موفقين خدمة الحسين (عليه السلام )القصيدة ع لحن قصيدة شال الطف بيده :-
عباس ..... عباس ..... عباس ..... عباس
..... ..... ..... ..... ..... ..... ..... ..... ..... .....
جودك چا وينه ... عباس
صاحتله سكينة... عباس
عيونك تروينه ... عباس
واطرقها عيونه ... عباس
وأفدى بچفينه ... عباس
صارت القصة و فهم فحواها
و سأل واحد من برز يتباها
صاح انا العباس انا الطگاها
الحومة عكرة وبيده بس حلاها
..... ..... ..... ..... .....
هيبة نوماسه ... عباس
تكتل خزراته ... عباس
گوم الاگاهة .. ... عباس
ترجف خلاهة ... عباس
ذكرها ابيومة ... عباس
برز عباس و برز خيالها
خلس الحومة ولعب بحوالها
و خلة طشار الزلم باصنافها
سكت الگوم وخطف الوانها
..... ..... ..... ..... .....
ابيوم الطف دينه ... عباس
ما ينسى حسينه .... عباس
ما ناكر زينه .... عباس
اتكفل بالعيلة .... عباس
ماخذها بزودة ..... عباس
و وصية الكرار ما ثنالها
كال انا لزينب انا كفالها
سولف بزود الرجولة انهالها
صاح انا الكافل انا عباسها
..... ..... ..... ..... .....
حاصود بسيفه .... عباس
سواها بكيفه ..... عباس
دللهة چفوفه ..... عباس
شمر للكوفه ...... عباس
يازلمة يطوفه ..... عباس
تلاغت الگوم وسفط ذرعانها
من برز خلة الذبح مثقالها
توسمت بيه الشريعة امالها
صار مخطوف الفرات بحالها
..... ..... ..... ...... .....
چلبوو بذياله ... عباس
دخيلك گالوله ...عباس
زلزلهة بطوله ... عباس
فنهم يدنوله ... عباس
زينب بعيونه ... عباس
الحومة مكشوفة البطل خلاها
و روج متلاطم بشر سواها
من سمع زينب حچت نخواها
زلزل الحومة و حكم مرساها
..... ..... ..... ..... .....
محبوب حسينه ... عباس
نذكر صفينه ..... عباس
يحصد بيمينه ..... عباس
سواهم طينه ...... عباس
يعجنهم بيده ..... عباس
اربعطعش عام وخلس صفينها
و خلة حضن الگنطرة ايناغيها
احتارت القادة ابفعل حاميها
ايزمجر ابسيفه و گلب عاليها
..... ..... ..... ..... .....
الخادم :- حيدر مكي الحسني
وينك رفعت الراس كوملهم يعباس
يبو فاضل يبو فاضل
١١١١١١١١١١١١١١١١١١١١١١١١١١١١١١١١١٢١٢١١١١١١١
شديله عللكحيله
زينب كومي هوسيله
هذا الحيلي من حيله
خل يرجف الكوم
هذا النحلف بزوده
انطي رايته وجود
خلي يوفي عهوده كوملهم يجيدوم
كوم وصيح هذا انه
وخل يسرفن ردانه
وين الزلمه يدنانه يوم الخوه هل يوم
صيح بصوتك العالي
زينب طلعت بجالي
فنه اليوكف كبالي اظربه ضربه ميكوم
ليوم يبين الزين من ينخاه الحسين
يبو فاضل يبوفاضل
٢٢٢٢٢٢٢٢٢٢
بزودك من تطب ليها
هاي طفالي رويها
تبجي لا تخليها تصرخ عمي الماي
سو المامسوايه
جيب النهر وي مايه
انطي لزينب حجايه خله سولف بهاي
خله سولف افعالك
وتتراجف من خايلك
زينب من تجي بالك يشتدد عزم هواي
انت ياعلي ثاني
وزامط بيك عدواني
الله يحبني ونطاني اخو بشده وياي
شحلات الخوه وياك زغار كبار تنخاك
يلبوفاظل يابو فاظل
٣٣٣٣٣٣٣٣3٣٣
تخير بيهم بكيفك
من عدهم اخذ حيفك
وكطع روسه بسيفك يبن القالع الباب
يبن الماخظع راسه
لمن كطعو انفاسه
ساس الغيره ياساسه اغلى منل الهو الهاب
ابو الغيره يسمونه
تخوف خزرت عيونه
الشافه ينخطف لونه جن خزرت ابو تراب
كلها تعرف علومه
هاي ساعته ويومه
كوم وشد على الحومه العده هيج اخو نهاب
زينب زامطت بيك كافلها تسميك
ابو فاظل ابو فاضل
٤٤٤٤٤٤٤
بكيفك بيها ظل ختار
خليها الزلم تحتار
ما الهم يضل مفرار انت بكل جها كون
لبسهم عبي نسوان
صيح انه كمر عدنان
وين رجال ابن سفيان ابقو لا تشردون
علي بزينب موصيني
انطيها نظر عيني
زينب بس تامريني انطي جفوفي وعيون
روحي لجلج اطيها
الخوه لازم اوفيها
ياهو الكال يسبيها شحده اليوصل ام عون
انه الما الي وصاف الزلمه كبالي يخاف
ابو فاظل ابو فاظل
منهاج محرم الحرام ١٤٤٤ هـ
مولاي أبا الفضل العباس (عليه السلام)
أول مــا طـــاح...نِزلتـلـه الزهـره بجنحـيـن
متروس اجراح...بس گلها إِنطِيهن لحسيـن
خاف بظهـره اتبَـيّـن كسـره
بلكـت بيهـن يـسنـد ظـهـره
وما يعثـر يـم الچـفيـن
طاح چف والزهره ركضت...حَضـرَت ابـداله جنـح
وچـفـها من گـدما وجعـهـا...بيـها چـن ذاك الجـرح
مـن الضـلـع ومــن الچــف الـزهــره اتـعــانـي
واتـعـنـتـلـه ومـــا وصـلـتـلـه وطــاح الثـانـي
ومحسن جاب الجنح الثاني وصاح اخوانـي
لـومــا ذاك البـــاب اويـاكــم هـسـه امـكـانـي
وآنـه وعـبـاس...چا ع النهر اثنين انكـون
راعي النوماس...وحده وخلاهم يبچـون
بس حتى انطيه يمنه ويسره
بلـكـت بـيـهـن يـسنـد ظـهـره
وما يعثـر يـم الچـفيـن
