني
زينب حاجيته ... ومارد الصوت
كتله اوصل امك ... واهناكه وموت
وابوجهي الشيب ... يكثر اكثر
وبحضني ومات ... اوليدي الاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ومعقوله كتله ياعلي ... بس اني اشبكك وحدي
تعرفني يمدلل هله ... غيرك يبويه اشعندي
بس فتّح عيونك الي ... وادريك تعرف قصدي
وشلون اوصللهم خبر ... اعيالك ومنين ابدي
وشلون أخبرها ... امك يمدلل
تموت بحسرتها ... ماضنك تقبل
ومو لجل حسين ... لأمك احضر
وبحضني ومات ... اوليدي الاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شفتيني بوداعه طحت ... جا من فكدته اشحالي؟
لمينه جسم من الأرض ... امطّشر لكينه الغالي
وياخويه مو كطع النحر ... افراك الولد جتالي
وهذا العمر يابت علي ... اخلافه ولايحلالي
شالو من صفحه ... واتناثر بالحومه
وخاف يلجمونه ... ويفز من النومه
وجيتج ياعمته ... امشي واعثر
وبحضني ومات ... اوليدي الاكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب خذه كلبي الولد ... وخلاني حاير فكري
ماينوصف منظر علي ... وضعيّت زينب ذخري
يدري علي بيه شحصل ... المتعبني باخر عمري
ويشوفنه اخيّاته اجن ... مدري شيشوفن مدري
اسكينه اتلكتني ... متعوبه ومرتابه
وارقيه تنشد ... الاكبر وينه بابا
ومصباح العاشر ... مصباح اكشر
وبحضني ومات ... اوليدي الاكبر
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[ليلة - الاكبر ... رئيسيه عن لسان الحسين بعد فقد الاكبر ١٤٤٥]
شعدكم ويه ظهري الرايح يحّدب
الميت اخو زينب ابن اخو زينب؟
شو بثنينهن مكسور مكفاي
واحد راد ماي وثاني علماي
يروح مني ... يروح مني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مكسور ظهري وداخلي ... فاكد صحبتي وي هلي
وجابولي هسه ابني علي ... ملمّوم بالحومه
ماميّزت دربي ابنظر ... والخبر مو زين الخبر
منها وبدت حنوت ظهر ... من ابني ويومه
انه الكل ساعه اودع وين المعّتبر
انه الخلوني ربعي حاير وافتر
ماتمدد اوي احد لمن مات
وطول بطول متمدد وي الاكبر
انه الترست الحومه أجسام صحبانه
شنطي ابني الحيل اوينه حيلي انه
وياعباس شيل اوليدي وياي
واحد راد ماي وثاني علماي
يروح مني ... يروح مني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بين ابني وفراك اخوتي ... ياحاله صارت حالتي
بالكوه صارت خطوتي ... اتمايل امايل
كسرتني الاكبر موتته ... لأمه شكول وعمته
يكولون شابت لحيته ... اعليه جيه راحل
ابيا وجه ارد اكول ليلى راح ابنج
بعد مايحط راسه الاكبر بحضنج
بعد ماألج كعده وياه أكلها شلون
الجان ابضحكته يشيل الحزن عنج
أكلها من ندهلي الحك اعليه الحك
لكيته اموذر وبالنفس ضل يشهك
انه بهاي حاير حيل بالراي
واحد راد ماي وثاني علماي
يروح مني ... يروح مني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا انه الحسين وطحت ... بغير اتجاه حاير رحت
بويه علي وينك صحت ... لمّن سمعته
ابني علي شيعوضه ... ركضه من اجيته ركضه
وكلبي شيوكف نبضه ... الموت ردته
شفت روحي حنين وكلش امدوهن
وكلهم ذني أوصال ابني لموهن
شبيه النبي طايح والرسول انطاه
ماي من الجنان الي يسكنوهن
ومامل الهوه من خنكه البريتي
انه الرايح اوليدي ومنهجم بيتي
درن نسوان هاشم واجن حفاي
واحد راد ماي وثاني علماي
يروح مني ... يروح مني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منهار بيه كل كتر ... بيّن على وجهي الكبر
طلعلي شيبات اشكثر ... افراك روحي
تكومني زينب لو كمت ... عن جلمة اليبني صمت
جنت بفرح بس مادمت ... دامتلي اجروحي
انه المكتوب اليه ايعيش كل لوعه
انه الهدن عليه اهمومه مجموعه
انه الذاك التريد تسحكه عشرة خيل
حتى اتساوي ظهره بطبكت ضلوعه
انه حسين اليفارك كل هله وناسه
انه حسين اليصير اعلى الرمح راسه
ماحسبت هيج اتسوي دنياي
واحد راد ماي وثاني علماي
يروح مني ... يروح مني
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
(ثكيل .. ليلة الاكبر : عندما زينب رائت الحسين هوى على جسد علي الاكبر فنظر إليها الحسين وناده )
أغلى الخدر يختي اكثر ... فدوه يروح الأكبر
المن طلعتج ادريج يختي
شفتيني متت وانتي طلعتي
-----------------------------------------------------------------
هل المره مو غفوت جفن الضنه امدد عندي
زينب لكيته أعلى الأرض جن ماي بس متبدي
موتني المدلل تره وشفتج وصحتلج ردي
تدرين الاكبر مهجتي وخدرج اعز من ولدي
لعمته الولد من افديه ... هذا فخر أفخر بيه
لو شايفتني امشابكه متي
شفتيني متت وانتي طلعتي
___
مابيه اكومن من الجسد مددت روحي ابطوله
وخدي على خده صفه وهاشم حامت حوله
كتله علي اسمي شكثر مشتاك هسه تكوله
مارد دلالي الغفه ابنص الحرب والجوله
حاولت وياه بس عين ... يفتحها ويصيح حسين
ليا حاله ياروحي وصلتي
شفتيني متت وانتي طلعتي
--------------------------------------------------------------
تيهت دربي وتيهت حيلي وحرت وين امشي
كاسرني فكده بت علي ماضل ثباتي وجأشي
دمعتي سر لمن اون وهل المره سري مفشي
ابصيوانه جيبي الحرم وكل المخيم فرشي
نريد انون وي ليلى ... الاكبر رجع مو حيله
اوي ليلى بحق يعكوبه طلبتي
شفتيني متت وانتي طلعتي
------------------------------------------------------------
زينب علي الأكبر خلص من دنية المظالم
ماعلى على فعله اي غبار خله الزلم تترادم
خيال جاب ابيده الي هامة بكر بن غانم
وكلمن يضحي لمذهبه لو مات ماضن نادم
وابني لأجل دينه مات ... نوحن علي علويات
زينب منهضم جذاب صمتي
شفتيني متت وانتي طلعتي
--------------------------------------------------------------
زينب عباره تنكتب وتنحط أبين الاقواس
الاكبر شبيه النبي بس شيخ مثل العباس
بس التفتت بلكلب احجايه كالتها الناس
لو أل هاشم خلّصو للحرم ماكو حراس
حارس ناعيه دورج ايتمثل ... زينب كافله للحرم تضل
وابجي وياج كلما انتي نحتي
شفتيني متت وانتي طلعتي
الخادم: عباس محمد الحميداوي
محرم الحرام