ذكرا استشهاد الرسول الأعظم صلوت الله تعالى عليه وعلى اله الطيبين الطاهرين
................... ................ ................
يا محمد ••• يا دمع يكفي لمصابك
يا محمد ••• وانته الدلي علا بابك
يا محمد يا محمد
* * * * * *
انه حيدر يا محمد وحجي وياك
بطيحتك يا نبي الرحمه فرحت عداك
انته الله يا محمد رحمه خلاك
مانزل قراءن الله والله لولاك
يا محمد ••• لكل بشر انته الشفاعه
يا محمد ••• بموتتك قامت الساعه
يامحمد يا محمد
* * * * * *
توصي بينه تكول انصحو بحرب بالميادين
حته بعدائك توصي وبال ملاعين
حكها تبجي دموم لجلك يا نبي العين
راح ائلمنك وكلك ذبحو حسين
يا محمد ••• وراحن الخدر سبايه
يا محمد ••• ونفذن هنه الروايه
يا محمد يا محمد
* * * * * *
منو للأسلام بعدك يا نبينه
وياهو من انام عينه تضل علينه
يا فجعتك وشكبرها يا ولينه
رايح من تروح ماضنك تجينه
يا محمد ••• وحنه مفجوعين صحنه
يا محمد ••• بموتتك وياك طحنه
يا محمد يا محمد
* * * * * *
يا أمير الدين من للدين بعدك
الله يرضه عليك للكفار ردك
بكلب طاهر جان للعدوان صدك
ولتشوفه ينصح تنطيه وعدك
يا محمد ••• وانته للعالم تجيه
يا محمد •••ياهو الضل للزجيه
يا محمد يا محمد
* * * * * *
محمد عبدالحسين الساعدي ✏
بعد استشهاد الأمام العباس وكاني بالسيده زينب تقول
............................. ................
كلبي انلجم صاير شي علا العباس
ما مرتاح كلب الاخت هم يعلم
اشوف السمه ضلمه بلا كمر هليوم
وشوف الدنيه كلهاا بعيني تتلعثم
اضن خانه النهر ونكطعن الجفين
ولعدوان كثره بصوبه تتهجم
واضن طاح الكمر عل مشرعه بلا راس
مكطوع النحر ولجسم متثلم
سبعين الف فارس حاطو العباس
وحده ولا اخو وياه لبن العم
وبعينه المثلث طفه شوف العين
وسهام الغدر بكليبه جنهن سم
سمعت كل العده صاحت بعالي الصوت
يحسين وبعد جا بيش تتحزم
اخوك علأ النهر ومكطع الجفين
وبلا راس باقي تحضر علا الهم
محمد عبدالحسين الساعدي ✏
عتاب ماكو يلكمر
وفيت ونته علنهر
وداع يكسر الضهر
عتاب عتاب عتاب
* * * * * *
ما اعاتب يا كفيلي شنفع العتاب
خويه ونهد حيلي شفتك فوك التراب
ونته يا عباس طايح يبن الطياب
تذكرت امي وعصرها من ورا الباب
دموع تشكي ولمدمع
وصيح ودري ما ترجع
اجيت تالي نتودع
عتاب عتاب عتاب
* * * * * *
ها يبو فاظل وفيت ونعم عباس
انته طايح وانه مني تروح النفاس
غيرتك تبقه مراجل كلها نوماس
تواردت ويه علينه نفس الحساس
اشوف غيرتك غيره
يخوي حيرتي حيره
النساء وصلن الديره
عتاب عتاب عتاب
* * * * * *
راسك انته يا كفيلي فوك الرماح
وبكطع راسك يوسفه تباها ذباح
كطع راسك يا كفيلي ولنذل صاح
نذبح يا زينب كفيلج شنفع النياح
بجيت من شفت راسك
يحيف كطعو انفاسك
لجن باقي احساسك
عتاب عتاب عتاب
* * * * * *
كافلي عنده يناس لوفه تعلوم
وبوفائه اليوم يتباهون هلكوم
كبته جنه يودم صارت اليوم
وليجيه بحاجه لا مايرد مهضوم
لكفيل ينطي حاجتكم
سريع يكضي طلبتكم
ديون عنده دمعتكم
عتاب عتاب عتاب
* * * * * *
محمد عبدالحسين الساعدي ✏
اشوفن بس حرم چا وين كافلها
يزينب وين راح الكفل محملها
* * * * * *
اشوفنج وحيده وما الج والي
الخوه طشرو غالي بظهر غالي
شفتج باليسر وانا شجره بحالي
حال الناكه من يموت صاحبها
* * * * * *
اشوفج وحدج چا وین ابو الغيره
وبيتامج يزينب حرتي جم حيره
وحدج ولمصايب زينب جبيره
حرمه ونذبح ياناس حاميها
* * * * * *
اشوفج وحدج بلحرم محتاره
چا عباس وين انكطعت اخباره
لو عدجن زلم ما هجمت الغاره
وما يحدي الضعن كافر ويسبيها
* * * * * *
الله يعين كلبج آه يبت حيدر
تشوفين اخوتج بالحومه تتوذر
يعينج الله يوم الشفتي هلمنضر
اخوتج عل ترب تذحها اعديها
* * * * * *
يزينب انتي اميره شلون يسبونج
عكب عين اخوتج ياهمه يحمونج
وسفه للسبي زينب يودونج
وكلها تصيح زينب زجر سابيها
* * * * * *
لا ضلج اخو لا واحد يعينج
من كثر البجي خلص دمع عينج
ولكافل مسافه بينه وبينج
لمسافه شلون حرمه وحيده تكطعها
* * * * * *
محمد عبدالحسين الساعدي ✏
حيدر حيدر حيدر حيدر
* * * * * *
اليومه اطبر راسي ودمي هامتي
وينخبط دمي اريده ودمعتي
تره مصاب حسين ادمه مهجتي
حيدر حيدر حيدر حيدر
* * * * * *
اني لو ما انته چا ضعت بفله
وليعوفك هاذه ضيع كل هله
هل بشر انطاني دنيه بمقتله
حيدر حيدر حيدر حيدر
* * * * * *
اليوم من راسي اريد الدم يسيح
حته اواسي الزهره وحسين الذبيح
شلون اوكف وانته يحسين التطيح
حيدر حيدر حيدر حيدر
* * * * * *
ياهو مثلك ضحه بهله الامته
ولاف هاي الدنيه كلها برايته
وثبت دين الله بحركهاا خيمته
حيدر حيدر حيدر حيدر
* * * * * *
محمد عبدالحسين الساعدي ✏
قصيدة درب اليسر