ــــــــــــــــــــــــ١ــــــــــــــــــــــــــ
يَمَـه وصلت بس نِظَرها...وعينه صَوبها السهـم
شـلونـك اتـگـلـه ويگـلها...بـشـوفـتـچ راح الألـم
الشافـچ يا مولاتي الزهره تـروح آلامـه
ويتحـسـر ما خلصـن يـمـچ كـل ايـامـه
اوياها يسولف بس العَـمَد اتعنه الهامـه
وگبل الگـاع ايباوع طاحت لن گـدامـه
ومو فوگ الگاع...طاح بحضن الزهره اجروح
وكـلـمـات اوداع...لحـسـيـن ايحـضـر واينوح
واختـار الكلـمـات الخـضـره
بلكـت بيهـن يـسنـد ظـهـره
وما يعثـر يـم الچـفيـن
ــــــــــــــــــــــــ٢ــــــــــــــــــــــــــ
اتنوح والجنحين يمها...هـاك اخـذهـن يالگـمـر
گـلها واللـه الماذيتـنـي...حسين مكسور الظهـر
گالتله اچفوفه اعله اصفاحه وحاله اتغيَّـر
گـلها انطـيه جنحاني العنـدچ عـن لا يعثـر
ارد انهـض واتعنـالـه اركـض بس مـا أگـدر
وبَچّـه السهـم بـگـدمـا نـاداه يـا بـو الأكبـر
لا تــعـثــر گــال...وحسين يميـل اويه الريـح
ويركضله بحال...ينهـض مـره ومـره ايطيـح
وتدعيله ايوصيـهـا الزهـره
بلكت بيهـن يـسنـد ظـهـره
وما يعثـر يـم الچـفيـن
ــــــــــــــــــــــــ٣ــــــــــــــــــــــــــ
حسين والزهره الزجيه...اتـگـابـلو دمـع ودمـع
وابو فاضـل نهض لَـمَـن...لطمت الزهره الضلع
ونهض وطاح اتلگـه الگـاع بنبلة عينـه
وگـللها امروتـچ بس ضلعچ لَتلچـمينـه
وإلهـا أتـألم شـافـت أكثـر مـن چـفيـنـه
واتبسـم لَـمَـن شاهـدهـا اتقـبل اجبيـنـه
وأخذت الاچفوف...وبچت أكثر من دمع الباب
وحسـيـن ايشوف...واعليهن گلبه ايحس ذاب
وراحـلهـن خانگـتـه العبـره
بلكت بيهـن يـسنـد ظـهـره
وما يعثـر يـم الچـفيـن
ــــــــــــــــــــــــ٤ــــــــــــــــــــــــــ
عـين عبـاس السليـمـه...صافنـه بوجه أم حسـن
ايگلها يا مولاتي بَشري...اچـفوفي خوما قَصِـرَّن
گـالتله انت اختـارك الله اتكون الكافـل
يبدي هلال الگـمر وانت الدومك كامـل
وبعينـك باوع چـم مَـلَـك اليـمـك نـازل
بچـفوفك يتبرك يمـسـح دمـهـا السايـل
كـــل الأمــلاك...نزلـو يالكـافـل ينـعـوك
ويرجون هناك...تقبل بالجنه يخدمـوك
يمـضحي بچـفيـن اتـنـصره
بلكت بيهـن يـسنـد ظـهـره
وما يعثـر يـم الچـفيـن
ــــــــــــــــــــــــ٥ــــــــــــــــــــــــــ
صـوت آه من المـخـيـم...وصـل يـم المشـرعـه
ولِوْ امـوذر گـمـر هاشـم...صوت زينب يسمَعَّـه
كِله اهتـز وحَـن لزينـب حتـى اچـفوفـه
وشگـد حاول يتعنه الها الزهره اتشوفـه
باچـر تحـضـرلك گـالتـله هـنـا مچـتوفـه
واتودعك عالهـزَّل تگـصد لأرض الكوفـه
وتگـصد للشـام...والذابحكـم تمشي اويـاه
وصوت الأيتام...حـسـره اونَّـه ونـوح وآه
والسجـاد إيـمـانـه وصـبـره
بلكـت بيهـن يـسنـد ظـهـره
وما يعثـر يـم الچـفيـن
ــــــــــــــــــــــــ٦ــــــــــــــــــــــــــ
أحمد البصراوي العبادي
منهاج محرم الحرام لعام ١٤٤٣ هـ
الإمام العباس (عليه السلام)
أبـو اليمـه الشمـس تشـتـاگ إلـه هـواي
مـن گـدمــا بـو فــاضـل واگــف افـيـاي
بـچـفـوفـه يـبـلـل
ولحسـينه يظـلـل
وبـالطـف ذبـهـن أول مـا گـضـن مــاي
بگـمـاطـه ويعـرفـونـه....مـن إيگـطـعـه يـدرونـه
يعني ايريـد الحسيـن
ولِوِ دمعـه تِـرس خـده....ويوگـع يبقى من مهده
يعنـي أم الخدر ويـن
وأول مـا مـشـه بچـفـه أخـذ رايـه
من مهـده وطلـع لحسيـن مشـايـه
والجربه اعلـه متنه ومايها هوايـه
ويجي لحسين ناگع ثوبه من مايه
وراد ايحضنه بس گـله انگـعت حيـل
گـلـه المــاي أطــيـب لــو نـگـع هـيـل
وبعـيـونـه يـقَـبِـل
ولحسـينه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ١ـــــــــــــــــــــــــــــــ
بمهـده ولو نظـر زينـب....مثـل الزلـمـه يتـأهـب
من يگصـدلـه سلـطـان
وإلهـا أول نـطـق يُـمـه....وفرحت بيها هاي أمـه
ونـذرت خـتـمـه قـرآن
وگـالـت گـلبي أمَـن إبنـي الـچ كـافـل
كفـيل استاهل إخته وإخته تستاهـل
وهـوّ الكامـل اللـه ايسـخـره للكـامـل
ألــف مــبــروك كـفــالـچ أبـو فـاضـل
مــنــهـــا وگــامــت اتـگـلــه يـسـقــاء
فـخــر امــك يـكـافــل أغـلـى حـوراء
ونِطـرَتَـلـه يكَـمِـل
ولحسـينه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ٢ـــــــــــــــــــــــــــــــ
طفـل والمـاي لو شـافـه....يبـچي ويحچـي لچـتافـه
بـالـك يـوگــع الجـود
إلــزم جـودي لا تـهـتــم....المـهـم الـمـاي فـدوه الـدم
وفدوه اتطيح الزنـود
راسـي ايطيح كون وجـودي ما يوگـع
المـهــم المـاي بـالطـف للخـيـم يـرجـع
أتــوَذر وأظــل بــس ابـتـسـامـه ألـمـع