##############$$$
يا درب اليسر كل خطوه بعسر
يمشيهه الگلب
وحبال الهضم حزت بالعضم
ولموقف صعب
يا درب اليسر يا درب اليسر
* * * * * *
يا درب اليسر ايتامي وياي
ونسوان وسياط وناكه هزله
عطشنه وبالعطش ماردنه هلماي
يعطش كل خليل يشوف خله
يكتلنه الرعب من الشمر جاي
لشامت نضرته لا تضن سهله
يا درب الألم بعيونه لسهم
كفال الضعن
وسفه ويا هضم بنضرات الضلم
نسونه بقن
يا درب اليسر يا درب اليسر
* * * * * *
دربك يا يسر عيشنه باهات
مو سهله بنات الحره غربه
بشفاف اليتامه تموت كلمات
وبمنضر يتم نضرتنه صعبه
راس حسين فوك رماحهم بات
وينضر لليتامه شحال كلبه
يا لوعت سبي ويه الاجنبي
يحدينه الزجر
وشنفع الحجي وليفيد البجي
مذبوح الخدر
يا درب اليسر يا درب اليسر
* * * * * *
يا درب وبعد ماعندي وليان
وخوي بكربله ممرود كلبه
وحيده وكامو يحيطوني عدوان
وحسن جرت الانفاس صعبه
ضلو علترب وماكو دفان
يدفنهم وهاي الناس غربه
وشكبر الام عل شاطي العلم
طاح ويلكفل
وبعينه الرمح بكلبه شكم جرح
وضعه مو سهل
يا درب اليسر يا درب اليسر
* * * * * *
يادرب وبعد وبداخلي حساس
حيدر حاضر وياي المصيبه
اجينه منل مدينه ويانه عباس
يغضب لو سمع جلمت غريبه
ماضن كافلي باقي بلا راس
ويشوف حبال بيدين الحبيبه
يا يوم هدعش تمنيته لنعش
لان شفت الهضم
وبسوط الشمر وحبال الزجر
رقيه تنضلم
يا درب اليسر يا درب اليسر
* * * * * *
يا درب اليسر ومندخل الشام
بس انه وعلي السجاد باقيين
ماشوفن زلم وبهاي اليام
اشوفن هل زلم كلها نساوين
حسيني ولكمر يمي ولحلام
نكعد وبصورهم تنضر العين
ردو يخوتي الكم عازتي
ضيعنه الدهر
بالخيل نهشم وبصدره الام
طايح عل نهر
يا درب اليسر يا درب اليسر
* * * * * *
محمد عبدالحسين الساعدي ✏
مغدور آه يا جسام
مذبوح آه يا جسام
* * * * * *
يوم لتعانه ابن الحسن للحومه
بعلومه سرها عمته المضلومه
وطشر جثثها الانذال • • • ابن الحسن بلطف كال
وين البطل ولابطال • • • خليوصل البتاري
من والدي موصه بخدمتك عمي
وشجعتني لهاي لوصيه امي
فدوه الك هاي الانفاس
يم جدي مرفوع الراس
غدروك آه يا جسام
حرموك آه يا جسام
* * * * * *
امك وريد ارباي توفي بدينه
عمك اريد علا المصيبه تعينه
اعرف سند للشدات • • • وعيناك علذل متبات
وتصيح للذل هيهات • • • ابني واعرفك كدها
ادري صعب يبن الحسن فكدانك
بس الاهم يا يمه تنصر دينك
شد عزمك وصيح بصوت
للدين وينك يلموت
يلروح اه يا جسام
مذبوح اه يا جسام
* * * * * *
جسام طب للحومه وبكل عزمه
ليوصل كباله ويضل منه زلمه
طشر رأوس الارجاس • • • غدروه ونصاب الراس
وهوه بأخر انفاس • • •ويصيح فدوه الديني
لو ما غدر چا محد اليوصله
لمنهم شرد صطره بجبينه خله
وخله اثر في كل راس
ضربته ضربت عباس
عدرك آه يا جسام
ذبحوك آه يا جسام
* * * * * *
لمن نضرله حسين شافه مخضب
مكطوع راسه وعل تراب مسلب
شافاه مكطوع الراس • • • صاح علا عمه العباس
شنهو لجره بهل احساس• • • من نحنو يم جسام
بعده بشبابه ولعرس ما شافه
من العطش ذبلانه ابني شفافه
انا امك آه يا جسام
من بعدك يا جفن ينام
مسلوب آه يا جسام
مصيوب آه يا جسام
* * * * * *
جسام ماشاف بشبابه الراحه
بأول شبابه ونطفه مصباحه
طول ابني جاسم محلاه• • • يوم العرس مات اضوه
حنته صارت بدماه • • • راسه نطبر يا ويلاه
جاسم ينور امك هلال تشوفك
يمه هضيمه بدم تحني جفوفك
يا جاسم وفيت ارباك
يا يمه فدوه لعيناك
وفاي آه يا جسام
وياي آه يا جسام
* * * * * *
جسام يا سلوت حياتي وشوفي
وشوفتك للعله دوه وتشافي
يا يمه ليش يغدروك • • • براسك عمدهم صابوك
يا شمعه ليش يطفوك • • • جيش الكفر غداره
يا دوه جروحي ويبني يا مهجتها
عازه علا شوفك وشكبر عازتها
جاسم يا شوف لعيناي
رد يمه يل شوفك ماي
يا نور آه يا جسام
مغدور آه يا جسام
* * * * * *
محمد عبدالحسين الساعدي ✏
قصيده يوم ٧ من محرم
لسان حال الآمام الحسين عليه السلام
$$$$$$$$$$$$$$$$$$$$$
انلجم كلبي وطلعت اركض عليك
من وصلتك شفتك بلايه اديك
صدك يا عباس طايح يا عمود الخيمه
انكسر ضهري بفركتك يل نمت بالهيمه
روحي تشتاك الحجيك • • • خويه دليني عليك
* * * * * *
صدح صوتك من بعيد • • • خويه طحت بلايه ايد
ونمرد كلبي وجوت خدي دمعتي
ما كلتها ولا حجيت • • • • من سمعتك دنكيت
كلمت الخويه بحياتك ما كلتلي
خويه شلون محتار لمن فاركتني
طايح واني الهموم تاخذني وتردني
خويه كبال شمات هل طلعت دمعتي
بوداعك يعباس حيره حيرتني
من وصلتك خويه كمت اوكف وطيح
ما مصدك دمك كبالي يسيح
خويه زينب تنتضرنه نرجع الها ثنينه
من ارد شرد اكللها لون تنشد وينه
امشي خطوه وارد ليك • • • خويه دليني عليك
* * * * * *
صعبه وصعب عندي هاي • • • سكنه منتضره وراي
شراح اكلها من ارد للخيمه وحدي
بويه چو وحدك اجيت • • • عمي وينه وما حجيت
شلون اكلها عل نهر عباس مدمي
يوم وصلت الخيام اجن ركضن عليه
ارجع صاحت ام عون وسكينه ورقيه
نار العطش تنزاح لو نكعد سويه
شلي بجربت لماي لو رديت اليه
من وصلت اخيامي وعفتك صريع
كلها تنشد عنك وحته الرضيع
كلها صاحت عمي وين ورحت صوب الخيمه
طاحت الخيمه عليه وطاح راعي الشيمه
وانته مكطوعات اديك • • • خويه دليني عليك
* * * * * *
خويه تدري من هويت • • • محني وتوجه بقيت
فركتك يا خويه صدك حيل صعبه
يا دمع يشرحلي حال • • • العدو عكبك بيه عال
وحدي خويه اوين ما اندار غربه
تره لفاكدله عباس يفكد حته حيله
يبقه لوحده محتار شطوله يصير ليله
ولفاكدله خوان رجليه ما تشيله
يا عباس الحسين باقي بطرك ويله
صحت عباس ولشامت بده يسمع
وانا ادري شماصيح عليك ما ينفع
طحت يا عباس وحدك ونا ضال اشتم هوه
كون يا خويه اموتن يمك ونلتف سوه
روح وانه شويه اجيك • • • خويه دليني عليك
* * * * * *
يا بو فاضل من تروح • • • عكبك ابقه بلايه روح
مو سهل يكتل تره فراك الأخوه
ذكرياتك يل بعيد • • • الكعده يمك جنها عيد
وهسه متمدد كبالي والله بلوه
اذكر انا وياك من نكعد سويه
چنه يجبل العيد من تمر عليه
راحت هاي اليام شيردك اليه
ماخليتي عزاز يارض الغاضريه
صحت وينك ياهو اليدلين بيك
هاي جذبه لو صدك ابجي عليك
ولو كلمه احجي فدوه خويه مو كلبي نلوه
مختنك حيل بفركتك خويه يل شوفك ضوه
ارد اشمنهن اديك • • • خويه دليني عليك
* * * * * *
محمد عبدالحسين الساعدي ✏
محاوره بين الامام العباس والسيده زينب عليهم السلام في ليلت العاشر من محرم
* * * * *
السيده زينب عليها السلام
زماني شراد من عندي وكربه
اخذ كل اخوتي مني وكربه
ضمايه وعل ارض ضلو وكربه
ووكت كرب وبلاء يمطر عليه
الامام العباس عليه السلام
يزينب طحنه بس وياج نمشي
وعلا جثته الذي ادناج نمشي
انا العلا الذل ما طبك نمشي رمشي
اشلون ارضاها يسبيج الدعيه
السيده زينب عليها السلام
الحزن چو حزم جيوشه وبعده
بمصايب ضل يناطرني وبعده
زينب انا بت حيدر وبعده
يحاميني لحد هاي المسيه
الامام العباس عليه السلام
يزينب لو طلبتي الماي يجره
اجيبه واذل جيش الكفر يجره
شنهي التطلبينه اامري ويجره
واجيبنه يبت حامي الحميه
* * * * * *
محمد عبدالحسين الساعدي ✏
ماشين ماشين باجر خويه ماشين
وعداكم يضربونه وبجدنه يشتمونه
باجر خويه ماشين
* * * * * * * * *
باجر من الصبح نطلع للخرابه احنا سبايه
ولحرم يا خويه لاذت ريده شربت اميه
ولسياط العلا متوني تكطعت خويه عليه
ادخل الكوفه يبويه وناسها تشمتو بيه
لن صوت يعله منلضمه • • • ياعمه يابت فاطمه
ليش الخيام مهدمه • • • وليش الحبال ابأديه
للشام للشام خويه اخذونه للشام
وطفالك يريدونك وعيالك يتانونك
باجر خويه ماشين
* * * * * * * * *
من دخلت الشام خويه لا هلا بهاي المسيه
الحرم كلمن اجاها وانا محد ضل اليه
عل ثره ظلت اخوتي ياهو اليسأل عليه
كلها ضلت علا الغبره ولد بت سيد البريه
كل العشاير هل اجت • • • وبحرم عدعم طالبت
بس انا اخوتي توذرت • • • وياهو الي يمر بيه
واطفال اطفال تنشدني هل اطفال
عنك ضل يسألوني وين حسين كالولي
باجر خويه ماشين
* * * * * * * *
مخدرت حيدر يخويه ظلت بلايه وليها
وسكنه ياخويه العزيزه احبال شمسويه بديها
الناس تسألني عليكم وين اهلها وما تجيها
ما درو عل غبره ضلو كل ولد حيدر عليها
ولناس ضلت حايره • • • بحسين وشصار وجره
مكطوع كالو منحره • • • ومسلوب كلاولي وليها
للدين للدين راحو فدوه للدين
والمنحر يكطعونه برماحهم يشيلونه
باجر خويه ماشين
* * * * * * * * *
يا حسافه اطلع سبيه من بعد ذيج الحميه
خويه بس كلي شكلها لون تسألني رقيه
تريد ابوها تريد اخوها تريد سبع الغاضريه
خويه كدامي ضربوها وانا مجتوفات اديه
لطفله بقساوه تعاملت • • • منلسوط هيه تألمت
وطلب من عندي اطلبت • • • عمه ماروحن سبيه
علسوط علسوط رقيه صغيره عل سوط
ولحادي ينادينا ولو نكف يأذينا
باجر خويه ماشين
* * * * * * * *
خويه لو تسأل رباب عل رضيع انا شكلها
وين عبد الله تكلي وما درت مذبوح ابنها
شرد اكلها شلون حيره تحيرت خويه بامرها
چنها تدري چنها حست ما يخيبها املها
ام وتحس بيه منذبح • • • ودري بكلبها منجرح
وراس الحسين علا الرمح • • • وهيه هم زايد حملها
يذبحوه يذبحوه شمسوي ويذبحوه
رضيعك ما خلص منهم كلي شنهي مطلبهم
باجر خويه ماشين
* * * * * * * * *
محمد عبدالحسين الساعدي
ذكرا استشهاد سيدي ومولاي امير المؤمنين علي بن أبي طالب عليه السلام
يا علي او طبرتك كسرت ضهرنه
يا علي من طبرتك ويلاه صحنه
* * * * * *
أليتامه ياعلي اليله يفكدوك