إذا جـودي وصـل يـم العـقـيلـه أسمـع
بحـوافــر أنـطـحـن كـون اويـه التـراب
المـهـم زيـنـب تـگـول المـاي إلـي جـاب
هــاي المـا تِـزَعِـل
ولحسـينه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ٣ـــــــــــــــــــــــــــــــ
من زغـره اويه ابو اليمه....مـو بسـوالـف ايفـهمـه
يفهـم نيته شتـريـد
وگـبـل الفـجـر يـنتـظـره....إبـابـه وبـأول النـظـره
يصـرخ بَـيّـن العيـد
اعله عِتبة باب أخوه بمضيفه متحضر
ويگـعـد عيـنه مـا تـرمـش عليـه تنظـر
وأول مـا أخـيـه ابـالــه شـي يـخـطــر
لـن الـراده اجــاه بتـفـضـــل وتــأمـــر
يـگـعــد دوم نـص گـعــده ويـتـانيـه
حتـى النـهـضـه أسـرع من يحـاچـيه
وبـأسـمــه يـرَتـل
ولحسـينه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ٤ـــــــــــــــــــــــــــــــ
أول مــا بــده العــاشــر....بده يشلع شكـو حافـر
لخيـل اعـداه اويه الروس
يـدري تصـيـر بـس گلـبه....ما ينـطـيه كثـر حبـه
لاخـيــه حــافــر ايــدوس
وينخه حـسيـن خَليّلـي السحـگ لَـيّـه
ويگـله حسـيـن سهـمـك ريت لو بـيـه
وإديـك ايـسلـمـن وينگـطـعـن إيـديـه
ويگـلـه الگـمـر فـدوه لـدمـعـة أرقـيـه
أصـيـر أرمـاد گـله اويـه الخـيـم كـون
ولا أطـفـالـك أنــظـرهـم يـعـطـشــون
وأبقـى إلهم أدَلِـل
ولحسـينه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ٥ـــــــــــــــــــــــــــــــ
طـاح إعله النـهـر چـفـه....ورجفت رجفة السعـفـه
زيـنـب بـيـن الإخــيـام
وطاح حسين بمـچـانـه....انگـطعت چـنهـا ذرعانـه
وعينه انترست اسـهـام
وركـض وبلحظه لنـه إعلـه الگـمر واگـع
الما يحـمـل افـراگـه اويـاه بـده ايـوادع
وزيـنـب بـس دمـع لحـسـيـنـهـا اتـبـاوع
المـا يـرجـع لـوحـده لوحـده شـو راجـع
صـاحـت ويـن أخـونـه وگـلهـا الاوداع
ثـاري اويـه النـحـبـهـم يـوصـل بـسـاع
ويحضر بس يعَجِل
ولحـسـيـنـه يظـلـل
وبـالطـف ذبـهـن أول مـا گـضـن مــاي
ـــــــــــــــــــــــــــــــ٦ـــــــــــــــــــــــــــــــ
أحمد البصراوي العبادي
(((((نزال ))
كان ابي الفضل العباس يحترق شوقآ للقتال
لكن يخجل من الحسين ع وكان الحسين ع
يعلم مايريد ابي الفضل ع
فقال له
$$$$$$$$$$$$$$$$$$$$$$$$$$$
كــوم يــاشاهين اخوتك والله اعرفك شتريد
بيك طبع اصگور اعرفك مشتهي تريد تصيد
گبالك هــواي الحباري واخــذ يـــاراس اتريد
مـــاتحب العيد كلش والحرب عندك عيـد
….
دخنت ريشاتك گلت … مشتهي اخوي اطلابه
فحطان اعرفك عالعرك … من مالت العصابه
واليطلع كبالك بعد …. بالگصه اريد اصوابه
((ها يخو ام عون …. يمزيون …. يروح احسينك ))
$$$$$$$$$$$$$$$$$$$$$$$$$$$$
المشيه ماقبوله كلش كلهه شرابة كووس
وعطوه ماكو ولاكو هدنه بكيفك تطير الروس
النهر حسبة ساعه اريده يصير بالدم متروس
وبروسهم حافر مهرتك خله يسحگ وايبوس
….
متعوب ملچ الموت اظن … بس انت خويه بكيفك
مغتاض اعرفك محترگ …. وتريد تاخذ حيفك
خويه امشي وبكيفك بعد. …. بس فشله تاخذ سيفك
((ها يخو ام عون …. يمزيون …. يروح احسينك ))
$$$$$$$$$$$$$$$$$$$$$$$$$$$$$
رد يخوي السيف فشله اتكفي خزرات العين
والتخزره بنظره وحده ايتيهه الدرب امنين
العركه تصبح هالملذهه من تصير اعله الدين
بالعرك طماع اعرفك خلي منهم لحسين
..
فحطان مثلك ع العرك …. خليني اونس حيلي
لو نطلع نعارك سوه …. لو تحلف اتخليلي
ياخوي اريدن بس كلف … تعزلي وتوديلي
((ها يخو ام عون …. يمزيون …. يروح احسينك ))
$$$$$$$$$$$$$$$$$$$$$$$$$$$$$$$
منجل بديرة سنابل اوگف بنص الگوم
من يشوفونك امشچل صگر وتشوفه الحوم
وماتثني الطگه وازعل خاف التطگه يگوم
خويه وايام الگناطر روح جددهه اليوم
…
رجفت مالك من گبل … وانه اشهد بشخصيتك
امنزغر سبع الگنطره … وادمنه المسميتك
ولتعارك بسيفك فشل … عاركهم بخاچيتك
((ها يخو ام عون …. يمزيون …. يروح احسينك ))
$$$$$$$$$$$$$$$$$$$$$$$$$$$$$$
امنيتي احط ظهر بظهر واثنينه بغيض انفوت
بس يشكي يم الله وفشل لو تعبت ملچ الموت
واليركض اگبالك يظن مالاحه سيفك مبخوت
وديله صوتك بالهوى ويلحگه ويكتله الصوت
…
موعد افطارك عالعرك …. حل وكته ها يالصايم
ماشوفك ابعيد النهر …. مجبور اظلن گايم
من تمطر الدنيه زلم …. اضحك واگلك دايم
((ها يخو ام عون …. يمزيون …. يروح احسينك ))
$$$$$$$$$$$$$$$$$$$$$$$$$$$
#الشاعر
واثق التميمي
السيده رقيه ع ليلة العاشر ..
من نار الخيم طلعت .. لبوها المنذبح ركضت
لگـته موسد التربان .. ولنـها تحشـم الخـوان
وين اخوي .. مات ابوي
…………………….....