يا علي تاخرت هليله ينادوك
انتضرو الجيتك يا حيدر يتانوك
ما اجيت اتاخرت ضلو يندبوك
يا ولي وايتامك تنادي اغثنه
يا علي من طبرتك ويلاه صحنه
* * * * * *
ابن ملجم انتضر تحضر صلاتك
خانك الك عمره ملفوف بعباتك
تدري انته يا علي اليله وفاتك
سلمت امرك علي لكل نايباتك
يا علي بطبرتك مجروحه مهجنه
يا علي من طبرتك ويلاه صحنه
* * * * * *
فاطمه الزهراء تتانيك بكبرها
انته سلوتها يحيدر وانته املها
نادتك حين الوكع منها ابنها
ونادتك يوم التوسدها كبرها
يا علي اونار فركاك حركتنه
يا علي من طبرتك ويلاه صحنه
* * * * * *
خاف اسولفلك وهيجها المواجع
يا علي خلافك سكت صوت الجوامع
والنواصب يا علي سووك رابع
وصاحت الاول علي كل المراجع
يا علي اوياك ما نخلف وعدنه
يا علي من طبرتك ويلاه صحنه
* * * * * *
شرد اسولفك بعد يا حيدر الصار
بخيمت الحره الابيه شبو النار
نار امها فاطمه عادوها الشرار
وضلت الخيمه توج من كل الكتار
يا علي ومصاب الحسين الهضمنه
يا علي من طبرتك ويلاه صحنه
* * * * * *
انته دنيه يا علي وانته ضواها
وانته مصباح الهدا ونور الالاها
انته تشفي جروحنه وانته دواها
وليحبك يا علي عد الله جاها
يا ولي وكلنه نادينه اشفعلنه
يا علي من طبرتك ويلاه صحنه
* * * * * *
محمد عبدالحسين الساعدي
في وصلك الخوف ولذل مابقه يا علي
وجه الكفر ينمحي لمن تطب يا علي
اليغرك بنص بحر بس صاح بسمك علي
يوصل لراك الجرف ولمعسره تنحل
وبسمك جميع العكد لو تنذكر تنحل
لوجاك طلاب ميرد منكسر تنحل
ولو اسمك نجاب ماتبقه الشدد ياعلي
بزود المرتضى حيدر علينه
ويمحي الراد يتعدا علينه
فضلك كل زمن زاهر علينه
ونعيش بزود حماي الحميه
محمد عبدالحسين الساعدي
ياحادي الضعن ريض نريد دموعنه تفيض
مصيبتنه فلا صارت بيها الوادم حتارت
* * * * * * * * *
يلحادي ريض يم هلي خليني ادمي عيوني
عافوني يا وسفه اخوتي وانذا ضل يحدوني
ردولي فدوه يخوتي ولا بلجفه تحاجوني
كربلا اه يا كربله دميتي دم جفوني
يلمسير الضعن بالله اوكف يمهم بحسره
روس اعلا الرمح صارت بيها الوادم حتارت
* * * * * * * * *
خليني اروحن للكفل لجاباني بيده مدلله
اردابجي يم راسه واون وخل تبجي كل العايله
خويه اكعد وشوف الجره وليش اتركتني محيره
غاب الكمر من غيبتك وصارت الدنيه مبهذله
صارت هندس الدنيه ماضلك بعد جيه
عينه منل سهم راحت بيها الوادم حتارت
* * * * * * * * *
يلحادي اوكف خلي اون ومن ونتي اكعدهم
عباس وحسين وعلي بلبر بقو وحدهم
شنهي لجره يا كربلاء شعندج بعد من عدهم
ما حدثت وصارت ابد بلعالم مصيبتهم
بخيول العده نداسو وملائك عل جثث ناحو
عيون الانبياء ناحت بيها الوادم حتارت
* * * * * * * * *
يلرحتو كلكم للكبر ولوحدي عفتوني
طحتو يخوتي من وكت كومولي وعينوني
لا واحد ولا اربعه عشرتكم اتركوني
الكمر ضل عل مشرعه بس هوه وصط عيوني
ضلو عل ارض كلهم منهو الي يدفنهم
ملائك عل جثث ناحت بيها الوادم حتارت
* * * * * * * * *
عباس فدوه لشيمتك وبغيرتك تحرسنه
مذبوح صع بس غيرتك لهل ساعه ضلت يمنه
محد وصل لمروتك مادام رسك عدنه
مرفوع راسك علرمح بس يلتفت ويصدنه
يكافل وفت اعهودك محد كاطع زنودك
اختك للسبي راحت وبيها الوادم حتارت
* * * * * * * * *
محمد عبدالحسين الساعدي
نون ونوح *** علا المذبوح
* * * * * * * * * *
مدامعنه تهل لحسين ومصابه
وعلا جروحه بكلبنه نار لهابه
نطبر روسنه علما يسد بابه
وكل عام اليمر نبقه عليه نوح
* * * * * * * * * *
بحسرتنه ودمعنه انوح لمصابه
ونتمنه بلطمنه نصير احبابه
نوافيها الزجيه بدمعه سجابه
بعبرتنه ودمعنه لاربعينه انروح
* * * * * * * * * *
نوصل مرقده ونوح يم بابه
وهوه بكل وكت يفكدها غيابه
وماننسه السيوف الخضبت اصحابه
بخدمتك يا بشر تصعد سفينت نوح
* * * * * * * * * *
نون وكون دمعتنه دمه تنزل
بصرخت يا حسين الارض تتزلزل
لخدمتك يا حسين الناس تتوسل
كلها تمنت وياك النحر مذبوح
* * * * * * * * * *
محمد عبدالحسين الساعدي
عفنه بيوتنه ولزيارتك جينه
بقافلت الحزن زينب تلاكينه
* * * * * *
عفنه بيوتنه وجيناك يا مولاي
جبت امي وبوي وكل هلي وياي
جبنالك ويانه شويه شربت ماي
نرويك ونريد مصابك نعينه
* * * * * *
اجيناك ومخزنه بعينه الدمعه
وانته الجايك هيهات مترجعه
يشعر بالدرب وياه واتبعه
ومن يتعب تكومه بايدك تعينه
* * * * * *
انته تعين كلمن معتنيك وجاي
ولكاصد بحاجه تدزه للوفاي
كل عله دواها بستكان الشاي
بزادك حته الاعمه تبتصر عينه
* * * * * *
زادك وكل المحتاج والتاجر
وتجمع كلها صفه بموكب وجادر
اليوصل مرقدك لا ما يرد حاير
نجيك زحوف لو تعبنه رجلينه
* * * * * *
عفنه اهدافنه ونوصلك الغايه
وبيوم اربعينك كلنه مشايه