رقـيه يامصيبـتها .. من حرگوها خيمـتها
الجمر حارگ عبايتها .. تعب طفله گـلبها
برجلها عالجمر تسحگ .. وتولها بشتم وبطگ
بركضها وصلت المفرگ .. وبده يحير دربها
وركـض طلعت تريد الي يحاميها
وتخـاف اتروح للحومه خطر بيها
لچن لحسين راحت تسعى رجليها
وصلـتله ولگـت جسمه .. سايل عالارض دمـه
بحجر مدفون وبتربان .. ولنـها تحشـم الخـوان
وين اخوي .. مات ابوي
…………………………
اجته وگـعدت اگباله .. ابوها شصاير بحاله
بروحه ما بقه وشاله .. گضت بالحومه روحه
ابوها هواي متغـير .. الرمح نص گـلبه متكسر
جروحه هوايه واتحير .. ولا تنـعد جروحه
اجـت رادت تسولفـله مصيـبـتها
ومصيـبتـها بـبوهـا تالي شافـتها
وعلى نحره بدت تجريها دمعتها
گـعـدت تجـري بالدمعـه .. وتـتلـمس كـسر ضلعـه
من جسمه الظلع شو بان .. ولنـها تحشـم الخـوان
وين اخوي .. مات ابوي
…………………………
وردت بالهـظم تـعـثر .. وگصدت خيمة الاكبر
تريده للابـو ينـغـر .. ودمعـها بخدها جاري
خـل يلحگ لبو اليمه .. مطشر عالارض جسمه
علي رادت يجي يلمه .. بنص الحومه عاري
وتلـگـتـها بهـظـمـها عالولد ليله
علي مـطبـر يـيـمه هـذا صديله
لون مجروح اني اطلع واتچيله
واصعده عالمـهـر بيدي .. وافزعه عله الابو وليدي
ووصله لخـطة الميدان .. ولنـها تحشـم الخـوان
وين اخوي .. مات ابوي
…………………….....
ولعد جاسم مشت تركض .. وگـلبها بالخطر ينبض
يبن عمي الخيول اترض .. ضلوع حسين الحگـه
الحوافر داست ابصدره .. وگُبـَل طلعت كـتر ظهره
بوسط صدره اتركت حفره .. تروح اترد تسحگـه
واجت رملـه لرقـيه تركـض وتعـثر
تعالي شوفي جاسم جسمه المطبر
يهـد العـمه جـاسم لو صدگ يگدر
لچن ذبحـو غدر شمسه .. ابني الماحصل عرسه
حـرمو فرحـة الشبان .. ولنـها تحشـم الخـوان
وين اخوي .. مات ابوي
…………………….....
وعلي السجاد ركضتله .. بدمعـة حيره صدتـله
عله عكـازه يذب حـمله .. عليل ويمشي گـوه
شتحشمه وگاضي كل حيله .. علي يريد اليـتچـيله
الدمع ضلت دمـه تسيلـه .. لبوها ماكـو نخوه
وبقـت تفـتر رقـيه وحيل محـتاره
ونص الحومه وگفت نادت انصاره
ولا واحــد يگـوم وياخـذ ابـثـاره
وركضت صوب ابو الغيره .. وردت شـايلـه الحـيره
موذرينه گـمر عدنان .. ولنـها تحشـم الخـوان
وين اخوي .. مات ابوي
…………………….....
وردت صوب خيمـتها .. رقيه تريد عمـتها
تسولف هاي حالـتها .. ولگت ماكو خيم
كلها مطشره بهـيمه .. ويتيمه تلـوذ بيـتيمه
بهذاك العاشر وضيمه .. سبو كل الحرم
وتـگـلـب بـالحـرم وتـنـادي ياعـمـه
ابوي حسين ضل عله الترب جسمه
يعـمـه امشـينه نگـعـد والــدي يمه
وناخـذ گـطـرة امـيه .. واشرب اشفـافـه بيديه
حيل من العطش ذبلان .. ولنـها تحشـم الخـوان
وين اخوي .. مات ابوي
الشاعر عقيل الحسناوي..
ليلة العاشر
( الـربــاب ع )
يزينب در لبـن صدري
ادور ابني گـطع فكري
تصيح بصوت الاحزان
نذبح عبد الله عطشان
…………… ....................
بظلام اليل بارض الطف ما بين الجـثث طلعت
تـدور اولـيدها المـذبـوح ربـاب الفاگـده گـبعت
طلعت هايمـه وتلـوع الرضيع بذبحـته انفجـعت
تـتعـثر جـثث سحگـت والــف مـره اظن وگـعت
ركضت من طرف خـيمه
بـظـلام ادور ابـهـيــمـه
الرضع وكـته اظن حان
نذبح عبد الله عطشان
…………… ....................
وزينب طلـعت ادور الربـاب وطايحـه بحيره
خافـت واحـد يصدها نـذل ماعـنـده كـل غيره
لگـتها وچان عبد الله بحـظنها مصيبته اچبيره
بلا راس الطفل مذبوح عله ذبحه رگبته زغيره
ست اشهر طفل عمره
فصلو راسه عن نحره
نـحـره اتــراب ملـيــان
نذبح عبد الله عطشان
…………… ....................
يزينب هذا عبد الله تعالي وعايني الحاله
يزينب لا تـلـوميني اذا ذب شيلـتي اگباله
ممـرود الولـد شوفي سحگت جسمه خياله
وفوگ الگاع مطشره يزينب هاذي اوصاله
اجـيت ابنـي ارضعـنـه
وذر شو هسه اشوفنـه
ضــل للخـيـل مـيــدان
نذبح عبد الله عطشان
…………… ....................
در صدري وعرفت ابني حل وكـته الطفل عطشان
طلـَعت مـاحـسبـت مـذبـوح ادور علـيه بالـوديــان
بظلام وخـوف ماحـسيت صدري عله الولـد لهـفـان
ولگيته بس لگيته شلون طفل مطشوش عالـتربـان
حرت وين الحلگ وارضع
صدگ هـذا ابني المگـطع
دخـيل اسمـك يرحمـن
نذبح عبد الله عطشان
…………… ....................
تعالـي وگـعدي اگبالي يزينب خل نلـم جسمه
اني اجمـعـهن اوصالـه وامسحي اترابها ودمه
اني ادري الطفل يسگوه گطرة ماي من يضمه
ما ادري بحوافر خيل من يعـطش تدگ عظمه
لونهـم اني ذبحوني
ولا بوليدي فجعوني
دوت بالـروح نـيـران
نذبح عبد الله عطشان
…………… ....................
راح اعـصر لبـن صدري وارشنـه على ولـيدي
بلكت لو نداوه يحس يفز ليه ويجي الجيدي
يزينـب لا تلـومـيني أم مفـجـوعه مـو بـيـدي
فرحتي وسلـوة اسنيني راحت وانذبح عيدي
هل مذبوحه جدامي
يزينب كلهن احلامي
نـهــد ابروحـي بـنـيـان
نذبح عبد الله عطشان
الشاعر عقيل الحسناوي..