للكافل بدينه ترفرف الرايه
ندخل مرقدك يحسين خلينه
* * * * * *
محمد عبدالحسين الساعدي ✏
انا زينب ••• يالحسن يلدللتني بموتت امي
انا زينب••• لو رحت ياخويه ياهو ليضل يمي
انا زينب انا زينب
* * * * * *
وداعت الله يالحسن هليله اودعك
لوبديه خويه للمنزل ارجعك
خويه كلي بيا كلب جنازه اتبعك
شلون من باب الزجيه خويه اطلعك
انا زينب ••• خويه ما ارضاها تتركنه وتسافر
انا زينب ••• من رحت عني واعيش بامل باجر
انا زينب انا زينب
* * * * * *
يالحسن وحسين يبقه بلايه ناصر
باجر منترك يا خويه وتسافر
لو وكع عل مشرعه العباس باجر
يبقه وحده خويه بين الكوم حاير
انا زينب ••• من بعدهم امشي يا خويه اسيره
انا زينب ••• لا اهل ضلتلي لا ضلت عشيره
انا زينب انا زينب
* * * * * *
يالحسن يا عضم الفراك بغيابك
نعيش كل ليله يخويه احنه بمصابك
يلي مارديت واحد داك بابك
احنه اخوتك ننتظر ردت جوابك
انا زينب ••• وانتضر منك يخويه ترجع وياي
انا زينب ••• كمت اتمنه يخويه تكعد حذاي
انا زينب انا زينب
* * * * * *
خويه باجر كربلا تطشر شملنه
يلحسن اكعد عليك بداعت امنه
لو شفت ياهو الذي يحدي بضعنه
يالحسن ذباح اخوتك يمشي يمنه
انا زينب ••• خويه مابيه بعد احمل مصايب
انا زينب ••• مابقالي حيل من عكب الحبايب
انا زينب انا زينب
* * * * * *
يالحسن يلي جنت امنه وابونه
بفكدك الشمات كام يحاربونه
بكربله وطفها الاعادي يضربونه
يشتمونه وتعبونه ولوعونه
انا زينب ••• من بعد عزي ودلالي اطلع سبيه
انا زينب ••• ادخل الديوان وكبال ال اميه
انا زينب انا زينب
* * * * * *
محمد عبدالحسين الساعدي ✏
كلما اباوع علراس • • • ينضرلي وكله احساس
ماضن طحت يلعباس • • • وحنه العده يسبونه
* * * * * *
من اشوف الروس اكولن ما يموتون اخوتي
واحنه سابين الاعادي شحده يسبينه اجنبي
مايفاركني كفيلي وابد مايرضاها الي
لو غضب عباس وغضب يكسره جف عاذلي
جيش العده وهل ارجاس • • • ماتنعد بجف عباس
شحده الي يكطع هلراس • • • وماضن سهم طك عينه
* * * * * *
صدك كلهم فاركوني لاكن ويانه مشو
بالسبي وياي اخوتي وابد ما عني بعدو
شفت راس حسين مره من كرب يمنه العدو
رعب جيش الكفر كله وابد ما يمي كربو
يمشون اخوتي وياي • • • شحدهم يوصلولي اعداي
شوفت ابو فاظل ماي • • • وكل اخوتي يحمونه
* * * * * *
وين اليكولون عني مشت زينب للسبي
واني حاضر يمي حيدر جايب وياه النبي
منهو اليكيد اديه وانا بنتك يالأبي
تكطعو كلهم اخوتي وابد ما طاحت عبي
حيدر اجه يمشي حذاي • • • ومن فوكي راس الوفاي
وحسين يحرس يمناي • • • وياهو الي يكرب لينه
* * * * * *
اني حره وابقه حره شما قسه وياي الزمن
ابقه اني الحره زينب ما يوكعني الحزن
اطفال ولنسوان قاده بالدرب لا ما بجن
ليصد لينه بنضره وحده عيونه وحدهن عمن
شما يقسي ويانه البين • • • يحرسنه راسك يحسين
تحرسنه انته منل عين • • • وعباس يم اسكينه
* * * * * *
من اشوفن راس اخويه مرتفع ويه السمه
هاي معناها انتصاري وتفرح امي ماطمه
من وكع دم الحسين الدنيه صارت مضلمه
كل غروب السمه حمره هذا من سيل الدمه
دمهم وكع يا هلناس • • • من سا ذل الأرجاس
الرايه راس العباس • • • شايلها جف حسينه
* * * * * *
محمد عبدالحسين الساعدي ✏
يا هلا يا هلا بليث الكتايب
بكربله بكربله سوه العجايب
* * * * * *
ليوم ابو فاظل وصل ارض الطفوف
ليوصل اكباله يضل بلايه شوف
خزرت عيونه محت كل الصفوف
كامت الوادم منسمه تموت خوف
تسودنو تسددنو برفت الشارب
بكربله بكربله سوه العجايب
* * * * * *
طب ابو فاظل اسد عل مشرعه
لجل اخوه حسين جفه وكعه
راد صوته للحسين يسمعه
جفي فدوه واسم الحسين ارفعه
تشمرو تشمرو فوك الترايب
بكربله بكربله سوه العجايب
* * * * * *
من اجت زينب لعباس الكمر
رادت الماي وطلع صوب النهر
ذل الجيوش وطلع نجم الضهر
وحته ماي العلكمي ضهره نكسر
من وصل من وصل ذل الكرايب
بكربله بكربله سوه العجايب
* * * * * *
ناوي ابو فاضل يسوي الما جره
ولنعم سموه سبع الكنطره
بسيفه ما خله ابد كل معضله
تيهوها الميمنه ولميسره
بشيمته بشيمته سوه الصعايب
بكربله بكربله سوه العجايب
* * * * * *
محمد عبدالحسين الساعدي
رفت رايت العباس تعنه الحومه وبلهفه
السبعين الف فارس صار جنهم واحد بجفه
شاف الزلم من الخوف بعبي النسوان ملتفه
( طشرهم عباس بسيفه)
يزينب صاح عد عيناج يوم تنخت الحره
لراد يوكف العباس من جسمه نكطع نحره
جاب لنهر ويه لماي ولنسوان منتضره
( مو بس الماي الشط جابه )
محمد عبدالحسين الساعدي ✏
اليوم عباس يزلزل حومته
صال ولكاع رعبهاا رايته
* * * * * * * * * * * * * * * *
زلزل الحومه . . . . . وشيع اعلومه
لمهم الزهرأء وخلها تفرح بيومه