محمد رسول الحميري
سلم جوازك واركب باوسع سفينه
نصب سوادك للاجوا من المدينه
وتكلك الزهره صرت من عدنه بينه
ءءءءءءءءءءءءء
حالا جهز الرايه
واتحضر للقرايه
افزع فرصتك هايه
وفايه اربات المجلس
شيعي وكربت أيامه
حلوه شدت حزامه
يبدي يجهز القامه
للهامه مسودن كالو
مو سهله تحضرلك عزه يريدلهه غيره
الحسبالك زغيره وتمر عدهم جبيره
وترد مصاريفك ضعف امنه الحنينه
ءءءءءءءءءءءءءء
حاول تدخل شويه
بأجواء الحسينيه
صدك ميه بالميه
شيعيه الغيره نخلقت
الذمك بي نقص غيره
ما يعرف تدابيره
الله مطيحه تقديره
تقصيره بوجهه مبين
الما لايح اسلال العنب ذم اليلوحه
يسودن وباجر يضل يحجي وي روحه
شما سد اذاناته النذل يسمع حجينه
ءءءءءءءءءءءءءء
فهم الخادم وحذره
لا يتحير بامره
باجر لو دخل كبره
تنتضره الدمعه الطاحت
خادم والحجي بكيفه
وهناك الكمر ضيفه
لازم مهرته وسيفه
تكليفه يوصلك سالم
هنياله اليطب للكبر والزهره يمه
مثل اليفك ريجه الصبح بسوالف امه
يتفاخر بهذا الشرف هوه وبنينه
ءءءءءءءءءءءءءءءء
حيلك لا يضل منه
اتعب للتعب إلنه
ايام العشك هنه
والجنه تريد الخادم
ابجي ولا تعز دمعه
صوتك فاطمه تسمعه
طبر والطم وانعه
عالبضعه عيونك يعمن
المن وقارك والكمر دم بلحيته
هنياله ال بمجلس عزه يحصل منيته
بالثوب الاسود يفتخر خلص سنينه
ءءءءءءءءءءءءءءءء
باجر تتعب وتكبر
وعلى الخدمه تتحسر
لو تفهمه لو تخسر
لا تنغر ايامك تركض
ما اوصيكم الهمه
وكتك لمن تقسمه
بالنص وي ابو اليمه
لو يمه لو ضل متكتر
ايامك المو بالعزه يخلصن مذله
بس دمعك على ام الخدر هذا بمحله
لا تبخل على العاشت وماتت حزينه
ءءءءءءءءءءءءءءءء
لسا باقي بالريه
عطر الاربعينية
والخدمه الحسينيه
لو هيه لو ما أتنفس
كمت احسب ثوانيهه
ليله بليله اتانيهه
كالو روحك شبيهه
ما بيهه غيرك يالعاشر
باجي على زينب منكسر حاضر عزاهه
جا قطعاً بيوم الحشر توكف وراهه
شيخلصه منهه الفاشل الحارب بجينه
يكزبر كون جلدك ويه حرف (الزاي)
اذا ما تنطيها حقـها فالسـكوت أوجب
من تكتب (الياء) يمـوت بيـك الشُوْف
بحـيث إتگـود قلمك لَحَـد مـا يتـعب
ويّه (النون) عقـلك ما يضـل يشــيل
بحيث تصيـح (مَنْ تَحْتَ العَبَا يارَبْ) ؟
عقلك وين .. ويـن .. إشوصّلك (للباء)
تشـبه بـاء ابو الحســنين لا تتـعب
شاعر ؟ شنهي شاعر ! شايف العباس
هيچ أوگوف يوگف وَي ذِكـر (زَيّنَبْ) !
عباس لو علي ياكاع زلزلي
----------------
اجه ونهرين غيره شاربلهه
وعلئ شفاف الضمايه شاربلهه
شبل ويحب الاملاگه
باشط يوجع اطراگه
شط من سيفه كف راگه
على جلد الماي بين شگ
الزلم بايات تطبگ
تفر تريد ماتلحگ
مثل البردي يبرمهه
الف عار اللذي ايطمهه
راح احجيهه ماضمهه
وعلي العباس زين شاربلهه
الزلم لبست عبي بالغاضريه
هالصوت معتلي عباس لو علي
-------------------
سهم العطش بچ گلبي بچ الماي
وآنه اخت اللو نخيته ايفز بچ الماي
من نحر النحر ما يقبل ايحط
حنطه الروس عنده اوسيفه يلگط
خيل او زلم ماي اوسعف يخبط
شنهي الماي و يزعل خواته
صم اشعير و يشمره برحاته
و گف عباس بسمار بلهاته
غص ماينبلع ريجه
وكف والنهر شگ زيجه
طلب ثاراته الغميجه
بگد ما بچه عبد الله بچ الماي
اوشهگ وختنگ بيد ابن الوفيه
بي جيش مبتلي عباس لو علي
---------------------
من اكف الماي صيري ابره تلگطين
يديه او من اهز الشط تلگطين
روس اثگال املصهه
ناوي عليهه اخلصهه
الرگاب اجذوع لوگصهه
سكاره اوماهم اسكاره
اليفر من سيفي وكتاره
احط ابراسه الف شاره
التسودن والصحه افرزهه
كل الائجت و الدزهه
خبز عالمشرعه اخبزهه
لخلي الزلم من تزحف تلگطين
ابلحاياهم لنضف الغاضريه
يغليهم غلي عباس لو علي
-----------------
بسبب دمعي على خدي .. من سطرته
طر للنهر وذكر .. من سطرته
صگر برگابهم حول
گصب ومتانيه المنجل
طواهم غزل عالمغزل
الزلم والماي والمجمع
كفخهه اوضربته مربع
طگ الزوج مايرجع
. لضمهم خيط بالابره
…. غدت تتلس العبرة العبره
…. نزل لمهم حدر شبره
يجلد النهر زورگ من سطرته
اوليومك يزحف على الگاع ميه
يصليهم صلي عباس لو علي
…………………………
ذكر عباس لمن زم .. كفخته
عهدهه الروس اطيرهه .. كفخته
چهبهه اوسيفه بيهه ايحوچ
يگطف والمنايه تلوچ
تسمع بس صريچ افچوچ
….. من الخوف طگ سنهه
….. کواغد مو زلم چنهه
….. وزن الصوف اخذ منهه
تصرفن ليهه ابو النوماس
گام ايطگهه راس براس
وتدري بسطرة العباس
شعر ماينبت عليهه .. كفخته
تصل للعضم تترك اثر هيه
بآلاف مختلي عباس لو علي
------------
بخت حيدر ابو فاظل .... علابي
هذا الگال آنه طالع .... علابي
شمرة العباس شمرة حيدره
وين ما تلگا اتبين ثغبره
من يطب عالجيش تصبح جرجره
ناس تبلع .. ريجهه الماينبلع
الما شلع من يمه راسه الينشلع
الجيش عد عباس مايسوه ربع
ناس تركع ..... ناس تخظع
ناس تطلع ..... ناس ترجع
حتى تخلص ناس تنزع
الزلم رداهه ماعدهه ..... علابي
تولاهه سطر بالغاظريه
الهم بي ينجلي عباس لو علي
…………..