تترس الجربه . . . . . وسيفك تسحبه
انته ابنه حامي الحمية ولواصله علومه
شيل بيدك جربتك . . . . . خلها تعله رايتك
والاعادي تلكتك . . . . . ذلها بيدك يلبطل
انت ابن عقد الوله . . . . . يا هو يوصل اله
وصال بعلومه عله . . . . . وياهو من عدهم وصل
كل الجيوش ابد ما همته
صال ولكاع رعباهاا برايته
* * * * * * * * * * * * * * * *
عينك عليها . . . . . زينب احميها
هاي من حيدر وصيه لا تخليها
بجودك ارويها . . . . . ولعده افنيها
هاي الجيوش انته كلها بخزره تفنيها
وسيفك انته غالبي . . . . . تحمي بت بنت النبي
ما يهمك ناصبي . . . . . انته غالب يل كمر
ما يهزك كل دعي . . . . . تقاتل انته المندعي
يلابي يبن الابي . . . . . انته ماتعرف غدر
دخل ولكاع طواهاا بجربته
صال ولكاع رعبهاا برايته
* * * * * * * * * * * * * * * *
كوم ومحيها . . . . . بسيفك افنيها
ذلها بيدك يا قذنفر لا تخليها
انته حاميها . . . . . انته راويها
سكنه ياسبع الشريعه بجودك اسكيها
شيل بيدك جربتك . . . . . عل شريعه فزعتك
يابو فاظل رايتك . . . . . تضهر ويل منتضر
يابن فارس مضر . . . . . اليوم تفنيها الكفر
شيل سيفك يلكمر . . . . . ورجم اعباد الحجر
بعزمه عباس محاهاا وشيمته
صال ولكاع رعبهاا برايته
* * * * * * * * * * * * * * * *
وليكرهونك . . . . . چي يهابونك
انت فارس تمحي جمع الي يبغضونك
ولينادونك . . . . . مايعرفونك
تفدي جفك لبو اليمه خل يشوفونك
طشر اجموع العده . . . . . يا ابن سيد الهده
يا سعيد بهل فده . . . . . تفدي عينك يلكمر
انت فزت بمقتلك . . . . . يم حبيبك مدفنك
جنتك تستقبلك . . . . . يا ابن سيد البشر
كلهاا رجفت رعب من سمعته
صال ولكاع رعبهاا برايته
* * * * * * * * * * * * * * * *
محمد عبدالحسين الساعدي
قصيده في حب الحسين عليه السلام
$$$$$$$$$$$$$$$$$$$$
حبك يعيش وياي كل السنين
محتاجك اني هواي اه يا حسين
* * * * * *
يا نضرت العيون • • • • يا صحوت الجنون
نحنو ايا حسين • • • • فيكه متيمون
المايعرفك يا حسين يعيش كل عمره بضلام
ولي مشه بدربك عدل ادخله جنت سلام
انته امامي ولا تلومه اليبجي من شوغت غرام
وغصبآ علا كل معتدي احسيني انته تضل امام
يا كعبت الرماح • • • • ترتيلت الصباح
فل يعتلي الصياح • • • • حيا علا الفلاح
مجانين نحنو بحب امامنا صحنا مجانين
وناحبين في كل عامآ فينا مر اليكا ناحبين
لو خلص بيها الماي اعميله عين
محتاجك اني هواي اه يا حسين
* * * * * *
يا صرختآ تدوم • • • • يا ايها الرحوم
خلينه نعتنيك • • • • وخلي الذي يلوم
يا دمعت الحر لو بجه يبجيها تزرعله حيات
وتبقه اله بس دمعته ولطمه تحضر بالممات
هذا الحسين الأبجي اله حققلي كل الامنيات
وليبجي يسكي بنبتته ويثمره جنه هل نبات
يا سيدي منجيك • • • • اعطش دمع عليك
منطيني هل امان • • • • مخليني ارتجيك
يا حسين كل العمر ماتنصه صرخت يا حسين
كل عين من ينذكر هذا الاسم تبجيله كل عين
كل العمر وفاي دمع الحنين
محتاجك اني هواي اه يا حسين
* * * * * *
دمع الحنين اجاك • • • • كله ندم رجاك
يا سيدي الحنين • • • • رايد فقط رضاك
يا دمعت اشواكي الك امشي وتضل تمشي وياي
ومنيتي كل عمري اضل لهلك ولمك وفاي
كلبي من دخل حضرتك بالشوك والحب هواي
ابجي واضل اتذكرك من اشرب كلاص الماي
كلبي شكثر هواك • • • • علفطره وعتناك
بعيوني من انام • • • • صوره ارسم الهواك
يا حنين والدمعه من تنزل الك تمسحها يا حنين
اربعين تتلكه كلمن جاي الك بزيارة الأربعين
انخه ودمع تطيح لربع بنين
محتاجك انا هواي اه يا حسين
* * * * * *
انته البدايه هاي • • • شمس وضوت سماي
يا سيدي الحنين • • • يمك فقط دواي
حبك حسين اتنفسه ومن غيرك الروح تروح
كلبي الك بالحب نطق ولدمعه بشواكي تبوح
يا سيدي اقبلني عبد بعدك اضل بلا روح
حاشاك ما تطرد محب خلص حياته بالنوح
ما عندي غير امام • • • مالكني هل غرام
فاتح دمع سبيل • • • يم صورتك ينام
يا حبيب شوكي الك ما ينتهي كل عمري يا حبيب
ولنحيب من ينذكر اسمك احس في داخلي نحيب
كل ما يمر عاشور هاج الونين
محتاجك اني هواي اه يا حسين
* * * * * *
محمد عبدالحسين الساعدي ✏
خدمتك يحسين يا محلاها
كل بشر بالكون يتمناها
* * * * * *
لخدمت حسين البشر تلزم سره
حته تضمن جنه يوم الأخره
خدمتك يحسين عدنه مفخره
ديون الكم لازم نوفيها
* * * * * *
يا حسين ايامي كلها الخدمتك
ودري بالمحشر تلفني برايتك
بالحشر تسكين انته بجربتك
خدمتك للحشر ما عفناها
* * * * * *
يا حلات ايامي كون انذرها الك
حته اعيش اسنيني كلها بمقتلك
تطمآن الروح راحه بمرقدك
حبي الك كد الارض وسماها
* * * * * *
فرصه هاي الخدمه اسعي يا بشر
لا تعوف حسين حد كطع النحر
لو سهام الدنيه تتماطر مطر
لا تعوف الخدمه وبقه وياها
* * * * * *
من تزور احسين ابقه اتوسله
يا بشر عد الله تاخذ منزله
وينطي الحاجه كفيل العائله
الزهره امه بطلبتي اترجاها
* * * * * *
محمد عبدالحسين الساعدي ✏
عينك يا حسين علينه خليها
نخيناك ونريد الحاجه تكضيها
* * * * * *
رفعنه جفوفنه بعبره وندبنه حسين
نخينه بكلب ضامي ملوع من سنين
وندري ما تقصر وانته نور العين
تعرف حاجتي منغير محجيها
* * * * * *
تعرف حاجت المتعني ليك بهم
وتكضيها الأجاك بحسرته مهتم
بس يرفع اديه يروح عنه الغم
وتنطي الطلبه انته بيد راعيها
* * * * * *
تنطي الطلبه وانته تعرف حاجتنه
ومتقصر اذا تسمعها رادتنه
عنا تزول هل امراض طلبتنه
دخيلك يا حسين نريد تمحيها
* * * * * *
دخيلك وليجيك بحاجه ما يرجع
تنطي الحاجه بيده كبل ما يطلع
وبيوم الممات الكل محب تشفع
لشيعه ماي زمزم انته ترويها
* * * * * *
تروينه وتشوف ارواحنه الذابت
وگلوب الخلايگ بالعشك هامت
جم عين لمصابك بالدمع نامت
ندري يا حسين الطلبه تنطيها
* * * * * *
تنطيها وابد متقصر ويانه
بيوم الندخل المرقدك مولانه
نوصلك وخلها تسمع اعدانه
وبابك الطلبه بدمعه نحجيها
* * * * * *
محمد عبدالحسين الساعدي
انا ام الحسن وحسين اخيه
وختهم زينب الراحت سبيه
صغار وعفتهم • • • وبالشده حضرتهم
* * * * *
بنتي الي نسبت وخوتها ذبحوها
وشافت ضيم لمن بلسبي اخذوها
يا وسفه الحبال بجفها شدوها
وبسوط العده كامو يضربوها
ليش الدهر ضل وياي مايل
اخذ بنتي لعزيزه علا الهزايل
بصبري صبرتهم • • • وبالشده حضرتهم
* * * * * *
انا ام الحسن ولعين سجابه
حكي لو صحت يحسين ومصابه
ابني لعل ترب مذبوحه اصحابه
ولحيه الشريفه بدمه خضابه
راسه الي نرفع عل سمهريه
وتباوع علرمح اخته السبيه
للدين انذرتهم • • • وبالشده احضرتهم
* * * * * *
من ينعه ابنا حذلم انا شفته
ينعه ويذكر حسيني سمعته
خبرته الرسول اني وفجعته
حسينك طايح وعيونه علا اخته
كلي يادهر شخليت عندي
خليت الشمر بالضعن يحدي
كلها حاربتهم ••• بالشده حضرتهم
* * * * * *
ولدي بيوم طاحو ما عفتهم
ومن طاحو بضيج انا احضرتهم
من صارو انا لربي انذرتهم
وهسه ولادي هل وفو وعدهم
طاحو ولدي بس لدين ماطح
للدين بكلبهم تلكو ارماح
نادولي سمعتهم • • • وبالشده احضرتهم
* * * * * *
ابو فاظل لخوته كطع جفين
وجيوش الأعادي تحيطه صوبين
وبسهم الغدر صابوله العين
كل هذا ويصيح فدوه لحسين
طاح وصاح فدوه عيوني يرحن
لبن حيدر علي خليها يعمن
من سوه مثلهم • • •وبالشده حضرتهم
* * * * * *
بالمجلس حضرت ويل يعزون
وسجلته الذي بجاها العيون
لبني يا خلك هل ناس يبجون
تره دوم اعلا بالي انتو تبقون
اوعدكم اعبركم بديه
وللجنه اطببكم سويه
يمي عبرتهم • • • وبالشده احضرتهم
* * * * * *
محمد عبدالحسين الساعدي
عضم الله لنا ولكم الاجر باستشهاد امير المؤمنين علي بن أبي طالب عليه السلام
@@@@@@@@@@
بهيده من تشيلها • • • الجنازه يجناز
الطبره هدت حيلها • • • الجنازه يجناز
هذا ابوي الغالي • • • بعده مرمر حالي
ولدمع يحلالي • • • بفكده يجناز
* * * * * *
هذا ابوي شلون يمشي وانا اضلن
والله من يوم لفكته دموعي خلصن
تعذبت من فكده حته رموشي شيبن
تدري ابد ما فاركاني النوح ولون
والله تخلص روحه • • • الي فاكدله اعزاز
يتعب منجروحه • • •الي فاكدله اعزاز
من فكدت الغالي • • • الدمع يبرالي
دموع عيني تلالي• • • بفكده يجناز
* * * * * *
الشجاعه ولكرم معروف بيهم
وليتامه بيومه ما مدو اديهم
ابد ما تنسمع جانت بواجيهم
هسه محد الهم ويسأل عليهم
اليتامه اليله • • • بلايا عشه تنام
وبلدمع تشكيله • • • وبلايا عشه تنام
اليتامه اليله • • • بلدمع تشكيله
ياهو نايم ليله • • • بفكده يجناز
* * * * * *
يا علي يا بويه احضر مو هضيمه
مو جريمه تنسبي زينب جريمه
حسينك المذبوح ونكادن حريمه
وابو فاظل كطعو اليسرا ويمينه
بكربلاء يسبونها • • • حريمك يحماي
ولعدا يسبوها • • • حريمك يحماي
صاحن احضر يا علي • • • بويه ونذبحو هلي
بعده كلشي ينوحلي • • • بفكده يجناز
* * * * * *
بويه بعدك صار بالدنيه العجايب
من رحت يا بويه شفنه احنه المصايب
وكمنه يوميه نودع بالحبايب
وال بيتك بويه ضلت علترايب
وراسه بويه حسينك • • • علا السمهريه
لو تشوفه بعينك • • • علا السمهريه
علتراب حسينك • • • ماتشوفه عينك
صحنه حيدر وينك • • • بفكده يجناز
* * * * * *
صدك بويه ليوم اشيع جنازتك
وصدك يا سيف الغدر طر هامتك
وصدك من الدمه حمره عمامتك
وانته محد جان يوصل صارمك
صدك طبرو هامتك • • • اويلاه يبويه
ولدمه علا عمامتك • • • اويلاه يبويه
ليوم من فيض الدمه • • • تصيح ويلاه فاطمه
عيوني ريتج بلعمه • • • بفكده يجناز