الشمر من جزه يم التل يخط بي
شردت تحجي على ابو فاضل يخط بي
زعل ونتفضت الغيره
معجم صعب تفسيره
الحومه بيمنته ازغيره
بعثوگ النخل طگهه
و الهامات علگهه
طرگ اللبن يطرگهه
ظل واگف على المعبر
خيمة اخته خط أحمر
شنهي الشمر والعسكر
من علباته كض خاله يخط بي
حد بين المخيم وال اميه
الطف روس ممتلي عباس لو علي
قصيدة عباس لو علي مكتوبه
#الرادود_حيدر_البياتي #حيدر_البياتي #البياتيون_ميديا #الشاعر_السيد_احمد_النداوي
سيفه اقترب يجره .. هذا العرك يسره
شايل عمامه خضره .. عباس يعباس
زلمه ويجـوّي دمه .. والغيره اخذها امنمه
يافدوه رحت الأسمه .. عباس يعباس
مثل الغصن بديه .. كسر ظهر اليجيه
عالهيبه عالجمال .. الك هاي انحناء
منو شايفله گمررر ؟؟ .. يشع ضيّه امن الصور
يعودني اعله السهر .. من الهج اسمه
وشريد احجيله بعد .. تره بنص گلبي گعد
گبل هالدنيه انوجد .. وانوجد نعمه
من طبها المسنايه .. ترجف زلم والــرآيه
وأنته القبس من آيه .. عباس يعباس
والرآيه كاتب بيهه .. زينب سلام اعليهه
هو الكفل يحميهه .. عباس يعباس
من صولته يهاب . . حته الهوئ الهاب
جنهه السمه بديه .. وحته الارض هاي
يهيبه الما تنگدر .. احبك مدري اشكثر
يبو زندين السمر .. يا ابو الكلافه
غيوره وتمطر شيم .. يبو سيف اليهوه دم
لچنك وسط الخيم .. تنگط ترافه
طر جيش أميه بسيفه .. كلشي يسوي بكيفه
ثاره امنهد السقيفه .. عباس يعباس
هذا الـعــرك حـلاله .. لحسين تره وعياله
تذبح جفوفه خاله .. عباس يعباس
ابا الفضل عذاب .. هجم شد النگاب
وبهيبة العيوون .. عباس اجاهم
گلب حومتهم گلب .. رعيده بنص الحرب
وعليهم تااه الدرب .. گد الحرايب
علي وچنه ابهالوغه .. حسامه اعليهم طغه
استراحتهم من لغه .. سوه المصايب
يازلمه يوصل كتره .. ركضله جيش اشكبره
خله البراري حمره .. عباس يعباس
يــــم الــنــهر تمشه .. منه العذب بي رعشه
من كضه بيده ورشه .. عباس يعباس
مــاي النهر رجااه .. يتشرف ابشفااه
لكنه ما هواااه .. عباس ابا الفضل
غيور ومنه وكفوو .. ولا عزه اعله الخوو
تمشه اگبال العدو .. تارس جربته
اخو العلويه ونعّم .. طبگ بجفوفه الزلم
عله الكثره ما يهم .. واتهمه اخته
هب والهوى ايهفيله .. يا زلمه يوصل حيله
غيضه انطفح وادخيله .. عباس يعباس
والحومه طب يفنيها .. طفه النهار اعليها
يبرز غده ضل بيها .. عباس يعباس
من خزرت العيون .. ما اعتقد تهون
مو معركه انتقام .. من هاي الاعداء
اهو الي دگ الصدر .. اشتضنونه ينكسر ؟؟
يقـــاهر مــا تنـقهر .. يبن البدويه
شهم ورجوزت حرب .. دخيله الما ينغلب
ودوّت نيران الگلب .. صولاته هيه
خيري الصفراني
كمر كمر كمر كمر
ابو فاضل ياكمر
ا بو فاضل غيره. خله كومه بحيره بجاهم
شافه الحسين ابتسم صاح حي الله العلم ذلاهم
كله ابو فاضل يخوي اني واصاني ابوي انهيهم
سل سيفه وناده
طب ابن الساده
وجبير القاده
تيه مشراده بيوم الطب عليهم
فخر فخر فخر فخر
عباس ياغيره وفخر
*--*--*--*--*--*--*--*--*--*--*--*--*--*--*--*--*
نزل سبع الكنطره والجيش يرجع ليوره من خوفه
صاح ابن حيدر علي. الزلمه خل يكرب الي بسيوفه
اله اكطعنه وصل شحده يم زينب يصل ما عوفه
شحده اليدنالج
يوكف كدامج
وموجده اخوانج
يطيحون كبالج زينب وكت العازه
قهر قهر قهر قهر
والله اموتهم قهر
*--*--*--*--*--*--*--*--*--*--*--*--*--*--*--*--*
كله زود ومرجله. وزينب تصيح هله بالغيرة
هله هله على لكمر.. صار لحسين الظهر بالحيره
غيرتك تمطر مطر خويه عفيه يالكمر يا هيبه
ما عافه حسينه
وضحه بجفينه
والسهم بعينه
ويصيح وينه اليكرب خيمة زينب
شمر شمر شمر شمر
جفين ابو فاضل شمر
*--*--*--*--*--*--*--*--*--*--*--*--*--*--*--*--*
ابد ما عاف النهر ترس جوده بكل فخر. لسكينه
بس يوسفه وياقهر . صوبو راس الكمر. وي عينه
كطعو يساره ويمنته بشفافه شايل جربته لحسينه
شكد شايل غيره
يصعب تفسيره
يا شيخ الديره
ياشيخ الديره الماطخ راسه ودنك
ظهر ظهر ظهر ظهر
صار لحسين الظهر
*--*--*--*--*--*--*--*--*--*--*--*--*--*--*--*--*
يا كافل اختك ونعم انت صكار الزلم يغالي
يا هنيال الجابتك وابو فاضل سمتك كفالي
للفخر انت الفخر. بجوده ما حس بخطر هنيالي
منهو اليدنالي
وعباس كبالي
يمشي ويخيالي
ياخال عيالي منبع للغيره
خطر خطر خطر خطر
بوجوده ما حس بخطر
*--*--*--*--*--*--*--*--*--*--*--*--*--*--*--*--*
كلمات ملا فؤاد البابلي
يا جيش رِدّوا رَدّت اردود... ماخلصت العباس موجود
_*____
آل هاشم من تهد مــــــــاتنعزل
ناس تكثر بالحـــــرب كلما تقل
حسين من يصيح حيهم للقتال
يطلع من اخيامهم زلمة الطفل
انا زود اولاد حيدر شـــــــايفة
واحد من ايضل ٱيعادل طايفة
ولمّن تجرحة ينزف جنود... ماخلصت العباس موجود
_*___
هم مثلكم انا حســـــــــبالي گضت
من شفت ربع ابو الاكبر خلّـــــصت
بس گمرهم من تحزّم گمت اشوف
آل هاشم چنها كلها اتحـــــــــزّمت
لينه من شفت ابو فاضل قادم
گمت اصـيح منين هاي الوادم
ومنين جابوا هاي الحيود... ماخلصت العباس موجود
_*___
الجـــــندي والقائد واليشيل اللوة
راح تتساوى الرتب كـــــــلها سوة
چان كل همنة النصر بس هسة لا
هسة فــكروا شـلون نشتمّ الهوى
جنود كلّنا وكلـــــــمن اِعله انفاسة
والسّبع هسة اليخـــــــــلّص راسة
هذا التسومر يمّة الخدود... ماخلصت العباس موجود
_*___
يالله خل انروحلة ونســــتقبله
وناخذ الجود ونترسه احنه إله
ماتعرفونه ترة ٱمن ايطـگْ اديه
كربلا يلمهة ويطـــــگهه بكربلا
الناس تغتاب اليفر واتعــــيبة
بس هروب اليوم مابي غـيبة
وخلونه نركض نترس الجود... ماخلصت العباس موجود
_*___
هذا المتعّب الراوي بالوصـــف
هذا المخلّي العرف ماينعــرف
انا ماشــــايف مقاتل بالقــتال
الهوى واگف يمة والراية ترف
وبس گمر عدنان عندّة الراية
مو براي الهـــــوى ترفّ براية
ولمّن تشوفة يزعل اَتزود... ماخلصت العباس موجود
ــــــــــــــــــــــــ
الخادم
#كاظم عبد الحسين الحولاوي
@HxzEU1
/channel/hxzeu1
قناه نشر القصائد المنبريه
ليلة العاشر الوداع
الوداع يخواني
الوداع يخواني
...................
هاي آخر ليله نلتم بالخيام.. اه واويلاه لو طر الصبح
اني مامجروحه منكم مستحيل.. بس عليكم رايحه هواي انجرح
حسين خويه ادنه يم اختك تعال.. خل اشم نحرك الباجر ينذبح
كربله يخواني يرادلهه حيل.. وبعد كافل للعقيله مايصح
الوداع يخواني
الوداع يخواني
....................
باجر الديرت غرب تمشي الضعون .. وكلهه تتحزم عليي واني مره
وين ادير عيوني ياعباسي وين.. زينب خلافك تضل محيره
باجر امن اخيامي اشوفن بس رماد .. وگلبي مثل اخيامي ناره موجره
خويه اتمنه العمه من مستحاي .. ولااشوفن زلمه
صدلي بناضره
الوداع يخواني
الوداع يخواني
......................
ياهو بسمي ايصيح لو طبينه سوك.. والنسه البلقافله عدهن أهل
افلانه بت افلان ذوله اهلج اجوج.. وانه اضلن لاكفيل ولاامل
الماي من عيني يشح من النحيب .. وعل يتامه يسكن بگلي الوجل
ليل كلهه الدنيه بعيوني تصير.. الباجر اوياي الزمن حضر زعل
الوداع يخواني
الوداع يخواني
.....................
الزلم يرادلهه زلمه من تعيل.. ياخذ الحك منهم وماينكسر
خويه واني حرمه ماطالعلي صوت.. وخاف يطلع صوتي كدام الشمر
يابو فاضل خويه وبعينك تشوف.. زينب ام الخدر وبلايه خدر
والله دنيا وزينب بلايه الكفيل.. بيدي الحبال واطر درب اليسر
الوداع يخواني
الوداع يخواني
.....................
خويه درب الشام يالكافل طويل.. وروسكم برماح كدام الضعن
منين مادير الوجه كتال اخوي.. يحدي بينه وغايته الأصعب وطن
جم خرابه وراح أمر بيهن وابات.. خويه لجمات السبي ماينسن
آل هاشم انتم احمات الدخيل.. بياوكت نسوانكم يتغربن
الوداع يخواني
الوداع يخواني
.....................
اني من بيت اللذي يملك حصير.. ماخذيني القصر سفاك الدمه
راح اطب ديوان ناس ابلا ضمير.. واسمع ايشتمون ابوي وفاطمه
راح احجي وكلهه تسكت لو حجيت.. ينطق اعله الساني حماي الحمه
تنتهي بوداعكم عندي الحيات.. وعالصبر روحي تضل ملازمه
الوداع يخواني
الوداع يخواني
محمد هادي العقابي
((ألوليلك))
عكس الوادم أمن اتهز
ألــولــيلــك يريت أتفز
اناغيك بجرح ليل أهدعش فز يبني أليه
اناغيك وحــبل يـجـرح گـلب وآنه سبيه
يبعدالله الولد يبني ...
"""""""""""""""""""""""""""''''''''''''""""""
طــبع الــوالـده الـــتسهر أَلّتّنوم أبنها
تــهز أبـمـهده وتناغيّ وشبعان بلبنها
بس آنه أهز رمحك ياروحي وحزنها
فز يوليدي من نومك متعطل ضعنها
من يوم النمت حد طبت الشام
مو مـريـم وأهز بـرمحـــك أيام
بسهري معـوده
آنــــه الـــوالده
يم راس المهد
گلبي الــوَحَده
الوكت ماخذنه چا يلّله
فـــزّ يـــوليدي عبدالله
من هـــز الرمح يمه أتعبت تعبن أديه
اناغيك وحبل يجرح گلب وآنه سبيه
يبعدالله الولد يبني ...
"""""""""""""""""""""""""""''''''''''''""""""
عبدالله الوكت يركض جارحني بركاضه
وأخذ من عندي البسمه والــنور وبياضه
ألك افرضها يــــايمه يــــاشيخ الـفراضه
ترضا أمـــك يعبدالله گـــلبها مـــاتراضه
يتاركني وعفت بالروح يانوح
مذبوح الـــعمر ويـــاك مذبوح
مذبــوح بهجر
يــاتالي الــعمر
يــرباي الـمشه
بلوعات الصبر
يشلعان الگلب يبدي
بيه ويــمرد بـچبدي
ميته ومن أمس ضهري أنحنه يبن الزجيه
اناغيك وحــبل يــجرح گــــلب وآنه سبيه
يبعدالله الولد يبني ...