* * * * * *
زينبك صاحت يحماي الحميه
تهدمت اركان بيتك هلمسيه
بعد عينك ياهو اليعاين عليه
بيوم يوكع كافلي بالغاضريه
مكيده كادوني • • • القصرهم يبويه
وبسمك ايسبوني • • • بقصرهم يبويه
ولعده يضربوني • • • بكيدهم كيدوني
بس تهل اعيوني • • • بفكده يجناز
* * * * * *
محمد عبدالحسين الساعدي
يزينب لا تهمي بجيش وفواج
ولا حزنج عليه يزول وفواج
وحك خدرج اطشر الكوم وفواج
ووذرهم يبت حامي الحميه
كفو منك يبو فاظل وانا اختك
اميه شلون تسبيني ونا اختك
وحك عينك اذلنهم وانا اختك
واخذهم سبي لبن الدعيع
محمد عبدالحسين الساعدي
ضلمه صارت هلسمه • • • ماتت امي فاطمه
يادمع انزل دمه • • • دفعو الباب
روحي مشتاكه وتون • • • عندي ضل بس الحزن
روحي حنت لليحن • • • لو شخص غاب
* * * * * *
امي ماتت ولسمه حزنت عليها
رحمت الله كلها جانت بين اديها
لو بجت امي لسمه تبجي لبجيها
وهسه ما اسمع كمت لذت حجيها
غابت وغاب الضوه • • • وما بعد نكعد سوه
شلون اشمك يا هوه • • • وغابو احباب
كلبي ضل ليهم يحن • • • راحو وخلوني اون
صورهم بوسط الجفن • • • دمعي سجاب
* * * * * *
قصت امي ابد ماصارت يعالم
والله من كسرو ضلعها الكون اضلم
كون وسط الكلب انصب ليها ماتم
والطم لحد المنيه وابجي مندم
ليوم دلالي نفجع • • • وارد انوحن علضلع
علا الباب المنشلع • • • كلبي لهاب
دمعي ينزل كلدمه • • • علا مصابح فاطمه
بلحدي وابقه اذكر ضمه • • • وانعا المصاب
* * * * * *
امي غفله الموت من عندي خذاها
علوفه ربتني يامحله رباها
زغيره بس الضيم ماخذ كل صباها
راحت وخلتني مفجوع بوراها
شوفت امي الدوه • • • وللدرب هيه الضوه
امي ولجنه سوه • • • وللفرج باب
يافرح عني ابتعد • • • حزني هاذا للحد
شلون عني تبتعد • • • تحت التراب
* * * * * *
حركو الباب وصحت يمه الحنينه
بغيبتج يمه الوكت شمسوي بينه
انتي رحمه الموت اخذها من ادينه
حيدرج من غبتي وين ايدير عينه
يمه فكدج مو سهل • • • بعدج عيوني تهل
بغيبتج طاح الحمل • • • ولكلب شاب
انتي رحمه بهل ارض • • • وانتي تكملت فرض
فكدج بحيلي يرض • • • لهاذ المصاب
* * * * * *
يمه اني الحسن ضل ممرود جبدي
رحتي مني وراح يتلكاج جدي
كبل لحدج يمه انا تمنيته لحدي
ضاكت الدنيه انا ترجاج اكعدي
يمه ابدآ مو سهل • • • فكدج وما ينحمل
ضلت عيوني تهل • • • بيوم الغياب
نضرتج يم الوفه • • • بيها كل العاطفه
شوفتج بيها شفه • • • لكل الحباب
* * * * * *
محمد عبدالحسين الساعدي
زينب صاحت يا واليها
* * * * * * * * *
زينب صاحت يا كافلها
وكل الرضعان تباري الها
انهض يمسير محملها
اكعد يا عباس احميها
* * * * * * * * *
متعنيه وتهمل بل دمعه
يم كبر الكافل متربعه
وضعون الخدر متجمعه
اكعد طمنها وحاجيها
* * * * * * * * *
زينب صاحت يابو الغيره
من بعدك حيرتها جبيره
اكعد يالي ضوي الديره
محتاره وتنده حاميها
* * * * * * * * *
اكعد يل معروف بزودك
يل كافل وحملها زنودك
شيل الرايه وفي عهودك
وختك يلكافل وافيها
* * * * * * * * *
يا عباس اكعد حاجيها
اختك شوف شصاير بيها
عوف الموت واكعد ليها
من بعدك ياهو يباريها
* * * * * * * * *
اكعد يا كفال ضعوني
ترضاها مروتك يسبوني
وبسياط يضربون متوني
وللكوفه الضالم يحديها
* * * * * * * * *
وحسينك ياخويه تغرب
نايم عل تربان مسلب
كوم اكعد يا كافل زينب
من بعدك ياهو يباريها
* * * * * * * * *
محمد عبدالحسين الساعدي
ابو فاظل الكمر كسر ضهر النهر
* * * * * * * * * * *
من اجت سكنه عليه تريد ماي تنخته
دخن وطب للشريعه وترس بيده جربته
طشر جيوش ال اميه العل شريعه تلكته
وزلزل الحومه عليها وشال بيده جربته
وركع حته الكمر كسر ضهر النهر
* * * * * * * * * * * *
ماشرب ماي ابو فاظل من تذكرها اخوته
شلون يشرب ماي هوه ولعليله تنخته
هوه عطشان وهلك هلجيش من شد رايته
وشرد العسكر تراه بيوم شدها لامته
تره طب الكمر كسر ضهر النهر
* * * * * * * * * * * *
من وصل ليها ابو فاظل تيهت فرسانها
صاحت الوادم دخيلك يوم شد عنانها
تيهت درب الهزيمه وطاحت بميدانها
كلها صاحتله دخيلك يوم شد عنانها
وصل ليها الكمر كسر ضهر النهر
* * * * * * * * * * * *
دخن الحومه ابو فاظل من وصل للارض الطفوف
كام يرفس رفس بيهم لمن انطاها الجفوف
كطع اشراف ال اميه وكام يطعن بالالوف
يسحك برجليه كام وهمه ذبوها السيوف
وصل يم النهر كسر ضهر النهر
* * * * * * * * * * * *
زلزل الحومه عليهم ولمفر وين المفر
هذه طار الراس منه وذاك من خوفه نشطر
هذا يشرد علا اليمنه وذاك يركض ونبتر
جن ابو الحسنين صاب تكول جن فارس مضر
وعلي يوم الزئر كسر ضهر النهر
* * * * * * * * * * * * * * *
محمد عبدالحسين الساعدي