"""""""""""""""""""""""""""''''''''''''""""""
عبدالله الــجـرح بـيـه وأتـنـفس مـدامع
جنيتك يامتن نعشي ليش اتصير ضايع
يشادهني بتعب حـبك مو وكتك توادع
أعله نحرك يمه وصملله يقرآن الجوامع
شسويله الــزمن مــاصافي وياي
رخيص الماي بس ذابحنه عالماي
يــامــاي النهر
ربــيته بســهر
وتاليهه انذبح
بـسهام الــقهر
مذبوح ومتت سكته
يعبدالله الـعمر عفته
متت وآنه بهزل سوط المتن شمسوي بيه
اناغيك وحـبل يجــرح گــلب وآنــه سبيه
يبعدالله الولد يبني ...
"""""""""""""""""""""""""""''''''''''''""""""
درب الشام مايرحم ريتك يبني حاضر
بس أنته شفت كلـشي يمفتوح النواضر
وشفت أحجاره صابتك يالمجروح حاير
لاچن غمــضت عيـنك دم عــالعين صاير
نام أعله الرمح مو وادمك ذول
وراح ابســكته اوديـلك دلــلول
نــام أبــيا جـرح
نام أعله الــرمح
مــاتلگه حــضـن
وحضنك منذبح
ونّسج بــالدمع رمشي
حضنك بالحبل يمشي
حزنك بي ألم ياخذ نضر چن غاضريه
اناغيك وحبـل يجرح گلب وآنه سبيه
يبعدالله الولد يبني ...
عبد زينب
محمد الابراهيمي
يعبدالله ……. يعبدالله
عمت عيني يبن گلبي كتلتك صارت اعله ايدي
شكبر گلبي وشفت نحرك ينگط دم ترس جيدي
سماري البين بوجهي لأن باگًو عمر عيدي
وحگ العورن گلبك هذن منك تجاعيدي
سهم مو بيده ابد رايه
اجه وشگ نحر المرايه
السهم ياريته غازل رگبتي مو رگبة اوليدي
..........................
تمنيت اعله طولك توگف وتعثر يعبدالله
وتصيح ابشفتك (بابا) واگومنك بال اسمالله
سهم بواگ اجه لروحي واخذ منهه عوافي الله
سهم ماساجد بعمره واجه لنحرك كعد صلى
رگبتگ جن شذر ياقوت
يوالمهه الشبگ مو موت
شحلاتك تضحك عيونك گبل لمن تفز غفلله
.........................................
البرائه ال الله نزلهه شمر سرهه بدفو اعيونك
ورد يشبگ ورد لهفه اذا يتلاگن اجفونك
يمن حته بياض الله كشخته ابلمعت اسنونك
حرز حطيت الك بيدك گلت خافن يحسدونك
اغاني الغبشه من صوتك
وتموت الغبشه وي موتك
يچنك فضه واتلالي زغير وخربو لونك
................................
هلك ماسولفو بسمك يالمدلل يگلولك
اعله شيلك عركه وامزاود بخت عنده الذي ينولك
تشيل الثگلن گلبي امن ارتلك دللولك
الهضمني وحزت بكلبي سهمهم عابر الطولك
يلبحضني وتغمض العين
ويالبكتلك كتلت احسين
انت ازغر شهيد النه الماداير بعد حولك
............................
شسوي وتمطر اعيوني وثيابي ابدمك ايگطرن
وارد ابيا وجـه گلي خـواتك وامك إينطرن
جنت لمن تفز تبچي يگومن عالخد ايسطرن
مسچً ماجانن ايحطن گبل من ثغرك ايعطرن
يبزر الگعده ها يبني
عزيز وميت ابحظني
#الشاعر واثق التميمي
#أناديك الخجل أم العجل يامولاي
مولاي أعتذر … مأذيك شكثر… بذنوبي
غيرك ما ألي… بس أنت وعلي… محبوبي
آسف … آسف… يامولاي آسف
______
شكثر أذيتك وأنتة علي تصفح
حنين بگد محنتك گلبك مجرح
أمتعبك بفعالي…ذنوبي وأعمالي… وأنت تعدي
أسف أذيتك… وناكر حنيتك … آه يالمهدي
خجلان ونادم … آنة شگد ظالم… غيرة شعندي
أعرف قصرت… بس مافكرت… بعيونك
حيل أتواكحت…وأنتة السامحت… ممنونك
_______
يومية أعترفلك گلبي يتوجع
معقولة أتوب وللذنب أرجع
شمسوي بروحك..ذنبي ألي أيلوحك..ويخدش گلبك
الدنيا الغرتني… ومذنب خلتني… وعايف دربك
نادم بلساني… لو من وجداني… يطلع حبك
ماكلني الذنب… عايش بالچذب… ماتايب
وجهي أسودصدگ.. گلبي بالعشگ… ماذايب
________
بعد منا ورايح للذنب مارد
خايف لا أزعلك لو علي تبعد
بسمك مكتوبة … ياأخر توبة … للما نادم
كون بخدامك… تسجلني أقلامك …عندك خادم
مولاي أدعيلي…أسهرلك ليلي… وأصبح هايم
أمنيتي أنعدل… وبالخدمة أنقبل… سجلني
بسمك رددت… أعليك أتعودت… شاغلني
_______
حلمي آنة أصير بعشگك أمتيم
ومن ذنبي وعثرتي الفاتت أتعلم
حبك يالغالي… أينظف دلالي… من أوهامي
مولاي أصلحني..عشگك جارحني..وأنت أحلامي
ياندبة روحي.. وشوغات أجروحي.. وكل ايامي
بدموع الجفن… راسملك حضن… للملگة
طالت غيبتك… انفاسي الشوفتك… مختنگة
_______
وعدتك بس خفت ماظل على أوعودي
ألزمني ولا تهدني وأنت موعودي
من گتلك آسف ..گتلي ميخالف.. كون أستوعب
كل جمعة تمرني.. شوگك يعصرني.. وبسمك أندب
تخنگني العبرة ..ولجروحك اقرة ..وي كل مغرب
ظليت ألتفت… وكلشي ماشفت… وأتحسر
ظليت أرتجي… ياجمعة تجي… أتنطر
آسف… آسف … يامولاي أسف
______
✍️حسين حمدان الدلفي
اللهم عجل لوليك الفرج 💔
https://youtube.com/channel/UCfFU9ztlZdEskVTaSO90GpQ
Читать полностью…
